Украинага босқин: 1101-кун | Трамп билан тортишувдан сўнг Зеленский Оқ Уйни тарк этди

Трамп-Зеленский брифинги тортишув билан тугади: Украина делегацияси Оқ уйни тарк этди.
АҚШ президенти Доналд Трамп Украина президенти Владимир Зеленскийни “диктатор” деб атаганига ишонмаслигини айтди.
Фронтда Новопавловка, Торецк, Волчанск ва Кондрашовка йўналишларида Россия қўшинларининг ҳужумлари давом этмоқда.
Туркия ва Ирландия Украинадаги муҳтамал тинчликпарварлик миссияси доирасида ўз қўшинларини йўллашга тайёрлигини билдирди.
Туркиянинг Истанбул шаҳрида АҚШ ва Россиянинг элчихоналар фаолиятини тиклашга доир музокаралари бўлиб ўтди.
ФСБ эса мигрантлар фарзандларини тегишли давлат элчилиги ҳисобига депортация қилиш таклифи билан чиқди.
ФСБ: “Путин пешвоси” Тихон Шевкуновни ўлдиришга уринишининг олди олинди.
27 февралда Россия мухолиф сиёсатчиси Борис Немцов ўлдирилганига роса 10 йил тўлди.

🔴 Ozodlik kanaliga obuna bo'ling! 👉 https://t.me/ozodlikkanali
🔴 Bizga xabar yo'llash uchun 👉 https://t.me/ozodnews

Ўнлаб журналист "очиқ суд"га қўйилмади

Тошкентда Шайхонтоҳур туман суди Uzdiplomat сайти бош муҳаррири, журналист Анора Содиқова Mufasa тахаллуси билан танилган блогер Мирсаид Ҳайдаров устидан киритган даъвони кўрмоқда.

26 ва 27 февраль кунлари суднинг 2 та мажлиси бўлди. Иккала мажлис ҳам ёпиқ ўтди, ваҳоланки суднинг очиқ бўлиши айтилган эди.

Журналист Анора Содиқованинг даъвосича, блогер Mufasa ижтимоий тармоқларда уни камситувчи ва туҳмат мазмунидаги постларни эълон қилган. Шу боис, “Фуқаролик кодекси”нинг 100-моддаси - “шаън, қадр-қиммат ва ишчанлик обрўсини ҳимоя қилиш” моддасига асосланиб, фуқаролик судига ариза киритган.

Ўз навбатида блогер Мирсаид Ҳайдаров ҳеч бир журналистни камситмагани ва уларга нисбатан туҳмат тарқатмаганини даъво қилмоқда. Айни пайтда, журналистнинг ўзини туҳмат ва уйдирма тарқатишда айбламоқда.

Ўзбекистонда бир журналистнинг бир блогерни ҳақоратда айблаб судга бериши илк бор кузатилмоқда. Бундан ташқари, “Фуқаролик кодекси”нинг 100-моддаси шу пайтгача амалдорлар томонидан журналистларга қарши қўллаб келинган эди.

Бу судлов ўзбекистонлик жамоат фаолларининг эътиборини тортган, илк маҳкама куни 30 га яқини суд биносига борди, аммо расман очиқ деб эълон қилинган мажлисга киритилмади.

🔴 Ozodlik kanaliga obuna bo'ling! 👉 https://t.me/ozodlikkanali
🔴 Bizga xabar yo'llash uchun 👉 https://t.me/ozodnews

Украинага босқин: 1102-кун | Зеленский ва Трамп учрашуви можаро билан якунланди

Украина президенти Владимир Зеленский АҚШ президенти Доналд Трамп билан Оқ уйдаги даханаки жангга қарамай муносабатларни сақлаб қолиш мумкинлигига ишонишини айтди.

Жума куни Fox New телеканалига берган интервюсида Зеленский АҚШни ҳурмат қилишини таъкидлади.

АҚШ Давлат котиби Марко Рубио Украина раҳбарини Оқ уйдаги учрашувни “фиаско”га айлантиргани учун кечирим сўрашга чақирди.

Рубио CNN телеканалида Зеленский "вақтимизни беҳуда олгани учун узр сўраши"ни айтди. Зеленский аввалроқ FOX News канали билан суҳбатда кечирим сўраш учун ҳеч нарсаси йўқлигини айтди.

