و ضمت بقا المنطقة دي علي كريات شمونة و كوفير جلعادي و يسود همعلاه ... اللي فتحتهم علي الجولان ماشاء الله زي ما حضرتك بتفتح الاوضة الصغيرة علي الصالة عشان تعمل ريسبشن كبير 🙄

و ده مش اول سور او جدار
▪اليونيفل قال في تصريحه : ان بعض فحص الجدار ده
تبين استيلاءه علي 4000 كيلو متر من الجنوب اللبناني
▪لكن الامم المتحدة قالت : متكبروش الموضوع يا جماعة ده ملاااااصق للخط الازرق و 4000 عندي و لا عندك العملية في بيتها 🙄

احنا بنعيش حقبة اسمها حقبة السفالة السياسية لخدمة كيان مارق 👌🏻👌🏻
" فاكرين في 2003 لما كل مؤسسات العالم خدمت امريكا في احتلال العراق .. واوجدت لها مبررات و دوافع و اعتبرت ان كل القتل و الابادة و الدماء ثمن بخس للديموقراطية و الحرية
اهو بيتكرر تاني و بطريقة افجر 👌🏻 "

♦سوريا :
دي الجزء الكوميدي للرقعة دي
🔸الاعلام السوري " و سامحوني في كلمة اعلام دي 😌"
بدأ حملة تلميع الجولاني
انه كان منضم لقوات التحالف الدولي لمكافحة الارهاب من 2016 🙄
و الاعلام السعودي بيأكد المعلومة
يعني مكنش ارهابي و في ايديه دم اكثر من مليون انسان 🤔
لأ ده كان بيدرسهم

" بيفكروني بباسم السمرا و فيفي عبده
- ده انا اصلا شيخ
- يا شيييييخ .. و لك طريقة بقا
- اااه الوزانية .. هنا بقا الطريقة الجولانية 🙄 "
ف اسمعوا و اضحكوا
و اتفرجوا علي مقادير الطريقة الجولانية في تقسيم سوريا الفيدرالية

و بالنسبة لحد بيسألني هل القوات التركية انسحبت بالفعل من سوريا
ده كلام اهبل ملوش اصل
القوات التركية محتلة بالفعل لواء اسكندرونة في الشمال السوري .. ومتمركزة في ادلب و حلب كمان
و مش هتنسحب 👌🏻

▪اما عن انضمام قوات قسد للجيش 👈🏻 ابقوا تعالوا قابلوني لو اتحقق

جماعة اعتقد اننا مبغيرش اقوالي
و ان كلامي وااااضح وضوح الشمس من اول يوم
و بيتحقق امامكم
انا مالي بعالم مختلة التلاتين متابع اللي عندهم اقنعوهم انهم بيفهموا سياسة و قاعدين يحللوا في هري
هو انا اللي بدفعلهم الباقة
ما كل واحد حر في صفحته يكتب فيها اللي عايزه

انا بقدملك تحليل قائم علي ادوات معينة بعد شوية بيتحقق امام عينك بالحرف ... تاخد بيه او لا انت حر
انما تقولي فلان بيقول كذا
انا مااااالي ... العيب فيك انه بيهبد عليك بقاله سنين و لسه بتصدقه 😁😁

🔹دمشق بقا في صاروخ مجهول المصدر " اه و الله 🙄"
دخل اجواء دمشق .. بدون ما حد يعترضه
و عاث فسادا في سماء دمشق .. بدون ما حد يعترضه
ثم استهدف منزل في حي سكني .. بدون ما حد يعترضه
و فجر المنزل ده .. بدون ما حد يعترضه

الاعتراض الوحيد اللي حصل كان لوزير الدفاع السوري
الارهابي السابق مرهف ابوقصرة " بالمناسبة هو مهندس زراعي اصلا وصادر ضده 3 احكام اعدام بسبب ارتكابه مجزرة دار ايتام محافظة صلاح الدين في العراق .. و مجزرة مدرسة البنات في محافظة الرقة في سوريا 🙄 "
بس اعترض
قالك: نحن نعترض علي هذا الهجوم الصاروخي ... لكن مش اسرائيل .. نتنياهو حلفلنا برحمة امه انه مش من عنده
واحنا مصدقينه ... ده إلا الام
امك ثم امك ثم امك ولا هتنكروا الحديث وتكفروا 🙄
📌 انا بقا جيالك من المستقبل
و بقولك انهم هيكتشفوا ان الصاروخ من ايران
و يتوعدوا ايران
و يروحوا يفرموا العلويين في الساحل السوري
▪بقولك كده ليه : عشان لسه الشيباني من 3 ايام قايل انهم علي علم بالتحريض الايراني في اللاذقية وطرطوس ضد الرئيس المفدي شيخ الطريقة الجولانية احمد الشرع 🤷🏻‍♀️
و بيتعهد نيابة عن الرئيس بقطع اذناب ايران في سوريا و حزب الله ايضا
مش محتاجة فقاقة و الله
واضحة زي عين الشمس 🤷🏻‍♀️🤷🏻‍♀️
🔹و بمناسبة تحرير سوريا 👈🏻 انتهت اسرائيل من بناء اول مستوطنة في القنيطرة و خلفها جدار عازل من نوعية T - wall نفس جدار لبنان
و هتنقل فيها بعض المستوطنين عشان يعيشوا جنبا الي جنبا مع الدروز و سكان الجنوب
و يبقوا عيلة واحدة بقا .. اسرة مع بعضيهم 🙄

🔷🔶 ندخل علي الجزء المحبب لقلب المطايا والمراكيب 👈🏻 فلسطين :
و دي هنقسموها لكام نقطة :
♦غزة :
كل يوم في اختراق لوقف اطلاق النار
و نسف لبيوت
و اسقاط قتلي وجرحي
▪لكن 👈🏻 في اتفاق علي الصمت
و ساحلينا معاهم في حوار التنقيب عن الجثث
و ال 200 حمساوي اللي محبوسين في البلاعة و بيحاولوا يخرجوهم
و بيغطوا علي ما يحدث بدخول كام شاحنة مساعدات من معبر كيرم شالوم👌🏻
" اي حد بيقولك ان اسرائيل ملتزمة ده كداب قولا واحدا
الكواد كابتر لسه الفجر كانت بتدشمل في المواصي ... تابعوا الصحفيين اللي جوا غزة زي سائد السويركي مثلا .. وانتوا تتأكدوا بنفسكم 🤷🏻‍♀️🤷🏻‍♀️"
🔹التهجير الطوعي بيتم فعلا :
الي كينيا و الي جنوب افريقيا

