O‘zbekiston Respublikasi Prezidentining farmoni bilan Maktabgacha va maktab ta’limi vazirligi hamda Oliy ta’lim, fan va innovatsiyalar vazirligi yagona Ta’lim va ilm-fan vazirligi sifatida qayta tashkil etildi.

Ushbu islohotning asosiy maqsadi mamlakatimizda ta’lim, tarbiya va ilm-fanning yaxlit tizimini zamon talablari asosida tashkil etish, ta’lim sifati va samaradorligini oshirish hamda inson kapitalini rivojlantirish bo‘yicha ishlarni yangi darajaga olib chiqishdan iborat.

Shuningdek, ta’limning barcha turlari o‘rtasidagi o‘zaro uzviylik va bardavomlikni ta’minlash, maktabgacha ta’limdan tortib oliy ta’limgacha barcha bosqichlarni hamda ilmiy faoliyatni qamrab olgan yagona samarali boshqaruv tizimini joriy qilish, uning jamoatchilik oldida hisobdorligini oshirish ko‘zda tutilgan.
— 
Указом Президента Республики Узбекистан Министерство дошкольного и школьного образования и Министерство высшего образования, науки и инноваций реорганизованы в единое Министерство образования и науки.

Целями данной реформы являются организация единой системы образования, воспитания и науки в стране на основе современных требований, выведение на новый уровень работы по повышению качества и эффективности образования и развития человеческого капитала.

Предусматривается обеспечение взаимной интеграции и преемственности между всеми видами образования и внедрение единой эффективной системы управления, охватывающего все этапы от дошкольного до высшего образования, а также научную деятельность, и повышение подотчетности системы перед общественностью.

Facebook|Instagram|X

MUHIM YANGILIK!

🇺🇿 Prezident Farmoni bilan O‘zbekistonda Ta’lim va ilm-fan vazirligi tashkil etildi.

2026-yil 3-oktabrdagi Farmonga ko‘ra, yangi vazirlik Maktabgacha va maktab ta’limi vazirligi hamda Oliy ta’lim, fan va innovatsiyalar vazirligi negizida tashkil etiladi.

Yangi vazirlik qaysi yo‘nalishlarni boshqaradi?

Ta’lim va ilm-fan vazirligi quyidagi sohalarda yagona davlat siyosatini amalga oshiradi:

☑ maktabgacha ta’lim va tarbiya;
☑ umumiy o‘rta va o‘rta maxsus ta’lim;
☑ kasbiy ta’lim;
☑ oliy ta’lim;
☑ oliy ta’limdan keyingi ta’lim;
☑ kadrlarni qayta tayyorlash va malakasini oshirish;
☑ qo‘shimcha va norasmiy ta’lim.

Ya’ni, ta’limning maktabgacha bosqichidan boshlab oliy ta’lim, undan keyingi ta’lim va ilm-fangacha bo‘lgan yo‘nalishlar yagona vazirlik tizimida birlashtiriladi.

Yangi vazirlik Maktabgacha va maktab ta’limi vazirligi hamda Oliy ta’lim, fan va innovatsiyalar vazirligining huquq va majburiyatlari, shuningdek, shartnomalari, jumladan xalqaro shartnomalari bo‘yicha huquqiy vorisi hisoblanadi.

Endi nima bo‘ladi?

Vazirlar Mahkamasi bir hafta muddatda yangi vazirlikning vazifalari va tashkiliy tuzilmasini belgilash bo‘yicha Prezident qarori loyihasini kiritadi.

Shuningdek, Farmondan kelib chiqadigan zarur o‘zgartirish va qo‘shimchalar ikki oy muddatda qonunchilikka kiritilishi bo‘yicha takliflar ishlab chiqiladi.

Asosiy maqsad — O‘zbekistonda uzluksiz ta’lim, tarbiya va ilm-fan tizimini yagona yondashuv asosida rivojlantirish, ta’lim bosqichlari o‘rtasidagi uzviylikni kuchaytirish hamda maktab ta’limini kasbiy va oliy ta’lim, oliy ta’limni esa ilm-fan bilan yanada yaqin integratsiya qilish.

Qisqacha aytganda:
Maktabgacha ta’limdan tortib oliy ta’lim va ilm-fangacha bo‘lgan tizimlarni yagona boshqaruv asosida rivojlantirish uchun Ta’lim va ilm-fan vazirligi tashkil etildi.

