رجاءا انتبه لنا
و اغفر لي ان تسببت في ضيق او تجاوزت في شئ
ف لو كنت كتمت غيظي داخلي كنت سأمرض حقا
و يكفيني كل ما بداخلي يمرضني

أعانك الله سيدي الرئيس
ومنحك دعوات المصريين الاطهار و جل دعواتهم هي البركة بذات نفسها 🤲🏻🤲🏻

🔵 صباح الخير عليكم :
فاكرين العركة اللي دخلتها مع الواد ده
و حلفت لكم انه مش ظابط

و دخل باص ال " مصطفي " الترددي القناة عشان يرددوا كلامه هو و بالبغل ابو قناع و يطعنوا في الجيش استنادا لكلام الرائد ايمن الكاشف .. رائد الصاعقة اللي نفسه الشعب ينزل يكسر الشوارع عشان عنده معلومات من زوووملاؤووه الظبابيط انهم هيطيحوا بالريس😂

📌 وبعد قليل من الاسئلة في اليومية العسكرية و اما قولتله انت يالا مدخلتش جيش اصلا و لا شوفت فيلم عبود ع الحدود حتي .. راح حظرني و جابلي حظر يوتيوب 48 ساعة

اتفرج يا سلام
الباشا الظابط اللي متقطع في الكتيبة موجود في بريطانيا .. و داخل من اب ستور تركي

فهمتوا لما قولتلكم مفيش حاجة اسمها الظابط الملثم و لا المتمرد و لا الهبد ده

يا باشا انت لو ظابط في الخدمة .. في ربع ساعة هيتجاب هو كتيبته ووحدته و اللوا و الفرقة بتوعه 🤷🏻‍♀️🤷🏻‍♀️
تليفوناته دي تتركب في فيمتوثانية و يتعرف بيدخل التواليت كام مرة في اليوم
الجيش مفيهوش القرف اللي في حياتنا المدنية اللي عاملة زي بلاعات الصرف الصحي 🤷🏻‍♀️🤷🏻‍♀️


و بهذه المناسبة:
احب اشكر الاخ الحبيب المحبوب ايلون ماسك علي الفضيحة اللي فضحها لهذه العناصر الغبية 😂😂

🔵 #عودة_الصراع_مع_المأجورين:

📌 چيلان شوفي كده البوست ده
هات البوست
( مصر اقترضت 2520 مليار جنيه في شهرين و علينا فوائد ديون في 2026 .. 30 مليار دولار و الدين العام 161 مليار دولار )

🔹هو اول سطر بس كفيل انه يضحكك
مليش دعوة مين اللي بيروج الكذبة دي ومش عايزة اعرف
خلينا في الارقام
▪مبدئيا : 2520 مليار جنيه = 53.6 مليار دولار علي حسبة الدولار ب 47 جنيه

ايه الجهة اللي اقرضت مصر 53.7 مليار دولار دي 🤔

حبيبي انا لو الحكومة بتاعتنا عندها القدرة انها تجيب المبلغ ده قروض في شهرين ... كان زمان صندوق النقد بيجري وراك تديره 🤷🏻‍♀️🤷🏻‍♀️

💫 ولو دي اموال ساخنة
ده انا ابعت ورد و شيكولاتة لمدبولي علي مكتبه 🙄
اجمالي الارقام الساخنة في مصر حاليا 34.5 مليار دولار
كلها علي بعضهااااا 🤷🏻‍♀️🤷🏻‍♀️

▪وايه 30 مليار دولار خدمة دين دي 🤔

انا الصراحة مبحبش أرد علي الارقام في نفس ذات اللحظة .. عشان لغة الارقام تحتاج دقة و مصداقية

♦شوف يا عزيزي :
اجمالي الدين 161.2 مليار دولار
🔸 المطلوب مننا سداده في 2026 :
مبلغ 29.19 مليار دولار

جه منين :
▪اجمالي مستحق 26.25 مليار دولار
مقسمين الي :
فوائد " خدمة دين " بقيمة 5.15 مليار دولار
و اقساط بقيمة 21.75 مليار دولار
تم زيادتهم بقيمة 0.28 مليار دولار
ثم 1.34 مليار دولار في اخر اغسطس 2025
ثم 1.32 مليار دولار في 15 اكتوبر 2025

