🔵 السلام عليكم :
انا لا يهمني امريكا و لا اسرائيل و لا ايران
يولعوا في بعض ب افلام الدرجة التانية بتاعتهم دي

♦اللي يهمني ان ميكونش الخروج الامن للشلة الايرانية
علي حساب جرجرة الخليج للدمار
حتي يتسني لاسرائيل السيطرة علي اراضيه

اتمني ان الخليج يتثبت للحكمة و العقل و لا ينزلق للكمين ده

و اكيد مش هكون سعيدة ابداااا لو اي أذي طال الدول الخليجية
بكفاية تدمير لدول المنطقة علي يد اسرائيل و امريكا و اعوانهم

📌 ازاي القواعد الامريكية تستهدف بصواريخ مبتأذيش 🤔
و اشمعني الصاروخ اللي استهدف الرياض هو اللي عمل تفجيرات شديدة
مفيش قواعد امريكية في الرياض اصلا🤷🏻‍♀️
القاعدة الجوية في الخرج جنوب
ايران استهدفت دبي .. مستهدفتش قاعدة الظفرة الامريكية 🤷🏻‍♀️

صحيح دي القواعد اللي انضرب منها العراق و انتهي ... لكن مش اللي يقوم بتصفية الحسابات اسرائيل يعني 🤷🏻‍♀️
و اسرائيل اصلا قصفت العراق دلوقت وسقط ضحايا كتير جدا بردوووو .. ده قدر العراقيين

♦مفيش حاجة اسمها تغيير النظام بضربات عسكرية و لا حرب
و لا حاجة اسمها : اصلنا بنضرب القصر الرئاسي عشان نغتال القيادات
جواسيسكم " حسب كلامكم يعني " ماليين ايران ... و زي ما وصلتوا لاسماعيل هنية " ده مثلا 🙄 " تقدروا توصلوا لعراقجي و بزشكيان و المرشد 🤷🏻‍♀️
الضربة العسكرية دي كمين للخليج
و أتمني انهم ينجوا منه و ألا يطول الشعوب اي ضرر 🤲🏻

اكيد في تفاصيل كتير علي اخر اليوم هتظهر
ربنا يقدرها سليمة علي كل المدنيين في الخليج 🤲🏻

🔵 #الكمين:

و الله يا جماعة اللي مش معانا في جروب المناقشات فايته كتييييير جدااا 🤷🏻‍♀️ .. فايته سيناريوهات محسوبة بالمللي بفضل الله 👌🏻

✨ فاكرين فيلم المولد بتاع عادل امام
اما سرق دولارات الراجل و ولع له في اليخت
الراجل ساعتها فكر تفكير سليم
العداوة مع واحد حاسس بنفسه زي غريب بيه .. ومحاوط نفسه ببلطجية يحموه مش هتفيد
طب يعمل اييييه عشان يستولي علي فلوسه بشكل قانوني 🤔
الحل 👈🏻 يجيب الناس بتاعته يطربقوا الدنيا فوق دماغ عادل امام و يوقعوا الابراج و يخربوا بيته و يبقا اوشك علي الانهيار
يقوم يضطر يجري عليه عشان ينقذه 👌🏻👌🏻

و ساعتها هينقذه
لكن بشروط 👈🏻 يجوزه اخته .. و ينقل كل ثروته باسمها ... و بعدهاااا هيقتله
و تبقا اخته هي الكوبري اللي عبر عليه لملايينه .. و بالقانووووون
لأن غريب بيه وقتها عضمة ناشفة مش لقمة طرية 👌🏻👌🏻

♦هو بقا يا عزيزي سيناريو فيلم المولد ده
بيتمثل امامك
و اتمني من قلبي ان النهاية في الواقع تماثل النهاية في الفيلم 🤷🏻‍♀️🤷🏻‍♀️

🔘 التفصيلة الاولي:
الخليج مش هفق .. والمنطقة بتحاول تحصل علي مقعد في العالم الجديد
و تمثلك ثروات ضخمة
مجلس التعاون الخليجي هو القوة الضاربة في سوق الطاقة
بيملك 33% من اجمالي نفط العالم و 22% من اجمالي غاز العالم

🔹فكرة ان الخليج بياخد خطوات في صالحه ده شئ غير مقبول امريكيا
▪ الامارات بقت مركز مالي لتداول التجارة العالمية بعملات غير الدولار " و دي حدوتة تخوف بالنسبة لسوق الدولار "
▪السعودية ااه لم توقف النفط بالدولار .. لكنها بردو لم تجدد اتفاقية البترودولار
و بتتدخل ضد الدعم السريع اللي بتدعمه بريطانيا.. و بتتدخل ضد الحوثي ذراع ايران كلبة امريكا الاليفة
▪الكويت تقريبا طردت 40% من الاخوان اللي فيها و اسقطت عنهم الجنسية
و كتير منهم هاجر امريكا 🤷🏻‍♀️🤷🏻‍♀️

📌طب و الاردن .. دي مش خليج .. علي الله حكايتهم ومحتاسين في عزومات الفطار و السحور 🤔
و ده سؤال 👈🏻 رافضة تاخد الضفاوية وتوسع علي اسرائيل🤷🏻‍♀️

🔘 التفصيلة التانية :
روسيا مش مريحة امريكا
و مش عارفين يلوا دراعه و لا يجوا عليه 👌🏻👌🏻

فلاديمير بوتين حاطط شروط و مش هيتنازل عنها .. و الغرب متخبط و اوروبا متضررة و بقا ضهرها للحيط
لدرجة انها عادي تعلن العداء لامريكا 🤷🏻‍♀️🤷🏻‍♀️
📌 ولا احد ينكر ان اهمية الخليج گ داعم ل روسيا و سوق لها لا تقل اهمية عن الصين 👌🏻
ده كفاية الامارات اللي بتمررلها تجارة النفط و الغاز 🤷🏻‍♀️🤷🏻‍♀️

و وجود مجلس التعاون الخليجي مع علاقات جيدة بروسيا في منظمة اوبك و اوبك+

ده مش خبر سار لشيطان العالم بالتأكيد 🤷🏻‍♀️

🔘 التفصيلة التالتة :
العلاقات الخليجية الصينية زي الفل 👌🏻
▪استثمارات متبادلة
▪الصين سوق لنفط و غاز الخليج
▪التعاون الدفاعي و التسليح
▪سوق العقارات وكذلك التعاون اللوجيستي
▪اهمية الخليج في طريق الحرير و اللالئ المضيئة

كل ده يعمل ضد الصالح الامريكي 🤷🏻‍♀️🤷🏻‍♀️

امريكا تضرب الصين قلم
تقوم الصين رافعة ايديها و متعازمة و لسعاها قلم اجمد
و امريكا مش واخدة علي كده ... اااه هي اتعودت انها تضرب اي دولة بالقلم تقوم الدولة دي لافة و مدياها قفاها و تقولها و النبي قفا بركة من ايدك يا سيد المعلمين 🙄

🔘 التفصيلة الرابعة :
الناس دي بتتعامل معانا بصراحة ترقي للبجاحة 😒

ترامب من اول يوم قالك اسرائيل مساحتها صغيرة
اسرائيل لازم تكون قوة اقليمية تحمي نفسها و تخوف اللي حواليها
كل الساسة الامريكان قالك حماية اسرائيل واجب ديني مقدس

يقولك ايه تاني يعني عشان يفهمك انه لا بتاع سلام ولا بلبيس 😏

📌وهو من زمان و هو زارع في عقلك البائس ان ايران شعارها في الحياة الموت : لاسرائيل.. الموت لامريكا
و ان ايران هي الداعم الاول للقضية الوهمية المسماة القضية الفلسطينية 🤷🏻‍♀️🤷🏻‍♀️

