សេចក្តីប្រកាសព័ត៌មាន ស្តីពី លទ្ធផលកិច្ចប្រជុំពេញអង្គគណៈរដ្ឋមន្រ្តី ក្រោមអធិបតីភាពសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នាព្រឹកថ្ងៃសុក្រ ១០កើត ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៤ ខែកក្កដា ឆ្នាំ២០២៦។

ម.អ.ក បានរៀបចំបាឋកថាសាធារណៈស្តីពី «ឧត្តមគតិ» លើកទី២ ក្រោមប្រធានបទ «ការអប់រំ ដើម្បីពង្រឹងសតិជាតិរបស់មនុស្សខ្មែរ» ដោយមានការអញ្ជើញចូលរួមពីឯ.ឧសាស្ត្រាចារ្យបណ្ឌិត ហោ ប៉េង សាកលវិទ្យាធិការនៃសាកលវិទ្យាល័យជាតិគ្រប់គ្រង, ឯ.ឧសាស្ត្រាចារ្យបណ្ឌិត ជេត ជាលី សាកលវិទ្យាធិការនៃសាកលវិទ្យាល័យភូមិន្ទភ្នំពេញ និង ឯ.ឧបណ្ឌិត ស៊ុំ ឈុំឡុង អនុប្រធានក្រុមប្រឹក្សាជាតិភាសាខ្មែរ ជាវាគ្មិនកិត្តិយស និងសម្របសម្រួលដោយ កញ្ញា សូ ដាវណ្ណ ពិធីការិនីទូរទស្សន៍បាយ័ន។

វាគ្មិន បានសង្កត់ធ្ងន់លើតួនាទីសំខាន់របស់ការអប់រំក្នុងការបណ្តុះ និងពង្រឹងសតិជាតិរបស់មនុស្សខ្មែរ ព្រមទាំងការអភិវឌ្ឍមូលធនមនុស្សប្រកបដោយសមត្ថភាព គុណតម្លៃ និងទំនួលខុសត្រូវ។ ការអប់រំមិនត្រឹមតែផ្តល់ចំណេះដឹង និងជំនាញប៉ុណ្ណោះទេ ប៉ុន្តែមានតួនាទីក្នុងការបណ្តុះការយល់ដឹងអំពី ប្រវត្តិសាស្ត្រ អត្តសញ្ញាណជាតិ បេតិកភណ្ឌវប្បធម៌ សិទ្ធិ និងកាតព្វកិច្ចរបស់ពលរដ្ឋ ការគោរពច្បាប់ វិន័យ និងស្មារតីសាធារណៈ យល់ពីតួនាទីរបស់ខ្លួនចំពោះគ្រួសារ សង្គម និងប្រទេសជាតិ និងក្លាយជាពលរដ្ឋដែលមានសមត្ថភាព និងទំនួលខុសត្រូវ។

🗓️ ថ្ងៃព្រហស្បតិ៍ ទី២០ ខែសីហា ឆ្នាំ២០២៦
📍 សាល CJCC

មជ្ឈមណ្ឌលអភិវឌ្ឍន៍កម្ពុជា សូមថ្លែងអំណរគុណយ៉ាងជ្រាលជ្រៅគោរពជូនចំពោះ វាគ្មិនកិត្តិយស ឯកឧត្តមសាស្ត្រាចារ្យបណ្ឌិត ហោ ប៉េង, ឯកឧត្តមសាស្ត្រាចារ្យបណ្ឌិត ជេត ជាលី និង ឯកឧត្តមបណ្ឌិត ស៊ុំ ឈុំឡុង និងអ្នកសម្របសម្រួល កញ្ញា សូ ដាវណ្ណ ដែលបានចំណាយពេលវេលាដ៏មានតម្លៃ មកចែករំលែកចំណេះដឹង បទពិសោធន៍ ទស្សនៈ និងការយល់ឃើញ ក្នុងបាឋកថាសាធារណៈស្តីអំពី «ឧត្តមគតិ» លើកទី២ ឱ្យកាន់តែមានខ្លឹមសារ និងផ្តល់នូវទស្សនៈសំខាន់ៗពាក់ព័ន្ធនឹង «ការអប់រំ ដើម្បីពង្រឹងសតិជាតិរបស់មនុស្សខ្មែរ»។

ឆ្លៀតក្នុងឱកាសនេះ មជ្ឈមណ្ឌល សូមថ្លែងអំណរគុណយ៉ាងជ្រាលជ្រៅផងដែរដល់ ឯ.ឧសាស្ត្រាចារ្យបណ្ឌិត ជេត ជាលី សាកលវិទ្យាធិការនៃសាកលវិទ្យាល័យភូមិន្ទភ្នំពេញ និងក្រុមការងារសាល CJCC សម្រាប់កិច្ចសហការដ៏ប្រសើរ ក្នុងការផ្តល់ទីតាំងការគាំទ្រ និងកិច្ចសម្របសម្រួលផ្សេងៗ ក្នុងដំណើរការរៀបចំបាឋកថាសាធារណៈនេះ។

មជ្ឈមណ្ឌល ក៏សូមថ្លែងអំណរគុណដល់ស្ថាប័នដៃគូ ព្រះសង្ឃ សិស្ស-និស្សិត យុវជន សារព័ត៌មានជាតិ និងអ្នកចូលរួមទាំងអស់ ដែលបានផ្តល់ការចូលរួមដ៏មានតម្លៃ និងសកម្មក្នុងកិច្ចពិភាក្សា ដែលរួមចំណែកធ្វើឱ្យបាឋកថានេះទទួលបានជោគជ័យ។