🔹ايه الزيادات دي
او ايه معني زادوا بكذا ثم بكذا 🤔
دي حضرتك السندات و اذون الخزانة اللي بتصدرهم وزارة المالية و يعد دين قصير الاجل مدته لا تزيد عن سنة
لذلك يستحق السداد في 2026 👌🏻

📌 الشيء الكويس
ان من اجمالي المبلغ 29.19 مليار دولار
في وديعة سعودية بقيمة 5.3 مليار دولار مستحقة السداد في ابريل 2026
و دي بيتم تجديدها
يبقا احنا المفروض هنطرح قيمة الوديعة من اجمالي المبلغ
يبقا مطالبين بسداد 23.89 مليار دولار
" ده لحد انهاردة من واقع بيانات البنك المركزي
لحد يوم 24 نوفمبر 2025 .. لو تم اصدار اي سندات اخري او ادوات دين اخري من الحكومة تضاف علي المبلغ 👌🏻 "

ف انا معرفش ايه ال 53 مليار و 30 مليار فوائد اللي نطوا في وشنا فجأة كده بدون اصل
اي رقم في العاااالم له اصل 👌🏻

▪ف لو قولنا ان الاقتراض في اخر شهرين 1.34 مليار دولار + 1.32 مليار دولار
يبقا 2.66 مليار دولار × 27 جنيه = 125.02 مليار جنيه
مش 2.520 تريليون ابداااا 🤷🏻‍♀️🙄

ده تصحيح الهبل بتاع البوست
واعتقد انه يروح يموت بقا .. كفاية كده قرن ورا قرن تأذي في البشر زي الست اطاطا 😏

مش معني اني مش راضية عن اداء الحكومة الاقتصادي
اني هسكت علي ترويج الاكاذيب 👌🏻
---------------------------------------------------
🔘 طب يا چيلان مش عارف مين عمالين يقولوا اننا هنفلس و هنبيع اعضاءنا 🤔

سبق و قولتلكم قبل كده بدل المرة شخرومية .. الاقتصاد مش وجهات نظر و لا حدوتة قبل النوم
اللي ينزل بوست تحليل اقتصادي خااااالي من الارقام و المعادلات و لما يجيب رقم و تسأله عن اصله ميعرفش يرد
متسمعلوش تاااااني 🤷🏻‍♀️🤷🏻‍♀️

♦ خدوا المفيد منه :
احنا كنا خفضنا الدين من 160.5 مليار دولار الي 154.5 مليار دولار

و رجع قفز تاني القفزة دي
ليه و ازاي :
🔹 ليه 👈🏻 لعدم وجود ايرادات
🔹ازاي 👈🏻 عن طريق زوربيح الادوات المالية اللي بيصدرها كچوك بلا رقيب او حسيب
و عمااااال يصدر في سندات و اذون خزانة و هيغور في داهية .. و يسيب الطين في دقن صحابه 🤷🏻‍♀️🤷🏻‍♀️

📌 بمنتهي الهدوء و الصدق :
المجموعة المالية اداءها المالي زي الزفت
و مبيعملوش حاجة غير انهم يلموا فلوس يدفعوها للديون
و بيستثمروا استثمار سلبي في الدين " يعني بيسد الدين ب دين اخر .. و ده سبب لتفاقم الديون "

حلها ايه 👈🏻 يمشووووا و يتجاب مكانهم money makers ... ناس تعرف تجيب ايرادات
انما ماجستير و دكتوراه التسول مش هيجيب الا ديون
و انا اهو و انتوا اهو
كچوك ده علي ما يمشي هيسلمنا رقم الدين من 164 : 166 مليار دولار 👌🏻

🔹طب ليه كده .. ليه مفيش ايرادات 🤔
لأن الدولة لااااا تملك قطاعات اعمال كبيرة تدخل ايرادات للحكومة تسدد التزاماتها
و تصرف علي البنية التحتية و المشروعات التنموية و منظومة الحماية الاجتماعية
ف بتلجأ اما لتفتيش المواطن بضرائب باهظة تقطم وسطه .. او اقتراض قصير الاجل و ده اخطر من طويل الاجل 🤷🏻‍♀️

