🔵 مساء الخير عليكم :

امبارح حد قالي علي ان الريس وجه بتخصيص مليار دولار لعلاج الفلسطينيين و رعاية اسرهم
و الحقيقة كان الرقم صادم بالنسبة لي و حرق دمي بمنتهى الصراحة ... و مصدقتش

🔸فقررت اني اتقصي الامر بنفسي
▪ تواصلت مع احد اصدقائي طبيب في وزارة الصحة و اتواصل مع مدير مكتب وزير الصحة

و تفضل مشكورا قاله لو في توجيه زي ده اما هيجيلنا كتابي موجه لوزارة الصحة
او للدكتور خالد عبد الغفار بصفته نائب رئيس الوزراء و ده محصلش حتي اللحظة
و لم يسرب گ خبر حتي

▪ كلمت واحدة كااااانت صديقة 😏
هي في رياسة الوزراء
وطبعا احنا مختلفين دلوقت
لكن جاوبتني بمنتهي الصدق ان الرقم ده رقم خزعبلي و انتي جبتيه منين يا چيلان
تنتقدي انتقاد لاذع ماشي
لكن مش انتي ابدا اللي تروجي اكاذيب
ف قولتلها لا مصدر الخبر كذا

بعد حوالي ساعة قالتلي مفيش حاجة وصلتنا زي كده و لا رئيس الوزرا اصلا خصص مبالغ زي دي و لا في مبلغ اتحدد اصلا
كل التوجيه بتوفير الرعاية الصحية في مستشفيات العريش و السويس و المستشفيات العام بمحافظة جنوب سيناء للمصابين اللي دخلوا بعد وقف اطلاق النار
و ده اصلا شغال من اول يوم الحرب بالشراكة مع مستشفيات القوات المسلحة 👌🏻

▪ روحت لمستوي اعلي شوية 🙄
قالي الحاجات دي لا تفرض شفوي
بتكون كتابية و مختومة بخاتم رئيس الجمهورية وتوقيعه الشخصي ... عشان رياسة الوزرا تخصمها من وزارة المالية ....... هي مش دكانة
ده مليااااار دولار

و بعد ما شعرت بالغباء سيكا اني ازاي محسبش الرقم 😒
فطلع ان في 45000 فلسطيني بيتلقوا علاجات متنوعة ما بين 3000 مرضي فشل كلوي و277 كانسر و الباقي ما بين اطراف مبتورة و جروح حرب " المصدر وزارة الصحة نفسها "
فلقيت ان الفرد الواحد اتخصصله مليون و 44 الف جنيه
ف ده عبث يعني ومش منطقي

انتوا سألتوني عن رأي في الخطوة دي ... و انا استنكرتها
لكن محبتش اتكلم قبل ما اتأكد من صحتها
و ده اللي وصلت له
جايز صاحب الخبر عنده مصدر سري من جوا درج رئيس الجمهورية او رئيس الوزراء .. و ده شئ ميخصنيش

لكن انا مش هنجرف خلف اخبار تبدأ ب : صرح مسئول رفض يقول اسمه
اما يبقا راجل كده و يقول اسمه ساعتها احترمه 🤷🏻‍♀️🤷🏻‍♀️

🔵 #زيارة_شويجو:

يبدوووو و الله اعلم ان الموضوع اكبر من تخيلاتي 🤷🏻‍♀️
يعني انا عارفة ان شويجو شخص لا يغادر روسيا الا للمهام الصعبة 👌🏻

لا اقدر اتوقع و لا اتكهن بصفقات تسليح و لو عندي معلومة مش هقولها ... مع اني اتمني نجيبوا كل المخيف عندهم عندنا
و اتمني جدااا ان الروس يشاركوا في معرض ايدكس ديسمبر القادم

لكن خليني في اللي بفهم فيه 👈🏻 السياسة

🔷🔶 المستجدات الامنية في القارة :
و اعتقد اني دي تخص روسيا نظرا لدعمها دول عديدة في طرد الغرب
و لكن فاتورة طرد القوي الغربية تقيلة جداااا 👌🏻
📌 مثالا : ما يحدث في مالي
احنا عارفين ان مالي تحررت من التدخل الفرنسي و الاستعمار الاقتصادي لها و سيطرة فرنسا علي مواردها في انقلاب 2023
و انضمت الي بوركينا فاسو و النيجر و كونوا تحالف كونفيدرالية دول الساحل
و انهم بزعامة ابراهيم تراوري اعلنوا التحالف مع روسيا و تبادل المصالح 👌🏻

🔸مالي مختلفة عن الدولتين دول في ان فيها جماعة ارهابية مسمية نفسها " جماعة نصرة الاسلام و المسلمين " و الله الاسلام جاب اخره من الغم ده 😒

بتحاول تسيطر علي مالي و تحكمها زي حكم طالبان كده
و اصلا الجماعة دي جزء من تنظيم القاعدة بالفعل
اميرها اياد أغ غالي المدعوم من بريطانيا و تلقي فترة تعليمه و تدريبه هناك بالفعل 👌🏻

فجأة كده في امدادات سلاح تكفي جيش نظامي مرة و نص وصلت ل أغ غالي
و بدأ يخوض معارك ضارية ضد الجيش النظامي و اللي كان بيدعمه فاجنر لمدة سنة لحد ما طردوا الجماعة دي علي الحدود وتركوا الجيش يخلص بقا عليهم
و هربت الجماعة الي ليبيا

و لكن يبدو انها كانت فترة اعادة تخطيط و التقاط انفاس و اعادة تسليح ... و رجعوا بقا بشكل متوحش لدرجة انهم بينفذوا اعدامات في حق النساء في الشارع عااادي ... بيشنقوا الستات بدم بارد كده 🤷🏻‍♀️🤷🏻‍♀️

مرتزقة .. سلاح جي من السوق السودا الاوكرانية .. نشر حالة الذعر وسط الاهالي

🔹 سقوط مالي معناه ان سقوط الدولتين التانيين مسألة وقت .. و بالتالي سقوط جنوب شرق ليبيا و دي منطقة عمليات للجماعة الارهابية دي " لولا تخوفهم من غضبة جوية للطيران المصري زي السرب كده 👌🏻"
لكن لو سيطروا علي ال 3 دول
ده هيديهم دفعة زهوة انتصار تخليهم يطمعوا في ليبيا
و في نفس الوقت بقا عندك جماعة ارهابية بتحكم الساحل الافريقي الغربي ... خصوصا ان بقالنا يومين القاعدة و بوكو حرام بيطحنوا في بعض في نيجيريا و بيضربوا بعض بالمدفعية الثقيلة 🙄

📌 مين أحيا تنظيم القاعدة من جديد
مين نزله الملاعب تاني
مين استدعاه من مرقده
اللي معاه الريموت حاليا 👈🏻 ال MI 6 و طبعا لازم مساعدة من ال CIA
لكن ريموت القاعدة حاليا مع بريطانيا
و امريكا لها دور 👈🏻 والا ترامب ميهددش بقصف نيجيريا عشان يحارب الارهاب

احنا خلاص حفظنا
تزق صبيانك من الجماعات الارهابية 👈🏻 تعمل مدابح و برك دم 👈🏻 تهدد بالتدخل 👈🏻 ثم تدخل تنهب الدولة 🤷🏻‍♀️🤷🏻‍♀️

🔹 ايه علاقة روسيا بالموضوع .. و كذلك مصر :
▪روسيا :
دول الساحل دي منطقة نفوذ روسي
ازااااي 👈🏻 اتفاقية بينهم و بين روسيا اقتصادية و تنموية
الغرض منها ان روسيا تحاصر اليورانيوم و الدهب الموجود عندهم انهم لااااا يصل لاوروبا
" و طبعا احنا شايفين حال فرنسا من يوم ما انطردت من افريقيا 🤷🏻‍♀️"

