🔵 #الشمشرجية:

الله 🤔 .. انتوا متارجتين كريم بدوي بقاااا 🤔

سيادة النائب د.محمد فؤاد رئيس الكتلة البرلمانية لحزب العدل " و اللي انا مسمعتش عنه في طبق اليوم حتي حزب العدل ده 🙄"

عايز يستجوب المهندس كريم بدوي عشان يسأله عن ازمة الطاقة و الغاز الطبيعي السابقة
و شايف ان المهندس كريم بدوي بيبلغ الرئيس السيسي ارقام غير دقيقة 🤷🏻‍♀️🤷🏻‍♀️

♦احنا نقسم الاستجواب نصين :
🔸ازمة الطاقة و الغاز السابقة :
طب ما تستجوب طارق الملا الوزير اللي كان مسئول و دلوقت نائب قاعد جنبك في المجلس الموئر 🤔
عايز تحاسب كريم بدوي علي اخطاء طارق الملا .. عايز تسأل كريم بدوي هو ليه استلم الوزارة مديونة و سدد الديون دي 🤔 .... مش غريبة دي يا دكتور يا سيادة الخبير الاقتصادي .. و ضيف كل القنوات و التوك شو 🤔

🔸النص التاني بقا :
هو مش حضرتك بردو كنت و مازلت احد مستشاري دولة رئيس الوزراء الماليين 🤔

يااااااه .. انت صعبان عليك ان الرئيس ممكن يكون بيوصله ارقام غير دقيقة 🤔

و بما انك خبير اقتصادي
حقك تراجع الارقام
و تروح تبلغ الرئيس بالحقيقة

🔹استسمحك بقا تبقا تبلغه بحاجات كتير اتعملت علي ايدك و في حضورك
و طلعت علي الشاشات كلها تدافع عنها :
▪ بلغ سيادة الرئيس ان تقرير احجية الفقر للبنك الدولي .. دخل اصحاب المعاشات المصريين ضمن شريحة الفقراء
يعني في 13 مليون مواطن في يوم و ليلة اتصنفوا فقراء لا يستطيع الحصول علي احتياجاتهم الاساسية
▪ بلغ سيادة الرئيس ان جمهورية الصومال الفيدرالية اللي رئيسها كان موجود انهاردة معاه
العمالة فيه رواتبها احسن من مصر
* العمالة غير الماهرة : من 8 الي 20 دولار يوميا
* الوظائف المكتبية و المهنية في الشركات المحلية : من 100 الي 500 دولار شهريا
* الشركات الدولية و المتخصصة : من 800 دولار فما فوق شهريا
* الحد الادني للمعاشات 280 دولار شهريا للمتقاعدين بدون رصيد تأمينات
* الحد الادني للمعاشات للمتقاعدين اصحاب الوظائف 485 دولار شهريا
" بما انك خبير اقتصادي ف هتفهم لغة الارقام الدقيقة بقااااا 🤷🏻‍♀️ "
▪ بلغ سيادة الرئيس انكم لما قررتوا تعوموا العملة
ضاعفتوا حجم الديون المصرية
و خاصة ديون الحكومة
اللي منها وزارة البترول و وزارة الكهرباء
و طلعت وزارة الكهرباء يوم 8 مارس بعد التعويم بيومين تصرخ ان حجم ديونها ارتفع ل 150% بسبب فرق العملة
و ما كان من الحكومة المحترمة الا انها ترفع سعر الكهرباء علي " العبد اللي انتوا شاريينه اللي اسمه المواطن ده 😒"
▪ بلغ سيادة الرئيس ان في حاجة اسمها مؤشر الجنيه مرمية في درج البنك المركزي
و كمان في الجنيه الرقمي
و انهم ممكن يخففوا اعباء الاستيراد لو تم استخدامهم
و ياريت تعرفلنا مين المسئول عن ركنتهم
▪ بلغ الرئيس ان برغم من حجم الديون القااااتل ... الا ان السيد وزير المالية بيصدر سندات و ادوات دين بفوايد خرافية مبتحصلش في اي حتة في العالم
لمجرد انه يلم قسط الديون و يديله تمامات 67
و اهو يخلص فترته زي استاذه بطرس غالي و كله بياخد حسنته
▪ بلغ سيادة الرئيس ارقام التضخم مزيفة و ان التضخم مبينزلش بسبب ان السلع الساحبة مفيش عليها كنترول
و ان الارقام اللي بتطلع له كلها و بيتقاله انها بتتحسن ... كلها ارقام مزيفة و انت عارف انها مزيفة يا سيادة الخبير
▪ بلغ سيادة الرئيس ان الاحتياطي النقدي مش بيزيد
ده مجرد فرق اسعار احتياطي الدهب
انما الدولار النقدي مش بيزيد
▪ بلغ سيادة الرئيس ان الموازنة فيها غلطة كارثية ... الافاقين حاطين القروض في قائمة الايرادات " اااه انا عارفة انها تدفقات نقدية .. لكنها خصوم مش اصول "
▪ بلغ سيادة الرئيس ان الموازنة فيها رسوم ودمغات بتنهش جيب المواطن اللي مزادش حاجة " 15% علاوة في ظروف 33% تضخم .. النتيجة = خسائر اقتصاد المواطن و انخفاض قوة شرائية "

هتقدر تبلغ الرئيس بالتراجيديا السودا المحبوكة اوي دي 🤔

🔘 تعالي بقا اقولك الوزير اللي متارجتينه ده عمل ايه من يوليو 2024 :
🔸 ملف ديون وزارة البترول :
كريم بدوي عمل جدولة للديون دي المستحقة للشركات العالمية
و بالفعل سدد دفعات منتظمة لشركة
Bp & ايني & اباتشي
و بالتالي رجعت الشركات دي تشتغل و تضاعف استثماراتها في مصر
🔸 اطلاق برنامج الحوافز الاستثمارية :
في سبتمبر 2024 اطلق حوافز جديدة
لزيادة انتاج الزيت الخام و الغاز
سمحت للشركاء بالحصول علي حصة اضافية يتم توجيهها لسداد المديونية
🔸 خطة التنقيب و الاستكشاف :
في 430 حقل و بئر تم العمل فيهم من وقت تولي كريم بدوي للنهاردة
منهم 383 بئر و حقل دخلوا الخدمة بالفعل و انتجوا
انتجوا 1.2 مليار متر مكعب غاز .. و اكتر من 200 الف برميل زيت خام يوميا

▪ عودة شركة ايني لحقل ظهر مرة اخري في ديسمبر 2024
و اللي اضاف لمصر 70 مليون قدم مكعب يوميا
▪ في 75 حقل تم اكتشافهم حديثا
منهم حزمة حقول البحر المتوسط
▪ تطوير المناجم من محاجر لصناعات كاملة
كريم بدوي اللي وقف تصدير المواد الخام للخارج و صمم علي تصنيعها
و هو ده اللي بنناشد بيه في كافة القطاعات
▪ كريم بدوي اللي دعم مشروع المثلث الذهبي الميت و جاب فيه استثمارات و شركات عاملة في قطاع الفوسفات
هو اصلا كنا بنشتغل في قطاع الفوسفات اصلاااا 🤷🏻‍♀️
▪ مشروعات الطاقة الخضراء
و اعتماد التكنولوجي في خطواتها
مين اللي عمل تحويل زيوت الطعام المستعملة لوقود طيارات
مين اللي بدأ يعمل ازالة للكربون لانتاج طاقة نظيفة

ده اللي عمله كريم بدوي اللي انتوا عايزين تطفشوه عشان يبقا كلكم فاشلين عادي زي بعض ومفيش فيكم حد نضيف