🔹 ايه الحل 👈🏻 الاسراع في عمل مشروعات قطاع عااااام

📌 ازااااي يا چيلان .. مش القطاع العام ده بتاع الناس اليااااي اللي مش رأسماليين 😒
ما هو يا فندم الخمسين سنة اللي فاتت اثبتت لحضرتك انك فشلت رأسماليا .. و الرأسمالية فشلت معاك و احتارت و احتار دليلها 🤷🏻‍♀️

لأن النظام الرأسمالي بيعتمد علي :
▪قطاع خاص قوي بيمول خزينة الدولة بحصيلة ضريبية كبيرة
▪رواتب عالية للافراد يقدروا من خلالها سداد ضريبة دخل محترمة مقابل خدمات بيحصلوا عليها
و كذلك خفض الشريحة اللي محتاجة دعم و حماية اجتماعية 🤷🏻‍♀️🤷🏻‍♀️

ف ازمة النظام الاقتصادي المصري انه واقف في النص و بيغني انا مش عارفني انا توهت مني انا مش انا 😏
لا هو اشتراكي و لا هو رأسمالي و لا هو مختلط و لا هو كلي و لا هو افراد
و لا هو اقتصاد اصلا
هو قوائم مالية ونقدية مرصوص فيها ارقام 🤷🏻‍♀️🤷🏻‍♀️
نظام بلا هوية

♦الحل بتاعك سهل جدااا
لكن العناد لمجرد العناد
ونتيجة العناد ده انك عايش علي الاقتراض
الحل 👈🏻 مشروعات تملكها الدولة .. تستوعب عدد كبير من الايدي العاملة
الراتب وفقا للانتاجية
بالتالي هتاخد انتاج كبير .. تقدر تصدر و ترفع صادراتك .. تظبط بيه ميزان مدفوعاتك و تحول العجز لفائض .. يتحول الفائض ده لبند الايرادات في الموازنة .. تزيد ايراداتك .. توجهها لاصلاح هيكل الرواتب و المعاشات .. ترفع من مستوي معيشة الافراد .. تقدر تاخد منهم نسب ضريبية كويسة .. توجهها للمشروعات التنموية و الحماية الاجتماعية 🤷🏻‍♀️🤷🏻‍♀️

صعبة دي يا حبيبي
مش صعبة
بس هو العناااااد في المطلق

♦طب هل مصر هتفلس :
شوف يا سيدي
في مصطلحين :
الافلاس و التفليسة
و شتان الفارق بينهما
▪ الافلاس : انك لم تعد تملك اي دخول او ايرادات او قدرة علي الاقتراض
و مضطر تبيع املاكك " اللي هي اصول الدولة "
زي ما حصل في اليونان كده
و بيحصل في الارجنتين حاليا
▪التفليسة : انك معندكش ايراد حالي .. ف بتقترض بضمان ايراد مستقبلي
" زي بالظبط اما بتضرب تفليسة و تروح تميل علي الحجة تقلبها في قرشين من المعاش لحد اما مرتبي ينزل بس يا امي 🤷🏻‍♀️ "
ده وضع التفليسة

و ده اللي احنا عايشين فيه في مصر
مفيش فلوس في الخزينة .. لكن داخل ايرادات من وزارة السياحة كمان 3 شهور
خلاص هقترض بضمان الايرادات دي
مفيش فلوس لكن بنظبط صفقة علم الروم هتخلص في خلال 4 شهور
خلاص هقترض بضمان الفلوس اللي جاية من الصفقة

و هكذاااا
و لذلك احنا گ مواطنين مش حاسين بأي تحسن .. لأن مثلث برمودا معيشنا وضع التفليسة 🤷🏻‍♀️🤷🏻‍♀️

🔹طب هل هنفلس بقا .. او وارد افلاس مصر 🤔
لا مش هيحصل ان شاء الله

و ده مش مجرد امنية
" الاقتصاد مفيهوش دروشة 🙄 "
لكن :
▪عندنا دخل ثابت من مصدرين السياحة و قناة السويس
اااه بيتأثر نتيجة احداث چيوسياسية لكن لا يتوقف
بيقل لكن مش بيبقا صفر 👌🏻
▪عندنا تدفق استثمارات من عدة دول
و نقل تكنولوجيا
و ده تدفقات نقدية بتدخل
▪عندنا اصول متداولة كويسة
" انواع الاصول اللي بتملكها الدولة :
اصول ثابتة و اصول متداولة "
الاصول المتداولة تقدر تعرضها للبيع و تستفيد من عائد البيع
زي مجمعات المصانع و الورش مثلا اللي تم بناءها و عطلانة لحد انهاردة مش عارفين يدوروها 😒

