📣 Institut vakillari Tojikistonda o‘tkazilgan qonun ustuvorligi bo‘yicha milliy forumda ishtirok etdilar

Tojikiston Respublikasining Konstitutsiyasi qabul qilinganining 31 yilligi munosabati bilan Dushanbe shahrida “Qonun ustuvorligi bo‘yicha 11-milliy forum” bo‘lib o‘tdi.

🇹🇯 Forumning asosiy maqsadi — MDH mamlakatlari vakillarini yagona muloqot maydonida birlashtirish, o‘zaro tajriba almashish, huquqiy islohotlar borasidagi ilg‘or tajribalarni muhokama qilish hamda mintaqaviy hamkorlikni yanada rivojlantirishdan iborat bo‘ldi.

🎙 Direktor Yesemurat Kanyazov forumda kirish so‘zi bilan chiqish qildi hamda birinchi sessiyada — “Adolatga erkin kirish inson huquqlarini himoya qilishning konstitutsiyaviy kafolati sifatida” mavzusida shuningdek, u “Raqamlashtirish sharoitida fuqarolik huquqi: raqamli mulk, smart shartnomalar va elektron dalillar” mavzusida ma’ruza o‘qidi.

🔹 Tadbir davomida MDH davlatlari adliya tizimi vakillari o‘zaro fikr va tajriba almashib, qonun ustuvorligini ta’minlash va huquqiy tizimni raqamlashtirish yo‘nalishlarida hamkorlikni mustahkamlash masalalarini muhokama qildilar.

minjusttraining.uz | Facebook | Instagram | Telegram

🎓 TDYU talabalari uchun institutda ochiq eshiklar kuni!

Bugun Yuridik kadrlarni qayta tayyorlash va malakasini oshirish institutida Toshkent davlat yuridik universiteti talabalari uchun ochiq eshiklar kuni tashkil etildi.

📚 Tadbir davomida talabalar institut faoliyati, o‘quv jarayoni, elektron kutubxona, xalqaro ilmiy bazalar va malaka oshirish dasturlari bilan yaqindan tanishdilar.

👩🏻‍🏫 Shuningdek, ular institut professor-o‘qituvchilari bilan muloqotda bo‘lib, o‘zlarini qiziqtirgan savollarga javob olishdi.

🤝 Tadbir yosh yuristlarda kasbiy bilim va ko‘nikmalarni yanada mustahkamlash, ularni amaliy faoliyatga tayyorlashga xizmat qildi.

minjusttraining.uz | Facebook | Instagram | Telegram

📘 “Baker Botts” (Buyuk Britaniya) firmasi o‘z sessiyalarini yakunladi!

Adliya vazirligi huzuridagi Yuridik kadrlarni qayta tayyorlash va malakasini oshirish institutida o‘tkazilayotgan “Xalqaro shartnoma huquqi va investitsiya kelishuvlari” mavzusidagi professional o‘quv kursi doirasida “Baker Botts” yuridik firmasining ekspertlari tomonidan o‘tkazilgan mashg‘ulotlar yakuniga yetdi.

🔹 Alistair Wishart va Nabil Khodadad tinglovchilar bilan loyihani amalga oshirish bosqichlari, xatarlarni taqsimlash yondashuvlari, EPC shartnomalarini muzokara qilish strategiyasi hamda energetika sohasida loyiha moliyalashtirishning o‘ziga xos jihatlarini muhokama qildilar.

🔹 Patrik Lyons Yevrobond “Sukuk” sertifikati kabi xalqaro moliyaviy vositalarning tuzilishi, asosiy hujjatlar, AQSh huquqiy tizimi hamda Islom moliyasiga oid tuzilmalar haqida ma’lumot berdi.

🔹 Kursning uchinchi kuni Dr. Johannes Koepp tomonidan xalqaro arbitraj shartlarini to‘g‘ri tuzish, sud yurisdiksiyasi tanlovi, hakamlik joyi, qo‘llaniladigan huquq va arbitraj instituti kabi masalalarda amaliy yo‘l xaritasi taqdim etildi.

💡 “Baker Botts” ekspertlari tomonidan o‘tkazilgan sessiyalar davomida ishtirokchilar xalqaro moliyaviy bitimlar, investitsiya loyihalari va arbitraj jarayonlariga oid ilg‘or xalqaro amaliyotlar bilan tanishdilar.

Kurs mashg‘ulotlari “White & Case”, “Foley Hoag”, “Squire Patton Boggs”, “Curtis”, “Mayer Brown” va “CMS” firmalari ekspertlari ishtirokida davom etadi.

minjusttraining.uz | Facebook | Instagram | Telegram