✨و كده كده النظام الايراني أدي مهمته و لازم ينسحب
عشان الدورة الزمنية الجديدة غير مناسبة لحكم الملالي
يروحوا بقا يقعدوا في الڤيلا اللي قعد فيها بن لادن في بنسلفانيا .. و يتعالجوا في مستشفي توماس 😒😒
او ينفذ plan B و يهربوا علي روسيا
و تبقا يعني روسيا بتحمي الطغاة و الديكتاتورية ... و يبقا وربنا شفتوووووا احنا معاكم مش مع امريكا
و الموت لامريكا .. الموت لاسرائيل
و عادي هنصدقكم و بوتين مصدقكم .. كمل يا فنان 🙄
--------------------------------------------------------
🔘 واحدة من توقعات الفراندة في طي التحقيق 👈🏻 محاولة الانقلاب الفاشلة علي " سيد الناس الكابتن ابراهيم تراوري 💚 .. الاسمر العظيم "

♦تراوري عامل شغل زي الفل في بوركينا فاسو الحقيقة
و كفاية انه ادي صندوق النقد بالجزمة و طردهم من عنده 🤷🏻‍♀️🤷🏻‍♀️

🔹اللي حصل مش انقلاب بالظبط
ده إلهاء للجيش و القصر
في نفس توقيت القيام بهجوم علي اماكن اقلاع المسيرات اللي بيستخدمها تراوري في ضرب تجمعات الارهابيين علي الحدود
▪مكان التخطيط للانقلاب توجو " اللي بتدين بالولاء لامريكا ثم فرنسا 🤷🏻‍♀️ "
▪التكنولوجيا اللي انضرب بيها مخازن المسيرات 👈🏻 غربية
و الروس طلعوا الدول المصنعة لها " USA .. فرنسا .. ألمانيا "
▪اللي بيدعم الانقلاب الرئيس السابق دول هنري " واحد اسمه بول .. لازم يكون معفن 😏"
▪الهدف من الانقلاب تدمير مركز اطلاق المسيرات .. ثم قصف القصر و اغتيال تراوري ورجاله
" علي فكرة هو مش قصر اوي يعني ده فيلا كده "

لكن 👈🏻 فشلوا .. وتم القبض علي المرتزقة
و الشعب نزل الشوارع يدعم رئيسه اللي شاف منه كل خير .. و حول حياته لحياة ادمية في سنتين فقط🤷🏻‍♀️🤷🏻‍♀️
" من ضمن الناس اللي نفسي اشتغل معاهم ابراهيم تراوري و حكومته .. حاجة مشرفة جدااا 👌🏻 "
------------------------------------------------------
🔘 الموقف المصري من التقطيع اللي بيحصل حوالينا :
هو الحقيقة انا مش فاهمة
هو الناس منتظرة شكل البيان المصري السعودي انه يبقا ازاي 🤔

العادي و الطبيعي و المنطقي اننا ملتزمين بالدعوة للحفاظ علي وحدة الاراضي لاي دولة و نرفض التقسيم و الانفصالات 🤷🏻‍♀️🤷🏻‍♀️

📌 اللي اتمناه بس اننا منفرهدوش نفسنا اوي و نقطعوا شرايينا زي حوار غزة كده
و في النهاية اسرائيل اخدت فلسطين كلها .. مش اكتر
انما نقدموا دعم دبلوماسي و سياسي و نستضيفوا قمم و نروحوا نحضروا قمم
بس نخبط بالعقل يا حسب الله ... فكرة تبني القضايا علي اساس ان دونها الرقاب اكتر من الشعوب نفسها بيبقا حرق بنزين ع الفاضي

✨زيارة وزير الخارجية السعودي لمصر .. و الهطل اللي بيتقال عشان تحديد المواقف و وضوح المواقف :
مواقف ايه يا ابو مواقف
مفيش حد موقفه واضح في العالم كله تجاه المنطقة الاااا مصر
▪مصر هي الدولة الوحيدة اللي مهتمة بوحدة اراضي كل الدول اللي حواليها و صعبان عليها التقسيم
▪سيادتك انت ممول تقسيم سوريا و ارهابها و مسمعناش منك جملة مفيدة علي تسليم الجنوب لاسرائيل
▪وزير خارجية مصر هو اللي رايح جي علي لبنان و رئيس المخابرات المصرية و رئيس الوزراء
من اجل دعم القيادة اللبنانية عشان ميسلموش و يثبتوا
▪مصر هي اللي ساندة الصومال و من 2022 بتسند الصومال و بتدعمها عسكريا و ماليا و طبيا
▪مصر هي اللي رفضت قصف اليمن و قتل الابرياء هناك وقت ما كان قوات التحالف كل يووووم بتسقط اطفال و لا نتنياهو و غزة
و لا نسيتوا الطفلة اليمنية بثينة الريمي " عين الانسانية " اللي قصفتوا بيتها في 2017 و قتلتوا كل اهلها و هي الناجية الوحيدة و عايشة فاقدة البصر و ماتت من قلة الرعاية
▪مصر الدولة الوحيدة اللي عمالة بتبعت مساعدات يمين و يسار
و لليمن كمان
في وقت انتوا فيه تعمدتوا تجويع اليمنيين و تسببتوا في مجاعة استمرت 9 شهور

لو العالم بينسي .. ف ذاكرة التاريخ الحقيقي مش اللي بيكتبه المنتصرون لا ينسي 🤷🏻‍♀️🤷🏻‍♀️

🔸انت جي عشان وقفتك في ضهر الاخوان المسلمين في اليمن " حزب الاصلاح " راعي الارهابيين في المنطقة وعارف موقف مصر من الاخوان ... عشان متفقدش مصر گ داعم لك
و مصر من نزاهتها يهمها وحدة اليمن مهما كان شكل الفرقاء داخله
زي ما بندعم الجيش السوداني برغم اخوانيته
▪حبيبي انتوا اللي جايين عندنا عشان توضحوا موقفكم و تغسلوا عباءتكم من فكرة دعم الجماعات الارهابية

و مصر لا بتتصرف ببراجماتية الامارات .. و لا بطموحك الساذج
بتتصرف بمنطق الدولة الكبيرة فعلا اللي لا لها سوابق احتلت دول .. و لا تدخلت في اسقاط انظمة .. و لا مولت تدمير جيوش .. و لا عندها قواعد اجنبية بينضرب منها دول عربية .. و لا تخلت عن حد برغم ظروفها

🔸فلما شوية جهلة و انصاف متعلمين يقولك اصلهم جايين لتوحيد الموقف و اثبات نفس الرؤية
لا يا حبيبي هو جي يحتمي بيك و بكلمتك و تبقا انت اللي بتقربله المسافات 🤷🏻‍♀️🤷🏻‍♀️

انا الصراحة مبدخلش و لا ناوية ادخل في المهاترات الفيسبوكية و التويترية و الصراعات الكلامية دي و لا ناوية ادخل
و لا من محبي اثارة اي جدل تجاه اي حليف لنا مهما كان و مهما كانت خطواته تجاه اي مصلحة تخصه 👌🏻👌🏻


♦بص يا عزيزي :
انا من المدرسة اللي بتقول ان حدودك و أمنك القومي بيبدأ من اي بقعة في العالم .. فيها مكتب .. قاعد فيه اي ابن كلب بيحيك ضدك مؤامرة
يعني حدود البوصلة دي مبعتمدهاش لوحدها .. دي حدودي الادارية والسياسية علي الخريطة
انما حدود تأمين أمني القومي بتبدأ من جوا المكاتب و المطابخ اللي بينطبخ فيها الطبخة اللي هيطفحوها للمنطقة
▪نبوظ الطبخة 👈🏻 مااااشي
▪نحرق ام المطبخ كله 👈🏻 ميضرش
▪معرفناش و طلعت من الفرن و رايحة لحد يطفحها 👈🏻 ما اكلش معاااااه .. و انا ماااالي
المهم انها متعديش عليا و خلاص
و اعتقد ان كلامي مفهوم مش محتاج ترجمة 🤷🏻‍♀️🤷🏻‍♀️
---------------------------------------------------------
🔘 الصياح الاثيوبي :
علي الميديا الامريكي
اثيوبيا بتصيح بقالها اكتر من 5 ايام .. و بتطالب ترامب بالتدخل لدي مصر
🔹ليه يا حبيبي هو مش انت جامد اخر حاجة .. و بتلطش بالكلام بقالك حبة حلوين🤔
▪قالك مصر لازم تخفف حدة حصارها لنا
من حقنا يكون لنا مطل بحري🤷🏻‍♀️
🔹وماله .. هات مهندس ديكور يفتحلك الريسبشن ع البحر
مصر مالها 🤔
▪قالك مصر متمركزة في چيبوتي .. واريتريا .. و حتي بعد اعتراف اسرائيل بصومالي لاند لم تسحب قواتها من الصومال و كده ممكن تحصل مواجهة بينهم علي ارض الصومال و ده مش في مصلحة مصر و لا مصلحة القرن الافريقي 🤔

لا ملكش دعوة بينا انت بس احنا عارفين بنعملوا ايه كويس .. وشاطرين و عارفين مصلحتنا خليك في حالك انت

📌 القصة ان الافندي بعد ما هدد باجتياح اريتريا و الاستيلاء علي ميناء عصب او مصوع بالقوة العسكرية
رد عليه الاريتريين و قالوا و الله الدعم الفني و الامني للمينائين مع مصر من وقت القمة الثلاثية في اكتوبر 2024 بين مصر و اريتريا و الصومال 🤷🏻‍♀️ .. ف اتفضل تعالي خودهم بالقوة 🤔

