💎🛍🧮Həyatımız - bahalaşma ilə mübarizədir

Öncə qeyd etmişdik ki, inflyasiya daim artır və sadəcə eyni səviyyədə yaşamaq üçün ildə 10-15% daha çox qazanmalısan (= inkişaf etməlisən). Reallıq isə daha ağırdır.

Çünki inflyasiyadan başqa da səbəblər var.
Gəlin araşdıraq, nə bizim varlanmağımıza mane olur:

1. İnflyasiya:

İnflyasiya idxal/ixracdan, ölkə iqtisadiyyatının gücündən, istehsalından, kiçik biznesin inkişafından, geosiyasətdən, pul çapından asılı olur - bunu hər kəs artıq bilir. Ona görə inflyasiya mövzusunu açıqlamayaq.

Çünki ölkədə istehsal və kiçik biznes nə qədər çox olsa, bir o qədər yaxşıdır. Ölkə nə qədər çox ixrac etsə o qədər yaxşıdır. İnflyasiya azalır. Çünki yerli valyutaya daim tələbat olur.


2. Demoqrafik səbəblərdən asılı olan qiymət artması:

Bu da inflyasiyanın bir hissəsidir. Tibb, təhsil, daşınmaz əmlak - bunların qiyməti daha sürətlə qalxır və ümumi inflyasiyanı qabaqlayır. Mənzil almaq ildən ilə çətinləşir.


3. İstehlak cəmiyyəti:

Bizə propaqanda edirlər ki "pulunu xərclə", "al", "kredit götür", "taksit götür (bir neçə aya ödə)".

Və biz qazandığımızdan çox pul xərcləyirik nəticədə. Əvvəl 7 ildən bir dəyişdiyimiz telefonu, indi 2 ildən bir dəyişirik - kredit və ya taksit götürərək. Birinin pulunu verən kimi, digərini götürürük. Hətta eyni zamanda bir neçə krediti olanlar da çoxdur.


4. Qalxan standartlar:

Əvvəl biz 07 almaq istəyəndə, indi ən azı Opel, Reno almaq istəyirik. Çünki standartlar dəyişib. Əvvəl 30 ₼ verib knopkalı telefon alanda, indi standartlar deyir ki, 700 manatlıq telefon al. Əlbəttə ki, bunlar xərcləri artırır.


5. Korporasiyalar:

Hər bir şirkətin məqsədi - daha çox pul qazanmaqdır. Qazancın maksimallaşması. Ona görə onlar hər il, hər ay və hər gün minlərlə hiylələr kəşf edirlər ki, bizlərə məhsulu daha baha və daha çox satsınlar. Başqa sözlə onlar bizlərdən daha çox pul almaq istəyirlər və alırlar da. Məsələn, baxın, ən bahalı telefon əvvəl 600 ₼ olanda, indi 4000-5000 ₼-dır. Və ən vacibi də odur ki - bizi məcbur etmirlər, biz özümüz pulumuzu öz xoşumuzla vermək istəyirik.


6. Hələ gələcəkdə - süni intellekt, robotlaşma iş yerlərini azaldır və azaldacaq.


___
Dostlar, cəmiyyət elə qurulub ki, varlılar daha varlı olur, kasıblar da daha kasıb. Bunu unutmayın. Əgər kasıbsınızsa - deməli daha kasıb olacaqsınız.

Bu çarxdan necə çıxmaq olar? Sabah yazacam...


Böyük Şəxsiyyət ©️

#uğur_qaydaları
#nəzəriyyə
#çərçivədən_çıxın
#statistika
#iqtisadiyyat
#həyatqəddardı

t.me/biznes_ugur | BŞ © | Qrup | Crypto Qazanc | 🚀 Boost

Sistem sənə qarşı qurulubsa necə uğur qazanmaq olar?

Biz elə bir dünyada yaşayırıq ki, oyunun qaydaları əvvəldən bizim xeyrimizə deyil.
Pul inflyasiya ilə dəyərini itirir, korporasiyalar diqqətimizi və gəlirimizi udur, dövlət vergilər alır, cəmiyyət isə bizi istehlaka və “status oyuncaqlarına” sürükləyir. Amma çıxış yolu var. Lövhədə (şahmat) fiqur olmaq yox, oyunçu olmaq lazımdır.