اتفضحت منظمة اسمها المجد الاوروبي " طبعا ده اسم fake بيستخدموه "
بيخرج الفلسطينيين من غزة عبر معبر زيكيم .. ثم الي بلدة رامون في النقب ثم الي مطار رامون لوجهات معينة من بينهم كينيا و جنوب افريقيا
و اتعرف ازااااي 👈🏻 فلسطينيين اتحجزوا داخل الطيارة في مطار كيب تاون 8 ساعات لان بسبوراتهم غير مختومة بختم الخروج من رامون
" بسبورات جديدة لاااانج
و الظابط الاسرائيلي المسئول عن خروجهم نسي يا عيني في الزحمة يختم 153 بسبور 🙄 "

فاكرين مييييين من شهر فبراير اللي فات قالكم ان مطار رامون لا يتوقف يوميا عن التهجير 🤷🏻‍♀️
و ان الفلسطينيين بيدفعوا 2000 شيكل لجهة ما داخل اسرائيل عن الفرد الواحد لخروجهم 🤷🏻‍♀️
اهي الجهة طلعت مؤسسة تبع الموساد مسمية نفسها شركة المجد الاوروبي
" برنسيس و الله چيلان قاسم دي .. في السوادة دايما 😎"

🔘 في بقا حاجة مهمة :
الخطة الروسية في غزة المناهضة للخطة الامريكية
و مفادها :
▪رفض اي تغييرات ديموغرافية او جغرافية في غزة
▪رفض فقدان اي مساحة من القطاع فيما قبل 7 اكتوبر 2023
▪التشديد علي قيام دولة فلسطين و حل الدولتين
▪تؤول حكم غزة و الضفة الغربية الي السلطة الفلسطينية تحت اسم الدولة الفلسطينية

يعني روسيا بترازي امريكا
مفيش مستوطنات ولا احتلال .. مفيش مجلس رئاسة غزة .. مفيش خط اصفر و لا مشمشي

📌 احنا هنا امام win win situation
في احتمالين :
🔹 الاول : في تفاهم معين تم بين مصر و روسيا في اثناء زيارة شويجو
مصر شايفة ان امريكا واسرائيل ماضية قدما في احتلال غزة
و في عدم التزام بالاتفاق المعلن
و لأن مصر ملهاش فيتو في مجلس الامن ... و امريكا يوم الاتنين رايحة تاخد موافقة مجلس الامن علي خططتها في غزة
ف قررت مصر الاستعانة بالفيتو الروسي لتعطيل ترامب 🤷🏻‍♀️
🔹التاني : روسيا بترازي امريكا في غزة
عشان امريكا تضغط علي الغرب اللي استولي علي 6 مليار يورو من عائدات الاصول الروسية المجمدة و تحويلها لاوكرانيا
و بالفعل چي دي فانس انهاردة بيتهم الغرب بفشل ادارته لتقديم المساعدات لاوكرانيا و اتهم اورسولا فون دير لاين بإنها لصة 👌🏻
و ان الاجراء ده امريكا مش هتاخده ابدا ضد روسيا
بالعكس ده امريكا اخدت اجراء غريب 👈🏻 وافقت ان المجر ترفع العقوبات عن روسيا و تستورد منها الغاز تاني بكميات كبيرة
و اعلنت ان اوروبا كاذبة و ان روسيا تاني مورد للغاز عندها بحوالي 900 مليون يورو في اغسطس و 870 مليون يورو في سبتمبر الماضيين
ف ليه هنضر الشعب الهنجاري و نؤذيه بشتاء مظلم و قارس 🤷🏻‍♀️
" المجر مش هتكون اول دولة .. مع دخول ديسمبر في دول هتتخذ نفس النهج 👌🏻"

ايه الاحتمال الاقرب للصحة فيهم
هنعرفوه بعد يوم الاتنين 👌🏻

♦الضفة الغربية :
فاكرين .. خدوا بالكم الضفة بتروح
كله مركز في غزة
و انا بغرد خارج السرب 👈🏻 غزة عصفورة انما باقي فلسطين بيضيع 🤷🏻‍♀️
🔹نائب ابو مازن بيعلن امبارح ان الضفة الغربية بتتعرض لموجة نزوح و تهجير لم تحدث منذ نكبة 1948
و ان المستوطنين بيتصرفوا بوحشية و بيستولوا علي البيوت تحت دعم قوات الشرطة الاسرائيلية
🔹 انهاردة عيد اسمه " شابات شاراي " سبت سارة يعني " مولد ستنا سارة بالبلدي كده "
بيقام في الحرم الابراهيمي في كل سبت في اسبوع منتصف نوفمبر من كل عام
السنة دي اول سنة يبنوا حواجز و اسوار و يهجروا الفلسطينيين الساكنين جنب الحرم الابراهيمي من منازلهم
▪ تسألني ليه .. اجاوبك 👈🏻 يوم 29 اكتوبر 2025 عضو الكنيست ستيفي سكوت عن حزب الصهيونية الدينية تقدم بمشروع قانون يفرض السيادة الاسرائيلية علي الحرم الابراهيمي وما حوله من منطقة سكنية
و تم التوقيع علي المشروع و دعمه كافة الاحزاب اليمنية و علي رأسها الليكود اللي بيتزعمه نتنياهو 👌🏻

▪اااه بمناسبة الداخل الاسرائيلي البايظ و التمرد علي نتنياهو
و نتنياهو الخايف و كل الهبد ده
نتنياهو فاز برئاسة حزب الليكود دون منافسين الاسبوع اللي فات في الانتخابات .. مما يؤهله لفترة جديدة من رئاسة الوزرا نظرا لفوز حزب الليكود بأغلبية مقاعد الكنيست 🙄
" ازااااي يا جدع .. ده مستر حلمبوحة مأكد ان نتنياهو بيواجه خطر العزل و ان اللي بيحصل منه مش عاجب المجتمع الاسرائيلي 🤔 " .... يلاااا ما علينا 🤷🏻‍♀️

♦النقب :
تخيلوا اني لما كنت بنزل اخبار عن النقب و انها لا تقل خطورة عن غزة
اه مفيش ابادة فيها
لكنها خطرة جدا
و هي دي حدودنا الفعلية مع الكيان

كان البهايم الشاردة يقولوا اصلها مبتحبش حماس عشان كده مش بتهتم بغزة 🙄
🔹احب اقولكم ان اسرائيل قررت اتباع نفس النهج المصري في رفح و العريش .. انها تحمي الارض بالتعمير

