🔵 #علاج_في_خطوتين:

واحد من زمايلي راجع من دافوس
قعدت كده اتناقش معاه و اعرف الاخبار
راح مفاجأني بسؤال
لو حد جه و قالك اعمليلي خطة علاج في جملتين اتنين فقط لدولة ما
🔸ايه هما المحورين دول يا چيلان 🤔

ف سكتت چيلان ثم قالت 👈🏻 الطالب و الفلاح
ف اندهش الحاضرون
اللي هو نعم ياختي 🙄

♦اي حل في الدنيا لازم يحقق نتايج تكون مستدامة و علي المدي البعيد تفضل تحصد في النتايج دي

غير كده يا باشا اسمه ظرف كتافاست يسكن الالم شوية .. بس مش هيعالجه 🤷🏻‍♀️🤷🏻‍♀️

و لما التعليم و الصحة و الزرعة يبقوا سلعة .. يبقا ساعتها تمزق العقد الاجتماعي بين المواطن و الحكومة
و ده مش تطييب خاطر.. في فرع في الاقتصاد الكلي اسمه العقود الاجتماعية
لا يتغافل عنه الا حكومات نخاسين .. انما الحكومات المحترمة اللي مفيهاش لصوص و متسولين بتلتزم بيه 👌🏻👌🏻

و فسرت ايه القرارين اللي هاخدهم :
🔘 مجانية التعليم تماماااا وتوحيده :
يعني ايه 👈🏻 يعني هلغي الانترناشيونال و الخاص و القومي و كل الاصناف
و هيبقا تعليم موحد تحت اشرافي
▪هجيب مستشارين من كافة انحاء العالم و ادفعلهم و اخليهم يعملولي مناهج تتناسب مع واقع العالم ومتطلبات السوق
" اااه عادي هدفع لهم كتير .. ما احنا اما استرخصنا ومرضناش ندفع لبسنا في 371 مليار دولار ديون داخلي وخارجي 🙄 "
▪هرفع راتب المدرس ل 30 الف جنيه .. بس بشرط اللي هيدي درس هسجنه 10 سنين
عشان المدرس يرجع رسول العلم مش تاجر معلومة بتسيح بعد الامتحان بنص ساعة
▪هخلي اليوم الدراسي من 7 صباحا ل 4 العصر
يبدأ بطابور لياقة زي الميري كده
و يبقا في حصص لحد 12:30 مادتين تلاتة بالكتير
و لحد 2 انشطة
و من 2 ل 4 حل الواجب و التطبيق و الكويز
ال mathematics اللي بتتدرس في التجمع هي هي المنهج بتاع الزاوية الحمرا
ونفس اليوم ونفس التوزيعة
▪و هعيد هيبة التربية الدينية و التربية الوطنية و الخدمة الالزامية و الخدمة المجتمعية
" ما انت بقيت امور و حلو و بغل اهووو عندك 14 سنة عليك التزام ناحية الدولة
تنضف الشارع .. تزرع الجزيرة في اللي في النص .. تساعد مع عمال بناء في اي مشروع تنموي
يوم في الاسبوع تسدد من اللي عليك 🤷🏻‍♀️
ما انتي بقيتي شحطة اهو 16 سنة .. عليكي يوم تنزلي لدور الايتام و لا المسنين و لا المستشفيات الاميرية تخدمي و تحرري انسانيتك من قيود الانانية عشان تكوني ام صالحة 🤷🏻‍♀️"
▪الثانوي بالتخصص و الرغبة بناءا علي الجامعات المتاحة لسوق العمل اللي الدولة محتاجاه
▪و الطلبة اللي لا تمتلك قدرات دراسة المواد العلمية
تروح مدارس المهارات
و تقعد 5 سنين تدرس و تاخد بكالوريوس بردوووو

كل طالب في الدولة دي هيحصل علي نفس الفرصة بتاعت كل دفعته
تساوي الفرص التعليمية = جودة تعليم و جودة عقليات

▪هلغي الجامعات الخاصة
و الاهلية اللي اتخدعنا فيها
افتكرناها لتكافؤ الفرص
طلعت لاقتسام السبوبة 🙄
" الدولة اللي فيها اتنين دكاترة واحد جاب 95% وواحد جاب 70% دي دولة ظالمة لابناءها سعادتك وماشية بمبدأ معاك قرش تسوي قرش و اللي معهوش ميلزموش 😒😒"

📌 هل لما اخد القرار الثوري ده
نتيجته هتكون عقليات متميزة و تعليم جيد و خريجيين يواكبوا العالم وبس 🤔
ايوا فيييين الاثر الاقتصادي الايجابي 🤔

🔹اخر احصائية اتعملت في معهد برلين للاقتصاد في تعميم دراسة علي 25 شعب و انفاقهم علي الحصول علي شهادة
طلع الشعب المصري الانفاق علي المدارس و الدروس بيلتهم من 66% الي 82% من الدخل الشهري
- مصروفات مدارس
- مدفوعات دروس
- تكلفة انتقالات ومواصلات
- كتب خارجية وملازم

✨ ببساطة لو حد دخله 10000 ج
ف هو بيصرف من 6600 ج الي 8200 ج علي التعليم
ف لما حضرتك تمنع الدروس و التعليم يكون مجاني " زي دول كتير متقدمة علي فكرة "
هتوفر المبلغ ده للاسرة
▪بالتالي هيرتفع معدل القوة الشرائية للاسرة دي لسلع وخدمات اخري
▪يزيد المطلوب علي السلع و الخدمات
▪بدل ما الانتاج في المصانع و المحلات يدخل ضمن المخزون التام
ينزل السوق لأن عليه طلب
ف المصانع تصنع اكتر
ف عجلة الانتاج تدور
▪لما حجم الانتاج يزيد 👈🏻 هتحتاج عمالة مدربة 👈🏻 و ده معناه انك هتخلق فرص عمل 👈🏻 يعني رواتب و دخل شهري
▪زيادة عدد الافراد التي تحصل علي راتب ثابت شهريا 👈🏻 بتساهم في تقليل نسبة الفقر
▪و لما عجلة الانتاج بتزيد 👈🏻 معناها عدم حدوث ركود و استمرارية الانتاج والبيع و الشرا 👈🏻 وده معناه ان حجم الناتج المحلي للدولة بيزيييييد
▪لما حجم الناتج يزيد 👈🏻 رقم الديون هيقل 🤷🏻‍♀️
▪و لما رقم الديون يقل 👈🏻 النمو الاقتصادي نسبته هترتفع 🤷🏻‍♀️
▪و لما القوة الشرائية للمواطنين تزيد 👈🏻معناها انتاج مستمر 👈🏻 ده يرفع حصيلة الضرائب
▪حصيلة الضرائب اما ترتفع 👈🏻 تقلل عجز الموازنة و تساعد في خفض اتساع الفجوة التمويلية 🤷🏻‍♀️🤷🏻‍♀️