📌 كريم بدوي بيتعمل معاه زي اللي اتعمل في طارق عامر
كان دماغه ناشفة و مش عايز يخفض العملة و ينسفها و يطيع الاسياد
نهشوه
و نهشوا عرضه و اتهامات بقا طالت كل شئ
لحد ما سابها لهم مخضرة

يا تري ده التارجت مع كريم بدوي 🤔
اعتقد السؤال ده الوحيد اللي ممكن يجاوبنا عليه هو سيادة الرئيس السيسي اللي ارجوك تبلغه بكل شئ 🤷🏻‍♀️🤷🏻‍♀️

🔵 السلام عليكم :

انا مبكتبش كلمة عشوائية
و لما بقرر اني ادافع عن حد
بكون عارفة ان هينوبني من العلقة قلمين
بس مبيفرقش معايا 🤷🏻‍♀️
و دفاعي عن استمرار وزير البترول في مكانه ده بيندرج تحت بند ان الحق أحق بأن يتبع 👌🏻.. و اني بسجل موقف لتأييد الشرفاء الناجحين👌🏻

يلا ما علينا
تعالوا احكيلكم حدوتة .. دي ساعة الحظ متتعوضش يا ولاد بلا سياسة بلا اقتصاد🤷🏻‍♀️

♦كان في حدوتة كده مش فاكرة مين حكهالي :
بتتكلم عن قرية كل الرجال اللي فيها خرجوا لانتظار العدو و تركوا النساء لوحدهم
جه جنود العدو من مكان تاني
و دخلوا اغتصبوا كل نساء القرية
" الاغتصاب هنا مكنش لارضاء غريزة .. ده كان جنود العدو بيكسروا عين رجال القرية و نساءها "
خرج النساء بعد واقعة الاغتصاب
من باب البيوت
بيلملموا ملابسهم الممزقة
و بيمسحوا اثر الاغتصاب
و بيبصوا لبعض بحسرة
فجأة طلعت واحدة ست من باب بيتها و هي ماسكة في ايديها راس الجندي اللي دخل يحاول يغتصبها .. و في ايديها التانية سكينة

بصتلهم باستغراب : انتوا ازاي اتكسر عينيكم للعدو .. ازاي مدافعتوش عن نفسكم 😳
و هما بصوا لها بغل و حقد : انتي ازاي شريفة ومتكسرش عينك 😳

📌 لو كانوا الرجالة رجعوا في اللحظة دي
كانت كل النساء هتدان
ازاي مدافعوش عن شرفهم زي اللي قتلت الجندي و دبحته
و قصاد وجود شرفها
كانت هتثبت للرجال ان نساءهم عواهر و مكسور عينهم و فشلوا يحافظوا علي شرفهم

فما كان من العواهر
الا انهم قرروا يقتلوا الشريفة
و يعلقوا جثتها علي الشجرة اللي في اول القرية
و اول ما الرجال رجعوا ومعاهم زوج الشريفة طبعا
و سألوا عن سبب قتلها
رد العواهر : اصلها استغلت غياب الرجال و فتحت بيتها لجنود العدو .. فقتلناها و غسلنا عارنا
وطبعا زوج الشريفة المغدورة لملم حاله و هج بعاره المزيف من القرية
اللي بيتنهش فيها الشريف .. و بيترفع مكانة العواهر

📌 الفلسفة في القصة دي عميقة شويتين :
▪ ان العهر عشان يكون قاعدة لازم يكون جماعي مش فردي
▪ اللي مكسور عينيه لاااا يمكن يكون ناجح .. لانه علي راسه بطحة فبيعيش خدام و يموت خدام
▪ ان الشريفة لوحدها متقدرش علي مجموعة عواهر و هيكون مصيرها الموت
▪ ان العار المزيف بيتسبب في الرحيل و الطفشان لأنها بتكون قرية عميان عن الحق و طرشان الاذن في السماع للنصح

الحدوتة دي مش موقف شاذ او غريب عن النفس البشرية المريضة
لاااا ابسلوتلي
ده ربنا صاغها لنا في القرآن بمنتهي اليسر في قصة سيدنا لوط
" وما كان جواب قومه إلا أن قالوا أخرجوهم من قريتكم إنهم أناس يتطهرون "
تخيل ان طهارة النبي لوط عليه السلام و تابعيه كانت سبب للطرد من القرية

لكن العيب مكنش علي قوم لوط
العيب علي اللي يسكت عن طرد لوط و آله و يخاف من القوم الملاعين 👌🏻👌🏻

🔵 يعني حضراتكم مش عارفين تفرضوا رقابة اسعار
او تطبقوا قانون منع ممارسات احتكارية اللي هو موجود بالفعل

📌 ف هتستوردوا الفراخ
و اللي بدوره هيستنزف الدولار اللي بنجري وراه اصلا عشان اقساط الديون
و ده يعلي الطلب علي الدولار
في بلد ميزان مدفوعاتها مايل تجاه الواردات اصلا
و ده بدوره هيرفع سعر باقي السلع
ف يزيد التضخم 🤔

خطة في منتهي الذكاء 🙄
ربنا يكرم اللي فكر فيها 🤲🏻

🔵 السلام عليكم :

علي مستوي العالم كله
مفيش دولة كل شعبها يصاب بحالة غضب و احباط من تغيير وزاري
الااااا مصر
حالة من الغضب الشعبي و الاحباط
عمت الشارع المصري و السوشيال ميديا

" لكن الخدامين ملناش دعوة بيهم " 👌🏻
يعني اما تلاقي اعلاميين في اول يناير بيهاجموا مدبولي لفشله .. و فجأة يقولوا فيه شعر 👈🏻 دول خدامين ملناش دعوة بيهم

🔘 ليه انا معلقتش علي التعديل الوزاري :
عشان اما اعلق
اكون حيادية مش تحت تأثير اي انفعال 🤷🏻‍♀️🤷🏻‍♀️
📌 وزيرة الثقافة اللي مطالبة بحماية الملكية الفكرية للمبدعين و الكتاب
عندها قضية سرقة كتاب للكاتبة سهير عبد الحميد و نسبته لنفسها
و صاحبة الكتاب كسبت القضية و المحكمة اعدمت الكتاب و غرمتها 100 الف جنيه
‏( لكن ده حكم مش جنائي فلا يمنع تعيينها وزيرة 😒‏)
▪ الانقح 👈🏻 انها واجهت تجميد درجة الدكتوراه من جامعة السوربون لانها سرقت ابحاث زمايلها و نسبتها للدكتوراه بتاعتها
و الجامعة رجعتها لدرجة باحثة تاني
▪ لكن فيها ميزة مهمة 👈🏻 ماكرون رئيس فرنسا منحها وسام الفروسية علي مجهوداتها في دعم الافروسنتريك 👌🏻

📌 وزيرة الاسكان راندا المنشاوي " سكرتيرة مدبولي "
كان عندها قضية اختلاس و رشوة في 2017
و مدبولي اتدخل و ردوا المبلغ
و تم التحقيق معاها تحقيق رسمي و معاها واحد اسمه احمد سعيد

وزرا سوابق سرقة 🤔
‏( و ارجووووكم محدش يسألني هو التحريات الامنية فين 🤔 .. هي التحريات الامنية كانت فين و بيتعين وزير تعليم معهوش ثانوية عامة و مزور شهادة دكتوراه 🤷🏻‍♀️🤷🏻‍♀️"
و متعين لها 2 نواب و 4 مستشارين
" ده مين اللي هيدفع رواتب الهيكل الوزاري لميسز راندا 🤔
و لما هي محتاجة الطقم ده كله
بتتعين ليه 🤔
اااه نسيت .. مدبولي كان وعدها
معلش بنسي حكم السن بقا 🙄"

