لـ #سعد بن جدلان ⤵︎ :
" يالشيوخ الله يطول عمار الطيبين
والردي الله يعجل علينا بعدمه ".

" شيختاً ماهوب يندى لراعيها جبين
م يسمى شيخ لو كان قاضي محكمه ".

" من شنا ربعه شنوه الأوادم الأخرين
ومن فتح صدره للربعه يحبون قدمه ".

- #تعزيه_ومواساه
.
تتقدم إدارة #قناة_سعد_بن_جدلان ،
بخالص العزاء والمواساة .. لأخواننا وأشقائنا في دولة #الكويت حكومتاً وشعباً ..
في وفاة أمير الكويت الشيخ : #صباح_الاحمد_الصباح ..
رحمه الله واسكنه فيسح جناته .

- صباح #الخيَر 🌞💙.

لـ #سعد بن جدلان ⤵︎ :
" نور وجهك على من شاف منْك القبول
نور صبحٍ .. تبسّم في رهاد الجبال ".

لـ #سعد بن جدلان ⤵︎ :
" يالله بنو من الحمه ليا الحمه
ترجع عسوس السحابه م تعدوها ".

" الابل شعاها نفيضه وسرحت يمه
واهل الجهازات والشاصات خموها ".

" تخبطت ف غديره وشرعت جمه
وداجت وطابت خواطرها وردوها ".

" على رهادٍ يجي فـفي نبتها زمه
تحبها الابل وترتعـها وحبوها ".

" ترعاه وضحى شعايفها كما الهمه
مدسمة شرب الضيفان لاجوها ".

" بعض القراشيط م تستاهل الضمه
ماغير عبوا لها الوايت وعشوها ".

لـ #سعد بن جدلان ⤵︎ :
" ي طلةٍ مدري نجم مدري صباح
ي طلة الوجه البشوش .. الأصبحي ".

" ي عيطموس الحسن ي سيد الملاح
عز الله اني جيت كلي .. منتحي ".

" ي بنت عصري مع هوى الخفرات راح
لكن أنا عندي كلام .. ومستحي ".

" أضرب مثل من باب جلب الإرتياح
جبريل لا نزله ربي .. بالوحي ".

" م قابل الهادي على ثقل وجناح
يقابل محمد على هيئة .. دُحي ".

" والبيض من عانق هواهم م أستراح
وأنا كما النايم ليا منه .. صحى ".

" هني من سجلك في عقد النكاح
ي خام ي شفه ي خده ي .. لِحِي ".

" يشفي غليل الكبد من شرب القراح
أما يزيد الحب وإلا .. ينمحي ".

لـ #سعد بن جدلان ⤵︎ :
" حط لك في كل وادي ورد باقه
وإن تضايق خاطرك فانحر حديها ".

" واخذ ذربات المعارف والرفاقه
واترك اللي في صدور الناس فيها ".

لـ #سعد بن جدلان ⤵︎ :
" الجهاله في بني آدم توليه .. الدبور
لو طريقه غادي(ن) يحسب انه متجه ".

" يحسب أن م مثل شوره مع الأشوار شور
م يعرف أن له مزاج وللناس أمزجه ".

" ممكن يلاقي مزاج يبادله الشعور
لو على فلم الشطارة وفلم الدبلجه ".

" وآخر المشوار لا حصلت مافي الصدور
كل زورٍ فيه شور ليا فاق هرجه ".

" القمر والشمس كنها تسّلف منه نور
والجبال تسير تحته خيول مسرجه ".

" يحسب معه أفضليه توليه .. العبور
أن لقى الملح أزعقه وأن لقى الحلو أسمجه ".

" ي أبن آدم يلعن الله كل مختال فخور
من تواضع تحت ربي يعليه درجه ".

" السماء عجزت تصل له جناحين الطيور
م وصله إلا محمد بـ ليلة .. معرجه ".

