BuxDTIda ma’naviy-ma’rifiy tadbirlar izchil davom etmoqda

Buxoro davlat tibbiyot institutida talaba-yoshlarning bo‘sh vaqtlarini mazmunli tashkil etish, ularning ma’naviy dunyoqarashini kengaytirish, ijodiy qobiliyatlarini rivojlantirish hamda milliy qadriyatlarga hurmat ruhida tarbiyalashga qaratilgan ma’naviy-ma’rifiy jarayonlar izchil davom etmoqda.

Xususan, 2026-yil 21–22-oktabr kunlari institutning Tibbiyot fakulteti talabalari ishtirokida “Besh muhim tashabbus” doirasida turli tadbirlar tashkil etildi.

Jumladan, Davolash yo‘nalishining 119-guruh talabalari uchun tikuvchilik to‘garagi tashkil etilib, ularning amaliy ko‘nikmalari va ijodiy qobiliyatlarini rivojlantirishga e’tibor qaratildi. 204-guruh talabalari esa milliy taomimiz — osh tayyorlash orqali o‘zbek xalqining boy pazandachilik an’analari va milliy qadriyatlarini namoyon etdilar.

Shuningdek, 209-guruh talabalari o‘rtasida kitobxonlik mashg‘uloti o‘tkazilib, yoshlarning mutolaa madaniyatini oshirish va kitobga bo‘lgan qiziqishini kuchaytirishga alohida e’tibor berildi.

Institut talabalar turar joyida ham “Besh muhim tashabbus” doirasida Oliy hamshiralik ishi yo‘nalishining 362-guruh talaba-qizlari tikuvchilik to‘garagiga jalb etildi. Mazkur mashg‘ulotlar qizlarning kasbiy va hayotiy ko‘nikmalarini rivojlantirish, hunar o‘rganishiga ko‘maklashishga xizmat qilmoqda.

Bundan tashqari, Xalqaro fakultet talabasi bilan psixolog nazoratida individual mashg‘ulot o‘tkazilib, test va savollar yordamida talabaning psixologik holati o‘rganildi hamda tegishli psixologik ko‘mak ko‘rsatildi.

Bunday tadbirlar talabalarning bo‘sh vaqtlarini samarali tashkil etish, ularning intellektual salohiyati, ijodkorligi, milliy qadriyatlarga hurmati va ijtimoiy faolligini oshirishga xizmat qiladi.

✍️Abu Ali Ibn Sino nomidagi Buxoro davlat tibbiyot instituti axborot xizmati

🚀Telegram 🌐Facebook
📽You tube 🌐www.bsmi.uz

🏢 Xalqaro fakultet talabalari bilan davra suhbati o‘tkazildi

Buxoro davlat tibbiyot institutida Xalqaro fakultet talabalari ishtirokida O‘zbekistonda bo‘lish va yashash tartibi, vaqtincha ro‘yxatdan o‘tish, yashash manzilini o‘zgartirish qoidalari hamda amaldagi qonunchilik talablariga rioya etish masalalariga bag‘ishlangan davra suhbati tashkil etildi.

Tadbirda rektor maslahatchisi M. Mahmudov, Xalqaro fakultet dekani M. Xayriyeva, guruh tyutorlari, viloyat IIB JTSB PPX komandiri, mayor F. Xayriyev, shuningdek, IIB Migratsiya va personallashtirish boshqarmasi boshlig‘i o‘rinbosarlari, mayor A. Xudoyberdiyev hamda podpolkovnik A. Soliyev ishtirok etdilar.

Suhbat davomida xorijiy talabalar uchun O‘zbekistonda bo‘lish va yashash, vaqtincha ro‘yxatdan o‘tish muddatlariga rioya qilish, yashash joyini o‘zgartirish tartibi, mamlakatning ichki qonun-qoidalari, jamoat tartibi va tungi vaqtdagi belgilangan talablar hamda cheklovlarga amal qilish yuzasidan batafsil tushuntirishlar berildi.

Shuningdek, talabalarga qonunchilik talablariga qat’iy rioya qilish, jamoat joylarida odob-axloq qoidalariga amal qilish va huquqbuzarliklarning oldini olish bo‘yicha zarur tavsiyalar taqdim etildi.

Bunday uchrashuvlar xorijiy talabalar o‘rtasida huquqiy madaniyatni yuksaltirish, ularning mamlakatimizda xavfsiz va qonuniy yashashlarini ta’minlash hamda ta’lim muassasasi va huquqni muhofaza qiluvchi organlar o‘rtasidagi hamkorlikni mustahkamlashga xizmat qiladi.

✍️Abu Ali Ibn Sino nomidagi Buxoro davlat tibbiyot instituti axborot xizmati

🚀Telegram 🌐Facebook
📽You tube 🌐www.bsmi.uz