📌 وزارة التخطيط دي خلاص مبقتش بتاعتنا
دي بتاعت البنك الدولي و الصندوق
و احمد رستم ما هو الا حد كده زي المراقبة الثنائية بتاعت ايام الاحتلال
بريطانيا و فرنسا عينوا مراقبة ثنائية للسيطرة علي النظام المالي في مصر
وزيري المالية و التشغيل
لضمان توجيه ايرادات مصر لسداد الديون الاوروبية المتراكمة وقتها
▪ ف ده محدش اختاره
ده اتفرض علينا
كل مقوماته انه موظف ناجح في البنك الدولي و بيعرف يجلب اقساط الدول المستحقة للبنك زي تركيا و فلسطين و الاردن 👌🏻

📌معرفش ايه الحقيقة منصب نائب رئيس الوزراء للشئون الاقتصادية ده
هو كرسي تم استحداثه لشخص دراسته في محاسبة التكاليف و المراجعة 🙄
لكن انا مش هحكم عليه
لأن ال cv اللي لقتها لا تؤهل لاي حاجة
▪ لكن الدور المعد له 👈🏻 تنسيق العمل بين وزارة المالية و التخطيط
و كبح التضخم
و ادارة الديون
انا معرفش عنه حاجة غير انه اللي عمل قانون ضريبة القيمة المضافة
ف الحقيقة معرفش اداءه هيبقا ايه و ازاي و ايه هي خططته
لذلك مش بقيم حد معرفوش 👌🏻👌🏻

🔷🔶 طيب .. انا كنت وعداكم بفراندة مصر بعد التغيير الحكومي
الحقيقة انا بعتذر عن اني اعملها
لاني مش هقدر اكتب اللي انا شيفاه 🙏🏻🙏🏻

♦انما المرحلة الجاية انا هحط جزمة في بوقي و اسكت مثلا
لا و الله
اي اجراء غلط اقتصاديا
اي قرار غلط اقتصاديا
هقول و هشاور عليه و هقول عواقبه ايا كانت
" واعتقد ان السنين اللي فاتت كل بلوة اقتصادية شاورت عليها ... عواقبها كانت زي الزفت و انتوا بنفسكم رصدتوها و عيشتوها 🤷🏻‍♀️
يعني لا افترا و لا رمي بلا
كله بما يرضي الله "

‏( هندخل في جدلية تانية 👈🏻 غسالين وغسالات الحكومة
هيكون عندهم رد جاهز
الرئيس هو اللي جدد الثقة في مدبولي .. يبقا انتقاد اي قرار اقتصادي لمدبولي يعتبر انتقاد للرئيس
بغض النظر عن رخص الحجة و المبرر
لكن انا ختمت المصحف كتير
معداش عليا اية بتقول ان انتقاد القرارات الاقتصادية الخاطئة من وجهة نظر علم الاقتصاد و الدراسات و القياس تؤدي للخروج من ملة الاسلام و الكفر البواح
فمادمت لسه جوا الدين و مكفرتش يبقا تمام 🤷🏻‍♀️🤷🏻‍♀️ ‏)

لا انا هطاطي للصندوق
و لا هطبل لقرارات تهين الشعب المصري اقتصاديا اكتر ما هما تحت ذريعة ان في رؤي ابعد و اكبر من ذلك " لأن دي اكذوبة "
و لا هغفل الحق
عملوا حاجة كويسة هشيد بيهم و جزمهم علي دماغي ... عملوا حاجة مهببة هسود عيشتهم عااادي جدااا 👌🏻👌🏻

مفيش عداوة شخصية بيني و بين حد
نحن نحب في الوطن و نبغض في الوطن
و الوطن من وراء القصد 👌🏻

🔵 سيادة رئيس الجمهورية /
تحية طيبةو بعد

السيد احمد العرابي رئيس اتحاد المعاشات ارسل لسيادتك برقيتين
نيابة عن اصحاب المعاشات
و بتوقيعهم و موافقتهم
و ده علي لسان السيد المحامي عبد الغفار مغاوري محامي اتحاد اصحاب المعاشات و المتقاعدين
🔹البرقية الاولي : مفادها تعديل القانون الجائر رقم 148
🔹البرقية التانية : بيستأذنوا سيادتك في صرف المنحة الاستثنائية بقيمة 600 جنيه .. اللي السيد رئيس الوزراء اوقفها من عامين و اللي قدرها 600 جنيه قبل رمضان او مع معاش رمضان
حتي يتسني لهم شراء عينات من احتياجات الشهر الكريم " بيشحتوا من البلد و الحكومة و بيستغيثوا بسيادتك تدعمهم في شحاتة حقهم 😒 "

📌 وفقا لكلام المحامي
ان سيادتك لم ترد علي البرقيتين
و اكاد اجزم انهم لم يصلوا لسيادتك من اساسه و عطلوا في درج احد السادة اللي مش عايزين يشغلوا بال سيادتك بمشاكل الشعب اللي مبيبطلش طلبات ده
شعب طماع .. مش كفاية عايش ومش مفروض عليه ضريبة حياة 🤷🏻‍♀️🤷🏻‍♀️

♦ اللي حصل الاتي :
تم توجيه المحامي للبرلمان
عشان يجمع 60 توقيع من 60 نائب
من اجل طرح مشروع قانون
يرفع نسبة الفائدة علي مستثمرات المعاشات من 6% الي 7%
و الحكومة ردت علي البرلمان 👈🏻 انهم لو المشروع ده اتنفذ
مش هطبق ال7% علي ال50 سنة الماضية من عمر صاحب المعاش
دي هتطبقها علي ال50 سنة القادمة
" يعني صاحب المعاش اللي عنده 70 سنة انهاردة هيزيد 1% من مخصصاته
لما يتم 120 سنة ان شاء الله 😒 "

🔘 سيادة رئيس الجمهورية /
الحديث الشريف بيقول : ليس منا من لم يرحم صغيرنا و يوقر كبيرنا " في رواية عبد الله بن عمرو
و في رواية احمد بن حنبل " و يعرف حق كبيرنا "
" ليس منا 👈🏻 يعني خروج من الايمان .. لم يعد يصبح من القوم الذين امنوا

و عن أبي موسي الاشعري عن سيدنا النبي صلي الله عليه وسلم " ان من إجلال الله إكرام ذي الشيبة " في باب الاحسان لكبار السن

وعن أنس بن مالك يقول : خدمت رسول الله ثماني حجج " اي ثماني أعوام " فسألته عن مرافقته في الجنة فقال : يا أنس وقر الكبير و ارحم الصغير ترافقني في الجنة "

وعن ابن عباس رضي الله عنه برواية ابن حبان عن سيدنا رسول الله : سألنا رسول الله عن البركة في الرزق و العمر فقال البركة في أكابركم " مقالش اللاجئين الضيوف😒 "

و القرآن واضح صريح : " إما يبلغن عندك الكبر أحدهما أو كلاهما فلا تقل لهما أف و لا تنهرهما و قل لهما قولا كريما .. و اخفض لهما جناح الذل من الرحمة و قل ربي ارحمهما كما ربياني صغيرا "

🔸يؤسفني اني ابلغ سيادتك اننا خالفنا الدين جملة و تفصيلا
و عصينا الله فيهم
و من انجازات الحكومة و السيد مدبولي و وزير ماليته اللي اترقي لمنصب نااااائب رئيس الوزراء 👈🏻 انهم ضموا 13 مليون صاحب معاش الي شريحة الفقر
و ده بحكم التقرير اللي البنك الدولي ارسله لسيادتك " ومعرفش وصلك و لا لأ 🤷🏻‍♀️🤷🏻‍♀️"