مع مطالبات چيبوتي بالمديونية اللي علي اثيوبيا مقابل الشحن من ميناءها دورالييه اللي اثيوبيا بتصدر منه 94% من تجارتها مقابل مبالغ باهظة بتفقدها مكاسبها اصلا من الصادرات
و الديون تراكمت عليها
و چيبوتي بدأت تطالب
و ده عملها تربنة في نافوخها
خصووووووصا ان المقاولين العرب و حسن علام موجودين في دورالييه بيعملوا البنية التحتية للشراكة المصرية الچيبوتية في المينا 🤷🏻‍♀️🤷🏻‍♀️

ف الحقيقة انا مش فاهمة امريكا هتعملك ايه ... بس اللي يحب حية يتلفع بيها بقا 🤷🏻‍♀️

و ربنا يجيبها جمايل بقا🙄

🌺 و گ العادة يا سادة و ربنا ما يقطع لنا عاااادة
@diaa_eddein
صانع السعادة في عيلة چيلان قاسم العظيمة بيبدع لأجل سعادتنا

عائلتي الجميلة /
من نصف قلب مصر المسلم الي نصف القلب الاخر المسيحي
دمتم و دمنا معكم قلب نابض بالحب و الإخاء و الإنسانية❤
و لأن الله المحبة خلق فينا المحبة جزء من فطرتنا السليمة النقية ❤💚

كل سنة و انتوا طيبين
بالاصالة عن نفسي و بالنيابة عن الجميع و عن ضياء السعادة و باند إلمس ايدينا 🎄🎄

المجد لله في الاعالي
و علي الارض السلام

و بينا و بيكم و بكل النااااااس المسرة و المحبة ❤🎄❤🎄
حبايبنا واخواتنا و أهالينا و أخوالنا و دمنا .. عيد سعيد علينا كلنا ❤🎄❤🎄

🔵 #نظرة_علي_العالم:
" انا و الله مش بيمنعني عنكم الا ظرف قهري ... ف حقكم عليا في ظل هذه الاحداث غيابي .. لكن مجبوش حاجة من برا المنهج 🤷🏻‍♀️🤷🏻‍♀️ "

🔷🔶احداث ايران :
كل نظام عميل بيجيله وقت و بينتهي دوره و بيحين أجله
بيظن انه في مأمن مادام مطيع و بيسمع الكلام .. لكن قواعد لعبة السياسة بتتغير من آن لآخر
و بيلزم وجوه جديدة لتنفيذ أجندة جديدة 👌🏻
♦اااه طبعا لا احد ينكر ان نهاية نظام الملالي بإيد امريكا
لكن لازم تكون هناك ارض خصبة للشعب انه يثور و يرفض القادة الحاليين علي امل ان التغيير يجيب حد افضل يحسن جودة حياتهم 👌🏻

الوضع في ايران بقا :
▪انخفاض سعر العملة امام الدولار
و بالتالي ده مأثر في كل حاجة في حياتهم و مخلي الاسعار اعلي من القوة الشرائية لرواتبهم
▪العطش و الجفاف
مدن بالكامل انتهي منها مياه الشرب
و طبعا مفيش ميه مفيش حياة
▪عائدات النفط بتروح لخامئني و رجاله و نفقات الحرس الثوري
في حين مفيش انفاق علي تعليم ولا صحة و لا بنية تحتية و لا تكنولوجيا و لاااا اي حاجة
▪بيع الوهم للشعب نهايته وحشة
يعني بنصنع سلاح .. بنخصب نووي .. بنعمل قمر صناعي
و كل ده في الكليتش 🙄

دي اسباب تخلي اي شعب يطلع من هدومه اصلا 🤷🏻‍♀️🤷🏻‍♀️

♦لكن ايران دايما معمول لها قالب بتتحرك في خلاله من يوم ما جه اية الله خامئني من بريطانيا

و اي نظام بيكون له حلاوة روح
بيتشبث بالحياة لأن نهايته بتكون سيئة 🤷🏻‍♀️🤷🏻‍♀️
✨سياسة ترامب مع ايران :
بتنقسم لمرحلتين
🔸المرحلة الاولي من 2018 ل 2021 :
و اجواء الاتفاق النووي اللي حطونا فيه
حط حاجة اسمها سياسة الضغط الاقصي 1.0
و ده عبارة عن :
▪اعادة العقوبات الاقتصادية " لمزيد من التحكم في حياة الشعب "
▪تصفير النفط " اي منع بيع النفط الا بمعرفة امريكا "
لكن استثنوا من القرار الصين و الهند و تركيا
▪تصنيف الحرس الثوري منظمة ارهابية
و ده عشان يتحكموا في حركة اموال الميليشيا دي
📌 حاليا بقا تم رفع سياسة الضغط الاقصي للدرجة 2.0
▪حصار مالي شامل
▪تصفير النفط تماما " يعني مفيش دول مستثناة "
▪دعم الفوضي داخليا عن طريق ستارلينك بقا وترويج الفوضي بين الشعب بالنت و السوشيال

و دي درجة بتوصلها امريكا لما تقرر تغير نظام مش عايز يمشي

♦عودة رضا بهلوي الثاني :
تقريبا كل القوي الغربية متفقة عليه .. وخصوصا ترامب
و طبعا هو زواج بنته ايمان من برادلي شيرمان احد رجال اللوبي اليهودي كان عربون محبة ل ايباك 🤷🏻‍♀️🤷🏻‍♀️

🔹رضا بهلوي مش بيبيع نفسه للمعارضة الايرانية في الخارج علي انه محي المملكة الايرانية
لكن بيقدم لهم نفسه علي انه منقذ للشعب الايراني و رئيس حتي لو انتقالي لحين ظهور شخصية جديرة
▪ و بيبيع نفسه للشعب المعارض للملالي بتاريخ استقرار مالي حققته اسرته للايرانيين " بالنسبة للذل اللي عايشين فيه حاليا .. فكانوا اغنيا "
و محاولاته وقت حرب ايران و العراق انه ينضم لسلاح الجو " هو طيار مقاتل و كان فترة في البحرية الامريكية " و المرشد رفض باعتباره رمز الفاشية البائدة " علي اساس ان المرشد فطيرة كاسترد و لبن مش فاشية قذرة 😒 "
و ترك الطيران و درس علوم سياسية و حاول يمد ايد التعاون لطلبة ايرانيين كانوا بيحاولوا يدرسوا برا ايران

ف هو الراجل فارش لنفسه فرشة كويسة و اشتغل عليها كويس
انه يقدم نفسه لامريكا انه بديل جيد يمكن الاعتماد عليه 👌🏻

وفقا للعلوم السياسية تاريخيا 👈🏻 صفقات الحصول علي الحكم ضحيتها دايما هو الشعب و الارض

و ده اللي هيحصل مع ايران
حتي لو جاءوا ب رضا بهلوي .. الشعب لن يعيش الرفاهية
لأن امريكا حاطة ايديها علي نفط و غاز الشعب و بتسرقه و ده موردهم المالي 🤷🏻‍♀️🤷🏻‍♀️
📌 كمان في نقطة مهمة عند امريكا :
ان الشعوب العبيطة بتاعت منطقتنا البائسة في ناس منهم بقوا يبصوا لايران علي انها منقذ الاقصي و حارس القدس و انصار قضيتهم الوهمية دي
▪و ده شئ ممكن يحقق زهو نفسي لدي بعض القادة في ايران و يبدأوا ياخدوا خطوات متحققش مصلحة امريكا
زي التقارب مع مصر و السعودية اللي سعي فيه امير عبد اللهيان و ابراهيم رئيسي
و كان جزاءهم ايييه 👈🏻 الطيارة راحت بااااي 🤷🏻‍♀️🤷🏻‍♀️

ف لازم تفضل صغير و حاسس ان انا اللي عملتك و تفضل تحت رجلي .. يوم ما تشوف نفسك .. اركبك طيارة من اللي هي رحلتها للاخرة دي 🙄

ف احنا بنتفرج
و المستقبل عندنا ماضي 🤷🏻‍♀️
-----------------------------------------------------
🔷🔶 اليمن و الزعامة السعودية :

الحقيقة ما يحدث في اليمن هو كتير علي اهلها
يعني كل الاطراف بتفكر و تقرر و تاخد خطوات في اليمن .. ما عدا اليمنيين انفسهم 🤷🏻‍♀️

▪قناة العربية السعودية غرقت الدنيا بيانات حول ان المجلس الانتقالي الجنوبي حل نفسه بتفسه .. و طلع الراجل من السعودية من قلب الرياض يعلن حل مجلسه
و الموضوع يوميتثن واخد صدي اعلامي و تمام التمام
📌 لنتفاجئ ب أنور التميمي المتحدث المتحدث الرسمي باسم المجلس الانتقالي الجنوبي بيعلن اول امبارح بالليل بيان :
لن نتعامل مع الاعلان الصادر من الرياض بحل المجلس .. و نخبر الجميع بنفي ذلك الخبر
و ان الاشخاص الموجودين في الرياض هم قيد الاعتقال السعودي و المنع من العودة و ان البيان الذي اصدروه كان تحت التهديد
و بنطالب السلطات السعودية بسرعة الافراج عنهم و عودتهم لليمن
و بيقول انه لا يجوز و لا يحق لأحد حل المجلس الا بموافقة 75% من اعضاءه + حضور رئيس المجلس

وبعدها نزل اليمنيين الشوارع يتظاهروا دعما ل عيدروس الزبيدي و للمجلس و للجنوب

▪علي الناحية التانية بقا الاخوان في هيئة حزب الاصلاح بيقولك احنا معانا الشرعية و معانا المجلس الرئاسي و العليمي " اللي هو السعودية بتدفع له مرتبه " و معانا دعم الرياض
متفهمش ليه معاهم الرياض 🤷🏻‍♀️

✨طب ايه هي شرعيتك اللي بتتكلم منها
و انت مين حبيبك في اليمن 👈🏻 الحوثي
و الحوثي فصيل سياسي و لازم نحتويه

يا بني مش ده اللي مسففكم التراب في اليمن و مدخلكم في مجاعة و سوء حياة و اغتيالات و اغتصابات 🤔🤔

