🇺🇿 21 октябрь — Ўзбек тили байрами куни!

Бухоро давлат тиббиёт институти Тиббиёт факультети 3-курс талабаси томонидан тайёрланган видеоролик.

Она тилимиз — миллий ғуруримиз, маънавий бойлигимиз ва ўзлигимиз тимсоли!

Она тилимизни асрайлик, қадрлайлик ва унинг нуфузини юксалтиришга ўз ҳиссамизни қўшайлик! 💐

🇺🇿 “MUQADDASIM, MUNAVVARIM — ONA TILIM!”

🏛 Buxoro davlat tibbiyot instituti barcha ustozlar, aziz hamkasblar va qadrli talabalarni o‘zbek tiliga davlat tili maqomi berilganining 37 yilligi munosabati bilan tashkil etilayotgan “Muqaddasim, munavvarim — ona tilim!” nomli badiiy-ma’rifiy tadbirga taklif etadi!

🌿 Ona tilimiz — milliy o‘zligimiz, ma’naviyatimiz va bebaho qadriyatlarimiz timsolidir. Uni ardoqlash, asrab-avaylash va kelajak avlodga yetkazish barchamizning sharafli burchimizdir.

📅 Sana: 2026-yil 20-oktabr
🕑 Vaqt: soat 14:00
📍 Manzil: Faollar zali

✨ Keling, ona tilimizga bo‘lgan mehr va ehtiromimizni birgalikda namoyon etaylik! Zero, ona tilimiz — millatimiz faxri, qalbimiz iftixoridir!

Barchangizni bayram tadbirimizda kutib qolamiz! 💙

📌 Ибн Сино илмий мероси чуқур ўрганилади: Бухорода илмий-тадқиқот маркази ташкил этилади!

Вазирлар Маҳкамасининг 2026 йил 19 октябрдаги 575-сон қарори билан буюк табиб ва қомусий олим Абу Али ибн Сино илмий меросини ўрганиш ва тарғиб қилиш бўйича 2030 йилгача мўлжалланган “йўл харитаси” тасдиқланди.

🎉 Қарор 2030 йилда нишонланадиган алломa таваллудининг 1050 йиллигига тайёргарлик доирасида қабул қилинди.

🏛 Абу Али ибн Сино илмий-тадқиқот маркази

Бухоро давлат тиббиёт институти ҳузурида давлат муассасаси шаклида ташкил этилади.

Марказнинг вазифалари:
▫️ Ибн Сино тиббиёти бўйича тадқиқотлар ўтказиш ва натижаларни замонавий табобатда қўллаш;
▫️ хорижда сақланаётган қўлёзмаларни жамлаш, таржима қилиш ва электрон платформасини яратиш;
▫️ ўқув материаллари, халқаро симпозиум ва конференциялар ташкил этиш;
▫️ тиббиёт ходимлари учун ўқув курслари ва маҳорат дарсларини йўлга қўйиш.

📚 Таржима ва нашр ишлари
Тиббиётга оид “Мўъжаз ал-Қонун”, “Қонунча” ҳамда фалсафий “Ал-Ишорат ва ат-танбиҳот”, “Донишнома”, “Китоб аш-Шифо”, “Шарқ фалсафаси” асарлари араб тилидан ўзбек тилига илмий-изоҳли таржима қилиниб, босма ва электрон шаклда нашр этилади (2026–2030 йиллар).

🌍 Халқаро тадбирлар
▫️ 2026 йил октябрда Тошкентда “Ибн Сино – Ғарб ва Шарқ фалсафий тафаккурининг буюк намояндаси” мавзусида халқаро илмий конференция ўтказилади;
▫️ хорижий мамлакатларга илмий экспедициялар ташкил этилади;
▫️ халқаро симпозиум ва конгресслар мунтазам ўтказиб борилади.

🏅 “Ибн Сино” халқаро мукофоти таъсис этилади. Аллома меросини ўрганишга ҳисса қўшган олим ва тадқиқотчилар тақдирланади (таклиф 2028 йил октябргача).

🗿 “Тиб қонунлари”га бағишланган монумент

Бухоро вилоятида алломанинг энг машҳур асарига бағишланган маҳобатли монумент барпо этилади (2028 йил мартгача).

