كل ماشفت العباد اللي يعيشون بضعافة
‏قمت أعرّض راسي المرفوع للريح ومهبه

‏فـ المذلة !.. دايمًا عذر الذليل يكون تافه
‏لو مايلقى له سبب لـ الذل ذل بدون سبة

3:05

حدٍ يدور لك خطأ وانت ماخطيت
وأحدٍ يدور لك عذر وانت مخطي

يالله عسى الثاني مثل ما تمنيت
تضحك سنينه عكس الاول وتبطي

صباح الخير
سعد بن جدلان يقدّم نصيحه بدايه الصباح و يقول:

‏لا تنظر لماضيّك لانه لا يعود
‏فكّر بحاضرك الجديد و سنّعه

‏دنيا بدونك أنا مالي أحدٍ فيها
‏غريبٍ و عايش مابين الناس وحداني

‏خذني معك عيشتي بلياك ما أبيها
‏وأرض ماتسكنها ما أسميها أوطاني

الحظيظ اللي بعمره جمع دنيا ودين
‏ما ترك حق الرفاقه ولا فوت صلاة

عساه يسلم من المنافق وكل عين
يجلي الشده من اقصاها جلاة

لا جاتني الكلمة اللي تجرح شعوري
‏ عرّضتها الريح ولا كنّي اسمعها

‏"سعد علوش مب فارقه معه وأنا كذلك "

‏لاغاب عنك اللي غيابه مصيبه
‏وطالت به الغيبه ولاجابه الشوق

‏مافيه داعي تنشده عن مغيبه
‏ماغاب عنك الا وهو منك مسروق

‏خله يكمل غيبته وش تبي به
‏لا تلحقه لو كل مطرود ملحوق

‏ترى المحبه ماتجي بالغصيبه
‏لو السما تطبق على الارض من فوق.

لو عطيتك كل عمري مالحقني منّه
‏كل يوم يزود منها ودّي انه منّي

‏انتي الحب الحقيقي والرضى والجنه
‏والله ان رضاك يعني رضى الله عنّي

لو بس هالليله قمر السِماء
وحبيبي لي

الظاهر انك مقفية .. على ولاك
ما عاد لك نية لقاء لو بعد حين

ان كان مالي بك نصيب آبي لقاك
ماهيب دايم تجتمع .. دنيا ودين

اشتاق لك لا قام .. يطرقني هواك
واكذّب الواقع لو انه شوف عين

ولا اذكر الا انتي .. ولا حي سواك
يوم اني اسمع بـ الرفاه وبالبنين

ما فيه ثابت من بعدك الا غلاك
ولا البقية .. ( كلهم ) متحركين

على يقين انك بشر ما انتِ ملاك
لكن عَجَز لا يقطع الشك اليقين

أنا أشهد ان اللي عطاك انه عطاك
مالا عطا غيرك من الناس أجمعين

- عبدالله السراهيد

-

لاتعلميني ردي العلم عني !
‏من يوم حبيتك شؤوني شؤونك
‏
تدخلي فيها ومدّي ومنّي
‏وردي عن اللي همهم يسألونك

‏مليتي عيوني عن الناس كني
‏ما اشوف بعيوني اشوف بعيونك

‏ياجعل يومي قبل يومك لأني
‏في مجمل الحالات.. ميت بدونك

‏- عبدالله حنيف

كنت أحسب انك سارح في عيوني
اثرك معاي وأنت فكرك مع غيري

ينصفني الوقت منك .. والليالي تدور
‏وأرد لك كل حاجه لك ، ماهي بـ لي

‏بعطيك صمت السنين ، ودمعتين ، وشعور
‏وعطني قسى قلبك.. اللي كان قاسي علي

- عبدالعزيز العبلان

لو التمني ينفع اللي تمنى
ما كان صرت اليوم نفسي شقية