و اساسي لا نستبعد ان فرنسا بتساعد بريطانيا لعل و عسي تقدر انها تعيد قدم لها تاني حتي لو شريكة 👌🏻

روسيا لما بعتت فاجنر تقاتل ضد الجماعات الارهابية .. تحملت تكلفة القتال لوحدها
و لما امدتهم بالحبوب و القمح و المحاصيل الزراعية .. قدمت لهم اسعار تفاضلية و فترات سداد طويلة

روسيا بتستبدل السوق الاوروبي بالسوق الاسيوي و الافريقي
لكن مفيش قدرة لها علي التواجد المباشر في افريقيا
لذلك كان عليها اللجوء لبوابة افريقيا
اللي هي مصر 👌🏻
▪مصر :
هو علي فكرة الموضوع عندنا مش تفاهمات مع روسيا فقط
حضرتك النيجر ومالي حدودها الشمالية ليبيا و الجزائر
و احنا مش ناقصين باب الغرب يتفتح علينا بقاااا 🤷🏻‍♀️

كمان النيجر متفاهمة مع مصر في انها بتمنع دخول سلاح من عندها ل تشاد اللي بيروح للدعم السريع
لما تيجي جماعة ارهابية تركب .. ومدعومة من بريطانيا
الدعم السريع هياخد السودان كلها بقا 😏😏

ف طبعا ده شئ تم اثارته في اللقاء

📌مخرجات اللقاء مش شغلتي و مش هتكلم فيها
انا اخر حد في الكوكب ممكن يعتبر تفاهمات الامن القومي المصري مادة للسوشيال ميديا او محتوي مقالات 👌🏻👌🏻

🔘 الحاجة التانية :
مناقشة انقلاب البرهان علي روسيا

" مش انا بقالي اسبوع بقولكم انه حيوان بردوووو ميفرقش عن حميدتي 😏 "

♦ احنا كنا عارفين ان روسيا كانت بتتفاوض في انشاء قاعدة عسكرية في بورتسودان تتسع ل 300 جندي و 4 سفن حربية
و انها كانت منتظرة الضوء الاخضر من مصر
و بالفعل كان جاري الترتيبات " اللي هي بردو متخصنااااش و مش شغلتنا 🙄 "
🔹لكن يوم 10 نوفمبر 2025
اول امبارح يعني اندريه تشورنوفل السفير الروسي في السودان و اللي لحد انهاردة موجود و رفض يغادر زي باقي السفارات
اعلن 👈🏻 تعليق مشروع انشاء قاعدة روسية في بورتسودان
و ان اللي ابلغه البرهان نفسه بحجة عدم استقرار الاوضاع يعني وكده 🙄

" معلومة : مفيش حاجة اسمها دبلوماسي روسي .. كل الدبلوماسيين الروس هم ضباط استخبارات و اجهزة امنية "

البرهان ابلغه من امتي 👈🏻 من 28 اكتوبر الماضي
لكن هو لم يفصح للاعلام الا اما تجيله تعليمات

🔸يطلع بقا ان الاخ البرهان قال ايه بيناور 🙄
لكن الحقيقة هو عمل بلاوي 🤷🏻‍♀️
▪البرهان وافق موافقة مبدئية علي اقامة قاعدة عسكرية امريكية في بورتسودان
▪البرهان بدأ في فتح قنوات تعاون استخباراتي مع اسرائيل عبر مركز مراقبة في بورتسودان
▪البرهان اعطي تعليمات للمسئولين عن عقود التسليح في الجيش السوداني بمراجعة كافة العقود الروسية و الايرانية " و ده كلام ذو النون سليمان رئيس مركز تقدم الخاص بسياسات الجيش السوداني 🤷🏻‍♀️"
مقابل ايه 👈🏻 دعم سياسي و عسكري مباشر من امريكا و تثبيته گ رئيس للسودان في شكل سلطة مدنية و ليس رئيس مجلس سيادي انتقالي 👌🏻

علي فكرة من 2018 ومصر بتتوسط لزفت الطين البرهان ان روسيا تسلحه و بالغعل كانت تغدق عليه بالسلاح 🤷🏻‍♀️🤷🏻‍♀️

اعتقد ده سبب كافي يجيب شويجو علي ملا وشه لمصر 🤷🏻‍♀️🤷🏻‍♀️ " و ده انا عرفته من روسيا علي فكرة ... يعني قبل ما اكتب كلمة اتأكدت من المعلومة ومن وجود الشخص ده اللي ادلي بيها وطلع قالها لبعض الاعلاميين السودانيين تحت مبرر البرهان الذئب السياسي بقا اللي بيلعب بالروس و الامريكان و كده ... عشان يلمعه للرئاسة 👌🏻"

📌 ملاحظة : مسعد بولس صهر ترامب و مبعوثه في السودان كان مجتمع مع البرهان يوم 26 و 26 اكتوبر 🤷🏻‍♀️

🔸وامبارح كان في زيارة لوزير الخارجية المصري للسودان معاه رسالة ان الهدنة هتتفرض بالقوة لو لم ينصاع لقرار الهدنة الانسانية 👌🏻

انا فيا شئ لله .. بقالي اسبوعين عمالة اقول بورتسودان بورتسودان بورتسودان
الحس المخابراتي السوفيتي اللي جوايا بردو مأثر 🙄
" الضعفاء جميعهم خونة .. لذلك لا تتحالف معهم بل كن سيدهم 👌🏻"

مخرجات الموضوع ايه
بردوووو لا ليا دعوة و لا هتكلم فيها
لانه امر سيادي و خاص بالقيادة

انا مجرد بفهمك ان الوضع حوالينا اتغيرت قواعد اللعبة فيه 👌🏻👌🏻

ربنا يفتح علي مولانا بالحق و الحكمة
انا قولتلكم دي زيارة غريبة و مفيش تنويهات عنها و لا حتي في الاعلام الروسي

ربنا ينصر مصر و يثبت اقدامنا و يكفينا شر جيرة الشوم 🤲🏻 و يبتليهم بطاعون ياخد اجلهم كلهم 😒😒

🔵#متفرقات_المنطقة:

السلام عليكم اعزائي :
نتابع مع بعض ما يحدث في العالم
ونبدأ من المنطقة الموبوءة
🔷🔶 السودان :
والقتال علي اشده في بابنوسة
و بالفعل تم حصار الفرقة 22 مشاة و تنتظر وصول الجيش السوداني لامدادها
لكن الحقيقة بيحاولوا القتال

♦الشئ المهم : هو مناقشة اعلان الدعم السريع منظمة ارهابية
و ياريت الناس اللي فرحانة بالخبر ده تشاركنا سبب فرحتهم كده 🤔
📌 دخول امريكا اي دولة و احتلالها بيكون دايما تحت ذريعة محاربة الارهاب
بداية من فيتنام لحد فنزويلا اللي بتهددها حاليا
و بالفعل بيفكروا يكونوا قوة محاربة ارهاب تدخل السودان

ده معناه ان حديقة مصر الخلفية ولعت حرفيا 🤷🏻‍♀️
و ان انت گ مصر لازم تشارك في القوة دي .. اللي هتعمل في السودان زي ما عملت في العراق كده
هتشفط بترولها و دهبها
و تسيبها علي الحديدة
و تقولك يلا يا مصر عشان تعيدي الاعمار بعد التقسيم
ف الحقيقة انا معرفش ايه سبب الفرحة .. غير انه جهل سياسي و جهل ببروتوكول اعلان جهة ما ارهابية اثناء الحرب الاهلية
الكونغو - زائير - بروندي - غينيا
بتتسرق لحد انهاردة بزعم مكافحة الارهاب 🤷🏻‍♀️