و بالرغم ان ايران محتلة جزيرتين اماراتيين .. و عدوة السعودية الاولي و طمعانة في المقدسات .. و بترازي سلطنة عمان و الكويت في الخليج العربي .. و شاركت في تدمير العراق .. و كانت الجاسوس اللي اسقط سوريا .. و ما فعلته في سنة اليمن معملوش الحجاج بن يوسف الثقفي ووزيره الحصن بن النمير في اعداءهم .. و هي سبب انقسام لبنان و ضياعها

إلا ان السرمديات و الافيونات الدينية غفرت لها ما تقدم من ذنبها و ما تأخر عشان بس مروج لها انها بتدعم مجموعة المرتزقة المسماة حماس و القدس و غزة و كل الكلام الحلو ده 🙄

🔸لكن خلااااص
انتهت القضية الفلسطينية
غزة بقت منتج مالتي ناشيونال بموافقة الجميع .. وتم ضم الضفة لاسرائيل
برغم الاستنكار و الشجب الذي لم يشجبه شجاجيب من قبل 😏😏

ف انتهي دور ايران
او الدور الذي صنع لأجله نظام المرشد 👌🏻
ألا وهو 👈🏻 التخديم علي اسرائيل لحد تحقيق توسعتها 👌🏻

و يتبقا الخروج الامن لهؤلاء
و قبل الخروج الامن
لازم يمثلوا المشهد الاخير من بطولتهم السينمائية المطلقة وهي 👈🏻 الايقاع بالخليج في براثن امريكا من جديد
عشان تفرض عليهم شروط النجاة و هو الاستيلاء علي الثروات من خلال الوكيل الحصري للماسون في المنطقة 👈🏻 اسرائيل
و فرض اتفاقية ابراهام علي الجميع 👌🏻

♦حط التفاصيل الاربعة جنب بعض
هتعرف و تفهم ايه بيحصل
و ايه هيحصل بكرة

🔷🔶طبعا يا ولاد احنا عارفين ان الموتي يا بيروحوا الجنة .. يا بيروحوا النار ده في الاخرة
و في الدنيا بيروحوا القبور
ما عدا قتلي امريكا
بيروحوا منتجع جوالامور في مكان آمن تحده الطبيعة الخلابة من كل الجهات 🙄
المرشد تعب و من حقه يتخلب في الخلابة شوية بقا 🤷🏻‍♀️🤷🏻‍♀️

📌انتوا عارفين من اللي انا علي يقين باغتيالهم 👈🏻 امير عبد اللهيان و ابراهيم رئيسي
لأن امير عبد اللهيان كان اتمرد
و زهق من لعب ايران دور العميل و تمثيلها لدور ابو زبعبع للسنة في المنطقة
و كان اخد خطوات تجاه تطبيع العلاقات مع مصر و السعودية و الامارات و الكف عن دعم اذرع القذارة في المنطقة الحوثي و حزب اللات و كل الزبالة دي 👌🏻👌🏻


🔷🔶 فاضل اننا ننظر نظرة خاطفة علي #البديل 😎
تركيا ما شاء الله العقل و الرزانة محاوطاها
و كل التصريحات في اتجاه : لابد من الحلول السياسية
ننبذ العنف و نحبذ الدبلوماسية

" و انا كمان أحبذ .. انت تحبذ يا حنفي ... حنفي لا يحبذ يا دكتور رأفت 🙄"
📌اومال فين التصريحات العنترية ضد اسرائيل يا جدع 🤔

بالرغم ان في حفلة الافطار الجماعي انهاردة قالوا شوية تصريحات انما عنب 😏
▪اتكلموا عن امبراطوريتهم العثمانية المزدهرة المنتصرة
و انهم ايامهم جااااية و القرن الحالي سيكون القرن التركي
▪اتكلموا عن توسعهم و تواجدهم في القرن الافريقي و ازااااي بقوا قوة علي الارض في السودان و الصومال و چيبوتي و اريتريا
" اقسم بالله ما كان يحلم بيها 😒 .. ومش فاهمة السبب و من كتر قرفي مش عايزة ادور
لكن اللي اعرفه كويس و اللي التاريخ بيعلنه يوميا ان مفيش اخواني يتآمن له و لا عداوة الاخوان لغير فصائلهم ممكن تقلب صداقة ابدااا 🤷🏻‍♀️🤷🏻‍♀️"
▪اتكلموا عن انهم بقوا اهم ناس في المنطقة
و امريكا بتحبهم و روسيا بتعزهم و الصين بتودهم 🙄
و الخليج و مصر في حضنهم 🙄
▪ اتكلموا عن تواجدهم الرااااائع في ليبيا و انهم بيحاولوا يصلحوا علاقاتهم بحفتر و بيدعموا صدام حفتر للرئاسة " طبعا بعد ما حفتر و ابنه اغتالوا سيف الاسلام القذافي😏 "

لكن مجبوش سيرة ايران الا بطريقة : اووووه يا حراااام ربنا معاهم 🤷🏻‍♀️🤷🏻‍♀️

هو بيسخن بقاله 20 سنة عشان ينزل الملعب و اخيراااا المدير الفني نزله و حطه امام الجون 🤷🏻‍♀️🤷🏻‍♀️

♦احنا في انتظار الحج محمد بهلوي
اللي الحقيقة مجدد باقة الواي فاي و هااااري الدنيا تغريدات و بوستات 🙄

و مش عارفين هل غريب بيه هيروح للراجل عشان ينقذه و يجوزه اخته
و لا هيدور علي حد تاني يقف معاه ويمسك العقل كده 🤔🤔
" انا مش شمتانة في الخليج و لا هشمت فيه و بدعي ربنا ينجيهم
لأن لو الخليج وقع
ف انت واقع لا محااااالة
خليكوا عاقلين و سيبوكم من جنون الشعارات و العنتريات .... بص حواليك و تخيل كده شارع كله زلزال هدمه .. هل في برج واحد هيقدر يكمل فيه 🤷🏻‍♀️🤷🏻‍♀️ "

انا عارفة
بس الحقيقة قبل الفطار اتأمنت معملش توقعات و اتقالي كفاية بقا يا لووووچي .. الفراندة ولعت في الكوكب 🙄🙄

انا مااااالي يا عم
هما اللي مش مبدعين .. معندهمش ابتكار 🥹🥹

♦اللي بيحصل ده هيأثر علي مصر يا چيلان :
طبعا حضرتك
▪مضيق هرمز بيمر منه 20% من تجارة النفط في العالم
و ده هيأثر علينا
▪هنترازي شوية في قناة السويس تااااني
▪ارتفاع اسعار النفط و الغاز هترفع اسعار سلاسل الامداد .. وربما ده يدخلنا في شوية تضخم عالمي مؤقت ومصر جزء من العالم
▪رأس المال جبان 🤷🏻‍♀️ .. و بالتالي وارد نواجه خروج بعض الاموال الساخنة
و ده هيرفع سعر الدولار مقابل الجنيه

ده قدرنا 🤷🏻‍♀️🤷🏻‍♀️
و لا منجي من قدر الله إلا قدر الله 🤷🏻‍♀️🤷🏻‍♀️

الموضوع مش هيطول
و ربنا يحفظ بلدنا و جيشنا و يكتب لنا السلامة 🤲🏻🤲🏻

" اعذروني اتأخرت عليكم
لكن احنا بدأنا التهجد و الوقت للعبادة .. ده أيام معدودااات يعني .. ويا عالم بالأجل هل هنصادف رمضان تاني ولا لأ 🤷🏻‍♀️🤷🏻‍♀️"

