ЁШЛАР БИЛАН ОЧИҚ МУЛОҚОТ ВА МУҲИМ ТАШАББУСЛАР АМАЛГА ОШИРИЛДИ.

“Ёшлар куни” муносабати билан Ўзбекистон Республикаси мудофаасига кўмаклашувчи “Ватанпарвар” ташкилоти Наманган вилоят кенгаши раиси Учқўрғон туманида бир қатор ёшлар ҳамда ташкилотнинг ишчи-ходимлари билан очиқ мулоқот ўтказди.
Мулоқот давомида ташкилотнинг спорт секциялари, ёшларнинг жисмоний ва маънавий баркамоллигини таъминлаш, уларни ҳарбий-ватанпарварлик руҳида тарбиялаш ҳамда бўш вақтларини мазмунли ташкил этиш борасида амалга оширилаётган ишлар ҳақида батафсил маълумот берилди.
Шунингдек, хорижда меҳнат фаолиятини олиб бориш истагида бўлган фуқаролар, айниқса ёшлар учун яратилаётган имкониятлар ҳақида атрофлича тушунтиришлар берилди. Жумладан, Европа давлатлари ва Японияда меҳнат қилиш тартиби, мавжуд талаблар ҳамда имкониятлар юзасидан иштирокчиларга зарур маълумотлар тақдим этилди.
Тадбир давомида Наманган давлат техника университетини тамомлаган 6 нафар битирувчи ёшларнинг бандлиги таъминланиб, улар ишга қабул қилинди.

#Мустақилликнинг_35_йиллигига_туҳфа

Қўғай ўлмасда янги ҳаёт бошланмоқда: обод маҳалла сари улкан қадамлар.

Учқўрғон туманининг энг олис ҳудудларидан бири саналган Қўғай ўлмас маҳалласида “Янги Ўзбекистон қиёфасидаги маҳалла” дастури доирасида кенг кўламли бунёдкорлик ишлари бошланди. Мазкур дастур маҳаллалар инфратузилмасини яхшилаш, аҳоли учун муносиб турмуш шароитини яратиш ҳамда ҳудудларни замонавий қиёфага олиб чиқишга хизмат қилмоқда.

Бугунги кунда маҳаллада пиёдалар йўлаклари ва соғломлаштириш йўлаклари қурилиб, ичимлик суви ҳамда электр тармоқларини янгилаш ишлари жадал суръатларда олиб борилмоқда. Шунингдек, барча ички кўчалар асфалтланиб, аҳоли учун қулай ва хавфсиз муҳит яратилмоқда.

Лойиҳа доирасида Қўғай ўлмас маҳалласида камбағалликдан ҳоли ҳудудни шакллантириш бўйича ҳам муҳим ишлар амалга оширилади. Янги хизмат кўрсатиш ва сервис кўчалари, савдо ва тадбиркорлик объектлари барпо этилиб, аҳоли учун қўшимча даромад манбалари яратилади. Натижада юзлаб янги иш ўринлари ташкил қилиниб, маҳалла аҳолисининг бандлиги ва турмуш даражаси янада ошади.

Бугун Қўғай ўлмас маҳалласида олиб борилаётган бунёдкорлик ишлари эртанги фаровон ҳаёт учун мустаҳкам пойдевор бўлиб хизмат қилади. Замонавий инфратузилма, тадбиркорлик учун кенг имкониятлар ва обод муҳит маҳалланинг янги қиёфасини яратади.
—————————————
#Мустақилликнинг_35_йиллигига_туҳфа

Qo‘g‘ay o‘lmasda yangi hayot boshlanmoqda: obod mahalla sari ulkan qadamlar.

Uchqo‘rg‘on tumanining eng olis hududlaridan biri sanalgan Qo‘g‘ay o‘lmas mahallasida “Yangi O‘zbekiston qiyofasidagi mahalla” dasturi doirasida keng ko‘lamli bunyodkorlik ishlari boshlandi. Mazkur dastur mahallalar infratuzilmasini yaxshilash, aholi uchun munosib turmush sharoitini yaratish hamda hududlarni zamonaviy qiyofaga olib chiqishga xizmat qilmoqda.

Bugungi kunda mahallada piyodalar yo‘laklari va sog‘lomlashtirish yo‘laklari qurilib, ichimlik suvi hamda elektr tarmoqlarini yangilash ishlari jadal sur’atlarda olib borilmoqda. Shuningdek, barcha ichki ko‘chalar asfaltlanib, aholi uchun qulay va xavfsiz muhit yaratilmoqda.

Loyiha doirasida Qo‘g‘ay o‘lmas mahallasida kambag‘allikdan holi hududni shakllantirish bo‘yicha ham muhim ishlar amalga oshiriladi. Yangi xizmat ko‘rsatish va servis ko‘chalari, savdo va tadbirkorlik ob’yektlari barpo etilib, aholi uchun qo‘shimcha daromad manbalari yaratiladi. Natijada yuzlab yangi ish o‘rinlari tashkil qilinib, mahalla aholisining bandligi va turmush darajasi yanada oshadi.

Bugun Qo‘g‘ay o‘lmas mahallasida olib borilayotgan bunyodkorlik ishlari ertangi farovon hayot uchun mustahkam poydevor bo‘lib xizmat qiladi. Zamonaviy infratuzilma, tadbirkorlik uchun keng imkoniyatlar va obod muhit mahallaning yangi qiyofasini yaratadi.