🇨🇦 Kanadani faqat shimoliy hududlari sovuqroq, janubida esa ancha iliq!

Mana bu videoda ko'rsatib berdim. Sovuqni yoqtirmasangiz, iliqroq shaharlariga borish kerak. Lekin "doimiy yashash huquqi"ni osonroq olishni istaganlar kelishga majbur bo'lishadi sovuqroq va chekkaroq hududlarga. Keyin esa ko'chib ketaveradi xohlagan hududiga.

Kanada konstitutsiyasiga ko'ra shaxs istalgan hududda yashash huquqiga ega. Lekin PR ni oliboq darrov surib qolish yaxshi emas. Biror asos bilan (masalan yaxshiroq ish topish, o'qishga kirish va xokazo) boshqa shaharga ko'chilsa kelajakda turli muammolarga duch kelmaydi odam.

Kanada 🇨🇦 hayoti va bu davlatga borish bo'yicha qiziq va foydali ma'lumotlarni kuzatib borish uchun: 👉https://t.me/CanadAli

Kanadaga kelgach, hujjatlarni amal qilish muddatini o'tkazib yubormaslik va uni uzaytirishda o'z vaqtida harakat qilish juda muhim. 🇨🇦

Kanadaga student bo'lib kelgan yurtdoshlarimizdan yana biriga o‘qish ruxsatnomasi (study permit)ni uzaytirishda yordam berdik.

Amaliy-huquqiy yordam: 👉 www.canadali.net

Shaxsan bog'lanish uchun: 👉 @Mr_Ali_Canada

Kanada 🇨🇦 hayoti va bu davlatga borish bo'yicha qiziq va foydali ma'lumotlarni kuzatib borish uchun: 👉https://t.me/CanadAli

Qani adolat? Nega rivojlangan davlatda yashaydigan bolalarda imkoniyat ko'proq?

Yaqinda mavsumiy grip "seasonal flu"ga qarshi profilaktik emlashga bordik. O'zi aslida Kanada bo'ylab grip yoki turli viruslar nisbatan kamroq shekilli. Harholda O'zbekistondan kelganimizdan beri qandaydir yuqumli kasallikni yotib qoladigan tarzda boshimizdan o'tkazmadik xudo shukr. Emlashni esa bu yil sinab ko'rishga qaror qildik, har ehtimolga qarshi. Chunki uyimizda yangi mehmon-chaqaloq bor. Ko'chadan birorta virus yuqtirib kelishning oldini olgan yaxshi albatta. Ayniqsa katta farzandim bog'chaga qatnaydi va bir kunda o'nlab bolalar bilan muloqotda bo'ladi.

Emlash mutlaqo bepul. Uzun navbatlar mavjud emas. Shunchaki saytga kirasiz, kuni va vaqtini tanlaysiz va boraverasiz belgilangan vaqtga. Kanadani ko'pchilik ota-onalarga yoqadigan bir yaxshi tarafi bor: qandaydir istalgan tashkilotda biroz kutishga to'g'ri kelsa, bolalar zerikib qolib xarxasha qilmasligi uchun maxsus burchaklar tashkil qilingan bo'ladi. O'sha yerda o'ynab turishadi kichkintoylar. Xullas yosh avlod uchun sharoitlar juda yaxshi yo'lga qo'yilgan. O'yin maydonchalari, sport to'garaklari, kutubxonalar ko'pligi sababi esa tug'ilish sonini oshirishni targ'ib qilishga qaratilgan. Shuning uchun ham Kanada bolalari o'ta quvnoq va sho'x, qandaydir "baxtli bolalik"ni boshidan kechirayotganday tuyuladi menga. Yosh boshidan juda chuqur o'y-hayolga botib qolmagan. Ba'zan o'ylab qolaman, ehh qaniydi biz ham bolalikda shunaqa sharoitlarda katta bo'lsak edi deb. Noshukrlik emas bu, shunchaki havas.