ف العوامل دي تقف حائل بينك و بين الافلاس
لكن وضع التفليسة مش وضع جيد ابدااا بردوو .. لكن مستقر

وبيحصل في كل دول العالم و بيتظبط و يرجع تاني و يتظبط و هكذا
لكن في مصر يمكن اصلاحه جدااا انما العقبة في الاشخاص و الفكر 👌🏻👌🏻

📌 وفقا لحسابات سنة 2022 اننا في 2026 مطالبين بسداد 16.8 مليار دولار
جه في 2023 رفعها ل 22.867 مليار دولار
بقينا انهاردة مطالبين ب 29.19 مليار دولار

ده بسبب الاستثمار السلبي في الديون .. السياسة اللي بيتبعها المكسحين بتوع وزارة المالية اللي عندنا
سلو وزارة المالية كده 🤷🏻‍♀️🤷🏻‍♀️

لو كانت اي ارقام زي اقتراض 53 مليار و لا فوايد 30 مليار
انا كنت هقول
انتوا عارفني مبسكتش في الاقتصاد و الفلوس
و عارفين اني مش غسالة سمعة زي غسالين السوشيال ميديا
لكن دي بلدنا
الصح نقولوا صح و الغلط نشاور عليه
نختلف مع اداء حكومي اه .. انما نروج اكاذيب تضر بالمناخ العام الاقتصادي و تشكك فينا المستثمرين
دي اسمها خيانة عظمي
و ده رأي فيه من 3 سنين 😒😒

🔵 #التغريد_خارج_السرب:
#الهدنة_السودانية:

مع كامل احترامي لوجهات النظر المتبنية موافقة حميدتي علي هدنة انسانية
انها استسلام و هزيمة
انا مش مقتنعة بالكلام ده
و شايفاه مهادنة غريبة ظهرت في توقيت غريب
اللي هو اعلان اخوان الاردن ولبنان و مصر منظمة ارهابية اجنبية تستوجب اعتقال افرادها علي الاراضي الامريكية .. ومصادرة كافة اموالهم و ممتلكاتهم

ايه ممكن يكون علاقة السودان بالقرار ده 🤔
تعالوا نشوف بعض النقط

📌 علي الارض محدش كسبان
طرفي الصراع خسرانين
و المدنيين جثث لا تعد

🔹مسعد بولس طلب هدنة انسانية من 10 ايام و البرهان بعد ما تشاور مع مرشد الاخوان سيف الله ارباب و عقل الاخوان المدبر علي كرتي و اللي مسيطر علي الجيش
رفض الهدنة و قال هنستكمل الحرب

الحقيقة انا مش هصدق ابدا ان في اي فرع من فروع الاخوان في اي دولة يهمه وحدة اراضيها و سلامة شعبها
و اعتقد انهم مفيش دولة دخلوها الا قسموها و ضيعوها
▪ اللي سلم فلسطين اخيرا لاسرائيل هما الاخوان متمثلين في حماس
▪ اللي دمر سوريا حاليا و قسمها و سلم جنوبها بالكامل لاسرائيل
و بيدبح الاقليات العرقية و الدينية من اجل انفصالات عن الدولة
هما هيئة تحرير الشام
حركة ارهابية متبنية فكر سيد قطب الاخواني القذر و كل الحركات الارهابية في العالم هي من رحم الاخوان اصلاااا
▪ اللي قبض فلوس من باراك اوباما مقابل التخلي عن الشريط الحدودي في سينا ليكون وطن بديل للفلسطينيين
هما جماعة الاخوان في مصر
▪ اللي دمر صندوق الاجيال الاقتصادي الكويتي .. و بهدل اقتصاد الكويت بتمويلات لجهات مشبوهة و جماعات استخباراتية غربية .. ساهمت في غزو و احتلال العراق
كان اغلبية مجلس الامة الكويتي الاخواني
" اللي يمكن معلومة لم تتناقل ان مجلس الامة الاخواني كان عامل رواتب لظباط الاستخبارات البريطانية اللي كانوا مقيمين هناك من اجل حصار استخباراتي للعراق من سنة 1996 لحد سنة الغزو 2003 "

