🇺🇿🇺🇿O‘zbek tili bayrami muborak bo‘lsin!

🏢 Hurmatli professor-o‘qituvchilar! Aziz talabalar! Qadrli hamkasblar!

Sizlarni milliy o‘zligimiz, ma’naviyatimiz va qadriyatlarimizning bebaho timsoli bo‘lgan o‘zbek tili bayrami kuni bilan chin qalbimdan samimiy muborakbod etaman.

Ona tilimiz — xalqimizning ko‘p asrlik tarixi, boy ma’naviy merosi, milliy g‘ururi va o‘zligini o‘zida mujassam etgan buyuk ne’matdir. Uni asrab-avaylash, sofligini saqlash, nufuzini yuksaltirish hamda kelajak avlodlarga boy va betakror meros sifatida yetkazish har birimizning muqaddas burchimizdir.

Bugungi kunda mamlakatimizda davlat tilining nufuzi va mavqeyini oshirish, uning ilm-fan, ta’lim, zamonaviy texnologiyalar va xalqaro muloqotdagi imkoniyatlarini kengaytirishga alohida e’tibor qaratilmoqda. Bu jarayonda oliy ta’lim muassasalari, xususan, tibbiyot oliy ta’limi tizimining ham o‘rni beqiyosdir.

Abu Ali ibn Sino nomidagi Buxoro davlat tibbiyot institutida ham yosh avlodni milliy qadriyatlarimizga hurmat, ona tilimizga muhabbat ruhida tarbiyalash, ilmiy va ta’limiy faoliyatda davlat tili me’yorlariga rioya etish, o‘zbek tilining ilm-fan va tibbiyot sohasidagi imkoniyatlarini kengaytirish muhim vazifalarimizdan biridir.

Aziz talabalar! Ona tilimizni puxta o‘rganing, uning boy imkoniyatlaridan unumli foydalaning, so‘zlashuv va yozma nutq madaniyatingizni yuksaltiring. Zero, o‘z fikrini ravon, aniq va savodli ifoda eta olish — bilimli, ma’rifatli va yuksak salohiyatli mutaxassisning muhim fazilatidir.
Institutimizda tahsil olayotgan xorijlik talabalar ham ona tilimizni o‘rganish va uni targ‘ib etishga munosib hissa qo‘shmoqda. Har yili dunyoning turli mamlakatlaridan, jumladan, Hindistondan minglab yoshlar yurtimizga kelib, institutimizda tibbiyot sirlarini puxta egallamoqda. Ularning katta qismi o‘zbek tilini ham o‘rganib, xalqimizning tili, madaniyati va milliy qadriyatlariga chuqur hurmat bilan qaramoqda. Ayniqsa, har yili hindistonlik talabalarimizning «O‘zbek tili bilimdoni» tanlovida g‘oliblikni qo‘lga kiritayotgani barchamizni quvontiradi. Bu esa ona tilimizning jozibasi, boyligi va xalqaro miqyosdagi nufuzi tobora ortib borayotganining yorqin ifodasidir.

Hurmatli professor-o‘qituvchilar! Sizlarning ilmiy, pedagogik va ma’naviy-ma’rifiy faoliyatingiz orqali ona tilimizga hurmat, milliy qadriyatlarimizga sadoqat va yuksak nutq madaniyati yoshlarimiz qalbiga yanada chuqur singishiga ishonaman.

Fursatdan foydalanib, barchangizga mustahkam sog‘liq, oilaviy baxt, xonadonlaringizga tinchlik-xotirjamlik, ilmiy va ijodiy faoliyatingizga ulkan muvaffaqiyatlar tilayman.

Ona tilimiz — milliy g‘ururimiz va ma’naviy boyligimiz! Uning nufuzi yanada yuksalib, ravnaqi yo‘lida olib borayotgan ezgu ishlarimiz bardavom bo‘lsin!

Bayramingiz muborak bo‘lsin!

Shuhrat Teshayev,
Abu Ali ibn Sino nomidagi Buxoro davlat tibbiyot instituti rektori

✍️Abu Ali Ibn Sino nomidagi Buxoro davlat tibbiyot instituti axborot xizmati

🚀Telegram 🌐Facebook
📽You tube 🌐www.bsmi.uz

🔴 🟦🟦🟦

🇺🇿 Ona tilimiz — faxrimiz va iftixorimiz

🏢 Abu Ali ibn Sino nomidagi Buxoro davlat tibbiyot institutida 21-oktabr — o‘zbek tiliga davlat tili maqomi berilganining 37 yilligi munosabati bilan ma’naviy-ma’rifiy tadbir tashkil etildi.

