🔵 #حديث_الجمعة: " مؤجل من امبارح معلش 🙏🏻"

حاليا طلع في دماغي اني اجهز لل Postdoc او Litt.D

و دي ترقية علمية ما بعد الدكتوراه
الدكتوراه هي اعلي شهادة علمية ممكن يحصل عليها الانسان .. اسمها العالمية
لكن في ترقي علمي بعدها يؤهل للحصول علي الاستاذية
ف بجهز بقا ابحاث المادة العلمية

وطبعا محور حياتي حاليا 👈🏻 التاريخ السياسي المصري

♦براجع فترة حزب الوفد و سعد باشا زغلول
و اقسم بالله اصيبت بهيستريا ضحك

🔹لو انت سألت مواطن عادي في الشارع
ايه رأيك في سعد باشا زغلول
لو راجل بسيط و تعليمه علي قده .. هيقولك سعد باشا زعيم الامة 🤷🏻‍♀️

لو حد متمكن شوية
هيقولك تاريخ كفاحه ضد الاستعمار .. و توحيد الامة في سنة 1919
و الضريبة اللي دفعها من اعتقال في بداية تأييده للثورة العرابية .. ثم نفيه مرتين لسيشل و مالطا

و ازاي اجتمع عليه شعب بحاله انهم يجمعوا توقيعات يفوضوا سعد باشا انه يتفاوض مع الاستعمار باسم الشعب المصري
في حين الملك فؤاد موجود علي رأس الحكم و مش قادر يحرك كرشه من كتر الطفح 😏

من العيلة دي في اسامي معينة مبحبهاش او بكرهها
مبحبش محمد علي الكبير حرامي الاثار و اللي استعبد المصريين لطموحاته اللي انتهت بتسميمه
مبحبش الخديو سعيد واحد من اغبي حكام العيلة دي و عمره ما اهتم بمصر
مبحبش الخديوي توفيق المريض نفسيا بجنون العظمة و النرجسية و هو خاين اصلا
مبحبش الملك فؤاد لانه عمره ما حب مصر و كان بيحتقر الفلاحيين

بحب الخديوي اسماعيل
و كنت عاملة بحث عنه بعنوان طموح رجل اضاعت وطن
" هنزلكم مقتطفات منه علي القناة التانية .. بيت العيلة "
كان عنده احلام كبيرة لمصر .. بإمكانيات صفر .. استسهل الاستدانة لحد ما ودانا للاحتلال وعزله الاحتلال .. غدر بيه بعد ما قدم له كل التعاون .. وسابنا ومات .. و ساب شعب بحاله بيعاني و يكافح 74 سنة لاسترجاع وطنه
و مبكرهش فاروق لكن مبحبوش .. بيحب مصر اه
لكن ملك عميل للاحتلال .. هحبه ازاي يعني 🤷🏻‍♀️🤷🏻‍♀️

♦سعد باشا زغلول بقا راجل حط وطنه امام عينه
و بقا هدف حياته الاستقلال
و طرد المستعمر
في خطبه كان بيركز علي المواطن البسيط و الفلاح
لأنه عارف انه موجود داخل مجتمع جاهل للأسف

خلونا نتفق ان اي احتلال
سواء سياسي او عسكري او اقتصادي
بيكون هدفه هو تجهيل الشعب و نشر الجهل بين افراده

📌 ليييييه .. لأن المواطن الجاهل ميعرفش ان له حقوق في البلد
ميعرفش حاجة اسمها العقد الاجتماعي
انت بتاخد مني ضريبة في مقابل التعليم و الصحة
انا بقدم وظيفة و انت بتحافظ علي توفير الغذاء اللازم للحياة
فلما تيجي تقوله الدولة بتدفعلك .. الدولة بتديلك
يصدقك يا عيني
و يفكر انك بتمن عليه من جيب أهلك 🙄🙄
مفيش حاجة اسمها شعب جعان بيبني بلد ... دي اوهام و سراب
" الجائع لا يملك طموح سوي الحصول علي الخبز .. دي مبادئ سياسية معروفة "

مفيش حاجة اسمها احنا هنجوع عشان نبني بلدنا
ما انت لما تموت من الجوع هتبنيها لمين .. و لو قولت لأولادك
انت هتتجوز و تخلف اصلا ازاي و انت جائع
شعارات جوفاء

كل الاوطان اللي تم اعادة بناءها او ولدت من العدم
قامت علي العلم و العمل و مواطن يمتلك الحد الكافي من مستلزمات الحياة

▪الصينيين ماو سي تونج مفرضش الجوع و الفقر عليهم عشان يخلق العملاق الصيني
بالعكس قدم دعم لا متناهي للمواطن عشان يقدر يكون عنصر منتج في مجتمعه

▪اونكل صامويل " العم سام " لما جم البريطانيين المهاجرين ينفذوا المدابح في السكان الاصليين " الهنود الحمر " ويستولوا علي امريكا .. وبعدها خاضوا حرب الانفصال " و ليست الاستقلال" عن بريطانيا
كان بيقدم للجنود كل الدعم و عملهم توريد للبيف مجانا
و اما استقلوا عمل منظومة تمويل و دعم وتوفير متطلبات الحياة و مستشفيات ميدانية و رواتب عالية عشان يبنوا امريكا
وكل ولاية كانوا بيضموها
كانوا بيقدموا لشعبها مغريات للحياة .. ف كانت الناس بتقسم بالولاء للعلم

▪بطرس الاكبر لما قرر يخلي القيصرية الروسية امبراطورية مترامية الاطراف
فتح التعليم للشعب كله
و رفع رواتب العمال و عملهم زي مدارس تدريب لأنه كان مبهور بفكرة التصنيع
و لغي الضرايب العنيفة علي الفلاحين لضرايب يمكن احتمالها و عطاهم 10% من المحصول يتصرفوا فيه براحتهم
بالتالي مستوي معيشة الفلاح و العامل ارتفع
فقدر بطرس الاكبر ينجح في طموحه 🤷🏻‍♀️