🔵 ناقلة النفط سكاي لايت اللي هي عليها نفط ايراني
و طاقم بحارة 15 هندي و 5 ايرانيين
غرقت و كل البحارة ماتوا نتيجة قصفهم ميناء الدقم في سلطنة عمان بالقرب من مضيق هرمز

هدف جميل .. ولكن في مرماهم 😎😎

انا معرفش هما زعلانين ليييييه
ما العمة بتاعت المرشد سليمة مجرلهاش حاجة .... يعني مبني كامل بقا فتافيت و جثث بقت اشلاء و لحمة مفرومة و سدق
بس العمة محتفظة بكامل رونقها و بياضها 🙄🙄

اكيد مراته بتغسل ب برسيل چل من الغالي ده 🤔

🔵 #نظرة_علي_باكستان_وافغانستان:

انا بحاول بس أديكم المهم في احداث الكوكب قبل الاعتكاف التام

📌 المنطقة بتاعت " ستان " دي كلها الحقيقة متهمنيش في حاجة لان كلها دول جنت بخيانتها علي امبراطوريات
لو لم تتفتت .. ما كنا وصلنا للوضع البشع الحالي في العالم

لكن جزء من شغلي اني اطلع علي كل الحروب و النزاعات المسلحة و الصراعات الاهلية في العالم كله 🤷🏻‍♀️🤷🏻‍♀️

♦لفت نظري ايه بقا في زوربيح التصريحات للقيادات الباكستانية و الارهابيين القادة الافغان 👈🏻 الافصاح عن سبب الصراع بدءا من 2022

مبدئيا كده المخابرات الباكستانية من اقدم و اقوي اجهزة الاستخبارات في العالم
ابتدت تفصح عن اسباب الصراع عبر تقارير بترسلها للصحافة العالمية و الامم المتحدة ومفوضية اللاجئين
لييييييه 👈🏻 لأن اللاجئين الافغان اللي بقالهم 20 سنة واكتر باكستان فتحت لهم الحدود و استوعبتهم عندها نظرا لشراسة حرب السوفييت عليهم ثم حرب الامريكان ثم تتابع الحركات الارهابية اللي صنعتها امريكا داخل كابول
انهت وجود الحياة الادمية للمدنيين الافغان .. فاتجهوا للدول المجاورة و منها باكستان

🔹بعد سنين بقاااا
و بعد ما الامريكان ركبوا الارهابيين بتوعهم الحكم
انصار حركة طالبان من الافغان اللاجئين في باكستان ... بدأوا يقوموا بعمليات ارهابية داخل الحدود الباكستانية ويستهدفوا عناصر من ال IB و ال MI " دي اجهزة امنية هامة "
بالاضافة لاستهداف المدنيين الغير سنة و اللي بيمثلوا 15% من المجتمع الباكستاني

و طبعا ده بيعمل علي زعزعة الاستقرار داخل باكستان
" طب لما انت جامد كده .. هربت من بلدك ليييييه 🤷🏻‍♀️
ما تروح تفجر كماين الامريكان في بلدك بدل ما تفجر دور عبادة للباكستانيين اللي متعايشين في سلام وتستهدف ظابط الشرطة و ظابط الجيش اللي للاسف قعدوا يحموك و انت لاجئ جربوع ملكش قيمة 20 سنة 🤷🏻‍♀️ "

بالاضافة لتورط آلاف اللاجئين في دخول تجارة الحشيش و الافيون من افغانستان الي باكستان و منها لدول اخري
" لو انت متعرفش ف اقتصاد حركة طالبان المجاهدين الابطال قائم علي زراعة وتجارة الحشيش و الافيون
تقريبا من مبدأ ابوكمال في فيلم العار .. لو حلال ادينا بنشربه لو حرام ادينا بنحرقه 🙄 "

🔸وبناءا عليه بدأت باكستان في الترحيل القسري الي افغانستان و ابعاد اللاجئين من داخل الدولة الي الحدود
هنا بقا زعلت افغانستان
قالتلك لااااا اللاجئين الملايين دول انت تلبسهم
انا لا عندي بنية تحتية تستوعبهم .. و لا عندي اقتصاد يأكلهم 🤷🏻‍♀️🤷🏻‍♀️

باكستان ردت وقالت انا كمان مبقتش قادر اصرف عليهم 🤷🏻‍♀️
بياكلوا زي الحمير في النجيلة 😒
و اقتصادي اصلا متهدم و ماشيين بالدعاوي في السجود
خد مواطنيك عندك يا عم

▪حكومة طالبان رفضت
و اللاجئين الافغان نفسهم رافضين العودة
يرجعوا لييييه 🤷🏻‍♀️
* مفوضية بتحميهم
* غسيل اموال شغالين بين دول شرق اسيا
* افراد في الحكومة الباكستانية شغالين خدامين عندهم و في جهات خارجية بتدفع رواتب للخدامين للابقاء علي العناصر الارهابية داخلها
" ليه دايما مفوضية اللاجئين بتحافظ علي جماعات ارهابية علي اراضي غير اراضيهم 👈🏻 من اجل استخدامهم في انهم يكونوا ادوات تنفيذ لمخططات معدة مسبقا للدولة دي "
و ده مش كلامي
ده كلام عمران خان يوم 12 مارس 2022 و قبل ما يتدبرله الاعتقال
في خطابه اللي اعلن فيه دعمه للمعسكر الشرقي و تخليه عن سياسات التبعية الامريكية
قال يومها انه يعلم جيداااا ان اللاجئين الافغان اللي وضعتهم المفوضية في باكستان اكثرهم ارهابيين و ان المفوضية بتنفذ تعليمات
و ان رئيس الوزراء اللي سبقه في الحكم قبض كتير في مقابل الابقاء عليهم بل و اقنع الحزب الحاكم ان وجودهم ضروري وحتمي ولا يمكنه التخلي عنهم " الخطاب موجود و متصور 🤷🏻‍♀️"
و انه لن يتبع هذه السياسة و علي اللاجئين العودة فورا لوطنهم 👌🏻

" كان لازم يطيروه و يعتقلوه طبعاااا هو وزوجته و ابنه و حزبه كله 🤷🏻‍♀️🤷🏻‍♀️"

🔸خلاص بقا باكستان جابت اخر و مبقتش متحملة
الاستخبارات قررت تخوض الحرب ضد افغانستان بعد تولي محمد عاصم ملك رئاستها سنة 2024
و هناك رئيس المخابرات له اليد العليا علي رئيس الوزراء العميل ده

الراجل طلع قايمة جرائم للاجئين:
🔸جرائم ارهابية :
▪جميع استهدافات ظباط ال MI & IB قام بيها لاجئين
▪تفجير المساجد و محطة القطار و مدرج مطار اسلام اباد في سنة 2024 قام بيها لاجئين
▪استقدام مقاتلي حركة طالبان " اللي هي حركة محظور نشاطها في باكستان " و توفير متطلبات الحياة لهم ثم توطينهم عن طريق مفرضية اللاجئين.. قام بيها لاجئين قدامي في باكستان

🔸جرائم اقتصادية :
▪سرقة الادوية و الوقود و السلع الاستراتيجية و يعدوها لافغانستان من خلال اللاجئين في المخيمات الحدودية
و ده طبعا بيأثر بالسلب علي الاقتصاد الباكستاني
▪تهريب العملات الصعبة
و ده لحساب الجماعات الجهادية
و ده شئ بيدمر العملة الباكستاني 🤷🏻‍♀️🤷🏻‍♀️
▪تورط الالافات منهم في نقل وتجارة المخدرات