" لجل م تدخل جهنم على شأن الغرور
للعرب حاول تواضع وتعطيهم وجه ".

" من لقى عذب المشارب ومثمرة الزهور
م قعد يغرف من البحر ويسوق احدجه ".

لـ #سعد بن جدلان ⤵︎ :
" ي شبه عدوٍ ردومٍ تزيد الني ني
في طرف ذودٍ بعارينها متفادرة ".

" القبل طفوطف وقرٍ محاصيله شوي
والمواجهة شعية الواردة للصادراة ".

" انت شّيء وش هو الشّي؟ يعني شّي شّي
شي لو بشرح عنه شي ماني قادرة ".

- #مصادفات :

لـ #سعد بن جدلان ⤵︎ :
" كم شفوفٍ خيّمت في نفوس المستحين
لين ماتت بين بني الآمال وهدها ".


لـ #سعد بن علوش ⤵︎ :
" ياكم وياكم من شفوف ومن حقوق
عاشت وماتت في صدور المستحين ".

لـ #سعد بن جدلان ⤵︎ :
" يا هلا ومية هلا .. يارحب ومية رحب
الرحب تنقل رحب والهلا تنقل هلا ".

" لين تاصل غاية امناك ي أغلى من نحب
إن سلا قلبك من الحب وإلا ما سلا ".

" شوفتك عندي بساتين وأطلال وسحب
ووحشتك يوم ابتعد عنك يادافع البلا ".

لـ #سعد بن جدلان ⤵︎ :
" ياللي على شان معكازي تبين لي
رجلي على حالها وأنا على حالي ".

" والكسر ما هوب في رجلي علي كلّي
وانت السبب في الغرابيل اول وتالي ".

" تكفي مراسيلنا العجلات ي خلي
عن مخذ الأخبار والا شوف الازوالي ".

" قلبي وقلبك توصّلك وترسلك لي
والله انها اشد من موجات الارسالي ".

" ردن سلامي عليك وجن وقالن لّي
انك ترحب وانا في خاطرك غالي ".

" ليت الغرابيل جتني من عدو لّي
إن ما تقاضيت والا بيتقاضى لي ".

" لكن من واحداً ذكره .. غناة لي
ما زلت أحبه وابا احبه ولا ابالي ".

" لا مر طرق بخدراته سلام لّي
كنّه يسلم علي بصوته العالي ".

" خلوني اسج عن موضوعه احسن لي
ولا الغلا والله ان يبطي وهو غالي ".

لـ #سعد بن جدلان ⤵︎ :
" يالله لا تورينا الجفا في عيون صحيب
ولا ضحكة الشامت ولا هرجة المنّه ".

" لا قفت مجاهيم عليها مزاهب طيب
يالله بـ مغاتير تدخلني الجنّه ".

لـ #سعد بن جدلان ⤵︎ :
" لا تخالفت المماشي تخالفت الدروب
مع من يعينك ويقدرك وتقدرّه ".

" والبشر محدٍ على شف غيره بمغصوب
من بغاله شعب فيسنده ويحدرّه ".

⁃ #دعم_الشعراء

⁃ #دعم_الشعراء
الشاعر : سعيد مقبل الأكلبي.
القناة : https://t.me/saeed3243

⁃ #دعم_الشعراء
الشاعر : حمد ال منيف
القناة : https://t.me/smo_669

————

لـ #سعد بن جدلان ⤵︎ :
" شكراً لمن يحمد وهو غايب ويجمل لا حضر
وشكراً لمن يوفي ليا من هبد لي لبته ".

" والواحد اللي يعطي احداث الزمن وسعة صدر
الله يرحم راس ابوه .. ويرحم ام ربته ".

لـ #سعد بن جدلان ⤵︎ :
" رغم فرق السن من جيلي لـ جيلك
آتحرا وانت تمشي على .. هونك ".

" ماذبحني غير حر أنتظاري لك
ياثقل دمك على اللي .. يحبونك ".