ف الاخوان مش دورهم في المنطقة انهم يحافظوا علي حدود دولة ... دي جماعة ماسونية انشأتها حكومة العالم من اجل جعلها احد اذرع اخطبوط التدمير المستوحش في المنطقة
مع الكيان الصهيوني اللي استولي علي 3 دول ..... مع الشيعة المتمثلة في ايران و اذنابها گ كيان وظيفي اخر

يبقا المنطقة فيها 3 كيانات بتعمل علي تنفيذ اجندة التفتيت 👌🏻
اسرائيل + ايران + الاخوان

🔸بيتعاون اخوان السودان مع ايران
گ العادة 🤷🏻‍♀️
▪ اخوان فلسطين بتدين بالولاء لايران
لدرجة ان اسماعيلهم هنية اتقتل هناك و لم تحرك لهم ساكنة
▪ اخوان مصر لما حكموا
دخلولنا احمدي نجاد و رفع علامة النصر في وشنا كلنا في الازهر
و المخابرات العامة رصدت دخول المجحوم قاسم سليماني و لقاءاته المتعددة مع ابولهب خيرت الشاطر و المرشد

ف ااااه طبعا اخوان السودان بيتاجروا في السلاح مع ايران ..... ايه الغريب في كده

و السلاح ده بيجي من السوق السودا للسلاح
و بينزل للحركات الارهابية في افريقيا
وكذلك انواع معينة بتروح من اخوان السودان للحوثي في اليمن عشان يهدد بيها الملاحة في قناة السويس و مصافي البترول السعودية 🤷🏻‍♀️🤷🏻‍♀️

معلومات قديمة و قولناها قبل كده

♦الجديد بقا اننا نرتبوا البازل :
▪ طرفي الصراع في السودان
طرف بتحكمه ال CIA اللي هو الاخوان اللي بيحركوا الجيش
و طرف بتحكمه ال MI 6 اللي هو الدعم السريع
▪ امبارح ترامب صرح انه هيصنف الاخوان جماعة ارهابية
▪ فجأة انهاردة حميدتي يعلن انه وافق علي هدنة انسانية 3 شهور " و لكنها تبقي من طرف واحد .. و بيتوسل لرباعية الوسطاء يقنعوا البرهان عشان المدنيين يدخل لهم مساعدات يا عيني "🙄
▪ الطرف التاني اللي هو البرهان المدعوم من الجماعة الارهابية وفقا لترامب
رفض رفضا قاطعا الهدنة واعلن قراره باستمرار الحرب
▪ كوووون ان البرهان هيضرب و حميدتي مش هيضرب
كده هيسقط ضحايا من مناطق سيطرة الدعم السريع 🤷🏻‍♀️
▪ جيش مدعوم بحركة ارهابية بيقتل ارهابيين 👈🏻 طبيعي ماما امريكا تدخل تحارب الارهاب ... شرطي العالم و قاضي العالم وجلاد العالم كمان 🤷🏻‍♀️
يتصنف منظمة ارهابية عااادي
" هو طبيعي جيش يتصنف منظمة ارهابية 🤔
اه وحصلت قبل كده في امريكا اللاتينية ... ف مش هيكون طلب غريب علي تصويت الامم المتحدة "
▪ بقت هنا الاية اتقلبت
و المواطنين الابرياء بيتساقط منهم قتلي
يبقا لازم نوصل لورقة المفاوضات اللي مسعد بولس نزل بيها للبرهان
و هي :
📌 هدنة انسانية
📌 حل مجلس السيادة و ازاحة الحكومة الاخوانية
📌 حل الحزب الاخواني المشكل للحكومة
📌 انتقال السلطة لسلطة مدنية من حقها توجيه السودانيين لتقرير المصير

ايه هو تقرير المصير ده سيادتك 👈🏻 استفتاء التقسيم 🤷🏻‍♀️🤷🏻‍♀️
📌 استلام السلطة من البرهان و تحييده
و ده بعد الجيش ما اتدمر تماما