🇺🇿 Bu o‘zgarish mamlakatimizda ta’lim tizimini yanada yaxlit va samarali boshqarishga qaratilgan muhim qadamdir.

https://t.me/uzedu/45939

🤩Telegram 🌐Instagram
🗝Facebook 🌐Web-sayt

Elektron jurnal 👉👉👉 btshop.uz

Prezident matbuot kotibi Sherzod Asadov ta’lim tizimidagi yangi islohotlarning mazmun-mohiyatini tushuntirdi

Ta’lim sohasida amalga oshirilayotgan yangi o‘zgarishlar, avvalo, tizimdagi vazifalarni aniq taqsimlash, boshqaruvni samarali tashkil etish va ta’lim sifatini oshirishga qaratilmoqda. Prezidentimizning ikki vazirlikni birlashtirish tashabbusi ham aynan shu maqsadlarga xizmat qiladi.

Yangi yondashuvga ko‘ra, Ta’lim va ilm-fan vazirligi mamlakatdagi barcha bog‘cha, maktab, professional va oliy ta’lim muassasalari faoliyatini tashkil etish uchun mas’ul bo‘ladi. Vazirlik ta’lim muassasalarining kundalik va operatsion jarayonlarini muvofiqlashtiradi, ta’lim faoliyatiga qo‘yiladigan talablarni belgilaydi, shuningdek, akkreditatsiya va litsenziyalash ishlarini amalga oshiradi.

Bunda vazirlikning asosiy vazifasi — ta’lim muassasalari faoliyati uchun zarur tashkiliy va me’yoriy sharoitlarni yaratish, tizimdagi jarayonlarni samarali boshqarish hamda ta’lim olish uchun yagona va aniq talablarni ta’minlashdan iborat bo‘ladi.

Ta’lim sifatini ta’minlash milliy agentligi esa ta’lim mazmuni va sifatini rivojlantirishga ixtisoslashadi. Agentlik o‘quv dasturlari, darslik va qo‘llanmalar, metodik materiallarni ishlab chiqish, ularni amaliyotga joriy etish va natijalarini tahlil qilish bilan shug‘ullanadi. Ta’lim jarayonida aniqlangan kamchiliklar asosida mazkur materiallar va yondashuvlar muntazam takomillashtirib boriladi.

Bu jarayonning asosiy mezoni Prezidentimiz belgilab bergan «o‘zbek maktabi bitiruvchisining portreti» bo‘ladi. Ya’ni o‘quv dasturlari va ta’lim mazmuni maktab bitiruvchisining qanday bilim, ko‘nikma va kompetensiyalarga ega bo‘lishi kerakligiga qarab shakllantiriladi. Shu orqali ta’lim mazmuni bilan uning yakuniy natijasi o‘rtasida aniq bog‘liqlik ta’minlanadi.

Islohotlarning strategik yo‘nalishlarini belgilashda Prezident Administratsiyasi va uning huzurida tashkil etiladigan alohida ishchi guruh muhim o‘rin tutadi. Ishchi guruh yangi vazirlikning tuzilmasini ishlab chiqadi, amaldagi ish jarayonlarini qayta ko‘rib chiqadi, ortiqcha va samarasiz jarayonlarni aniqlaydi hamda ularni takomillashtirish bo‘yicha takliflar tayyorlaydi.

Shu bilan birga, ishchi guruh ta’lim tizimidagi o‘zgarishlarning uzoq muddatli yo‘nalishlarini belgilab, islohotlarni bir-biri bilan uzviy bog‘liq holda amalga oshirish uchun zarur mexanizmlarni ishlab chiqadi.

Oliy ta’limda esa asosiy e’tibor mustaqillik va raqobatni kuchaytirishga qaratiladi. Davlatning oliy ta’lim muassasalari faoliyatiga aralashuvi bosqichma-bosqich qisqartirilib, oliygohlarga o‘z faoliyatini mustaqil tashkil etish uchun kengroq vakolatlar beriladi. Nodavlat oliy ta’lim muassasalarining rivojlanishi uchun ham zarur sharoitlar yaratiladi.

Bunday yondashuvda oliygohlar faoliyatini baholashda ma’muriy ko‘rsatmalardan ko‘ra, ta’lim sifati, bitiruvchilarning tayyorgarligi va mehnat bozoridagi talab muhim mezonga aylanadi. Erkin raqobat esa oliy ta’lim muassasalarini ta’lim sifatini oshirish, zamonaviy dasturlarni joriy etish va talabalar uchun munosib sharoitlar yaratishga undaydi.

