Hər kəsin həyatında enişlər də olur, yüksəlişlər də. Zərbələr və xoş anlar bir-birini dəyişir. İnsanların çoxu isə ilk çətinliklə qarşılaşan kimi təslim olur. Bilirsiniz, insan ruhundan güclü nəsə yoxdur və onu sındırmaq inanılmaz dərəcədə çətindir.

İnsan ruhunun qüdrətini, gücünü, möhkəmliyini heç vaxt unutmayın.

Sağlam olanda, borclar olmayanda, xoşbəxt münasibət olanda özünü yaxşı hiss etmək çətin deyil. Belə şəraitdə hər kəs pozitiv qalır, gülür, gələcəyə rahatlıq və inamla baxa bilər.

Amma insanın psixoloji, emosional və mənəvi inkişafının əsl sınağı dibə çökdüyü, hər şeyini itirdiyi anda başlayır. Nə vaxt ki, siz diz üstündə çöküb ətrafda dağıntıdan başqa heç nə görmürsünüz.

Fərqi yoxdur həyatımızda nə baş verir. Əsas odur ki, biz bununla nə edirik. Necə onu qəbul edirik.

Yenidən ayağa qalxmaq və hərəkətə keçmək üçün böyük cəsarət lazımdır.

Darma dağın olunandan sonra motivasiyanı saxlayıb ayağa qalxmaq - əsl güc göstəricisidir. Və əsl sınaq da budur.


Böyük Şəxsiyyət ©

#uğur_qaydaları
#motivasiya

t.me/biznes_ugur | BŞ © | Qrup | Crypto Qazanc | 🚀Boost

💰💰💸11 böyük pul və ya yüksək qazanc modeli:

Çox adam soruşur ki, bəs necə çoxlu pul qazanım? Əslində bir neçə təməlli modellər var, bütün demək olar yüksək qazanclar onların əsasında qurulur.


1️⃣ Yüksəkmaaşlı iş

Adətən orta və iri şirkətlərdə olur (ölkə səviyyəsində, dünya səviyyəsində, korporasiyalar): rəhbərlik və idarəetmə heyəti (müdir, bölmə müdiri və ya başçısı, yüksəkintellektli peşə və vəzifələr (korporativ hüquqşunas, PR-meneger, proqramçı, kiber təhlükəsizlik mütəxəssisi, həkim). C-səviyyəli pozisiyaları xüsusi qeyd edim: CEO, CMO, CFO.

Bir şirkətin illik dövriyyəsi 100 mln ₼-dır, digərinin isə 60 000 ₼. Əlbəttə ki, birinci marketoloqa rahat ayda 5000 ₼ verə biləcək, ikinci isə 350 ₼-a marketoloq axtaracaq. Yəni burada yüksək maaş tələb etməyin heç mənası yoxdur. Onların sadəcə imkanı yoxdur daha yüksək maaşı ödəməyə.


2️⃣ Bir neçə iş

Bəzən olur ki, iş yeri az vaxt tələb edir. Məsələn 2 gün işdə, 2 gün evdə. Ya 1 gün səhər, 1 gün gecə, sonra 2 gün istirahət. Beləliklə insanlar ikinci iş də tapıb işləyirlər. Yəni 2 iş hərəsindən ən azı 1000 ₼ - ümumi 2000 ₼ edir.


3️⃣ Dövlət xidməti → yüksək vəzifə

Fərqli dövlət qurumlarında karyera. Bu da yaxşı mövqedir. Sadəcə illərlə işləyib gərək ünsiyyət qurasan, səbr edəsən və nəticədə karyera artımı olacaq + əlavə imkanlar da açılacaq. Nə qədər çox işləsəniz, o qədər də imkanlar artacaq.


4️⃣ Opsion/səhm verən startapda iş

Bu çox vaxt Avropada, ABŞ-da olur və digər inkişaf edən, inkişaf etmiş ölkələrdə. Bir startapda işləyib, ona inanıb sonra maaşla birlildə şirkətin səhmlərini müəyyən qiymətə almaq hüququ verirlər ya da elə tam birbaşa şirkətin səhmini verirlər. Belə model ilə çox adam varlanıb, məsələn sonuncu SpaceX İPO-sundan sonra bir çox işçi varlandı.

Əsas odur ki, güclü yaradıcı, güclü ideyası və təməli olan şirkət seçəsiniz.