كل النجاح الاقتصادي ده
يتحقق لما تلتزم بالعقد الاجتماعي في التعليم

ولاد كارل جوستاف ملك السويد اتعلموا في نفس المدرسة اللي اتعلم فيها اولاد عامل تنظيف البلاعات عااااادي .. وحصلوا علي نفس الفرص المتكافئة 🤷🏻‍♀️

✨انت كمان ناسي الاثر الاجتماعي :
▪الولاد اللي هتخلص يوم دراسي شاق الساعة 4 و تروح البيت الساعة 5
يادوب هتقعد مع اهاليها ساعة و لا اتنين و تدخل تنام الساعة 9
مش هيكون عندها وقت تصاب بالتعفن الدماغي بسبب الموبايل و السوشيال ميديا
▪قلة الاحتكاك بالسوشيال ميديا = رقي اخلاقي
" عرايا و رقاصات التيك توك مش هيلاقوا سوق يبيعوا فيه اجسامهم "
▪هتقلل الطلاق اللي نسبته وصلت انه اعلي من عقود الزواج لنفس العام " و دي كارثة "
ليييييه :
- الظروف الاقتصادية للاسرة هتتحسن
و ده هيوفر الضغط النفسي اللي بيؤدي للطلاق
- الامهات هتقعد في البيت تشوف بيتها و جوزها و عيالها .. مش هتقعد تشيش علي الكافيهات مستنية چودي اما تنزل من السنتر تلاقي ماما بتشيش 🙄
- قلة التحرك في الشوارع و اغلاق الدايرة الاجتماعية ثبت انه بيحقق استقرار نفسي اكتر للمرأة
ف بدل ما تشوفك جحش و بارد مش رومانسي زي جوز مامت ياسين .. او بخيل مش زي جوز مامت زياد اللي بيخونها مع طوب الارض بس بيغدق عليها بالهدايا
هتركز في حياتها
و هترتب اولوياتها
- لما بعبع التعليم يخف
هيكون في فرصة للاجازات و الرحلات
اللي هو طبيعة النفس البشرية بالبحث عن مكافأة نفسية بعد كل عمل شاق
و ده هيقرب بين الاسر
و هتعرفوا حاجات عن ولادكم اللي ببتصدموا وهما في ثانوي و تسألوا هو مين ده
هو ده ابني اللي ربيته 😳
انت مربتش اصلا
اللي ربي الشارع و السنتر و الموبايل 🤷🏻‍♀️🤷🏻‍♀️ .. انت ATM لا طلعت و لا نزلت 🤷🏻‍♀️🤷🏻‍♀️

📌 لما المواطن يستقر نفسيا
طبيعي انتاجيته تزيد
و نرجع تاني 👈🏻 ناتج محلي يزيد 👈🏻 ديون تقل 👈🏻 نمو يزيد 👈🏻 عجز موازنة يقل 👈🏻 ايرادات تزيد 👈🏻 ف تعرف تنفق علي باقي مناحي الحياة 🤷🏻‍♀️🤷🏻‍♀️

🔷🔶 اقتصاديا :
س : اذكر اهمية التزام الحكومات بالعقد الاجتماعي
ج : الحفاظ علي الهيكل الاقتصادي للدولة .. ومنح الموازنة ركازة و استدامة تحقيق ايرادات

شوفت العلم حلو ازااااي 🤔

" كل الدول اللي باعت الصحة و التعليم گ سلعة 👈🏻 انهارت "

🔘 طيب الفلاح بقا 🤔
هتعلميه و تعمليله طابور لياقة بردووو🤔
لا يا باشا
هرجع الجمعية الزراعية 😎
مش بتاعت يوسف شعبان في فيلم الرصاصة لا تزال في جيبي
نووووو : الجمعية الزراعية بجد 👌🏻

📌 دعم الفلاح 👈🏻 تعليمه و تدريبه علي افضل وسايل الزراعة
📌 دعم الارض :
سولار و بنزين مدعوم .. تقاوي و اسمدة .. متابعة من المهندسين الزراعيين .. معهد البحوث اللي شاغل حيز من الهواء ع الفاضي هيشتغل للخروج بأفضل محصول

✨ هستفيد ايه من الدعم ده 🤔
هتستفيد حاجة بسيطة 👈🏻 محصول جودته مرتفعة + سعر رخيص
▪ ينزل الاسواق بأسعار عادلة 👈🏻 فيرفع القوة الشرائية للمواطن اللي هي الزرار بتاع الرواج او الركود 👌🏻
▪يقوم يقود موجة من هبوط الاسعار 👈🏻 ينخفض التضخم " بجد مش في التقارير المضروبة 😒"
▪لما التضخم ينخفض القيمة النقدية للرواتب ترتفع 👈🏻 يزيد استقرار العملة نتيجة لاستقرار السوق البيعي 🤷🏻‍♀️🤷🏻‍♀️
▪زراعة جيدة = تحقيق اكتفاء ذاتي
و ده ينقلنا للمرحلة اللي بعدها :
▪ اكتفاء ذاتي 👈🏻 صادرات 👈🏻 جلب عملة صعبة
▪اكتفاء ذاتي 👈🏻 تقليل واردات 👈🏻تقليل الطلب علي العملة الاجنبية 👈🏻 تنخفض العملة دي وفي المقابل ترتفع عملتك 👈🏻 و ده يحقق نمو اقتصادي 👈🏻 يخفض من قيمة الديون 🤷🏻‍♀️