📌 مازلت مصممة علي موقفي
مليش دعوة ببوستات المجهولة و المعدولة و المكشكشة و جلاش رمضان ده ... ده كلام مبشتريهوش انا
لكن انا ليا بالمعلومة الموثقة و المعلن عنها
و هو ان مصر و تركيا تحاولان تقديم الدعم للجيش السوداني

▪و ان الجيش السوداني بيحاول يتقدم
لكن الواقع علي الارض انه مش قادر فعلا 🤷🏻‍♀️
البرهان يدعو كل من هو قادر علي حمل السلاح الي الانضمام للجيش
" دي مرحلة اسمها عبثيات الفكر الاخواني الردئ "

هو فين الرجال و الشباب
ما قاعدين في القاهرة و الجيزة و اسكندرية بيتعاطوا المخدرات و بيزبلوا الشوارع زي الحيوانات الضالة 🤷🏻‍♀️🤷🏻‍♀️

اه فعلا الجيش السوداني بيعاني حاليا من عدم وجود شباب للتجنيد
و انهم فقدوا جنود كتير جدااا و ارقام قتلوا و لم يعلن عنهم
لكن الجيش السوداني بيعاني من قلة الجنود ... بينما الدعم السريع بيستقدم مرتزقة من كل دول افريقيا و زي ما بنشوف في الفيديوهات اعداد مهولة تحمل ملامح افريقية بحتة من وسط افريقيا 🤷🏻‍♀️🤷🏻‍♀️
" و ارجو بلاش سؤال و اللي عندنا هنعملوا فيهم ايه .. انا مالي وجهوا كلامكم لأولي الامر "

لكن هو ده اللي بقوله بقالي شهر 👈🏻 قبول اللاجئين بالاعداد دي هو جريمة في حق الاوطان 🤷🏻‍♀️
اهو انهاردة البرهان بيصرخ محتاج جنود و مش لاقي 🤷🏻‍♀️

احنا رفضنا تهجير الفلسطينيين حتي لا يتم تصفية القضية الفلسطينية .. بس قبلنا هجرة طواعية من السودانيين و افرغنا اراضيهم ف بقت لقمة سائغة للاستيلاء عليها و حصل فراغ عنصر بشري في الجيش
" انا ست مبعترفش بالحنية و الانسانية في ادارة الحروب .. الطريق الي جهنم مفروش بالنوايا الحسنة 🙄 "

وعشان الجيش السوداني يعوض النقص البشري ده .. محتاج يعزز القوة الالية الضاربة
و طبعا معروف انه جيش عويل لازم حد يسنده 🤷🏻‍♀️

♦في اثناء ذلك :
الامارات بتعمل هجمة مرتدة علي البرهان و اعوانه
و بدأت تقدم لمجلس الامن حيثيات التخطيط للهجوم عليها من الحكومة السودانية
و قدمت وثائق التعاون بين الجيش السوداني و ايران في استقدام اسلحة علي متن طيارة وتم توقيفها في الامارات
و اعتقال كل من كان علي متنها
و ان ده مش اول مرة
و وثائق تفيد ان السلاح ده بيروح للحوثي عن طريق ميناء بورتسودان و مرفقات رصد الحركة الملاحية بين ميناء بورتسودان وميناء الحديدة الواقع تحت سيطرة الحوثي

و ان السلاح ده لو كان بيدخل السودان كانت تغاضت عنه دعما للجيش .. لكن ده تجارة ايرانية و البرهان بياخد عمولة
" حاجة تبعث علي غممان النفس الحقيقة 😏 "
▪بالاضافة لارقام المساعدات اللي تلقاها البرهان من اجل الشعب السوداني و تأمين مخيمات له
لكن توقفت لما ملقوش حاجة بتروح للشعب
و انهم متعهدين بادخال ادوية و اغذية فقط و مش هيدفعوا فلوس لحد تاني خلاص 🤷🏻‍♀️🤷🏻‍♀️

🔸هل بقا مندوب السودان في مجلس الامن هيجيب مقالة من الجارديان تانية يستند فيه الكلامه 🙄
و لا رد الفعل ايه بالظبط
لسه هنشوف

لكن في مأساة قريبة في السودان لو تدخلت قوات محاربة ارهاب
ومش شئ كويس ابدااا انهم يبقوا علي حدودك 👌🏻

♦الخبر اللي ممكن يعتبر كويس و مش كويس في نفس ذات الوقت :
هو قرار تشاد و ليبيا تشكيل قوة عسكرية تتمركز علي الحدود بينهم لمنع مرور الارهابيين بينهم
و ده الجزء الكويس

اللي مش كويس ان تشاد نفسها ترانزيت الارهابيين و المرتزقة
ف اعتقد اننا ممكن نسمع عن اشتراك مصر معاهم قريبا .. نوع من انواع الرقابة علي تشاد 👌🏻

🔷🔶 لبنان :
و سور برلين من جديد 🙄
اسرائيل شيدت جدار عازل في الجنوب اللبناني بداية من بلدة يارون ولحد عيترون
المشكلة ان الجدار ده شمال الخط الازرق
🔸ايه هو الخط الازرق : الخط الحدودي اللي حدده مجلس الامن في القرار رقم 1701 لترسيم الحدود بين لبنان و اسرائيل

و ضمت بقا المنطقة دي علي كريات شمونة و كوفير جلعادي و يسود همعلاه ... اللي فتحتهم علي الجولان ماشاء الله زي ما حضرتك بتفتح الاوضة الصغيرة علي الصالة عشان تعمل ريسبشن كبير 🙄

و ده مش اول سور او جدار
▪اليونيفل قال في تصريحه : ان بعض فحص الجدار ده
تبين استيلاءه علي 4000 كيلو متر من الجنوب اللبناني
▪لكن الامم المتحدة قالت : متكبروش الموضوع يا جماعة ده ملاااااصق للخط الازرق و 4000 عندي و لا عندك العملية في بيتها 🙄

احنا بنعيش حقبة اسمها حقبة السفالة السياسية لخدمة كيان مارق 👌🏻👌🏻
" فاكرين في 2003 لما كل مؤسسات العالم خدمت امريكا في احتلال العراق .. واوجدت لها مبررات و دوافع و اعتبرت ان كل القتل و الابادة و الدماء ثمن بخس للديموقراطية و الحرية
اهو بيتكرر تاني و بطريقة افجر 👌🏻 "

♦سوريا :
دي الجزء الكوميدي للرقعة دي
🔸الاعلام السوري " و سامحوني في كلمة اعلام دي 😌"
بدأ حملة تلميع الجولاني
انه كان منضم لقوات التحالف الدولي لمكافحة الارهاب من 2016 🙄
و الاعلام السعودي بيأكد المعلومة
يعني مكنش ارهابي و في ايديه دم اكثر من مليون انسان 🤔
لأ ده كان بيدرسهم

" بيفكروني بباسم السمرا و فيفي عبده
- ده انا اصلا شيخ
- يا شيييييخ .. و لك طريقة بقا
- اااه الوزانية .. هنا بقا الطريقة الجولانية 🙄 "
ف اسمعوا و اضحكوا
و اتفرجوا علي مقادير الطريقة الجولانية في تقسيم سوريا الفيدرالية

