Talabamiz — O‘zbekiston kubogi sovrindori!

🥋 Toshkent shahrida jiu-jitsu sport turi bo‘yicha barcha yosh toifalari o‘rtasida o‘tkazilgan “O‘zbekiston kubogi — 2026” musobaqasida Buxoro davlat tibbiyot instituti talabasi Safara Vazira munosib natijalarga erishdi.

🇺🇿 Respublikamizning 12 ta viloyatidan tashrif buyurgan kuchli sportchilar o‘rtasidagi keskin raqobatda institut Tibbiyot fakulteti pediatriya yo‘nalishining 2-kurs talabasi Safara Vazira U-21 yosh toifasida (-45 kg vazn) ikki yo‘nalishda ham faxrli 3-o‘rinni qo‘lga kiritdi:

🥉 Ne-Waza — 3-o‘rin

🥉 No-Gi — 3-o‘rin

Talabamizni ushbu yutug‘i bilan samimiy tabriklaymiz! Kelgusi musobaqalarda ham ulkan zafarlar va yangi marralarni zabt etishini tilaymiz!

🏢 Abu Ali Ibn Sino nomidagi Buxoro davlat tibbiyot instituti axborot xizmati  
  
✈️Telegram ✅ Facebook
📹You tube 🔍www.bsmi.uz

🔴 🟦🟦🟦

🇺🇿 Ona tilimiz — faxrimiz va iftixorimiz

🏢 Abu Ali ibn Sino nomidagi Buxoro davlat tibbiyot institutida 21-oktabr — o‘zbek tiliga davlat tili maqomi berilganining 37 yilligi munosabati bilan ma’naviy-ma’rifiy tadbir tashkil etildi.

Tadbirni institut rektori Shuhrat Teshayev ochib berib, ona tilimiz milliy o‘zligimiz, ma’naviyatimiz va qadriyatlarimizning ajralmas qismi ekanini ta’kidladi.

Shuningdek, o‘zbek tilining nufuzini oshirish, uning boy imkoniyatlarini keng targ‘ib etish va yosh avlod qalbida ona tiliga hurmat tuyg‘usini mustahkamlash muhim vazifa ekanini qayd etdi.

📚 Tadbir davomida institut talabasi taqdirlandi.

Dastlab, 16-oktabr kuni Toshkent davlat iqtisodiyot universitetida “O‘zbek tili — qalbim tarjimoni”, “Til bilimdonlari” hamda boshqa bir qator respublika tanlovlarining g‘olib va sovrindorlarini tantanali taqdirlash marosimi bo‘lib o‘tdi.

Quvonarlisi, Abu Ali ibn Sino nomidagi Buxoro davlat tibbiyot instituti talabasi, Hindiston fuqarosi Mazin Moyidinkutti “O‘zbek tili — qalbim tarjimoni” respublika tanlovida faxrli uchinchi o‘rinni egalladi.
Bayram tadbiri doirasida institut rektori Shuhrat Teshayev talabani ushbu yutug‘i bilan tabriklab, unga samimiy tilaklarini bildirdi va munosib taqdirladi.

💙 Ona tilimiz — milliy g‘ururimiz, ma’naviy boyligimiz va o‘zligimiz timsolidir. Uni asrash, qadrlash va kelajak avlodga yetkazish barchamizning sharafli burchimizdir!

✍️Abu Ali Ibn Sino nomidagi Buxoro davlat tibbiyot instituti axborot xizmati

🚀Telegram 🌐Facebook
📽You tube 🌐www.bsmi.uz