Bahodir Jalolov toʻliq davom etgan bahsda Solomon Dakres ustidan ochkolar boʻyicha gʻalaba qozondi.

Jalolov jang davomida toʻliq vaziyatni nazorat qildi va deyarli barcha raundlarda ustunlik qildi.

Guruhimiz: @Boks_Guruh 🥊

Kanalimiz: @BoxerTV 🥊

Bizga qo’shiling Boxer TV✅
https://t.me/+1-CmF4UmR-ViNWMy

Mungiya — Zon jangi WBA kamari uchun o‘tkaziladigan boʻldi

31-oktabr kuni Xayme Mungiya va Nikita Zon o‘rtasida jang bo‘lib o‘tishi rejalashtirilgan. Biroq Mungiyaning WBA yo‘nalishi bo‘yicha rasmiy majburiy da’vogari hamyurtimiz Bektemir Meliqo‘ziyev ekani sababli ushbu jangda chempionlik kamari uchun bahs masalasi so‘roq ostida qolgandi.

Xabarlarga ko‘ra, Meliqo‘ziyev jamoasi mazkur jangga rozi bo‘lishga majbur bo‘lgan. Buning evaziga Mungiyaga bir qator shartlar qo‘yilgan:

▪️ Zon bilan jangdan so‘ng tomonlarga Meliqo‘ziyev bilan jang bo‘yicha muzokaralarni yakunlash uchun ko‘pi bilan 30 kun vaqt beriladi.

▪️ Mungiya Bektemir bilan jangdan oldin boshqa jang o‘tkaza olmaydi, shuningdek, birlashtiruvchi chempionlik bahsida ham ishtirok eta olmaydi.

▪️ Mungiya jamoasi jangdan qochish yoki uni kechiktirishga qaratilgan harakatlarni amalga oshira olmaydi.

▪️ Mungiya WBA tashkilotidan "Super" chempion maqomini berishni so‘ramaydi.

Shu tariqa, 31-oktabrdagi jangdan keyin asosiy e’tibor Bektemir Meliqo‘ziyev va Xayme Mungiya o‘rtasidagi majburiy chempionlik jangiga qaratiladi.

Guruhimiz: @Boks_Guruh 🥊

Kanalimiz: @BoxerTV 🥊

Bizga qo’shiling Boxer TV✅
https://t.me/+1-CmF4UmR-ViNWMy

Eng zoʻr tanishtirish 🥶

Guruhimiz: @Boks_Guruh 🥊

Kanalimiz: @BoxerTV 🥊

Bizga qo’shiling Boxer TV✅
https://t.me/+1-CmF4UmR-ViNWMy

WBA Mungiya — Zon jangiga ruxsat berdi: g‘olib Bektemir Meliqo‘ziyev bilan jang qiladi

Butunjahon boks assotsiatsiyasi (WBA) super o‘rta vazn toifasida jahon chempioni Xayme Mungiyaga 31-oktabr kuni Saudiya Arabistonining Riyod shahrida Nikita Zon bilan chempionlik kamarini himoya qilish uchun maxsus ruxsat berdi.

WBA Chempionat qo‘mitasi qaroriga ko‘ra, mazkur ruxsat tomonlar o‘rtasidagi kelishuv asosida berilgan. Unda Mungiya va Bektemir Meliqo‘ziyev jamoalari ham ishtirok etgan.

Ma’lumki, Meliqo‘ziyev ushbu vazn toifasida WBA’ning rasmiy majburiy da’vogari hisoblanadi. Hamyurtimiz mazkur kelishuvga rozi bo‘lish orqali majburiy da’vogar maqomini va jahon chempionlik kamari uchun jang qilish huquqini saqlab qoldi.

WBA qarorida quyidagi shartlar belgilangan:

▪️ Mungiya — Zon jangidan so‘ng majburiy himoya bo‘yicha muzokaralar boshlanishi kerak.

▪️ Agar Mungiya g‘alaba qozonsa, keyingi jangini Bektemir Meliqo‘ziyevga qarshi o‘tkazishi shart.

▪️ Agar Zon g‘alaba qozonsa va chempionlik majburiyatlarini qabul qilsa, u ham WBA kamari uchun navbatdagi himoyasini Meliqo‘ziyevga qarshi o‘tkazishi kerak.

▪️ Jang durang bilan yakunlansa yoki Mungiya kamarini saqlab qoladigan boshqa natija qayd etilsa, meksikalik bokschi baribir Meliqo‘ziyevga qarshi jang qilishi shart.