🔹مش كده وبس :
اقتصاديا : الزراعة ام بيولوجية للصناعة
و في موازنات دول قايمة علي الصناعات الغذائية
▪مصانع يعني 👈🏻 فرص عمل 👈🏻 رواتب ثابتة 👈🏻 نسبة فقر بتقل 👈🏻 ناتج محلي بيزيد نتيجة زيادة الحصيلة الضريبية
▪مصانع يعني 👈🏻 صادرات 👈🏻 فائض ميزان مدفوعات 👈🏻 يسمع في الموازنة بالزيادة 👈🏻 تقل الفجوة التمويلية 👈🏻 تبطل تستلف و تقترض و تخرب بيت ام الشعب و الدولة و الكل كليله 🤷🏻‍♀️🤷🏻‍♀️


🔴 وعشان اعمل ده اكيد هحتاج معايا شاكوش ادق بيه ادمغة التعابين 👈🏻 dirty team can kill by order
بيسموهم كده في اجهزة المخابرات " DTK "

لكن الشعب اللي هيستفيد و يشعر بآدميته هيكون هو حمايتك الحقيقية

✨سألني صديقي : و حاجة زي كده ممكن امتي تحقق ثمارها
جاوبته 👈🏻 بعد 12 شهر هتشوف نتائج تبهرك

العقد الاجتماعي اتعمل للحفاظ علي هيكل الدولة
اوروبا بعد ما خلصت سرقة للعالم انتبهت للعقد الاجتماعي ف تحولت لقوة جاذبة لكل انسان عايز يعيش بآدمية

كان في مثل بيقول : ابني ابنك و لا تبنيلوش
بناء الانسان اهم بكتيييير من بناء الجدران 👌🏻👌🏻

مجرد طموح او روشتة ذهنية
و تحدي
تقدري تحلي في اجرائين
و انا محبش حد يتحداني 😎😎
ممكن اي دولة في العالم تطبقها الاااااا دولة واحدة 👈🏻 اللي عملتها الزلوط
و اللي بتخفض وتعوم الزلوط عشان تزود ثروات رجال الاعمال 🤷🏻‍♀️🤷🏻‍♀️
ملنااااااش دعووووة يا موووهي 🙄🙄

🌺 عيلتي اللي بحبها ❤
و اللي بشاركها كل مناسباتي الحلوة
انهاردة عيد ميلاد ملاكي الحارس .. الانسان اللي بالنسبة لي رصيد الامان اللي بسحب منه و مش قلقانة يخلص❤

🌺 كتير منكم اتعامل معاه وشاف قد ايه مبيتأخرش علي حد
و انا شهادتي فيه مجروحة
ربنا يقدرني و أرد ربع جمايله عليا و اهتمامه بأسرتي 🤷🏻‍♀️
كفاية اني اقول انه لو محستش انه بيحوم حواليا .. بتوه 🤷🏻‍♀️
Mmk
كل سنة و انت طيب يا راجل يا طيب❤
ربنا يحفظك و يبارك فيك و لا يسؤنا فيك .. و النجمة التالتة و النبي قمر و مش هتزاحم اخواتها الاتنين 🤔
و اما نوصل للسيفين العيلة هتقدمهم لك دهب .. ياللي اصلك ومعدنك اغلي من كل الدهب ❤

السنة دي @diaa_eddein كان فاكر قبلي وبيجهز مع نفسه كده .. و كالعادة يا سادة .. ضياء بيصنع لنا السعادة .. ويقدمهالنا سكرها زيادة ❤💚🌺

🔵 #متفرقات_اقتصادية:
♦ الصعود الجنوني للدهب :
و عموما لسه هيزيد كمان
هنسمع 6500 دولار للاونصة .. "و ده طبعا هيأثر علي اسعار الجرام في مصر .. السؤال الدوري🙄 .. احنا هنسمع 8500 ج للجرام "

🔸ليه بيحصل كده للدهب 👈🏻 بسبب انخفاض الدولار
" منخفضش في مصر 🤔 .. اقتصاد مصر و شكله مش مقياس لاي حاجة كونية بلييييز 😒"
الدولار عالميا بينخفض .. وجدااا

الدولار ملاذ آمن ادخاري
لذلك معظم المستثمرين استثمارات قصيرة الاجل بيعتمدوا عليه
ازااااي 👈🏻 بيروحوا يشتروا سندات و اذون خزانة و ادوات دين امريكية " و ده اللي بيمول الحكومة الامريكية "
الدولار ثابت .. فوايد مرتفعة .. عملة مقايضة و تبادل جيدة

▪طب ده مبقاش موجود 👈🏻 بقا في عزوف عن شراء الدولار في شكل ادوات مالية بسبب ان في عملات بقت افضل منه و لأنه بينزل
" افضل منه دي لها عدة معاني .. الافضلية ممكن تكون في مدي استقرار العملة .. اوووو معدل دورانها 👌🏻"
▪طيب .. العالم بيعاني من صراع اقتصادي
و ده من شأنه هيأثر علي الاحتفاظ بأدوات الدين

يبقا هنا الملاذ الامن الوحيد 👈🏻 الدهب
▪الدول بتشتري دهب عشان تعزز موقف الاحتياطي النقدي
▪ الاشخاص بتشتري دهب عشان وعاء ادخاري آمن
▪المؤسسات بتشتري دهب عشان تأمن جزء من سيولتها النقدية و ترفع من قيمة ارصدتها