🔸جرائم غير تقليدية :
▪خطف مقابل فدية
▪سطو مسلح علي المنازل و البنوك و المستشفيات المجاورة لمخيمات اللجوء


دي قايمة قدمها عاصم ملك لمفوضية اللاجئين اللي معترضة طبعا علي اجراء الترحيل لأنهم اووووه غلابة وضحايا
و مش معني ان في 3.5 مليون مجرم منهم وخاربين حياة الباكستانيين و مكفرين سيئاتهم يبقا ال 3.7 مليون كلهم وحشين يا اخي 🙄🙄 .. ده باكستان منورة بالافغان البركة 🙄

لكن من الواضح ان عاصم ملك مش هيطاطي للمفوضية و لا هيومن رايتس و لا كل المنظمات الزبالة دي
وواخد قرار بتصفية الافغان من بلده 👌🏻👌🏻

و افغانستان رافضة تستقبلهم

سلوك يبدو غير منطقي
يعني ايه دولة ترفض استقبال مواطنيها اللاجئين بعد استقرارها و انتهاء الحرب بها 🤔
حتي ال 2.5 مليون اللي في ايران رفضت تستقبلهم " دول المسجلين.. انما العدد في ايران يتجاوز 4 مليون "

🔘 لا اطلاقا .. ده هو ده السلوك المنطقي 🤷🏻‍♀️
شوف اهمية وجود مواطنين دولة لاجئين عند دولة تانية و انت تعرف انه منطقي
▪افغانستان محتاجة اذرع خارجية لتجارة المخدرات
▪افغانستان لا عندها مصانع ادوية و لا بتقدر تستورد
و ليه تستورد لما مواطنيها ممكن يسرقوا سوق الدواء كله و يبعتوه
▪اللاجئين في اي مكان اصلا هما اجندة .. موجودين للاستخدام ضد ارض الدولة نفسها
و اهوووو
القصف متبادل بين باكستان و افغانستان
في حين الافغان اللي في الداخل بيهاجموا مراكز الشرطة و بيحرقوا المستشفيات العسكرية 🤷🏻‍♀️🤷🏻‍♀️
▪اللاجئين هما اهم حلقة في سلسلة تهريب العملات و السوق السودا و اهم اهم حلقة في غسيل اموال المخدرات و السلاح و الدعارة
يبقا ليه تستقبلهم تاني 🤷🏻‍♀️🤷🏻‍♀️

الدولة الاصلية مش هي اللي مدانة .. اللي مدان هي الدول العبيطة المضيفة اللي بتسمح بفتح البوابات لاستقبال ملايين الخونة تحت مبرر الانسانية الفارغة
و بعدها بتنضرب في ضهرها منهم

التاريخ مش مسئول عن ان الاغبياء رافضين يتعلموا منه 🤷🏻‍♀️🤷🏻‍♀️

اللي دخل سليم الاول دمشق و هزم المماليك في مرج دابق .. هما المماليك الاتراك اللي دخلوا الشام لجوء بعد الصراع الصفوي العثماني المجري
و اللي قطع راس قنصوة الغوري هما المماليك اللاجئين الاتراك
و اللي خان طومان باي هو خاير بك المملوك التركي

اللي ورط النمسا في الحرب العالمية الاولي .. اللاجئين اليهود الاوكران اللي هربوا من اضطهاد الروس
و هما اللي قفلوا سوق الدهب و سحبوه ووقعوا الاقتصاد

اللي سرق دهب المصريين وهما خارجين اللاجئين العبرانيين اللي دخلوا مصر في المجاعة

اسرائيل نفسها دولة قائمة علي فكرة الاستقدام و اللجوء
اللاجئين الاشكيناز و السفرديم اخدوا ارض مش ارضهم و عملوا دولة

التاريخ مش اهبل و لا ساذج
التاريخ سوق كبير .. اشتري منه اللي انت محتاجه لحياة آمنة لشعبك و لوطنك
طب لو قررت متشتريش منه 👈🏻 يبقا لا تلومن إلا نفسك لما تأذي نفسك و بلدك .. و الطريق الي جهنم مملوء بالنوايا الحسنة🤷🏻‍♀️🤷🏻‍♀️
" ربما فعل يظن صاحبه أنه آخذه الي الجنة وهو يطرح به في النار "

ده سبب الصراع العسكري بين باكستان و افغانستان وفقا لرئيس الاستخبارات الباكستانية عاصم ملك .. و مندوب باكستان في الامم المتحدة

🔹طب انتي يا چي مع مين 🤔
و الله يا عزيزي انا في باكستان كلها ميهمنيش الا عمران خان و ده معروف عني من 2022 و كنت بدعمه
يوم ما تآمروا عليه رميت طوبتهم و قولت ذهبت باكستان

و طبيعي مش هكون في صف ارهابيين افغانستان 🤷🏻‍♀️🤷🏻‍♀️
ف الموضوع انتقامي بينهم اكثر منه سياسي و ربنا يخربيت امريكا و اللي معاها ده اكتر حاجة انا بدعمها 👌🏻👌🏻

كده ابقا قفلت المنهج كله .. اي خدمااااات
لو جد جديد بقا يبقا يحلها ربنا 👌🏻

🔵 السلام عليكم :
يعني هنلم تفاصيل سريعة كده وانا بفطر :

♦الدهب رايح فين يا چيلان :
الدهب هيكسر ال 6000 دولار للاونصة

متتغرش و تبيع دلوقت
اللي عايز يسيل فلوس يصبر شوية
و دي مش ايام شرا عشان هيتنصب عليكم
مصر اصلا امبارح كان فيها فرق تسعير بين المحلات من 200 ل 300 ج

♦النفط :
هنسمع ال 100 دولار في برميل خام برنت
و ده اللي ترامب بيهدف له اصلاااا
عشان يبيع النفط الفنزويلي بأعلي مكاسب ممكنة
بالرغم من انه نفط ثقيل
الا انه بردوووو هيتباع و الدول اللي هتشتريه هتتحمل نفقات تنقيته

‏( و ده واحد من اسباب الفيلم الهابط ده ان التلويش اللي بتلوشه ايران في الخليج
و استهداف مصافي النفط
انها تفتح سوق للانتاج الهائل اللي طلع من فنزويلا و النفط مش بيتخزن لازم يتباع 🤷🏻‍♀️‏)

🔹هل ده هيأثر علينا في مصر 🤔
احنا بنستورد في الشتا شهريا ب 1.36 مليار دولار .. في الصيف ب2 مليار دولار

▪ الموضوع المفروض مش عشوائي
يعني مش واحدة هتصحي الصبح تكتشف ان مفيش طماطم في التلاجة .. ف هتنزل السوق
المفروض اننا عاملين عقود آجلة لمدة 3 شهور الي 9 شهور
و العقد الاجل بيكون متحوط ضد الارتفاع السعري
📌 يعني امتي الحكومة ممكن تلجأ لرفع الاسعار 👈🏻 لو الحرب دي استمرت فوق ال 4 شهور
غير كده يبقا نصب و احتيال علي المواطن

" انا مش بقولك تحليل و لا حل .. انا بقولك اجراء حكومي شكله كده "
يعني مفيش حاجة اسمها الحرب شغالة هنرفع الاسعار 🤷🏻‍♀️🤷🏻‍♀️

♦الغاز :
العقود الاوروبية ارتفعت 45%
يعني لسه عاملين اغلاق لعقود هولندية من ساعة 45.5% ارتفاع
▪ يعني ايه الكلام ده 👈🏻 يعني العديد من دول اوروبا بيعتمد علي الغاز القطري
و اللي تم ايقاف انتاجه و توريده

