#nimadir

Ruhdagi og‘irlik tanani bosadi. Kasal odamlarning barchasining ruhida og‘ir kemtiklar bor. Bolalarning kimgadir ichikib og‘rib qolishi ham ruh bilan tananing bog‘ligidan. Ba’zan esa ichi ilma-teshik bo‘lib yotgan inson bizga soppa-sog‘dek, hatto hech bir kami yo‘qdek ko‘rinadi va kunlardan bir kun qarabsizki, hech kimga vido aytmasdan hayotni tark etadi.

Umuman bir-birimizning ruhimizni asrashimiz, ayashimiz kerak. Nadomatki, bu kamdan kam holda qo‘limizdan keladi.

@boqiy_darbadarr

#movie_time

🎞 Pianinochi haqida afsona

–To‘satdan ovoz eshitdim.
–Ovoz?
–Ha, ummon ovozini!
–Hech qachon eshitmaganman.
–Ummon ovozi uzundan uzun qudratli nidoga o‘xshaydi. U to vujudingga kirmagunicha hayqiraveradi. Hoy sen, dedim shunda o‘zimga o‘zim. Hayot go‘zal ekanligini ko‘rmayapsanmi?! Go‘zal... Hech qachon bu to‘g‘rida o‘ylamagan ekanman. O‘shandan hayotimni o‘zgartirishga, hammasini boshidan boshlashga qaror qildim. Hayotni o‘zgartirish boshqatdan boshlash kerak...

@boqiy_darbadarr

#nimadir

O‘zing bilan o‘zing bo‘lib, dunyo shovqinlariga aralashmay yashash qanday yaxshi. G‘iybat yo‘q, xavotir yo‘q, ichki shoshilish yo‘q. Kim biladi, qariyapmanmi yoki)
Qarigan sari tinchlik yoqib qoladi-ku odamga.

@boqiy_darbadarr

#nimadir

Yigit-qiz bo'lib sevishib yurish boshqa narsa. Hatto unashtirilib qo'yib yurish ham boshqa narsa. Lekin er-xotinlik, oila bo'lib yashash mutlaqo boshqa. Endi manfaatlar bir, vujudlar bir, yuraklar bir, maqsadlar bitta, yotoq bitta, yostiq bitta. Bir-biringni imkon qadar xafa qilmaslikka harakat qilasan, ko'nglingga qarashga urinasan. To'ygacha kechib ketish osondek ko'rinadi. Hatto undan ketgach hayoting yaxshilanib ketadigandek, Amerika ochib tashlaydigandek tuyulasan o‘zingga. Lekin keyin kecha olmaysan hecham.

Keyin senga judayam katta narsalar kerak bo'lmay qoladi. Umringning yo'ldoshi bilan bir luqma halol noningni tinch-xotirjamlikda yesang ana shu katta baxt bo'lib qoladi. Ayniqsa orada farzand atalmish ne'mat paydo bo'lsa bormi?! Eh-e, unda ikkingizning ham butun orzularingiz, quvonchingiz shu mitti vujud bo‘lib qoladi.

Oila sevgidan ko‘ra ancha muqaddas narsa.

@boqiy_darbadarr

#nimadir

Bir kun bir o‘zbek sotayotgan narsasiga “original” so‘zini qo‘shmagan ekan o'lib qopti)

@boqiy_darbadarr

İbrohim G‘ofurov olamdan o‘tibdi. Negadir bu buyuk inson ustoz Ugveydek ko‘rinardi ko‘zimga–sokin, hayot ma'nosini allaqachon anglagan, yetarlicha, hatto keragidan ortiq mehnat qilgan, dono, ulug‘vor. U insondek mutarjim boshqa tug‘iladimi yoki yo‘q yolg‘iz Xudoga ayon. Oxiratlari obod bo‘lsin.

Ko'zimda yosh, ko'nglimda yosh, so'zimda yosh,
Odamizot bu dunyodan o'tib borar...

@boqiy_darbadarr

#hadya

Menga ayni kerakli kitoblarni sovg'a qilib yuborishdi) Dunyoda qanday yaxshi insonlar bor-a?! Rahmat, qadrdon.

@boqiy_darbadarr

#parcha

Ko'klarda ko'k kaptar qushdaymiz jonim,
Qayg'urma, kel, ko'ngil xushlaymiz, jonim
Mening tanishim yo'q narigi dunyoda,
Baribir jannatga tushmaymiz, jonim.

M. Yusuf

@boqiy_darbadarr

#nazm

Qaro tunlar oqarib borar,
Jism-u jonim, o, qarib borar.
Borgan sari umrim rangida
Qaro ortar, oq arib borar.

G. Asqarova

@boqiy_darbadarr

24.08.2026.
Oilangizga xush kelibsiz, o‘g‘lim. 👼🏻

@boqiy_darbadarr

Vatan omon, mustaqillik abadiy bo'lsin. 🇺🇿

#nazm

NOGAHON BIR MOVIY RUH INAR

Nogahon bir moviy ruh inar jonga,
Yurak ​​— bir, quyosh ​​— bir, soya ​​— bir.
Uchta goʻzal kirar Oʻzbekistonga ​​—
Sentyabr, oktyabr, noyabr.

Kirar bir-birining qoʻlidan ushlab,
Sen-da ular bilan ketaber.
Seni qaytaradi izingga tushlar ​​—
Noyabr, oktyabr, sentyabr.

Muhammad Solih

@boqiy_darbadarr