الاقبال علي سلعة في ظل ثبات واستقرار حجم المعروض منها بيرفع سعرها

🔘 تأثير الوضع ده علي الاقتصاد " اي اقتصاد سواء عالميا او محليا "
هيكون حلو و لا حادق
لا ده ساااام و يؤدي للوفاة 🙄
📌 ليييييه 👈🏻 لأن الدهب بيسحب معاه كل المعادن الاخري و اللي بتدخل في الصناعات المختلفة

هتلاقوا ان سعر النحاس ارتفع عالميا
و ده هيأثر في الشخروميت صناعة اللي بيدخل فيها النحاس بالسلب
لأنه ارتفاع سعر المادة الخام معناه ارتفاع تكلفة الصناعة معناه انخفاض ارباح
و هنا المنتجين بيكون امامهم حل من اتنين :
▪اما يرفعوا سعر السلعة
▪او يوفروا مدخلات الانتاج و الحلقة الاضعف هنا هي العامل
فيسرحوا العمالة
و ده طبعا بيرفع نسبة الفقر و نسبة البطالة في الدول

و احنا اتعلمناها خلاص
عندك فقر عالي و بطالة
يبقا ناتجك المحلي ملوش لازمة اقتصادية في نسبة النمو 🤷🏻‍♀️🤷🏻‍♀️

زي النحاس .. الكوبلت .. الفضة .. الالومنيوم
بورصة المعادن انهاردة قدامي متجننة حرفيا 👌🏻

♦معركة الرسوم الجمركية :
النص التاني من 2026 هيشهد كساد اقتصادي بسبب استمرار استخدام الرسوم الجمركية گ سلاح حرب
ليييييه 👈🏻 لأن الدول اللي هتتعسف بالرسوم الجمركية .. هتاخد فترة زمنية " لكنها قصيرة " لتحويل وجهاتها الاقتصادية
و ده هيعمل حالة من السكون في الاسواق هتؤدي لكساد مالي

📌 كندا خبطها 100% رسوم :
ده هيوقفها تماما عن التعامل مع امريكا
و هتتجه لفتح اسواق تانية
ده هياخد شوية وقت
📌 كوريا الجنوبية اخدت 25% رسوم :
و ده خلي الحكومة انهاردة تتجه لقرار انها تعمل hold لكافة الصادرات الامريكية
📌اوروبا بتتذل بقا :
لذلك اتجهت الي الصين
و كمان الهند
الصين : مش عبيطة .. يعني مش هتنزلق بسهولة و هتنقط الاوربيين
الهند : مش بتتعامل مع حد من منطلق الخدمات
نارديرا مودي له استراتيجية من يوم ما مسك 👈🏻 الاول بيدرس دولته هتستفيد ايه من اي اتفاقية
و لازم يكون هو المستفيد الاول و الاكثر
و بعديييين يبقا يشوف يمشي الاتفاقية ازاي
و حاليا اوروبا هي مجرد سوق استهلاكي بشري .. مفيش شئ تقدمه لاي حد

الرسوم الجمركية الباهظة دي هتكون اداة تدشمل الهيكل الامريكي " وده شئ هيفرحنا كلنا و الله 🤷🏻‍♀️"

♦التذبذب في سعر النفط :
النفط هيتجه للصعود شوية بس مش كتير
لكن هينخفض
و مع التوصل لاتفاق روسي امريكي في اوكرانيا هينخفض اكتر
مع استمرار استقرار العرض و زيادته

🔸هل ده هيأثر علينا في مصر :
لا طبعا
احنا بنرفع الاسعار علي خلق الله بس
انما يستفيد المواطن بانخفاض اي اسعار عالميا .. لأ و دي تيجي 🤷🏻‍♀️🤷🏻‍♀️
" و المبرر : احنا بندعم الاسعار 🙄"
لكن دول العالم طبعا هتستفيد من الانخفاض ده و هيؤدي لكبح التضخم عندهم 👌🏻

♦المغتربين و حكومة النخاسة :
شوف يا عزيزي
احنا گ مغتربين دايما بيتبص لنا علي اننا بنقطف الفلوس من علي الشجر
من المعارف و القرايب و اي حد معدي في الشارع
من منطلق ده بيقبض باليورو .. و الدولار .. و الريال
و كأن ذنب المغترب ان الجنيه المصري رايح في مصيبة 🤷🏻‍♀️🤷🏻‍♀️
بدون النظر اننا بردوووو بنصرف بأم اليورو .. مش بقبض باليورو و اصرف بالجنيه
المغتربين اللي هما ستروا الحكومة دي و بيستروهم من فضيحة العملة الصعبة
احنا محدش بيلوي دراعنا بالعكس 🤷🏻‍♀️🤷🏻‍♀️
يا باشا احنا عااادي جدا نشتروا اذون خزانة من حكومة سويسرا ولا مصارف دبي و لا سندات بروكسل السيادية و ناخدوا فوايد 100% و نوجه رواتبنا لمصارف اخري

و انت هتخبط دماغك في الحيط .. المغترب هو المواطن الوحيد اللي مبيتلواش دراعه 🤷🏻‍♀️🤷🏻‍♀️🤷🏻‍♀️

القرار لا لحماية صناعة وطنية و لا مهليية .. القرار عين راشقة في جيب المغترب و تفتيشة .. و دي حكومة متستحقش احرق دمي عليها 👌🏻

دي كده لمحة سريعة لنقاط اقتصادية عالمية و محلية
و عشان تبقا عارف يا عزيزي :
🔹 كل السلع في العالم بيتلعب بيها الكورة حاليا
النفط .. الغاز .. الحبوب .. المعادن .. المواد الفعالة للادوية .. الاوراق المالية " ما دي سلع بردو"
بسبب العبث السياسي

يعني تغريدة من ترامب الله يحرقه عن قرب ضرب ايران 👈🏻فورا اسعار النفط تتأثر و المعادن ترتفع
تصريح من سخام البرك نتنياهو انهم مستمرين في الحرب 👈🏻 التأمين علي الملاحة يرتفع .. فيرفع معاه اسعار الحبوب الغذائية
كلمتين عن الرسوم الجمركية 👈🏻 البورصات اسهمها تقع و تعلم احمر كلها

