🕌 Ziyorat — ma’naviyat va ma’rifat sari qadam!

Abu Ali ibn Sino nomidagi Buxoro davlat tibbiyot instituti Biotibbiyot fakulteti Fundamental tibbiyot yo‘nalishi 172-guruh talabalari Buxoro zaminidagi muqaddas qadamjolardan biri — Bahouddin Naqshband ziyoratgohiga ma’naviy-ma’rifiy sayohat uyushtirdilar.

Tashrif davomida talabalar buyuk mutafakkir va tasavvuf namoyandasi Bahouddin Naqshband hazratlarining hayoti, ilmiy-ma’naviy merosi, ibratli faoliyati hamda insonni komillikka yetaklovchi ezgu g‘oyalari haqida qimmatli ma’lumotlarga ega bo‘ldilar.

Ayniqsa, «Dil ba yoru, dast ba kor» — «Ko‘ngil Allohda, qo‘l mehnatda bo‘lsin» degan hikmatli tamoyilning mazmun-mohiyati talabalarda katta taassurot qoldirdi.

Mazkur ziyorat yoshlarning milliy va ma’naviy qadriyatlarga hurmatini oshirish, tarixiy merosimizga bo‘lgan qiziqishini kuchaytirish, ularni ilm olishga, mehnatsevarlikka va ezgu fazilatlar sari intilishga ruhlantirishda muhim ahamiyat kasb etdi.