🔘 المفروض اني كنت انزل انهاردة الحلقة التالتة من سلسلة #علي_من_نطلق_الرصاص

لكن خير اللهم اجعله خير .. في تيار كده ظهر بيتزعمه اللي عاملين فيها النخبة لامؤاخذة الثقافية متعرفش بقا قبضوا و لا اتمسك عليهم سيديهات ... بينجموا في " احدهم " عشان هو ده اللي هيعدل المايلة في الاقتصاد
و يضم اقتصاد الجيش ‏( الخفي ‏) 🙄 للاقتصاد القومي
و يشبرقنا بقاااا

ف انا قررت اني اعمل كشف حساب لهذه العقلية الاقتصادية الفذة .. عشان نخلص بقااااا 😒😒

" التليفون اللي هيجيلي دلوقت :
- چيلان ده لوبي و هتشتري عداوتهم و عدواة ناس كتير
- چيلان ريأكتد : ....امهم علي ...ام الناس الكتير ..... البلد مش دبيحة و لا غنيمة حرب هتتقسم و احنا ساكتين 👌🏻👌🏻"

wait for me ☝🏻☝🏻😎😎
و بردو بالعلم و الارقااااام يا عزيز بيه 😎

🔵 #كشف_حساب_النجااااح 🙄🙄

يا اخي بقالنا كتير عمالين نسمع عن ان اللي هينقذ الاقتصاد المصري و يشيله من علي الاجهزة بعد موته اكلينيكا و يعمله انتعاش و انعاش 👈🏻 الدكتور محمود محي الدين 🤔
و زااااد المطالبة بيه
و يا محي الدين يا بلااااش
واحد غيره مينفعناش

و ده راجل خبير من صندوق النقد الدولي " الاخت ميسرة تتفضل بالجلووووس مش عايزين دوشة 🙄 "
🔹 طب مش نعرف هو راح الصندوق ليييييه 🤔

صندووق اااه .. طب حللللق يسعدك بقا 😎

#انجازات_الدكتور :
تولي الوزارة من 2004 الي 2010
كانت الموازنة كالعاااادة وبكل سعادة تعاني من العجز " و ايه الجديد طيب 🤔 "

جه الصندوق قالك بص يا باشا خد الروشتة دي معندناش غيرها 👈🏻 انت تبيع اصولك عشان تسد العجز و اقساط الديون

" حضرتك هتبيع مكن الورشة بتاعتك عشان تسدد ديونك .. طب هاكل منين 🤔
هتبيع عفش البيت و تنزل مراتك تساعدك .. اعمال حرة 😒"

♦الاجندة اللي اتكلف بيها محي الدين ركزت علي كام قطاع و هما اهم قطاعات
كانت قادرة علي انها تقود اقتصاد 4 دول مش مصر بس

لكن كان في 6 صفقات خطيرة تكاد تكون ضربت الاقتصاد في مقتل
📌 1/ بيع بنك الاسكندرية :
و ده مع بنك مصر و الاهلي كان عمود من اعمدة القطاع المصرفي و بيدير شركات قطاع عام استثماريا
و بيسلفها
و بيعمل شهادات للموظفين و العمال فيها
" هل في بنك بيخسر .. مستحييييل 🤷🏻‍♀️"
يبقا عشان تقصقص ريش شركات القطاع العام دي .. ومتلقيش حد يسلفها ديون مؤقتة لحد توزيع الارباح
تعمل اييييه 👈🏻 تبيع بنك اسكندرية 🤷🏻‍♀️
و اتباع لمجموعة سان باولو الايطالية ب 1.6 مليار دولار
مع ان قيمته السوقية وقت البيع كانت 2.6 مليار دولار
" في مليار دولار اتشفطوا في ثقب اسود "
و للعلم 👈🏻 متسجل في مستندات سان باولو ب 2 مليار دولار 🤷🏻‍♀️🤷🏻‍♀️