Umuman, yangi islohotlar doirasida boshqaruv, ta’lim mazmuni, sifat nazorati va oliygohlar mustaqilligi bo‘yicha vazifalar bir-biridan aniq ajratiladi. Bu esa ta’lim tizimida mas’uliyatni kuchaytirish, qaror qabul qilish jarayonlarini samarali tashkil etish va eng muhimi, ta’lim natijasini yaxshilashga xizmat qilishi kerak.
🤩Telegram 🌐Instagram
🗝Facebook 🌐Web-sayt

Elektron jurnal 👉👉👉 btshop.uz

Prezident Shavkat Mirziyoyev Ta’lim va ilm-fan vazirligi faoliyatini samarali tashkil etish, shuningdek, ta’lim tizimining barcha bosqichlarida amalga oshirilishi zarur bo‘lgan ustuvor vazifalar yuzasidan tayyorlangan taqdimot bilan tanishdi.

Taqdimotda ta’lim va ilm-fan sohasini yanada rivojlantirish, tizim boshqaruvini takomillashtirish, ta’limning barcha bosqichlarida sifat va samaradorlikni oshirishga qaratilgan vazifalar muhokama qilindi.

Davlat rahbari sohadagi islohotlarni izchil davom ettirish, belgilangan vazifalarni samarali amalga oshirish hamda ta’lim sifatini yangi bosqichga olib chiqish muhimligini ta’kidladi.

🤩Telegram 🌐Instagram
🗝Facebook 🌐Web-sayt

Elektron jurnal 👉👉👉 btshop.uz

Prezidentimiz Markaziy Osiyo va Ozarbayjon davlat rahbarlarining Maslahat uchrashuvida qator tashabbuslarni ilgari surdi

Prezident Shavkat Mirziyoyev 8-oktabr kuni Avazada bo‘lib o‘tgan Markaziy Osiyo davlatlari va Ozarbayjon rahbarlarining sakkizinchi Maslahat uchrashuvida nutq so‘zladi.

Davlat rahbari mintaqaviy hamkorlikni suverenitet, o‘zaro hurmat, ishonch va pragmatizm tamoyillari asosida yanada rivojlantirish muhimligini ta’kidladi.

Iqtisodiy hamkorlikni yangi bosqichga olib chiqish, o‘zaro savdodan qo‘shma ishlab chiqarish va tayyor mahsulot yaratishga o‘tish zarurligi qayd etildi. Shu maqsadda 2027-yilda Xivada biznes forumini o‘tkazish hamda qo‘shma investitsiya loyihalarini qo‘llab-quvvatlovchi maxsus platforma tashkil etish taklif qilindi.

Shuningdek, davlatimiz rahbari:

• Infratuzilmani rivojlantirish kengashining ilk yig‘ilishini O‘zbekistonda o‘tkazish;
• yangi energetika quvvatlari, energiya saqlash tizimlari va energetika yo‘laklarini rivojlantirish bo‘yicha qo‘shma konsepsiya ishlab chiqish;
• suv tejovchi texnologiyalarni keng joriy etish va Afg‘oniston bilan suv masalalarida doimiy muloqot yo‘lga qo‘yish;
• «Markaziy Osiyo toza havosi» konsorsiumi doirasida ekologik modernizatsiyani jadallashtirish;
• muhim minerallar zaxiralarining yagona raqamli xaritasini yaratish;
• milliy ma’lumotlar markazlarini birlashtiruvchi umumiy hisoblash infratuzilmasini shakllantirish;
• talab yuqori bo‘lgan kasblar va kompetensiyalarning mintaqaviy atlasini ishlab chiqish tashabbuslarini ilgari surdi.

Mintaqalararo hamkorlik masalalarini 2027-yilda Toshkentda o‘tkaziladigan xalqaro konferensiyada muhokama qilish taklif etildi.

Uchrashuv yakunida Qo‘shma bayonot qabul qilindi.
🤩Telegram 🌐Instagram
🗝Facebook 🌐Web-sayt

Elektron jurnal 👉👉👉 btshop.uz

ERKINJON TURDIMOV TA’LIM VA ILM-FAN VAZIRI ETIB TAYINLANDI

O‘zbekiston Respublikasi Prezidentining farmoniga muvofiq, Turdimov Erkinjon Oqbutayevich O‘zbekiston Respublikasi Bosh vazirining birinchi o‘rinbosari — ta’lim va ilm-fan vaziri lavozimiga tayinlandi. Shu munosabat bilan u Sirdaryo viloyati hokimi lavozimidan ozod etildi.

Bundan avval E. Turdimov nomzodi Oliy Majlis Qonunchilik palatasi deputatlari tomonidan ma’qullangan edi.

Shuningdek, tegishli farmon bilan O‘zbekiston Respublikasi Vazirlar Mahkamasi ijro etuvchi tuzilmasida Bosh vazirning birinchi o‘rinbosari — ta’lim va ilm-fan vaziri lavozimi joriy etildi hamda Ta’lim, ilm-fan va sog‘liqni saqlash masalalari kotibiyati tashkil qilindi.