و بما ان سيادتك حريص علي طاعة الله و اتباع القرآن و السنة
ف احنا خالفنا السنة و القرآن
ووصلناهم انهم يتسولوا من الحكومة تمن كيلو لحمة

♦فخامة الرئيس /
معرفش بطانة سيادتك و الحاشية ابلغتك و لا لا .... ان محدش بيدي اصحاب المعاشات من جيبه
دي اموالهم
و فلوسهم
و ان فشل الحكومة انها تزودهم و ترفع الحد الادني للمعاشات للمساواة مع الاجور مش مسئوليتهم
المادة 17 و 19 من الدستور بتقول : ان اموال اصحاب المعاشات يتم استثمارها لتحقيق اعلي عائد يوزع علي المستفيدين

▪ فلما الحكومة العاجزة الكسيحة يكون اخرها 6% او 7%
دي مش مسئولية صاحب المعاش اللي أفني عمره يخدمني و يخدم سيادتك و يخدم بلده 🤷🏻‍♀️🤷🏻‍♀️

📌 اقدم لحضرتك الحل يافندم :
وزارة المالية بتصدر كل شهر اذون خزانة ملهاش حصر
بفايدة تتراوح من 23% الي 28%
موظفين البنوك بيظبطوها علي حبايبهم و معارفهم من اصحاب الشركات الخاصة و شركات ادارة الاموال و المضاربات

🔸ببساطة يافندم 👈🏻 يتم شراء اذون الخزانة و السندات الحكومية و سندات اليورو بوند بأموال صندوق المعاشات
و بالتالي كل 3 شهور المليون جنيه هترجع مليون وربع تقريبا
يعني في السنة المليون هيجيب مليون فايدة 100%
و ده بدوره سهل يضاعف قيمة المعاشات الي 100% بدون ما الدولة تخرج مليم واحد عبء من الخزينة 🤷🏻‍♀️🤷🏻‍♀️
كده كده اذون الخزانة ادوات تمويل

دي استغاثة انسانية ليس إلا
انا مش مستفيدة من وراها حاجة
و بلغة سيادتك تجيد فهمها و هي لغة سيادتك
و بالارقام البسيطة

مفيش بلد الكبير فيها بيشحت حقه الا بلد قررت تحارب الله نفسه و بكده يبقا عمرها ما هتشوف خير بالطبع 🤷🏻‍♀️
وفقك الله لما فيه خير لشعب مصر
و أنار الله بصيرتك و رزقك البطانة الصالحة و كفاك شر بطانة سوء تسوء بها الخاتمة و رزقك حسن الخاتمة .. امين 🤲🏻

🔵 سيادة رئيس الجمهورية /
تحية طيبة و بعد
و كل عام و سيادتك بخير و ربنا يديك الصحة يا فندم 🤲🏻

بعتذر بشدة و الله
لكن موضوع عاجل
و لو سيادتك لم تتدخل فيه بكافة المعلومات الصحيحة ... هيبقا في مصيية مستقبلية

📌 سيادتك يافندم عارف برنامج الطروحات اللي الصندوق ملزم الدولة بيه
من ضمن الطروحات دي سيادتك
محطة كهرباء جبل الزيت
اللي هي بتنتج الكهرباء بطاقة الرياح
و دي اكبر محطة كهرباء في مصر

الحكومة الناجحة بتاعتنا عرضتها للبيع
في صفقة بيروجوا لها علي انها الاكبر لأن تم تقييم الصفقة ب 430 مليون دولار
بعد ما الحكومة توقعت لها سعر 350 مليون دولار

♦فخامة الرئيس /
استأذن سيادتك بس اني اشير علي بعض الفخاخ في الصفقة دي
▪ اولا / بيع المحطة دي مش برنامج طروحات زي ما الحكومة بتروج
ده الحكومة عايزة سرعة سيولة دولارية عشان القسط القادم بتاع الديون او لسداد عجز ما في ميزان المدفوعات
▪ ثانيا / مفيش اي استفادة مالية و لا اقتصادية من الصفقة دي
لأن المحطة مازال عليها قروض ميسرة بقيمة 300 مليون دولار
يبقا اللي هيدخل جيب مصر 130 مليون دولار " مبلغ تافه لا يستحق اطلاااااقا التفريط في اصل مهم زي ده 🤷🏻‍♀️"
و شركة ألكازار المشترية للمحطة اعلنت في اجتماع الجمعية العمومية بتاعها انها هتدقع تمن الاصل فقط
و لن تتجه ابدااا لشراء الاصل بمديونيته

طب السؤال 👈🏻 انا گ دولة استفادت ايه
استلفت 300 مليون دولار اما كان الدولار ب 21 ج
يعني 6 مليار و 300 مليون جنيه مصري
هسددهم 330 مليون دولار " ب عبء الفايدة "
و الدولار ب 47 جنيه
يعني 15 مليار و 510 مليون جنيه مصري
يعني خسران 9 مليار و 210 مليون جنيه مصري
" و اقسم بالله يمين احاسب عليه و انا امام الله يوم العرض العظيم ما في حد في الحكومة بيحسب بالطريقة دي عشان يقدر حجم خسائر الدولة جراء الجريمة اللي اسمها بيع الاصول او الطروحات "

▪ ثالثا : و ده الاجراء الكارثي بقا
ان الشركة المشترية في العقد هتحط شرط ان مصر تشتري منها الانتاج بالدولار الامريكي ... و لكن الدفع بالجنيه المصري

🔸سيادة الرئيس / الاجراء ده خطر
لأن في حالات سعر الصرف المتقلب زي مصر
و بنواجه مخاطر التعويم
و بنواجه مخاطر تخفيض العملة بشكل إلزامي
و نفتقر لسياسات الحفاظ علي قيمة العملة
هيكون اجراء يزيد من مديونية الكهرباء
او يرفع من الاعباء
في حالة ان سعر الصرف يزيد
و سيادتك تعلم تمام العلم ان اي زيادة في اسعار اي شئ بيتحملها المواطن
" لو انا بغلة تعثرت في العراق .. بيزيد سعر كيلو البانيه في مصر 🙄 "

ف ليه كل المستثمرين و المشترين و الشركاء التمويلين بيعملوا تحوط تجاه اي انتقاص من الارباح بتاعتهم مستقبلا
و احنا عشان الحكومة مزنوقة في قسط دين
بتبيع اي حاجة و بالرخيص 🤷🏻‍♀️

🔘 في حاجة يا فندم في علم الاقتصاد
اسمها حق الاجيال القادمة وبتلتزم بيه الحكومات
هو اسمه حق
لكن بيتضمن الحق و الواجب
يعني المحطة دي گ مثال
لو افترضنا انها تم اعدادها عشان تدخل للدولة عائد لمدة 20 سنة .. و الديون اللي عليها لمدة 10 سنين
ف انا كمواطن انهاردة عمري 20 سنة
المفروض اني انتفع من ايراد لحد ما يكون عمري 40 سنة .. في مقابل تحمل نصيبي من الديون لحد ما عمري يبقا 30 سنة
بكده هكون مواطن استفاد من المشروع ب 10 سنوات كاملة
🔹طيب الحكومة هنا هتبيع
و هتحرمني من الايراد
و هتاخد حصيلة البيع تسدد بيه اعباء فورية
يبقا انا گ مواطن اجيال قادمة
ورثت دين و لم ارث ايراد 🤷🏻‍♀️

ده يا فندم ظلم بيقع من الحكومة الحالية علي الحكومة القادمة و الاجيال القادمة كمان

♦و يا فندم في حديث قدسي عن رب العزة بيقول ايه : " يا عبادي إني حرمت الظلم علي نفسي و جعلته بينكم محرما فلاااا تظالموا "
و في كتاب الله آية : " يوم عنت الوجوه للحى القيوم و قد خاب من حمل ظلما " صدق الله العظيم