▪الثورة الفرنسية اصلا كانت بسبب انتشار الجوع
لدرجة ان انتشر عبارة " كونك خباز هذا يعني انك ستقتل اليوم او غدا "
بسبب عدم قدرة الشعب الفرنسي علي الحصول علي الخبز .. اما لارتفاع تمنه و هزالة الرواتب .. او لعدم وجود القمح
مسيو چاك نكير مش عارف يجمعه من النبلاء اللي صدروه و تركوا الشعب يتضور جوعا

فالشعب مستحملش برغم حبهم ل چاك نكير و قناعتهم بدعواته
و كان اول بند قاله مواربو " أونرو جابريل صوت الثورة " في وسط الجموع 👈🏻 الطعام حق للجميع .. الخبز حق للفرنسيين .. لا فرنسي جائع بعد اليوم

ف شرعنة الفقر و الجوع ده مجرد شعارات فارغة .. بيقولها مدعي الوطنية
عشان يغذي جواه شعور الأفضلية علي غيره .. لأن هو اصلا فاشل نفسيا 👌🏻👌🏻

🔸 نرجع لسعد باشا زغلول :
التاريخ دايما له وجهان
الوجه المتعارف عليه
و الوجه الاخر للخصم

احنا دايما بنهتم بالوجه المتعارف عليه ... لكن لازم نتعلم نقرأ و نعي الوجه الاخر 👌🏻

مفيش مخلوق بيختار الوطن و بيعيش بدون اعداء
سعد باشا في خطبه كان بيحاول يجلي العبودية اللي اترسخت في عقول المصريين .. العبودية للخديوي و الملك
ف كان دايما يبدأ خطبه بجملة " لا نسجد الا لله و لا ولاء الا للوطن "
لحد نهاية الستينات كان في مقرات كتير لحزب الوفد معلقة الشعار ده

طب الكلام ده يزعل مين .. ومين خصوم سعد باشا 👈🏻 شمشرجية الملك
و اللي مش منهم عدلي باشا يكن
عدلي يكن كان رجل وطني جدااا .. لكنه هادئ و يفضل الدبلوماسية
سعد زغلول كان ثوري و عارف ان الحقوق الضائعة يجب ان تسترد

الخلاف بين الوفد و الدستوريين الاحرار كان علي الورق فقط
انما الاتنين بيجمعهم هدف التخلص من الاستعمار و الولاء لمصر 👌🏻

📌 انما منهم اسماعيل باشا صدقي خاين الصداقة و الوطن
اسماعيل صدقي كان في بداياته رفيق درب سعد زغلول
و تم اعتقاله معاه
لكن لما حس ان الانحياز للشارع و الشعب و الفلاحين مفيش من وراه إلا وجع القلب
و هيصرف من جيبه كمان .. و مفيش سبوبة
جري علي القصر
و حبيبي يا مولانا ملك مصر و السودان .. انما الشعب
دووول .. ده ولاد كلب دووول مبيطمرش فيهم 🤷🏻‍♀️🤷🏻‍♀️

فرح الملك بخيانته لسعد و عينه رئيس وزرا 🙄

📌 الاخطر من اسماعيل صدقي ميييين بقا
تلاتة .. الزمن داس علي اساميهم بالجزمة و اترموا في مزبلة التاريخ

محمد علام باشا و مراد محسن باشا و ذكي الابراشي باشا

اولا : هما كانوا بيحقدوا علي سعد باشا لأنه متعلم
سعد باشا درس في الازهر ثم انتقل لفرنسا اخد ليسانس الحقوق من هناك .. ثم رجع لمصر محامي شاطر اترافع في قضايا كتير .. و منها قضايا اعيان علي بعض .. لحد ما اخد البشوية بسبب شهرته في مجال المحاماة و تفوقه فيه

كان بيتحدث الفرنسية و الانجليزية و الايطالية

جرايد زي البلاغ و كوكب الشرق و النهار المصري كانت بتطلب منه يكتب مقالات تعليمية يستفيد منها الطلبة

🔹طب الثلاثي المرح دول 👈🏻 معهمش ابتدائية
اومال وصلوا للملك ازاي و تدرجوا لحد البشوية ازاي 🤔

خدامين محترفين
علي درجة عالية من الولاء للاشخاص و المصلحة الشخصية علي حساب أي حاجة في الدنيا
حتي لو هيسرقوا المصريين لحساب الملك

يعني محمد علام ده عشان يوصل للملك .. كان بيكدب عليه و يقوله ان محاصيل الاراضي الموسم ده اعلي من اللي فات يا مولانا .. عشان ربنا راضي عن جلالتك يا مولانا
دي مكافأة من ربنا لمصر بسبب وجود جلالتك .. و من حقك تاخد نصيبك من الكرم الالهي ده
هنزود الضريبة شوية علي الفلاحين لحساب خزينة القصر

و الكلام ده مش حقيقي
المحاصيل يا دووووب تكفي .. و كمان الانجليز بينهبوها .. و الفلاحين معهمش يدفعوا الضريبة الاولانية عشان يدفعوا التانية
ف يجي مراد محسن يلم ولاد الفلاحين و يشغلهم خدم بلا اجر في بيوت البشوات و الشمشرجية و ياخد اجورهم تتحط في خزينة القصر علي اساس انها الضرايب الجديدة .. اللي بيقدمها الفلاحين و هما سعدااااء امتنانا لله انه بيحب الملك 🤷🏻‍♀️🤷🏻‍♀️

▪محمد علام ده يا ولاد كان شيطان .. و الشيطان يقوله يا خالي كمان 🙄

كان عامل سياج عازل علي الملك فؤاد لدرجة ان الملك وصل لمرحلة انه ميعرفش بنوبة الكوليرا اللي ارتدت .. و لمها الانجليز
يعني الملك مدريش ان في وباء في شعبه و اتلحق 🤷🏻‍♀️🤷🏻‍♀️