▪️ Agar Riyoddagi jang 31-oktabr kuni belgilangan vaqtda o‘tkazilmasa, WBA yozma ravishda boshqacha qaror qabul qilmagan taqdirda, berilgan maxsus ruxsat bekor qilinadi. Bunday holatda Mungiya majburiy himoya jangini keyingi bahsi sifatida o‘tkazishi yoki kamarni bo‘shatish bo‘yicha tegishli qoidalarga amal qilishi kerak bo‘ladi.

Shu tariqa, WBA Mungiyaning Zon bilan jangiga ruxsat berish bilan birga, Bektemir Meliqo‘ziyevning majburiy da’vogar sifatidagi huquqlarini ham kafolatladi.

Guruhimiz: @Boks_Guruh 🥊

Kanalimiz: @BoxerTV 🥊

Bizga qo’shiling Boxer TV✅
https://t.me/+1-CmF4UmR-ViNWMy

Bektemir Meliqoʻziyev Mungiyagacha jang oʻtkazib oladi

Hamyurtimiz Bektemir Meliqoʻziyev super oʻrta vazn WBA yoʻnalishida majburiy davogar hisoblanadi. Chempion Mungiya Nikita Zonga qarshi ringga chiqishi sababli bu orada Bektemir Meliqoʻziyev ham yengil jang oʻtkazib oladi.

Bizga berilgan maʼlumotlarga koʻra, hamyurtimiz 6-noyabr kuni Dubayda, Muka Boxing kechasida ringga koʻtariladi. Raqib tez orada eʼlon qilinadi.

Guruhimiz: @Boks_Guruh 🥊

Kanalimiz: @BoxerTV 🥊

Bizga qo’shiling Boxer TV✅
https://t.me/+1-CmF4UmR-ViNWMy

Nega WBA Mungiya — Zon jangiga ruxsat berdi? Bektemir Meliqo‘ziyev jamoasi bilan bog‘landim.

Bektemir Meliqo‘ziyev jamoasi, Xayme Mungiya va WBA tashkiloti o‘rtasida yuzaga kelgan vaziyat yuzasidan hamyurtimiz menejerlari bilan suhbatlashdik. Ular tashkilot nima sababdan Mungiyaga Nikita Zon bilan chempionlik kamarini himoya qilish uchun maxsus ruxsat bergani haqida tushuntirish berishdi.

Menejerlarning ta’kidlashicha, jang tashkilotchilari Saul Alvares va Turki Alalshix WBA tashkilotiga bevosita murojaat qilib, Mungiya — Zon jangini chempionlik kamari uchun o‘tkazishga ruxsat so‘rashgan.

WBA esa Alvares va Alalshix bilan mavjud munosabatlarga putur yetkazish, o‘zaro hamkorlikni yo‘qotish xavfini istamagan. Shu sababli tashkilot Meliqo‘ziyev jamoasiga ham muayyan shartlar asosida ushbu jangga rozilik berishni taklif qilgan.

Xo‘sh, Meliqo‘ziyev jamoasi bunga rozi bo‘lmaganida nima yuz berishi mumkin edi?

Menejerlar bilan suhbatda quyidagi ehtimoliy ssenariylar tilga olindi:

▪️ Mungiya — Zon jangi chempionlik kamarisiz, ya’ni titulsiz o‘tkazilishi mumkin edi.

▪️ WBA Saul Alvares va Turki Alalshix bilan munosabatlariga putur yetkazgan bo‘lardi.

▪️ Mungiyadan chempionlik kamarini baribir tortib olishmasligi ehtimoli yuqori edi.

▪️ Mungiyaga «Super» chempion maqomi berilib, Bektemir Meliqo‘ziyevga esa «Regular» kamar uchun jang taklif qilinishi mumkin edi. Bu holatni G‘iyosov bilan bog‘liq vaziyatga qiyoslash mumkin.

Shu jihatlarni hisobga olgan holda, Meliqo‘ziyev jamoasi jangga ruxsat berishga rozi bo‘ldi. Biroq buning evaziga muhim shartni yozma ravishda kafolatlab oldi: Mungiya — Zon jangining g‘olibi keyingi jangini faqat Bektemir Meliqo‘ziyevga qarshi o‘tkazishi shart.

Demak, hamyurtimiz jamoasi mavjud vaziyatda o‘zining majburiy da’vogar maqomi va jahon chempionlik kamari uchun kurashish huquqini saqlab qolishga erishdi.

Guruhimiz: @Boks_Guruh 🥊

Kanalimiz: @BoxerTV 🥊

Bizga qo’shiling Boxer TV✅
https://t.me/+1-CmF4UmR-ViNWMy