Axir aytishadiku, uncha rivojlanmagan davlatlar bolalari kelajakda qiynalib erishadigan narsalariga, rivojlangan davlatlardagi bolalar tug'iliboq tayyor ega chiqishadi. Biz bolalikda ingliz tilini o'rganib, o'qib, bilim olib keyin chet elliklar bilan teng darajaga chiqish uchun hammasini noldan boshlaymiz. Bular esa "start" boshidayoq bizdan ko'ra ko'proq imkoniyatlarga ega bo'lishadi. Qani adolat?

Aytishingiz mumkin, qiyinchilikda katta bo'lgan insonlar intiluvchan bo'ladi va hamma narsani qadriga yetadi deb. Lekin yuqori reytingdagi universitetlarni bitirib nufuzli tashkilotlarda ishlaydigan yoki biznes qiladigan chet elliklar hammasi ham qiyinchilik ko'rib katta bo'lishgan deysizmi? Balki sharoiti yaxshi bo'lgani uchun ham butun diqqatini ta'lim olish va rivojlanishga qaratishgandir. Balki sharoiti yaxshi bo'lmagani uchun ham uncha rivojlanmagan davlatlardagi ba'zi insonlar ta'lim olish o'rniga pul topishga berilib, orzularini bir umrga "ko'mib" tashlagandir. Kim nima desa desin-u, lekin har bir ota-ona qo'lidan kelgancha o'z farzandlariga yetarli sharoit yaratib berishda jiddiy mas'uliyatga ega deb hisoblayman baribir...

Kanada 🇨🇦 hayoti va bu davlatga borish bo'yicha qiziq va foydali ma'lumotlarni kuzatib borish uchun: 👉https://t.me/CanadAli

Avval xabar berganimizdek, Kanada va O’zbekiston terma jamoasi futbol bo’yicha o’rtoqlik o’yinida maydonga tushishi haqida Kanada matbuoti ham xabar berishni boshladi. 🇺🇿🤝🇨🇦⚽️Biletlar 23-yanvarda sotuvga chiqar ekan.

Shu yil 1-iyun sanasida. Alberta provinsiyasi Edmonton shahrida. Bevosita stadiondan kuzatamiz xudo xohlasa ko'plab Kanada o'zbeklari. Taxmin qilinganidek o'yin "Commonwealth Stadium"da bo'lib o'tadi.

Bu ikki terma jamoa o’zaro 2016-yilda o’zaro o’ynagan ekan tarixda bir marta. O’shanda Kanada 2:1 hisobida g’olib bo’lgan. Hozirgi kunda FIFA reytingida Kanada 27-o’rinda, O’zbekiston esa 50-pog’onada ketmoqda.

Nasib qilsa Kanada hududidagi juda ko’p O’zbekistonlik yurtdoshlarimiz terma jamoamizni birgalikda qo’llab quvvatlaymiz.

Qiziq bir savol: Nima deb o'ylaysiz, Kanadaga hali kelmaganlar ham bilet sotib olsalar, bu holat ularning viza olishida yordami tegadimi?

Xabar manbasi: canadasoccer.com
Biletlarni mana bu havoladan sotib olish mumkin: www.ticketmaster.ca

Kanada 🇨🇦 hayoti va bu davlatga borish bo'yicha qiziq va foydali ma'lumotlarni kuzatib borish uchun: 👉https://t.me/CanadAli

"Green card yutdim" deb qo'y so'yib qo'yganlar Trampni la'natlaydigan bo'lishdi. 😁 AQSH jami 75 ta davlat uchun immigrant vizalarini berishni to'xtatdi. Ro'yxatda O'zbekiston ham bor, afsus.😢

AQSH🇺🇸immigrant vizasini berishni noma'lum muddatga to'xtatib qo'ydi, bu degani endi shu bilan qachon ochiladi, hech kim bilmaydi. Katta ehtimol bilan Tramp prezidentlikdan ketganidan keyin qayta ochilsa kerak.

Shuning uchun ham qayta va qayta aytib kelamiz: Shunchaki omadga asoslangan immigratsiya tizimi yaxshilikka olib kelmaydi. Ishonib qolmaslik kerak, inson o'z harakati bilan rivojlangan davlatlarga immigratsiya qilganiga nima yetsin.

