“Спортдан кетдим, отларни тарк этолмадим!”

Поп туманидаги Хонобод қишлоғида яшовчи Мадина Ёқубова стереотипларни енгган қиз. У одамларнинг “қиз бола от минмаслиги керак, қиз бола от миниб улоққа кирса фаришта қочади, қиз болага карате билан шуғулланишни ким қўйибди, унинг жойи ошхонада” деган турли туман таънаю дашномларини мардона енгиб чавандозлик билан шуғулланяпти. Карате бўйича қорабелбоғ соҳиби. Беш марта қизлар ўртасида Ўзбекистон чемпиони бўлган.

Одамларнинг гап-сўзлари қишлоқларда чавандоз ва спортчи қизлар кўпайишига доимо тўсиқ бўлади.

Мадина ҳам баъзи сабабларга кўра ҳозир спорт билан шуғуллангани йўқ. Аммо от минишни канда қилмаяпти. Ва қишлоғидаги қизалоқларни ҳам чавандозликка тайёрлаяпти.

Мазкур материал “Озодлик” радиосининг Фарғона водийси бюроси томонидан тайёрланди. Бюро Фарғона водийсида (Ўзбекистон, Қирғизистон, Тожикистон) яшаётган инсонлар ҳаёти, тарихи ва бугунги кун воқеаларини қизиқарли видео лавҳалар орқали ёритади.

Агар сиз ҳам ҳаётингиздаги муаммо ёки ютуқлар билан бизнинг ижтимоий тармоқлардаги ҳисобларимизда бўлишишни истасангиз @ferghana_media (+996 755 99 64 99) Телеграм каналига ёзинг.

#ferghanastories

"Келин бокира эмас!" Иффат ва номус учун айбланган аёллар

Келин бокира эмас! Тожикистонлик йигит шундай айблов билан судга мурожаат қилди. У турмуш ўртоғининг устидан ариза ёзиб, тўй учун сарфланган барча пулларни қайтаришни талаб қилган. Суд эса унинг арзини рад этиб, ўзига жарима солди.

🔴 Ozodlik kanaliga obuna bo'ling! 👉 https://t.me/ozodlikkanali
🔴 Bizga xabar yo'llash uchun 👉 https://t.me/ozodnews

📌Озодликнинг бугунги дастурида:

✅ИИВ 12 балли жарима тизими қандай ишлашини тушунтирди

✅Хоразмда 71 ёшли эркак ўз ўғлини отиб ўлдирди

✅Ўзбекистонда фавқулодда вазиятлар вазири ўзгарди

✅Ўзбекистон яна 1,5 миллиард долларлик облигация чиқарди

✅Мирзиёев, Жапаров ва Раҳмон Хўжандда учрашади

✅Россия суди Forbes журналистини 8 минг долларлик жарима тортди

✅Хитой Тожикистонда минтақадаги энг узун кўприкни қурмоқчи

✅Қозоғистонда илк АЭС қуриладиган жой аниқланди

✅АҚШ Давлат котиби Россия билан ҳамкорликка умид билдирди

🔴 Ozodlik kanaliga obuna bo'ling! 👉 https://t.me/ozodlikkanali
🔴 Bizga xabar yo'llash uchun 👉 https://t.me/ozodnews

Украин ҳарбийлари тинчлик шартлари ҳақида қандай фикрда?

Украина шарқида жанг қилаётган ҳарбий қўмондонлардан бири, 35-денгиз пиёдалари бригадаси 88-батальон қўмондони ўринбосари “Навигатор”, Украинага босим остида қабул қилинган тинчлик шартлари мос келмаслигини айтади.

У Украина мустақиллик ва ҳудудий яхлитлик борасида келишувга бормаслигини таъкидлаб, мамлакат урушни давом эттиришга тайёр эканини билдирди.

Украина президенти Владимир Зеленский АҚШ президенти Доналд Трампнинг уруш давридаги ёрдамни қоплаш учун Украинадан 500 миллиард долларлик минерал бойликлар талабини рад этди.

📌 Тўлиқ видео: https://youtu.be/bFVfzMzDESE

Жиззах вилояти Бахмал туманидаги 48-мактаб ҳудудида қурилган янги стадионнинг томи ва панжаралари қулаб тушди.

Effect.uz сайти хабар беришича, сунъий қопламали стадион қуриб фойдаланишга топширилганига эндигина 14 кун бўлган эди.