ايه هنا بيحصل :
بيقل المعروض في ظل طلب عالي " لأننا في الشتا " .. بالتالي السعر بيرتفع 🤷🏻‍♀️
الدولتين اللي ممكن اوروبا تعتمد جزئيا عليهم في الغاز هي النرويج و هولندا
و ده طبعا لأنهم واقعين في مأزق العقوبات علي الغاز الروسي 🤷🏻‍♀️

الغاز سلعة ساحبة
يعني ايه 👈🏻 يعني ارتفاع سعرها بيوازيه ارتفاعات اسعار سلع اخري مرتبطة بيها

وبما ان اوروبا رفعت الاسعار
يبقا باقي الدول هترفع 👌🏻👌🏻

🔘 استهداف المؤسسات الخليجية :
زي ناطحة السحاب في البحرين و سقوط مواطنيين بحرينين
فنادق دبي و مواني جبل علي
مصافي النفط ارامكو و رأس التنورة
مطار الكويت
مستشفي الاردن

الكلام ده ملوش علاقة بالقواعد الامريكية
ده جرجرة للخليج انه يدخل الحرب ضد ايران ... عشان تشتعل المنطقة
و يدخل الناتو بصفته شريك السلام
و نعيد مخطط تقسيم الثروات .. اللي كان اتجهز في 2008 عشان غاز المتوسط

و ده سيناريو تم اعداده في الموساد و استخبارات دول الناتو " ومعاهم جهاز مخابرات تركيا " يا ريت بس منسقطش المعلومة دي 🙄
و اللي علي اساسه تم اعداد مخطط فوضي الربيع العربي

📌 ناقلات النفط اللي بتغرق في هرمز لا تخص امريكا
دي تابعة لشركة ريد سي بيجمنت و دي شراكة عراقية اماراتية

🔸و طبعا امريكا نفت خبر استهداف حاملة الطائرات لينكولن .. گ العادة الحرس الثوري بيروج لاكاذيب و انتصارات زائفة عشان المعاتيه تهلل

🔸مش شايفة ان قتل 6 مواطنين اسرائيليين و تضرر واجهات منازل و انهيار سور حديقة و لا بناية
ده ممكن يعتبر خساير حرب

ده انبوبة بوتجاز في عمارة ممكن تعمل خساير اكتر من كده بكتييير 🤷🏻‍♀️🤷🏻‍♀️

و بعدين عشرات القتلي الايرانيين
و تدمير محافظات
و قصف مدرسة اطفال و قتل كل الاطفال اللي فيها بالبيوت اللي حواليها
و 50 راس من الكبار
" ده حتي زوجة المرشد حصلته انهاردة علي المنتجع .. قصدي الاخرة 🙄"
و تدمير مقرات عسكرية في كرمنشاه " اللي هي المقر البديل لطهران "

كلللللل ده قصاده 6 قتلي و 14 مصاب و بلكونتين و شباك 🤔🤔

انا مش قصدي اتدخل بينكم .. انتوا اهل في بعض و اخوات و الداخل بينكم خارج
انا بس كل اللي اقصده انكم تحاولوا تقنعونا انكم بتضربوا اسرائيل يا جماعة شوية 🙄🙄

🔘 ما يحدث في لبنان :
لما اتسألت رئيس لبنان اعلن الحياد
هل كده لبنان برا الليلة
رديت 👈🏻 حزب الله لم تنتهي مهمته بعد
و رئيس لبنان ده عويل ملوش كلمة 🤷🏻‍♀️

و ده اللي حصل
5 صواريخ من حزب الله علي كرياه شمونة وبيت شميش
مقابلهم 1112 قنبلة من مقاتلات اسرائيلية .. ساوت الباقي من جنوب لبنان بالارض
و اجبرت اللي كانوا متمسكين ببقاءهم في الجنوب علي النزوح
و وسعت الطريق للدبابات و الاليات الاسرائيلية اللي اجتاحت الجنوب تماما لحد الليطاني و طوقته كله و بتعمل اخلاء لأهل جنوب لبنان
و طبعا الحوثي ده تكليفه هو مرازية قناة السويس 🤷🏻‍♀️🤷🏻‍♀️

" اكتشفت معلومة كده بالصدفة و انا شغالة
ان في مخطط 2008 لاحداث فوضي الربيع العربي و اسقاط الانظمة
و ركوب الاسلاميين
ان ال Main Show في مصر كان الاستيلاء علي قناة السويس
يعني الكلام اللي كان داير في 2012 ان الاخوان هيأجروا قناة السويس لشركات مالتي ناشيونال عشان يعظموا الايرادات بتاعتها ... مكنش شائعات
و ان الموساد كانت مجهزة الشركات دي
و ال Side Show كان تحويل سينا لوطن بديل للانطاع الفلسطينيين .. اللي بسببهم كل الخراب اللي في المنطقة ده بيحصل 😒😒 "
و المعلومة دي كانت عند اللوا عمر سليمان رحمه الله في 2008 " يااااه ده احنا محتاجينك بشكل دلوقت .. محتاجينك زي العيل اللي داخل علي امتحان ثانوية عامة و ابوه وامه ماتوا و سابوه 🤷🏻‍♀️ "
و كان السببين دول هما سبب قرار المخابرات الحربية والعامة بالاطاحة بالاخوان 👌🏻👌🏻

📌 لو تاخد بالك ان السيد الرئيس احمد الشرع معمول علي وضع السايلنت
حتي مقالش لماكينات ال ATM بتوعه بن سلمان و تميم معلش حتي 🤔
اربطها بتصريح ترامب من 5 ايام 👈🏻 انا من اتيت بأحمد الشرع ووضعته علي رأس السلطة في سوريا
اربطها بتسليم القنيطرة كاملة للقوات الاسرائيلية ومعاها ريف دمشق

هتلاقي ان مخطط خريطة اسرائيل الجديدة ماشي زي السكينة في الحلاوة
اخدوا غزة .. ضموا الضفة .. احكموا السيطرة علي جنوب لبنان.. اعلنوا السيادة علي الجنوب السوري
الواحد خايف يتكلم اكتر احسن يحسدهم علي الشطارة دي 😒😒
ده المفروض يعملوا تمثال ل يحيي السنوار في قلب جامعة تل ابيب جنب ديفيد بن جوريون ... صانع الخريطة الجديدة لاسرائيل 😏😏

و ادينا اهو بنتفرج علي تركيع الخليج
و اللي لاااااا اتمني ابدا انه يحصل .. ربنا ينجيهم جميعا

تسألني و تقولي هو انتي خايفة علي مصر 🤔🤔
انا عمري ما خوفت علي مصر من اي قلق خارجي ... طول عمري بخاف من جوا

وهما عارفين ان مفيش حرب هتقدر علينا
و الحرب هتبيد وجودهم
انا بدور جواهم هما بيفكروا في ايه لمصر
و تقريبا قربت اوصل 👌🏻
مصر دي حبيية ربها و انا مستودعاها يد الرحمن الذي لا تضيع لديه ودائع 🙏🏻

🔵 بالحرررررف و الله 🤷🏻‍♀️🤷🏻‍♀️

♦ترامب ل new york post :
عن رفضه تزويد الخليج بصواريخ دفاع جوي " و الخليج غالبا اتكسف يعلن حاجة زي دي .. انه طلب صواريخ و ترامب رفض 🙄"