و نقل السكان
اسرائيل قررت بناء 4 مستوطنات في النقب متآخمة مع الحدود المصرية
رئيس المجلس المحلي للنقب عوران دورون و اللي بتمثل ثلث مساحة اسرائيل .. عمل رؤية هو كمان بس 2030 بقا ... لا دي ناس رتمها اسرع
الرؤية الصهيونية 2026 :
بتضمن بناء مجتمع زراعي و سكني في النقب بالتجاور مع الحدود المصرية
و في اجتماعه مع لجنة الشئون الخارجية و الامن في الكنيست قالهم ان السلاح بيدخل عبر " فتحة نتزانة " اللي بتربط الحدود المصرية بالنقب
و دي بؤرة امداد ارهاب
و مش هينفع نتواجد فيها عسكريا عشان رد الفعل المصري
بالتالي لازم يتعمل اعمار للمكان بالمستوطنين
قسم خطته علي 3 مراحل :
* الدائرة الاولي : جدار حدودي يكون مسئولية الجيش " اسرائيل هتعيش جوا علبة من الجدران ... احسن خلونا نرتاح من خلقهم 🙄"
* الدائرة التانية : تعاون من الشرطة و الشاباك لتأمين المنطقة
* الدائرة التالتة : نقل 1000 اسرة للنقب لتكون نواة الاستيطان

مع زراعة 300 قطعة زراعية و الاسر اللي هتتنقل تكون مزارعين

و كمان هيعمل منطقة سياحية تربط " فتحة تنزانة " ب" فتحة شلوم " للمزارات الدينية
و هيعمل مدارس علي اعلي مستوي
و الحياة هناك رائعة
و الصحرا مع الزراعة مع المزارات السياحية هتكون مصدر ايرادات للاقتصاد

و سيموتريتش بيتعهد بتقديم حوافز ضريبية جيدة للاسر اللي هتنتقل و تزرع هناك و تعمل مشروعات سياحية 🤷🏻‍♀️🤷🏻‍♀️

بالذمة و الدين ده منظر ناس ممكن تتفاهم حتي في اقتراح حل الدولتين و لو بعد 1000 سنة حتي 😏

اخدوا مننا الفكرة
و بيطبقوها بالمللي 👌🏻👌🏻

اعتقد ان احنا لم نعد نملك رفاهية الوقت للصبر اكتر من كده في نقل عائلات مصرية من المحافظات الداخلية الي العريش و رفح و شمال سيناء عموما
و ان الانتقال هناك اصبح واجب وطني
مهندسين و اسرهم .. مدرسين بقا دكاترة صنايعية
المهم تواجد المصريين المدني في سينا لا يقل اهمية عن التواجد العسكري 👌🏻👌🏻

الامور بتجري بسرعة جدا في كل الاتجاهات
و لازم ردود افعالنا تكون علي نفس القدر من السرعة

♦السعودية :
و هناخد بس نبذة بسيطة :
بن سلمان يوم الاتنين في واشنطن
هيناقش 3 حاجات :
▪ اسهم ارامكو ازاي يسوقها اكتر في امريكا و الحكومة الامريكية تستثمر فيها
▪ المصروف الشهري اللي هيديه للمتحالف الجولاني عشان يحميه من ايران
▪ انضمام السعودية لاتفاقية ابراهام

يلا بخاطرهم بقا 🙄🙄
-------------------------------------------
الصراحة كنت عايزة اتطرق للغرب كمان لان في احداث كتير
بس هبقا طولت بزيادة
ف هعملها في رقعة تانية .. ونكتفي ب منطقتنا الموبوءة فقط في دي 👌🏻👌🏻

🔘 لسه الرقعة مبردتش 🤷🏻‍♀️🤷🏻‍♀️
♦صرح احمد عبد السلام حاكم الادارة المركزية الديموقراطية لشمال و شرق سوريا " الاكراد " : لوكالة نوفوسيتي ناااااو
ان اندماج قوات قسد مع الجيش السوري هو امر مستحيل
لان الاندماج يتطلب :
▪اعادة صياغة الاعلان الدستوري
▪انشاء جيش سوري موحد
▪ضمانة امنية لسكان الشمال من الاكراد
▪انتقال السلطة من سلطة انتقالية الي سلطة شرعية

ازااااي يا جدع ده عماد مأكدلي و كاتب صحيفة عن اندماج قسد 🤔🤔

عشان متبقوش تحشروا نفسكم في الشغلانة عافية .. معلش سهرناكم 😎😎

🔵 ايه الجمال و الحلاوة و الرقي و العظمة دي
انا من امبارح و انا غرقانة في #دولة_التلاوة .... دولة الحلاوة

كان جدي يقولنا لو سمعت القرآن و أذنك لم تخشع و روحك لم تستكين فراجع خشوع و لين قلبك
و ده شئ معتمد علي القارئ
انا من امبارح بدمع و بقشعر بسسسس .. و بقول الللللله 🤷🏻‍♀️

شباب زي الورد من حفظة القرآن
اثاروا فيا انا نفسي الغيرة ناحية اتعلم احكام التلاوة مش احفظ بس

تابعوا البرنامج و خلوا اولادكم يتفرجوا علي الشباب الحملة لكتاب الله
قدوة حسنة و الله

لا انا هعمل فيها الناقد الفني و انتقد اللجنة و الاستديو و الاخراج ... انا هستمتع بالحناجر الذهبية فعلا
انا بقيت من مريدي الشيخ عمر و الشيخ عبد الله خلااااااص طفلين اصواتهم من الجنة ❤

تقريبا دي اول حاجة كويسة تعملها المتحدة من رمضان اللي قبل الماضي
و ياريت نكمل 🙏🏻

🔵 كل انجاز بيتعمل في اتجاه اني اشوف بهية زي ما بحلم لها
بتحقق لي حالة من السعادة الداخلية
و بتغمرني بالتفاؤل

انا بطبعي شخص متفاءل زيادة عن اللزوم
متفاءل لدرجة العشم
و عمري ما قولت عم عشم مات دي ابدا
لأن العشم و الامل و التمني باقي ببقاء الله عز و جل 🙏🏻

📌 مبروك لمصر و للمصريين الصابرين دخولنا نادي النووي " السلمي " 😎

▪ وضع هيكل الاحتواء لمفاعل الوحدة الاولي
▪ توقيع امر شراء للدفعة الاولي من الوقود النووي بين الرئيسين عبد الفتاح السيسي و فلاديمير بوتين

احتفال ب انجاز فعلي ... شايفينه علي الارض
لا عناوين صحف و لا مأدبة عشاء فاخرة لزوم اشتغالة الزبون 😌 ... و لا مكلمة فارغة

مصر إن أرادت .. فعلت 👌🏻

علي مدار التاريخ و من حقبة القيصريات و الامبراطورية الروسية
السوفييت حليف جيد جدا و صادق جدا " ده تصنيف علمي في بروتوكول تاريخ الدول مش رأي شخصي علي فكرة 👌🏻"

ربنا يتمها علينا بخير
خطوة لها مردود اقتصادي كويس
هتدخل ارباح وايرادات بمجرد دخول المفاعل الخدمة ... و الايرادات دي هتخفف عبء الموازنة جداااا و هتساعدنا نسدد ديوننا بأمر الله