📌 2/ عمر افندي :
مأوي الغلابة في مصر
بس وجودها ضد الرأسمالية و معكننة علي حيتان القطاع الخاص لأنهم مش قادرين يخلقوا ميزة تنافسية معاها
ف تتباع لشركة انوال السعودية ب 589 مليون جنيه
ف يتم رفع قضايا لاستردادها لعدم استيفاء قيمتها السوقية اللي هي 1.3 مليار جنيه
ف المحكمة تحكم باستردادها و ندفع لانوال 589 مليون جنيه + 121 مليون جنيه غرامة
ف نبقا دفعنا 700 مليون جنيه
ف يرجع يبيعها تاني هو و المستر ب 630 مليون جنيه

و نبقا مش بس خسرنا 570 مليون جنيه لااااا ده في 70 مليون جنيه ضرب علي القفا كده 🤷🏻‍♀️🤷🏻‍♀️

📌 3/ الشركة المصرية للاتصالات :
تم طرح اسهمها في البورصة و اتباع منها 20% بقيمة 5.1 مليار جنيه
في حين ان اجمالي القيمة السوقية لها كان 7 مليار جنيه عند تجار المقصورة
اتسخط ل 5.1 مليار ازاااااي .. معرفششش 🤷🏻‍♀️🤷🏻‍♀️

📌 4/ شركة سيدي كرير " سيدبيك " :
الشركة دي كانت بتعمل مكاسب و ارباح 100%
فجأة قرروا انها يتم طرح 20% منها اسهم بورصة
فجأة اشتري الاسهم مستثمر واحد فقط ب 1.2 مليار جنيه

مع ان قيمة الشركة الكلية كان 13.5 مليار جنيه
يبقا ال 20% كااااام 👈🏻 2.7 مليار جنيه

و اتقالك اصل الاسهم خسرت
يا جدددددع 🤔
خسرت في 96 ساعة بعد الطرح 🤔

📌 5/ شركة اسمنت بني سويف :
اتباعت لشركة تيتان اليونانية بقيمة 395 مليون جنيه

معلش ثانية واحدة 👈🏻 تيتان اصلا كانت اعلنت افلاسها و قفلت و باعت سجلاتها وعلامتها التجارية لكيان وهمي " منور يا اكسلانس 😎 "
قيمة الشركة سوقيا وقت البيع كان 710 مليون جنيه

📌 6/ شركة النصر للمسبوكات :
دي بقا اتباعت قطاعي
زي البهيمة الدبيح كده
تحت شعار التخارج الحكومي و اتاحة الفرصة للقطاع الخاص

و كل ما يجيبوا مشتري من الحاشية .. يقولوا عليه مستثمر هينقذ الشركة من افلاسها و يبيعوا حتة

🔷🔶 اجندة محمود محي الدين استهدفت قطاعات بعينها
♦ اولا : قطاع الاسمنت :
تمت خصخصته بالكامل و اتحول لاحتكار القطاع الخاص
و ده اللي كان ضده حسب الله الكفراوي لانه كان عارف ان ارتفاع سعر الاسمنت معناها مستقبلا شباب مش هتلاقي حتة تتجوز فيها
" لكن ولللللد وبعدين .. انت هتفهم اكتر من كلاب صندوق النقد و لا ايييييه 😒"
▪ اسمنت المنيا : اتباعت ل سيمكس المكسيكية
" هي المكسيك عندها صناعات اصلا يا سعادة البيه 🤔"
طب هل المصنع اشتغل و اتعاد هيكلته 🤔
البيع تم لكيان وهمي بيشتري العلامة التجارية للمصانع 🤷🏻‍♀️
▪اسمنت اسيوط : سيمكس بردوووو
▪اسمنت قنا : اتقطعت حصص
▪ اسمنت بورتلاند حلوان : اتباعت ل سيمنداس البرتغالية ب 1.2 مليار جنيه
و اللي باعتها ل ايتالكيمنتي الايطالية ب 3.2 مليار جنيه
" يبقا اللي اتسرق من قيمة البيع الاصلية كان كاااااام 🤔 "

♦قطاع الغزل و النسيج :
▪طنطا للكتان و الزيوت : لعبد الاله الكحكي مستثمر سعودي
ب 83 مليون جنيه
" ده تمن الماكينات و عنابر التخزين بس علي فكرة "

