Samaradorlik o'zi nima?

Hozir o'qiyotgan kitobimda bitta qiziq fikrga duch keldim. Biz samaradorlik deganda nimani tushunishimiz haqda hech o'ylab ko'rganmisiz? Balki "mindset"ni biroz o'zgartirish kerakdir.

"Men rahbarlar va tadbirkorlar bilan ishlayotganimda bir narsani guvohi bo'lamanki, odatda ular samaradorlik deganda ishni tez bajarish va iloji boricha ko'proq hajmdagi ishlarni bajarishni nazarda tutishadi. Chunki bizda samaradorlik to'g'risidagi instinktiv tasavvur qo'l mehnati (manufaktura) davrida shakllangan va shundayligicha qolib ketgan. U paytlar insonlar doimiy takrorlanuvchi vazifalar bilan shug'ullanishgan va ishni tezlashtirish orqali samaradorlikka erishishgan. Ammo hozirda men qilayotgan ish mutlaqo bunday emas. Hozirgi davrda kasblarda va vazifalarda juda ko'p rang-barangliklarni kuzatishimiz mumkin. Ular ijodkorlik va yangilik talab qiladi".

Biz samaradorlik tushunchasiga eskicha fikr bilan qaragan holda ishlaydigan bo'lsak, biz o'zimiz istamagan holda qattiq charchash, "emotsional yonish" kabi muammolarga ro'baro kelishimiz mumkin.

"Agar sizni noto'g'ri tomonga yo'naltirishsa, tez yugurish sizga yordam bermaydi".

Kitobning to'liq nomi: "Жизнь в расфокусе. Как перестать отвлекаться на ерунду и начать успевать больше за меньшее время", Майкл Хайятт

'Free to Focus: A Total Productivity System to Achieve More by Doing Less', Michael Hyatt

@Bookerberg

Shu kitobni 2022-yil o'qigandim. O'sha payt bu kitob haqida yozgan ekanman. Esimdan ham chiqib ketgan ekan.

O'tgan yil oxirida shu kitobni o'zbek tiliga tarjima qilgandim. Yaqinda sotuvga chiqibdi — "Diqqatni jamlash erkinligi" nomi ostida.

Hozirgi davr uchun juda dolzarb. Ba'zan o'zingizni yashashga ulgurmayotgandek his qilasizmi? O'zingiz istagan narsalarga diqqatingizni qaratishda muammolarga duch kelasizmi? O'zingizni samarasiz inson kabi his qilasizmi? Mana shu kitobda shu muammolar bo'yicha yaxshi maslahatlar bor. (Oxirgi jumlalar o'ziyam biror-bir dorini reklama qilayotgandek eshitilyapti, bilaman). Foydali kitob — tavsiya qilaman.

@Bookerberg

Bookblogerlar bilan Sirli Santa o'yinini o'ynayapmiz (ha, garchi hozir kuz fasli bo'lsa-da). Menga Santadan sovg'alar kelibdi. Hozirgina "unpacking" qilib ko'rdim. Santaga ajoyib sovg'a uchun katta rahmat. Juda hursand bo'ldim.

Endi Santa kim ekanini topishga yordamlashib yuboringlar. Sizningchi kim?

@Bookerberg

Uorren Baffet o'zbekcha shoularni ko'rib turarkan

Fortune nashri nafaqaga chiqqan Uorren Baffet vaqtini qanday o'tkazayotgani haqida maqola e'lon qilibdi. Unda aytilishicha, milliarder hozirda kechalari o'z vaqtini YouTube'da — 50-yillar reklamalari, jazz uslubidagi konsertlar va O'zbekiston Got Talent shoularini ko'rish bilan o'tkazmoqda.

Qiziq, qiziq.

@ThePerfectionist

Adabiyot bo'yicha Nobel mukofoti kanadalik shoira va tarjimon Anne Carsonga berildi.

Mukofot yozuvchiga “klassik an’ana bilan erkin muloqot tarzidagi zamonaviy adabiyot uchun yangi shakllarni yaratgan dadil va novatorlarga xos ijodi uchun” berildi.

76 yoshli yozuvchining ijodi antik yunon adabiyoti, mifologiyasi va mumtoz filologiya bilan uzviy bogʻliq. Uning eng mashhur asari — “Qizil rangning avtobiografiyasi” (Autobiography of Red, 1998) sheʼriy romani bo'lib, unda Gerion va Gerakl haqidagi qadimgi yunon afsonasi qayta talqin qilingan.

@Bookerberg

"Barcha yangi narsalar — bu unut bo'lib ketgan eski narsalardir" degan gap bor. Balki oldin ham eshitgandirsiz. Fikrimcha, yaqin yillar va ayni damda adabiyot, kino va san'atning boshqa yo'nalishlarida mifologiyani yangicha ko'rinishda taqdim etish tendensiyasi, va qaysidir ma'noda, trendi yuzaga kelgan.

Ma'lum bir davr san'at va adabiyotda realizm davri bo'ldi, odamlar, tanqidchilar reallikdan biroz charchashgan ko'rinadi, mifologiyaga qaytayapmiz. Albatta, qayta jonlangan mifologiyaning oddiy mifologiyadan farqi bor. Unda o'ziga xos pafos, novatorcha ruh seziladi. Lekin o'sha gap — barcha yangiliklar, shunchaki esdan chiqqan eski g'oyalardir.

@Bookerberg