لكن كالعادة الشيعة و الاخوان قصة عشق لا تنتهي " بس عشق في قذارته يشبه زنا المحارم بالظبط 😒"

📌 الحقيقة ان المشهد في اليمن تحول لمشهد عبثي جدااا
يبدو ان السعي خلف الزعامة بيبوظ حاجات كتير
و بيفكر في كل شئ الا اليمنيين انفسهم اللي الشماليين فيهم بيسأل الله الخلاص من الحوثي و الجنوبيين متمسكين بحق تقرير المصير و مش شايفين الا ان الوحدة مجابتش من وراها الا الفقر و الغم 🤷🏻‍♀️🤷🏻‍♀️

" لااااا بس عندنا يوتيورز مصورين للبؤساء متابعينهم ان السعودية سي باتمان في ايام عزه و هو بينقذ جوثام من الچوكر الشرير
شوية السعودية تتدخل لانقاذ السودان .. السعودية ترسل عسكريتها لانقاذ الصومال
عسكريات اييييه يالا ده اخر حرب دخلوها كانت مع الحجاج بن يوسف الثقفي و وزيره حصن بن النمير 🤔🤔
السعودية يستنجد بيها الليبيين

هي الريالات حلوة مقولناش حاجة
و الريال كاسر ال 12.50 بلبل الحزين بتاعنا .. و لسه داخلين علي رمضان و هيزيد اكتر
بس يعني مصر واقفة في النص شبكة 🤔

اللي قواتهم في الصومال برجالتها 👈🏻 مصر
اللي طافحة الدم علي السودان دعم و آليات و تسليح و طافحة لاجيئنها زي الحقنة الشرجية بالظبط 👈🏻 مصر
اللي لامة حفتر و مسيطرة علي المثلث الجنوبي 👈🏻 مصر
اللي رفضت تطلع طيران تقتل بيه اهل اليمن الابرياء 👈🏻 مصر

بس عمك عبد الفتاح بقا سايبها علي الله .. بيعامل ربه
لا بيدفع لحد عشان يلمعه و يعمله زعيم
عشان هو الزعيم اصلا ... هو كبير المنطقة ذوووق و عافية و كسر رقبة كمان
بيتعامل بالاية " لا ننتظر منكم جزاء و لا شكورا "
-------------------------------------------------------
🔷🔶 جرينلاند :
امبارح حوالي الساعة 11 بالليل كده ... لقيت اخبار طالعة من كاثرين كلارك احد القيادات الهامة في الحزب الديموقراطي و هي العضو المراقب في الكونجرس
بتقول 👈🏻 ان ورد لها معلومات ان ترامب استعرض مع بييت هيغيست الواد المجنون ده وزير الدفاع
خطة الاستيلاء عسكريا علي جريندلاند
و قبلها بساعات كان في خطة اسقاط كوبا
ف هي الست مش هاممها كوبا بتقولك ده مش رجل ابيض و كمان امريكا اللاتينية كلها فناء خلفي لنا

لكن هل محتمل اننا نحارب اوروبا 🤔
طب ازااااي
ده كده هيدخلنا في حروب تشبه حروب الثلاثين عام .. و هترجعنا للعصور الوسطي
و امريكا حاليا ملهاش حلفاء .. مين هيحارب معانا 🤔
ده حتي بريطانيا اللي اختنا وحبيبتنا ... ترامب لسه مهدد كير ستارمر بفرض عقوبات عليه و علي بعض افراد الحكومة
و ده شئ الشعب البريطاني عمره ما هيقبله
▪و بتشرح المشهد حول امريكا
ان كندا اصبحت بتكرهنا
و المكسيك رئيستها كل يوم بتبث خطابات عدائية ضدنا
و امريكا اللاتينية كلها في حالة غضب و كراهية ضدنا
و فرنسا بتقود حملة ضدنا
و روسيا و الصين و كوريا الشمالية اصلا بيخططوا لاسقاطنا
و الشرق الاوسط واخد مننا موقف عشان دعمنا لاسرائيل
احنا ملناش حليف في العالم حاليا الا اسرائيل و تركيا و السعودية

و بتوجه سؤالها لترامب 👈🏻 هل دول كافيين بالنسبة لك عشان تخوض حروب ضد العالم 🤷🏻‍♀️🤷🏻‍♀️

و الله الست بتقول كلام زي الفل بس المشكلة ان الواد المجنون هيغيست جنون العظمة مفرتك الترنك معاه
و طلع قالك احنا بالصلاة ع النبي حملة لوحدنا .. الجزار ده مافيا لوحده 🙄🙄 " جنرال سبيستون 🙄"

و انا من موقعي هذا بدعم الحج ابو حنان و الجنرال الكرتوني ده و بقولهم سيري يا نورماااااندي
اتكلوا علي الله و اتحركوا عسكريا في اتجاه جرينلاند بسرعة 🙏🏻🙏🏻

📌 في جرينلاند بقا :
الاحزاب اللي هناك ماسكة رئيسة الوزراء بتاعت الدانمارك ميته فريدريكسون ماسحة بيها جليد القطب الشمالي كله
و رئيس وزراء جرينلاند فريدريك نيلسون " معلش هي الاسامي شبه بعض "
بيقول انهاردة في البرلمان اننا مش عايزين حكومة الدانمارك تتفاوض ب اسمنا خارجيا
لانهم ضعفاء وخايفين من امريكا و ترامب ... و انا اتفق مع الاحزاب في دعوتهم " نحن لا نريد ان نصبح امريكيين "
و افتكروا فجأة ان الدانمارك اصلا محتلاهم ... و انها حتي مش خايفة عليهم و لا كأنهم اراضي دانماركية
▪و السيد بيليه بلوبيرج رئيس حزب المعارضة ناليبرك بيخاطب ملك الدانمارك و بيقوله هل جرينلاند هي العشيقة بينما كوبنهاجن هي الزوجة الشرعية
حين يهددك قاطع طريق تترك العشيقة فريسة له و تهرب بزوجتك
" مثال مؤلم نفسيا الحقيقة و دي ناس حساسة 🙄 "

📌 علي فكرة في حاجة مهمة :
سواء رئيس وزراء جرينلاند و حزبه الديموقراطي و ال 6 احزاب المؤيدين له .. او ال4 احزاب معارضة
كلهم بيأيدوا فكرة الاستقلال عن الدانمارك و اعلان جمهورية جرينلاند
الفارق ان رئيس الوزراء عايز انفصال تدريجي عشان يحافظ علي ود العلاقات مع اوروبا .. والمعارضة شايفة ان اوروبا لا يعنيها ود و لا محبة و قارة مصالح ف الانفصال لازم يكون ناجز عن كده

انما بقا امام ترامب
المعارضة و الحكومة صفا صفا كالبنيان المرصوص
🔸ده كمان رئيس الوزراء قال : لو علي النمو الاقتصادي .. ف الصين بتقدم لنا عروض جيدة و كلها عروض شراكة تحترم سيادتنا و استقلالنا
انما ترامب عايز يستولي علي ثرواتنا لدعم بلاده اللي اقتصادها بيترنح زي ما سرق نفط فنزويلا و ربما سيرسل من يخطفني " متستبعدهاش يا كابتن فريدريك 🙄 "

زي ما قولنا بالظبط رئيس وزراء جرينلاند قال 👈🏻 امريكا خايفة من روسيا عسكريا و من الصين اقتصاديا ... لذلك تطمع في جرينلاند
"و علي فكرة جرينلاند علاقتها ب روسيا كويسة جدااا .. لأنهم اصلا من شعب الانويت الروسي الاصل"

✨ و لأن المصائب لا تأتي فرادي
ف الست فريدريكسون صحيت علي خبر اخر
▪ان جزيرة فارو عايزة تستقل عن الدانمارك
عشان واضح كده ان الدانمارك كبرت و عجزت و خرفت ومبقتش تعرف تحمي حد 🙄

" جزيرة فارو دي جزيرة بين النرويج و ايسلندا و اسكتلندا في المحيط الاطلنطي
اكثر استقلالا من جرينلاند لانها مستقلة اقتصاديا .. جرينلاند بتاخد منحة من الدانمارك
رفضوا بشكل قاطع بعد الحرب العالمية بناء اي قواعد عسكرية اجنبية علي اراضيهم .. لدرجة ان لما بريطانيا حاولت تبني قاعدة .. راحوا ولعوا فيها بالناس اللي كانوا فيها و احدثوا فيهم اصابات بالغة"

و طبعا اقتصاد جزيرة فارو بيضيف كتير لاقتصاد الدانمارك نفسها عن طريق الضرائب الكبيرة اللي بيدفعوها لهم .. ف دعوي الاستقلال دي هتقلبها ضلمة علي دماغ الحكومة الدانماركية 🤷🏻‍♀️

🔹وطبعا رئيسة الوزراء بتحاول جاهدة انها تشوف حلول مع الاتحاد الاوروبي
و أريد حلا و أين عقلي وكل كلاسيكيات الفن الجميل دي

و الاتحاد الاوروبي فعلا في مأزق .. مش تريقة و الله
لكن هما فعلا في موقف مهبب
لدرجة ان اورسولا ڤون دير لاين قافلة مكتبها في وجه الصحفيين لأنها خايفة تطلع بأي تصريح يتحسب ضدهم " تفتكروا خايفة تتخطف روووخرة 🤔 "

📌 هو لو يجيبوا السيد رئيس الوزراء وقت غزو العراق اندرس راسموسن يفكر ترامب بأيامهم الحلوة سوا
و قد ايييييه كان مؤيد لاحتلال العراق و غزوها بوحشية و سرقة ثرواتها
و ال 500 جندي اللي بعتهم اللي رجعوا له بنصيبه من الغزو 15 طن دهب و 4.5% من حصيلة بيع النفط العراقي من 2003 ل 2007