بهية تستحق الحب ❤

🔵 بيقولك هنديهم F 35 بعد 6 سنين
و هنتفق علي خطوات و مسار الدولة الفلسطينية 🙈🙈🙈

🔵 بمناسبة تحديد مسار حل الدولتين و اقامة الدولة الفلسطينية و البلا بلا بلا ده :

قرار مجلس الامن امبارح اساسا ألغي فكرة اقامة دولة فلسطينية
دي الحقيقة المرة
اصل محدش من متعاطي مخدر الوهم .. بيكلف نفسه و يبحث في دفتر محاضر مجلس الامن
هيلاقي التفاصيل كلها 🤷🏻‍♀️🤷🏻‍♀️

♦ مجلس الامن امبارح صادق بأغلبية علي خطة ترامب لاحلال السلام في غزة
مع امتناع روسيا و الصين عن التصويت " و هما احرار "
و ترحيب وزارة الخارجية الفلسطينية و ابو مازن " و هقولك ليه "

📌 ايه هي اطروحة مشروع قرار الجلسة 👈🏻 نشر قوة دولية في غزة مع احتمالية تحديد مسار "من الممكن " ان يعتبر تمهيد لاقامة دولة فلسطينية في المستقبل 🙄
" من الممكن في مجلس الامن معناها في المشمش 🤷🏻‍♀️ "
و التزام دول العالم و المؤسسات الدولية بال 13 بند الموضحين في خطة ترامب و اعتبارها إلزامية 👌🏻

♦نستعرض مع بعض يا ولاد ال 13 بند اللي اتقدموا .. و نعرب ما تحت الخط و نستخرج كده دولة فلسطينية من بين العبارات 🙄
1/ ستكون غزة منطقة خالية من التطرف والإرهاب ولا تشكل تهديداً لجيرانها
2/ ستتم إعادة تنمية غزة لصالح شعب غزة الذي عانى كثيراً
3/ إذا وافق الطرفان على هذا الاقتراح، تنتهي الحرب فوراً، وتنسحب القوات الإسرائيلية إلى الخط المتفق عليه استعداداً لإطلاق سراح الرهائن 👈🏻 الخط المتفق عليه اللي هو الخط الاصفر و اللي بيمثل 14 الف كيلو متر من مساحة غزة 🙄
4/ في غضون 72 ساعة من قبول إسرائيل علناً لهذه الاتفاقية، سيتم إعادة جميع الرهائن، الأحياء والأموات
5/ بمجرد عودة جميع الرهائن، يُمنح العفو لأعضاء حماس الذين يلتزمون بتسليم أسلحتهم، ويُوفَّر لأعضاء حماس الراغبين في مغادرة غزة ممرٌ آمنٌ إلى الدول المُستقبِلة
" و بمناسبة البند ده 👈🏻 ياسر ابو شباب و بعض المليشيات المسلحة كانوا في لقاء امبارح مع القناة ال 14 الاسرائيلية .. وتعهدوا بتطهير رفح من الارهاب بيت بيت و شارع شارع
و بمناسبة المسار بتاع الدولة الفلسطينية 👈🏻 تم تكليف ابو شباب بالقضاء علي ال 200 حمساوي اللي محشورين في البلاعة ماداموا رافضين يسلموا سلاحهم 🤷🏻‍♀️ "
6/ عند قبول هذه الاتفاقية، سيتم إرسال المساعدات كاملةً إلى قطاع غزة فوراً، ستكون كميات المساعدات متوافقةً مع ما ورد في اتفاقية 19 يناير 2025
" و احنا مش مقصرين الحقيقة 🙄"
7/ سيستمر إدخال المساعدات وتوزيعها إلى قطاع غزة دون أي تدخل من الطرفين، وذلك عبر الأمم المتحدة ووكالاتها، والهلال الأحمر، بالإضافة إلى المؤسسات الدولية الأخرى غير المرتبطة بأي طرف. وسيخضع فتح معبر رفح في كلا الاتجاهين لنفس الآلية المعمول بها بموجب اتفاقية 19 يناير/كانون الثاني 2025
8 / بمجرد إطلاق سراح جميع الرهائن، ستفرج إسرائيل عن 250 سجيناً محكوماً عليهم بالسجن المؤبد، بالإضافة إلى 1700 غزّي احتُجزوا بعد 7 أكتوبر/تشرين الأول 2023، بمن فيهم جميع النساء والأطفال المعتقلين في هذا السياق. ومقابل كل رهينة إسرائيلي يُفرج عنه، ستفرج إسرائيل عن رفات 15 غزّياً
9/ ستُدار غزة في ظل إدارة انتقالية مؤقتة من قِبل لجنة فلسطينية تكنوقراطية غير سياسية، مسؤولة عن إدارة الخدمات العامة والبلديات اليومية لسكان غزة.
وستتألف هذه اللجنة من فلسطينيين مؤهلين وخبراء دوليين، بإشراف هيئة انتقالية دولية جديدة، هي "مجلس السلام"، برئاسة الرئيس دونالد ترامب، وأعضاء ورؤساء دول آخرين سيتم الإعلان عنهم لاحقاً، بمن فيهم رئيس الوزراء السابق توني بلير
10/ سيتم وضع خطة ترامب للتنمية الاقتصادية لإعادة إعمار غزة وتنشيطها من خلال تشكيل لجنة من الخبراء الذين ساهموا في ولادة بعض المدن الحديثة المزدهرة في الشرق الأوسط
11/ سيتم إنشاء منطقة اقتصادية خاصة مع تحديد تعريفات ورسوم دخول مفضلة سيتم التفاوض عليها مع الدول المشاركة
12/ لن يُجبر أحد على مغادرة غزة، وسيكون لمن يرغب بالمغادرة حرية المغادرة والعودة، وسنشجع الناس على البقاء ونوفر لهم فرصة بناء غزة أفضل
" لا صاااادق و مطار رامون و شركة المجد اوروبا و جنوب افريقيا و كينيا يشهدوا 🙄 "
مش ده تهجير طوعي بردو 🤔
13/ توافق حماس والفصائل الأخرى على عدم الاضطلاع بأي دور في إدارة غزة، سواء بشكل مباشر أو غير مباشر أو بأي شكل من الأشكال
وسيتم تدمير جميع البنى التحتية العسكرية والإرهابية والهجومية، بما في ذلك الأنفاق ومنشآت إنتاج الأسلحة، ولن يُعاد بناؤها

دي البنود اللي تم التوافق عليها في قرار امبارح بالحرررررف من محضر الجلسة
" و دوروا ورايا 🤷🏻‍♀️ "

