🏢 Talaba-yoshlar o‘rtasida huquqbuzarliklarning oldini olish bo‘yicha tushuntirish ishlari olib borildi

Abu Ali ibn Sino nomidagi Buxoro davlat tibbiyot institutida talaba-yoshlar o‘rtasida huquqbuzarliklarning oldini olish, jamoat tartibi va hududlar osoyishtaligini ta’minlashga qaratilgan profilaktik tushuntirish ishlari olib borildi.

Tadbirda Buxoro viloyati IIB huzuridagi Migratsiya va personallashtirish boshqarmasi boshlig‘i o‘rinbosari, mayor Alisher Ahmadovich Xudoyberdiyev ishtirok etdi.

Uchrashuv davomida talaba-yoshlarga tungi vaqtda sababsiz va maqsadsiz yurmaslik, huquqbuzarliklarga yo‘l qo‘ymaslik, jamoat joylarida belgilangan tartib-qoidalarga rioya qilish hamda shaxsiy xavfsizlikka mas’uliyat bilan yondashish yuzasidan tushuntirishlar berildi.

Shuningdek, institutda tahsil olayotgan xorijiy davlatlar fuqarolari hamda O‘zbekistonning boshqa hududlaridan kelib o‘qiyotgan talabalar bilan ham suhbat o‘tkazildi. Ularning viza, vaqtincha yashash va ro‘yxatdan o‘tish masalalariga oid savollariga javob berilib, tegishli tushuntirishlar berildi.

Tadbir davomida yoshlarning huquqiy madaniyatini yuksaltirish, ular o‘rtasida huquqbuzarliklarning oldini olish hamda tinch-osoyishta muhitni ta’minlashda har bir talabaning mas’uliyati muhim ekani ta’kidlandi.

✍️Abu Ali Ibn Sino nomidagi Buxoro davlat tibbiyot instituti axborot xizmati

🚀Telegram 🌐Facebook
📽You tube 🌐www.bsmi.uz

«Obod mahalla — odobli jamiyat» shiori ostida ma’naviy-ma’rifiy targ‘ibot ishlari olib borilmoqda

Buxoro davlat tibbiyot instituti professor-o‘qituvchilari tomonidan Romitan va Vobkent tumanida «Obod mahalla — odobli jamiyat» shiori ostida ma’naviy-ma’rifiy targ‘ibot ishlari tashkil etilmoqda.

Tadbirlar davomida korxona va tashkilotlar, aholi xonadonlarida tozalik va obodonlashtirish ishlarini tashkil etish, hududlarni ozoda saqlash, sanitariya-gigiyena qoidalariga rioya qilish hamda aholi o‘rtasida ekologik madaniyatni yuksaltirish masalalariga e’tibor qaratilmoqda.

Shuningdek, aholi o‘rtasida obodlik va ozodalik har bir insonning kundalik turmush tarziga aylanishi, mahallalarni yanada ko‘rkam va fayzli hududlarga aylantirishda jamoatchilikning faol ishtirokini ta’minlash bo‘yicha tushuntirish ishlari olib borilmoqda.

Mazkur tashabbusdan ko‘zlangan maqsad — aholida yuksak ma’naviyat, mas’uliyat va ekologik madaniyatni shakllantirish, obod va ozoda muhitni ta’minlashga hissa qo‘shishdan iborat.

✍️Abu Ali Ibn Sino nomidagi Buxoro davlat tibbiyot instituti axborot xizmati

🚀Telegram 🌐Facebook
📽You tube 🌐www.bsmi.uz

BuxDTIda ma’naviy-ma’rifiy tadbirlar izchil davom etmoqda

Buxoro davlat tibbiyot institutida talaba-yoshlarning bo‘sh vaqtlarini mazmunli tashkil etish, ularning ma’naviy dunyoqarashini kengaytirish, ijodiy qobiliyatlarini rivojlantirish hamda milliy qadriyatlarga hurmat ruhida tarbiyalashga qaratilgan ma’naviy-ma’rifiy jarayonlar izchil davom etmoqda.

Xususan, 2026-yil 21–22-oktabr kunlari institutning Tibbiyot fakulteti talabalari ishtirokida “Besh muhim tashabbus” doirasida turli tadbirlar tashkil etildi.

Jumladan, Davolash yo‘nalishining 119-guruh talabalari uchun tikuvchilik to‘garagi tashkil etilib, ularning amaliy ko‘nikmalari va ijodiy qobiliyatlarini rivojlantirishga e’tibor qaratildi. 204-guruh talabalari esa milliy taomimiz — osh tayyorlash orqali o‘zbek xalqining boy pazandachilik an’analari va milliy qadriyatlarini namoyon etdilar.

Shuningdek, 209-guruh talabalari o‘rtasida kitobxonlik mashg‘uloti o‘tkazilib, yoshlarning mutolaa madaniyatini oshirish va kitobga bo‘lgan qiziqishini kuchaytirishga alohida e’tibor berildi.

Institut talabalar turar joyida ham “Besh muhim tashabbus” doirasida Oliy hamshiralik ishi yo‘nalishining 362-guruh talaba-qizlari tikuvchilik to‘garagiga jalb etildi. Mazkur mashg‘ulotlar qizlarning kasbiy va hayotiy ko‘nikmalarini rivojlantirish, hunar o‘rganishiga ko‘maklashishga xizmat qilmoqda.

Bundan tashqari, Xalqaro fakultet talabasi bilan psixolog nazoratida individual mashg‘ulot o‘tkazilib, test va savollar yordamida talabaning psixologik holati o‘rganildi hamda tegishli psixologik ko‘mak ko‘rsatildi.

Bunday tadbirlar talabalarning bo‘sh vaqtlarini samarali tashkil etish, ularning intellektual salohiyati, ijodkorligi, milliy qadriyatlarga hurmati va ijtimoiy faolligini oshirishga xizmat qiladi.

✍️Abu Ali Ibn Sino nomidagi Buxoro davlat tibbiyot instituti axborot xizmati

🚀Telegram 🌐Facebook
📽You tube 🌐www.bsmi.uz