Саудия Арабистони Ички ишлар вазирлиги баёнотига кўра, 14 октябрь куни Макка ҳудудида Бангладеш фуқароси бўлган эркак ва аёл қатл этилди. Вазирлик уларни Назрул Ислом Абдул Басир ва Сити Ахтар деб атади.

Улар Маккадаги масжид ичида "ахлоқсиз ҳаракат" қилганликда айбланган. Суд уларни "таъзир" (ислом ҳуқуқидаги ихтиёрий жазо) асосида ўлим жазосига ҳукм қилган. Ҳукм тасдиқланиб, қироллик фармони билан ижро этилган.
Бангладешнинг Жиддадаги консуллиги қатлдан олдин хабардор қилинмаганини маълум қилди ва Саудия ТИВдан расмий тушунтириш сўради.

Саудия баёнотида ҳаракат аниқ нима эканлиги, масжид номи ва ҳодиса санаси кўрсатилмаган.

557-сон Вазирлар Маҳкамаси қарорига кўра, қабул қилинган ҳар бир саволнома учун тўлов қуйидагича:

🔹 Расмий иқтисодий бирлик — 6 120 сўм;
🔹 Норасмий иқтисодий бирлик — 8 160 сўм.

Масалан, 400 та расмий ва 100 та норасмий иқтисодий бирлик рўйхатга олинса, жами 3 264 000 сўм рағбатлантириш пули тўланади.

Муҳим жиҳати, тўлов саволномалар сонига боғлиқ ва фақат бириктирилган ҳудудда рўйхатга олиш тўлиқ якунланиб, қамров таъминланганидан кейин амалга оширилади. Тўлов учун масъул ташкилот Миллий статистика қўмитаси саналади.

Ўзини ўзи банд қилган шахслар онлайн рўйхатдан ўтгани учун улар бўйича ҳоким ёрдамчиларига қўшимча тўлов берилмайди.