ف احنا امام فيلم نسخة من فيلم غزة ... وفي النهاية هيعملوا اللي عايزينه 🤷🏻‍♀️🤷🏻‍♀️

بس المرة دي بشكل أكثر خبث
▪معروف للرباعية ان مصر و تركيا بتساعد الجيش السوداني عسكريا
ف بكده بعد رفض الهدنة و اعلان التصنيف هتبقا مصر و تركيا بيساعدوا الارهاب بقا 🤷🏻‍♀️
" غريب جدااا ان كل اخوان العالم بيتصنفوا ارهابية .. إلا اخوان تركيا و اردوغان 🤔
مع ان الحزب الحاكم و البرلمان التركي هو العدالة و التنمية المنتمي للاخوان المسلمين .. هو اسمه كده 🤷🏻‍♀️ "

احنا مش هنمنع اي تقدم للجيش السوداني " مدعوم من مصر و تركيا " .... لكن مش هنسيبوهم يقتلوا المدنيين بعد حميدتي ما قبل الهدنة بردووو
و مش هنعطل اجندة التقسيم

فيتاخد خطوات احترازية تكبيلية لاي دولة ممكن تقف امام التقسيم 👌🏻👌🏻

🔘 باقي الاحزاب بقا في السودان و علي رأسها حزب المؤتمر
رئيسه خالد عمر و اللي عضو في تحالف القوي المدنية المسمي صمود
اوضح سعادة باقي الاحزاب السياسية بذلك التصنيف و بيطالبوا ترامب اعلان اخوان السودان جماعة ارهابية في اسرع وقت و بناءا عليه يتم حل الجيش
لأن 80% من ضباطه و جنوده اخوان

📌وبيقول انهم اكثر دولة حكمها الاخوان ما يقرب من 30 سنة
خلال استئثارهم بالسلطة الفترة دي
قسموا السودان بالفعل
و عملوا معاهدات من شأنها الاضرار بمصلحة المواطن السوداني
زي :
▪الاتجار في السوق السوداء للسلاح و نشره في دول افريقيا
و تمويل الاتجار ده ب ذهب السودان
▪التعاون مع ايران
و ده من شأنه قاد اسرائيل لمبررات قصف مصانع ومزارع بريئة من تهمة انها تصم عناصر ايرانية
▪العبث بالمستقبل المائي لدولتي المصب من خلال الزامهم للبرهان بالتحالف الارعن مع اثيوبيا
و اللي ورط السودان في فيضانات اغرقت الالاف من المواطنين و مئات البيوت و تدمير اراضي زراعية
▪ضم الالاف من المرتزقة و المسجلين جنائيا الي جيش الدولة في شكل ميليشيات
بعضها اعلن التمرد مثل الدعم السريع
و بعضها يتقاضي رواتب عالية من اجل الاستمرار في دعمه
▪منح كافة اعضاء التنظيم في اي دولة بسبورات سودانية ليضمن لهم حرية التنقل " ومن ضمنهم الاعضاء المصريين بعد ثورة 30 يونيو من اجل مساعداتهم في الهرب خارج مصر "
▪انشأوا شبكة تمكين معقدة للغاية
اخترقت كافة مؤسسات الدولة العسكرية و المدنية و بنت شبكات مالية لتمويل الاخوان و عملياتهم في انحاء العالم

لو لاحظنا
هنلاقي ان القوي المدنية و المجتمعية اللي متبقية في السودان هي كمان مش عايزة الجيش بسبب اخوانيته 🤷🏻‍♀️🤷🏻‍♀️
و رافضين البرهان لانه عقد صفقة مع الاخوان انه يحميهم و يكون بوق تنفيذي لهم .. في مقابل بقاءه علي رأس السلطة 👌🏻

ف احنا امام خطوات هدم جيش دولة من اجل اعادة هيكلتها و تقسيمها لدولتين و قبول جميع الاطراف فيها علي ذلك القبول 👌🏻👌🏻

