🎭 “Tebranmas yuraklar” — qalblarni larzaga solgan sahna ko‘rinishi!

Buxoro davlat tibbiyot instituti talabalari tomonidan “Tebranmas yuraklar” nomli sahna ko‘rinishi yuksak mahorat, chuqur mazmun va ta’sirchan ijro bilan namoyish etildi.

Talabalar o‘zlarining iste’dodi, sahna madaniyati va obrazlarni mahorat bilan gavdalantirishi orqali tomoshabinlarga unutilmas taassurot ulashdilar. Mazkur sahna ko‘rinishi insoniylik, mehr-oqibat va qalb kechinmalarini o‘zida mujassam etib, tomoshabinlar qalbidan chuqur joy oldi.

Iqtidorli talabalarimizga ijodiy parvozlar, yangi yutuqlar va kelgusi chiqishlarida ulkan muvaffaqiyatlar tilaymiz!

📢«RAHBAR VA YOSHLAR UCHRASHUVI»

Buxoro davlat tibbiyot institutida 2-bosqich talabalari hamda ularning ota-onalari ishtirokida «Rahbar va yoshlar uchrashuvi» tashkil etildi.

🎓 Uchrashuvda 700 nafar talaba bevosita ishtirok etdi, ularning ota-onalari esa onlayn tarzda qatnashdilar.

🤝 Muloqot davomida talabalarning ta’lim olishi, odob-axloqi, davomati, yoshlarni har tomonlama qo‘llab-quvvatlash hamda institut va ota-onalar o‘rtasidagi hamkorlikni mustahkamlash masalalari muhokama qilindi.

🎯 Uchrashuvdan ko‘zlangan asosiy maqsad — talabalarning ta’lim-tarbiyasiga e’tiborni kuchaytirish, mavjud muammolarni o‘rganish va ularni bartaraf etishda ota-onalar bilan hamkorlikni yanada rivojlantirishdan iborat.

Yoshlar kelajagi — yurt kelajagi! 🇺🇿