Давлат хавфсизлиги — Ватан тинчлиги кафолати!

Бугун, 26 сентябрь — Давлат хавфсизлик хизмати органлари ходимлари куни.

Мамлакатимиз хавфсизлиги, халқимиз тинчлиги ва юртимиз барқарорлигини таъминлаш йўлида фидокорона хизмат қилаётган барча соҳа ходимларини касб байрами билан самимий муборакбод этамиз.

Сизларнинг масъулиятли ва шарафли меҳнатингиз Ватанимиз равнақи ҳамда халқимиз осойишталигининг мустаҳкам таянчидир.

Барчангизга мустаҳкам соғлиқ, оилавий бахт-саодат, хизмат фаолиятингизда улкан муваффақиятлар ва юксак зафарлар тилаймиз.

Байрамингиз муборак бўлсин!

#Farovonlik_sari | 26.09.2026

mtrk.uz | Instagram | Youtube | Facebook | Telegram | X (twitter)

Bo‘sh turgan bino o‘rnida — yangi imkoniyatlar maskani

Uchqo‘rg‘on tumani Madaniyat mahallasida tadbirkor Alisher Soipjanov tomonidan xorijiy tillarga ixtisoslashgan zamonaviy xususiy bog‘cha qurilmoqda.

Loyiha amalga oshirilishi natijasida bolalar uchun sifatli ta’lim muhiti yaratiladi, yangi ish o‘rinlari tashkil etiladi va mahalla aholisi bandligi ta’minlanadi.

Bo‘sh turgan hududning zamonaviy ta’lim maskaniga aylantirilishi — inson kapitaliga kiritilayotgan muhim sarmoyadir.

Наманганда 15 та жиноят фош этилиб, 6 нафар қидирувдаги шахс ушланди

Наманганда ўтказилган тезкор тадбирларда 15 та жиноят фош этилди ва қидирувда бўлган 6 нафар шахс қўлга олинди.

Тезкор тадбирлар давомида 103 нафар шахсдан ноқонуний буюм ва ашёлар аниқлаб олинди. Жумладан, 35 та совуқ қурол, 4 та ўқотар ва 2 та пневматик қурол ҳамда 400 граммдан ортиқ гиёҳвандлик моддаси мусодара қилинган.

Учқўрғонлик боксчи медаль учун жанг қилади!

Осиё ўйинларида ҳал қилувчи паллалар бошланди. Эртага мусобақа доирасида чорак финал баҳслари ўтказилади. Бу босқичдан бошлаб ҳар бир ғалаба спортчини медалга янада яқинлаштиради.

Учқўрғонлик иқтидорли боксчи Фазлиддин Эркинбоев ҳам рингга кўтарилади. У -80 кг вазн тоифасида Шри-Ланка вакили Язмин Моҳоммедга қарши баҳс олиб боради. Жанг Тошкент вақти билан 09:00 да бошланиши белгиланган.

Юртдошимизга омад тилаймиз! Фазлиддиннинг ғалабаси нафақат Учқўрғон, балки бутун мамлакатимиз спорт мухлислари учун қувончли янгилик бўлади.

🥊 Фазлиддин Эркинбоевга ғалаба ва медал сари ишончли қадамлар тилаймиз! 🇺🇿🏆

Расмий баёнот

2026 йил сентябрь ойида Наманган вилояти Учқўрғон тумани ИИБ ТБ томонидан тумандаги давлат мактабгача таълим ташкилотида вояга етмаган шахс зўрланганлиги ҳолати юзасидан Жиноят кодексининг 118 (Номусга тегиш) ва 112-модда (Ўлдириш ёки зўрлик ишлатиш билан қўрқитиш) лар билан жиноят иши қўзғатилган.

Жиноят иши доирасида 1 нафар шахсга нисбатан “қамоққа олиш” эҳтиёт чораси қўлланилган.

Ҳозирда жиноят иши Наманган вилояти прокуратурасининг иш юритувига ўтказилиб, тергов ҳаракатлари олиб борилмоқда.

Тергов устидан назорат шахсан Бош прокурор томонидан ўрнатилган.