و ازاااي تعب عشان يقنع السويد وفنلندا انهم ياخدوا لاجئين عراقيين سنة عندهم
و ياخدوا حسنتهم
بس هما مخدوش ثروات و بس .. لا دول بردو محملين بذنب و دم اللي ماتوا و اللي سابوا ولادهم يتيتموا و سابوا ستات زي الفل وبنات اصول ارامل بقوا ملطشة للحياة و للأيام
ف سددوا بقا
فاتورتكم و ادفعوها 🤷🏻‍♀️🤷🏻‍♀️

♦الشعب الدانماركي في حالة انقسام غريبة
▪نصهم عندهم صدمة ازاي الشريك الامريكي المتحضر الراقي الانساني الكيوت خريج مدارس اللغات نسي كل الايام الحلوة بيننا بسهولة كده .. و بيتعامل معانا معاملة المحتل
و مش مصدق ان ترامب ممكن يقوم ضدهم بعمل عسكري
▪و النص التاني و يتزعمه المعارضة و سكان فارو و سكارن جرينلاند
شايفين ان جري ايه يالا يا ترامب يالااا .. انت نسيت احنا مييين ده احنا الفايكنج عفاريت الاطلسي
و جرب كده تحتل اراضينا عشان نرجعوا للشقاوة تاني .. احنا مش الاوكران يا ابو حنان🙄🙄

و الصراحة انا بدعم هؤلاء
و ياريت يزودوا شوية في التصريحات دي و ينفعلوا اكتر خليه يسخن عليهم 🙄🙄

✨ في حاجة مهمة عايزة ألفت نظركم لها :
📌الصراع بين ترامب و جيروم باول رئيس الفيدرالي .. يدل علي ان الوضع الاقتصادي متردي جدا و ينذر بكارثة

لأول مرة في تاريخ امريكا رئيس فيدرالي يتم استدعاءه لهيئة محلفين قضائية
و بتهمة استغلال مال عام " انه قدم تكاليف صيانة و اعادة توسعة للبنك الفيدرالي بقيمة 2.5 مليار دولار .... و ده رقم تم سرقته "

كده كده جيروم باول فترته تخلص في مايو 2026 يعني كمان 4 شهور
ترامب عنده مبررين انه يحبسه :
▪ الاول : يدبح القطة لاي حد جاي بعد باول انه يسمع الكلام و يحرك الفايدة و السياسات النقدية علي مزاج ترامب
▪ الثاني : الوضع الاقتصادي لا يحتمل صبر 4 شهور كمان في عناد بينهم ضحيته التضخم اللي ممكن يكون الدافع الوحيد لانفجار المواطن الامريكي

اللي بيحصل ده تخبط اقتصادي
و مش هيؤدي في النهاية الا لخسارة الجمهوريين التجديد النصف سنوي في نوفمبر القادم
و اللي لو خسروه هيتم عزل ترامب 🤷🏻‍♀️🤷🏻‍♀️

" بس يا ريت منفرحوش اوي 🥹 .. عشان الدستور الامريكي هيعين الاندر تيكر چى دي فانس 🥹 "

كل المؤشرات تنذر بنفس سيناريو امبراطوريات العصور الوسطي .. و نفس العنجهية و البلطجة
و اكيد نفس المصير

و في كل ده انا متعاطفة مع مسيو ماكغووون
شوية ياخد في حضنه زيلينيسكي و يطبطب عليه .. و شوية فريدريكسون و يطبطب عليها
و هو نفسه عايز اسامة منير يكلمه و يقوله متعيطش .. لو الناس سابتك انا معاك و سامعك و هسمعك للنهاية 🥹🥹

يلااااا ربنا ينتقم منهم كلهم بحق جاه النبي و آل بيته 🤲🏻🤲🏻

مش عارفين نلاقوها من حرارة - 14 و لا من الكوكب اللي كل 12 متر فيه عايزين يستقلوا و يعملوا دولة 🙄

🔵#الأكذوبة_الخازوقية:

ااااه ما احنا لازم نخترعوا مصطلحات تتناسب مع اقتصاد البلالام بتاع الاستاذ عصفور و طاقية الاخفا 🙄

♦مساء ليلي نهاري داخلي خارجي في احد ايام ليالي الشتاء التخينة من شهر ديسمبر لعام 2025
في استديو ما
خرج رئيس وزراء دولة ما 👈🏻 يخدع و يشتغل 👉🏻 100 مليون مواطن و كل مؤسسات الدولة
و يقولهم انه محضر مفاجأة

اييييه هااا
قوووول
و غلاوتنا عندك لا انت قايل الهي نعدموك يا شيييخ لا تقوووول 🤔
▪ راح قايل 👈🏻 في يناير 2026 هننزلوا لكم الديون لارقام غير مسبوووووقة و مشوفتهاش الا من 50 سنة فاتوا

هااااااااااااح " ده هتاف الجماهير يا مشكلة يا مراتي علي رأي الاستاذ محمد صبحي 🙄"

🔹قوم طلعت واحدة ست كده اسمها چيلان قاسم
قالت 👈🏻 دي تخاريف مفيش حاجة اسمها كده 🤷🏻‍♀️
راح غسالات و غسالين الفيسبوك بتوع دولة جنابه قعدوا يعملوا بوستات .. ازاااي الست دي بتطفي شمعة الامل قدامهم .. و بتضيع فرحتهم وشغل نحنحة سلايف كده ملناش فيه

🔹من تاني يوم بقا
حتي المستشارين الاقتصاديين في ديوان جنابه طلعوا علي الاعلام و الميديا يغسلوا ايديهم من هذا التصريح العبثي
لدرجة ان واحد منهم " و هو دكتور بكلية الاقتصاد جامعة القاهرة بالمناسبة " قال 👈🏻 لنعتبر هذا تصريح سياسي و ليس اقتصادي .. يعني جنابه بيخاطب الخارج اكيد لأن انا معرفش ممكن تتعمل ازاااي

" انت مكسوف تقول انه بيهذي 🤔"
▪وطلع التاني " وهو احد اساتذة الاقتصاد بردووو .. ولفترة مدتها سنتين كان مستشار للحكومة "
طلع علي العربية بيزنس مع المذيعة القمر دي اسمها جومانة باين
و قال 👈🏻 ده كلام لا يؤخذ علي محمل الجد 🤷🏻‍♀️🤷🏻‍♀️

" مااااشي و ربنا لا يوريك اول ما ترجع من دبي 🙄"

اصل عمر الاقتصاد ما يكون كده
ما يحدث حولنا مهزلة اقتصادية بكل المقاييس
ارقام ايه و زفت ايه اللي بيتحسن
دي خرافااااات .. احنا عايشين في خرافااااات
" و لما مصنع صيني و لا هندي يفتح و يبدأ انتاج و يروح الجناب يفتتحه مع المندوب الصيني
ده ميتكتبش تحت عنوان صحفي 👈🏻 الصناعة الوطنية
لان دي مش صناعة وطنية
دي استثمارات .. فلوس الغريب
الصناعة الوطنية لخصها الشاعر احند شفيق كامل في الاغنية لما قال 👈🏻 من اموالنا بإيد عمالنا .. يا استعمار بنيناه بإيدينا السد العاااالي 🙋🏻‍♀️ "

لحد امتي هتكذبوا و تلمعوا و توصفوا الاشياء بغير مسمياتها .. انا قرفت اقسم بالله 😒

✨لما الجناب بقا اكتشف ان الاقتصاديين اللي بيستشيرهم من حين لآخر مش هيطبلوا له
و لا ياخدوا كلامه فومين و يلاقوله مخرج مصطلحات اقتصادية
" لأنهم مش هيقدروا علي كل من هو دارس اقتصاد و مش هيسكت عليهم 👌🏻"
راح رجع في كلامه و قال انا مقوووولتش .. انا مليش دعوة
انا قولت اننا هننزلوا الدين من 84% ل 70% و في 2030 هنحقق نمو 7% 🙄
" باشااااا... ابراهيم تراوري محقق النسبة دي في 2025 و بياناته علي آفاق البنك الدولي و قايلين عليه معجزة ومفاجأة 2025
ف خد ال 7% بتوعك اهم يا رستم باشا احنا مش بنشحتوا منك .. و قولنا هتنزل ام الدين ازاااااي 🤔"

🔷🔶 لا في خطة واضحة
و لا في كلام واضح
و لا في سردية معمولة
و لا في برنامج تخفيض بخطوات

و كل ما حد يتكلم .. يقولوا الحكومة تعمل في سرية علي هذا الملف
سرية ليه 🤔 .. خايفين تتحسدوا 🙄

🔘 طيب .. خدوا بقا المفيد منه عشان الصمت خيانة في الحالة اللي احنا فيها دي :

🔹السيد الدكتور مصطفي مدبولي + السيد الدكتور احمد كچوك + السيدة الدكتورة رانيا المشاط
لبسوا مصر في حيطة
و معندهمش حلول
اااه دي حقيقة معندهمش حلول ... ومش عارفين يطلعونا ازاي من المأزق المرعب اللي حطونا فيه

و لا برنامج الطروحات هيحل البلوة اللي عملوها .. و لا شرائح القروض الجاية هتحل الازمة