معرفش ان حصل مجاعة في جنوب مصر بسبب نهب الانجليز للمحاصيل .. حوالي 800 مصري ماتوا من الجوع
و اما الاخبار بدأت تروح للوفد .. راح بيدرو باشا متفق مع الانجليز يأكلوا الناس احسن ما الملك يتفق مع الوفد
" بيدرو باشا ده وزير اللامؤاخذة بتاع الملك .. و يبقا ابو بولي باشا وزير اللامواخذة بتاع الملك فاروق
و أهي قرون بتخلف قرون و كله بيرزق 🤷🏻‍♀️🤷🏻‍♀️"

📌 طب ثلاثي الشمشرجية دول كانوا بيقولوا ايه للملك و للحاشية و لبعض العبيد عن سعد باشا زغلول
خد عندك يا سيدي :
* اول حاجة كده كان محمد علام الشيطان ده كل شوية ينظم لقاءات للملك علي اساس انها لقاءات وطنية .. مع شخصيات من الاعيان و البشوات كااارهي سعد زغلول

* سعد باشا مهيج الجماهير .. وهادم الاستقرار في مصر ..
" استقرار ايه ياض يا معر..ج 🙄 و البلد محتلة و المستعمر ناهبها 😏 "
و الغوغائي
سعد باشا اللي كان الناس بتهتف باسمه نموت نموت و يحيا سعد .. شوية الصيع دول بيقولوا عليه غوغائي 🤷🏻‍♀️🤷🏻‍♀️
طب عشان ينجحوا بقا و الوهم اللي في دماغهم مهيأ لهم انهم يقدروا يقضوا علي سعد زغلول

عملوا ايه 👈🏻 جراااايد يشهروا فيها ب سعد باشا و رفاقه و الوفديين و رواد بيت الامة
و يتهموهم بخيانة الملك و القصر .. و يقولوا للناس ان الملك غضبان عليهم و ربنا كمان غضبان عليهم
من ضمن الجرايد دي
▪الاتحاد : اللي اسسها حسن نشأت باشا الخدام ابن الخاينة
وظيفتها انها كل يوم تنزل 3 و لا 4 مقالات تشتم في سعد زغلول
▪المقطم : و دي بقا كانت موالية للانجليز اساسا
و صحابها لاجئين شوام يعقوب صروف و فارس نمر
و دي كان دورها التشهير بسعد زغلول و بيت الامة و الخوض في عرضهم
▪الاهرام : و دي كانت شوية تهاجمه وتهاجم الشعب و شوية تمثل الوطنية
بس هو اي حد لا ينحاز للشعب ف هو لا يقترب من الوطنية اساسا 🤷🏻‍♀️🤷🏻‍♀️
▪السياسي : دي بتاعت الدستوريين الاحرار بس كانت بتهاجم شعد باشا من غيرتهم منه لالتفاف الشعب حوله
لدرجة ان احد تهمه انه باشا شعبوي ... تهمة مضحكة 😂

بس لأن دايما صوت الشعب بيكون اعلي .. و لأن الشعب كان عارف ان سعد باشا صح
عملوا ترسانة صحف تدافع عن الشعب
زي البلاغ و النهار المصري و كوكب الشرق و مصر اليوم

و كانوا بيسموا صحف القصر 👈🏻 صحف الصنائع و الطلبة كانوا بيسموها ابواق الرذيلة 👌🏻👌🏻
و سعد باشا الحقيقة مكنش بيهمه .. و كان بيخبط في التخين 🤷🏻‍♀️🤷🏻‍♀️ هو ناذر نفسه لوطنه 👌🏻👌🏻

الشمشرجية كانوا بيكرهوا سعد باشا لأنهم بيكرهوا الوطن
بيدعوا حبه لكن في الاصل حبهم مشوه يصل لدرجة الكراهية

مفيش حد بيحب وطنه يقبل بالاستعمار .. مفيش حد وطني يقبل بتجويع الشعب و تجهيله .. مفيش حد وطني بيقبل التفريط في الارض

الوطني هو اللي بيكافح من اجل الاستقلال عن الاحتلال .. اي احتلال
الوطني هو اللي اداءه مرتبط بصراخ الشارع و انينه وولاءه و انحيازه لهم .. لأن دول هما همه الوحيد و قضيته و مصلحته
الوطني هو الرافض لمجتمع جاهل و بيبذل مجهوده و قوته لتعليم هذا المجتمع
الوطني هو اللي بيرفض الترويج للاكاذيب و لاحلام العصاري و بيشد الجميع حتي الملك نفسه علي ارض الواقع

عشان كده التاريخ المصري و المصريين خلد اسم سعد باشا في هالة من نور يفوق نور الشمس
اما شمشرجية الملك
معتقدش اصلا انكم كنتوا تعرفوهم
يعني كاااام واحد فيكم يعرف حسن نشأت و لا محمد علام برغم قوة نفوذهم

حتي الافلام و المسلسلات اللي تناولت الحقبة دي مجابتش سيرتهم
لأن اولادهم لقوا ان سيرة اهاليهم متشرفش .. نصروا الباطل .. ف محوها من التاريخ 🤷🏻‍♀️🤷🏻‍♀️

البلد دي عايشة في ظاهرة الديچافو ... تحسوا ان الايام بتتكرر و الاحداث بتتكرر ممكن مش بنفس التفاصيل لكن بنفس الشكل
و ده المطمئن
لأن النهاية دايما يحسمها صوت الحق 👌🏻👌🏻

ف الحق أحق بأن يتبع
و بيبقا صوت الحق هو الاحرار
زي سعد باشا : لن نسجد الا لله و لا ولاء الا للوطن
او فلاح شريف ذو نخوة : لقد خلقنا الله احرارا و لم يخلقنا عبيدا او ميراثا .. و الله الذي لا اله الا هو اننا لن نورث و لن نستعبد بعد اليوم 👌🏻👌🏻