فين يا باشا دولة فلسطينية دي 🤔
اصلا غزة هتبقا منطقة اقتصادية حرة مشتركة " لحين تسليمها لاسرائيل 🤷🏻‍♀️"

قرار مجلس الامن : و بناءا علي نجاح الجزء الاول من خطة الرئيس الامريكي دونالد ترامب و قبولها من اغلبية الدول و دعمها من الدول العربية و الاسلامية
تعلن إلزام امني لمجلس الامن و كافة المؤسسات الدولية ... و يتولي الرئيس الأمريكي تنفيذ بقية بنودها

هاااا لسه هنناهد و نقعد نكتب للناس خزعبلات و نعشمهم بأوهام بردو 🤔

📌 ليه السلطة الفلسطينية رحبت برغم ضياع غزة " و اللي هيعقبه قريب ضياع الضفة " 👈🏻 نكاية في حماس
ان حماس تغور برا فلسطين
و تتحول السلطة للمصدر الوحيد لتلقي اموال المنح و التبرعات للبقية المتبقية من الفلسطينيين 🤷🏻‍♀️🤷🏻‍♀️

🔹جملة " اقامة دولة فلسطينية " دي .. جملة للاستهلاك الاعلامي فقط
من اجل ارضاء الدهماء الشعبي فقط

امريكا لااااا تجرؤ مخالفة الصهيونية العالمية


انا عارفة ان الكلام اللي بكتبه دايما مخالف للموجة الساذجة بتاعت الاراء الشخصية اللي ماشية في السوشيال ميديا
لكن بعد يوم .. اسبوع .. شهر .... و احيانا سنة
بتيجوا تقولوا چيلان قاسم كانت صح و عرضت علينا الامور بمنتهي الامانة
مش دور العلم ابدا اني اجاملك و اداعب رومانسيتك ... دوره اني اعرفك الحقيقة
حقيقة العالم اللي انت عايش فيه 👌🏻👌🏻

🔵 قابل الحيوانات الفيل يجري فزعا خارج الغابة
ف استوقفه القرود متسائلين : لماذا تجري هكذا ايها الفيل الضخم ... ما الذي يخيفك
🔸ف اجابهم : لقد قرر مولانا الاسد قتل جميع الزرافات .... ربما وشي احد بهم وشاية كاذبة اغضبته ف قرر قتلهم

🔸فضحك احد القرود قائلا : و ماذا يخيفك و تجعلك تهرب ... أنت فيل و لست زرافة

🔸ف تنهد الفيل في أسي : لقد قام الاسد بتكليف الحمير بإدارة الموقف
ف هل تثقون في الحمير ايها القرد

🔸ف أجابه القرد : حينما يعتمد الاسد علي حمير ف اعلم ان المأساة موشكة الحدوث ... هيا لنهرب معا يا صديقي الفيل 😏😏

📌 ملحوظة : هذا البوست هذلي و غير واقعي و اي تشابه بينه و بين الواقع ف هو علي سبيل الخطأ المقصود 😎😎

🔵 #الزيارة_التريليونية:

بعد متابعة زيارة ولي العهد السعودي لامريكا .. بتفاصيلها الغريبة
سواء بالاحتفاء المبالغ فيه من ترامب .. او بالوعود السخية من الطرفين
اقدر بقا اكتب عنها .. انا مبعرفش اكتب دون الغوص في التفاصيل👌🏻

🔘 التزامات بن سلمان :
▪الانضمام لاتفاقية ابراهام
" و ده كان في تصريح للصحفيين : نعمل علي الانضمام لاتفاقية ابراهام و نرغب في ذلك "
▪رفع الاستثمارات السعودية في امريكا الي تريليون دولار
و من ضمن الاستثمارات دي 👈🏻 توجيه جزء تمويلي للاستثمار في جزيرة ترامب الخاصة في المالديف
" من قبل انتخابات امريكا و ترامب اشتري جزيرة بالقرب من سواحل المالديف و عايز يحولها لاشهر منتجع سياحي باسم ابنه بارون .. شريك فيها ايلون ماسك
و عايز يبنيها بدون ما يدفع من فلوسه الخاصة 👌🏻
هنا بن سلمان بيطلع فلوس الشعب السعودي من اجل مستر بريزيدنت بارون ترامب 🙄 "

📌 هل السعودية عندها المقدرة المالية دي 🤔
▪قيمة الديون المباشرة علي الحكومة السعودية 319.7 مليار دولار في نهاية ديسمبر 2024
بزيادة قدرها 40 مليار عن العام 2023 كانت 280 مليار دولار
طيب في نهاية سبتمبر 2025 الربع الثالث من السنة 👈🏻387.6 مليار دولار
يعني في 9 شهور فقط زادت 68 مليار دولار تقريبا
و في يوم 10 اكتوبر اصدرت سندات ب 2.3 مليار دولار
و يوم 2 نوفمبر سندات ب 1.3 مليار دولار
و يوم 11 نوفمبر سندات ب 600 مليون دولار
و في اصدارين هيكونوا في ديسمبر قيمة كل منهم 1.1 مليار دولار

يعني هيقفل السنة بإجمالي ديون مباشرة 393 مليار دولار " 60% منها قصيرة الاجل "

اما اجمالي الديون علي الاقتصاد السعودي 👈🏻 1.319 تريليون دولار متصدر ديون دول الخليج
في حين ان الناتج المحلي السعودي لعام 2024 كان 1.27 تريليون دولار

🔸مع مرور الوقت بدأت تظهر فجوة اقتصادية
اكترها حدث من تمويلات بلا عائدات .. و انفاق في غير محله
" و ده نتيجة طبيعية لاي عشوائية اقتصادية و انفاق بدون تخطيط .. و احنا في مصر بنعاني منه علي فكرة ... ف انا لا بهاجم و لا بقيم اداء اقتصادي .. انا بشرح لك وضع قائم 👌🏻"

🔹هل بن سلمان هيقدر يكمل علي كده
انا بقولك مستحيل
خصوصا انه جرب اللجوء لايرادات غير نفطية ... و فشل 🤷🏻‍♀️
و الناس في المجتمع السعودي بدأت تعاني ... و اللي انهاردة ملموم و مستور
لغة الارقام فضاااحة .. ف بكرة هيتعرف 🤷🏻‍♀️

🔷🔶 كلام كتير و تعليق آمال علي هذه الزيارة انها هتحيي الامل في اقامة دولة فلسطينية
و ده بناءا علي الجولات السابقة للدبلوماسية السعودية
احنا هندخل اتفاقية ابراهام بشرط اقامة دولة فلسطينية
📌 لكن الكلام اتغير تماما
تحول الي 👈🏻 طلبنا من الرئيس ترامب امكانية تحديد بعض المسارات لاقامة دولة فلسطينية واخبرنا به لذلك نسعي للانتهاء من خطوات الانضمام لاتفاقية ابراهام