✨الحقيقة اللي لازم نواجه نفسنا بيها اننا في كارثة اسمها حجم الديون اللي بيفوق قدراتنا الاقتصادية الحالية و لحد 5 سنين قدام
▪ديون خارجية " بدون شريحة الصندوق 2.3 مليار دولار + المليار يورو بتوع الاتحاد الاوروبي " في نهاية 2025 👈🏻 161.2 مليار دولار
في نهاية يناير 2026 هيبقا 👈🏻164.66 مليار دولار
خلينا في رقم 161.2 مليار
ف حجم الدين الخارجي = 46.15% من قيمة الناتج المحلي المصري " الحدود الامنة اللي كل اقتصاديين العالم في كل المؤسسات المتفق عليها هي نسبة 37.6% .. فوق كده حد خطر "
▪ديون داخلية 👈🏻" يعني الحكومة مديونة للبنوك "
رقم مفزع : 13 تريليون و 100 مليار جنيه " انتوا مجانين صح 🙄 ... يعني ايه
يعني ايه بتدفعوا فوايد سنوية للدين الداخلي 2.8 تريليون جنيه
بتجيبوهم منيييين 👈🏻 بتقترضوا تاااني و تدوروا الديون سلبيا .. مش كده 🤔
يعني ايه ايراداتك كلها تروح لديون تم استدانتها لسداد ديون اخري و مضاعفة الفايدة 🤷🏻‍♀️🤷🏻‍♀️"
لما تحول المبلغ ده لدولار
يبقا الديون الداخلية 277.82 مليار دولار
و اللي بتشكل 79.5% من الناتج المحلي

لما تجمع الديون علي بعضها
هتبقا 430.02 مليار دولار .. بناتج محلي 349.3 مليار دولار " نهاية 2025" .. فتصبح نسبة الدين 125.7%
يعني احنا بكل ايراداتنا
بكل فلوسنا
بكل مليم بيدخل البلد
بكل موارد الدخل من اي اتجاه

بندخل اقل من الديون اللي علينا ومعجزين ب 25.7%
لكن مننساش ان مش كل الديون دي لها نفس اجل السداد
بس ال 277 مليار دولار الداخلي .. 189 مليار دولار منهم استحقاق سنة 🙄🙄

♦الافندي بقا قالك لا احنا هننزلوا الديون
عشان احنا متوقعين ناتج محلي ل 2026 = 433.2 مليار دولار
بالتالي النسب دي هتتعدل
▪الخارجي هيبقا 👈🏻 37.2% و هنرجع للحدود الامنة تاني
▪الداخلي هيبقا 👈🏻 64.14%

و دي نسب ممتازة يا جماعة 🤷🏻‍♀️

و ده كلام لا يؤخذ علي محمل الجد و لا الهزل و لا الجنون
لانه وضع فرضية ثبات رقم الدين الخارجي عند 161.2 مليار دولار ... و رقم الدين الداخلي عند 277.8 مليار دولار

لا اخد في اعتباره قيم سداد دفعات اقساط و فوائد ... و لا اخد في اعتباره انه هيقترض تاني طول السنة
و بدل ما كان هتشوفوا في يناير 2026 ... بقت بنهاااااية 2026 و علي حسب توقعنا لرقم النمو و علي حسب ما بنتمني ده احنا لسه كانسين سيدنا الحسين علي الديون و موزعين فول نابت 🙄🙄

وطبعا لأن مفيش رؤية و مفيش خطة و مفيش برنامج
لا سري و لا علني و لا عرفي حتي
و الاستاذ عصفور عايش مع البلالام

فيبدأ الشمشرجية يفتكسوا من اجل انقاذ الجناب 🤷🏻‍♀️
📌 الافتكاسة الاولي :
نضم الصناديق السيادية للموازنة :

🔹ايه هو الصندوق السيادي في اي دولة 👈🏻 ذراع اقتصادي لادارة الاصول و حماية عوائدها
▪حماية عوائدها من ميييين 👈🏻 من الحكومة
▪ازاااااي 👈🏻 ان العوائد دي مينفعش تدخل في موازنة الحكومة .. حتي لا يتم توجيهها للانفاق علي سداد الديون و فوائدها
لأنها تستخدم في تمويل اغراض اخري " زي التسليح مثلا "

🔹هل احنا في مصر عاملين عجبة .. او بنرفض ضم الصندوق السيادي للموازنة عشان احنا عالم غلسة
لااااا 👈🏻 في حاجة عالمية كده اسمها " بروتوكول سانتياجو الاقتصادي " الخاص بالصناديق السيادية في العالم كله
بينص علي عدم و استحالة ضم الصناديق السيادية للدول الي موازنتها الحكومية
و ذلك لمنع هدر عائد الاصول التي يديرها الصندوق في تمويل العجز و الانفاق الحكومي

الكلام ده ماشي علي اكبر صندوق سيادي في العالم اللي هو السيادي النرويجي .. و اصغر صندوق اللي هو السيادي الاوغندي 🤷🏻‍♀️🤷🏻‍♀️

انت بقا في مصر عايز تضمه لييييييه ... بتتنيل تفتكس قواعد مخالفة لقواعد الاقتصاد كفيلة بتدمير الاصول لييييييه
" من ساعة ما اتنقلت تبعيته الادارية للحكومة في 2024 و هو محلوووو في عينهم و حاسين ان لسه عندنا قرشين ف حالفين يضيعوهم 😒 "

🔸ف يا باشا ضم الصناديق السيادية للموازنة معناها ان كمان 7 سنين من انهاردة " بمعادلة ميجان "
هيبقوا اصولنا = صفر 👌🏻👌🏻

📌 الافتكاسة التانية :
ننقلوا ملكية قناة السويس للبنك المركزي
في مقابل ان البنك المركزي يصفر ديون الحكومة لدي القطاع المصرفي

أراك توزع من مال أمك يا استاذ حسن بيه هيكل بيه 🙄
" هو لما شريف بيه اخوك حب مع جمال بيه اخو علاء بيه يوقعوا البورصة عن طريق التلاعب بأسهم شركة القلعة سنة 2024
و احمد الشيخ طردكوا كلكم من البورصة
ممنعتوش ليه
لما انت وطني كده
مقولتلوش ليه يا شريف بيه يا اخويا ان هدم البورصة في الوقت ده ممكن يجبر 60% من الاسهم علي السقوط و اعلان افلاس مؤسساتها 🤔 .. يا حسن بيه 🙄" اااه اهم حاجة الالقاب 🙄

ما عليناااا
سيادة الخبير الاقتصادي محضرش محاضرة وظائف و تخصصات البنوك المركزية .. كان قاعد في كافيتيريا اداب انجليزي 🙄
♦البنوك المركزية سعادتك مش من وظائفها تملم و ادارة الاصول في المطلق
اومال اييييه 🤔
هي ممكن تتملك اصول اااه .. لكن اصول مصرفية
يعني كده زي بنك الاستثمار القومي اللي عمال بيبيع حصصه في الشركات عشان الطروحات الجميلة و يسدد بيها ديون
وتحويله لمقاول 🙄
زي بنك القاهرة اللي هو مملوك لبنك مصر اللي هو مملوك للمركزي " عشان الموثئفين بتوع لاااا القاهرة مش حكومي 🙄"

انما البنوك المركزية لا تديييير اصول ابداااا
و ده ليييييه
لأن " يوهان بالمستروخ " الاقتصادي الهولندي اللي اسس فكرة البنوك المركزية و انشأها و تجربته كانت في السويد في بنك ستكهولم المركزي
قال 👈🏻 البنوك دي مينفعش تملك اصول الدول
لييييه 👈🏻 لأن البنك شغله تدوير الاموال بالبيع و الشراء " الاقتراض و الاقراض "
بالتالي وجود اصول الدول في القماشة دي ممكن يعرضها للخطر
ازااااي 👈🏻 ان البنك ممكن يفرط فيها علي امل استعادتها في عملية مصرفية جديدة
تقوم تحصل ظروف سياسية ما او اقتصادية ... فيفقد البنك المركزي قدرته علي استعادتها ...فيضيع الاصل 🤷🏻‍♀️🤷🏻‍♀️

ف لما جم حطوا القواعد و البروتوكولات الوظيفية للبنوك المركزية منعوووووه من امتلاك اصول الدول
🔸الاعتراض التاني :
المديونية علي الحكومة للقطاع المصرفي دي .. القطاع المصرفي مش جايبها من عقد عمل في الخليج
دي اموال المودعين " فلوس الشعب يعني "
و الودايع و الحسابات الجارية و حسابات الادخار فترته الزمنية من سنة ل 5 سنين استقرار و ثبات حسابات
لو فرضنا ان قناة السويس هتدخل 15 مليار دولار في السنة " و ده رقم اكبر من الحالي بكتير "
و قسمت ال 277 مليار دولار علي 5 سنين
هيبقا الرقم 55.5 مليار دولار
يعني فوق طاقة قناة السويس ب 40 مليار دولار
ف لا قدر الله اي حدث چيوسياسي يحصل و المودعين يطالبوا بفلوسهم ... يقوم البنك المركزي يعرض قناة السويس للبيع زي مصرف لبنان و هو بيبيع كل ما يملك عشان اموال المودعين كده
مش هي دي الخطة 🤷🏻‍♀️🤷🏻‍♀️
يا ولاد الوسسسسس.... يا اعوان ابليس .. نتنياهو لو بيفكرلنا مش هتطلع منه فكرة ابدع من كده 🤷🏻‍♀️🤷🏻‍♀️

" قوم يا جمال .. قوم من تربتك احمي قناة السويس من النخاسين دول .. قوم يا جمال بيتأمروا علي العزيزة الغالية "

✨ الخلاصة :
ان الشمشرجية عايزين ينجدوا كبيرهم من البق اللي قاله
و اللعب كله علي تخفيض نسبة الدين من الناتج المحلي
يعني هو 80% هنخلوه 64%

انما مفيش تخفيض لرقم الدين نفسه ... و لا عارفين تتعمل ازاي و لا عندهم خطة
هو بس عايز يعاظم رقم مدخلاته بأي شكل عشان النسبة تقل .. و نسبة النمو تزيد
و الهري كله في مجرد " نسب " لا تسمن و لا تغني من جوع
انما مقالناش ان في ارقام هيتم سدادها ... و بالتالي الرقم ينخفض
و بدل ما بندفعوا 90 قرش من كل جنيه فوايد للديون فقط
هندفعوا 60 قرش
و ال 40 قرش هيتصرفوا علي ام المواطن اللي طلع تلاتين اهله معاهم

