#Ayni_paytda
#Бошқарма_бошлиғи_ҳудудларда

🟢Ta’lim sifatini yanada oshirishning ustuvor vazifalari belgilab olindi

🔆Buxoro viloyati maktabgacha va maktab ta’limi boshqarmasi boshlig‘i Hamza Elliyev rahbarligida Kogon tumanidagi umumta’lim maktablari hamda maktabgacha ta’lim tashkilotlari direktorlari ishtirokida yig‘ilish o‘tkazildi.

➡️Ta’lim sifati va samaradorligini oshirish, o‘quvchilarni kelajak kasbiga maqsadli yo‘naltirish, ularning oliy ta’lim muassasalariga kirish ko‘rsatkichlarini yaxshilash hamda har bir ta’lim muassasasida natijadorlikni ta’minlash masalalarш yig‘ilish markazida bo‘ldi.

📎 Xususan, o‘quvchilarning bilim va ko‘nikmalarini mustahkamlashga xizmat qiluvchi qo‘shimcha pullik ta’lim xizmatlarini samarali tashkil etish, xorijiy tillar va majburiy fanlarni o‘qitish sifatini oshirish, milliy hamda xalqaro sertifikatlarga ega o‘quvchilar sonini ko‘paytirish masalalariga alohida e’tibor qaratildi.

🔗 Shuningdek, pedagoglarning kasbiy mahoratini yuksaltirish, ilg‘or tajribalarni ommalashtirish, ma’naviy-ma’rifiy ishlar samaradorligini oshirish va ta’lim muassasalarida sog‘lom ma’naviy muhitni mustahkamlash borasidagi vazifalar belgilab olindi.

📝Yig‘ilishda ta’lim-tarbiya jarayonining muhim tarkibiy qismi bo‘lgan o‘quvchilarning hayoti, sog‘lig‘i va xavfsizligini ta’minlash masalalari ham e’tibordan chetda qolmadi. Ta’lim muassasalarida bolalar uchun xavfsiz muhit yaratish, sanitariya-gigiyena talablariga qat’iy rioya etish, ehtimoliy xavflarning oldini olish hamda favqulodda vaziyatlarda to‘g‘ri harakat qilish ko‘nikmalarini shakllantirish muhimligi ta’kidlandi.

💠Ayniqsa, kuz-qish mavsumini betalofat o‘tkazish, isitish tizimlarining sozligi va xavfsiz ishlashini ta’minlash, yong‘in xavfsizligi qoidalariga amal qilish, is gazidan zaharlanish holatlarining oldini olish hamda ta’lim muassasalarining mavsumga tayyorgarligini doimiy nazorat qilib borish yuzasidan zarur vazifalarga to‘xtalib o‘tildi.

⚡️Yig‘ilish yakunida muhokama qilingan masalalar yuzasidan ustuvor vazifalar belgilab olinib, ularning ijrosini ta’minlash bo‘yicha mas’ullarga tegishli topshiriqlar berildi.

✅Buxoro viloyati maktabgacha va maktab ta’limi boshqarmasi sahifalariga a’zo bo‘ling👇
✅Telegram | ✅Facebook |
📱Instagram

🟢 “JADIDLAR IZIDAN” RESPUBLIKA TANLOVINING KOGON SHAHAR BOSQICHI BO‘LIB O‘TDI!

🔆Kogon shahrida o‘quvchi-yoshlar o‘rtasida kitobxonlik madaniyatini yuksaltirish, milliy ma’naviy merosimizni chuqur o‘rganish hamda jadid bobolarimizning hayoti, faoliyati va ma’rifatparvarlik g‘oyalarini keng targ‘ib etishga qaratilgan “Jadidlar izidan” respublika tanlovining shahar bosqichi tashkil etildi.

➡️Tanlovda shahardagi 11 ta umumta’lim maktabidan 50 nafar o‘quvchi ishtirok etib, o‘z bilim va salohiyatlarini namoyon etdi. Ishtirokchilarning natijalari hakamlar hay’ati tomonidan baholanib, g‘oliblar aniqlandi.

💠Har ikki yosh toifasida birinchi o‘rinni egallagan ishtirokchilar tanlovning viloyat bosqichida qatnashish huquqini qo‘lga kiritdi.

⚡️Bunday ma’rifiy tanlovlar yosh avlodning kitobga mehrini oshirish, mustaqil fikrlashini rivojlantirish, tarixiy xotirasini mustahkamlash va jadid bobolarimiz boshlab bergan ilm-ma’rifat yo‘lini davom ettirishda muhim ahamiyat kasb etadi.

✅Buxoro viloyati maktabgacha va maktab ta’limi boshqarmasi sahifalariga a’zo bo‘ling👇
✅Telegram | ✅Facebook |
📱Instagram