5️⃣ Fərdi fəaliyyət

Bu çox çətindir. Burada ilk növbədə müştəri gətirən sistem qurmalısınız: sosial kapital, şəxsi brend, PR. Bunu edə bilsəniz əlavə kurs satıb, mentorluq edib qazana da bilərsiniz. Əlbəttə ki, müştərilər də gələcək.

Həkim, psixoloq, marketoloq, mühəndis, memar, vəkil.


6️⃣ İdman

Burada irəli getmək çox çətindir, amma kimdə alınsa bəhrəsini həyatı boyu görəcək. Sadəcə düzgün sahə seçmək lazımdır: futbol, böyük tennis. ABŞ üçün amerikan futbolu, hokkey. Kanada üçün də hokkey. Bunlar əsas pul olan sahələrdir.

Güclü məktəbi olan ölkədə yaşamaq çox vacibdir, amma məsələn futbolu, tennisi hər insan özü də hazırlaşıb öyrənə bilər.


7️⃣ Şou-biznes

Burada təcrübəli bir mentorun olması çox vacibdir: prodüser məsələn. Çünki onlar bütün yolları bilir. Amma müasir dünyada sosial şəbəkələr köməyi ilə, musiqi platformaları ilə insanlar öz incəsənətini göstərib çox böyük uğur əldə edə bilər. Bunun nümunələri də çoxdur.

Musiqi, yazarlıq, yumor, illüziya sahələri.


8️⃣ Biznesdə səhm və ya hissə (şəriklik)

Pul varsa bir ya bir neçə insanla birləşib biznes açmaq olar. Ya biz əmlak alıb onu icarəyə vermək olar. Hansısa layihə etmək olar.


️9️⃣ Biznes

İş adamları, sahibkarlar əlbəttə ki, çox qazanır. Sadəcə bu ən çətin yollardan biridir. Burada həm düzgün ideya seçmək lazımdır, həm də çox güc, vaxt, enerji sərf edib onu qurmaq lazımdır.


1️⃣0️⃣ Dividend, faiz (istiqrazdan və ya bank depozitindən)

Çox böyük pul varsa, onda fond bazarından səhm alıb dividend əldə etmək olar. Ya banka qoyub faizini əldə etmək olar.

Məsələn, Azərbaycanda manatla 9-11% illik, dollar ilə 3-4,5%, digər ölkələrdə və valyutalarda öz faizları var. 10% götürsək, məsələn 100 000 ₼ qoyub ilə 10 000 ₼ əldə etmək olar, zəmanətli. Aya 800 ₼-dan çox düşür. Təsəvvür edin, 200-300-500 min olanda bu ayda 1600-2400-4000 ₼ edir.


1️⃣1️⃣ İcarə

Bu da böyük pul tələb edir. Danışmaz əmlak (yaşayış/kommersiya), avtonəqliyyat (taksi, xüsusi texnika, yük daşımaq üçün, insanlar aparmaq üçün). Bəzi ölkələrdə nəqliyyat xəttləri satılır, yəni dövlətin deyil. İstəyən biri avtobus marşrutu alıb öz avtobusları ilə sərnişin daşıya bilər. Taksi sürücülər var ki, avtomobili icarəyə götürürlər. Hətta insanlar var ki, avtomobil alıb taksi üçün icarə verib pul qazanırlar.

🫵❓❔Sən kimsən?

➖ Müəllim, demişdin ki, kim olduğumu dərk etsəm, müdrik olacağam. Bəs bunu necə edim?

➖ Əvvəlcə insanların sənin kim olduğuna qərar vermək hüququnu əllərindən al.

➖ Bu necə olur, müəllim?

➖ Biri sənə deyəcək ki, sən pis insansan. Sən də ona inanıb kədərlənəcəksən. Başqası isə sənə deyəcək ki, sən yaxşı insansan və sən sevinəcəksən. Səni ya tərifləyəcəklər, ya da tənqid edəcəklər. Sənə ya inanacaqlar, ya da sənə xəyanət edəcəklər. Nə qədər ki, onlar sənin kim olduğuna, necə biri olduğuna qərar vermək hüququna sahibdirlər, özünü tanıya bilməyəcəksən. Bu hüququ onların əlindən al. Mənim əlimdən də.