♦و عشان نكمل تفنيد الكذبة :
مفيش حاجة اسمها لما تخفض الفايدة تقوم تخفض رقم الدين .. ف تروح تنفق علي رفاهية المواطن

لأنك مازلت مديون اصلا في ديون قصيرة الاجل اكبر من حصيلتك الضريبية و السياحة و عائد الشركات الحكومية و الاراضي اللي بتبيعها
ف كفاية كذب بليز 🤷🏻‍♀️🤷🏻‍♀️

حبايبي :
السيد رئيس الوزراء اشتغلكم
و مش عارف ينقذ نفسه من فخ الاشتغالة اللي ممكن يطيح بيه ده
ف زاقق علينا الشمشرجية يجسوا نبضنا عشان يستولي علي املاك الدولة ... عشان يعالج علي الورق المصيبة اللي عملها مع كچوك

و الحل عمره ما هيكون 👈🏻 بشتري مني و ابيعلي
او بنقل الفلوس من المحفظة السودا للمحفظة البني

♦الحل :
▪تعظيم الايرادات بشكل او بآخر
▪تشغيل زوربيح بلوكات الخرسانة الميتة اللي في المناطق الصناعية " بشكل قومي .. يعني مش استثمار "
▪ايقاف الاقتراض الا في حدود معينة لتجنب الافلاس
▪تطبيق استراتيجية الورش و المصانع متناهية الصغر
" اللي هو راس مال بسيط و انتاج كبير "

و الاهم من كل ده
انكم تغوروا في داهية لأن عقولكم مبرمجة علي مد الايد و السلف و ياريتكم حتي عارفين تسددوا .. مفيش فيكم اي امل انكم تتغيروا

ف ارحمونا و غوروا في ستين داهية 🤷🏻‍♀️🤷🏻‍♀️

سهلة أهي 🤔

🔵 مساء الخير عليكم 🌺

هو انا معتكفة لسببين .
الاول : بستعيد نشاطي الذهني و الصحي
التاني : بفكر في اكتر من اتجاه الكوكب مزاولني فيهم .... و الحقيقة بعمل صياغة جديدة من نوعها في العلوم السياسية " مرحلة الابداع بقا لما بعد الفراندة 😎 "

♦لكن حبيبت اشارك معاكم معلومة كنت قولتهالكم من قبل و ناس تعمدت تنفيها 😂

و هي اعضاء مجلس السلام في غزة
و مصطلح جديد كده لسه مولود امبارح اسمه 👈🏻 رؤية غزة 2035 🤔

🔘 الاول خد الاسماء و بعدين نشوف رؤية غزة ده :
📌 مارك روان 👈🏻 ملياردير يهودي امريكي يسمي مغناطيس وول ستريت
معروف بتمويله لكافة المؤسسات اليهودية التعليمية و الخيرية في العالم كله
و اللي قدر يضغط علي مجلس الجامعات الامريكي لوقف تمويل جامعة بنسلفانيا تحت اتهام معاداة السامية " و ده صاحب رؤية غزة 2035 " 🙄
📌 اجاي بانجا 👈🏻 ده رئيس البنك الدولي حاليا و مدته هتنتهي قريبا
سيخي الديانة معروف بعدائه للاسلام عموما و المسلمين العرب بصفة خاصة
📌ارييه لايتستون 👈🏻 ده اصلا حاخام
يعني مش يهودي بس
لأ وحاخام كمان
مهندس اتفاقيات ابراهام مع كل الدول
له نشاط دبلوماسي ملحوظ و بيتولي ترويج الصهيونية في المدارس الامريكية " و نعم الاخلاااااق الكريمة علي رأي ابن حميدو 🙄"
📌جوش جربناوم 👈🏻 ده محلل استراتيجي و سياسي
له بااااع كويس في مجال تحليل البيانات
يهودي و عضو في " ايباك 🙄"
و ده المسئول عن البنية التحتية الرقمية في غزة ... باعتباره البيزنس بتاعه كله في مجال البرمجيات 🤷🏻‍♀️
📌 نيكولاي ملادينوف 👈🏻 دبلوماسي بلغاري و ده هيكون المندوب السامي لغزة
ملادينوف معروف بتأييده المطلق للصهيونية العالمية ... له مشاركات في اكتر من لقاء اخويات ... و احد المدعويين الدائمين لاجتماعات بيلدربيرغ السرية 😒
📌اللواء جاسبر جيفرز 👈🏻 عضو مجلس الامن الامريكي ... و مستشار مؤسسة انجيليون من اجل اسرائيل 😒

كل هؤلاء النجوم يجتمعون مع نجم الموسم و كل موسم 👈🏻 توني باااااشا بلير مدمر العراق و عراب الخراب العربي
بصفته رئيس المجلس التنفيذي لغزة

مع ظهور متميز للنجم جاريد كوشنر صهر ترامب و احد ابناء ابرز العائلات الصهيونية الامريكية و أغناها

و يشارك بحضور متميز لهذا العمل الفني النجم ستيف ويتكوف " يهودي بردوووو " .. مبعوث ترامب للشرق الاوسط
و ابن عائلة ويتكوف اليهودية واحدة من اقطاب العقارات في امريكا
و من ابرز ممولي منظمة ايباك 😒😒

‏( هو محدش عزم السامري ليه في الحفلة دي ... ااه السامري اللي صنع عجل له خوار و اضل قوم موسي 🤔
هو اللمة الحلوة دي ناقصاه 🙄 ‏)

✨ دول بقا اللي هيديروا السلام في غزة 🤔
منتخب العالم لليهود الصهاينة ده
هو اللي هيدير السلام في غزة 🤔
ده نتنياهو طلع أطيب ما فيهم يا رااااجل 🙄

🔷🔶 عشان خاطر نفهم بقا ازااااي فلسطين كلها اتاخدت بدون كلمة اعتراض من حد
" اااه ما اي حد هيفتح بوقه هيبقا عدو السلام 🤷🏻‍♀️ "
تعالوا نشوف 👈🏻 رؤية غزة 2035

دي خطة عملها مارك روان و اتوافق عليها
مفاد الخطة 👈🏻 غزة دي هتبقا سنغافورة

♦ ازاي يا حج مارك روان :
▪ هنعمل ميناء كبير و منطقة لوجيستية علي طول ساحل غزة
▪ هنستثمر في الغاز و حقول غزة مارين لتتحول غزة لمركز طاقة
▪ انشاء مناطق صناعية ضخمة و مصانع توفر فرص عمل لابناء غزة " كفاية حنية بقا انا هعيط منك 🥹 "
▪ بناء اكبر منتجع سياحي في شمال غزة
و بالفعل فلوسه موجودة و المستثمرين اليهود موجودين من كل انحاء العالم 🙄

بس الحقيقة احنا مش هندي فلوس و لا مليارات لأي جهة فلسطينية
احنا هنعملوا لجنة مالية يترأسها اجاي بانجا هو اللي هيدير الامور ماليا و معانا راس مال مبدئي 👈🏻 50 مليار دولار 🤷🏻‍♀️🤷🏻‍♀️

🔘 معلش .. ممكن ارمي المشاعر و العواطف و الانسانيات علي طول دراعي في اقرب باسكت
في شهر اكتوبر 2023 وتحديدا يوم 10
نزلت بوست طويل
شرحت فيه ان #اسرائيل_الكبري مش مساحة جغرافية ... و اي حد يقول انها مساحة جغرافية اما جاهل او غبي
اسرائيل الكبري نظام اخطبوطي اقتصادي يسيطر علي العالم

النظام ده بقا يا سادة
نجح يعمل تمركز له في المنطقة
يعني خناقتك مع اسرائيل گ دولة او كيان دي بقت خناقة هبلة و ساذجة
لأن اللي بيحركوا الاخطبوط ده
جم بنفسهم يقعدوا جنب الكيان ده عشان يدعموه ... وعشان يساندوا فكرة انه يتحول لأكبر قوة في الشرق الاوسط

" و لو انت معتقد ان القوة عسكرية فقط تبقا غلطان .. القوة في الاساس تكمن في الاقتصاد the powerful of money "

📌 طبعا كل ده هيأثر علي مصر سلبا الحقيقة
و هندخل في تنافس اقتصادي معاهم

لو كان نتنياهو اخد غزة و خلاص مش كان احسن من القرف ده 😏😏

كل ما تستقوي اقتصاديا كل ما تتحوش اكتر
و خصوصا بعد سحب كارت ايران و النزول بكارت تركيا
" و ده هنشرحه بعدين .. بعد اكتمال تفاصيل معينة في دماغي 👌🏻 "

ف شكرا لطوفان الاقصي و لكل ولاد الكلب اللي دعموه ... لبستوا المنطقة اكبر خازووووق و يمكن اكبر من خازوق النكبة 🤷🏻‍♀️🤷🏻‍♀️🤷🏻‍♀️

يا تري البهاليل عرفوا الحسبة بتتحسب ازاي
و لا لسه مكملين في استعباط اتباعهم تحت عنوان " التحليل السياسي الجاهل " 🤔
حماس مقاومة و بتخوض حربا نيابة عن مصر
و ايران محور
و الاخوان
و المقاطعة اللي اثرت علي اقتصاد اليهود🤔🤔

استمروا في الهطل
ما هو لو مش احنا زباين
مستحيل كنا هنتلطش القفا ده 🤷🏻‍♀️🤷🏻‍♀️🤷🏻‍♀️

🔵 قالك ميزانية الجيش المخفية " أمك اسمها نعيمة ألمظية " بصوت الفنان شفيق جلال جوز أم زوزو 🙄🙄

ايه يا حبايبي
احنا مش هنبطلوا هبل بقا 🤔
مصممين ترجعونا ليه لإجرام نسخة الفيسبوك 🤷🏻‍♀️
متخرجوناش من تركيزنا الله لا يسيئكم 🙄