انما الدفاع عن الباطل بيحرس قلاعه الشمشرجية و المنتفعين من القصر فقط 👌🏻👌🏻

من الشعارات اللي قالوا عليها غوغائية 👈🏻 الاستقلال التام او الموت الزؤام
اتعمل عليها مقالات
سعد زغلول عايزكم تموتوا يا مصريين .. سعد زغلول عايز يقتلكم يا مصريين .. سعد زغلول بيحرض علي الموت

الله 🤔 .. طب و بالنسبة لجملة الاستقلال التام مخدوتش بالكم منها 🤔

لكن لا يضيرك كيد عبيد لا يدركون أن لو ثمن الحرية الموت لكان ثمنا بخسا 👌🏻

🔵 مساء الخيرات عليكم :

عشان ميبقاش فيه لخبطة

📌 قناتنا دي زي ما هي و احنا موجودين فيها طول ما هي مفتوحة " لو لاااا قدر الله الملاعين نجحوا في قفلها " ف القناة التانية موجودة

هنكون هنا و هناك ببوستات و مقالات

لكن هناك هتتميز بفكرة جديدة
ألا و هي 👈🏻 انا عندي مكتبة كبيرة
فيها مراجع و كتب و ابحاث

في الشهر هنختار كتاب او مرجع او بحث
نقرأه مع بعض
و نتناقش فيه
في الفكرة العلمية اللي بيقدمها .. في تفاصيل نجاح الكتاب .. في الرسالة اللي بيقدمها

و لما نخلصه نشوف غيره 👌🏻👌🏻

📌 كمان قناة " الدار و المدار "
هعمل عليها دورة لشرح مبادئ العلوم السياسية
هتناول فيها كل حاجة حضرتك محتاج تعرفها عشان تفهم سياسة
و هحاول اتواصل مع اساتذتي و زمايلي اللي بيدرسوا حاليا في جامعات كبري گ اساتذة و محاضرين
انهم يمدونا ب محاضرات حديثة
و لو حابين هما يشرحوها ده شئ يشرفني طبعا 🙏🏻

🔸كمان انا ليا عضوية في كل مكتبات ال auc ... هقدر اجيبلكم منها كل الرسالات الماجستير و الدكتوراه اللي اصحابها وضعوها گ مرجع علمي بدون مقابل مادي
نطلع عليها سوا
و ننتعلم منها في لايفات و فيها مداخلات لكم 👌🏻👌🏻

مواطن يقرأ = شعب واعي
محدش يتحكم في عقله
متحتاجش حد يشرحلك وضع جيوسياسي و لا ظرف سياسي
متحتاجش بوست شبه نشرة الاخبار

انا بتجيلي بوستات متخلفة .. ال AI اللي عاملها
يعني بيدخلوا للذكاء الاصطناعي يقوله اكتبلي بوست عن كذا و كذا
و يجي يعمل عليك شيخ محللين المجرة 😏😏

لازم تفهموا سياسة و تتعلموها
زي مواطنين اوروبا
ليه المواطن الاوروبي الحكومات بتعمله حساب 👈🏻 لأنه فاهم سياسة 👌🏻👌🏻

و بعد ما نتقدم شوية و نحصل جزء محترم من العلم السياسي و التاريخ السياسي للدول و العلاقات الدولية

هنكمل الخطوة اللي بعدها 👌🏻

" خيركم من تعلم العلم و علمه "
المحاضرات و دورة المبادئ وشرح الابحاث العلمية بدون مقابل طبعا .. انا لا أتقاضي اي مال مقابل تقديم العلم
و معنديش انا ادفع في join عشان اقدملك معلومة و الكلام الفارغ ده

و زي ما اتعودنا الشرح بسيط و بلغة سلسة
الا زمايلي لو حد منهم اهدانا محاضرة صوتية ... ف هتكون اكاديمية شوية
و انا هبسطها

و كده كده انا بدفع الاشتراك السنوي لعضوية المكتبة لأني بستفيد منها شخصيا 🤷🏻‍♀️🤷🏻‍♀️

ف القنوات هتكون متخصصة
عشان منتوهش من بعض

العلم مش حكر علي صاحبه
و لو احتفظ بيه صاحبه ميبقاش علم .. يبقا معلومات
و العلوم السياسية باب من ابواب العلوم الانسانية ... يعني اللي تخص حياة الانسان
ف لازم تتقدم للجميع 👌🏻

و دمنا جميعا بخير 🤲🏻

ملحوظة : تم تعديل صغنن كده .. شيلته و هنعلن عنه " هناك " عشان المسوخ البشرية
و انتوا فاهمني بجا 😎😎
نسيب المزايدات و الصراعات الوهمية الافتراضية لناسها ... نسيب الصراع علي الزعامة السوشيالجية لناسها
و نترفع عن تدني الفكر ده .. لهدف أسمي و أرقي
" دعهم في غيهم يعمهون "
"و اذا خاطبهم الجاهلون .. قالوا سلاما"

🔵#خافيير_ميلي_ونهاية_الارجنتين:

لا أحد يعلم ماذا يريد ذلك المهووس من الارجنتين .. هيسجله التاريخ في صفحاته السوداء 👈🏻 مهووس بالرأسمالية أضاع وطنه 👌🏻

♦اسرائيل تؤجل الخطط و لكن لا تنساها 🤷🏻‍♀️

فاكرين في اكتوبر 2023 لما نزلت #اسرائيل_الكبري ... و شرحت لكم ان الكيان المجاور لنا ده هو مجرد جدار عازل بين عرب افريقيا و عرب اسيا
انما اسرائيل مش دولة و مش حدود ادارية و سياسية .. و انها كيان عملاق اقتصادي يستهدف السيطرة علي العالم ... و اعطاء حق الحياة لمن يخدمونهم فقط 👌🏻
تعالوا بقا نتفرج ازاي صندوق النقد الدولي بعدما دمر اقتصاد الارجنتين .. و اثقلها بديون لاااا سداد لها
سلمها علي طبق من دهب لاسرائيل 🤷🏻‍♀️🤷🏻‍♀️

