‏الحب قطع قلوب البعارين

ما أخشى على يمناي شوك العناقيد
‏لكن أحنّك من نسيم الهبايب

‏- مشعان البراق

يقول البّدر :
بكره اذا هلّت دموعك من الشوق
خل الغيابّ اللي بغيته يسرك

‏من نور جيده سواد الليل متبجد
‏ليله يصبح مساه وصبحه يهجده
‏
سعد بن جدلان ، الله يرحمه

-

لا تنسى،
‏ أنت في الدنيا لأجل الآخرة .

عليك في صدري الأشواق محتدمه
ارجع .. ورجّع محبتنا بأثر رجعي

- علي الدعيّه

ولَرُبَّ نازلةٍ يضيقُ بها الفتى
‏ ذرعاً وعند الله منها المخرجُ
‏
ضاقت فلمّا استحكمت حلقاتها
‏فُرجت وكان يظنّها لا تُفرجُ

الشافعي

واهنيّ اللي
‏ليا حان وقت النوم نام
‏ما تجاذبه الهواجيس للثلث الأخير

‏وأنا مانيب لا بندر ولا أنتي بنت راع الفوج
‏أنا اللي طق بابك بالغلط لين أنفتح جرحه

‏- عناد الشيباني

طليت و انبدا لي شي(ن) من الجمال
و قمت اهلي .. و استغفر .. و اكبر

كيف الشمس تطل في سود الليال
من حسنك عجّزت أتأملك بتدبر

لا اله الا الله .. يا وش هالكمال
اوقف عنده اعجز لا اوصف و لا اعبر

ما لك في الغيد لا وصيف و لا مثال
انت لـ جروح القلب تعالج و تجبر

لكن في النهاية عندي لك سؤال
هو اللي شافك كيف يقوى و يتصبر

‏صحينا مِن الحلم الحقيقي وكنه كذبّ
‏تشتت " غلاً " وش يجمعه عقب تفريقه ؟

‏تمرّ الحياه الفانيه ، مال وصله دربّ
‏و أنا عايشً ما بين كذبه و تصديقه

‏لو إني عرفت أنسى مثل ما عرفت أحبّ
‏ما حملني القلب الشقي فوق ما طيقه

بندر الدويش

-

علمني يا أتلع الجيد وش حنا عليه
‏المزاهب كمّلت صبر والرحله عمر

‏كان في صدرك من الشوق شيٍ شب فيه
‏وش يقول اللي ضلوعه من اشواقه جمر

‏من فقد مثلك ما يعتاض في باقي الوجيه
‏لو يمرونه هل الارض من بيض وسمر

‏ما على وجه البسيطه من اشباهك شبيه
‏طينتك من مسكٍ ابيض ومن تُربة قمر

عن وصل غيره يدين الحُب مكتوفه
‏وعن شوف غيره عيوني مالها طمعه

‏أنا قتيله وانا أمنه وأنا خوفه
‏وأنا غناته وأنا طرحه و أنا جمعه

‏ياجعلي اسابقه للموت واطوفه
‏محبةٍ فيه لا خذله ولا رمعه

يالله استرني بلطفك دام سترك ثوبي
‏واغفر لعبدٍ كساه الذنب واصفح عنه

‏ما لنفسي غير نورك في ضلال دروبي
‏والمُنى عفوّك وحسن الخاتمه و الجنّه

‏مذنب ولاجيت اقارن رحمتك بذنوبي
‏ اذكر ان ذنبي عظيم وعفوّك اعظم منه

- الوتر💘

منحرم وصلك وانا قلبي ضعيف
‏ما اتحمل غيبتك عني لو ثانيه

‏ودمع عيني ما يوقف بالنزيف
‏الحياة بدون شوفتك فانيه

ضايق ومستانس وراضي وزعلان
مدري وش الي جمع الكل فيني

مره اجر الصوت مغرم وطربان
ومره اجر الصوت وتهل عيني