يعني كذب مساوي و لا صدق منعكش
ايه يا حبيبي مبلغ 750 مليون دولار اللي مصر تعثرت تسده ده
احنا بنتغرغر الصبح گ شعب ب 500 مليون دولار مصروفات دولة ... عطلنا في 750 مليون دولار 🤔🤔
" يا جدع ده انا ألمهم للحكومة 😂 "

📌 هو البوست عبيط و اللي كاتبه بيتعاطي مخدر رخيص
بس لفت نظري جملة " مصر الجيش رفضت تسلف مصر الدولة المبلغ عشان مصر الجيش مش ضامنة مصر الدولة ترجعهم 🤔"

و ده غير مصر الجديدة و مصر المقاصة يالاااا 🤔

♦طيب ... الجيش عنده ميزانية خفية
براااااحته ... برااااحة راحته
فلوسنا و جيشنا
و سيبي الاولاد ينبسطوا يا زيييينب
يخفي الميزانية .. يخبي الميزانية .. يظهر الميزانية .. يشتري بالميزانية بيستاشيو صوص براااااحتهم
فاكرين عبد المنعم مدبولي في مسرحية ريا و سكينة : يوقع محمظته مطرح ما هو عايز 😂😂

في صورمازول دهان .. و صورمازولين كبسولات چيلاتينة 1000 مجم
بس مش بتتاخد ب البق 🙄
و متسألش ازاي 🤷🏻‍♀️

🔵 #المقعد_الاخر " حلقة 1" :

عايزاك يا عزيزي تركز و انت بتقرأ و يكون معاك مشروبك الدافئ
عشان انا هطبق استراتيجية جديدة في التحليل السياسي
" و مش هسميها و لا هقول مصطلح سياسي لها .. عشان ملاقيش بكرة اشاوس التحليل السياسي من دكاترة الجامعة و الصحفيين و الارزقجية ناسبنها لهم 😒😒 .. بس انت هتستشفها من السياق "

🔷🔶 عزلة واشنطن التجارية:
من الواضح ان زي ما امريكا قررت تبيع الجميع عشان مصلحتها 👈🏻 ف الجميع قرر انه يبيع بردوووو

🔘 خطوة لاول مرة بتحصل 👈🏻 خروج كندا من العباءة الامريكية
و مش أي خروج
ده خروج سبب غضب في واشنطن

♦العالم كله اقتصاديا بيعتبر كندا هي الولاية ال 51 لامريكا من حيث التبعية الاقتصادية
يعني كل ما هو يمس حياة الكنديين اقتصاديا متعلق ب أمريكا
▪السياحة
▪السيارات
▪الاعتماد الغذائي
▪منتجات الرفاهية

حتي في كنديين بيفضلوا العلاج في بعض الولايات الامريكية لأنها مقارنة بأسعار كندا بتكون اقل نوعا ما
🔸ترامب من ساعة ما جه و هو بيهدد كندا بالضم الاجباري
و رسوم جمركية
و تهديد بمنع صادرات معينة عنهم

طبيعي ياخدوا اجراء مضاد
و الاجراء ده كان عنيف الحقيقة
و هو 👈🏻 توجه مارك كارني رئيس الوزراء الكندي الي العدو اللدود لامريكا و هو الصين
و قام بزيارة
هي فعلا تاريخية
🔹تشي بينج شخصية مرنة و منظمة
قدر يستقبل كارني
و لااااا كأن كان في بينهم عداء سببه امريكا .. وفتحله الباب علي مصراعيه
📌 ترامب قارف الكوكب بايه 👈🏻 الرسوم الجمركية
طيب خد عندك تخفيض رسوم جمركية
▪كندا خفضت الرسوم علي السيارات الكهربية الصينية من 100% الي 6.1% " يعني تقريبا لغيتها 🙄"
و ده طبعا هيسمح لل BYD & MG انها تاكل من حصة تسلا و فورد " و تتحول السيارات الامريكية من سلعة اساسية الي رفاهية "
و ده في علم الاقتصاد سلوك بيفقد السلعة ما يقرب من 70% من حصتها 👌🏻
▪و لما كندا تقوم بخطوة زي دي لازم الصين ترد
ف خفضت الرسوم علي بذور الكانولا الكندية من 85% الي 15%
‏( بذور الكانولا دي اهم محصول زراعي كندي .. تقريبا الزراعة في كندا هي عبارة عن الكانولا
Canadian oil low acid
بيستخرج منه زيوت طعام ممتازة
و كندا اكبر مصدر لها ‏)
لما الصين في 2017 رفعت الرسوم الجمركية عليه من 22% الي 85% اثرت علي سوقه
و بقا بيتزرع علي قد احتياجات السوق الامريكي
و ده اثر في حياة المزارعين طبعا

لما انهاردة بتفتح لهم سوق ملياري زي السوق الصيني
الخبطة دي بس فتحت سوق للمزارعين مقداره 4 مليار دولار سنويا " و ده طبعا هيخلي كارني بطل قومي عند المزارع اللي اعباء ديونه خربت بيته بسبب اعتماده علي السوق الامريكي اللي كمان اصبح غير مستقر 🤷🏻‍♀️"

▪الصين لغت تأشيرة دخول الكنديين لها
و زودت عدد الرحلات الجوية الي 37 رحلة شهريا
و زودت الرحلات البحرية گ نشاط جديد لم يكن بينهم من قبل
و دي خطوة هتسحب من حصة السياحة الكندية في امريكا " لأن الصين سياحة متنوعة و رخيصة جدا "

و بعد ما ترامب عمل فيها مش هامه و اتبع استراتيجية الست الدراما كوين بتاعت الاهتمام مبيطلبش و قال 👈🏻 انا ميهمنيش زيارة كارني للصين .. واتفاقياتهم كويسة

🔹 خرجت السيدة جيمسون جرير الممثلة التجارية الامريكية
تهدد كندا و تتوعدها ان امريكا هتجوعكم يا كنديين
و لم يجد تهديدها اي رد فعل من الجانب الكندي
لأن اتفاقياتهم مع الصين فورية
يعني تدخل حيز التنفيذ يوم 20 يناير الحالي 👌🏻👌🏻

🔹ف رجع ترامب يغير استراتيجيته باستراتيجية سلطان السكري لما كان بيقول لاخوه 👈🏻 عاااااطيييف تعالي في مكان 🥹 " طمعا في الربع جنيه 🤷🏻‍♀️"
راح باعت ل مارك كارني دعوة عشان ينضم لمجلس السلام في غزة
" المجلس ده قلب حنة شمياء في قاعة الزمردة فجأة .. و ترامب عمال يوزع دعاوي 🤔 "
‏( هنقول ليييييه في الاخر 👌🏻‏)

✨لكن الرد الكندي جاء 👈🏻 هندرس ونفكر و نرد عليك بعدين

الصراحة كارني لعبها بمعلمة .. و تشي بينج لعبها بمعلمة أكتر
-------------------------------------------------------
🔘 اجراء تاني : و ده خاص بالاتحاد الاوروبي الكسيح حاليا

ما كل شوية يجي المعلم الديناري يلطشهم قلم .. و لا شلوت
ف برغم من كل اعتراضات بعض دول الاتحاد زي فرنسا و بولندا مثلا علي اتفاقية ميركوسور

و دي اتفاقية تجارية بين الاتحاد الاوروبي و دول امريكا اللاتينية " البرازيل - الارجنتين - بارجواي - اوروجواي "
تتيح للاتحاد الاوروبي استيراد كافة المحاصيل الزراعية الموجودة عند الدول دي في صورتها الزراعية .. ثم عودة تصدير المصنعات منها بعد الحصول علي احتياجاتها
و كذلك اللحوم

📌 خد بالك يا عزيزي ان الغذاء موجود في جنوب العالم
الزراعة .. الدواجن .. اللحوم الحمراء .. الزيوت .. الحبوب .. الاخشاب
شمال العالم بارد و فقير غذائيا 👌🏻👌🏻

🔹و بما ان امريكا بتعتبر انها تملك القارة الجنوبية و ورثتها عن المرحومة امها
ف ده شئ عملهم جنان

ليييييه 👈🏻 لأن دول ميركوسور مش هيبقا عندها حاصلات تديها لامريكا
و كمااااان الاتحاد الاوروبي خفض الرسوم الجمركية عليهم ل 11%
في حين ترامب فارض عليهم 50%
▪ و في المقابل امريكا اللاتينية خفضت الرسوم الجمركية علي سيارات الاتحاد الاوروبي

و بالتااااالي 👈🏻 كل ده بياكل من حصة العم سام سواء في التجارة مع امريكا اللاتينية او الاتحاد الاوروبي

و تحولت الرسوم الجمركية من سيف يحارب به الجميع .. الي خنجر مسموم بيطعن به نفسه 🤷🏻‍♀️🤷🏻‍♀️

♦حتي ال 10% الرسوم الجمركية اللي فرضها امبارح علي الدانمارك و النرويج و هولندا و بولندا و السويد ومش عارف ايييييه تاني
عشان يضغط عليهم للاستيلاء علي جرينلاند
هترد في صدره تقتله
لأن فورا هيتجهوا للبديل 🤷🏻‍♀️🤷🏻‍♀️

📌 و بكده هيبقا عايزها 👈🏻 خدها عسكريا
و تقوم بينهم حرب
و ينهار الناتو
و يتخرب بيت ابوهم كلهم
و نفرحوااااا كلنا 😍😍
---------------------------------------------------
🔷🔶 ايه بقا حكاية المليار دولار و مجلس السلام 🤔
دي يا باشا الفيزيتا
التيكيت اللي هيندفع للعم ترامب عشان تدخل و تاخدلك من سبوبة البيزنس اللي هيتعمل هناك جانب

