#Bugun

Ishtixonning zamonaviy qiyofasini yaratish va yashirin iqtisodiyotga qarshi kurashish masalalari muhokama qilindi

Ishtixon tumanini yangi va zamonaviy qiyofadagi hududga aylantirish, ajratiladigan mablag‘lar hisobidan amalga oshiriladigan qurilish loyihalari hamda yashirin iqtisodiyotga qarshi kurashish bo‘yicha olib boriladigan ishlar yuzasidan muhokama bo‘lib o‘tdi.

Unda tumanda amalga oshiriladigan obodonlashtirish ishlari, infratuzilmani yaxshilash, yo‘llar va ijtimoiy soha ob’yektlarini yangilash bo‘yicha rejalar atroflicha ko‘rib chiqildi. Shuningdek, qurilish loyihalarini sifatli va belgilangan muddatlarda amalga oshirish masalalariga alohida e’tibor qaratildi.

Yig‘ilishda yashirin iqtisodiyotga qarshi kurashish, iqtisodiy munosabatlarda ochiqlikni ta’minlash, noqonuniy faoliyatlarni qisqartirish hamda tadbirkorlik sub’yektlarini rasmiy faoliyat yuritishga jalb qilish yuzasidan amalga oshiriladigan chora-tadbirlar ham muhokama qilindi.

Ta’kidlanganidek, bu kabi ishlar tumanning iqtisodiy salohiyatini oshirish, aholiga qulay shart-sharoitlar yaratish va Ishtixonning zamonaviy qiyofasini shakllantirishda muhim ahamiyat kasb etadi.
——
ISHTIXON TUMANI HOKIMLIGI AXBOROT XIZMATI
Ishtixon.uz |Telegram |Instagram |Facebook

Бугун валибол бу́йича туманда секторлар у́ртасида мусобака бу́либ у́тди. Чакар мфй жамоаси биринчи у́ринни эгаллади.