و بالنسبة لحد بيسألني هل القوات التركية انسحبت بالفعل من سوريا
ده كلام اهبل ملوش اصل
القوات التركية محتلة بالفعل لواء اسكندرونة في الشمال السوري .. ومتمركزة في ادلب و حلب كمان
و مش هتنسحب 👌🏻

▪اما عن انضمام قوات قسد للجيش 👈🏻 ابقوا تعالوا قابلوني لو اتحقق

جماعة اعتقد اننا مبغيرش اقوالي
و ان كلامي وااااضح وضوح الشمس من اول يوم
و بيتحقق امامكم
انا مالي بعالم مختلة التلاتين متابع اللي عندهم اقنعوهم انهم بيفهموا سياسة و قاعدين يحللوا في هري
هو انا اللي بدفعلهم الباقة
ما كل واحد حر في صفحته يكتب فيها اللي عايزه

انا بقدملك تحليل قائم علي ادوات معينة بعد شوية بيتحقق امام عينك بالحرف ... تاخد بيه او لا انت حر
انما تقولي فلان بيقول كذا
انا مااااالي ... العيب فيك انه بيهبد عليك بقاله سنين و لسه بتصدقه 😁😁

🔹دمشق بقا في صاروخ مجهول المصدر " اه و الله 🙄"
دخل اجواء دمشق .. بدون ما حد يعترضه
و عاث فسادا في سماء دمشق .. بدون ما حد يعترضه
ثم استهدف منزل في حي سكني .. بدون ما حد يعترضه
و فجر المنزل ده .. بدون ما حد يعترضه

الاعتراض الوحيد اللي حصل كان لوزير الدفاع السوري
الارهابي السابق مرهف ابوقصرة " بالمناسبة هو مهندس زراعي اصلا وصادر ضده 3 احكام اعدام بسبب ارتكابه مجزرة دار ايتام محافظة صلاح الدين في العراق .. و مجزرة مدرسة البنات في محافظة الرقة في سوريا 🙄 "
بس اعترض
قالك: نحن نعترض علي هذا الهجوم الصاروخي ... لكن مش اسرائيل .. نتنياهو حلفلنا برحمة امه انه مش من عنده
واحنا مصدقينه ... ده إلا الام
امك ثم امك ثم امك ولا هتنكروا الحديث وتكفروا 🙄
📌 انا بقا جيالك من المستقبل
و بقولك انهم هيكتشفوا ان الصاروخ من ايران
و يتوعدوا ايران
و يروحوا يفرموا العلويين في الساحل السوري
▪بقولك كده ليه : عشان لسه الشيباني من 3 ايام قايل انهم علي علم بالتحريض الايراني في اللاذقية وطرطوس ضد الرئيس المفدي شيخ الطريقة الجولانية احمد الشرع 🤷🏻‍♀️
و بيتعهد نيابة عن الرئيس بقطع اذناب ايران في سوريا و حزب الله ايضا
مش محتاجة فقاقة و الله
واضحة زي عين الشمس 🤷🏻‍♀️🤷🏻‍♀️
🔹و بمناسبة تحرير سوريا 👈🏻 انتهت اسرائيل من بناء اول مستوطنة في القنيطرة و خلفها جدار عازل من نوعية T - wall نفس جدار لبنان
و هتنقل فيها بعض المستوطنين عشان يعيشوا جنبا الي جنبا مع الدروز و سكان الجنوب
و يبقوا عيلة واحدة بقا .. اسرة مع بعضيهم 🙄

🔷🔶 ندخل علي الجزء المحبب لقلب المطايا والمراكيب 👈🏻 فلسطين :
و دي هنقسموها لكام نقطة :
♦غزة :
كل يوم في اختراق لوقف اطلاق النار
و نسف لبيوت
و اسقاط قتلي وجرحي
▪لكن 👈🏻 في اتفاق علي الصمت
و ساحلينا معاهم في حوار التنقيب عن الجثث
و ال 200 حمساوي اللي محبوسين في البلاعة و بيحاولوا يخرجوهم
و بيغطوا علي ما يحدث بدخول كام شاحنة مساعدات من معبر كيرم شالوم👌🏻
" اي حد بيقولك ان اسرائيل ملتزمة ده كداب قولا واحدا
الكواد كابتر لسه الفجر كانت بتدشمل في المواصي ... تابعوا الصحفيين اللي جوا غزة زي سائد السويركي مثلا .. وانتوا تتأكدوا بنفسكم 🤷🏻‍♀️🤷🏻‍♀️"
🔹التهجير الطوعي بيتم فعلا :
الي كينيا و الي جنوب افريقيا

اتفضحت منظمة اسمها المجد الاوروبي " طبعا ده اسم fake بيستخدموه "
بيخرج الفلسطينيين من غزة عبر معبر زيكيم .. ثم الي بلدة رامون في النقب ثم الي مطار رامون لوجهات معينة من بينهم كينيا و جنوب افريقيا
و اتعرف ازااااي 👈🏻 فلسطينيين اتحجزوا داخل الطيارة في مطار كيب تاون 8 ساعات لان بسبوراتهم غير مختومة بختم الخروج من رامون
" بسبورات جديدة لاااانج
و الظابط الاسرائيلي المسئول عن خروجهم نسي يا عيني في الزحمة يختم 153 بسبور 🙄 "

فاكرين مييييين من شهر فبراير اللي فات قالكم ان مطار رامون لا يتوقف يوميا عن التهجير 🤷🏻‍♀️
و ان الفلسطينيين بيدفعوا 2000 شيكل لجهة ما داخل اسرائيل عن الفرد الواحد لخروجهم 🤷🏻‍♀️
اهي الجهة طلعت مؤسسة تبع الموساد مسمية نفسها شركة المجد الاوروبي
" برنسيس و الله چيلان قاسم دي .. في السوادة دايما 😎"

🔘 في بقا حاجة مهمة :
الخطة الروسية في غزة المناهضة للخطة الامريكية
و مفادها :
▪رفض اي تغييرات ديموغرافية او جغرافية في غزة
▪رفض فقدان اي مساحة من القطاع فيما قبل 7 اكتوبر 2023
▪التشديد علي قيام دولة فلسطين و حل الدولتين
▪تؤول حكم غزة و الضفة الغربية الي السلطة الفلسطينية تحت اسم الدولة الفلسطينية

يعني روسيا بترازي امريكا
مفيش مستوطنات ولا احتلال .. مفيش مجلس رئاسة غزة .. مفيش خط اصفر و لا مشمشي

📌 احنا هنا امام win win situation
في احتمالين :
🔹 الاول : في تفاهم معين تم بين مصر و روسيا في اثناء زيارة شويجو
مصر شايفة ان امريكا واسرائيل ماضية قدما في احتلال غزة
و في عدم التزام بالاتفاق المعلن
و لأن مصر ملهاش فيتو في مجلس الامن ... و امريكا يوم الاتنين رايحة تاخد موافقة مجلس الامن علي خططتها في غزة
ف قررت مصر الاستعانة بالفيتو الروسي لتعطيل ترامب 🤷🏻‍♀️
🔹التاني : روسيا بترازي امريكا في غزة
عشان امريكا تضغط علي الغرب اللي استولي علي 6 مليار يورو من عائدات الاصول الروسية المجمدة و تحويلها لاوكرانيا
و بالفعل چي دي فانس انهاردة بيتهم الغرب بفشل ادارته لتقديم المساعدات لاوكرانيا و اتهم اورسولا فون دير لاين بإنها لصة 👌🏻
و ان الاجراء ده امريكا مش هتاخده ابدا ضد روسيا
بالعكس ده امريكا اخدت اجراء غريب 👈🏻 وافقت ان المجر ترفع العقوبات عن روسيا و تستورد منها الغاز تاني بكميات كبيرة
و اعلنت ان اوروبا كاذبة و ان روسيا تاني مورد للغاز عندها بحوالي 900 مليون يورو في اغسطس و 870 مليون يورو في سبتمبر الماضيين
ف ليه هنضر الشعب الهنجاري و نؤذيه بشتاء مظلم و قارس 🤷🏻‍♀️
" المجر مش هتكون اول دولة .. مع دخول ديسمبر في دول هتتخذ نفس النهج 👌🏻"

