لو تقدر الليله تخليني انساك
حاول تساعدني وما أنسى جميلك .

‏أرهقت نفسي بأنتظارك ولا جيت
‏والناس حولي شافت الشوق فيني

لا تحسب إن غيابك هزنيّ أمره
أنا الغياب اللي يهزك ويرميك

عذرك معك لو كان ودك تنسحب
ما توجع الفرقا بعد موت الشعور

‏لا تلومني لو تغيرت عليك
عطيتك كل ماعندي واهملتني .

‏سبحان من خلاه عقب الغلا عادي
‏إن جاء يجي وأن اقفى ماني بحوله

عطيتك الين استحى مني العطا
‏ولا استحى وجهك ولا قدر عطاي .

وش أبي بشوقٍ تخفيه عني
ومحبةٍ بقلبك ما أدري بها .

‏حالفٍ بالله ما أصوب عليك سلاحي
‏وأنت ماتسوى ضياع الطلقه الناريه .

كابر قد ماتقدر تكابر أنا أدري
إنك حتى بالمكابر منتبه لي .

صرت ماعاد أدري أبقى ولا أغيب
لو بقيت انقهرت وإن غبت اشتقت

كذاب من قال البطا يرخص الناس
هذا أنت قدرك يرتفع وأنت غايب .

خذني معك وين ماودُك تروح
الأهم اكفيني شر الايام دونك .

علمني منهو اللي كان بالشر يسقيك
ومنهو اللي غير طيبتك وغيرك وقسّاك؟

إذا مرني طاريك وجه الحياة يزين
وإذا غبت مالي في ملذّاتها حاجه

شدتني الذكرى القديمه ولكن
‏تبقى على ما قيل ذكرى قديمة

لو تدورني من بير الارض وسماها
يعلم الله منت لاقي بديلٍ يساويني

منت بكفو تعلمني الصح من الغلط
أسياد راسك لابغينا نوطيها وطيناهـا

‏أنا الغلطانة والشرهه على إيديني
مديت لك قلب ما طاله أحد غيرك

ياغلطة العّمر وين ألقى عمر ثاني
وجروحُي اكبر من اعذارك وتبريرك !