قال :
▪ ده مش رفض رسمي لكن عليهم تحمل فاتورة و تكلفة هذه الحرب
▪ اسرائيل تقود الحرب ضد ايران و تأمين المنطقة من خطر ارهابها و اي خطر مستقبلي
ولديها الاسلحة و الصواريخ
" اسرائيل بقت الكبير في المنطقة اللي عايز حاجة يروحلها 👌🏻"
مش ده اللي قولنا عليه توسيع نفوذ و اجبار علي فتح علاقات و تأمين
و مش بعيد نلاقي مطلوب من المنطقة تنفيذ اتفاقيات دفاع مشترك
بحيث ان مفيش مخلوق يجرؤ مستقبلا يفكر حتي انه يحاربها 🤷🏻‍♀️
▪ اذا طلبوا صواريخ من اسرائيل.. ف عليهم فتح اجواءهم لها للاستخدام و خاصة السعودية و الامارات

♦السؤال : بتطلبوا منه ليه يا بهاااااااايم يا جاموس نايم ... هتخسرونا صيامنا الله يحرقكم
التصرف الصح 👈🏻 اروح اشوف وسيط علاقته جيدة بروسيا و اجيب منهم صواريخ
مع اطلاق اول صاروخ دفاع جوي روسي
ترامب هيوقف الحرب فورا 🤷🏻‍♀️🤷🏻‍♀️

♦ترامب لواشنطن بوست :
عن ارتفاع سعر جالون البنزين لاكتر من 3 دولار للمواطن الامريكي في خلال يومين
و هل سيخرج من الاحتياطي الاستراتيجي الامريكي
قال :
▪ لن نقوم باستخدام الاحتياطي الاستراتيجي
لدينا الكثير و الكثير من النفط الفنزويلي
سنبيعه لتعويض الخسائر
و ربما مولنا منه دعم للبنزين للمواطن الامريكي
" يعني هيبيع النفط المسروق و من ارباحه المسروقة هيدعم المواطن اللي بيقبل كل حاجة من المحرمات في العالم
بيقبل دماء مسفوكة و ثروات منهوبة و ارض وعرض مستباحة 🙄 "
▪ وتيرة الحرب تسير اسرع مما خطط لها لذلك لن نصل الي ثلاثة اسابيع
▪ حزين لأن علاقتنا مع بريطانيا متوترة و ليست جيدة " مش هديكم حاجة من حصيلة السرقة
احنا مش بنقسم كل مرة يا معلم 🙄
المرة دي اقتصادي منهار يا حبيبي مفيش فلوس لحد يااااض 😡😡 "

♦نتنياهو في خطابه :
▪ كان علينا الدفاع عن انفسنا لذلك الدخول البري لجنوب لبنان و تفريغه ضرورة حتمية
▪ استطاعنا القضاء علي كل القادة الايرانيين
" و دي حاجة مبتحصلش في افلام الكرتون اصلا 😒 "
و البدائل جاهزة لدي الرئيس ترامب
▪ نتحمل وحدنا الدفاع عن المنطقة ضد خطر الارهاب .. ومن يريد حماية سيادة اراضيه ف عليه الانضمام لنا تحت قيادتنا لتوحيد الجبهة " تحت ايه يا حبيبي 👈🏻 قيادتهم 🤔 "

مش ده بوست امبارح 🤔🤔
" انا مليش دعوة .. انا مجرد بقدم تحليل سياسي واقعي بعيدا عن عبط وجهات النظر والاراء الشخصية 🙄"
-----------------------------------------------------
🔘 الاثار الجانبية :
📌 اللي عايز يبيع بيع محدود للدهب يقدر في خلال يومين تلاتة
📌 شرا الدهب مش صح
دي ايام ترويج الدهب المغشوش
بالاضافة لان تفاوت 500 ج في الجرام ده في حد ذاته هيسببلك خساير مستقبلية
📌 مش مشكلة ان البورصة المصرية منهارة .. بورصات العالم كله بما فيها امريكا رايحة في داهية
و اللون الاحمر مسيطر من الصبح و هيفضل مسيطر لحد الاغلاق ... و ده وضع طبيعي
رأس المال جبان
📌 لازم رئيس البورصة يحد ساعات التداول عشان يقلل من نزيف البيع
📌 موضوع اخلاء الرعايا و البعثات الدبلوماسية الامريكية من المنطقة ده جزء من ال one man show بتاع ترامب
لزيادة التخويف و الاثارة و الضغط الدبلوماسي علي المنطقة " ما يغوروا في داهية .. يارب سفارات الخراب دي تتقفل للابد "

اهدوا .. اهدووووا
مصر آمنة مطمئنة بإذن ربها 🙏🏻🙏🏻
متنجروش ورا شائعات
و لا ورا قنوات اخبارية يبدوا ان القائمين عليها كلهم اخوان صرف 🙄🙄

و امام الدمار اللي بتعمله اسرائيل في كل حتة بتقصفها و الرد المهترئ عليها
ف الموضوع سخيف اووووي
زي واحد مسك واحد عدمه العافية و التانية بيرد بالشتيمة 😏😏
ف خلصونا بقا جتكم داهية كلكم 😏

🔵 مش هو ده اللي كنت بقول عليه امبارح و اول امبارح

ضم جنوب لبنان تماما خلاص لحد نهر الليطاني
▪الغارة اللي من ساعة اتقتل فيها 61 شخص و اصابة 350 شخص
غير هدم المباني
▪تم قصف النظام المصرفي الخاص بحزب الله اللي كان بيخدم سكان الجنوب اللي هو جمعية القرض الحسن
" ده بنك له 33 فرع ومنفصل عن النظام المصرفي اللبناني
و لا هو حسن و لا ابراهيم ده شغال في غسيل الاموال اصلا "
▪تم قصف كل المستشفيات و المدارس

و اللي بدأه فيلم 7 اكتوبر بيكمله فيلم 10 رمضان ... و مازالت الصهيونية تحقق اجندتها🤷🏻‍♀️🤷🏻‍♀️
" اسرائيل دايما بتأرخ احداثها وفقا لتواريخها التوراتية
يعني مثلا مش بيقولوا حتي علي 6 اكتوبر إلا حرب يوم الغفران
اشمعني الميديا العبري بتستخدم لفظ 7 اكتوبر و بعدين عملية زائير الاسد 10 رمضان 🤔🤔"

🔵 اسود الحرس الثوري الايراني 😂😂😂

ربنا يشفي يارب
الحمد الله الذي عافانا من الجهل الذي ابتلي به غيرنا .. وفضلنا علي كثيرا من خلقه

♦بعض من تفاصيل اسددة اسود الحرس الثوري :
📌 4 زيارات رصدتهم المخابرات المصرية لقاسم سليماني قائد فيلق القدس
و تفريغ تسجيلات اللقاءات مع خيرت الشاطر و عصام الحداد و المجحوم في جهنم محمد مرسي و الكتاتني
▪ الاشراف علي تفكيك الجيش المصري عن طريق عزل القيادات و تحديد اقامتهم في مكان آمن
▪ تفكيك سلاح الطيران و القوات البرية
▪ حل الحرس الجمهوري
▪ تسليم سلاح البحرية لاشراف اللواء حبيب الله سياري قائد قوات نداجا الايرانية
▪ بناء ميليشيا علي غرار الحرس الثوري لحماية نظام الاخوان المسلمين
و تدريبهم عسكريا عن طريق دخول 112 قائد من الحرس الثوري و تجنيسهم بالجنسية المصرية
▪ حل جهاز الشرطة المدني و استبداله بجماعات دينية