Маълум бўлишича, стадион барпо қилиш лойиҳаси “Ташаббусли бюджет”нинг 2024 йил 1-мавсумида 4 мингдан ортиқ овоз тўплаб ғолиб деб топилган. Лойиҳа доирасида стадион билан бирга мактабнинг иссиқлик тизимини яхшилаш ва таълим маскани атрофини темир панжара билан ўраш ҳам кўзда тутилган.

Жиззах вилояти ҳокимлиги “Ягона буюртмачи хизмати” ДУК ҳолат юзасидан берган баёнотга кўра, дастлабки ўрганишларда стадион томининг қулаб тушишига кучли табиий офат – шамол ва қалин қор ёғиши сабаб бўлган.

“Бунинг натижасида спорт майдончасининг том қисми зарар кўрган. Ҳодиса оқибатида тан жароҳати олган шахслар аниқланмаган. Ҳолат юзасидан буюртмачи ва пудратчи ташкилотлар томонидан ўрганиш ишлари олиб борилмоқда”, дейилади расмий муносабатда.

Cтадион тез кунларда қайта тикланиб, фойдаланишга топширилишини билдирган “Ягона буюртмачи хизмати” ДУК қурилиш сифатига доир эътирозларга жавоб қайтармаган.

Мазкур объект “Ягона буюртмачи хизмати” ДУК буюртмачилигида, “Сувиншоот қурилиш лойиҳа” МЧЖ пудратчилигида қурилган бўлиб, лойиҳанинг шартнома қиймати 1 миллиард 190 миллион сўмни ташкил этади.

🔴 Ozodlik kanaliga obuna bo'ling! 👉 https://t.me/ozodlikkanali
🔴 Bizga xabar yo'llash uchun 👉 https://t.me/ozodnews

Украинага босқин: 1099-кун | Краснодарга дрон ҳужуми. Зеленский жума жуни АҚШга келади

АҚШ ва Украина стратегик минерал ресурслар бўйича муҳим келишувга эришди. Бу битим Украинага Вашингтоннинг қўллаб-қувватловини таъминлаш йўлидаги асосий қадамлардан бўлиши айтилмоқда.

Айни пайтда АҚШ президенти Доналд Трамп урушни тезроқ тугатиш учун дипломатик ҳаракатларини давом эттирмоқда.

Рейтерс ахборот агентлигининг манбаларига кўра, Трамп шу ҳафта охирида Украина президенти Владимир Зеленский билан учрашиб, битимни расман имзолаши мумкин.

🔴 Ozodlik kanaliga obuna bo'ling! 👉 https://t.me/ozodlikkanali
🔴 Bizga xabar yo'llash uchun 👉 https://t.me/ozodnews

Ўзбекистонда диний концепция белгиланяпти

❗️Кўриш учун линк 👉 https://youtu.be/EocK08CcZ2w
❗️Озодликнинг ЯНГИ видеосини ҳозироқ YouTube каналида кўринг

Президент Мирзиёевнинг Ўзбекистонда “Диний концепция”ни белгилаб берувчи қонунни имзолаши кутилмоқда.

Диний эркинликларни кенгайтириш ваъдаси билан ҳокимиятга келган ва Каримов даврида қамоққа ташланган диний маҳкумларни озодликка чиқаргани учун олқишланган Мирзиёев учун диний эркинликлар - сиёсий легитимлик масаласи ҳамдир.

Мирзиёев диний соҳада қонунчиликни бир қадар ўзгартирди, аммо давлатнинг дин устидан қатъий назорати сақланиб қолди.

Рўмол ва соқолга чекловлар, Исломнинг расман рухсат этилган ўзанидан ташқаридаги мусулмонларга босимлар сўнгги пайтларда янада кучайгани кузатилмоқда. Диний таълимга ҳануз эркинлик берилмади.

Конституция ва қонунда диний эркинликлар кафолатланган экан, алоҳида диний концепцияга эҳтиёж борми? Бу концепция диний соҳадаги эркинликларни кенгайтирадими ё аксинча, янада чеклайдими?

Умуман, «Ўзбекистон Республикасида фуқароларнинг виждон эркинлигини таъминлаш ва диний соҳадаги давлат сиёсати концепциясини тасдиқлаш тўғрисида» деб аталаётган қонундан кўзланган мақсад нима?

Ўзбекистонлик инсон ҳуқуқлари фаоли Абдураҳмон Ташанов ҳамда АҚШ да яшаётган журналист, Ўзбекистон парламенти собиқ депутати Жаҳонгир Маматов билан шу ҳақда гаплашдик.

🔴 Ozodlik kanaliga obuna bo'ling! 👉 https://t.me/ozodlikkanali
🔴 Bizga xabar yo'llash uchun 👉 https://t.me/ozodnews