و الحقيقة ترامب قاله : اااه طبعا .. انت مشوفتش مجلس الامن اللي وافق علي خطتي و لا ايه
بعد الفترة الانتقالية هنبقا نشوف ان شاء الله 🙄 " هو ده المسار 🤔 "

انا مهتمتش اوي بموضوع دولة فلسطينية ده .. لاني عارفة ان خلاص الموضوع ده اتقفل و اي كلام عن دولة فلسطينية هو كلام دبلوماسي استهلاكي او محض هراء 🤷🏻‍♀️🤷🏻‍♀️


▪توقيع اتفاقية الدفاع المشترك مع الولايات المتحدة
" طب احنا عرفنا ان لو تم الاعتداء علي السعودية امريكا هتروح تضرب اللي يضربها .. طب لو امريكا ضربت حد بقا
السعودية هتدفع وتمول 🤔 "

📌 الوضع الاقتصادي الامريكي گ اقتصاد دولة .. سئ
و ناتج عن هذا السوء تردي في احوال المواطن و زيادة في ارقام البطالة و ارقام طلب الاعانات الاجتماعية
و لكن ترامب هيخوض عمليتين عسكريتين
واحدة في نيجيريا " و اظن بوكو حرام مش مقصرة و بتنفذ تعليمات ال CIA بالحرف "
و التانية في فنزويلا
و يوم 24 نوفمبر التصويت علي الضربة العسكرية

▪سنة 2001 الملك فهد ضخ استثمار مباشر حوالي 117 مليار دولار " سندات امريكية "
دخلوا في تمويل الضربة العسكرية علي افغانستان و احتلالها
▪سنة 2002 في شهر نوفمبر الملك فهد بردو ضخ حوالي 132 مليار دولار " سندات و تمويل خزينة بأذون خزانة "
في يناير 2003 بوش الابن قال انه قدر يوفر تمويل لمشاركة الناتو في تأديب صدام حسين
▪في 2013 .. 2014 .. 2015
سندات الخليج المباشرة ذات الدفع المباشر
شوفنا اثارها في سوريا
و الضربات المتتالية اللي دمرت سوريا

انا لا اتهم احد
لكن هي مجرد تفصيلة جت في دماغي
امريكا بتضرب المسلمين و بتقتلهم بفلوس المسلمين .. مبتدفعش من جيبها عشان تقتلنا
لله الامر من قبل ومن بعد 🤷🏻‍♀️🤷🏻‍♀️


🔘 في المقابل :
امريكا هتبيع للسعودية الطائرات المقاتلة F 35 بعد 6 سنين
و ابقوا تعالوا قابلوني 🙄

اي حد علي ظهر هذا الكوكب يظن ان امريكا ممكن تبيع سلاح لأي دولة في المنطقة دون موافقة اسرائيل مش هقول ساذج .. لا ده اهبل
و اسرائيل مش هتسمح ان اي دولة في المنطقة تحصل علي تكنولوچي مش يضاهيها بقا ... لا ده يقترب منها بمسافة 10 سلالم لتحت حتي 🤷🏻‍♀️🤷🏻‍♀️

يعني القصة كلها ضحك علي الدقون .. نصباية علي زبون اتعمله استقبال فخم
و بروتوكول تاريخي
و تعالي يا قناوي يا ولدي البس جلابية الفرح هنومة مستنياك
و يلا نوقع عقود ال F 35 و هتبقا شبحي يا ولا و الرادرات مش هتجيبك
" رادارات مين سعادتك اخر حرب دخلوها كانت العلقة اللي اكلوها من ابراهيم باشا 🙄"

📌 بعد 3 سنين حضرتك مش هيكون في ترامب في الرئاسة 🤷🏻‍♀️
و هيكون في كونجرس جديد
و في جلسات استماع من اجل التصويت علي بيع الاسلحة
و في انتهاكات حقوق انسان و جريدة تحت بير السلم فيها خبر ان مواطن سعودي قال احم و مواطن اسرائيلي بيشرب الشاي راح زور زي عبعال و سكينة كده ... و هيعتبر ده معاداة السامية
و اكتشفنا ان في صحفي سعودي معتقل ... و ان في شابين سعوديين اتجلدوا بسبب تلبسهم بفعل الشذوذ و ده ضد الحرية الشخصية

يا عزيزي جراب الحاوي الامريكي لا يخلووووو من المبررات
و كلها طبقا للقانون و الدستور و المبادئ ذات الثقل للكونجرس 🤷🏻‍♀️

لكن هيكون سبق السيف العزل بقا
و يكون دخل في الاتفاقية الابراهيمية .. و الشركات الاسرائيلية بتمرح في الداخل السعودي و مقاولات و سياحة و قطاع بنكي ..... و لو حبيت تفك التشابك و تخلع منهم
لن تستطييييع و عليك التكيف مع الخازوق اللي انت لبسته لنفسك🤷🏻‍♀️🤷🏻‍♀️
" توفيق الحكيم لما كتب قصة الحمار الطموح كان عنده نظرة مستقبلية لما اختار الاسم 😒 "

مخرجات الزيارة ان السعودية قدمت كل حاااااجة .. و خدت بالباقي لبان حرفياااا
و ان مظاهر الاستقبال و العشا الفاخر و المدعوين الاليجانت ده تغطية علي التنازلات دي كلها 👌🏻

♦في كلمتين واقفين في زوري هموووت و اقولهم 🙄
يبدوووو ان دعوة ترامب الكونجرس للتصويت علي الافراج عن وثائق جزيرة چيفري ابستين .. مجرد شو متفق عليه مع الجمهوريين داخل الكونجرس
الهدف منه ابتزاز بعض المتورطين و الخروج منهم بأكبر مكاسب لامريكا و اسرائيل في شكل اتفاقات وهمية امام العالم تخفي بداخلها الابتزاز 🤷🏻‍♀️🤷🏻‍♀️
ملحوظة :
هذا البراجراف ملوش علاقة بالكلام اللي فوق .. دي خاطرة كده خطرت علي بالي ف حبيت اشاركها معاكم عشان نتابع سوا الايام القادمة تحركات ترامب ... مش اكتر يا جماعة 😌🤷🏻‍♀️🤷🏻‍♀️

🔘 كنتوا سألتوني : ليه تركيا ماسكة اوي في جلابية مصر في حوار السودان و قوات ومسيرات 🤔

📌 جاوبت ان في سببين :
▪الاول : عشان جانب الجيش السوداني يدعمه الاخوان المسلمين
▪ التاني : هتطلع بسبوبة طبعا من ورا الدهب