Прокуратура томонидан жиноят иши ҳар томонлама, тўлиқ ва холисона тергов қилиниши ҳамда вояга етмаган жабрланувчининг ҳуқуқ ва қонуний манфаатлари ҳимоя қилиниши таъминланади.

Жиноятга алоқадорлиги, унинг ҳолатларини яшириш ёки масъул шахсларнинг ҳаракатсизлиги билан боғлиқ ҳар бир аниқланган ҳолатга қонунчиликда белгиланган тартибда ҳуқуқий баҳо берилади.

Тергов натижалари ҳақида қонунчиликда белгиланган тартибда маълум қилинади.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt|Telegram | Instagram | YouTube | Facebook

Фазлиддин Эркинбоевдан 30 сонияда ишончли ғалаба!

Осиё ўйинларида юртимиз шарафини ҳимоя қилаётган учқўрғонлик жаҳон чемпиони Фазлиддин Эркинбоев мусобақадаги илк жангини муваффақиятли бошлади.

-80 кг вазн тоифасида рингга кўтарилган спортчимиз Шри-Ланка вакили Язмин Моҳаммедга қарши баҳс олиб борди. Жангнинг дастлабки сониялариданоқ устунликни қўлга олган Эркинбоев рақибини атиги 30 сония ичида техник нокаут билан мағлуб этди.

Шу тариқа, ҳамюртимиз ишончли ғалабани қўлга киритиб, мусобақанинг кейинги босқичига йўл олди.

Фазлиддин Эркинбоевга кейинги баҳсларда ҳам омад ва зафарлар тилаймиз! 🇺🇿🥊

Ҳа деган фермерга мадад

Учқўрғон туманида пахта йиғим-терими уюшқоқлик билан давом этмоқда. Далаларда етиштирилган ҳосилни қисқа муддатларда ва нес-нобуд қилмасдан йиғиштириб олиш мақсадида замонавий терим машиналари самарали ишлатилмоқда.

Энг аҳамиятлиси, бу жараёнда жамоатчилик вакиллари ҳам фаол иштирок этмоқда. Нуронийлар, имом-хатиблар ва маҳалла фаоллари далаларга ташриф буюриб, фермерлар ҳолидан хабар олмоқда, уларга маънавий далда ва амалий кўмак бермоқда.

Терим мавсуми — йил давомида қилинган меҳнатнинг самараси кўринадиган масъулиятли палла. Шу боис ҳосилни ўз вақтида йиғиштириб олишда фермерларга яратилган шароитлар, техникаларнинг самарали ишлаши ва кенг жамоатчиликнинг қўллаб-қувватлаши муҳим аҳамият касб этади.

Халқимизда «Ҳа деган туяга мадад» деган нақл бор. Бугун пахта далаларида кўрилаётган ҳамжиҳатлик, ўзаро кўмак ва бирдамлик ана шу эзгу қадриятнинг ёрқин намунасидир. Меҳнат аҳлига билдирилаётган эътибор ва ҳурмат эса ҳосил баракасини янада оширишга хизмат қилмоқда.

⚡️ Namangandagi voqea yuzasidan Prezident Administratsiyasi rahbari munosabat bildirdi

O‘zbekiston Respublikasi Prezidenti Administratsiyasi rahbari Saida Mirziyoyeva Namanganda yuz bergan fojiaga munosabat bildirib, jinoyatga aloqador barcha shaxslar qonun doirasida javobgarlikka tortilishi zarurligini ta’kidladi.

“Namanganda yuz bergan fojia haqida menga xabar berishdi. Bo‘lgan voqeani eshitib, g‘azabim ichimga sig‘may ketdi.

Nazarimda, bunday vahshiyona jinoyatlar uchun o‘lim jazosini qo‘llash kerak. Amaldagi qonunchilikda oliy jazo ko‘zda tutilmagan, shu bois javobgarlikni maksimal darajada kuchaytirish uchun qonun hujjatlariga o‘zgartirish kiritish bo‘yicha taklif tayyorlayapmiz.