ايه الاحتمال الاقرب للصحة فيهم
هنعرفوه بعد يوم الاتنين 👌🏻

♦الضفة الغربية :
فاكرين .. خدوا بالكم الضفة بتروح
كله مركز في غزة
و انا بغرد خارج السرب 👈🏻 غزة عصفورة انما باقي فلسطين بيضيع 🤷🏻‍♀️
🔹نائب ابو مازن بيعلن امبارح ان الضفة الغربية بتتعرض لموجة نزوح و تهجير لم تحدث منذ نكبة 1948
و ان المستوطنين بيتصرفوا بوحشية و بيستولوا علي البيوت تحت دعم قوات الشرطة الاسرائيلية
🔹 انهاردة عيد اسمه " شابات شاراي " سبت سارة يعني " مولد ستنا سارة بالبلدي كده "
بيقام في الحرم الابراهيمي في كل سبت في اسبوع منتصف نوفمبر من كل عام
السنة دي اول سنة يبنوا حواجز و اسوار و يهجروا الفلسطينيين الساكنين جنب الحرم الابراهيمي من منازلهم
▪ تسألني ليه .. اجاوبك 👈🏻 يوم 29 اكتوبر 2025 عضو الكنيست ستيفي سكوت عن حزب الصهيونية الدينية تقدم بمشروع قانون يفرض السيادة الاسرائيلية علي الحرم الابراهيمي وما حوله من منطقة سكنية
و تم التوقيع علي المشروع و دعمه كافة الاحزاب اليمنية و علي رأسها الليكود اللي بيتزعمه نتنياهو 👌🏻

▪اااه بمناسبة الداخل الاسرائيلي البايظ و التمرد علي نتنياهو
و نتنياهو الخايف و كل الهبد ده
نتنياهو فاز برئاسة حزب الليكود دون منافسين الاسبوع اللي فات في الانتخابات .. مما يؤهله لفترة جديدة من رئاسة الوزرا نظرا لفوز حزب الليكود بأغلبية مقاعد الكنيست 🙄
" ازااااي يا جدع .. ده مستر حلمبوحة مأكد ان نتنياهو بيواجه خطر العزل و ان اللي بيحصل منه مش عاجب المجتمع الاسرائيلي 🤔 " .... يلاااا ما علينا 🤷🏻‍♀️

♦النقب :
تخيلوا اني لما كنت بنزل اخبار عن النقب و انها لا تقل خطورة عن غزة
اه مفيش ابادة فيها
لكنها خطرة جدا
و هي دي حدودنا الفعلية مع الكيان

كان البهايم الشاردة يقولوا اصلها مبتحبش حماس عشان كده مش بتهتم بغزة 🙄
🔹احب اقولكم ان اسرائيل قررت اتباع نفس النهج المصري في رفح و العريش .. انها تحمي الارض بالتعمير

و نقل السكان
اسرائيل قررت بناء 4 مستوطنات في النقب متآخمة مع الحدود المصرية
رئيس المجلس المحلي للنقب عوران دورون و اللي بتمثل ثلث مساحة اسرائيل .. عمل رؤية هو كمان بس 2030 بقا ... لا دي ناس رتمها اسرع
الرؤية الصهيونية 2026 :
بتضمن بناء مجتمع زراعي و سكني في النقب بالتجاور مع الحدود المصرية
و في اجتماعه مع لجنة الشئون الخارجية و الامن في الكنيست قالهم ان السلاح بيدخل عبر " فتحة نتزانة " اللي بتربط الحدود المصرية بالنقب
و دي بؤرة امداد ارهاب
و مش هينفع نتواجد فيها عسكريا عشان رد الفعل المصري
بالتالي لازم يتعمل اعمار للمكان بالمستوطنين
قسم خطته علي 3 مراحل :
* الدائرة الاولي : جدار حدودي يكون مسئولية الجيش " اسرائيل هتعيش جوا علبة من الجدران ... احسن خلونا نرتاح من خلقهم 🙄"
* الدائرة التانية : تعاون من الشرطة و الشاباك لتأمين المنطقة
* الدائرة التالتة : نقل 1000 اسرة للنقب لتكون نواة الاستيطان

مع زراعة 300 قطعة زراعية و الاسر اللي هتتنقل تكون مزارعين

و كمان هيعمل منطقة سياحية تربط " فتحة تنزانة " ب" فتحة شلوم " للمزارات الدينية
و هيعمل مدارس علي اعلي مستوي
و الحياة هناك رائعة
و الصحرا مع الزراعة مع المزارات السياحية هتكون مصدر ايرادات للاقتصاد

و سيموتريتش بيتعهد بتقديم حوافز ضريبية جيدة للاسر اللي هتنتقل و تزرع هناك و تعمل مشروعات سياحية 🤷🏻‍♀️🤷🏻‍♀️

بالذمة و الدين ده منظر ناس ممكن تتفاهم حتي في اقتراح حل الدولتين و لو بعد 1000 سنة حتي 😏

اخدوا مننا الفكرة
و بيطبقوها بالمللي 👌🏻👌🏻

اعتقد ان احنا لم نعد نملك رفاهية الوقت للصبر اكتر من كده في نقل عائلات مصرية من المحافظات الداخلية الي العريش و رفح و شمال سيناء عموما
و ان الانتقال هناك اصبح واجب وطني
مهندسين و اسرهم .. مدرسين بقا دكاترة صنايعية
المهم تواجد المصريين المدني في سينا لا يقل اهمية عن التواجد العسكري 👌🏻👌🏻

الامور بتجري بسرعة جدا في كل الاتجاهات
و لازم ردود افعالنا تكون علي نفس القدر من السرعة

♦السعودية :
و هناخد بس نبذة بسيطة :
بن سلمان يوم الاتنين في واشنطن
هيناقش 3 حاجات :
▪ اسهم ارامكو ازاي يسوقها اكتر في امريكا و الحكومة الامريكية تستثمر فيها
▪ المصروف الشهري اللي هيديه للمتحالف الجولاني عشان يحميه من ايران
▪ انضمام السعودية لاتفاقية ابراهام

يلا بخاطرهم بقا 🙄🙄
-------------------------------------------
الصراحة كنت عايزة اتطرق للغرب كمان لان في احداث كتير
بس هبقا طولت بزيادة
ف هعملها في رقعة تانية .. ونكتفي ب منطقتنا الموبوءة فقط في دي 👌🏻👌🏻

🔘 لسه الرقعة مبردتش 🤷🏻‍♀️🤷🏻‍♀️
♦صرح احمد عبد السلام حاكم الادارة المركزية الديموقراطية لشمال و شرق سوريا " الاكراد " : لوكالة نوفوسيتي ناااااو
ان اندماج قوات قسد مع الجيش السوري هو امر مستحيل
لان الاندماج يتطلب :
▪اعادة صياغة الاعلان الدستوري
▪انشاء جيش سوري موحد
▪ضمانة امنية لسكان الشمال من الاكراد
▪انتقال السلطة من سلطة انتقالية الي سلطة شرعية