🎬 “Ҳусайн” бадиий фильми
Ибн Синонинг болалиги ҳақида болалар учун фильм суратга олинади. Премьераси 2027 йил июнда, кейин кинотеатр, телеканал ва рақамли платформаларда намойиш этилади. Хорижий тиллардаги субтитрли нусхалари халқаро кинофестивалларга тақдим қилинади.

📱 Ёшлар учун контент
Сунъий интеллект ва замонавий технологиялар ёрдамида аллома асарлари ва унинг “Шайх ур-раис” (“Олимлар орасида биринчи”) унвонига сазовор бўлиш сабаблари ҳақида қисқа видеолар тайёрланиб, ижтимоий тармоқларга жойлаштирилади.

💪 Шунингдек, “Халқаро Ибн Сино соғломлаштириш марши” ва “Ибн Сино мадҳияси” низомлари ишлаб чиқилади, соғлом турмуш тарзини тарғиб қилувчи видеороликлар тайёрланади.

DIQQAT, E’LON!

🏆 FAOL VA IQTIDORLI TALABA QIZLARNI SPORT MUSOBAQALARIGA TAKLIF ETAMIZ!


Abu Ali ibn Sino nomidagi Buxoro davlat tibbiyot institutining barcha faol, iqtidorli, tashabbuskor va sportga qiziquvchi talaba qizlarini o‘z mahorati, chaqqonligi, zukkoligi va jamoaviy ruhini namoyon etishga chorlaymiz!

💐 Xotin-qizlarni qo‘llab-quvvatlash, ularning salohiyatini yuzaga chiqarish, sportga bo‘lgan qiziqishini oshirish hamda sog‘lom turmush tarzini targ‘ib qilish maqsadida quyidagi sport turlari bo‘yicha musobaqalar tashkil etiladi:

♟️ Shaxmat — aql va strategiya bellashuvi!
🔴 Shashka — zukkolik va mantiq sinovi!
💪 Arqon tortish — kuch va hamjihatlik bellashuvi!
🏐 Voleybol — jamoaviylik va g‘alaba sari intilish!
🏀 Basketbol — chaqqonlik va mahorat!
🏃‍♀️ Yengil atletika-100 metrga yugurish — tezlik va shiddat!
⚽ Mini-futbol — jamoaviy ruh va g‘alaba sari qadam!
🏓 Stol tennisi — tezkorlik va aniqlik!

🌷 Aziz talaba qizlar! Bu musobaqalar nafaqat g‘alaba uchun kurash, balki yangi do‘stlar orttirish, o‘z qobiliyatingizni namoyon etish va unutilmas taassurotlarga ega bo‘lish uchun ajoyib imkoniyatdir!
✨ O‘z kuchiga ishongan, g‘alabaga intilgan va faol hayot tarzini tanlagan barcha talaba qizlarni musobaqalarda faol ishtirok etishga taklif qilamiz!

🎖Unutmang: har bir qizning iste’dodi, har bir qadami va har bir yutug‘i qadrlidir!
🏆 Sport — iroda, birlik va g‘alaba demakdir!

Aziz talaba qizlar, o‘z kuchingizga ishoning, yangi marralarni zabt eting va g‘alaba sari dadil qadam tashlang! Har biringizning ishtirokingiz, intilishingiz va yutug‘ingiz muhim!

💖 Biz nafaqat g‘oliblarni, balki o‘z ustida ishlaydigan, tashabbus ko‘rsatadigan va faol hayot tarzini tanlagan qizlarni qo‘llab-quvvatlaymiz!
📌Faol bo‘ling! Iqtidorlaringizni namoyon eting! O‘z imkoniyatlaringizni yangi yutuqlarga aylantiring.
🤝 Birgalikda — kuchlimiz! Birgalikda — g‘olibmiz!
📣 Buxoro tibbiyot institutining barcha faol va iqtidorli talaba qizlarini musobaqalarda faol ishtirok etishga chorlaymiz!

📌Ishtirok etish istagidagi talaba qizlar faol bo‘ling, imkoniyatni qo‘ldan boy bermang!
Murojaat uchun:
@Gulzoda_Bsmi