ف لو الحكومة لم تضع في اعتبارها يوم المشهد العظيم
سيادتك اكيد هتنبهها لذلك رعاية للأجيال القادمة .. علي الاقل لا يعانوا مما يعاني منه آباءهم

بعتذر و الله لو متسببة في اي ازعاج
لكن " و قفوهم إنهم مسئولون "
ربنا يسلم سيادتك رمضان و يتسلمه منك تام الطاعات علي النحو الذي يرضيه عنك .. امين 🤲🏻

🔘 فن اختيار الوزراااااء 👌🏻

مش اي حد يعرف يختار سوابق علي فكرة
دي بتبقا موهبة 🤷🏻‍♀️🤷🏻‍♀️
" أو لعنة ..مش قادرة احدد بالظبط 🤔"

🔵 في اجتماع قادة الاتحاد الاوروبي اليوم :
🔸ميرتس المستشار الألماني 👈🏻 احنا ناخد 106 مليار دولار من عوائد الاصول الروسية المجمدة
و نشتري بيها اسلحة امريكية
نوردها لاوكرانيا عشان تضرب بيها روسيا
🔸ماكرون 👈🏻 لا .. احنا ناخد 140 مليار دولار نقسمهم علي بعض گ دول اوروبية بتصنع اسلحة و صناعات دفاعية عشان نستعيد احتياطاتنا الاستراتيجية
🔸فيكتور اوربان رئيس وزراء المجر 👈🏻 بوتين بيصبح عليكم و بيقولكم الراجل فيكم يسحب من الاصول المجمدة و يسرقها

few minutes later
🔸كايا كالاس مسئولة الشئون الخارجية للاتحاد الاوربي في البيان الختامي 👈🏻 لم يتم الاتفاق علي المساس بالاصول الروسية المجمدة .. و تبقا كما هي
و ربما سيتم مناقشة الامر في جلسات اخري 🙄🙄

عصابة أورسولا ماما و الاربعين حرامي 😏😏

🔵 #النصب_السياسي:

تخيل انك مواطن مصري بتتابع السوشيال ميديا و الاخبار
ف تلاقي ناس بتقدملك وجبة دسمة من التحليلات السياسية عن انتصارات القضية الفلسطينية
و عن التحول في السلوك العالمي تجاه فلسطين ... و قد ايه كارثة حماس المسماة طوفان الاقصي اعادت الزخم للقضية
و بيقدمولك قائمة من الانتصارات
مدعمة و موثقة بخطوات غربية وعالمية 👌🏻

و تيجي انت في وسط النشوة دي
تكتشف ان كل ده بلح 🤷🏻‍♀️

🔹و ان الناس دي مجرد هواة بيستعرضوا مهارة زائفة لتحليل الاخبار السياسية
و انهم مجرد بينقلوا لك طفح بلاعات الافكار الواهية في عقولهم

📌 فترجع راسك لورا كده
و تحك بصوابعك علي دقنك
و تتسائل سؤال وجودي 👈🏻 مين فينا الغلطان 🤔

عادة الغلطان بيكون المريض اللي بيشعر بآلام في المعدة فبدلا من الذهاب لطبيب الجهاز الهضمي .. بيذهب لأم سيد تعمله لبخة شيح عشان نفعت مع واحد صاحبه كان بيشكي من معدته بردو
بالرغم ان الصاحب ده كان بيعاني من شوية غازات لذلك نفعه الشيح بينما الشاكي بيعاني من قرحة فم المعدة فالشيح هيموته 🤷🏻‍♀️🤷🏻‍♀️

♦ليه انا بضرب المثال ده :
عشان الميديا حاليا يقودها مجموعات من المدلسين .. وحضرتك الهدف بتاعهم
و التدليس الحالي بيستهدف تنويمك معلوماتيا ... لتحقيق الهدف الاكبر
و هو تمرير الأجندة كاملة 👌🏻

✨نستعرض مع بعض كده شوية مخدرات معلوماتية :
🔸 انتصارا للقضية بريطانيا تعترف بدولة فلسطين
و الناس تفرح و تهلل
و يتم الترويج له علي انه مكتسبات الطوفان
▪ ف تيجي انهاردة بتاريخ 16 فبراير 2026
تلاقي المتحف البريطاني و المكتبة البريطانية الملكية و ارشيف الكنيسة الانجيلية
بيحذفوا اسم فلسطين من كل شئ
الخرايط القديمة اللي عمرها مئات السنين .. الخرايط الحديثة وقت الاحتلال الانجليزي .. خرايط الملاحة لطريق شبه القارة الهندية قديما .. العملات الورقية و النقدية و بيسحبوا الجنيه الفلسطيني الفضة .. الملابس و الاواني و التراث
و حتي الاشخاص اللي مدون اسماءهم في المجلدات التاريخية انهم فلسطينيين بيتم تعديلها الي " من اصل كنعاني "
" انا فاهمة طبعا الشعارات بتاعت و لو حذفوها من مش عارف ايييه هتفضل فلسطين محفورة في قلوبنا و البلا بلا بلا "

قلبك ده يا حبيبي ملوش قيمة في واقع الصراع العالمي
زي ما الشجب و التنديد و الادانة و الاستهجان و الاستنكار و كل المصطلحات دي .. ماهي بردو ملهاش قيمة 🤷🏻‍♀️🤷🏻‍♀️

الواقع بقا ان بعد 20 سنة
هيكون في اجيال متعرفش اصلاااا ان كان هنا في دولة او ارض اسمها فلسطين
زي ما دول كتيييير كانت علي الخريطة و اختفت
و هتكون اسرائيل امر واقع
عليهم التكيف مع وجوده

📌 هل الصهاينة مدانين وحدهم في جريمة زي دي 👈🏻 لا طبعا
تجار المخدرات المعلوماتية كمان مدانين
اللي عيشوكم في وهم شعارات و هتافات و تريندات و مقاطعة و حمقة كدابة و انتصارات زائفة بترضي دوبامين مخكم
بيتحملوا الذنب الاكبر 🤷🏻‍♀️🤷🏻‍♀️

🔸 فرنسا اعترفت بدولة فلسطين .. ماكرون خلاص في جيبنا الصغير
▪ وزير الخارجية الفرنسي جان بارو انهاردة بيطالب بإقالة فرانشيسكا ألبانيزي مسئولة الامم المتحدة عن فلسطين
لانها بتشكل خطر علي الشعب الاسرائيلي

📌 ايه نوع الخطر مسيو چان 🤔
قالك تصريحاتها عن سلوك الجيش في غزة بيستهدف الحالة النفسية للشعب الاسرائيلي و اتهاماتها الكاذبة بإنهم آلات قتل ممكن يؤذي الجنود نفسيا
و ده شئ لن تسمح بيه فرنسا

متخيل ان فرنسا خايفة علي اعصاب شعب اسرائيل لا تتوتر
لكن مطالبش مثلا ان يتم التحقيق في المستند اللي هي مقدماه عن مشاركة جنود اوروبيين في القتال في غزة
و اللي هي جايباها من مؤسسة Declassified UK البريطانية
و اللي بتقول 👇🏻
- تم مشاركة 13342 جندي امريكي
- تم مشاركة 6463 جندي فرنسي
- تم مشاركة 2058 جندي بريطاني
داخل غزة في الفترة من 23 ديسمبر 2023 الي 18 سبتمبر 2025

بالاضافة لمستندات التسليح بقا
" تخيل يا عزيزي ماكرون قاعد بياكل ممبار و عكاوي في الحسين و بيروح يدمع دمعتين في مستشفي العريش ... و جنوده بتدبح الاطفال جوا 🤷🏻‍♀️ "
و انهاردة بيتم مهاجمة الامم المتحدة من فرنسا و اتهامها بمعاداة السامية 🤷🏻‍♀️🤷🏻‍♀️