و لاااا ننسي ان الارجنتين اصلا كانت مقترح للصهيونية لاقامة وطن مهجر ليهود اوروبا
و كانت وطن بديل للاراضي العربية اللي اسرائيل احتلتها و كارلوس منعم السوري الاصل وصل فيها للرئاسة 👌🏻

♦ايام الحكم العسكري للارجنتين عملوا قانون " ردع عودة الاستعمار " و اللي بموجبه عدم تملك الاجانب لوحدات سكنية او عقارية او اراضي في الارجنتين
لأن جواسيس بداية الاحتلال دخلوا بالطريقة دي
و لما خرج الاحتلال بدأ يتجهز مخطط مدعوم من الحركة الصهيونية العالمية اسمه 👈🏻 مخطط اندينيا
🔹ايه يا فندم مخطط اندينيا ده 👈🏻 ده مخطط بيستهدف ان الصهيونية العالمية تسيطر علي منطقة بتاجونيا

اشمعني المنطقة دي 👈🏻 لأنها هتسهل الاستيلاء علي الارجنتين و تشيلي
و المنطقة دي فيها اكبر مصادر مياه عذبة في القارة " فاكرين طبعا فراندة حرب المياه 😒"
و فيها نفط .. و فيها دهب
كمان تتميز بمساحات زراعية خصبة جدااا
و بحيرة تؤدي لشواطئ خلابة

📌في سنة 1996 الارجنتين كانت تحت رحمة الصندوق بردو .. ما هو كارلوس منعم برغم انه قبل موجات هجرة من لبنان كبيرة كان سببها جهاد ازعور بالمناسبة 🙄 .. جهاد ازعور اللي الصندوق سايبه في مصر يحطلها خطط اقتصادية 😒
مكنش ده كافي

كان لازم يخصخص الاصول
" زي ما حصل في مصر بالظبببببط .. احنا بيعنا كرامتنا لما خصخصنا المصانع ... و هما باعوا امنهم القومي لما خصخصوا الاراضي 👌🏻 و في نفس السنننة 🤷🏻‍♀️ "

دخل مجموعتين مستثمرين يشتروا
🔸 مجموعة " والموند " البريطانية و صاحبها چو لويس الملياردير الانجليزي 👈🏻 اليهودي
و اشتري ضاحية لاجو سكونديو " بحيرة سكونديو "
ب 12 الف هكتار حوالها
بالطريق المؤدي للشاطئ
و منع الارجنتينين من الوصول للشاطئ باعتباره ملكية خاصة

▪اشتراها عن طريق شركة محلية ارجنتنية اتعملت غطا للبيع ..لأن الدستور وقتها كان بيعتبر الشواطئ و السواحل و البحيرات ملكية عامة للشعب و لا يجوز التفريط فيها و لا خصخصتها 👌🏻

🔸مجموعة بنيتون الايطالية :
و دي دخلت اشترت 100 الف هكتار
و بنت علي جزء مصنع صوف
و الباقي محاصيل زراعية محدش عارف بتروح فين 🤷🏻‍♀️🤷🏻‍♀️

▪مين عائلة بينتون دي 👈🏻 ملاك مجموعة Mondys Atlantia الذراع المالي لروتشيلد في صندوق الاستحوذات علي المطارات و الطرق السريعة
" مع ان بنيتون اصلا بتوع ملابس 🤷🏻‍♀️🤷🏻‍♀️ "

🔘 تدور بقا الايام و تلف
و يجي الاخ خافيير ميلي
ومعاه البرنامج الاصلاحي العظييييييم للاقتصاد الارجنتيني من صندوق النقد الدولي اللي مش صهيوني خاااالص و حتي ملكية روتشيلد نفسه لنصف اصوله .. ده علي سبيل تضييع الوقت
بدل ما يلعب بلاي ستيشن 🙄

و يطلع من ضمن شروط الصندوق الخفية 👈🏻 تحرير بيع الارض و التملك للاجانب بالكااااامل و بدون حد اقصي
لييييه 👈🏻 عشان يوفروا عملة صعبة تساهم في سداد الديون .. اللي اتسبب فيها الصندوق اصلا بسياساته الاستعمارية
و يخفف العبء عن الموازنة الارجنتنية
الله 🤔 .. بردوووو 🤔

و يقوم الاخ خافيير ميلي يصدر قانون تملك الاجانب بعد شوية تعديلات تمت في الخفاء لنصوص الدستور
و تتفتح علي البحري
لتقفز املاك عائلة بنيتون الي 900 الف هكتار
و يتملك چو لويس المنطقة المجاورة لحدود تشيلي
" خطة اندينيا و الاستيلاء علي بتاجونيا بتتنفذ من غير طلقة رصاص وااااحدة 🤷🏻‍♀️ .. مديون و مش عارف تسدد .. و ماله
بيييييع للاجانب و خد دولار
مش عايز دولار .. اقلع بقا 😏😏"

📌 بعد 7 اكتوبر و خروج جنود اسرائيليين من التجنيد
و فصل الصيف
القوميين الارجنتينيين لاحظوا ان في اعداد كبير من الشباب الاسرائيلي مجندين و طلبة بتتدفق في رحلات بأعداد كبيرة للسياحة

طب طلبة وماشي .. جنود ليه 🤔
اكتشفوا ان في ارتباط وثيق بين وجودهم و بين حرائق الغابات
و انهم المتسببين فيها
عشان تكون ارض تحتاج للمعالجة و تتعرض لللبيع بتمن بخس

و بالفعل بدأ خافيير ميلي يعرضها علي مجموعة والموند
اللي هتجيب مستثمرين شركا معاها .. لأن تمنها كتير عليهم

و الارجنتين محتاجة تسدد لنهاية 2026 حوالي 36 مليار دولار

ف ممكن جو لويس يتولي السداد ده في مقابل منطقة الغابات الغنية بمعدن خفي محدش اعلن عنه اساسا 🤷🏻‍♀️