ازااااي يا جدع ده عماد مأكدلي و كاتب صحيفة عن اندماج قسد 🤔🤔

عشان متبقوش تحشروا نفسكم في الشغلانة عافية .. معلش سهرناكم 😎😎

🔵 ايه الجمال و الحلاوة و الرقي و العظمة دي
انا من امبارح و انا غرقانة في #دولة_التلاوة .... دولة الحلاوة

كان جدي يقولنا لو سمعت القرآن و أذنك لم تخشع و روحك لم تستكين فراجع خشوع و لين قلبك
و ده شئ معتمد علي القارئ
انا من امبارح بدمع و بقشعر بسسسس .. و بقول الللللله 🤷🏻‍♀️

شباب زي الورد من حفظة القرآن
اثاروا فيا انا نفسي الغيرة ناحية اتعلم احكام التلاوة مش احفظ بس

تابعوا البرنامج و خلوا اولادكم يتفرجوا علي الشباب الحملة لكتاب الله
قدوة حسنة و الله

لا انا هعمل فيها الناقد الفني و انتقد اللجنة و الاستديو و الاخراج ... انا هستمتع بالحناجر الذهبية فعلا
انا بقيت من مريدي الشيخ عمر و الشيخ عبد الله خلااااااص طفلين اصواتهم من الجنة ❤

تقريبا دي اول حاجة كويسة تعملها المتحدة من رمضان اللي قبل الماضي
و ياريت نكمل 🙏🏻

🔵 كل انجاز بيتعمل في اتجاه اني اشوف بهية زي ما بحلم لها
بتحقق لي حالة من السعادة الداخلية
و بتغمرني بالتفاؤل

انا بطبعي شخص متفاءل زيادة عن اللزوم
متفاءل لدرجة العشم
و عمري ما قولت عم عشم مات دي ابدا
لأن العشم و الامل و التمني باقي ببقاء الله عز و جل 🙏🏻

📌 مبروك لمصر و للمصريين الصابرين دخولنا نادي النووي " السلمي " 😎

▪ وضع هيكل الاحتواء لمفاعل الوحدة الاولي
▪ توقيع امر شراء للدفعة الاولي من الوقود النووي بين الرئيسين عبد الفتاح السيسي و فلاديمير بوتين

احتفال ب انجاز فعلي ... شايفينه علي الارض
لا عناوين صحف و لا مأدبة عشاء فاخرة لزوم اشتغالة الزبون 😌 ... و لا مكلمة فارغة

مصر إن أرادت .. فعلت 👌🏻

علي مدار التاريخ و من حقبة القيصريات و الامبراطورية الروسية
السوفييت حليف جيد جدا و صادق جدا " ده تصنيف علمي في بروتوكول تاريخ الدول مش رأي شخصي علي فكرة 👌🏻"

ربنا يتمها علينا بخير
خطوة لها مردود اقتصادي كويس
هتدخل ارباح وايرادات بمجرد دخول المفاعل الخدمة ... و الايرادات دي هتخفف عبء الموازنة جداااا و هتساعدنا نسدد ديوننا بأمر الله

بهية تستحق الحب ❤

🔵 بيقولك هنديهم F 35 بعد 6 سنين
و هنتفق علي خطوات و مسار الدولة الفلسطينية 🙈🙈🙈

🔵 بمناسبة تحديد مسار حل الدولتين و اقامة الدولة الفلسطينية و البلا بلا بلا ده :

قرار مجلس الامن امبارح اساسا ألغي فكرة اقامة دولة فلسطينية
دي الحقيقة المرة
اصل محدش من متعاطي مخدر الوهم .. بيكلف نفسه و يبحث في دفتر محاضر مجلس الامن
هيلاقي التفاصيل كلها 🤷🏻‍♀️🤷🏻‍♀️

♦ مجلس الامن امبارح صادق بأغلبية علي خطة ترامب لاحلال السلام في غزة
مع امتناع روسيا و الصين عن التصويت " و هما احرار "
و ترحيب وزارة الخارجية الفلسطينية و ابو مازن " و هقولك ليه "

📌 ايه هي اطروحة مشروع قرار الجلسة 👈🏻 نشر قوة دولية في غزة مع احتمالية تحديد مسار "من الممكن " ان يعتبر تمهيد لاقامة دولة فلسطينية في المستقبل 🙄
" من الممكن في مجلس الامن معناها في المشمش 🤷🏻‍♀️ "
و التزام دول العالم و المؤسسات الدولية بال 13 بند الموضحين في خطة ترامب و اعتبارها إلزامية 👌🏻

♦نستعرض مع بعض يا ولاد ال 13 بند اللي اتقدموا .. و نعرب ما تحت الخط و نستخرج كده دولة فلسطينية من بين العبارات 🙄
1/ ستكون غزة منطقة خالية من التطرف والإرهاب ولا تشكل تهديداً لجيرانها
2/ ستتم إعادة تنمية غزة لصالح شعب غزة الذي عانى كثيراً
3/ إذا وافق الطرفان على هذا الاقتراح، تنتهي الحرب فوراً، وتنسحب القوات الإسرائيلية إلى الخط المتفق عليه استعداداً لإطلاق سراح الرهائن 👈🏻 الخط المتفق عليه اللي هو الخط الاصفر و اللي بيمثل 14 الف كيلو متر من مساحة غزة 🙄
4/ في غضون 72 ساعة من قبول إسرائيل علناً لهذه الاتفاقية، سيتم إعادة جميع الرهائن، الأحياء والأموات
5/ بمجرد عودة جميع الرهائن، يُمنح العفو لأعضاء حماس الذين يلتزمون بتسليم أسلحتهم، ويُوفَّر لأعضاء حماس الراغبين في مغادرة غزة ممرٌ آمنٌ إلى الدول المُستقبِلة
" و بمناسبة البند ده 👈🏻 ياسر ابو شباب و بعض المليشيات المسلحة كانوا في لقاء امبارح مع القناة ال 14 الاسرائيلية .. وتعهدوا بتطهير رفح من الارهاب بيت بيت و شارع شارع
و بمناسبة المسار بتاع الدولة الفلسطينية 👈🏻 تم تكليف ابو شباب بالقضاء علي ال 200 حمساوي اللي محشورين في البلاعة ماداموا رافضين يسلموا سلاحهم 🤷🏻‍♀️ "
6/ عند قبول هذه الاتفاقية، سيتم إرسال المساعدات كاملةً إلى قطاع غزة فوراً، ستكون كميات المساعدات متوافقةً مع ما ورد في اتفاقية 19 يناير 2025
" و احنا مش مقصرين الحقيقة 🙄"
7/ سيستمر إدخال المساعدات وتوزيعها إلى قطاع غزة دون أي تدخل من الطرفين، وذلك عبر الأمم المتحدة ووكالاتها، والهلال الأحمر، بالإضافة إلى المؤسسات الدولية الأخرى غير المرتبطة بأي طرف. وسيخضع فتح معبر رفح في كلا الاتجاهين لنفس الآلية المعمول بها بموجب اتفاقية 19 يناير/كانون الثاني 2025
8 / بمجرد إطلاق سراح جميع الرهائن، ستفرج إسرائيل عن 250 سجيناً محكوماً عليهم بالسجن المؤبد، بالإضافة إلى 1700 غزّي احتُجزوا بعد 7 أكتوبر/تشرين الأول 2023، بمن فيهم جميع النساء والأطفال المعتقلين في هذا السياق. ومقابل كل رهينة إسرائيلي يُفرج عنه، ستفرج إسرائيل عن رفات 15 غزّياً
9/ ستُدار غزة في ظل إدارة انتقالية مؤقتة من قِبل لجنة فلسطينية تكنوقراطية غير سياسية، مسؤولة عن إدارة الخدمات العامة والبلديات اليومية لسكان غزة.
وستتألف هذه اللجنة من فلسطينيين مؤهلين وخبراء دوليين، بإشراف هيئة انتقالية دولية جديدة، هي "مجلس السلام"، برئاسة الرئيس دونالد ترامب، وأعضاء ورؤساء دول آخرين سيتم الإعلان عنهم لاحقاً، بمن فيهم رئيس الوزراء السابق توني بلير
10/ سيتم وضع خطة ترامب للتنمية الاقتصادية لإعادة إعمار غزة وتنشيطها من خلال تشكيل لجنة من الخبراء الذين ساهموا في ولادة بعض المدن الحديثة المزدهرة في الشرق الأوسط
11/ سيتم إنشاء منطقة اقتصادية خاصة مع تحديد تعريفات ورسوم دخول مفضلة سيتم التفاوض عليها مع الدول المشاركة
12/ لن يُجبر أحد على مغادرة غزة، وسيكون لمن يرغب بالمغادرة حرية المغادرة والعودة، وسنشجع الناس على البقاء ونوفر لهم فرصة بناء غزة أفضل
" لا صاااادق و مطار رامون و شركة المجد اوروبا و جنوب افريقيا و كينيا يشهدوا 🙄 "
مش ده تهجير طوعي بردو 🤔
13/ توافق حماس والفصائل الأخرى على عدم الاضطلاع بأي دور في إدارة غزة، سواء بشكل مباشر أو غير مباشر أو بأي شكل من الأشكال
وسيتم تدمير جميع البنى التحتية العسكرية والإرهابية والهجومية، بما في ذلك الأنفاق ومنشآت إنتاج الأسلحة، ولن يُعاد بناؤها