هو هنا العيب علي ماكرون 🤔
اطلاقااااا .. العيب علي اللي يدفي في صدره التعابين و هو مقتنع انها مش هتلدعه 🤷🏻‍♀️

🔸احنا خلصنا المرحلة الاولي و هننتقل للمرحلة الثانية و اوقفنا اطلاق النار
▪ كل يوم في قصف علي غزة و سقوط عشراااات الضحايا
و تدمير احياء كاملة
زي حي شرق نابلس مثلا اللي اتساوي بالارض الفجر و سقط عشرات الضحايا
▪ كل يوم بيموت عشرات المرضي بسبب تعنت الاحتلال في دخول الادوية
علي الرغم ان مجلس السلام متعهد انها هدنة انسانية علي قائمة اولوياتها الحالات المرضية و المصابين

لكن الحقيقة خلف الجملة ذات البريق دي هي 👈🏻 خرووووج الغزاوية الي مصر 👌🏻
بياخد منك 50 عائد و يدخلك 150
يبقا انت لبست 100 جداد 👌🏻

🔸الطوفان أعاد احياء القضية و عودة حل الدولتين
▪ غزة بقت منطقة مشاع اقتصادية بموافقة العالم كله
و الضفة راحت و تم ضمها لاسرائيل
و حاليا بيتم هدم مدينة رام الله وسط الضفة لاعادة تخطيطها
خلصوا هدم حي العطاري و داخلين علي اللي جنبه بالجرافات واللودرات
" رام الله هي عاصمة الضفة و مقر حكم السلطة الفلسطينية "
يعني مش بيقولك انه هياخد الضفة و بس
لأ ده انا همحي وجود اي جهة ممكن تطالب بحكم كمان 🤷🏻‍♀️🤷🏻‍♀️

و الاجراء الوحيد اللي ممكن اتخاذه حاليا هو ان الاردن تقفل المعبر تماما في وجه الضفاوية النازحين
لأن الناس دي لو دخلت الاردن علي اللي جوا عندهم في ظرف 10 سنين الاردن هتتسلم لاسرائيل و هتدخل ضمن خريطتها 👌🏻👌🏻
بلا انسانية .. بلا بتنجانية
اللي ضيع ارضه لا يستحق الحياة اصلا

🔸الفلسطينيين صامدين علي ارضهم
و فيديوهات بقا كلها شعارات
▪ الفلسطينيين في حي الشمس و في الناصرة و في الجليل باعوا محلاتهم للمستوطنين و باعوا 116 دونم زراعي و مقدمين طلبات موافقة علي الخروج
و مقدمين طلبات لمنظمة بيت شيت في القدس الغربية عشان توفق لهم اوضاع لجوء في عدة دول
و ده الاجراء اللي بناءا عليه الكنيست شرع قانون جديد للطابو
و ضم الاراضي
اما بالنسبة للعائدين من مصر
و اللي وصل عددهم حوالي 250 فرد
في منهم 27 قبلوا الهجرة و بدل ما يدخلوا غزة .. انتقلوا للنقب لحين استقدام عوائلهم ثم الخروج من مطار رامون
" انتوا بس اللي بتقروا الاخبار اللي علي مزاجكم في الصحف العبرية
إلحق يا جدع معرفش مين جاله تبول لا ارادي من خبر مش عارف ايه .... و دي بتبقا اخبار ملهاش وجود اصلا و لا يمكن الميديا العبري تشيع الكلام ده وسط مجتمعها
بس أهو شعب زبون بقا و بيصدق 🤷🏻‍♀️ "

📌 طب هل انت ممكن تجلد الضحية هنا .. او هل الضحية ضحية كاملة و لا شريك في الجريمة
احنا امام معضلة انسانية
لا تفسير لها غير ان الفلسطينيين ادركوا الواقع .. و فضلوا الحياة في اي مكان علي اي اختيار اخر يربطهم بأرضهم
و للعلم 👈🏻 اسرائيل بتخرجهم بأوراق ثبوتية هوية لكن بدون جنسية
يعني مفيش معاهم ورقة تثبت انهم فلسطينيين .... عشان ميجيش حد يقرفهم بعد كده بحق العودة 😒😒

اللي بيحصل ده .. حصل 5 مرات علي مر التاريخ من اول 1917
يعني مش جديد
المغفل بس هو اللي مبيتعلمش من دروس الماضي .... ومصمم ياخد علي قفاه للمرة الالف 🤷🏻‍♀️🤷🏻‍♀️
------------------------------------------------------------
🔴 طب خد الجديد بقا :
تزييف الحاضر المصري بيحصل قدامنا
و هيتسجل في التاريخ عااادي

تزييف و تقزيم و إلغاء الدور المصري لحساب الطموح السعودي
🔹يعني مثلا لقيت مقال لواحد مختل نفسيا و عقليا
ده توصيفي الوحيد له
بعنوان : السعودية تهدد اثيوبيا ان تخلع عباءة الامارات وتبتعد عن مصر

ليه يابني
و مصر عويلة و لا ايه
سعودية ايه دي اللي بتحمي مصر
انا عارفة ان ريالات آل شيخ بتتوزع بسخاء و عارفة ان الريال وصل 14 جنيه
بس نستحي في الوساخة شوية 😒

🔹السعودية تهدد اسرائيل بعدم المساس بالصومال
ده مقال تاني
الحقيقة انا برفض اتعرض لاشخاص
و بنأي بنفسي عن حروب الميديا اللي متليقش بيا دي
لكن اييييه التدليس ده
لا يخفي علي مخلوق ان اللي بيحمي الصومال مصر
القوات اللي هناك مصرية
طيارات التسليح بتحمل سلاح مصري
انا و انت و كل الشعب متحمل تمنه و تكلفته نظير حماية الامن القومي المصري

انت مين يالاااا عشان تعرررررض 🙄 لمراهق سياسيا بالشكل ده
حتي لو كنت بتقبض
بس ابقا اكتب اسم مصر علي جنب كده و لو بالقلم الرصاص 😏

🔹السعودية و مصر في رسالة لابي احمد
السعودية : امن البحر الاحمر لا يمكن المساس به و بلا بلا بلا
أممممن البحر الاحمر كله 🤔
ده معرفش يحمي مصافي ارامكو من شوية صيع ... هيحمي امن البحر الاحمر

يعني مش الاسطول الجنوبي المصري هو اللي بيحمي امن البحر الاحمر 🤔
يعني مش قاعدة برنيس و القواعد الجنوبية 🤔

لا انا عايزة اقلل من دولة و لا من شعب
بس مش هسكت علي التدليس
مش هسكت علي ترويج الكذبة لحد ما تبقا حقيقة يقتنع بيها الناس

في الوقت اللي مصر شايلة الطين فوق دماغها ... فرحان وزير الخارجية السعودي قاعد امبارح مع مندوب امريكا لرعاية شئون اليهود في الشرق الاوسط
بيتفاوضوا في السماح لليهود بدخول المناطق السياحية و الترفيهية في السعودية

ااااه عارفة كويس انهم بيدخلوا دهب و طابا و نويبع
بس ده من زمان
من وقت ما مبارك سمحلهم
انما حامي حما المقدسات الدينية بقا اخباره ايه 🤔🤔

🔹السعودية تضع خطوط حمراء للدعم السريع في السودان
عايزة اقول لفظ عيب .. هو مش عيب بس اعتراضي 😒
يعني مش مصر اللي بتحارب الدعم السريع و بتخليه يتقهقر للخلف
يعني مش مصر اللي شايلة طين السودان سواء حرب او مساعدات او تسليح او زفت لاجئين 🤔
هو چوني ابستين دلوقت اللي بقا بيحط خطوط حمرا 🤔