Kanada🇨🇦esa kuchli nomzodlar uchun hamisha ochiq! Tilni yaxshi biladigan, ta'lim darajasi yuqori, malakali kadrlarni tanlab olaveradi ming-minglab yiliga. Shu sababdan ham Kanadaga ko'chib kelganlar orasida ziyoli qatlam soni AQSHga qaraganda ko'proq. Chunki Amerikaga istalgan odam omad tufayli lotoreya yutib yoki Meksika orqali kirib kelaverar edi-yu, endi bo'lsa barcha yo'llar yopildi.

Lekin AQSHga student viza yoki turist viza uchun ariza topshirish odatdagiday davom etaveradi. Futbol bo'yicha jaxon chempionati o'yinlari uchun borishga bu cheklov ta'sir qilmaydi.

Shaxsan bog'lanish uchun:
👉 @Mr_Ali_Canada
Amaliy-huquqiy yordam:
👉 www.canadali.net

Kanada 🇨🇦 hayoti va bu davlatga borish bo'yicha qiziq va foydali ma'lumotlarni kuzatib borish uchun:
👉 https://t.me/CanadAli

Kanadaga 2 yil avval student viza orqali oilaviy kelgan mana bu mijozlarimiz kuni kecha "doimiy yashash" huquqi (PR) uchun taklif oldi. Tabriklaymiz!

Anvarjonning Kanadaga kelish yo'li ayoliga student viza, o'ziga esa ishchi viza olish bilan boshlangan edi. 👉 Mana bu videodagi yigit. Dastlab Torontoga kelishgan va bu shaharda PR olish qiyin ekanligini oldindan his qilib, biroz chetroq hududga ko'chishga qaror qilishdi. Orada farzandli bo'lishgan va farzandiga Kanada fuqaroligini ham olib qo'yishgan.

New Brunswick provinsiyasiga ko'chishni maslahat bergandik o'shanda. O'zi juda harakatchan yigit, doimo pozitiv. Hech qanday qiyinchiliklardan cho'chimay, ketishdi o'sha viloyatga. Ayolini o'qishini ham o'sha hududga o'tkazib, o'zi turli ishlarda ishlab ko'rdi. Qurilishdan tortib, fermagacha. Oxir-oqibat har taraflama qo'llab-quvvatlaydigan ish beruvchi topib, o'sha yerga ishga o'tdi. Ish beruvchisi bu yosh oilaga yashash uchun o'z hisobidan uy ham bergani ayni muddao bo'ldi.

Doimo biror huquqiy masala bo'lsa biz bilan maslahatlashib turardi. 1 yil ishlab berganidan keyin, o'sha hududning provinsial dasturiga hujjat topshirishida ham amaliy yordam berdik. Mana ko'rib turibsiz, ushbu xat orqali "doimiy yashash" huquqi uchun taklif oldi. Orada provinsial dasturlar vaqtincha to'xtatib qo'yilganida ham umidini so'ndirmay kurashishda davom etdi.

Mana endi hujjatlarini sifatli tarzda, puxta ishlov berib topshirish orqali Kanada doimiy yashash huquqini qo'lga kiritishadi nasib qilsa. Eng muhimi mazkur provinsiya ishonch bildirdi va taklif yubordi. Qolgani endi vaqt masalasi.

O'qishini tashlab yubormasdan, katta shaharlarga mahliyo bo'lib vaqt va imkoniyatni qo'ldan chiqarmasdan, maqsad yo'lida tinimsiz harakatda bo'lganlar oxir-oqibat albatta natijaga yetib borishadi. Bu keys esa boshqalarga motivatsiya bo'ladi degan umiddamiz.

O'qishga kelish orqali PR olish oson emas. Shunaqa chig'iriqlardan o'tishga to'g'ri keladi provinsial dasturlar usuli bo'yicha harakat qilganda. Lekin nomzod fransuz tilini o'rganish yo'lidan ketsa, boshqa chekkaroq shaharga ko'chishi shart emas. Lekin faqat o'qishga borish va ingliz tili orqali PRga harakat qilaman desa, unda talablar ancha qiyinlashadi. Aytgancha, qahramonlarimiz PRni qo'lga kiritgach istalgan hududga ko'chish huquqiga ega bo'lishadi. Barcha maqsad qilganlarga ham nasib qilsin niyatiga yarasha...

