УСТОЗ

Илм деган боғга -боғбон,
Бундай зотни топиб бўлмас,
Отангиздек улуғ инсон,
Устозга тош отиб бўлмас.

Сизни дея заҳмат ютган,
Сиздан нур -у, зиё, кутган,
Қўлингизга қалам тутган,
Устозга тош отиб бўлмас.

Устоз борки, бордир дунё,
Ҳақиқатдан фарқли рўё,
Онангиздек меҳри дарё,
Устозга тош отиб бўлмас.

Сувсиз ерда кўкармас гул,
Сайрамайди чўлда булбул,
Қалбга зиё сочгувчи ул,
Устозга тош отиб бўлмас.

Илм деб тун,тогни улар,
Меҳр -ла,ҳар бошни силар,
Сизга фақат оқ йўл тилар,
Устозга тош отиб бўлмас.

Сиз олимсиз у туфайли,
Зўрга зўрлик замон зайли,
Ундан ўзиб кетинг майли,
Устозга тош отиб бўлмас.

Буюкликка жазм қилинг,
Тўйлар қилинг,базм қилинг,
Унга ҳар дам таъзим қилинг,
Устозга тош отиб бўлмас.

Илм деган боғга -боғбон,
Бундай зотни топиб бўлмас,
Отангиздек улуғ инсон,
Устозга тош отиб бўлмас.

ХУРШИД КАРИМ.

USTOZIM

Ustozim bor mehribon,
Boshimizga soyabon.
O'zi juda talabchan,
Bo'lsin doim sog'-omon.

Ustozim yuzga kirsin,
Davru-davronlar sursin.
Hassaga suyanmasin,
Bizga suyanib yursin.

🎓 Ta’limingiz olmagan kim bor?
🕸🕸🕸🕸🕸🕸🕸🕸
Sizning ta’limingiz olmagan kim bor,
Siz-ku yuraklarda ilk ziyo yoqqan.
Olimmi, shoirmi va yo san’atkor,
Ilk bor sizga tomon ustoz deb boqqan
🕸🕸🕸🕸🕸🕸🕸🕸
Bitta harf dardida riyozat chekib,
Oqibat ko’kka ham chiqolgan inson.
Ne ajab sizlarni baxtiyor etib,
O’rnidan dast turib, bosh egsa shu on.
🕸🕸🕸🕸🕸🕸🕸🕸
Buyuk Alisherbek lutf etgan misol,
Savod o’rgatdingiz qancha ranj bilan.
Koplab bo’larmikan bu qarzni alhol,
Uzib bo’larmikan yuzta ganj bilan.
🕸🕸🕸🕸🕸🕸🕸🕸

Ustoz haqida sher
🕸🕸🕸🕸🕸🕸
Ulug’ ilm ildizi sizda mujassam,
Turli xil sohadan berasiz ta’lim.
Uni tinglaganda kichik jussam ham,
Yetuk inson kabi o’sgay, muallim.
🕸🕸🕸🕸🕸🕸
Qalbingizda doim ilm porlaydi,
Go’yo u nur kabi bizni chorlaydi.
Siz mening tundagi yorug’ yulduzim,
Nurli kunduzimsiz, aziz muallim.

🎓Ustoz
🕸🕸🕸🕸🕸🕸🕸🕸
Bilim — katta daryo, ustoz, siz — mirob,
Millat ravnaqida murabbiy — oftob.
Zamonlar o‘zgarar, asrlar o‘tar,
Quyoshdek o‘zgarmas Alifbe kitob.
🕸🕸🕸🕸🕸🕸🕸🕸
Kundaligim varag‘ida baholar,
Goho a’lo, goho ikki jazolar.
Yo‘l topdik. Ranj chekkaningiz ganj bo‘ldi —
Bolalikda to‘g‘rilandi xatolar.
🕸🕸🕸🕸🕸🕸🕸🕸
Esdalik daftarimni qo‘lga oldim,
O‘quvchilik davrimga nazar soldim.
Kechirgansiz qancha sho‘xligimizni,
Sabru-toqatingizga qoyil qoldim.
🕸🕸🕸🕸🕸🕸🕸🕸
Keksa ustozimning sochlari oppoq,
Ko‘zlari mehribon chaqnaydi biroq.
Bilim va ma’rifat o‘rgatar hamon,
Hayot maktabida chalib qo‘ng‘iroq.
🕸🕸🕸🕸🕸🕸🕸🕸
O‘qimasak, takror o‘qitgan, tolgan,
Manglayida qator ajinlar qolgan.
O‘sha ajinlari tufayli xalqni
Kelajakka eltar to‘g‘ri yo‘l solgan.
🕸🕸🕸🕸🕸🕸🕸🕸