و للاسف المقالات الهبلة دي بتتنشر احيانا علي جروبات و قنوات وصفحات بتحمل اسمي و ده شئ انا استعر منه و يصيبني بالغثيان و الاشمئزاز 😒

في عيال اندر ايدچ انهاردة عندهم 15 سنة .. كمان 5 و لا 6 سنين اما يبدأوا يتكلموا في السياسة و يسألوا شات چي بي تي و جوجل و جيمناي عن الفترة اللي فاتت .. هيطلع لهم مقالاتكم الوسسسسخة عن ان مصر شفافة و هوا ميتشافش
و قد اييييه السعودية تعبت و شقيت

بدأتوها بخلق العداء مع الامارات لحساب اسرائيل بغباءكم .. و ان مصر دولة هبلة بتسكت لاي دولة تعبث بأمنها
و بتنهوها بإلغاء وجود مصر علي الساحة السياسية اصلاااا

عشان انتوا شوية مناديل كلينيكس
الصهيونية بتمسح بيكم لامؤخذتها التاريخية .. و هترميها في قاعدة التواليت و تشد عليها السيفون
زي ما عملت مع كتييييير
زي سعد الدين ابراهيم و كتاب و ادباء ومدونين مركز ابن خلدون 👌🏻👌🏻

الحمد لله علي اقتراب رمضان
و الواحد يريح اعصابه من طفح البلاعات ده شوية
المهم انك تكون انسان واعي
و متخليش انصاف المتعلمين يكبوا نفاياتهم الفكرية في عقلك ابدااا 👌🏻👌🏻

🔵 #متهمون_أبرياء :

في مقولة أو وصية عن الامام علي بن ابي طالب رضي الله عنه و ارضاه
بتقول ايه 👈🏻 لا تستوحشوا طريق الحق لقلة سالكيه
و الفضل بن عياض قال 👈🏻 لا تستوحش طريق الهدي لقلة أهلها و لا تغترن بكثرة الهالكين

♦العالم الخايب بتاع الميديا ده نزل عليه تصنيفين
انت معانا و لا مع الناس التانيين
او انت منين يا دفعة من ديشنا و لا من ديش العدو 🙄

من ساعة تولي مدبولي الفترة التالتة .. و انا عارفة ان راقصي باليه المدبوليزم .. الغسالات التوماتيكي توماتيكي هتستهدف اي حد ضد جنابه .. بحجة انت بتنتقد مدبولي اللي الرئيس اختاره 😳 اااه يا فاجر يا داعر تبقا بتنتقد الرئيس و اختياراته
لقد صبأت عن آلهتنا و تتبع الدين الجديد .. سنشخلنك شلخ الشاخ في البعير 😡😡

بس الحقيقة ان مصر كلها ضد جنابه 🤷🏻‍♀️
ومصر كلها قرفانة من استمرار جنابه
و انتوا گ فريق راقصي باليه الغسالة ملكوش قيمة
و لا انتوا رموز الوطنية و من حقكم تحددوا مين الوطني و مين اللي امه يهودية ... طظين فيكم .. 3 طظات 🤷🏻‍♀️🤷🏻‍♀️

📌 الوطنية مش السكوت علي الفساد و الخرف الاقتصادي و تدمير البلد
🔹محدش في مصر مش عارف ان وزير الرياضة السابق فاسد و ان منظومة الرياضة في مصر كلهاااا رايحة في ستين داهية بسبب الفساد
و الفساد وصل لحد ازهاق الارواح
لكن لأن " الجزار ده مافيا لوحده " علي رأي فيلم مافيا
مكنش حد بيتكلم .. انا نفسي كنت بخاف من نفوذه
و عارفة انه راجع تاني و قريب 👌🏻
يا باشا الفساد ده تحت اشراف جناب رئيس الوزرا بتاعكم و هو جزء منه 🤷🏻‍♀️🤷🏻‍♀️
🔹كلكم بلا استثناء طلعان تلاتين اهاليكم بسبب اللاجئين اللي بينهشوا خير البلد حرفيا و خاربين 3 اسواق علي الاقل منهم العقار و الدواء
بس اما حد يتكلم
يبقا يااااي محرض ضد البركة
ده بينتقد الرئيس 🤔 .. اووووبس ده امه يهودية و ابوه ارمنلي وصلي صلي 🙄
🔹مفيش بيت في مصر مفيش فيه صاحب معاش نفسه اتكسرت بسبب الحكومة الكسيحة بتاعتكم
كل دول العالم المحترمة لها بروتوكول للمتقاعدين و عدم تنفيذ البروتوكول ده ممكن جدا يطيح بالحكومات
الا عندكم
رئيس الحكومة بيعند مع المعاشات و بيهينهم و بيقولهم انتوا زي خيل الحكومة احمدوا ربنا اني مش بضربكم بالنار
و ان شاء الله هشوف فيه يوم زي يوم اريل شارون كده .. لا نفوذ و لا صحة و لا مال و هو و ربنا علي سرير المرض 🤲🏻🤲🏻
ومع ذلك لما چيلان قاسم تتكلم عن المعاشات .. الغسالات تظبط دورة الغسيل علي الابيض و هاتك يا دعك
و تلاقيه مبيتصلش بأمه بقاله اسبوعين عشان معاشها خلص و خايف تتطلب منه فلوس
بس اووووعي انا علي الفيسبوق وطني مووووت لدرجة اني ممكن اخرس عن كلمة الحق و ابقا شيطان 🤷🏻‍♀️🤷🏻‍♀️
🔹8 سنين من الحقبة المدبولية الاقتصادية الديون فيها عمالة تتفاقم
مش تكتر .. لأ 👈🏻 تتفاااااقم
و مش لاقيين لها حل
و لا عارف يحل
و كل الانجازات اللي عملها الريس عطلانة .. مفيش الا شغل المستثمرين
لكن املاكنا .. مقدراتنا عطلااااانة
و يوم ما يلتفتوا لها يبقوا عشان يبيعوها
انت مين سمحلك تبيع ارضي .. انت بتشتغل عندي .. قيم علي املاكي مش من حقك تبيعها

و للعلم انا ياماااااا دافعت عن حق الانتفاع
يا دين النببببي .. ده انا ليا صولات و جولات مع كل خوابير الاقتصاد ضيوف التوك شو
و كنت بدافع عن فكرة حق الانتفاع
و اخرها راس الحكمة لما وعدتكم ان يوم 24 فبراير هيكون نهاية احزان اقتصادية
▪ليه بدافع عن حق الانتفاع اقتصاديا 👈🏻 لان الملك ملكي في الاخر و هو يمشي
انما مش هدافع عن بيع متر ارض من ارض مصر الا للمصريين
مش هدافع عن بيع مشروع انت حرمتني من الرفاهية و الاحتياجات الاساسية و فقرتني عشان تعمله و انا رضيت و استحملت
و انهاردة جي تبيعه عشان انت فاشل و مش عارف تسد ديونك اللي انت ورطت نفسك فيها و انا گ مواطن مستفدتش الا من 40% منها فقط
انا مش موافقة ان وطني يتباع قطاعي .. مش عاجبك موقفي اخبط دماغ امك في الحيط 🤷🏻‍♀️🤷🏻‍♀️
🔹انا اجدع حد يجيد حقن البنج الاقتصادية
لكن مبعملهاش
من سنة ونص كنت كل يوم انزلكم ايجابيات و انجازات و سرد لحقائق اقتصادية
و انت گ مواطن استفادت ايه
وكل حاجة موجودة علي القناة هنا و الفيسبوك
بس انهاردة لو انا قولتلك دخل شخروميت مليار دولار استثمارات .. بس الحقيقة انت مش هتستفيد منها حاجة عشان الحكومة هتسدد بيها زوربيح اقساط الديون اللي علينا
هل انت گ متلقي هتبقا سعيد و راضي
قطعاااا لأ 🤷🏻‍♀️
كمان انا شايفة ان معدل التشغيل في مصر بيتباطئ
معدل التشغيل ده اللي بيحدد نسبة البطالة
الناس بتيجي تمضي اتفاقيات و تمشي .. هننفذ امتي يا باشا
ان شاء الله قريب
و انت فااااااشل مش عارف تدير املاكك ... مش عارف تشغل 13 الف مصنع تم بناءهم بالديون و السلف وواقفين عبارة عن بلوكات خرسانة زي عجل بني اسرائيل جسدا له خوار و خلاص 🤷🏻‍♀️🤷🏻‍♀️