Bizga shaxsan bog'lanish uchun:
👉 @Mr_Ali_Canada
Amaliy-huquqiy yordam:
👉 www.canadali.net

Kanada 🇨🇦 hayoti va bu davlatga borish bo'yicha qiziq va foydali ma'lumotlarni kuzatib borish uchun:
👉 https://t.me/CanadAli

Kanada Bosh vaziri Xitoyga borib, juda yaxshi kelishuvlar qilib kelibdi. Iqtisodiy gigantga aylanib borayotgan Xitoy bilan o‘zaro manfaatli iqtisodiy hamkorlik AQSHga yoqmasligi aniq.

Ushbu uchrashuvdan keyin imzolangan kelishuvga ko‘ra, endilikda Kanada bozorida Xitoyning nisbatan arzonroq elektrokarlari sotuvi boshlanadi. Avvallari Kanada AQSH ortidan Xitoy elektrokarlari uchun 100 foizlik boj joriy qilgan edi. Endi ushbu boj olib tashlanmoqda. Teslaning qimmat elektrokarlari uchun talab Kanadada pasayishni boshlashi ehtimoli yuqori.

Hozircha yiliga 50 mingtagacha Xitoy elektrokarlari Kanada bozoriga olib kirishga ruxsat etiladi. Bu juda katta raqam emas, chunki har yili Kanada aholisi 1,8 million atrofida avtomobil xarid qiladi. Xitoy mashinalari Kanada bozori uchun ancha arzon, sababi ushbu elektrokarlarning narxi o‘rtacha 25 ming dollar atrofida bo‘ladi. Kanadaliklar xarid qiladigan avtomobillarning o‘rtacha narxi esa 45 ming dollar. Xitoy elektrokarlari deyarli ikki baravar arzon tushadi.

Tramp bundan g‘azab otiga minishi aniq, chunki AQSH avtomobil sanoati yaqin kelajakda Kanadani qo‘ldan boy berishni boshlashi mumkin. Bu savdo urushining bir ko‘rinishi: AQSH Kanada uchun bojlar qo‘ya boshlagandan keyin, Kanada ham majbur bo‘lib boshqa alternativ bozorlarni izlayapti.

Kanada 🇨🇦 hayoti va bu davlatga borish bo'yicha qiziq va foydali ma'lumotlarni kuzatib borish uchun:
👉 https://t.me/CanadAli

Qatar davlati Kanadaga katta miqdorda investitsiya kiritishga qaror qilibdi.

Kanada bosh vaziri Mark Karni o'zining Dohaga birinchi rasmiy tashrifini amalga oshirgandan so'ng hamkorlikni chuqurlashtirishga kelishib oldi. Qatar amiri Shayx Tamim bin Hamad Ol Soniy bilan uchrashuvlar chog‘ida ikki davlat savdo, sarmoya, mudofaa va iqtisodiy aloqalarni rivojlantirishga qaror qilgan. Qatar Kanada davlat qurilish loyihalariga, jumladan, energiya, toza texnologiyalar, sog'liqni saqlash, sun'iy intellekt va mudofaa sohalariga muhim strategik sarmoya kiritish majburiyatini oldi, bu esa yangi ish o'rinlari yaratish va Kanada iqtisodiyotini mustahkamlashga yordam beradi.

Ular, shuningdek, har ikki davlat biznesining bir-biriga sarmoya kiritishini osonlashtirish uchun yozgacha Xorijiy investitsiyalarni rag‘batlantirish va himoya qilish to‘g‘risidagi bitim (FIPA) bo‘yicha muzokaralarni yakunlashga kelishib oldilar. Rejalarga havo qatnovlarini kengaytirish, Dohada Kanada mudofaa attashesini tashkil etish, texnologiya va infratuzilma tashabbuslari bo‘yicha hamkorlik qilish kiradi.