دي البنود اللي تم التوافق عليها في قرار امبارح بالحرررررف من محضر الجلسة
" و دوروا ورايا 🤷🏻‍♀️ "

فين يا باشا دولة فلسطينية دي 🤔
اصلا غزة هتبقا منطقة اقتصادية حرة مشتركة " لحين تسليمها لاسرائيل 🤷🏻‍♀️"

قرار مجلس الامن : و بناءا علي نجاح الجزء الاول من خطة الرئيس الامريكي دونالد ترامب و قبولها من اغلبية الدول و دعمها من الدول العربية و الاسلامية
تعلن إلزام امني لمجلس الامن و كافة المؤسسات الدولية ... و يتولي الرئيس الأمريكي تنفيذ بقية بنودها

هاااا لسه هنناهد و نقعد نكتب للناس خزعبلات و نعشمهم بأوهام بردو 🤔

📌 ليه السلطة الفلسطينية رحبت برغم ضياع غزة " و اللي هيعقبه قريب ضياع الضفة " 👈🏻 نكاية في حماس
ان حماس تغور برا فلسطين
و تتحول السلطة للمصدر الوحيد لتلقي اموال المنح و التبرعات للبقية المتبقية من الفلسطينيين 🤷🏻‍♀️🤷🏻‍♀️

🔹جملة " اقامة دولة فلسطينية " دي .. جملة للاستهلاك الاعلامي فقط
من اجل ارضاء الدهماء الشعبي فقط

امريكا لااااا تجرؤ مخالفة الصهيونية العالمية


انا عارفة ان الكلام اللي بكتبه دايما مخالف للموجة الساذجة بتاعت الاراء الشخصية اللي ماشية في السوشيال ميديا
لكن بعد يوم .. اسبوع .. شهر .... و احيانا سنة
بتيجوا تقولوا چيلان قاسم كانت صح و عرضت علينا الامور بمنتهي الامانة
مش دور العلم ابدا اني اجاملك و اداعب رومانسيتك ... دوره اني اعرفك الحقيقة
حقيقة العالم اللي انت عايش فيه 👌🏻👌🏻

🔵 قابل الحيوانات الفيل يجري فزعا خارج الغابة
ف استوقفه القرود متسائلين : لماذا تجري هكذا ايها الفيل الضخم ... ما الذي يخيفك
🔸ف اجابهم : لقد قرر مولانا الاسد قتل جميع الزرافات .... ربما وشي احد بهم وشاية كاذبة اغضبته ف قرر قتلهم

🔸فضحك احد القرود قائلا : و ماذا يخيفك و تجعلك تهرب ... أنت فيل و لست زرافة

🔸ف تنهد الفيل في أسي : لقد قام الاسد بتكليف الحمير بإدارة الموقف
ف هل تثقون في الحمير ايها القرد

🔸ف أجابه القرد : حينما يعتمد الاسد علي حمير ف اعلم ان المأساة موشكة الحدوث ... هيا لنهرب معا يا صديقي الفيل 😏😏

📌 ملحوظة : هذا البوست هذلي و غير واقعي و اي تشابه بينه و بين الواقع ف هو علي سبيل الخطأ المقصود 😎😎

🔵 #الزيارة_التريليونية:

بعد متابعة زيارة ولي العهد السعودي لامريكا .. بتفاصيلها الغريبة
سواء بالاحتفاء المبالغ فيه من ترامب .. او بالوعود السخية من الطرفين
اقدر بقا اكتب عنها .. انا مبعرفش اكتب دون الغوص في التفاصيل👌🏻

🔘 التزامات بن سلمان :
▪الانضمام لاتفاقية ابراهام
" و ده كان في تصريح للصحفيين : نعمل علي الانضمام لاتفاقية ابراهام و نرغب في ذلك "
▪رفع الاستثمارات السعودية في امريكا الي تريليون دولار
و من ضمن الاستثمارات دي 👈🏻 توجيه جزء تمويلي للاستثمار في جزيرة ترامب الخاصة في المالديف
" من قبل انتخابات امريكا و ترامب اشتري جزيرة بالقرب من سواحل المالديف و عايز يحولها لاشهر منتجع سياحي باسم ابنه بارون .. شريك فيها ايلون ماسك
و عايز يبنيها بدون ما يدفع من فلوسه الخاصة 👌🏻
هنا بن سلمان بيطلع فلوس الشعب السعودي من اجل مستر بريزيدنت بارون ترامب 🙄 "

📌 هل السعودية عندها المقدرة المالية دي 🤔
▪قيمة الديون المباشرة علي الحكومة السعودية 319.7 مليار دولار في نهاية ديسمبر 2024
بزيادة قدرها 40 مليار عن العام 2023 كانت 280 مليار دولار
طيب في نهاية سبتمبر 2025 الربع الثالث من السنة 👈🏻387.6 مليار دولار
يعني في 9 شهور فقط زادت 68 مليار دولار تقريبا
و في يوم 10 اكتوبر اصدرت سندات ب 2.3 مليار دولار
و يوم 2 نوفمبر سندات ب 1.3 مليار دولار
و يوم 11 نوفمبر سندات ب 600 مليون دولار
و في اصدارين هيكونوا في ديسمبر قيمة كل منهم 1.1 مليار دولار

يعني هيقفل السنة بإجمالي ديون مباشرة 393 مليار دولار " 60% منها قصيرة الاجل "

اما اجمالي الديون علي الاقتصاد السعودي 👈🏻 1.319 تريليون دولار متصدر ديون دول الخليج
في حين ان الناتج المحلي السعودي لعام 2024 كان 1.27 تريليون دولار

