Педагог ходимларнинг фарзандлари учун контрактнинг 30 фоизи қоплаб берилади: муҳим саволларга жавоблар

Педагог ходимларнинг фарзандлари учун тўлов-контракт суммасининг 30 фоизини давлат томонидан қоплаб бериш тартиби юзасидан энг кўп берилаётган саволларга жавоблар.

1. Имтиёз кимларга берилади?

Давлат олий таълим ташкилотларида базавий тўлов-контракт асосида, бакалавриатнинг кундузги таълим шаклида ўқиётган педагогларнинг фарзандларига берилади.

2. Контракт пули олдиндан тўланган бўлса ҳам чегирма олиш мумкинми?

Ҳа. Контракт тўлови тўлиқ ёки қисман тўланган бўлса ҳам, имтиёздан фойдаланиш мумкин.

3. Ярим грант, ярим контракт асосида ўқиётганларга ҳам бериладими?

Ҳа, ушбу тоифадаги талабалар ҳам чегирмадан фойдаланиши мумкин.

4. Супер-контрактдагиларга ҳам татбиқ этиладими?

Йўқ. Имтиёз базавий тўлов-контракт асосида ўқиётган талабалар учун белгиланган.

5. Ариза қанча муддатда кўриб чиқилади?

Ариза олий таълим ташкилотининг масъул бўлинмаси томонидан икки иш куни ичида кўриб чиқилади.

6. Стипендияли контрактда чегирма қандай ҳисобланади?

30 фоизлик чегирма стипендиясиз контракт суммасидан ҳисобланади.

7. Чегирма қўлланилганда шартнома суммаси ўзгарадими?

Шартноманинг умумий суммаси ўзгармайди. Унинг 70 фоизи талаба томонидан тўланади, 30 фоизи эса давлат бюджети ҳисобидан қопланади.

8. Маблағлар қачон ажратилади?

Олий таълим ташкилотлари педагогларнинг фарзандлари рўйхатини ҳар йили 10 апрелга қадар тақдим этади. Маблағлар 1 майга қадар ажратилади.

9. Бир йилда неча марта ариза бериш мумкин?

Имтиёз бир ўқув йилида педагогнинг бир нафар фарзанди учун бир марта қўлланилади. Ариза рад этилса, камчиликлар бартараф этилгач, қайта топшириш мумкин.

10. Педагогик лавозимлар рўйхатини қаердан кўриш мумкин?

Педагогик фаолият билан боғлиқ лавозимлар рўйхати билан 3849-сонли қарор орқали танишиш мумкин.

🔗 Ҳужжат: https://lex.uz//docs/-8259328
Манба: https://gov.uz/oz/edu/news/view/233356

👉Каналга уланиш👈

📢 E’LON

🩺 16-oktabr kuni Peshku tumanida sayyor qabul va tibbiy ko‘rik o‘tkaziladi

16-oktabr — juma kuni Peshku tumanidagi “Turkiston” MFY "Obod turmush" OSHPda Xalq deputatlari Buxoro viloyati Kengashi deputati, Abu Ali ibn Sino nomidagi Buxoro davlat tibbiyot instituti rektori Shuhrat Jumayevich Teshayevning sayyor qabuli hamda aholi uchun tibbiy ko‘rik tashkil etiladi.

Sayyor qabul davomida fuqarolar ijtimoiy masalalar, sog‘liqni saqlash sohasiga oid muammolar, taklif va murojaatlari yuzasidan bevosita murojaat qilishlari mumkin.

Shuningdek, aholi salomatligini muhofaza qilish maqsadida malakali tibbiyot mutaxassisi jalb etilib, fuqarolar tibbiy ko‘rikdan o‘tkaziladi va  soha mutaxassislari tomonidan tibbiy maslahat va ko‘riklar amalga oshiriladi.

🕣 Tibbiy ko‘rik — soat 08:30 da
🕤 Sayyor qabul — soat 10:00 da

📍 Manzil: Peshku tumani, “Turkiston” MFY "Obod turmush" OSHP

Hurmatli fuqarolar! Sizlarni sayyor qabul va tibbiy ko‘rikda faol ishtirok etishga, o‘zingizni qiziqtirgan masalalar yuzasidan murojaat qilish hamda malakali mutaxassislardan zarur tibbiy maslahat olishga taklif etamiz.

Kafedralar faoliyatini baholash bo‘yicha onlayn so‘rovnoma

Buxoro davlat tibbiyot institutida talabalar uchun dars mashg‘ulotlari olib boradigan kafedralarning ta’lim berish faoliyati va o‘quv jarayoni sifatini baholash maqsadida onlayn so‘rovnoma o‘tkazilmoqda.

So‘rovnomada talabalar o‘zlari tahsil olayotgan fanlar bo‘yicha dars beruvchi kafedralarning mashg‘ulotlarni tashkil etishi, mavzularni tushuntirish sifati, o‘qituvchilarning kasbiy mahorati, amaliy bilim va ko‘nikmalarni shakllantirishga e’tibori hamda ta’lim olish uchun yaratilgan sharoitlar yuzasidan umumiy baho berishlari mumkin.

So‘rovnoma natijalariga ko‘ra, eng yuqori ko‘rsatkichlarni qayd etgan 5 ta kafedra Tibbiyot va farmatsevtika xodimlari kuni munosabati bilan taqdirlanadi.

⏰ Ovoz berishning so‘nggi muddati — 19-oktabr, soat 19:00.

Barcha talabalarni onlayn so‘rovnomada faol ishtirok etishga hamda dars mashg‘ulotlari sifati va ta’lim berish samaradorligidan kelib chiqib, kafedralar faoliyatini xolisona baholashga chorlaymiz. Ishtirok etish mutlaqo ixtiyoriy va bepul.

Maqsad — talabalar fikri asosida ta’lim sifatini yanada oshirish, samarali faoliyat yuritayotgan kafedralarni rag‘batlantirish va institutda sog‘lom raqobat muhitini shakllantirish.