Bosh vazirning birinchi o‘rinbosari — ta’lim va ilm-fan vaziriga vazirliklar, qo‘mitalar, agentliklar va inspeksiyalar rahbarlari, Qoraqalpog‘iston Respublikasi Vazirlar Kengashi Raisi, viloyatlar va Toshkent shahar hokimlarining ta’lim, ilm-fan va sog‘liqni saqlash sohalaridagi vazifalar ijrosiga doir faoliyatini vakolati doirasida muvofiqlashtirish va unga umumiy rahbarlik qilish belgilandi.

Mazkur yo‘nalishlardagi vazifalar ijrosini tashkil etish va nazorat qilish O‘zbekiston Respublikasi Prezidenti Administratsiyasi Rahbari S. Sh. Mirziyoyevaga yuklatildi.

⸻

ЭРКИНЖОН ТУРДИМОВ НАЗНАЧЕН МИНИСТРОМ ОБРАЗОВАНИЯ И НАУКИ

Согласно указу Президента Республики Узбекистан, Турдимов Эркинжон Окбутаевич назначен на должность первого заместителя Премьер-министра — министра образования и науки Республики Узбекистан. В связи с этим он освобождён от должности хокима Сырдарьинской области.

Ранее кандидатура Э. Турдимова была одобрена депутатами Законодательной палаты Олий Мажлиса.

Также соответствующим указом в исполнительной структуре Кабинета Министров Республики Узбекистан введена должность первого заместителя Премьер-министра — министра образования и науки и образован Секретариат по вопросам образования, науки и здравоохранения.

Установлено, что первый заместитель Премьер-министра — министр образования и науки в пределах своих полномочий осуществляет общее руководство и координацию деятельности руководителей министерств, комитетов, агентств и инспекций, Председателя Совета Министров Республики Каракалпакстан, хокимов областей и города Ташкента по выполнению возложенных на них задач и функций в сферах образования, науки и здравоохранения.

Организация исполнения задач и контроль за их выполнением по указанным направлениям возложены на Руководителя Администрации Президента Республики Узбекистан С. Ш. Мирзиёеву.
🤩Telegram 🌐Instagram
🗝Facebook 🌐Web-sayt

Elektron jurnal 👉👉👉 btshop.uz

#sohaga_doir_hujjatlar

✅ O‘zbekiston Respublikasi Prezidentining “O‘zbekiston Respublikasi Vazirlar Mahkamasining ijro etuvchi tuzilmasini yanada takomillashtirish chora-tadbirlari to‘g‘risida”gi Farmoni qabul qilindi. Unga ko‘ra, Vazirlar Mahkamasi ijro etuvchi tuzilmasida:

➖ O‘zbekiston Respublikasi Bosh vazirining birinchi o‘rinbosari — ta’lim va ilm-fan vaziri lavozimi kiritildi;
➖ 12 nafar shtat birligidan iborat bo‘lgan Ta’lim, ilm-fan va sog‘liqni saqlash masalalari kotibiyati tashkil qilindi.

👉 Vazirlar Mahkamasi Ta’lim, ilm-fan va sog‘liqni saqlash masalalari kotibiyatining:

➖ 5 ta shtat birligi — Vazirlar Mahkamasining Ijtimoiy rivojlanish masalalari bo‘limi hisobidan;
➖ 7 ta shtat birligi — qayta tashkil etilgan Maktabgacha va maktab ta’limi vazirligi hamda Oliy ta’lim, fan va innovatsiyalar vazirligining shtat birliklarini maqbullashtirish hisobidan shakllantiriladi.

👉 Farmonga ko‘ra:

➖ Bosh vazirning birinchi o‘rinbosari — ta’lim va ilm-fan vaziri respublika ijro etuvchi hokimiyat organlari — vazirliklar, qo‘mitalar, agentliklar va inspeksiyalar rahbarlari hamda Qoraqalpog‘iston Respublikasi Vazirlar Kengashi Raisi, viloyatlar va Toshkent shahar hokimlarining ta’lim, ilm-fan va sog‘liqni saqlash sohalarida zimmasiga yuklatilgan vazifa va funksiyalarni amalga oshirish bo‘yicha faoliyatiga vakolati doirasida umumiy rahbarlik qiladi, ularni muvofiqlashtiradi.

👉 Farmonning to‘liq matni

Bizni kuzating
🤩Telegram 🌐Instagram
🗝Facebook 🌐Web-sayt

Elektron jurnal 👉👉👉 btshop.uz