✍️Abu Ali Ibn Sino nomidagi Buxoro davlat tibbiyot instituti axborot xizmati

🚀Telegram 🌐Facebook
📽You tube 🌐www.bsmi.uz

Buxoro davlat tibbiyot institutida “Zakovat” kuzgi mavsumining ilk o‘yini bo‘lib o‘tdi

Buxoro davlat tibbiyot instituti Zakovat klubi doirasida kuzgi mavsumning birinchi tur o‘yini bo‘lib o‘tdi.

🧠 Bellashuvda bilimga chanqoq, zukko va intiluvchan talaba-yoshlar o‘z bilimlarini sinovdan o‘tkazib, mantiqiy fikrlash va jamoaviy hamkorlik borasidagi mahoratlarini namoyish etdilar.

📌 Institutda talabalar o‘rtasida intellektual o‘yinlarni rivojlantirish, ularning bilim va salohiyatini oshirishga qaratilgan bunday tadbirlar davom etadi.

✍️Abu Ali Ibn Sino nomidagi Buxoro davlat tibbiyot instituti axborot xizmati

🚀Telegram 🌐Facebook
📽You tube 🌐www.bsmi.uz

🏢 ONA TILIM — MILLIY G‘URURIM, BEQIYOS BOYLIGIM!

O‘zbek tiliga davlat tili maqomi berilganining 37 yilligi munosabati bilan chellenj (chorlov) tashkil etildi.

Tilimizni asraylik, qadrlaylik va uning nufuzini birgalikda yuksaltiraylik!

✍️Abu Ali Ibn Sino nomidagi Buxoro davlat tibbiyot instituti axborot xizmati

🚀Telegram 🌐Facebook
📽You tube 🌐www.bsmi.uz

💊 Ўзбекистонда “Ибн Сино” халқаро мукофоти таъсис этилади

Аллома таваллудининг 1050 йиллигига тайёргарлик кўриш бўйича 2030 йилгача мўлжалланган “йўл харитаси” тасдиқланди. Бухорода Абу Али ибн Сино илмий-тадқиқот маркази ташкил этилади.

Ўзбекистонда Абу Али ибн Сино илмий меросини чуқур ўрганиш ва кенг тарғиб қилиш бўйича 2030 йилгача мўлжалланган “йўл харитаси” тасдиқланди. Бу ҳақда Адлия вазирлиги хабар берди.

Ҳукуматнинг 19 октябрдаги 575-сон қарори билан 2030 йилда нишонланадиган аллома таваллудининг 1050 йиллигига тайёргарлик кўриш бўйича чора-тадбирлар белгиланди.
Хусусан, 2026 йил октябрь ойида Тошкент шаҳрида “Ибн Сино — Ғарб ва Шарқ фалсафий тафаккурининг буюк намояндаси” мавзусида халқаро илмий конференция ўтказилиши назарда тутилган.

Шунингдек, олий тиббиёт таълим ташкилотлари, илмий марказлар, кутубхоналар ва даволаш-профилактика муассасаларида илмий-амалий анжуманлар, кўргазмалар ҳамда очиқ маърузалар ташкил этилади.

Хорижий мамлакатларга илмий экспедициялар уюштирилиб, Ибн Синонинг чет элда сақланаётган қўлёзмалари жамланади.

Алломанинг “Мўжаз ал-Қонун”, “Қонунча”, “Ал-Ишорат ва ат-танбиҳот”, “Донишнома”, “Китоб аш-Шифо” ҳамда “Шарқ фалсафаси” асарлари ўзбек тилига таржима қилиниб, уларнинг босма ва электрон нашрлари тайёрланади.

Бундан ташқари, “Ибн Сино” халқаро мукофотини таъсис этиш режалаштирилган.
Қарор билан Бухоро давлат тиббиёт институти ҳузурида давлат муассасаси шаклида Абу Али ибн Сино илмий-тадқиқот марказини ташкил этиш тўғрисидаги таклиф ҳам маъқулланди.

Марказ Ибн Сино тиббиёти билан боғлиқ тадқиқотлар олиб бориш, уларнинг натижаларини замонавий тиббиётда қўллаш, аллома қўлёзмаларини жамлаш ва ўзбек тилига таржима қилиш билан шуғулланади. Шунингдек, қўлёзмаларнинг электрон платформаси яратилади.

Тиббиёт ходимлари ҳамда тиббиёт тарихига қизиқувчилар учун ўқув курслари ва маҳорат дарслари ташкил этилади.

Марказ фаолияти Бухоро давлат тиббиёт институтининг бюджетдан ташқари маблағлари, халқаро молия институтлари грантлари, пулли хизматлардан тушумлар, ҳомийлик хайриялари ва қонунчиликда тақиқланмаган бошқа манбалар ҳисобидан молиялаштирилади.

💊 Тиббиёт дунёси канали