1. Bunun üçün ilk növbədə - oyunun qaydalarını dərk edin:

• Pul həmişə dəyərdən düşür.
• “Statik” formada saxlamaq — uduzmaq deməkdir. Pul - sənə işləməlidir, sən pula yox.
• Sistem yığmağı yox, xərcləməyi təşviq edir.
• Siz heç kimə lazım deyilsiniz. Çətin anda sizə heç kim kömək etməyəcək.
• Təhsil sistemi sizə normal təhsil verməyəcək. Boş yerə ümidlənməyin.
• Özünüz özünüzə kömək etməsəniz, kimsə kömək etməyəcək.
• Heç nə etməsəniz, heç nə də olmayacaq, daha doğrusu daha pis olacaq hər şey.
• Hər kəs uğur qazanmayacaq. Ona görə çalışın ən öndə olun, digərlərindən daha sürətli inkişaf edin.
• Dünya zəifləri əzir. Zəif = biliksizlər.

Çıxış: şikayətlənmək yox, bu mexanizmləri öz xeyrinə işlətmək lazımdır.

Nə etmək:
• Maliyyə qaydalarını öyrənin;
• Özünüz təhsil alın. Həm seçdiyiniz sahədə, həm də ümumi həyat görünüşünüzü artırın - hər sadəcən az az bilik toplayın.
• Çalışın özünüzü təmin etməyi öyrənin. Valideylərlə yaşayırsınızsa, az olsa da, özünüzə qazanc yaradın və çalışın maliyyə azadlığınız, daha doğrusu maliyyə müstəqilliyiniz olsun.
• Valideyinlərlə danışın ki, sizin inkişafınıza dəstək olsunlar. Çünki çox valideyin maneə olur və qadağa qoyaraq potensialımızı azaldır, inanmır bizə.


2. Düşüncənizi dəyişin:

• «Qiymətlər artır» əvəzinə → «İnflyasiyanı ötəcək aktivlərə necə sərmayə qoyum?»
• «Mən bunu ala bilmirəm» əvəzinə → «Mən bunu necə qazana bilərəm?»
• «Sistem mənə qarşıdır» əvəzinə → «Sistemin qaydalarını necə öz xeyrimə istifadə edim?»

Yeyilən və əzilən olma!


3. Bacarıqlarla özünüzü qoruyun:

• Ən güclü anti-inflyasiya aktivi — dəyər yaratmaq bacarığıdır.
• Satış, marketinq, maliyyə, texnologiyalar - bunlardan daim yeni bilik alın. Çünki onlara həmişə tələbat olacaq.
• Dünya ilə bir inkişaf edin və bu sahələrdə biliklərinizi artırın: İT, kriptovalyuta, süni intellekt, avtomatlaşdırma.
• Bir peşə seçin və elə inkişaf edin ki, dünyada ən ən güclü mütəxəssislərdən biri olun.
• İngilis dili - mütləq öyrənin və dünya sizə açılacaq. Onunla da dünyanın imkanları və fürsətləri.

Nə qədər əvəzolunmazsan, sistem səni bir o qədər az “yeyə” bilir. Amma yenə də yeyir... Məqsədiniz yeyilmə payının azaldılmasıdır.


4. Gələcəyə yatırım:

• Çalışın özünüzə ad qazanın. Həm adi insan kimi, kimə güvənmək olar, kimi yaxşı biri hesab edirlən, həm də mütəxəssis kimi - çalışın maksimum adam sizi peşəkar kimi tanısın.
• Netvorkinq: çalışın tanışlarınız, dostlarınız çox olsun. Əliniz hər yerə çatsın.


5. Gəliri şaxələndirin:

• Heç vaxt bir ölkədən, bir valyutadan və ya bir gəlir mənbəyindən asılı qalmayın.
• Valyuta bazarı: nağd pulu çalışın tək manatda yox, dollar, avroda da saxlayın. Əlavə olaraq depozit açıb faiz alın.
• Fond bazarı: çalışın az az olsa da, uzunmüddətli yatırım edib səhmləri saxlayın. Böhranda belə yaşayan sahələrə yatırım edin: energetika, qida, tibb - bu böhrandan sığortanız olsun.
• Kriptovalyuta: əsası olan, arxasında güclü ad və ya şirkət olan tokenlərdən alıb saxlayın. Uzun müddətli.
• Əlavə olaraq: onlayn biznes, xarici bazarlarda qazanc və digər sərt aktivlərə (qızıl, gümüş, torpaq, daşınmaz əmlak) vaxtınızı və maliyyənizi ayırın.