الكلام ده مش من عند امي
ده اعلنته المخابرات العامة
و اللواء عباس كامل اعطي اوامر بنشره
و كل التسجيلات اتبعتت لقاسم سليماني علي الرقم السري اللي كان بيستخدمه و هو داخل مصر و معاهم بسبوره المزيف
و اللي خلاه هرب بعدها بساعتين ومش من المطار
اتوجه لسينا وبعدها من الانفاق علي اسرائيل علي ايران 🤷🏻‍♀️🤷🏻‍♀️

📌 دور اسود الحرس الثوري في الحرب الشاملة علي الارهاب :
▪ في 2016 تم القبض علي مجموعة من ظباط الاستخبارات الاجنبية في شمال سينا
بيقدموا دعم للجماعات التكفيرية اللي بتهاجم الجيش وقتها
منهم 4 ظباط اتراك و 8 ايرانيين و 3 من ال CIA و ظابط بريطاني منتحل اسم مصري لواحد مات من 2007
و 2 ألمان مجنسين بالجنسية الانجليزية
عملاء ترقوا لظابط
و بالمناسبة الاتراك و الايرانيين لسه متلقحين في السجن الحربي لحد اللحظة 👌🏻👌🏻
▪ ال 11 عملية ارهابية اللي نفذتهم بالكامل حماس و اللي منها مدبحة الكتيبة 101
السلاح اللي عثر عليه قوات الجيش بعد كده
كان مختوم بالفارسي
تصنيع ايراني
سواء فوارغ القنابل او الاسلحة الخفيفة
" يعني العمليات كانت بتخطيط اسرائيلي و تسليح اسود الحرس الثوري و تنفيذ ابطال المقاومة 🙄🙄 "
زي بنادق القنص " صياد AM 50 " و دي النسخة الايراني للبندقية شتاير النمساوي
و صواريخ ديهلاوية النسخة الايراني للكورنيت و اللي انضرب بيها الشيخ زويد و انضرب بيها علي القوات المصرية في مدبحة البرث
▪ عزيز كمال اوغلو .. ظابط المخابرات التركية اللي كان مسئول عن نقل المرتزقة من سوريا ل ليبيا لمهاجمة الحدود الغربية لمصر
كان الترانزيت بتاعه لدخول سوريا و مقابلة سماسرة المرتزقة هو ايران
و كان بيدخل باسم و بسبور ايراني عشان يقدر يتحرك بسهولة داخل سوريا
نبيل الله مشتهري علي اساس انه احد قادة اسود الحرس الثوري🤷🏻‍♀️🤷🏻‍♀️
و ده اتقبض عليه في كرواتيا في عملية تعاون بين مصر و قوات مكافحة الارهاب الاوروبية في 26 ابريل 2018 👌🏻
▪ اغلاق مضيق باب المندب اللي تم بعد 7 اكتوبر طوفان ابطال المقاومة
و الصواريخ اللي كانت بتنضرب علي السفن
بهدف اغلاق قناة السويس
كانت باشراف اسود الحرس الثوري الايراني
▪ حاجة قديمة بقا
و دي تمت باشراف المرحوم عمر سليمان بنفسه في 3 اغسطس 2010
و هي عملية القبض علي 228 ظابط ايراني داخل سينا
كانوا بيعملوا ايه 👈🏻 بناء شبكة استخبارات و تجنيد عملاء علي الجيش المصري
طب ليه 👈🏻 استعدادا لسيناريو الفوضي
* لتسهيل دخول الاسلحة لمصر
* لانشاء اماكن تمركزات للقادة التكفيرين اللي هيتم تهريبهم و استقدامهم من افغانستان
* للعمل علي تشتيت الجيش المصري بعمليات في سيناء في حالة تدخله في الصراع اللي كان معد انه يدور في الشارع
و الغريب يا اخي ان من ضمن ال 228 دول 36 اسرائيليين بيحملوا هويات ايرانية 🤷🏻‍♀️🤷🏻‍♀️
و بالمناسبة في فبراير اللي فات ده اللي هو 2026 تم رصد اسود حرس ثوري بردو و اتقبض عليهم 😏😏
و ده عن طريق رصد تمويل بعملات رقمية للشبكات الجبلية للمساعدة في تهريب اسود الحرس الثوري الي داخل سينا و بعدها للسودان
▪ الشئ اللذيذ بقا :
ان بعد ما البنك الدولي و صندوق النقد الدولي رفعوا ايديهم عن اثيوبيا في 2022 و اعلانها دولة متعثرة
و تنبيه الدول المستثمرة فيها و خصوصا في مشروع سد النهضة
بعدها بشهرين البنك الدولي اعلن عن ظهور ممولين جدد منحوا اثيوبيا دفعة مالية
و هما امريكا في شكل منحة 1.2 مليار دولار
و ايران في شكل 335 مليون دولار
" غريبة 🤔 هو مش فلوس ايران امريكا عاملة عليها عقوبات بردووو 🤔
هي وافقت ازااااي 🤔
و لا تكونشي بتؤتمر بأمر امريكا اصلا 🤔"
و ده منشور علي موقع افاق البنك الدولي .. مش سر يعني 🤷🏻‍♀️🤷🏻‍♀️

🔘 بعد طوفان الفشل
ظهر لنا حفنة من الجهلة عديمي الشرف يقولوا المقاومة .. المقاومة .. المقاومة
و نسيوا الدم المصري اللي اسالته المقاومة في سينا و القاهرة و اسكندرية و الدقهلية و الاسماعيلية
ما بين ظباط جيش و شرطة و مدنيين و مرضي في معهد السرطان

و دلوقتي بيظهر لنا مجموعة من المختلين نفسيا يروجوا لصهاينة ايران
و يحاولوا ينسونا ما فعله اسوده بتوع الحرس الثوري في مصر و تعاونهم مع الاخوان ضد الجيش المصري

عالم جهلة و هبلة
و مادام الند اسرائيل يبقا طبل شخلل زمر
و غيب الناس
و اوقف الوعي للناس
و ضللهم عن الحقايق
و دخل وسطهم جواسيس ايران علي إنهم ابطال زي ما استقبلتوا ارهابيين حماس علي انهم ابطال
و المبدأ معروف 👈🏻 اصل عدو عدوي .. صديقي
عدو عدوي .. عدوي بردو مادام ساهم في اراقة دم ولادي و هو خصم للجيش المصري و شارك في هدم الامن القومي و الاستقرار المصري 🤷🏻‍♀️🤷🏻‍♀️

🔹في ناس فارضة نفسها علي التحليل السياسي و الخطط العسكرية
و هي مينفعش تقول رأيها في حلة ملوخية اتغطت بعد الطشة فسقطت في القعر
الله ينعل ابو كروت الفكة و باقة هدايا الشحن 😒😒

🔵 #ذراع_اسرائيل_الجديد:

📌قوات البشمركة الكردية تقتحم 3 معابر ايرانيه تحت غطاء مسيرات من طراز هاروب اسرائيلي الصنع
📌اشتباكات عنيفة في مهاباد و سننجد
مع تحول المتظاهرين الي خلايا مسلحة تهاجم مقرات الباسيچ " الشرطة " و حرقها وتصاعد ألسنة اللهب و الدخان منها
📌 فتح ممرات جبلية لعبور السلاح و المقاتلين

🔹طب رد فعل اسود لامؤاخذة الحرس الثوري " بصوت الفنانة ميسرة 🙄 " 👈🏻 صاروخين علي اربيل و السليمانية في العراق

انت احول يا حبيبي
ما البيشمركة في حدودك و جوا مدينيتين
و لا دول ضيوف في بيتك عيب تمد ايدك عليهم 🤔

🔸انقطاع النت و الكهربا تماما عن كردستان ايران و محافظة اذربيجان الغربية " اللي وقعت فيها طيارة ابراهيم رئيسي "

