BUXORO MTU FILIALIDA “RAHBAR VA YOSHLAR” UCHRASHUVI

O‘zbekiston Respublikasi Prezidenti Shavkat Mirziyoyevning 2026-yil 24-fevral kuni yoshlar bilan o‘tkazgan ochiq muloqotida belgilangan vazifalar ijrosini ta’minlash maqsadida har haftaning payshanba kuni vazirlik, idora va tashkilotlarda “Yoshlar kuni” sifatida belgilanganligi munosabat bilan Buxoro mintaqaviy temir yo‘l uzeli filialida yoshlarning fikr va tashabbuslarini qo‘llab-quvvatlash, ularning kasbiy rivojlanishiga ko‘maklashish hamda dolzarb masalalarni birgalikda muhokama qilishga qaratilgan “Rahbar va yoshlar” uchrashuvi bo‘lib o‘tdi.

Ochiq muloqot — yangi tashabbuslar sari
Uchrashuvni filial Yoshlar va ijtimoiy loyihalar bo‘limi boshlig‘i Sh.Sh. Dilov ochib berdi. Muloqot davomida filial boshlig‘i S.S. Asrorov yoshlar bilan yuzma-yuz suhbatlashib, ularning takliflari, kasbiy maqsadlari va kelgusidagi rejalari bilan tanishdi.

Yoshlar tashabbusi — taraqqiyot omili
Suhbat jarayonida yosh mutaxassislarning bilim va malakasini oshirish, zamonaviy texnologiyalarni o‘zlashtirish, innovatsion g‘oyalarni hayotga tatbiq etish hamda temir yo‘l sohasini rivojlantirishdagi faolligini yanada kuchaytirish masalalari muhokama qilindi.

Shuningdek, ish jarayonida uchrayotgan muammolar, poyezdlar harakati xavfsizligi, mehnat intizomi va yoshlarning bo‘sh vaqtini mazmunli tashkil etish yuzasidan fikr almashildi. Bildirilgan takliflarni o‘rganish va mavjud masalalarga yechim topish muhimligi qayd etildi.

Bunday uchrashuvlar yoshlarning salohiyatini ro‘yobga chiqarish, ularni yangi marralar sari ruhlantirish hamda jamoada o‘zaro ishonch va hamkorlikni mustahkamlashga xizmat qiladi.

Yoshlarga e’tibor — kelajakka e’tibor!

Rasmiy sahifalarimiz⤵️
Site | Telegram | YouTube | Instagram | Facebook | Virtual murojaat