Монтаж последних элементов кровли.

Віншуем Вас з пачаткам Адвэнту!
Гэта добры і святочны перыяд, у які мы робім вянок, адвэнтавы каляндар, ходзім на Рараты.

Давайце разам пражывем гэтыя 4 тыдня, падтрымліваючы і натхняючы адзін аднаго быць крышачку лепш сябе учорашніх! Мы падрыхтавалі для Вас каляндар з заданнямі, якія зробяць чаканне свята яшчэ больш прыемным!❄️😊

Спампаваць каляндар https://lena-reka.gallery.photo/gallery/advent-kalandar/

Карыстайцеся і адзначайце нас😀
#будслаўадвэнт2021
#адновімбудслаўразам
#адновімбудслаў

Шукаем таленавітых людзей, якія дапамогуць нам зрабіць фотазону. А менавіта, створаць фігуры для яе!🔨💡
Рабіць фігуры можна сваімі рукамі з падручных сродкаў( дрот, дрэва і т .д.), галоўнае, каб іх не панесла ветрам)

Нам патрэбныя фігуры ў поўны рост:
▫️Св. Юзаф
▫️Маці Божая
▫️Тры каралі
▫️Пастушкі
▫️Жывёлы: каровы, авечкі, гусі, козы і т .д.

Калі вы можаце нешта змайстраваць, напішыце нам у асабістыя паведамленні ў сацыяльных сетках або сюды @neverforever90.
Кожнага майстра мы абавязкова адзначым, як аўтара твора!😀
🙏🏻Давайце разам зробім Адвэнт чароўным!

#будслаўадвэнт2021
#адновімбудслаўразам #адновімбудслаў

Запрашаем прыняць удзел у кірмашы!

Мы хочам зрабіць кірмаш, на які кожны жадаючы можа прынесці свае падарункі і кожны жадаючы можа забраць сабе нейкі за любую суму ахвяраванні.

Прыносьце сувеніры, статуэткі, гліняны посуд, карціны, цацкі - усё, што вы ўмееце рабіць, усю вашу творчасць😀 Па жаданні можна прыносіць з этыкеткай з вашым імем аўтара і адзнакай вашых сацыяльных сетак.

❄️Збор да 19 снежня, затым пачнецца кірмаш!

Усе атрыманыя сродкі мы накіруем на рэстаўрацыю нашага Будслаўскага касцёла.🙏🏻

Пункты збору падарункаў:
▫️Касцёл на Залатой Горцы ў Мінску (пр. Незалежнасці 44а)

❗️Кірмаш з 19 да 24 снежня таксама на Залатой Горцы.

#будслаўадвэнт2021 #адновімбудслаў #адновімбудслаўразам

Да ўдзелу ў нашым дабрачынным кірмашы як спонсараў мы запрашаем і крамы сувеніраў, майстэрні і г. д. Усіх адзначым у нашых сац сетках!)

Сабрана ўжо 1.130.160 руб.

Вы ўяўляеце, які вялікі цуд вы зрабілі? Сабраць столькі сродкаў за такі кароткі тэрмін і паспець усталяваць дах-гэта Цуд!

Вялікі дзякуй усім неабыякавым! Дзякуй за вашыя добрыя сэрцы, вашу спагадлівасць! Разам мы ўсё зможам! Бог з намі!

Вучні Нарацкай сярэдняй школы № 2 разам са сваімі педагогамі стварылі ўнікальны анлайн-праект — віртуальную пілігрымку ў Будслаў.

Паколькі пасля пажару ў Нацыянальным санктуарыі Маці Божай Будслаўскай да гэтага часу набажэнствы ў касцёле не праводзяцца, праект нарачанцаў дапамагае ўсім ахвотным прынамсі віртуальна дакрануцца да вялікай святыні нашага народа.

Паглядзець можна тут https://catholic.by/3/news/belarus/14061-trapits-u-budsla-u-virtualnaj-piligrymtsy-shkolnika-z-narachy

❗️Змены!
Кірмаш пройдзе толькі ў касцёле Св.Роха на Залатой Горцы!

У сувязі з тым, што наш касцёл у Будславе ўсё яшчэ зачынены і няма дакладных дат, калі дадуць афіцыйны дазвол ўпускаць людзей ўнутр, мы вырашылі правесці кірмаш толькі ў г. Мінску.

Але для тых, хто ўсё-такі вырашыць здзейсніць невялікае падарожжа ў Будслаў, будзе сюрпрыз - Калядная батлейка і Навагодняя ялінка! (Даты ўстаноўкі ўдакладняюцца)

❄️І мы працягваем запрашаць вас на дабрачынны кірмаш!

Пункты збору падарункаў:

▫️Касцёл Св.Роха на Залатой Горцы ў Мінску (пр. Незалежнасці 44а)

❗️Кірмаш пройдзе з 13 па 23 снежня ў Касцёле Св.Роха на Залатой Горцы.
❗️Адкрыццё кірмашу адбудзецца 19 снежня з 12.00 да 18.00.
У другія дні можна будзе таксама набыць падарункі ў час працы касцёла з 9 да 18.00
💰Усе атрыманыя сродкі пойдуць на рэстаўрацыю Будслаўскага касцёла.

Будзем удзячныя за рэпост!🙏🏻

#адвэнт2021 #кірмаш #адновімбудслаўразам #адновімбудслаў #будслаўадвэнт2021