♦كده الاكراد مش داخلين عشان اعمال شغب
دول داخلين يعملوا حاجة اسمها فك ارتباط .. و الاستيلاء علي الشريط الحدودي بطول 40 كم
و اسرائيل بتأمنهم

و دي هتكون منطقة نواة دولة الاكراد 👌🏻👌🏻

✨فكروني كده احنا قولنا مظلوم عبيدي بيتواصل مع اسرائيل و امريكا ليييييه 🤔
اكراد العراق اللي نجحوا في الانتخابات و علاقتهم بمسعد بولس كانت ليه 🤔

"- و دولة الاكراد دي يا چيلان هتبقا في سوريا و لا العراق 👈🏻 هتاخد قطع من حدود ايران و العراق و سوريا
- طب ازااااي 🤔
كيدهووووو 😎😎 "

حذفورة حذفورة يابني 🤷🏻‍♀️🤷🏻‍♀️🪬🪬🪬

🔵 #نهاية_الطريق :

📌 العالم خلاص ملامحه اتوضحت
و قالها وزير الحرب الامريكي
و الاعلام العالمي رددها وراه

🔸امريكا الشمالية كاملة بما فيها كندا و امريكا الجنوبية
و الجزر الملحقة بالقطب الشمالي بعيدا عن الجزر الروسية
تحت سيادة الولايات المتحدة الامريكية
🔸الاتحاد الاوروبي يشيل نفسه بنفسه و يكبر كده و ياخد باله من مصالحه عشان محدش فاضيله
🔸اليابان و كوريا الجنوبية يخلوا بالهم من تايوان ... عشان محدش فاضي يروح يرازي الصين
و اصلا اليابان شهرين تلاتة بالكتير و هتجر سوق الاسهم العالمية لانكماش
و عندها ازمة
و كذلك كوريا الجنوبية
ف كده ده تخلي عن تايوان
و الحقيقة دي خطوة كويسة تهدي الصراع في شرق اسيا " علي طريقة صدق و هو كذوب 👌🏻 "

♦ده ياخدنا لجزئية ان امريكا من ضمن اهداف بنك اهدافها انها تفضل موجودة گ كيان قائم في العالم الجديد
و تفضل مسيطرة علي موارد و منافذ 👌🏻

🔸الخليج بقا :
سيادة الوزير المجنون واضح وصريح
قال ان منطقة الخليج منطقة متشرذمة و بلا قيادة
ااااه ملهمش قائد و كنافة شعر متفرفرة في صينية واسعة 🙄🙄
و الحقيقة ان امريكا دلوقت عندها التزامات كتير و مش فاضية لهم
ف عندكم قائد قوي عليهم التوجه له 👈🏻 اسرائيل 🤷🏻‍♀️

▪ عايزين صواريخ دفاعية 👈🏻 روح لاسرائيل
▪ عايز حماية من الارهاب و من فزاعة ايران و بعدها فزاعة الكرد 👈🏻 روح لإسرائيل
▪ عايز سلام و محبة و استقرار في الشرق الاوسط 👈🏻 روح لاتفاقية ابراهام عند اسرائيل

يبقا هنا فيلم ايران الصهيونية العالمية غرضها تحقق منه 3 اهداف هامة :
▪ السيطرة علي منابع الطاقة
عشان روسيا ذلتهم 🤷🏻‍♀️
▪ التحكم في الممرات الملاحية عالميا
و ده بالطبع لازم يأثر علي طريق الحرير الصيني
▪ بعد ما زرعوا اسرائيل بعناية في مكان متميز
بعد 80 سنة ووفي بداية دورة عشرينية جديدة للدورات الماسونية
بيعلنوها قائد و كبير للشرق الاوسط
ما هو اتأسسلها جناحات
جناح في المغرب و السيطرة علي جبل طارق عن طريق اتفاقية الدفاع المشترك مع المملكة المغربية
و كذلك اتفاقية ادارة المواني
و بعد تغيير النظام الايراني
هيكون عنده دولة الكرد و النظام الجديد في ايران 👌🏻

🔹تتر النهاية بإيد الخليج :
معندهمش الا اختيارين ملهمش تالت
📌 اما التأنق و بيوتي سنتر شياكة كده و فستان فرح مرصع بالألماظ
ثم الذهاب لنتنياهو
و بالرفاء و البنين
و هنا هيكون وزارة مالية الخليج و وزارة خارجيتها و ادارة الثروات في تل ابيب
" محدش يقول في داهية و هما احرار .. لأن ده اول حد هيتأذي نتيجته هي مصر 🤷🏻‍♀️ "
📌 الاختيار التاني :
الالتفاف حول مصر
گ وسيط بينها و بين حد يعرف يقف لامريكا
گ حليف استراتيچي يخوض مفاوضات نيابة عنهم
گ طرف يناور لهم في ضمن العبث ده و يجيبلهم سلاح زي ما هيحل لهم مشكلة نقل البترول

🔘 طب لو معملوش ده 🤔 و الغباء تملكهم
ما هم فاضلهم غلطة كمان و يطلع لهم ديول 🙄🙄

لأول مرة هجاوب علي السؤال اللي بكرهه 👈🏻 وهي مصر هتسكت 🤔

✨ اكبر غلطة سياسية و استراتيجية ممكن مصر تقع فيها انها تسكت دلوقت
لو الخليج مجاش
احنا نروحله
اااه عادي .. نروح عشان خاطر الشارع كده هيبقا فاضي مفيش فيه الا عمارة واحدة قايمة علي حيلها .. اي زلزال و لا صاعقة برق صغيرة هتوقعها 🤷🏻‍♀️🤷🏻‍♀️

" أنا لااااا املي رأي علي حد .. انا بتكلم من وجهة نظر سياسية بحتة 👌🏻"

لو الخليج متحركش في اتجاه مصر
لازم مصر تقطع سكتهم علي اسرائيل 👌🏻

♦طيب .. ما تردد عن ان اسرائيل اعلمت مصر بميعاد الضربة بتاع ايران قبلها ب 48 ساعة
و نفاه المتحدث باسم الرياسة
و رجعت الميديا العبري تردده

احنا مفيش علي راسنا بطحة لحد .. و الله لو حصل ف طب يا سيدي شكراااا
و بناءا عليه الريس سافر الزيارتين الاخويتين عشان يوصيهم بضبط النفس

ده كلام زي الفل و الله
و ياريت يفضل يصبر فيهم حتي لا يتم الزج بهم جميعا في الكمين

📌 البنتاجون اعلن ان تكلفة 3 ايام حرب تجاوز ال 5 مليار دولار
و هما دلوقت مش عايزين يتحملوها و لا يحملوها لاسرائيل
ف كل ساعة ايران بتعلي الضرب
عشان تجبر الخليج يضرب اول صاروخ
بعدها بقا تعالوا حبايبي افتحوا الخزنة .. احنا صرفنا قد كده نحاسب بقا علي الفواتير اللي فاتت و البسوا بقااااا 🤷🏻‍♀️🤷🏻‍♀️

🔹لو ده حصل هتبقا الخسارة اكبر مما نتخيل 👈🏻 انخراط الخليج في حرب اهلية تستمر سنة علي الاقل
سنة دي فيها تدمير للاقتصاد و الحدود السياسية كمان 🤷🏻‍♀️🤷🏻‍♀️

يبقا الخطوة اللي المفروض تتم
يا خليجية في اتجاه مصر .. يا مصرية في اتجاه الخليج
ربنا يجنب مصر الفتن .. الظاهر منها وما بطن
و ينجينا من تعابين و افاعي الصهيونية 🤲🏻🤲🏻