في يوم و ليلة الارجنتنيين لقوا نفسهم بيفقدوا وطنهم

انتفضت رابطة المحاربين القدماء في حرب المكسيك .. و التيار القومي البيروني بقيادة خوان جابريوس و قادة الاقاليم الشمالية و الجنوبية ضد قانون تملك الاجانب
و ضد تحكم و مركزية بيونس ايرس في مصير الدولة .. ضاربا بقرارات المجالس المحلية عرض الحائط 👌🏻

فالراجل المحترم بقا خافيير ميلي يعمل اييييه 👈🏻 يطلع يهددهم بالاعتقالات و الاعدامات
و تحديدا خوان جابريوس المحامي اللي بيحاول يقاضي الحكومة الارجنتينية لابطال قرارتها و قوانينها لتعارضها مع الدستور و الامن القومي

طب هتعدمه بتهمة ايه يا خافيير يا حبيبي 🤔
قالك 👈🏻 تفتيت الجبهة الداخلية و تقويض استقرار و سلم المجتمع الارجنتنيني و معاداة الاستثمار و المستثمرين مما يؤثر علي الوضع الاقتصادي للدولة و يثير ازمة 👌🏻

وااااااو 🤔 .. اخيرا عرفت مصدر التهمة دي 🤔
و انا اقوووول اللي بيكتبوها أجهل من انهم يفهموها اساسا .. سمعوها في أنهي فيلم دول يا خويا 🤔

أتاااااري مصدرها اللي ورا سماسرة بيع الاوطان 🤷🏻‍♀️🤷🏻‍♀️

يعني انت اللي خربت الدنيا يا حج خافيير .. لأ وكمان هتعتقل المحاربين القدماء و المحامين و قادة الاقاليم 🤔

جايب البجاحة دي منين 🤔
اااه .. من اللي ساندينه و فارضينه عافية علي الشعب
الصندوق دوووق دوووووق 😒😒

محاربي حرب المكسيك بيدعو لحراك مسلح .. قادة الاقاليم بيدعو للعصيان المدني .. التيار البيروني بيجتهد انه يعلن تهدئة و ينتظر القانون ينتصر للدستور

بس البيع شغااااال
و كأنهم عايزين ينجزوا قبل ما حد يحس بالاراضي و المناطق السياحية اللي اتباعت

في حين ان ولا بيزوووو بيدخل الخزينة و كله بيتحول للدائنين .. و نسبة الفقر البنك الدولي اعلنها في الارجنتين في نهاية مارس 2026 اصبحت 89.2% 🤷🏻‍♀️🤷🏻‍♀️

فقر .. جبل ديون .. يهود دخلوا حققوا خططهم القديمة تحت غطاء اخر .. ثروات شعبها مش بيستفيد منها الهوا .. ضرايب قطمت وسط المصنعين الصغيرين و قفلوا و افلسوا .. اتاوات و رسوم علي النفس

و يسموه اصلاح اقتصادي
و يسموه تقدم نحو الرأسمالية

وطبعا هيبقا في ناس وسسسسسخة تدافع و تبرر الفقر بإن الشعب الارجنتيني هو اللي شكاي بكاي
و ان الرافضين للخطوات الاستعمارية زي محاربي حرب المكسيك و التيار البيروني دول خوووونة ولاد كلب و بيتشهر بيهم
و هيسرحوا شوال رز ورا اعلامي مجنس يداااافع عن القوانين يجعر و يقول للشعب انتوا عاملين نفسكم ولاد بارم ديله .. كل الدول بتبيع .. انتوا مييييين و لا احسن من مين 🤷🏻‍♀️🤷🏻‍♀️

ما الموساد بيعرف يختار الخدامين اللي يلمعوله الشغل و يزهزهوه كده 😏😏


برافو صندوق النقد
الارجنتين تبقا الدولة الشخرومية اللي تضيعها و تسلمها بخطواتك علي طبق دهب للصهيونية 👏🏻👏🏻

و اللي يعوز من روتشيلد الدح 🤷🏻‍♀️🤷🏻‍♀️

🔵 #مستجدات:

🔘 نبدأ بما حدث في السعودية و قصف مطار أبها :

نرجع بس للخلف خطوات :
📌محاولة بن سلمان التفاوض مع الحوثي
و قولنا انه عرض يسلمه مدينتي حيس و خوخة
في مقابل توحيد العملة

و انا قولت ان ده تصرف أحمق
و هيزيد مطامع الحوثي وهيشعره انه قوة لها ثقل
🔹ده يا فندم اللي حصل بالظبط
سقف طلباته زاد
لدرجة انه طالب ان القطاع المصرفي يتحط تحت سلطته

و ده طبعا مش تفكيره و لا تخطيطه 🤷🏻‍♀️🤷🏻‍♀️

و لما بن سلمان رفض 👈🏻 يوم 5 يوليو الحالي بدأت ميليشيا الحوثي تقصف مدينة حيث بمنتهي القوة و اسقطت ضحايا مدنيين كتير اغلبهم نساء و اطفال
" زي اسرائيل ما بتعمل بالظببببط 👌🏻"

📌 يوم 8 يوليو الحالي
ماركو روبيرو اجري مكالمة مع بن سلمان يسأله عن التقدم في ملف التطبيع
بن سلمان رد : انه مازال الشروط اللي طلبوها لم تتحقق
و وزير الخارجية السعودي قال ل روبيرو ان مفيش ضمانة تجاه اسرائيل .. اللي برغم من وقف اطلاق النار في غزة
الا ان مسلسل الخروقات مستمر و بتقوم يوميا بنسف احياء كاملة

و ده عصب روبيرو
لأن كان عشمان يتقدموا في الترويج للدين الابراهيمي 🤷🏻‍♀️

♦في هدفين بتسعي خلفهم اسرائيل من ورا التطبيع ده :
▪ الاول : دخول المدينة و السيطرة عليها لانهم بيروجوا انها املاكهم .. و كأن محدش عاش فيها غيرهم😏
▪ التاني : السيطرة علي قطاع الطرق و البنية التحتية و المقاولات بهدف طرد مصر منه 👌🏻

