🏢 Buxoro davlat tibbiyot institutining xalqaro aloqalari kengaymoqda

Abu Ali ibn Sino nomidagi Buxoro davlat tibbiyot institutida xalqaro hamkorlik doirasida xorijiy oliy ta’lim muassasalari talabalari va professor-o‘qituvchilari uchun akademik mobillik, tajriba almashish hamda kasbiy malaka oshirish imkoniyatlari kengayib bormoqda.

🇷🇺 Ayni kunlarda Rossiya Federatsiyasining Patrıs Lumumba nomidagi Xalqlar do‘stligi universitetidan 6 nafar talaba institutning Oilaviy tibbiyotda ichki kasalliklar kafedrasida qisqa muddatli akademik mobillik dasturi asosida tahsil olmoqda.

📚 Tashrif davomida xorijlik talabalar institutning klinikasi, laboratoriyalari va Axborot-resurs markazi faoliyati bilan tanishib, ushbu maskanlarda yaratilgan sharoitlarga yuqori baho berishdi.

Shuningdek, ular nazariy dars mashg‘ulotlari va amaliy jarayonlarda faol ishtirok etib, o‘z bilim va ko‘nikmalarini yanada mustahkamlamoqda.

🤝 Bunday akademik almashinuv dasturlari xalqaro tajribani o‘rganish, zamonaviy tibbiy ta’lim yutuqlarini o‘zlashtirish hamda ta’lim va ilmiy hamkorlik aloqalarini mustahkamlashga xizmat qilmoqda. Institutda xalqaro hamkorlik geografiyasini kengaytirish va ta’lim sifatini yanada oshirish borasidagi ishlar izchil davom etmoqda.

🏢 Abu Ali Ibn Sino nomidagi Buxoro davlat tibbiyot instituti axborot xizmati  
  
✈️Telegram ✅ Facebook
📹You tube 🔍www.bsmi.uz