اتفضلوا تأكيد كلامي ☝🏻☝🏻
كدبتش عليكم اناااا 🤷🏻‍♀️🤷🏻‍♀️

🔵 صباح الخير 🌺

انا حابة بس ألحق بعضكم قبل ما ينجرف في استفزاز بيقوده شخصية معينة ... يبدوووو ان الظابط " البريطاني " بتاعها مكلف هذه الشخصية بأچندتين
▪الاولي : التشكيك في الانتماء للوطن باستخدام الدين
▪الثانية : الترويج لفكرة عدم مصرية الحضارة و انتماءها لأرض مصر ... و اقناع المصريين بفكر الافروسنتريك و ان المصريين اصلهم اثيوبيين

و انا بحب اربط كل حاجة بالسياسة و الاجندة السياسية ... اقل تفصيلة بتدور حواليا لها تأثير و دور 👌🏻

🔸في الوقت اللي اثيوبيا فيه بتززززن علي توتر عسكري معين .. و بتستفز مصر بشكل معين
و عايزة تتجرأ علي السيادة المصرية في اريتريا و چيبوتي
و بتتلقي دعم مباشر من اسرائيل .. سواء بمنظومات تسليح او بمنح مالية عشان تلحقها انها لا تعلن افلاسها و تبدأ تعرض اصولها للبيع

ف يكون السد اللي بيرازي مصر معروض للبيع .... و يمكن التحكم فيه من جهة غير اثيوبية 🤷🏻‍♀️
لذلك منحت اسرائيل اثيوبيا ما يزيد عن 3.5 مليار دولار " من اموال دافعي الضرائب الامريكيين 🙄 "

بنتعرض فيه لترويح اجندة بتقول يا مصريين انتوا اصلكم اثيوبي
و مفيش حاجة اسمها الچين المصري
و الاجندة دي طلعت بعد الدراسة اللي عملها العقيد طارق طه و اللي استخدم فيها عينة مليونية من المصريين لتحاليل الخريطة الچينية بتاعتهم ... وتمت في المعامل المركزية للقوات المسلحة
عشان تكون تحت حماية و بدون التعرض لتأثير او تهديد " اي مروج لرواية كاذبة ألصقت بالتاريخ عنوة 👌🏻 "
و بيثبت ان المصريين بيحملوا الDNA الخاص بالملك توت عنخ امون بنسبة 93.4%
🔹 ثم بعد ذلك تظهر برديات في البر الغربي تثبت استقدام بعض العبيد من الجنوب المصري " مجرد عبيد " للمساعدة في مهنة الزراعة و التوسع في الافدنة الزراعية
و ده سبب ظهورهم في الجداريات المصرية متخذين وضع الانحناء علي الارض و مقيدين بحبال من الرقبة
لما كانوا عايزين يعملوا تمرد في عهد الاسرة الثانية و العشرين
ثم برديات الملوك السود في الاسرة 25 زي الملك بعنخي و ابنه الغير شرعي طهراقا
" الملوك المصريين و عموم الشعب مكنش عندهم ابناء غير شرعيين و كان الزنا جريمة و الزواج مقدس "
كانوا مجرد ملوك غزاة
زيهم زي ملوك الهكسوس

لا ابناء مصريين و لا يمتوا للمصريين بصلة
فجأة كده اتفرضوا علينا و بقوا اسلافنا .... مع ان كل الجداريات تثبت ان المصريين لم يزوجوا بناتهم للعبيد و لم يتزاوجوا معهم
و ان سمرة بشرة ابناء مصر العليا ليست ك سواد بشرة الكوشيين 🤷🏻‍♀️🤷🏻‍♀️

ف المفروض بقا ان العقل الجمعي المصري حاليا يبدأ يستقبل اجندة ظابط ال MI 6 البريطاني
و يدين بالولاء لجده الاثيوبي .. و ياخد موقف معادي للقيادة المصرية او علي الاقل موقف غير راضي عن توجهات القيادة المصرية

و نخلق حالة من الوعي الجمعي المزيف تجاه اكذوبة معينة .. بتقول ان مفيش حاجة اسمها مصر و ان اصل الحضارة اثيوبيا

و الغريب يا اخي ان الاجداد الاثيوبيين الاوائل فشلوا انهم يبنوا اي مشهد او دليل او ثابت واحد علي انهم اصحاب الحضارة في اثيوبيا ... و جم بقا في الشمال بنوا كل حاجة و شيدوا الاهرامات و المعابد و المسلات

طب مفيش اي بناء واحد في اثيوبيا ليه 🤔
مكنوش عارفين يطلعوا تراخيص من الحي و لا ايه 🙄

حتي يا اخي اهرامات السودان .. تم بناءها في عهد الاسرة ال 25 الغزاة
يعني اخدوا فكر و هندسة التشييد و نفذوه عندهم
و فشلوا بردو
لان المصريين مفرطوش في كل الاسرار .... و فشلوا يولدوا الطاقة من اهراماتهم 🤷🏻‍♀️🤷🏻‍♀️

غريبة ان مفيش مراكب شمس الا في مصر و في النيل المصري
مفيش في اثيوبيا ليه 🤔
مكنوش لاقيين ركنة و خايفين يركنوا صف تاني 🤔
" ااااه بالمناسبة مكتشف مراكب الشمس العالم المصري المسيحي كمال الملاخ "
وقتها بقا ملحقهوش ال MI 6 و الا كان ممكن يقولنا ان اسمها مراكب البخور الاثيوبي 🤔

🔷🔶 فكرة الافروسينتريك بالرغم انها فكرة استيطانية
و مدفوع عليها مليارات الدولارات و متجند لها عشرات الخونة .. لترويجها
الا انها مش بتخوفني نهائيا

لأن المصري بطبعه منتمي لهويته
و عارف مين جدوده
و ان شمس الحقيقة بزغت بالفعل
و في ناس بدأت تعلن عن كعبة الاسرار و تقول المعلومات اللي هتغير مجري المستقبل و تهدم اكاذيب التاريخ

الافروسينتريك يا سادة مش اجندة عشان يسرق منك المعابد و المسلات
نوووووو
الاجندة دي هدفها الحفاظ علي الرواية التوراتية للعبرانيين فقط لا غير ..... هدفها انه يقنعك ان المصريين ابناء هاجر الجارية و ليسوا ابناء ساراي الاميرة
بالرغم ان هاجر اميرة بنت ملك و اخت ملك .... و ساراي امرأة حرة و ليست جارية و لكنها ليست ب أميرة 🤷🏻‍♀️🤷🏻‍♀️

هدفها انه يعبث بمؤسساتك الدينية و يجذبك ناحية ان الفكر المصري ثقافة و ليس چين و لا عرق و لا دين
ف ايه رأيك لو نوحد ثقافتنا و رؤيانا و ايديولوچياتنا تحت فكر معين ... و يطلع ايه بقا الفكر ده يا استاذ 🤔
يا اخي متبقاش معقد ما كلنا بننتمي لابراهيم 🤷🏻‍♀️🤷🏻‍♀️
" اظن بقت واضحة اهوووو "