🔸 طب ومصر هتعمل ايه :
و الله مفيش اكتر من اللي بتعمله مصر
بنضيع سنين من عمرنا من اجل المحافظة علي اراضي غيرنا .. و اللي غيرنا دول اصلا بايعين اراضيهم
ضيعنا سنتين مع غزة و في النهاية زي ما احنا شايفين كده اخدها ترامب بموافقة العالم
و حاليا رايحين نضيع كمان سنة في حوار السودان ولا حاجة
و في النهاية هننصاع لطموحات الشعب السوداني في الانفصال و السلام 🤷🏻‍♀️🤷🏻‍♀️
اه نعمل من اجل امننا القومي و حماية حدودنا
لكن متناسيين ان الشعوب اللي علي حدودنا دي بالفعل شعوب خونة و مش فارق معاهم أراضيهم و لا اوطانهم و المفروض علينا اعادة ترتيب اوراقنا بما يتناسب مع قذارة الجيران و عدم افتراض الخير في احد 👌🏻

اااه تهجير الفلسطينيين خط احمر عند مصر
لكن مش خط احمر عند الفلسطينيين انفسهم و بيهاجروا و يسيبوا بلدهم فعلا 🤷🏻‍♀️
اااه تقسيم السودان خط احمر عند مصر
لكن مش خط احمر عند السودانيين احزاب و مجتمع ومتمردين و اخوان 🤷🏻‍♀️

ف احنا مش هنكون ملكيين اكتر من الملك بقا
ونغير قواعد الاشتباك الذهني علي الاقل 🤷🏻‍♀️

🔹طب هتقولي ما نرفع ايدينا و نكبر دماغنا :
طبعا غلط
لازم تكون موجود جوا الطبخة و هي بتنطبخ عشان تعرف راسك من رجليك
و تخطط لمستقبلك وفقا للمعطيات الجديدة

لازم تبقا فاهم و شايف عدوك و هو بيعمل محاكاة للواقع اللي هيفرضه
عشان تقدر تحمي نفسك

و تفكر ببراجماتية و انانية
في النهاية البرهان و المجلس السيادي وجه الشكر لولي العهد السعودي علي وضعه السودان في دائرة اهتماماته اثناء تواجده في البيت الابيض
و حثه لترامب علي التدخل في الازمة

مع ان ترامب بيتدخل من شهر بناءا علي طلب مصر
لكن مجتش سيرة مصر و لا رئيس مصر بعد كل اللي بقدموه للسودان 🤷🏻‍♀️

زي ما عملها ابو مازن من شهر

ده لأنهم بيأمنوا لنفسهم اماكن عند ال ATM .. انما انت بتقدم شرف و دعم و وحدة اراضي و حفاظ علي حياة مدنيين و تحمل لاجئين

و دي حاجات ملهاش تسعير في سوق ال money
زي الاخت اللي بتحتضن اخواتها بعد موت الام ... و تربي و تكبر و تعلم وتجوز
و بعد كده لما تقولهم انا ضيعت شبابي عشانكم ومعملتش لنفسي بيت وعيلة و فضلتكم علي نفسي
بيتقالها محدش طلب منك تعملي كده
التضحية المفرطة .. سذاجة مفرطة
كنتي سيبتينا لمصيرنا 🤷🏻‍♀️🤷🏻‍♀️

العملة اللي بتتعامل بيها مصر مبتاكلش مع قواعد العالم
و دي الحقيقة مش مشكلة العالم
دي مشكلتنا احنا
و علينا تفعيل زرار البراجماتية انقاذا لضياع الوقت 👌🏻👌🏻

🔘 عاش الرئيس الشرخ اللي احنا غيرانين منه 🙄

عاشت الصاااااورة السورية في عيد ميلادها 8 ديسمبر القادم " عيد ميلاد جرحي اناااااا .. بصوت الاستاذ العاطفي هاني شاكر 😒 "

📌 هو مش الشرخ ده اللي بينتج عن جراحة بواسير فاشلة .. و بيكون تمزق عميق للداخل 🤔
اصل فعلا اللي بيحصل في سوريا ده الشرخ فعلا نتيجة التمزق العميق بالداخل .. غشومية نتنياهو و ترامب .. لا وكمان تناوب يا عيني🙄🙄

🔘 ما تفكك من مصر و تروح تلحق أرضك

بيقولك نتنياهو هيأجر تربة امك مفروش🙄