ف لما يتم اغلاق باب التطبيع امام اسرائيل و امريكا بالشكل ده
لازم ندفع السعودية التمن
و نحسسها بالخوف
عشان ترجع تعيط لماما امريكا و تقولها تعالي شوفي حل 🤷🏻‍♀️🤷🏻‍♀️

📌 و طول شهر يوليو
و في طيارات مجهولة بتنزل مطار صنعاء
تنزل ركاب و تاخد ركاب
و لا حد عارف هوياتهم و لا حد عارف هما مين
فلما رشاد العليمي يعلن انه مبيسألش عشان يحافظ علي حياة الركاب " اللي هو نفسه ميعرفهمش و جايز يكونوا اسرائيليين "
لازم تشك انه قابض تمن الصمت ده 🤷🏻‍♀️🤷🏻‍♀️

بالتفاصيل دي
تقدر تعرف ليه مطار أبها انضرب و خرج من الخدمة 👌🏻

و لما الحوثي يملك القوة العسكرية اللي تخليه يخرج مطار كبير زي أبها من الخدمة
و هو بيعلن عن نفسه انه محور مقاومة
▪ مخرجش مطار بن جوريون ليه من الخدمة
▪مخرجش مطار رامون ليه من الخدمة
▪مخرجش ميناء عسقلان اللي فيها خط استلام نفط ايران المورد لاسرائيل ليه من الخدمة
▪مقصفش حيفا ليه و قتل اطفال و نساء الصهاينة بدل ما قتل اطفال و نساء مدينة حيس اليمنية

هل الناس اللي بتروج له علي انه بيقاوم الصهاينة يقدروا يجاوبوا علي الاسئلة دي 🤔🤔

ترامب قاعد مستني ان بن سلمان يكلمه و يقوله إلحقني 🤷🏻‍♀️🤷🏻‍♀️

" اتوقع ان المكالمة دي هتتمنع بفعل فاعل اسمه الرئيس السيسي .. لأن شروط ترامب هتكون عنيفة علي السعودية "
-------------------------------------------------------
🔘 احمدي نجاد الجاسوس الاسرائيلي :
يوم 25 يونيو 2025
يعني من سنة
انا قولتلكم ان نجاد متجند " و هنزلكم الاسكرين و احنا لا بنعمل edit و لا بنحذف كلمة من اقوالنا 👌🏻 "
و قولتلكم في فراندة 2025 هتسمعوا عن سعي نجاد للرئاسة و اللي هيصعده اسرائيل
و قولتلكم في فراندة 2026
اللي صعد نجاد اول مرة امريكا .. عشان يدعم تنظيم الاخوان المسلمين ف مصر و السودان و ليبيا و يفتح معاهم باب يدخل ايران و جواسيسها للدول التلاتة

و ان تصعيد نجاد للحكم جزء من الدورة العشرينية للصهيونية العالمية في التوقيت ده ... حصصصل 🤷🏻‍♀️🤷🏻‍♀️

📌 ف ايه وجه الاستغراب ن ان نيويورك تايمز تعرض مقابلات و لقاءات و مبالغ بالدولارات اتصرفت عليه
او سعي جديد لتشغيله 🤔

يافندم المرشد خامئني كان متجند من ال MI 6 و المرشد اللي لفوا بيه الدنيا خوميني ما هو واحد من رجال ال CIA
و اللي مصدق المسرحية اللي بتحصل دي يبقا ذنبه علي جنبه بقا ملناش دعوة 🤷🏻‍♀️🤷🏻‍♀️

♦طب ده ترامب لسه مهدد بنسف جبل بيكاكس عشان النووي اللي جواه
تااااني نووي 🙄
يا عم تخيييييل 🤷🏻‍♀️🤷🏻‍♀️

▪طب نسأل سؤال صغنن 👈🏻 فين جبل بيكاكس ده 🤔
ده جبل موجود داخل سلسلة جبال زاجروس .. المفروض ان الايرانيين حفروا الجبل ده عشان يعملوا منشأة نووية لتخصيب اليورانيوم
و تحديدا في مدينة اصفهان

أصفهان 🤔
اللي سكانها يهود 🤔 " اللي وفقا لرواية الحديث النبوي انها مكان خروج الدجال و يهود الطيالسة 🤷🏻‍♀️"

و لما ترامب بقا ينسف الجبل بالنووي اللي فيه .. هيمحي اصفهان .. باليهود اللي فيها عشان اصل اليهود بيسكتوا لو حد يهودي اخد ضربة شمس في اي حتة في الكوكب و يعتبروها معاداة سامية .. ترامب بقا ابو السامية هيعادي السامية 🤔

حاضر .. هنصدق ان في نووي و ترامب هينسف النووي فوق دماغ اليهود اللي هناك 🙄

🔹طب هو ليه الهدنة الايرانية الامريكية دي مش بيعيشلها بنود يا عيني و بيموتوا اول باول 😒

الحرب دي لازم تفضل مستمرة شوية لعدة اسباب :
▪اولا : ترامب لازم ينتهي من بيع النفط الفنزويلي التقيل اللي عنده لأنه كميات ضخمة
و الفلوس دي بتدخل الخزانة الامريكية گ عوائد بيع نفط امريكي
و المبالغ الضخمة اللي دخلت .. قدرت تعمل توازن في السوق الامريكي مما كبح التضخم
و بناءا عليه :
الفيدرالي بدأ يسرب اخبار ان الفايدة في السوق هتستقر .. و هيتم قبول بعض طلبات اعانة البطالة
و بالتالي ده اثر ايجابيا علي حركة البورصات و علي معدلات الاستهلاك
و دي خطوة محتاجها ترامب قبل ما جلسات التجديد النصف سنوي للكونجرس 🤷🏻‍♀️
▪ثانيا : طول ما الخليج بينضرب و مهدد
ده مصدر رزق لترامب
* هات انظمة دفاع جوي يا عم ترامب
يعني الامارات اللي لسه مضروبلها سفينتين من ساعة .. هتجيب انظمة دفاع منين 🤷🏻‍♀️
* خد فلوس اهي و ابعدهم عننا
* تدفقات النفط الخليجي متوقفة بالتالي السوق مفتوح للنفط الامريكي
* الصين متأثرة بسبب سلاسل امداد الطاقة