Böyük Şəxsiyyət ©

#hekayələr

t.me/biznes_ugur | BŞ © | Qrup | Crypto Qazanc | 🚀Boost

Dünya sizin pul qazanmağınıza həmişə mane olacaq 😉

😊🛍🏪Davranışın satışa təsiri (2/2)

Bunun davamını da yazım. Deməli qiymət 360 ₼ çıxdı. Mən geyimi yığıb verəndə gördüm ki, sahibkar satıcının qulağına nəsə dedi. Gəldim kassaya - 350 ₼ saydı (10 ₼ endirim). Xırda olsa da, adama xoş təsir edir. Yəni belə davranış - gözləntini üstünləyir. Bu şirkət üçün çox gözəl hərəkətdir.

___
⚠️Bir hadisəni də danışım. Uzun illər öncə bir bahalı mağazaya girdim. Onda kasıb vaxtlarım idi. Girişdə satıcı nə dedi? "Bura sizlik deyil" 😂. Heç cavab vermədim, çönüb getdim. Amma unutmadım. İnanın ki, üstündən 10 ildən çox keçib, amma o mağazaya ayaq basmamışam. İndi mənlik olsa da, sırf o davranışa görə heç getmərəm.

Yəni bir xırda hərəkət, bir işçinin cəmi 3 sözü görün satışa necə təsir göstərir. Bəlkə o işçi orada deyil artıq (böyük ehtimalla), amma təsiri hələ də işləyir.

___
🏬🎬Keçən həftə molda idim. Orada 5D kinoteatr var, tanış bir kişi də orada işləyir. Söhbət edirdik, bu zaman bir qadın üç ovladı ilə maraqlandı. Satıcı getdi izah etdi. Gördüm şübhə edirlər, arxadan mən də gülə-gülə dedim ki, möhtəşəm bir şeydir, mən çox bəyənirəm.

Bunlar bilet aldılar, adamın biri 10 ₼ (+40 ₼) və girdilər. 10 dəqiqə sonra çıxanda, özləri heyran qaldılar ki, necə maraqlı attraksiondur. Dedilər ki, düz deyirdiniz, bəyəndik.

Yəni insanlar səmimiyyəti, xoş niyyətlə verilən tövsiyəni şüuraltı ilə hiss edirlər. Bu ağ krossovkanı yüksək keyfiyyətli məhsul kimi satıb, sonra onun rəngi solub sarılanda təəcüblü sima göstərmək deyil. Əsas dediyinizlə nəticənin uyğun ya heç olmasa yaxın olmasıdır. Və ən əsas da odur ki, sizə müştəri güvənsin - bunu da dediyiniz düz çıxanda qazanırsınız.

Yəni onlar birdə gələcək? Böyük ehtimalla. Tanış (yeni müştəri) gətirəcəklər? Böyük ehtimalla. Tövsiyə edəcəklər? Böyük ehtimalla.

❓Sual: bəs birdən attraksion qəşəng olmasaydı, siz yenə tövsiyə edərdiniz?

💬Cavab: Xeyr. Onda seçimi müştərinin özünə vermək lazımdır və bu zaman başqa mexanikalar işləməyə başlayır. Çünki tövsiyə edilsə və müştəri bəyənməsə - o özünü aldadılmış kimi hiss edəcək. Bu isə neqativ və itki ilə nəticələnir.

___
⚖️Satış edəndə qiyməti və riski  uyğunlaşdırmaq lazımdır. Və qiymət keyfiyyətə uyğun olmalıdır. Məsələn, bir dəfə molda dünya brendi olan mağazaya girdim. Köynəyə baxdım, mənim ölçüm idi amma geniş qaldı. Satıcıdan soruşdum ki, bəs bundan balacası yoxdur? Dedi yox, bunu belə alırlar, kim istəyir dərziyə verib yığdırır, sizə yaraşır, belə də saxlamaq olar.

Təsəvvür edin, 300 ₼ bir köynəyə verirəm. Bunun nə dizaynı diqqət cəlb edir, nə parçası hansısa super parça kimi görünmür. Hələ üstəlik də dərziyə pul verməliyəm ki, mənim ölçümə uyğun tiksin onu. Bütün risklər də mənim böynumda. Bəs onda belə çıxır ki, mən köynək yox parça alıram. Və bu da mənə sərf etmir.

Yəni bu halda satıcının tövsiyəsi heç mənim üçün faydalı deyildi. Ona görə əlbəttə almadım.

___
Ümid edirəm faydalı oldu. Reaksiya qoyun 👁😉


Böyük Şəxsiyyət ©

#biznes
#marketinq
#şirkətlərin_hekayələri
#satış

t.me/biznes_ugur | BŞ © | Qrup | Crypto Qazanc | 🚀Boost