📌 انسي تماما حوار القضية الانسانية .. و ارخاء السلام
الكلام ده اي هتش بيتقال

القصة كلها :
مش انتوا عايزين توقفوا الحرب و تعملوا سلام 👈🏻 اوك
بس احنا اجندتنا توسعية و كده كده غزة معانا

فاحنا هنغيروا الاستراتيجية
و بدل ما ناخدوها عسكريا و نفضلوا نناقروا في بعض
انتوا اللي هتدوهلنا بنفسكم .. عشان تبقا سنغاااااافورة
و الشعب الفلسطيني يعيش حياة كريمة ... و تضمنوا ان ميقومش حرب تاني في المنطقة دي
" ما هو بعد ما كل المليارديرات دول يدخلوا يرموا بياضهم و يتعمل الريزورتات السياحية و المصانع و محطات الغاز و المينا اللوجيستي ... احاربك ليه و اقرف نفسي ما هي خلاص بتاعتي و بفلووووسي 🤷🏻‍♀️"

🔹و طبعا ده مش هيكون في غزة فقط
نوووووو
ده يد التطوير هتنزل علي اسرائيل كمان
و بكده انا فهمت الاخلاءات اللي بقالها سنة بتحصل في النقب سببها ايه .. و القري اللي بيمشوا منها اهلها
و زوربيح القوانين الخاص بالبناء و الهدم و الاستثمارات اللي عمال يصدرها الكنيست بخصوص منطقة النقب دي كلها ليييييه " كنت متابعة الموضوع و عمالة افكر ليه 🤔 "

ربنا يخلي حماس يا ولاد
وسعت اسرائيل و خلقت لهم مظلومية جديدة و جابتلنا المائدة المستديرة للماسونية بنوا شاليه و قعدوا وسطنا 🙄🙄
7 اكتوبر ده هيبقا عيد قومي للصهيونية العالمية .. زي يوم مؤتمر بازل 19 مارس و يوم قرار التقسيم في 29 نوفمبر و يوم النكبة 14 مايو
" مش اليهود عندهم عيد اسمه يوم كيبور او كابور بعد روش هاشناه بتاعتهم اللي هو كان توافق مع 6 اكتوبر ده .. عيد الكابور الغفران
7 اكتوبر بقا هيبقا عيد الخابور اللي حماس لبسته للمنطقة كلها 🙄 "

و بقا في فيزيتا اهوووو
اللي عايز يدخل ياخد له حتة من السبوبة .. يدفع للعم ترامب مليار دولار و الحسابة بتحسب 😒😒

♦و طبعا في اجراء احترازي مصر بتاخده
و هو توسعة ميناء و مطار العريش
و بنعملوا المرحلة التالتة من تطوير العريش

دي اصلا في خطتنا من 2018 بعد انتهاء الحرب الشاملة علي الارهاب
لكن ده هيخلق منافس لمنطقة غزة الصهيونية

يقوم اييييه يحصل 👈🏻 اعلام الاخوان ياخد تعليمات الظابط بتاعهم
ويبدأ يصيح علي الجيش
و إلحححححق يا جدع الجيش بيستولي علي العريش
و تتعاد هرية ان الجيش بياخد اراضي الدولة بأقل من قيمتها " تاااااني 👈🏻 ياخدها ببلاش .. براااحته .. يوقع محمظته مطرح ما هو عايز 😂 "
عشان يظهر المراكيب في الميديا يستخدموا نفس الهرية لخلق حالة سخط

بس و لااااا تفرق
عادي يعني
صياحكم طرب 🤷🏻‍♀️🤷🏻‍♀️

و دي الحلقة الاولي 👌🏻

🔵 #المقعد_الاخر:
" حلقة 2 .. #وجدتها "

اعتقد ان انتوا عارفين عني اني شخص مبيحبش يزيط في الاحداث السياسية و لا الاقتصادية

و بحب اتأني قبل ما اعرض تحليلي لأي حدث 🤷🏻‍♀️

🔷🔶 خطاب ترامب للرئيس السيسي :
ترامب بيعرض خدماته لحل ازمة سد النهضة ... و انهم لما يلتقوا في دافوس يحطوا تصور ازاي تنتهي الازمة دي

الحداية مبترميش كتاكيت
و مش مصر اللي هتبقا فتي مدلل لترامب ولا لأي رئيس امريكي
▪مصر اللي انتزعت قناة السويس و اممتها في حدث صدم العالم كله
▪مصر اللي رممت جيشها و هي البلد الوحيييييييد اللي قدرت تسترد من عين اسرائيل ارضها .. مفيش دولة قدرت تعمل ده
▪مصر اللي نجت من حصار اقتصادي بدأ علي العرب من سنة 1972 و لم ينتهي بعد
" موارد العرب في ايد امريكا"
▪مصر اللي فلتت من فوضي الربيع العبري
▪مصر اللي رفضت التهجير
▪مصر اللي بقالها 14 سنة ماشية ورا الحركات الارهابية اللي صنعها ال CIA من اجل تدمير المنطقة .. تفسد مخططاتهم

ف متقوليش بقا ان فجأة كده امريكا بقت بتحب مصر و بتبوسها من بوقها 🤷🏻‍♀️🤷🏻‍♀️

♦طب ايه الحدوتة 🤔
معلومة كده علي السريع 👈🏻 هل تعلم يا عزيزي ان امريكا بتمنح مساعدات مالية سنوية ل اثيوبيا من 500 مليون الي 1.33 مليار دولار و احيانا بيتجاوزوا المبلغ ده 🤔

🔹طب لييييه 🤔
ايه اهمية اثيوبيا دي 🤔

اقولك :
▪انها شريك لاسرائيل في اتفاقية الرمح الثلاثي " اسرائيل - ايران - تركيا و انضم لها اثيوبيا في عهد هيلا سيلاسي "
تحالف الرمح " Periphery Doctrine "
و اللي ضموا له اثيوبيا لمحاصرة نفوذ عبد الناصر في افريقيا
▪اثيوبيا بينها و بين اسرائيل 3 اتفاقيات استخباراتية و تبادل معلومات
جهاز ال NISS الامني الاثيوبي بيشتغل خدام عند الموساد
و ده اللي بيمنح اسرائيل المعلومات اللي بتحتاجها للتوغل في افريقيا .. دون المخاطرة برجالها في دول صراعات و حروب اهلية
▪اثيوبيا اللي ساعدت اسرائيل لتهيئة انفصال جنوب السودان
و كانت مخزن السلاح الاسرائيلي للحركات الانفصالية

اعتقد دي اسباب كافية جدا ان يد الرعاية الصهيونية تشمل هذا العبد 🤷🏻‍♀️🤷🏻‍♀️

و مكنش في اوسخ منها عشان تقبل تعمل سد يكون قنبلة مائية تهدد مصر اما بالعطش او الغرق 👌🏻👌🏻

📌 انا عارفة ان الشركة اللي عملت رسومات السد امريكية
و هي اللي اختارت مكانه فوق الاخدود الافريقي
لكن ترامب في مارس 2025 قال تصريح 👈🏻 ماذا استفادنا من ذلك التمويل الغبي للسد الاثيوبي

هنا بقااا الحدوتة كلها
انهم مستفدوش حاجة
مصر عملت كل احتياطياتها عشان متغرقش .. و التجربة العملية في شهر سبتمبر اللي فات خير دليل
و في نفس الوقت السد مش شغاااااال
📌 دورت انا ورا المبالغ اللي دفعتها امريكا لاثيوبيا من 2011 ل نهاية 2025
طلعوا كااااام 👈🏻 13.8 مليار دولار
في حين ان تكلفة انشاء السد كانت 5 مليار دولار .. و بعد الفشل المتوالي وصلت ل 8 مليار دولار
حلو ... حلووووو
▪ لا ده كمان في يونيو 2025 كان المفروض ان اثيوبيا تعلن افلاسها
و لكن فريق الولايات المتحدة الامريكية ضغط علي صندوق النقد الدولي لمنح اثيوبيا برنامج تمويلي قدره 3.4 مليار دولار لسد الفجوات المالية المؤدية للافلاس

الله 🤔 .. ما انت مش زعلان منهم و لا حاجة اهو ايها الرجل الأورانچ 🤔
▪في 2020 الوكالة الامريكية للتنمية " USAID " منحت اثيوبيا منحة قدرها 3.6 مليار دولار
▪سنة 2022 : الحكومة الامريكية منحتهم 1.93 مليار دولار
▪سنة 2024 : الفيدرالي منحهم 1.33 مليار دولار

كل دي اموال في هيئة منح غير مستردة .. ومن جهات متعددة كمان

ف قررت اني ارتدي ملابس الكاوبوي الامريكي و انزل اقعد في اثيوبيا ... و ابص بصة حواليا كده لكن نظرة ظابط CIA

لقيت مصر محوطاني من كل الاتجاهات بكماشة غير عادية
✨ تنزانيا :
▪سد جوليوس نيريري " اتكلمت عنه باستفاضة قبل كده " .. المهم انه بيوفر 2115 ميجا وات تقريبا ضعف كهرباء السد العالي
يعني هيغطي تنزانيا
وكمان مصر عملت عقود بيع كهرباء للجيران
▪مصر انشأت منطقة لوجيستية مصرية في تنزانيا في ديسمبر 2025
" يعني تحكم في حركة الواردات و الصادرات 👌🏻"
▪محطة بضائع مصرية بميناء دار السلام
و مش تسكت مصر
لأ ربطت المحطة دي بميناء سفاجا و ميناء السخنة
ف بقوا مينا واحدة " فتحت السفرة ع الريسبشن يعني 🙄"
▪مجمع صناعة اللحوم المصري في تنزانيا
و ده عبارة عن مزرعة و مجزر آلي و مصنع دباغة جلود و مكتب تصدير
و ده بيوفر فرص عمل كبيرة بمرتبات جيدة للتنزانيين و فاتح بيوت كتير 👌🏻

✨اوغندا :
بالرغم من التواجد الاسرائيلي في اوغندا