Habaringiz bor, yaqinda Koreyadagi O‘zbekiston Respublikasi Elchixonasi tashabbusi bilan tashkil etilgan ochiq muloqot doirasida Elchi va konsullik xizmati xodimlari yurtdoshlarimizni uzoq vaqtdan beri qiynab kelayotgan savollarga bevosita va ochiq tarzda javob berishdi.

Uchrashuv samimiy ruhda o‘tdi va ishtirokchilar o‘zlarini qiziqtirgan masalalar yuzasidan aniq ma’lumotlar olish imkoniga ega bo‘lishdi. Bunday ochiq muloqotlar yurtdoshlar bilan aloqani mustahkamlashda muhim ahamiyat kasb etadi.

📚 Shuningdek, uchrashuv yakunida Elchixona tomonidan vatandoshlarimizga Koreys tiliga tarjima qilingan O‘zbek adabiyoti kitoblari ham hadya qilindi. Bu tashabbus milliy adabiyotimizni targ‘ib qilish va madaniy aloqalarni mustahkamlash yo‘lidagi muhim qadam bo‘ldi.

📌 Shu kabi ochiq va mazmunli uchrashuvlar kelgusida ham tez-tez uyushtirib turilishi maqsadga muvofiq, deb hisoblaymiz.

BUSA — Kuch birlikda!💪
➥ Instagram | Telegram | YouTube

⛰ 금정산 ekstremal hiking — BUSA Hiking Club hisoboti

BUSA Hiking Club tomonidan tashkil etilgan navbatdagi ekstremal hiking muvaffaqiyatli tarzda yakunlandi. Ushbu safar ishtirokchilar bilan jismoniy va ruhiy jihatdan ancha talabchan bo‘lgan yo‘llarni bosib o‘tib, umumiy 3 ta cho‘qqini zabt etdik.

🔹 1-cho‘qqi: 금정산 — 801.5 metr
🔹 2-cho‘qqi: 원효봉 — 687 metr
🔹 3-cho‘qqi: 의상봉 — 638 metr

Yo‘l davomida ishtirokchilar bilan umumiy 8 km masofani bosib o‘tdik. Yo‘lning ayrim qismi tik ko‘tarilishlar, tor so‘qmoqlar va kuch talab qiladigan yo‘llardan iborat bo‘lib, bu hikingni chinakam ekstremal sinovga aylantirdi.

💪 Ayniqsa, ushbu hikingda qizlarimizning faolligi alohida e’tirofga loyiq. Ular barcha cho‘qqilarni to‘liq zabt etib, o‘zlarining iroda kuchi, sabr-toqati va qat’iyatini amalda namoyon etishdi. Bu ko‘pchilik uchun katta motivatsiya bo‘ldi va jamoa ruhini yanada mustahkamladi.

Ushbu hiking nafaqat tabiat bilan yuzma-yuz bo‘lish, balki o‘z chegaralarini sinab ko‘rish, qo‘rquvni yengish va ichki kuchni kashf etish imkonini berdi.

🏕 BUSA Hiking Club — o‘zini yengishga jur’at qilganlar uchun.

BUSA — Kuch birlikda!💪
➥ Instagram | Telegram | YouTube

🗓 Ramazon taqvimi

Qadrli BUSA a’zolari,
Ramazon oyini yanada tartibli va xotirjam o‘tkazish uchun sizlar bilan Ramazon taqvimini ham ulashmoqdamiz.

Ushbu taqvim orqali:
— saharlik va iftor vaqtlarini aniq bilib borasiz
— kuningizni oldindan rejalashingiz osonroq bo‘ladi

Ramazon oyini baraka, xotirjamlik va foydali odatlar bilan o‘tkazish nasib qilsin 🤲
Agar foydali bo‘lsa, boshqalar bilan ham ulashishni unutmang.

❗️Taqvim, Busan shahri vaqti bo‘yicha

BUSA — Kuch birlikda!💪
➥ Instagram | Telegram | YouTube