و ده سلوك متبع من زمااااان من ايام بورصة القطن في نيويورك
انهم يتحكموا في الاسواق بالشائعات و الحروب الكلامية

الموضوع اكبر واعمق من الكلام الخايب اللي بتشوفوه علي الميديا و في اليوتيوب
و ان شاء الله اما اخلص الحلقة الرابعة من المقعد الاخر هتفهموا قصدي👌🏻👌🏻

🔵 السلام عليكم :
الموضوع طلع بجد .. مش الولاد في الجروب بتهزر معايا 🤔

" ترامب بيعوم الدولار " .. ااحييييه 😳😳
ايه يا اخواننا العبط ده

معلش استحملوني اقتصاديا بس شوية :
مفيش اي حاااااجة في الكوكب و الكواكب المجاورة اسمها 👈🏻 تعويم الدولار

♦سنة 1971 تم فك الدولار من الدهب " دولار بريتون وودز " و اصبح floating currency
يعني ايه 👈🏻 يعني مفيش ما يرتبط به و يقيم عليه

العملات فيها عملة سيد و عملة عبد
الدولار عملة سيد
لأن هو اللي بيقيم علي قيمته العملات الاخري
▪ لا توجد جهة تحدد سعره
▪سعر الدولار يخضع للعرض و الطلب

📌 امتي بينزل 👈🏻 لما تنخفض شراهة المستثمرين لشراء ادوات الدين الامريكية
📌 امتي بيرتفع 👈🏻 لما ترتفع اسعار الفايدة علي ادوات الدين الامريكية في ظل استقرار التضخم " يعني مش مهم يكون التضخم عالي لكن المهم اكتر انه يكون مستقر مش متذبذب "

♦ليه الدولار قيمته بتنخفض عالميا :
بسبب
▪انخفاض حصته من التجارة العالمية " و ده بعد ما دول كتير بدأت تتداول بالعملات المحلية ".. " او ممكن نقول سياسيا 👈🏻 بعد قرار الدول التجارية الكبري بالتخلص منه " دول تجارية يعني صادراتها اعلي من واردتها "
▪ارتفاع حجم اجمالي الديون الامريكية لتصل ل 100 تريليون دولار " مجموع ديون الحكومة + الافراد + القطاع المصرفي و المالي + المؤسسات الخدمية "
و عدم انخفاض الدين ده .. بالاضافة لتفاقمه
بيفقد المستثمرين الثقة في الاقبال علي الدولار
▪انخفاض انتاج القطاع الطاقي " نفط + غاز " 👈🏻 وده سبب سرقة فنزويلا
و انخفاض انتاج القطاع التكنولوجي 👈🏻 و ده سبب السعار خلف جرينلاند
▪تعدد الحروب و القلاقل الجيوسياسية اللي امريكا طرف فيها
و ده بيأثر علي آلية تدفق الدولار عالميا
و اللي منها حرب الرسوم الجمركية اللي هي تحولت من اقتصادية لسياسية

دي اسباب انخفاض الدولار اللي لو حضرتك بتعمل ماجستير .. خدها و انت مغمض و اشتغل عليها
اي حد يقولك الدولار بيتعوم ادعيله بالشفا 🙄

🔘 اللي فوق دي اسباب و اوضاع اقتصادية
لا تعالي بقا اكلمك عن النقطة الاهم :
و هي 👈🏻 دورة النصب الامريكي

يا ابني مش ترامب لوحده
النظام الامريكي بأكمله ادرك قرار العالم التجاري بإنهاء حكم الدولار
و الاجراءات فعلا بتتم علي الارض

لما قبل الحرب العالمية التانية الجنيه الاسترليني كان هو المتسيد .. الامريكان طلعوا بنصباية نيكسون و فكوا ارتباط الدولار بالدهب و بقا هو بديل الدهب
ف كل العملات ساعتها انهارت و اخدت 10 سنين للتعافي
و من كتر ما كان تعافيها كسيح و بطئ و لم يحقق الغرض
لجأوا لتوحيد العملات و اختراع عملة موحدة 👈🏻 اليورو

📌انهاردة الدولار بيتم تحييده
ف امريكا بتلعب لعبة جديدة

هو عمال يسيبه ينخفض
مع الانخفاض ده هيقل الطلب عليه
و تبدأ گ مستثمر تدور علي بدايل
البدايل هنا 👈🏻 العملات المشفرة

ف في خلال 3 سنوات مثلا معظم مدخرات العالم هتتحول داخل محافظ العملات المشفرة

العملات المشفرة مين بيتحكم فيها 👈🏻 امريكا
بدليل اقرار قانون العملات المشفرة و سماه قانون العباقرة .. وخلي سوق الكريبتو برعاية امريكية

" يعني بيطبق مبدأ كل نفسك قبل ما حد ياكلك 🤷🏻‍♀️"
هو انتوا مش مقموصين من الدولار .. خلاااااص امشي يا دولار روح للعو ياكلك
هات الكريبتو من الدرج

و يرجع الاقتصاد يدور في نفس الفلك الامريكي تاني 🤷🏻‍♀️🤷🏻‍♀️

و ده الدول التجارية بتتحوط ضده .. سيبك من الهطل اللي بيحصل في الدولار في مصر دي حكومة مرقعاتية ملهمش في الاقتصاد اساسا
روح بص علي الدول اللي ميزان مدفوعاتها موجب

📌 جزئية انه بيخفض الدولار عشان يخفض حجم الديون
" نفس العبط و الله "
الكلام ده صح لما تكون بتتكلم عن عملة بيتم تقييمها علي اساس الدولار
يعني زي ما تعويم 6 مارس الاسود رفع حجم الديون المصرية بنسبة 48%
لييييه 👈🏻 عشان انت بقيت تحتاج وحدات نقدية اكتر عشان توفر واحد دولار
يوم 5 مارس 2024👈🏻 كنت بتحتاج 31 جنيه عشان توفر 1 دولار
يوم 6 مارس 2024 👈🏻 بقيت بتحتاج 49 جنيه عشان توفر 1 دولار
ف انت عملت مصيبة في نفسك گ حكومة مصرية
هل بقا الدولار اتأثر 👈🏻 اطلاقا 🤷🏻‍♀️🤷🏻‍♀️

