Yangi O‘zbekiston bunyodkorlari – 2026: iste'dod va mahorat maydoni

16 yoshdan 30 yoshgacha bo‘lgan texnikum o‘quvchilari, talabalar, yoshlar hamda band bo‘lmagan aholi vakillari o‘rtasida O‘zbekiston Respublikasi Prezidenti sovrini uchun kasbiy mahorat milliy tanlovining tuman bosqichi bo’lib o’tdi.

Mazkur tanlovning asosiy maqsadi yoshlarning kasbiy bilim va ko‘nikmalarini rivojlantirish, ularning mehnat bozoridagi raqobatbardoshligini oshirish, zamonaviy kasblarga bo‘lgan qiziqishini kuchaytirish hamda iqtidorli yoshlarni aniqlab, ularni qo‘llab-quvvatlashdan iborat.

Tanlovning tuman bosqichi natijalariga ko’ra, g’oliblikni qo’lga kiritib, viloyat bosqichiga yo’l olgan ishtirokchilar tuman hokimi Jahongir Nazarov tomonidan diplom va esdalik sovg’alari bilan taqdirlandilar.

👉 Боғот хабарларига аъзо бўлинг👉 https://t.me/+OmFQmopalERmNGQy

Bugun “Istiqlol” madaniyat va istirohat bogʻida sportning futbol va mini-futbol turi bo‘yicha “Davlat xavfsizlik xizmati kubogi” musobaqalarining tuman bosqichi g‘oliblarini taqdirlash marosimi o‘tkazildi

Joriy yilning aprel oyida start berilgan mazkur musobaqa 1 500 nafarga yaqin yoshlarni qamrab oldi. Unda tumandagi mavjud 43 ta mahalla yoshlaridan iborat jamoalar o‘zaro bellashdi. Final o‘yinlari yakuniga ko‘ra, mini futbol bo‘yicha Ortiq Otajonov mahallasi yoshlari 1-o‘rinni, Ashxobod 2-o‘rinni, Yangi qadam mahallasi yoshlari 3-o‘rinni, futbol bahslarida esa chempionlikni G’alaba mahallasi yoshlari qo‘lga kiritdi. Qizlar o‘rtasidagi bahslarda esa 1-o‘rin 4-hudud yoshlariga nasib etdi.

Bayramona tarzda o‘tkazilgan taqdirlash marosimida ishtirok etgan tuman hokimi Jahongir Nazarov davlatimiz rahbarining tashabbusi bilan ilgari surilayotgan yoshlarga oid davlat siyosati, uni hayotga joriy etishda Davlat xavfsizlik xizmatining hissasi haqida so‘zlab, bu kabi musobaqalar yoshlar o‘rtasida sportni ommalashtirish hamda isteʼdodli sportchilarni kashf qilishga xizmat qilayotganini taʼkidladi.

Tadbir yakunida musobaqa g‘oliblari hamda sovrindorlar kubok, medal, diplom va esdalik sovg‘alari bilan taqdirlandilar.

👉 Боғот хабарларига аъзо бўлинг👉 https://t.me/+OmFQmopalERmNGQy

“Besh million sunʼiy intellekt yetakchilari” loyihasi doirasida viloyatimiz Respublikada yetakchi o‘rinni egallab, g‘oliblikni qo‘lga kiritdi. Tanlov natijalariga ko‘ra, 30 nafar Bog‘otlik o‘quvchilar mazkur loyihada g‘oliblikni qo‘lga kiritib, viloyatimizning ushbu yuksak natijasiga munosib hissa qo‘shdilar. Shuningdek, Bog‘ot tumani ixtisoslashtirilgan maktabi “Eng faol maktab” nominatsiyasida g’olib deb topilib, "Prezident sovg‘asi" BYD avtomashinasini qo‘lga kiritdi.

Tuman hokimligi, viloyat maktabgacha va maktab ta’limi boshqarmasi, o‘quvchilar va ularning ota-onalari hamda keng jamoatchilik vakillari ishtirokida milliy tanlov g‘oliblariga noutbuk, aqlli soat, planshet hamda bosh sovrin “Prezident sovg‘asi” BYD avtomobili tantanali tarzda topshirildi.

👉 Боғот хабарларига аъзо бўлинг👉 https://t.me/+OmFQmopalERmNGQy