AQSH bilan o'zaro iqtisodiy va savdo munosabatlari Tramp tufayli yomonlashgan bir paytda Kanadaning xalqaro iqtisodiy aloqalarini diversifikatsiya qilish muhimligi ta’kidlanmoqda.

Kanada 🇨🇦 hayoti va bu davlatga borish bo'yicha qiziq va foydali ma'lumotlarni kuzatib borish uchun:
👉 https://t.me/CanadAli

#Qisqa satrlarda: Kanada immigratsiya siyosati bo'yicha yil qanday boshlandi?

*PhD ga borish haqida ko'p so'rashmoqda. Mana bu yerda ma'lumot qoldirgan edim bu haqda batafsil. 👉(PhD) Hayotga real qarayverish kerak. Demotivatsiya emas bu. Shunchaki o'z imkoniyatlaringizga to'g'ri baho bering.

*Fransuz tilini o'rganib Kanadaga immigratsiya qilmoqchi bo'lganlar, til o'rganishga ikkilanib yurgan bo'lsalar mana bu bepul usul orqali 👉(French) YouTube dan boshlang'ich bilimlarni olishlari mumkin. Hech bo'lmasa bu tilni biroz his qilish imkonini beradi. Bugun, 19-yanvar e'lon qilingan rasmiy xabarga ko'ra fransuz tili bo'yicha immigratsiya uchun 5 mingta qo'shimcha kvotalar ajratildi provinsiyalar uchun ham. Bu federal dastur doirasidagi 35 mingta kvotadan tashqari qo'shimcha raqamlar bo'ladi.

*Kanada elektron viza berishni yo'lga qo'ygan va buni test rejimida sinab ko'rmoqda. Vizani pasportda stiker ko'rinishida an'anaviy usulda emas, smartfonda QR kod shaklida olib yurish mumkin bo'ladi. Bu esa vizaga nomzodlarning vaqt va xarajatdan yutishiga yordam beradi.

*Kanadaga o'qishga borish uchun grant so'raydiganlar mana bu imkoniyatdan 👉(grant) foydalanishning bu yilgi so'nggi muddati fevral oyi boshigacha. Harakat qilib ko'rish esdan chiqmasin. Huquqshunoslarga tegishli grant.

*Eng ko'p O'zbekistonliklar yashaydigan Kanada shahri bu Toronto. Mana bu rasmiy statistika 👉(Census) 2021-yilda e'lon qilinganida ham Toronto 1-o'rinda edi. Oradan 5 yil o'tdi va bu yil Kanada bo'ylab aholini yangidan ro'yxatga olish amalga oshiriladi. Bunda ham Toronto yurtdoshlarimiz soni bo'yicha yetakchilikni saqlab qolishi ehtimoli ancha yuqori.

*Yil boshida, ya'ni 7-yanvar sanasida 8 mingta nomzod tanlab olindi Kanada doimiy yashovchisi statusi uchun! 👉(Express Entry) O'tish bali 511 bo'ldi. Nega baland? Chunki ular Kanadaga o'qishga kelib, bitirib ishlab qolib ketganlar va kamida 1 yillik Kanada ish tajribasiga ega. Ular fransuz tilini o'rganishlari shart emas. Ingliz tili bilan ham shunaqa ball to'plasa bo'ladi. Chunki Kanada diplomi va ish tajribasi qo'shimcha ballar beradi.

*Kanada hukumati mamlakat ichida yashayotganlar uchun bo'sh vaqtida qo'shimcha ish taklif qilmoqda. Aholini ro'yxatga olishda yordam bermoqchi bo'lganlarga soatiga 25-31 dollar orasida ish haqi to'lanadigan qo'shimcha ish. 32 mingta vakansiya. Sharti shuki, bu imkoniyat Kanada ichida hech bo'lmasa work permit yoki PR ga ega bo'lganlarga amal qiladi. Arizani mana bu yerda qoldirish mumkin. 👉(Census jobs)

*Kanadaga immigratsiya qilayotganda chet elda olingan diplomlar baholatiladi. Odatda mana bu tashkilot tomonidan. 👉(WES) Bu nima uchun kerak? Birinchidan hukumat talabi immigratsiya uchun, ikkinchidan esa baholatilganidan keyin beriladigan sertifikat yordamida o'z sohasida ishlash huquqi paydo bo'ladi Kanada hududida boshqa davlat diplomi bilan. Hamma sohada ham emas albatta. Ba'zi sohalar borki, "regulated professions" deyiladi va ular uchun boshqacha tartib amal qiladi. Masalan yuristlar va vrachlar.