Tegishli idoralarga barcha zarur ko‘rsatmalar berildi. Jinoyatchi qonun doirasidagi eng og‘ir jazoga tortiladi. Shuningdek, beparvoligi bilan bu qabohatga yo‘l ochgan, norasida bolani asray olmagan barcha mas’ullar ham jazolanadi.”

https://t.me/Rasmiy_axborot_official

⚡️Наманганда жинсий зўравонликка учраган қизнинг оиласи бошқа шаҳарга кўчиб ўтади

Шаҳноза Мирзиёеванинг билдиришича, уй-жой ва зарур реабилитация билан таъминланади. Оилага тўлиқ ижтимоий ёрдам кўрсатилади, хусусан, қизалоқнинг онаси ўқиш ва ишга жойлашишига ёрдам берилади. Зарур бўлса, фамилясини ўзгартиришга ҳам кўмаклашилади.

“Энг муҳими, болажон ва унинг яқинлари хавфсиз жойда янги ҳаёт бошлашлари учун барча зарур шароитлар яратилади”, деди Ижтимоий ҳимоя миллий агентлиги директорининг биринчи ўринбосари

📢 ЭЪЛОН!

2026 йил 28 - сентябрь куни “Тоза ҳудуд” ДМ Учқўрғон тумани филиали томонидан ҳудудларда санитария ва тозалик ишлари олиб борилади.

Хусусан, махсус техникалар қуйидаги маҳаллаларда хизмат кўрсатади:
Тегирмон, Чек, Фарғона, Шодлик, Кўприкбоши, Узункўча, Маданият Исломобод, Янгиер, Улуғбек.

♻️ Шу муносабат билан ушбу маҳаллалар аҳолисидан маиший чиқиндиларни белгиланган вақт ва тартиб асосида чиқариш сўралади.

🧹 Ҳудудимиз тозалиги — барчамизнинг масъулиятимиз!

Учқўрғон тумани
“Тоза ҳудуд” ДМ

O‘zbekiston turizm sohasi xodimlariga tabrik
—
Поздравление работникам сферы туризма Узбекистана

Prezident.uz|Facebook|Instagram|YouTube|X

Prezident Farmoniga muvofiq tadbirkorlarga 7 yilgacha bo'lib to'lash imkoniyati beriladi

Prezidentimiz tomonidan tadbirkorlar bilan uchrashuvda e'lon qilingan imtiyozlar PF-177-sonli farmon bilan amaliyotga joriy qilindi. Endi qanchalik tez to'lasangiz, shunchalik kam to'laysiz.

3 variantdan birini tanlaysiz:
- 100 foizni 6 oyda to'lasangiz — jami summaga 25 foiz chegirma;
- 50 foizini 6 oyda to'lasangiz — qolgani 7 yil davomida foizsiz bo'lib-bo'lib;
- 35 foizini 3 oyda to'lasangiz — qolgani 5 yil davomida foizsiz bo'lib-bo'lib to'lanadi.

Qo'shimcha huquq: to'lovning kamida 50 foizini to'lagan xaridor obyektni rekonstruksiya qilish, yangidan qurish uchun buzish va ta'mirlash huquqini oladi. Ya'ni to'lovni tugatishni kutmasdan ish boshlashingiz mumkin.

⚠️ Muhim shart: bu imtiyozlar BHMning 23 ming baravaridan yuqori bo'lgan davlat aktivlari va 8 ming baravaridan yuqori bo'lgan qishloq xo'jaligiga mo'ljallanmagan yer uchastkalari uchun qo'llanadi. Muzokaralarga ommaviy taklif yo'li bilan sotilgan aktivlarga esa tatbiq etilmaydi.
Hisob-kitobni bugun qiling!

👉 Mulklarni batafsil ko‘rish!

🔝 Web-site|🔝Telegram|🔝Facebook
🔝 Instagram|🔝Youtube|🔝x.com

Янгиланаётган Учқўрғон бозори

Учқўрғон бозорида барча шароитлар яратилади

Ассалому алайкум.

Ушбу паспорт ва каталог уйимиз эшиги олдида қолдириб кетилган экан. Эгасини танийдиганлар бўлса ёки ўзиники бўлса, қуйидаги рақамга боғланишини сўраймиз:

📞 99 827 24 97

Ҳужжатлар эгасига топшириш учун сақлаб қўйилган.