عندي شعور جدًا لطيف مُزهر بداخلي صار فترة...
شعور إنك نقي ماتحسد أحد لأن هو وصل وانت لا 
إنك تكون سعيد بوصول غيرك لأحلامهم و تؤمن انُ انت ايضًا توصل وتحصد نتيجة تعبك بس موسم حصادك مو شرط نفس موسم حصاد الناس

تعرف هي النفس صعبة و الشيطان موجود صح  ؟
بس وين الفائدة من تحسد غيرك ع نعمة وهبها أياه رب العباد  تأذي الناس و تأذي روحك و تبقى بهوس ذاك افضل وانا لا ذاك مايستحق و انا استحق
انت انخلقت للعبادة والعمل
مو للمقارنة و الاستنقاص بقدرات الناس وتحطيم اتعابهم

اول خطوات التقدم بحياتك تكون صريح مع ذاتك...
لا تلعب دور المظلوم دائمًا
صدگني ببعض الأحيان احنا النظلم ممكن بكلمة تكسر خاطر او نظرة او اي شي مندرگ اشكد مؤذي للمقابل

مثل انت عندك ام و تگعد تسولف بحنانها عند الشخص الفاقدة امة حبيبة روحة...

اي صدك هاي حقيقة مو دائمًا انت الصح   ،  حلو من تصارح ذاتك وتنبهها و ماتكرر خطأك شعور يجنن خالٍ من كسر الخاطر للناس..

حبّ نفسك و لا تقبل أحد يتجاوز حدة وياك لكن هذا مايعني تقلل قيمة الناس هنا راح تكون مؤذي و تصرفك هذا اذا كان يدل فهو يدل ع انُ تسد النقص البداخلك

أستشعر نعم الله و العطايا العظيمة الي وهبك إياها و ساعد ع قدر استطاعتك و ثق بإن المساعدة المعنوية تبني سعادة و روح نقية و حُب الك و للمقابل
و لا تخلي نفسك تنحدر لوسوسة الشيطان لا تأذي أحد و لا تحقد و لا تشيل بگلبك لا تحسد انتبه ع نفسك بس نفسك حبها و اشتغل ع ذاتك خليها تكون نقية مثلما ولدت
انت هيج تحس نفسك خفيف وطاير فوووگ تحب الخير للغير مثلما تحب النفسك

مَرّة طالب او طالبة طرحت عليّ سؤال و گالت انتَ شلون تگدر تعطين كل هالطاقة الايجابية للناس و بعدك فرحان انا اذا انطيت للناس ايجابية احس طاقتي صفرت وصرت سلبية  ،  گتله اجاوبك  ع سؤالك بعدين....

اعتقد جوابي صار واضح؟
أنا من الأشخاص الي حتى و ان كانت ضايج اجي ازرع الأمل بداخلكم و هالشي لا اراديًا ينعكس عليّ أنا ليش؟
لأن من قلبي هالكلام
واريدك فعلاً تكون شيء عظيم بهالحياة لأن الذي خلقك عظيم 🤍


حافظ ع هالروح النقية
تنبت ع وجهك كمية أطمئنان و سلام ذاتي 🤍🤍.
@zxccibot