طيب في امريكا :
انت محتاج 1 دولار عشان توفر دولار
ايوا فين الازمة هنا 🤔
مفيش اي ازمة
يبقا انخفاض الدولار الامريكي لا يؤثر اطلاقا علي حجم الديون الامريكية 🤷🏻‍♀️🤷🏻‍♀️

انت في مصر مشغوووول برهوان الدهب و صعوده المرعب
لكن العالم برا حدودك مشغول بقصة تانية خاااالص
مشغول انه ميتورطش في الكريبتو عشان ميدخلش نفسه هيمنة الدولار
و الدهب هو ملاذ ادخاري و تحوط نقدي فقط لا غير

انا معرفش ليه لا درست اقتصاد و لا بتفهم اقتصاد مصممة تقحم نفسها فيه
و مصممة تنقل للناس خزعبلات فكرية
الشهرة علي السوشيال ميديا بتلحس المخ يا عيني 🙄

لكن انا دوري اني لما اشوف حد بيهبد في تخصصي .. اوقفه و اقول الصح وفقا للعلم 👌🏻

‏( اما بقا بالنسبة للاخوة بتوع النجاح الحكومي
و خفض التضخم
و النمو الاقتصادي
و الحكومة دي لازم تستثمر
و المواطن لازم يصرف علي الحكومة و يمولها
انا كنت في حالي و ساكتة
ما انت متنيل ساكت علي رأي سلطان السكري 😒😒
حاااااضر ... انا بقا هعملكم كشف حساب بالارقام
و لو في الناجحين حد يعرف يكدب رقم .. يبقا يطلعلي 🤷🏻‍♀️🤷🏻‍♀️‏)

🔵 #العزلة:

اوروبا سلمت بانهيار النظام العالمي اللي عملوه مع امريكا في سنة 1999
و قررت تحافظ علي الباقي من كرامتها
📌 بغض النظر عن تصريحات " كيد النسا " بتاعت اوروسولا فون دير لاين .. اللي بتحاول تنقذ اي شئ من سمعتها اللي بقت علي المحك
" الاوروبيين بيتهموها انها بدعمها اللامتناهي ل اوكرانيا 👈🏻 استطاعت هدم الاقتصادات الاوروبية و افقرت المواطن الاوروبي 👌🏻"
حاولت انها تحقق مكاسب
و المكاسب دي كانت من خلال " ام الاتفاقات " كما اطلق عليها نارنديرا مودي
بخفض الرسوم الجمركية علي الواردات الهندية من 96.6% الي 12%
و في سلع هيتلغي عنها الرسوم اصلااااا
و ده الغاء تدريجي لبعض الواردات و فوري للاخري
▪فتح السوق الهندية لڤولكس و مرسيدس و رينو بعد اغلاق دام 20 سنة حماية لصناعة السيارات الهندية
ده هيعمل انقاذ للمصانع دي
▪استيراد النفط و الغاز المسال من الهند
" اللي معندهاش اصلا و بتشتريه من روسيا و هتبيعه لهم بشكل رسمي 😁 .. تلف تلف و ترجع للقيصر بردو 😁 "
هيقلل استيرادهم للغاز الامريكي اللي اصلا لم يجد رواج في اوروبا الا بعد عقوبات روسيا
هما قبل كده كان بيبعوه لكندا و المكسيك و امريكا اللاتينية عافية كده و 25% من الانتاج بيروح لاوروبا وفقا لاتفاقية ال G 8 قبل ما يشيلوا روسيا منها و بقت G 7 و كندا هتنسحب منها و هتخس تخس لحد ما تختفي 👌🏻"

♦ المصنع الهندي كبير جدا و متنوع سلعيا
و كمان السوق الهندي كبير
لكن مودي بحرفيته المبهرة في الاتفاقيات مجاش علي المواطن الهندي و لا العامل الهندي
بينما اوروسولا فرمت شريحة العامل البسيط و المزارع في مقابل الحفاظ علي اي جزء من رفاهية المواطن الاوروبي " يعني ضحت بالجنين عشان الام تعيش 🙄"
و ده طبعا في خلال فترة قول مثلا سنتين تلاتة هيطيح بحكومات 👌🏻

📌 كارني رئيس الوزراء الكندي بعد فرض رسوم 100% عليه من امريكا عقاب علي اتفاقيات الصين
بيعلن انهاردة انه بيجهز زيارة للهند للبحث عن بدايل
مش كده وبس 👈🏻 ده بيفكر يتخذ نفس اجراءات المجر و سلوفاكيا مع روسيا
اللي هي ايه 👈🏻 رفع العقوبات عن واردات الطاقة

🔘 حاليا احنا نقدر نعلن ان النظام الجديد تم ولادته بالفعل
و ان ملامح الكبار فيه اتحددت
و الغبي اللي هيفضل معتقد ان مسك العصاية من النص استراتيجية نجاح ... لأن العصاية هتزعله جااااامد .. جاااااامد اوي يعني 🙄🙄

اوروبا بجلالة قدرها اعترفت انها لازم ترجع للصف التاني و تتنحي عن المقدمة لو عايزة تكمل تعيش 🤷🏻‍♀️🤷🏻‍♀️

🔸فاكرين لما قولتلكم في ديسمبر 2024 في فراندة 2025 ان الرسوم الجمركية سلاح ذو حدين
و انها زي ما بتحقق ايرادات
بتعمل عزلة تجارية و اقتصادية
و هتكون الخنجر اللي امريكا هتطعن بيه نفسها 🤷🏻‍♀️

اهوووو الكلام بيتحقق قدام عينيك خطوة بخططططوة 👌🏻👌🏻

✨ومفيش امام ترامب الا اللعب علي الترويج لنشوب الحروب
عشان يقلبوا عيشهم في شوية سندات و لا تأرجح اسعار النفط فيعرف يبيع خام تكساس
انما ايه اللي بيجد علي الاقتصاد الامريكي يا عزيزي 👈🏻 لااااا شئ