🔴 Ozodlik kanaliga obuna bo'ling! 👉 https://t.me/ozodlikkanali
🔴 Bizga xabar yo'llash uchun 👉 https://t.me/ozodnews

Украинага босқин: 1103-кун | Европа давлатлари тинчлик режасини ишлаб чиқиш учун йиғилди

Россия Украина вилоятларига дрон ва ракета ҳужумларини давом эттирмоқда.
Россия армияси: Рус қўшинлари Донецк вилоятидаги яна 2 аҳоли пунктини назоратга олди.
Оқ Уйдаги можародан кейин Владимир Зеленский Британияда олқишлар билан кутиб олинди.
Британия Бирлашган Қироллиги Украина мудофаасига 2 миллиард 260 миллион фунт стерлинг миқдорида кредит ажратди.
Оқ Уй Украинага бошқа ёрдам берилмаслигини эълон қилди.
Курдистон ишчилар партияси 1 мартдан бошлаб Туркия билан ўт очишни тўхтатишини эълон қилди.
Рус аскарлари урушга бормаслик учун ғалаён кўтардилар.
Венгрия бош вазири Виктор Орбан Европа Иттифоқи ва Россия ўртасида тўғридан-тўғри музокараларни бошлашга чақирди.
Германия пойтахтида бир неча юз одам “Руслар Путинга қарши” намойишига чиқди.

🔴 Ozodlik kanaliga obuna bo'ling! 👉 https://t.me/ozodlikkanali
🔴 Bizga xabar yo'llash uchun 👉 https://t.me/ozodnews

Ўзбекистонлик муҳожирларга Тошкентда 8-15 млн сўм маошли иш таклиф қилинди

Ўзбекистоннинг Туркиядаги ва Россиядаги элчихоналари ўзбекистонликлар, жумладан, чет элдаги ўзбек муҳожирларига “Янги Тошкент” қурилишидан иш таклиф қилди. Қайд этилишича, ишчиларга 8 миллион сўмдан 15 миллион сўмгача иш ҳақи берилади.

Бу қурилишда ишлашни истаганлар Ўзбекистон Камбағалликни қисқартириш ва бандлик вазирлигига қўнғироқ қилишлари керак. “Агар сиз чет элда бўлсангиз - 0 800 0000 11-76 рақамига, ўзимизда бўлсангиз - 11-76 рақамига қўнғироқ қилиб ишга жойлашишингиз мумкин” дейилади дипломатик ваколатхоналар эълон қилган видеода.

Видеони “Озодлик”нинг “Мигрант Медиа” лойиҳаси тайёрлади.

📌 ЧЕТ ЭЛДАГИ ВАТАНДОШ!

Ҳурматли муҳожир, муаммо ёки ютуқларингиз ҳақида бизнинг ижтимоий тармоқлардаги аккаунтларимиз орқали сўзлаб беришни истасангиз @migrantmedia_rferl Телеграм каналига ёзинг.

#MigrantMediaCentralAsia

📌Озодликнинг бугунги дастурида:

✅Ўзбекистон ички ишлар вазири Пўлат Бобожонов лавозимидан олинди

✅Тошкентда ўнлаб журналист очиқ судга қўйилмади

✅Курдистон ишчилар партияси 1 мартдан бошлаб Туркия билан ўт очишни тўхтатишини эълон қилди

✅Оқ Уйдаги можародан кейин Зеленский Британияда олқишлар билан кутиб олинди

✅Оқ Уй Украинага бошқа ёрдам бермаслигини маълум қилди

✅Рус аскарлари урушга бормаслик учун ғалаён кўтардилар

🔴 Ozodlik kanaliga obuna bo'ling! 👉 https://t.me/ozodlikkanali
🔴 Bizga xabar yo'llash uchun 👉 https://t.me/ozodnews

Суиқасддан сўнг: ДХХдан кейин ИИВ раҳбари ҳам ўзгарди

❗️Кўриш учун линк 👉 https://youtu.be/0TQE4GC1B4s
❗️Озодликнинг ЯНГИ видеосини ҳозироқ YouTube каналида кўринг

Ўзбекистон ДХХси ва Ички ишлар тизимида сўнгги ўн йилликлардаги энг йирик тозалашдан 3 ой ўтиб, Ички ишлар вазири Пўлат Бобожонов ишдан олинди. 3 март куни Бобожонов ўрнига Азиз Тошпўлатов тайинлангани маълум қилинди.

Ҳукумат ва ҳуқуқ-тартибот идораларидаги Озодлик манбалари Пўлат Бобожоновнинг истеъфоси қарори аслида 3 ой аввал олинганини айтишди.

ИИВ раҳбариятидаги истеъфо ва тайинлов сабаби ҳақида ҳам расмий маълумот йўқ.

Бир-биридан мустақил манбалар Пўлат Бобожонов истеъфосини ўтган йилнинг октябрида президент администрацияси собиқ мулозими Комил Алламжоновга қилинган суиқасдга боғлашди.

🔴 Ozodlik kanaliga obuna bo'ling! 👉 https://t.me/ozodlikkanali
🔴 Bizga xabar yo'llash uchun 👉 https://t.me/ozodnews