✅ Bugun viloyat Xalq qabulxonasida viloyat hokimi Jo‘rabek Raximovning navbatdagi shaxsiy qabuli o‘tkazildi.

✅ Qabul davomida fuqarolarning ijtimoiy-maishiy masalalar yuzasidan murojaatlari tinglandi.Har bir murojaat atroflicha ko‘rib chiqilib, tegishli tashkilot va idoralar rahbarlari ishtirokida muhokama qilindi. Ayrim masalalar joyida ijobiy hal etildi. Qo‘shimcha o‘rganish talab etiladigan murojaatlar yuzasidan mas’ullarga aniq topshiriqlar berildi hamda ularning ijrosi belgilangan muddatlarda ta’minlanishi qat’iy nazoratga olindi.

Oliy Majlis Senati a'zosi, Agrar, suv xo‘jaligi masalalari va ekologiya qo‘mitasi raisi o‘rinbosari Sayyora Abdikarimova hamda Xalq deputatlari viloyat Kengashi raisi Altiboy Rajdapovlar Bog‘ot tumanida bo‘lib, Xalq deputatlari Bog‘ot tuman Kengashi deputatlari, idora va tashkilot xodimlari bilan uchrashdi.

Muloqot davomida O‘zbekiston Respublikasi Oliy Majlis Senati tomonidan qabul qilinayotgan qarorlar, qonunlar va normativ-huquqiy hujjatlar yuzasidan batafsil ma’lumotlar berildi. Ta’kidlab o‘tilganidek, bugungi kunda qabul qilinayotgan qarorlarning mazmun-mohiyatini aholiga to‘g‘ri va tushunarli yetkazish muhim ahamiyat kasb etadi. Shu bois tuman Kengashi deputatlariga ushbu hujjatlarning asl mohiyatini keng jamoatchilikka yetkazish, fuqarolar o‘rtasida tushuntirish ishlarini kuchaytirish bo‘yicha aniq topshiriqlar berildi. Deputatlar o‘z saylovchilari bilan yanada yaqin aloqada bo‘lib, ularning muammolarini joyida o‘rganishi zarurligi alohida qayd etildi.

Ayni damda Sharq gavhari sanalgan qadimiy va hamisha navqiron Xiva shahridagi “Ichan qalʼa” davlat muzey-qoʻriqxonasi hududida anʼanaviy qovun sayli boʻlib oʻtmoqda

Xorazm qovunchiligini keng targ‘ib qilish orqali mahalliy va xorijiy sayyohlarni e’tiborini qaratish va turistlar oqimini oshirish maqsadida o‘tkazilayotgan qovun saylida Bog‘ot tumani ham o‘ziga ajratilgan pavilyonni bayramona bezatgan holda, tumanimiz hududlarida yetishtirilgan shirin-shakar qovunlar bilan qatnashmoqda.