بيهيأك لتمزيق اعتزازك بمصريتك و بملوكك الاصليين و بيكذب عليك و يقولك ان عاااادي يكون جدودك غزاة يا اخي ... ف انت تقبل فكر الاحتلال واحدة واحدة
مع تفشي عديمي الشرف و الاصل و الاوطان وسطنا و اللي طبعاااا لازم هيأثروا علي ثقافة اطفالكم
ف تتحول فكرة الوطن لمشاع 🤷🏻‍♀️🤷🏻‍♀️

📌 اللي اخدوه من كارتر سنة 1920 من مسروقاته و خبوه عندهم في بريطانيا تخوفا من تدمير مخططاتهم لنقل اليهود الي فلسطين و بناء اسرائيل للفصل بين سكان المنطقة العربية
لازم يستقتلوا علي اخفاءه لاخر العمر طبعااا
و لازم يشتروا ذمم و شخصيات لقيطة عشان تعبث بالتاريخ المصري و الانتماء 🤷🏻‍♀️🤷🏻‍♀️


و ده شئ هيفشلوا فيه تأكدوا 👌🏻👌🏻
في معامل في مصر بتعمل التحليل الچيني زي معمل چين لاب
و الهلال الاحمر المصري كمان بس مش مجاني
ف اللي عايز يعرف تكوين خريطه الچينية ممكن يروح عادي و يعمله

بس رجاءا اللي يطلع في خريطه چين اثيوبي و لا تركي و لا اشوري ميعمموش علينا
يعني يشوف ايه تاريخ عيلته
و مين الجدة المغتصبة من اسرته و سبب احتفاظها بجنين السفاح و يحل مشاكله الاسرية بعيدا عن مصر عشان دي منطقة اعراض 🤷🏻‍♀️🤷🏻‍♀️

و اللي حابب ينتمي للاثيوبيين ف مش محتاج يتكسف من بسبوره المصري
و يروح عندهم
هما متجمعين مع حثالات الشعوب في الدقي عند بنزينة on the run قدام محكمة مجلس الدولة
الاشارة اللي هناك اسمها ايه .. اشارة الدالي تقريبا
بيتسولوا و بيلمعوا ازاز العربيات و شايلين صناديق تلميع الاحذية " ألمع يا بيه و اورنش ورنيييييش 🙄 " و بيطلع لهم من عشور الكنيسة المصرية اعانات لوجه الله عشان اطفالهم .. برغم انهم مبيدخلوهاش لصلاة و لا لقداس مجرد التسول

لا عيلة واصل يشرف الحقيقة 😒😒

( حابة اعترف لكم اعتراف صغنن 👈🏻 انا شخص عنصري جدااا ضد كل ما هو غير مصري .. و غربتي لم تنجح في تخليصي من هذه العنصرية بالعكس زادتها 🤷🏻‍♀️ )

♦نتكلم بقا عن نموذج نسائي مصري مسيحي مشرف :
نتفاخر بيه مسلمين قبل مسيحيين
و ده لأن ال case officers لما بيجوا يختاروا .. بتقع منهم نقطة ان مصر أرض بلااااا طائفية
و ان اللعب علي الطائفية دايما هياخدهم و يلبس بيهم في حيط🤷🏻‍♀️🤷🏻‍♀️

🔘 ليلي هانم تكلا :
الدكتورة ليلي ابراهيم تكلا ام الشرطة المصرية
لقب غريب مش كده 🤔

لا انا هقولك بقا
الدكتورة ليلي تكلا اتخرجت من كلية الحقوق جامعة القاهرة .. عملت ماجستر و دكتوراه في عدة افرع من القانون " مش دكتوراه في علم مش موجود 🙄 "
من جامعة كاليفورنيا ثم نيويورك
▪ ارملة احد ابطال معركة الاسماعيلية من ضباط الشرطة
تركها زوجها و استقبل الموت بصدر رحب مفضلا بلده علي زوجته و ولديه
وعاشت ربتهم و انجزت انجازات مهولة في حياتها

خد عندك يا سيدي
▪اول سيدة تتقلد منصب رئيس العلاقات الخارجية لمجلس الشعب
▪رئيس صندوق الامم المتحدة التطوعي في مجال حقوق الانسان
▪عضو باللجنة التنفيذية لاتحاد برلمانات العالم و اول سيدة تترأس جلسة لهذا الاتحاد
▪لها مؤلفات في الدستور و القانون الاداري

و من اشرس المدافعين عن مصر في كل محافل حقوق الانسان و مؤسسات زي الهيومن رايتس
و كل ما يجوا ينتهكوا السيادة المصرية من باب ما كان يحدث في الاقسام و الحاجات بتاعت 25 يناير دي
يلاقوا ليلي هانم تكلا في وشهم بالمرصاد
و الاااااا التعدي علي السيادة المصرية و تفضح كل شرطة العالم
و لها اكتر من موقعة
و توصل للامم المتحدة مدافعة عن مصر

🔸ليلي هانم تكلا بتترأس جمعية نسائية لرعاية المرأة في المجتمع المصري للنهوض بيهم
بترعي المرأة المصرية من الطبقات الاجتماعية الفقيرة و اطفالهم
و اساس الجمعية ان تربية جميع الاطفال مسيحيين و مسلمين انهم اخوات
و بتنجح في ده بقالها سنين ما شاء الله 👌🏻

🔹يوم ما اتكرمت الدكتورة ليلي تكلا
اتكرمت من الرئيس السيسي سنة 2021 ... و قام السيد الرئيس بتقبيل رأسها تقديرا لما تقوم به من اجل مصر و من اجل اعتزازها بمصريتها في المحافل الدولية و تفاخرها الدائم بإنها تستخدم البسبور المصري في جميع سفرياتها للخارج 🤷🏻‍♀️🤷🏻‍♀️

" متكرمتش في شقة في حارة في ابو رواش من كيان ملوش وجود اساسا و لا معترف بيه في قناة بانوراما فوود حتي 🙄 "

دي اتكرمت في حفل تناقلته كافة وسائل الاعلام و نزلت صورتها علي مجلة تايم و لو موند


و بين هذه و تلك
تفرز الأيام البشر
لتنير وجوه و تطفئ اخري
و تضئ اسماء گ النجوم ... بينما من يتم تسليط الضوء الأبيض عليه
تتناقله الاحداث
الي ان ينفجر شريط التنجستين في ذلك المصباح .... ليعودوا الي عتمة اماكنهم مرة أخري 👌🏻

#مصريين_وكفي 👌🏻