#Muloqot

📍Sirdaryoda yoshlar bilan ishlashning yangi modeli joriy etiladi

👥 Yoshlar masalalari bo‘yicha Respublika komissiyasi raisi Qahramon Quronboyev hamda ushbu komissiya raisi oʻrinbosari Jahongir Joʻrayev bilan birgalikda Sirdaryo viloyatiga tashrif doirasida Sirdaryo va Xovos tumanlari yoshlari bilan ochiq muloqot o‘tkazildi. Unda tegishli masʼullar, viloyat va tumandagi mutasaddi rahbarlar, tashkilotlar vakillari hamda faol yoshlar ishtirok etdi.

🎙Muloqot davomida yuzdan ortiq yoshlarning bandlik, ta’lim, tadbirkorlik, kasb-hunar egallash, uy-joy, bo‘sh vaqtni mazmunli tashkil etish va ijtimoiy qo‘llab-quvvatlash bilan bog‘liq murojaat hamda takliflari tinglandi. Har bir masala yuzasidan mas’ullar ishtirokida muhokamalar o‘tkazilib, ularni hal etish bo‘yicha aniq vazifalar belgilandi.

👀Shuningdek, Sirdaryo tumanida yoshlar bilan ishlash tizimini yanada takomillashtirish maqsadida "Sirdaryo tumani namunasi"ni joriy etish yuzasidan kelishib olindi. Mazkur tajriba "mahallabay" ishlash tizimini kuchaytirish, yoshlarning salohiyatini ro‘yobga chiqarish, ularning muammolarini manzilli hal etish hamda tashabbuslarini qo‘llab-quvvatlashga xizmat qiladi. Uchrashuvda yoshlar siyosatini izchil amalga oshirish, davlat organlari va tashkilotlarining bu boradagi hamkorligini yanada kuchaytirish hamda yoshlarning jamiyat hayotidagi faolligini oshirish ustuvor vazifa ekani qayd etildi.

💬 @Kuranbayev_K
📹 Instagram.com/Kuranbayev_K