Bütün yumurtaları bir səbətdə saxlamayın.


6. Kapitalı statusla qarışdırmayın:

Çoxları “oyuncaqların” dalınca qaçır — iPhone, kredit maşınlar, brendlər.
Amma güc obrazda yox, kapitalladır. Sual: bu aktivdir, yoxsa passiv? Pul gətirirsə — aktivdir. Qalanı — xərclərdir.


7. Müdafiə və kapitalın artımı:

• Təhlükəsizlik yastığı: 3–6 aylıq qara gün üçün xərclərinizin məbləği həmişə olmalıdır.
• Pis borclardan, kreditlərdən qurtulun.
• Qızıla, torpağa, səhmlərə sərmayə qoyun.
• Pulunuzu valyutalara bölün.
• Passiv gəlir mənbələri və aktivlər yaradın: investisiya, biznes, rəqəmsal aktivlər, icarədə passiv gəlir.
• Kapital yığın.
• Hüquqi savadlılıq: vergilər, güzəştlər, cərimələrin ləğvi, haqqınızdan istifadə etmək - qanunu bilsəniz günahsız yerə sizi əzə bilməyəcəklər.

8. Uzun dövrlərlə düşünün:

Sistem aylıq və ya illik düşünənləri udur.
Qazananlar 10–20 illik plan qurur:
• Kapital hədəfiniz nədir?
• Hara sərmayə edəcəksiniz?
• Ailənizi və övladlarınızı necə təmin edəcəksiniz?


9. Qurtarıcı gözləməyin:

• Universitet sənə həqiqi bilik verməyəcək.
• Dövlət sənə firavan qocalıq yaratmayacaq.
• Valideynlər həmişə düzgün yol göstərə bilməz.

Əsas: özünü özün təmin et və öz qayğına özün qal.


10. Sistem üzərindən qazanmağı öyrənin:

• Keşbek, bonuslar, birgə alışlar - ağıl ilə alqı edin.
• Sağlamlıq profilaktikası: sağlamlıq da kapitaldır, onu qoruyun.
• Sığorta: öz canınızı, sağlamlığınızı, mülkünüsü, biznesinizi sığortalayın. Qara gündə sığorta köməyiniz olacaq. 

___
Bonus: yubanmayın, ertələməyin. Hər şeyi indi edin - bu gün də yox, indi bu saniyədə. Çünki indi etməsəniz, heç vaxt etməyəcəksiniz.

___
Sistem daim qazancınızın bir hissəsini alacaq: inflyasiya, qiymət artımı və vergi ilə. 

Amma şahmatdakı kimi, piyadalar birinci məhv olur. Qalib gələn - bir neçə addım önü düşünənlər olur...


Böyük Şəxsiyyət ©️

#uğur_qaydaları
#qazanc
#karyera
#maliyyə
#çərçivədən_çıxın
#həyatqəddardı
#iqtisadiyyat
#məqsədlər
#milyonçu_düşüncəsi

t.me/biznes_ugur | BŞ © | Qrup | Crypto Qazanc | 🚀 Boost

🧠🤖🦾Süni intellektin ziyanları

Birinci qeyd edim ki, tam olaraq süni intellekt (AGI) hələ ki yaradılmayıb. Hal-hazırda kəşf etdiyimiz - neyron şəbəkələridir. Dərinliyə girsək isə - dil modelləridir.

Fərq oradadır ki, ChatGPT kimi neyron şəbkələrində şüur, təxəyyül, mənlik, dərrakə, düşüncə yoxdur. Və bütün mövcüd olan bilikləri də özünə yükləməyib. Amma çoxumuz onu ən ağıllı, insan və Tanrı arasında olan varlıq kimi qəbul edirik. Bu isə elə deyil. Hələ ki...

Ona görə, sual verəndə, onlar bütün onlara yüklənilən məlumatlara (yazılar, səslər, videolara) əsaslanaraq cavab verirlər. Bu tam olaraq düz olmaya bilər, əsasən də fəlsəfi mövzularda.


1. Ona görə fəlsəfi, mənəvi (sevgi, münasibət, seçim, qərar) suallarda yanıla bilərsiniz. Buna diqqət edin. Çalışın texniki, elmi, dəqiq suallar verin. Əsas emosional qərarları əldə edilən məlumatlara əsasən özünüz verin.