مفيش اي تطور لرقم و لا نمو و لا حتي حياة المواطن اتأثرت ايجابيا
بالعكس الامريكان كرهوا نفسهم وقرفانين انهم بقوا مواطن بيتعب عشان يحصل علي اموال 🤷🏻‍♀️🤷🏻‍♀️

▪اغلاقات حكومية متتالية
▪تضخم مش بينزل و صراع مع الفيدرالي
▪العزوف عن ادوات الدين الامريكي و بقت غير جيدة
▪القوة الشرائية للمواطنين بتنهار

و لسسسسسه 2026 جرابها فيه كتير
و ناس هتختفي و ناس شوكتها هتقوي
و قوانين العالم كله هتتغير
حتي لغة البلطجة مش هتنفع .. لأن اللي بيقوي قلب الغشيم 👈🏻 الفلوس
فيش فلوس .. فيش بلطجة 🤷🏻‍♀️🤷🏻‍♀️

📌 انتوا عارفين الاجراء الانتقامي ممكن يكون ايه 👈🏻 مهاجمة جرينلاند عسكريا
" ده انا ساعتها هعمل رز بلبن 😁"
" نفسي اروح اقعد جنب الاورانچ و اقعد اقوله خلي بالك اوروسولا بتقول عليك انك هفق و فنجري بوق و مش بتتشطر علي الجماعات الارهابية اللي صنعتوها انما اوروبا هتعمل منك شيش طاووق لو قربت من جرينلاند يا معلم ديناري 🙄 .. يعني حبة تسخين اورجانيك كده 🙄 "

" وتلك الأيام نداولها بين الناس " صدق الله العظيم

🔘 اما تبقا معندكش ضمير و معندكش دم في نفس اللحظة
📌 احصاءات الدخل للمواطن المصري:
▪متوسط دخل 5.5 دولار يوميا
" ده وفقا للبنك الدولي تقرير تجميع أحجية الفقر"
▪بالبلبل الحزين= 257.15 ج
÷ 4 افراد"عائلة"
=64.30 ج للفرد
اكل + شرب + انتقالات + دراسة
▪5.5 دولار × 30 يوم × فردين عاملين × 47 ج = 15510ج
شيل 1500 ج فواتير طاقة وخدمات
و 3000 جمعية المدارس
يتبقا 13710ج
ارجع قسمهم علي 4 افراد ثم علي 30 يوم
يبقا نصيب الفرد 114.5 ج " لو الاب و الام بيشتغلوا .. لو الاب بس يبقا نشوف سمسار كلاوي🙄"
" انا مش حاطة علاج و لا بامبرز و لا تدخين ولا لبس و لا اي مظهر آدمي للحياة "
🔸السؤال بقا👈🏻 انت يا استاذ قمر الدين وابنك اللي بيشرب واحد نسكافيه ب 200 ج و بنتك اللي بتركب رموش ب 600 ج في الاسبوع
تقدر تعيشها في المستوي ده🤔
114 ج ده رقم كاذب
الحقيقي شيل منه 40% خدمات
متقدرش صح🤔

🔸تسمع عن العقد الاجتماعي في دول العالم اللي بتتكلم عنها دي
بدفع ضرائب 50%
باخد تعليم مجاني بالكامل للجامعة.. صحة مجانية.. انترنت مجاني.. حد ادني للاجور في القطاع الخاص..قانون عمل محترم بيحميني

اما توفر العقد الاجتماعي ابقا تعالي خد مني 50% ضرايب يا شوية عرر 😎

🔵 #تسريبات_ابستين_منطقيا :

لا انا مستغربة وقت ظهور التسريبات
و لا الاسامي اللي اطرحت فيها
بالعكس وقت مثالي جدا يدل علي ذكاء اللي سمح بفتح الهاويس دلوقت

المنطق في الموضوع يجي من اجابات بعض الاسئلة :
📌 ابستين شغال لحساب مين 👈🏻 الموساد
و الظابط بتاعه طلع ايهود باراك رئيس الوزراء الاسبق
و اللي اكتشفنا انه لا سياسي و لا دبلوماسي و لا ظابط جيش متطوع
و انه ظابط موساد كبير و مسئول عن ملف التجنيد الخاص بال dirty work sheet " استغلال الجنس في الايقاع بالاهداف "👌🏻

📌هل الصهيونية العالمية مكنتش تقدر تمنع ظهور الوثائق دي 🤔
لا هي تقدر تحل الكونجرس كله اصلا
مش تفرض عليه رفض الافصاح عنها و بس