Bizni kuzatishda davom eting. Siz uchun mos keladigan yangi imkoniyatlar chiqib qolsa shu yerda baham ko'ramiz. Kanadaga harakat qilayotganlar harakatdan to'xtamang!

Bizga shaxsan bog'lanish uchun:
👉 @Mr_Ali_Canada
Amaliy-huquqiy yordam:
👉 www.canadali.net

Kanada 🇨🇦 hayoti va bu davlatga borish bo'yicha qiziq va foydali ma'lumotlarni kuzatib borish uchun:
👉 https://t.me/CanadAli

"Kanadaga immigratsiya: 2025-yil sarhisobi, 2026-yil uchun qanday strategiya tuzish kerak?" mavzusida YouTube platformasida batafsil video joyladik. Agarda 20 minutlik videoni to'liq ko'rib chiqishga vaqtingiz kam bo'lsa, yo'lda yoki biror bir ish qilayotganda podkast tarzida eshitib qo'yilsa ham bo'ladi.

Video davomida 2025-yil yakuni bo'yicha Kanada immigratsiyasidagi asosiy trendlar va 2026-yilga tayyorgarlik ko‘rayotganda aniq va puxta immigratsiya strategiyasi tuzishi orqali oxir-oqibat natijaga yetib borishni bilib olish mumkin bo'ladi.

Shuningdek Kanada immigratsiyasi bo'yicha eng so'nggi ma'lumotlarni tahlil qilishga harakat qildik. Ancha foydali bo'ldi deb umid qilamiz. Ko'rib "like" tugmasini bosish va izohlarda savollar yoki fikrlarni qoldirish orqali "prosmotr" oshirishda bizga yordam bersangiz xursand bo'lamiz. Raxmat kattakon! 🤝

Videoni mana bu havoladan ko'rish mumkin:👇
https://www.youtube.com/watch?v=cshLVbdD1BY

Kanada 🇨🇦 hayoti va bu davlatga borish bo'yicha qiziq va foydali ma'lumotlarni kuzatib borish uchun: 👉https://t.me/CanadAli

Kanada bolalar orasida ijtimoiy tarmoqlarni ta'qiqlashga qaror qildi.

Kanada hukumati 14 yoshgacha bo'lgan bolalar va o'smirlar orasida ijtimoiy tarmoqlar (Instagram, Tik Tok va xokazolar)dan foydalanishga ta'qiq o'rnatish bo'yicha qonun qabul qilishga tayyorlanmoqda.

Maqsad bolalar orasida stressni kamaytirish, virtual hayotda emas real hayotda yashashga qiziqtirish, ularni turli salbiy illatlardan asrash deyilmoqda.

Bu qanday tartibda amalga tadbiq etiladi?

14 yoshgacha bo'lganlar ijtimoiy tarmoqlarda texnik jihatdan akkaunt ocha olmaydi bu qonun qabul qilinsa. Ya'ni ijtmoiy tarmoq platformalarini ochishda ID karta va biometrika ma'lumotlari orqali ro'yxatdan o'tish joriy qilinadi. 14-16 yosh orasidagilar uchun esa ota-ona roziligi joriy etiladi.

Yaxshi yangilik! Kanadadan oldin Avstraliya va Fransiya ham bu kabi tartibni boshlab bergan edi. Boshqa davlatlar ham o'rnak olsa arziydi, bizningcha!

Siz nima deb o'ylaysiz?

Kanada 🇨🇦 hayoti va bu davlatga borish bo'yicha qiziq va foydali ma'lumotlarni kuzatib borish uchun: 👉https://t.me/CanadAli