🔹انا مقدرش اطلعلك في بوست اقولك معدل التضخم نزل
لانه منزلش
انا مقدرش اكدب و اخالف ضميري عشان ابسط الغسالين 🤷🏻‍♀️
ما انت مواطن في الشارع
يعني اقرب مني للحقيقة
اسعار حاجة نزلت يابني 🤔
روحتوا اشتريتوا حاجات رمضان .. هل نفس المبلغ بتاع السنة اللي فاتت جاب لكم نفس الكميات 🤔

مفيش تضخم نزل .. زي مفيش احتياطي زاد
و كله تستيف ورق 🤷🏻‍♀️🤷🏻‍♀️

🔹هل في حاجة اسمها شقق اسكان اجتماعي ب 2.5 مليون جنيه
و تقررررف
علب كبريت و سباكة بايظة و كهربا بايظة و خرسانة بتفرقع وسقف بيقع و بيتشرخ
و الناس بتلطم
فساد ده و لا مش فساد
اطلع اهلل لمشروع بينهار فوق دماغ السكان
سواء في 15 مايو و لا دهشور و لا حدايق اكتوبر
يا عم غوروا في مصيبة تاخدكم بقااااا .. هتروحوا من ربنا فين 😒😒
الطريق الاوسطي كل يوم فيه انهيارات ارضية اخرها اول امبارح
ده بسبب الفساد يا باشا
بسبب الرشوة اللي دفعها المقاول
انا مقدرش اطلع اطبل للطريق و للمقاول
انت ابن كلب افاق وتقدر .. اتفضل go ahead 🤷🏻‍♀️🤷🏻‍♀️

🔹يا تري حضراتكم موافقين ان اعلام بلدكم اتسلم للاخوان من جديد
و احمد المسلماني جاب كل شلته 🤔
فكروني كده نزلتوا في 30 يونيو ضد مين 🤔

🔘 لكن لما بيكون في حاجة كويسة
بندافعوا عنها
بنقفوا ورا كامل الوزير عشان يكمل خطة تشغيله
بنقفوا ورا كريم بدوي عشان نضيف و بيشتغل و اللي حققه في سنة و 3 شهور فشل يحققه كل وزراء البترول علي مدار ال 30 سنة اللي فاتوا
بنقفوا ورا انجازات هاني سويلم في افريقيا و في مصر و بنطالبوا باستمراره 100 سنة .. عشان من يوم ما جه مسمعناش عن قرية في الصعيد غرقت في السيول و لا سمعنا عن سينا اللي البيوت غرقت علي دماغ سكانها

واقفين ورا جيشنا لاخر نفس
و بندعموه .. عشان تقريبا معدش حيلتنا غيره

انا معرفش ليه مصممين تطفحونا العصابة الاقتصادية بتاعتكم عافية .. يا كده يا نبقوا خونة ومش وطنيين
هو الجيش و الرئيس و الحكومة نازلين علي بعض في سورة واحدة في القرآن و لا ايه .. باكيدچ علي بعضه 😒😒

لا و الله هو اخلاص الرئيس للبلد و خلف الجيش فقط
و الحكومات دول موظفين بيشتغلوا عندنا
اللي يخفق هندوله علي دماغه
و اللي يتقي الله فينا و في البلد هندعوله علي المنابر و نهتفوا باسمه
و تقريبا غيري نفس النهج كده معرفش الا اتنين او تلاتة
ثالوثهم المقدس هو الجيش + الشعب + الارض 👌🏻👌🏻

حكومة بتعادي
▪اصحاب المعاشات
▪المغتربين
▪ساكني القانون القديم
▪موظفي القطاع الخاص
▪اي اسرة عايزة تعلم ولادها تعليم جامعي مجاني
لا مفيش .. يا اهلية يا خاصة يا تشتريله توكتوك تشغله عليه
▪الشباب اللي عايز يتجوز ويعف نفسه
▪الاسر اللي كانت متوسطة و بقت فقيرة بسبب الاجراءات المجحفة

حبيبة مين بقا :
السادة اللاجئين .. السادة حائزي الثروات و رجال الاعمال و دول نسبتهم 6.5% من الشعب

📌 عايزنا نطبل لحكومة فيها وزرا سوابق وواخدين احكام 😂
و وزير تعليم غير حاصل علي مؤهل اصلا
وموظف في البنك الدولي مازاااال علي ذمة وظيفته ومقعده
و وزير تاني الدكتوراه بتاعته في التسول و محضرش باقي المحاضرات 😂
📌 عايزينا نطبل لبرلمان رئيس الجمهورية نفسه شكك في نزاهته
و اصلا بعد التشكيك ده رفعوا الفيزيتا بتاعت الكرسي من 70 مليون جنيه ل 100 مليون جنيه
و دخل فيه مجنسين 🤔
" بس ده شغل فنادق احمد باشا عبد الجواد .. النسخة الجديدة من كمال الشاذلي 🤷🏻‍♀️"

احنا كنا ماشيين معاكم في نفس الطابور
لكن ما الامور تؤول للباطل .. اعذرونا كملوا انتوا
احنا هناخدوا صلاح سالم بقا اوسع و اسهل 🤷🏻‍♀️🤷🏻‍♀️

الثبات علي المبدأ صعب في زمن المسوخ و الجهلة .. لكنه مش مستحيل 👌🏻

اثبت يا صديقي .. انت صح .. و لا تلتفت
ملتفت لا يصل
ومادام بوصلتك بلدك .. فليذهب الجميع للجحيم و اوعي تتغر في كثرة المنافقين .. خليك انت عادل و حقاني 👌🏻
" يَا أَيُّهَا الَّذِينَ آمَنُوا كُونُوا قَوَّامِينَ لِلَّهِ شُهَدَاءَ بِالْقِسْطِ وَلَا يَجْرِمَنَّكُمْ شَنَآنُ قَوْمٍ عَلَى أَلَّا تَعْدِلُوا اعْدِلُوا هُوَ أَقْرَبُ لِلتَّقْوَى وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ " صدق الله العظيم

ألا جند الله هم الغالبون
و جند الله دول اللي مبيخفوش الا منه فقط و لا يبتغون الا وجهه 👌🏻

🌺 و دي احسن حاجة ممكن نبدأ بيها الشهر الفضيل 🥰

مينفعش احتفظ ابدا بيها لنفسي
لانها تخص العيلة كلها ❤

كل سنة و انتوا طيبين حبايبي
و رمضان كريم عليكم و علي بيوتكم
ربنا يسلمنا رمضان و يتسلمه مننا علي النحو الذي يرضيه عنا
و لا يجعل عهدنا به هذا العام هو الاخير ... و يجعلنا من المقبول فيه اعمالهم ❤❤