2. Səhv məlumat

Hətta texniki, elmi suallarda səhv məlumat da əldə edə bilərsiniz. Məsələn tibbdə. Çünki neyron şəbəkələri səhv, etibarsız və ya köhnə mənbəni seçə bilər. Nəticədə ziyan gələ bilər sizə.


3. Faydalı bilikləri qaçırma

Neyron şəbəkələri məlumatı mənbələrdən götürür, hər süni intellektdə baza fərqlidir. Çoxu axtarış sistemlərdəki saytlardan çəkir məlumatı.

İndi təsəvvür edin, siz maliyyə haqqında Forbes-də məqalə oxuyursunuz və əminsiniz ki, bunu nüvuzlu KİV yazıb, buna inanmaq olar. Süni intellektdə isə - mənbə dəqiq bilinmir. Ona görə səhv məlumat əldə edə bilərsiniz və ya, nə ondan daha vacibdir, dərin peşəkar məlumatını diqqətinizdən qaçıra bilərsiniz. Fərq var - kimdən təhsil almaq, Uoll-Strit canavarlarından yoxsa forumda şərh yazan naməlum şəxsdən.

Ona görə axtarış sistemlərini unutmayın. Hələ ki, ən dərin biliklər, peşəkar məqalələr oradadır.


4. Tənbəlləşmə

Necə ki, TikTok bizi öyrədib uzun sənədli filmə baxmamaq, uzun məqalə oxumamaq, elə də beyin deyir ki, axtarış sisteminə (Google) getmə, ChatGPT-yə yaz tez və qısa cavab verəcək.


5. Yaltaqlıq vs. ChatGPT məni başa düşür

Bəzən ChatGPT - sizin verdiyiniz suala eşitmək istədiyiniz cavabı verir. Çünki insanların cavab xoşuna gəlməyəndə cavaba şikayət atıb 👎 qoyur. Buna əsasən də süni intellekt çalışır elə cavab yazsın ki, xoşunuza gəlsin = eşitmək istədiyiniz olsun.


6. Öz fikri yoxdur, tənqidi düşüncəsi yoxdur

İnternetdən ortalanmış cavablar verir.


Süni intellekt köməkçidir. O kitablara, təhsilə, mentorlara, peşəkarlara əvəz deyil. Və hətta, o öz intellektinizə əvəz deyil. Ona güvənib öz zeyninizi geridə saxlamayın...


Böyük Şəxsiyyət ©️

#süni_intellekt

t.me/biznes_ugur | BŞ © | Qrup | Crypto Qazanc | 🚀 Boost

🎉🎄🤝🇦🇿Dostlar, bayramlarınızı təbrik edirəm 🙏. Bu 2025-cı il ağır keçdi elə bil, gələn il qəşəng düşərli olsun hər kəs üçün 🙏.

Atları çox sevirəm. Onlarda güc, təmizlik və enerji bolluğu görürəm. Estetik tərəfdən çox mükəmməl heyvandırlar. Hər birimiz üçün 2026-cı il atlarda olan kimi güc və bol bol enerji versin 🙏. İl məqsədlərimizə çataq 🎯🎇🥳


Böyük şəxsiyyət ©

7 yaşlı uşaq atasından iPhone istədi

7 yaşlı oğlum iPhone istədi. Mən dedim "yaxşı" və 2500 manata bir neçə quzu aldım. O hər gün saat 6-da oyanıb onlara yemək verirdi, sonra məktəb və qayıdanda onlara su, yemək verib axşam gəzdirməyə çıxarırdı. Məktəbdə əlaçı idi, yəni vaxtı hər iki iş üçün çatırdı.

Qoyunları satıb pulu əlinə alanda, soruşdum ki, iPhone alaq? Dedi: "Yox, ondansa yenə quzu alım..."


İnternetdən götürdüyüm hekayə ©


#uğur_qaydaları
#qazanc
#hekayələr
#uşaq_tərbiyəsi
#investisiya

t.me/biznes_ugur | BŞ © | Qrup | Crypto Qazanc | 🚀 Boost

❗️Dostlar, Taksi və kuryer kimi kim Yango və Uber-də qeydiyyat.

Bizim qrup üzvdür, güvənlidir.

Gəlin dəstək olaq https://www.instagram.com/yango_central_park

Minnətdaram hər kəsə 🙏

___
Reklam deyil, tövsiyədir.