ف هو كسبان كتير .. غير شبكة المراهنات اللي بيديرها 🤷🏻‍♀️
و بيلعب بالخليج الكورة
اهو من ساعة بالظبط تصريح 👈🏻 هستبدل نسبة ال 20% رسوم عبور هرمز .. بصفقات تجارية من الخليج للولايات المتحدة

🔸التصريح ده هيبيع فيه سندات بمليارات الدولارات للكواحيل و مش هيسددها
و هتدخل لانعاش الخزينة الامريكية

هو بيقولهم انا بلعب بيكم .. بيعترف بنفسه 🤷🏻‍♀️🤷🏻‍♀️

▪ثالثا : لما بتتوقف الضربات الايرانية الامريكية
بترجع انظار العالم تتجه نحو غزة و جنوب لبنان
و ده يعطل اجندة استيلاء اسرائيل عليهم

و انت بنفسك هتلاحظ ده 🤷🏻‍♀️
يعني من اول امبارح العالم ملوش سيرة الا الاحداث و التصريحات و التهديدات الايرانية
في حين ان اسرائيل قامت امبارح بنسف شمال غزة تماماااا و ارجعته صحرااااء
و قصفت حي المواصي بخان يونس و قطعت السكة بينه و بين رفح
و قصفت الخيام اللي علي ساحل غزة و حرقتها بمن فيها
و اعلنت في الكنيست استيلاءها علي 70% من القطاع
و في جنوب لبنان نسفت حي بحاله .. ومحت 8 عائلات لبنانية من السجلات " نفسسس السلوك اللي اتبعته في غزة "
ليه بتبيد العائلات بالشكل الوحشي ده 👈🏻 عشان ميبقاش في نازحين يطالبوا بالعودة .. عشان تبقا اراضي بلا شعب 🤷🏻‍♀️🤷🏻‍♀️

▪رابعا : امريكا في ظل زخم الاحداث و كل العصافير الحالية
استردت احتلال العراق بدووون رصاصة واحدة 👌🏻
جابوا الخاين الزيدي عملوه رئيس وزرا .. و الراجل مقصرش
لم كل فلوس الحملات التوقيفية للنواب سلمها ل مسعد بولس
و امبارح راح واشنطن قابل ترامب و سلم النفط العراقي كله لشركات شيفر و جنرال اليكتريك
" كل حقول النفط و الغاز و كل مشروعات الطاقة يا باشا اتفضل اهي .. عايزين تدوا العراقيين فتافيت من ثرواتهم يبقا كرم منكم .. مش عايزين يولعوا
كده كده احنا بنفضي العراق عشان نسلمها لاسرائيل 🤷🏻‍♀️🤷🏻‍♀️ "

و بيفضوها ازاي 👈🏻 امريكا مقابل النفط هتسلم الجيش العراقي اسلحة يحاربوا بيها الجماعات المسلحة الموالية لايران

يعني العراق علي اعتاب حرب اهلية هتنتهي باحتلالها
و مجلس سلام من الصهاينة 🤷🏻‍♀️🤷🏻‍♀️

لازم المسرحية تكمل
و اللي يقولك الاحداث و هتغير الخريطة
يا حبيبي الخريطة متجهزة و معدة في ال CIA من 2018 من وقت اعلان ترامب تهويد القدس بالكامل

و بعدها بدأت عمليات الاعداد لها .. وكل مرة مصر كانت بتدخل و تقطع الطريق عليهم
و كللللل مررررة بيبدأها حماس

* نوفمبر 2018 : عملية حد السيف
* نوفمبر 2019 : عملية الحزام الاسود
* مايو 2021 : عملية سيف القدس
* اغسطس 2022 : عملية الفجر الصادق
* اكتوبر 2023 : عملية طوفان الاقصي

اسامي مجعلصة في الاونطة كلها .. النتيجة بتكون تدمير غزة و ابادة اهلها
لما لقوا ان آن اوان تنفيذ الاجندة بقا .. نزلوا بالخطة المعدة مسبقا بين ايران و حماس و الاخوان في مصر و اسرائيل و امريكا و مؤجلة من 2012
اللي هي طوفان الاقصي اللي كانت معنية بالتهجير القسري من غزة لسينا لتنفيذ صفقة القرن 🤷🏻‍♀️🤷🏻‍♀️

✨ الليلة دي مش هتنتهي يا عزيزي الا بحاجتين :
▪اعلان الخريطة الاسرائيلية الجديدة بعد التوسع
▪وصول ترامب لتارجت احكام السيطرة علي نفط العالم العربي


" و بعدين الموضوع ده فاتح بيوت ناس كتير
اومال فيديوهات ايران انتصرت و ربط ايران بانتصارات دينية و الترويج للحوثي قاتل اطفال اليمن علي انه بطل عشان يكمل اجندته المكلف بيها في ابادة اليمنيين .. مش لازم خدامين يابني يخدموا علي الصهاينة بتغذية اوهام السذج و البسطاء ان الحرب حرب دينية 🤷🏻‍♀️🤷🏻‍♀️ "

محدش عارف مين هيقلب الدفة و ازاي
و في ظل الضبابية الحالية التوقع يحتاج التدقيق و التركيز 👌🏻👌🏻

🔺ملحوظة :
الصور المرفقة كلها لاحداث انهاردة
ماعدا قصف مدينة حيس بتاريخ 5 يوليو 2026

في فيديو ارفقته لتجول دورية اسرائيلية عند نهر الليطاني و الظايط بيقول انهم في ارضهم اهو 🙄