🔸مع مرور الوقت بدأت تظهر فجوة اقتصادية
اكترها حدث من تمويلات بلا عائدات .. و انفاق في غير محله
" و ده نتيجة طبيعية لاي عشوائية اقتصادية و انفاق بدون تخطيط .. و احنا في مصر بنعاني منه علي فكرة ... ف انا لا بهاجم و لا بقيم اداء اقتصادي .. انا بشرح لك وضع قائم 👌🏻"

🔹هل بن سلمان هيقدر يكمل علي كده
انا بقولك مستحيل
خصوصا انه جرب اللجوء لايرادات غير نفطية ... و فشل 🤷🏻‍♀️
و الناس في المجتمع السعودي بدأت تعاني ... و اللي انهاردة ملموم و مستور
لغة الارقام فضاااحة .. ف بكرة هيتعرف 🤷🏻‍♀️

🔷🔶 كلام كتير و تعليق آمال علي هذه الزيارة انها هتحيي الامل في اقامة دولة فلسطينية
و ده بناءا علي الجولات السابقة للدبلوماسية السعودية
احنا هندخل اتفاقية ابراهام بشرط اقامة دولة فلسطينية
📌 لكن الكلام اتغير تماما
تحول الي 👈🏻 طلبنا من الرئيس ترامب امكانية تحديد بعض المسارات لاقامة دولة فلسطينية واخبرنا به لذلك نسعي للانتهاء من خطوات الانضمام لاتفاقية ابراهام

و الحقيقة ترامب قاله : اااه طبعا .. انت مشوفتش مجلس الامن اللي وافق علي خطتي و لا ايه
بعد الفترة الانتقالية هنبقا نشوف ان شاء الله 🙄 " هو ده المسار 🤔 "

انا مهتمتش اوي بموضوع دولة فلسطينية ده .. لاني عارفة ان خلاص الموضوع ده اتقفل و اي كلام عن دولة فلسطينية هو كلام دبلوماسي استهلاكي او محض هراء 🤷🏻‍♀️🤷🏻‍♀️


▪توقيع اتفاقية الدفاع المشترك مع الولايات المتحدة
" طب احنا عرفنا ان لو تم الاعتداء علي السعودية امريكا هتروح تضرب اللي يضربها .. طب لو امريكا ضربت حد بقا
السعودية هتدفع وتمول 🤔 "

📌 الوضع الاقتصادي الامريكي گ اقتصاد دولة .. سئ
و ناتج عن هذا السوء تردي في احوال المواطن و زيادة في ارقام البطالة و ارقام طلب الاعانات الاجتماعية
و لكن ترامب هيخوض عمليتين عسكريتين
واحدة في نيجيريا " و اظن بوكو حرام مش مقصرة و بتنفذ تعليمات ال CIA بالحرف "
و التانية في فنزويلا
و يوم 24 نوفمبر التصويت علي الضربة العسكرية

▪سنة 2001 الملك فهد ضخ استثمار مباشر حوالي 117 مليار دولار " سندات امريكية "
دخلوا في تمويل الضربة العسكرية علي افغانستان و احتلالها
▪سنة 2002 في شهر نوفمبر الملك فهد بردو ضخ حوالي 132 مليار دولار " سندات و تمويل خزينة بأذون خزانة "
في يناير 2003 بوش الابن قال انه قدر يوفر تمويل لمشاركة الناتو في تأديب صدام حسين
▪في 2013 .. 2014 .. 2015
سندات الخليج المباشرة ذات الدفع المباشر
شوفنا اثارها في سوريا
و الضربات المتتالية اللي دمرت سوريا

انا لا اتهم احد
لكن هي مجرد تفصيلة جت في دماغي
امريكا بتضرب المسلمين و بتقتلهم بفلوس المسلمين .. مبتدفعش من جيبها عشان تقتلنا
لله الامر من قبل ومن بعد 🤷🏻‍♀️🤷🏻‍♀️


🔘 في المقابل :
امريكا هتبيع للسعودية الطائرات المقاتلة F 35 بعد 6 سنين
و ابقوا تعالوا قابلوني 🙄

اي حد علي ظهر هذا الكوكب يظن ان امريكا ممكن تبيع سلاح لأي دولة في المنطقة دون موافقة اسرائيل مش هقول ساذج .. لا ده اهبل
و اسرائيل مش هتسمح ان اي دولة في المنطقة تحصل علي تكنولوچي مش يضاهيها بقا ... لا ده يقترب منها بمسافة 10 سلالم لتحت حتي 🤷🏻‍♀️🤷🏻‍♀️

يعني القصة كلها ضحك علي الدقون .. نصباية علي زبون اتعمله استقبال فخم
و بروتوكول تاريخي
و تعالي يا قناوي يا ولدي البس جلابية الفرح هنومة مستنياك
و يلا نوقع عقود ال F 35 و هتبقا شبحي يا ولا و الرادرات مش هتجيبك
" رادارات مين سعادتك اخر حرب دخلوها كانت العلقة اللي اكلوها من ابراهيم باشا 🙄"

📌 بعد 3 سنين حضرتك مش هيكون في ترامب في الرئاسة 🤷🏻‍♀️
و هيكون في كونجرس جديد
و في جلسات استماع من اجل التصويت علي بيع الاسلحة
و في انتهاكات حقوق انسان و جريدة تحت بير السلم فيها خبر ان مواطن سعودي قال احم و مواطن اسرائيلي بيشرب الشاي راح زور زي عبعال و سكينة كده ... و هيعتبر ده معاداة السامية
و اكتشفنا ان في صحفي سعودي معتقل ... و ان في شابين سعوديين اتجلدوا بسبب تلبسهم بفعل الشذوذ و ده ضد الحرية الشخصية

يا عزيزي جراب الحاوي الامريكي لا يخلووووو من المبررات
و كلها طبقا للقانون و الدستور و المبادئ ذات الثقل للكونجرس 🤷🏻‍♀️

لكن هيكون سبق السيف العزل بقا
و يكون دخل في الاتفاقية الابراهيمية .. و الشركات الاسرائيلية بتمرح في الداخل السعودي و مقاولات و سياحة و قطاع بنكي ..... و لو حبيت تفك التشابك و تخلع منهم
لن تستطييييع و عليك التكيف مع الخازوق اللي انت لبسته لنفسك🤷🏻‍♀️🤷🏻‍♀️
" توفيق الحكيم لما كتب قصة الحمار الطموح كان عنده نظرة مستقبلية لما اختار الاسم 😒 "

مخرجات الزيارة ان السعودية قدمت كل حاااااجة .. و خدت بالباقي لبان حرفياااا
و ان مظاهر الاستقبال و العشا الفاخر و المدعوين الاليجانت ده تغطية علي التنازلات دي كلها 👌🏻

♦في كلمتين واقفين في زوري هموووت و اقولهم 🙄
يبدوووو ان دعوة ترامب الكونجرس للتصويت علي الافراج عن وثائق جزيرة چيفري ابستين .. مجرد شو متفق عليه مع الجمهوريين داخل الكونجرس
الهدف منه ابتزاز بعض المتورطين و الخروج منهم بأكبر مكاسب لامريكا و اسرائيل في شكل اتفاقات وهمية امام العالم تخفي بداخلها الابتزاز 🤷🏻‍♀️🤷🏻‍♀️
ملحوظة :
هذا البراجراف ملوش علاقة بالكلام اللي فوق .. دي خاطرة كده خطرت علي بالي ف حبيت اشاركها معاكم عشان نتابع سوا الايام القادمة تحركات ترامب ... مش اكتر يا جماعة 😌🤷🏻‍♀️🤷🏻‍♀️