📌هل هما مستفيدين من ورا الحركة دي 🤔🤔
طبعاااا 🤷🏻‍♀️
▪ اولااااا : الدهب اللي اتجنن و اثر في باقي المعادن
النحاس انهاردة 3800 دولار للكيلو
و ده هيقفل مصانع كتير خاصة بصناعات تخص رجال الحكم بالسر
و هيدمر منظومة تكنولوجيا كاملة
▪ ثانيا : مفيش وباء لسه ممكن يعمل اغلاق عالمي جاهز اطلاقه
لان بوتين و تشي مراقبين الوضع جداااا
و ده الامل في انهم يبطئوا الهدم اللي بيحصلهم
انهم يوقفوا جري العالم شوية
▪ثالثا : بوتين و تشي فعلوا امبارح نظام دفع مالي خاااارج منظومة سويفت و دخلوا معاهم 38 دولة
لا فيهم دولار و لا يورو
بعملة رقمية ذهبية
و ده خلي البنك الاوروبي يعمل امبارح جلسة طارئة عشان المصيبة دي
وملقاش حل 🤷🏻‍♀️
و ده شئ هيخسف بقيمة الثروات اللي بيملكها هؤلاء الارض
و هيحول العملتين الكبار تجاريا عملات محيدة 👌🏻
▪ رابعاااا : الصراع الاوروبي الامريكي مش في مصلحة الصهيونية العالمية
لان دول رجالهم و زي ما انت شايف كده
كله شادد اجزاء علي كله
ف بيحاولوا يهدوا وتيرة الصراع ده شوية
لان الصراع تحول لصراع شعوب
و مفيش حاجة قادرة تهدم عروش الا الشعوب 👌🏻
▪ خامسا : الضغط الروسي في الملف الاوكراني و اللي اوروبا انهارت فيه
لكنها بتقاوح
لان اوكرانيا وكر عصابات غسيل الاموال الاوروبية و كل الحكومات ملطوطة هناك
و بوتين رافض التنازل
و اشترط في مقابلته القادمة مع زيلينيسكي انه يجهز القلم الحبر الشياكة عشان يمضي علي خريطة روسيا بعد ضم الاراضي الاوكرانية " السوفيتية 🙄" لها
✨ و ده هيدخلهم في دوامة استبدال زيلينيسكي اللي دوره انتهي ... ومين البديل اللي هيكون جار لبوتين
يدير اعمالهم بدون ما روسيا تشم خبرر
و تفضحهم زي وثائق مصنع ازوفستال " اللي طلع ان الكورونا فيروس مخلق في اوكرانيا و اتجهز الصاقه بالصين لهدم اقتصادها .. و كذلك تدريب الصيع اللي نفذوا الربيع العبري في معاهد صربيا و ان اوكرانيا كانت safe house لهم ... ده علي سبيل المثال لا الحصر 🤷🏻‍♀️"
▪ سادسا : كندا و اوروبا دلوقت بيبوسوا رجل الصين و الهند
اللي هما اصلا متحالفين ضد النظام الصهيوني العالمي لاسقاطه 🤷🏻‍♀️
و ده نوع من انواع الخيانة الداخلية بين رجال بيلدبيرج و بعضهم

اعتقد دي اسباب كافية جداااا لحرق كروت و قطع رقاب 🤷🏻‍♀️🤷🏻‍♀️

♦ الوثائق اخرجت اسماء كتير
و لو فكرنا فيها شوية هنعرف اسباب السلوك اللي اتبعوه في فترة سيطرتهم كان ليه

زي جورباتشوف كده رئيس روسيا
انهاردة بس تفهم هو ليه فكك الاتحاد السوفيتي 👌🏻👌🏻
و زي امراء و ملوك عرب 😎
ليه بيقدموا فروض الولاء و الطاعة
و ليه مستمر البترودولار
علي الرغم من اعلان انتهاء العمل بالاتفاقية في 2024 🤷🏻‍♀️

و يقولك ليه خافيير ميلي رئيس الارجنتين دمر بلده بالشكل المخيف ده
و حولها لجاسوس داخل امريكا اللاتينية علي الدول المجاورة
" زي ما بردو كان في دولة عربية بتتجسس علي دولة جارة لها و بتمنح جنسية وبسبورات لظباط ال CIA عشان يدخلوا بصفة تجار شقايق بقا 🙄"
تقريبا ده الكورس في الكلاس بتاع ابستين 😒

🔹موضوع ترامب و ميلانيا اللي اتعرفوا علي بعض في الجزيرة
اللي واخد حيز من تفكير المحلحلين السياسيين .. " و ليسوووا محللين "😏
واحدة ممثلة بورنو
و واحد كان بيلهث خلف الثروة بأي شكل
هيتعرفوا علي بعض فين
في صلاة التهجد 😏
" ترامب اللي عمل دور مدير الفندق في فيلم home alone كان بيسعي للثروة بأي طريق "
مفيش احسن من ايفانكا طبعا تسفلت الطريق ده 🤷🏻‍♀️🤷🏻‍♀️

بلاش تقيسوا الامور علي قد ترتيب الاولويات من وجهة نظركم
لأن اولويتكم دي مش موجودة علي الخريطة الذهنية لهذا اللاعب العنيد اساساااا

اكيد الرقاب اللي بيتضحي بيها دي كلها مش عشان عيون غزتكم اللي اساسا راحت بلا عودة و معاها الضفة كمان
" اصل وهم الانتصار ده مش هعتمده الحقيقة "
و حرب ايران
جملة بتضحكني اكتر من انها بتخليني افكر 🙄🙄

✨ الحقيقة اللي فرحني في ال 3 مليون ورقة دول كلهم
ان في رؤساء عرب متعلمش عليهم " مبارك - صدام - القذافي "
و ان ابو البتابيت كل الشكوي اللي جاية منه انه بيضرب زمايله في الكلاس 😎
▪ مجند منظمة كاااااملة للتجسس علي الاوليجارش الروس اليهود
اللي هما هربانين في امريكا
" و انا اقووووول ازاي بيدفعوا للحكومة الروسية برغم هروبهم براها "
▪ السيدة كاتشكا سيدة الاعمال اللي لجأت لامريكا هروبا من روسيا الديكتاتورية النوتي
و بقت من اشهر حيتان سيلكون ڤالي " تاني اخطر مكان في العالم بعد المنطقة 51"
طلعت من عميلات بوتين الحسناوات
و كان دورها انها بتنقل لروسيا كل خطوة تكنولوجية بيحرزها سيلكون ڤالي .. سيلكوناية سيلكوناية
مطلعتش خاينة .. طلعت بطلة روسية 😁

و لسه في اسامي هتطلع
و الشعوب هتقلب
و رؤوس قد أينعت و حان وقت قطافها 👌🏻

ده تحليلي و فرضياتي
عايز تاخد بيه اهلا و سهلا
مش عايز .. تجاهله تماماااا و اشتري سلامك النفسي يا راجل
مين بيقول ايه .. الله يبارك لكم مليش دعوة
و اصل بيعملوا كده عشان يعطلوا المرحلة التانية لانتصار غزة
انتصار ده ميدان في مصر الجديدة 👈🏻 اااه تريموف 😒😒

و تصبحون علي خير اعزائي 🌺