هي الشركة دي راحت فين 🤔

▪ شركة غزل شبين : اتباعت ل اندوراما الهندية ب 174 مليون جنيه
مع ان البنك المركزي المصري وقتها قيمها ب 300 مليون جنيه 🤷🏻‍♀️

▪ شركة بوليفارا :
العمال وقفوا في بيعها و كانت مظاهرات و فضايح
نص العمال اتلم و اترمي في المعتقلات
ف الرأي العام شعلل
عشان يهدوه اتعملت عصفورة عايدة رياض و عبد الله الرويشد ... و اكتبي يا صحاااافة

علي ما الشركة اتقسمت 8 حصص و نزلت البورصة اتباعت بالحتة .. قطاعي مش جملة 😒😒
" عايزة اعيط اقسم بالله "

♦قطاع الاسمدة و الكيماويات :
▪سماد طلخا : اخدت نفس سيناريو بوليفارا لأن العمال كانوا رافضين بيعها
▪ ابو قير للاسمدة :
حصص و تخارح جزئي
و الست الدلالة كملت
▪كفر الزيات للمبيدات : ده كان وحش صناعي .. عملاااااق
اتقسمت حصص و باعها
و بعدين اتقفلت شوية

♦الفنادق و المنشآت السياحية :
▪شبرد : راح لمجموعة روكوفورتي ب 300 مليون جنيه مدخلش منهم ملييييم اي حساب رسمي للدولة
▪فنادق تيران : بيع كامل لمجهول ب 145 مليون جنيه
" مجهول اااه 🙄"
▪موفنبيك :
بيع حصة الدولة و تخارج مقابل 120 مليون جنيه محدش عارف راحوا فين 🤷🏻‍♀️🤷🏻‍♀️
▪سيسل : اتباع الملكية التجارية لمجموعة شتابنرجر
مع الاحتفاظ بالاصول " الحيطان يعني " لشركة ايجوث الحكومية
▪ريدز الاقصر : اتباع ب 45 مليون جنيه
حرفيا تراب الفلوس 👌🏻
▪ دهب و ثري كوارترز :
تم فيه صفقة بيع اصول كاملة .. حتي البحر اللي بيطلوا عليه باعه
بقيمة 60 مليون جنيه

اللي هو قيمة حق انتفاع الساحل فقط .. حق انتفاع مش ملكية
" نفس اللي عملته الدلالة 😎"

♦ بيع متنوع بقا :
▪شركة الورق الاهلية : اتصفت و اتباعت ارض و خردة
▪المصرية للنشا و الجلوكوز :
اتباعت لامريكانا بربع قيمتها
و اللي خلص الصفقة سيادة السفير الامريكي بنفسسسسه 🤷🏻‍♀️
▪اسكندرية للحلويات : اتباعت لكادبوري " كانت نفس الصفقة بتاعت المصرية للنشا و الجلوكوز "
▪ النصر للاجهزة الكهربائية :
لمجموعة مستثمرين

و كل الشركات الهندسية الصغري التابعة للشركة الهندسية القابضة .. تم تصفيتها و بيعها ارض و مباني و خردة

156 عملية بيع في 6 سنين .. اتباع فيها شقي عمر المصريين الغلابة
حصيلة البيع 42.6 مليار جنيه مظهروش حتي في موازنات الحرامي الجاسوس ابن الجاسوس يوسف بطرس غالي

🔸راحوا فين يا دكتور مش قولت هتستثمر بيهم في كيانات جديدة 👈🏻 لاااا انا سديت بيهم خساير الشركات و الكيانات دي
▪سددتها لميييين 🤔
للحكومة و البنك المركزي 🤷🏻‍♀️
▪الله ... مش دي اصلا املاك حكومية 🤔
لااا ما انا دفعت منهم 6 مليار جنيه تعويضات المعاش المبكر
▪و الباقي 🤔
صوت صرصور الحقل

" يا ولاد الكلب يا حرامية يا ضلالية .. يا ولاد الكلب 😒"

🔷🔶 تعالي شوف بقا الاثار الاقتصادية العظيمة .. للعقلية الاقتصادية الجبارة دي
علي مصر الغلبانة :
📌مأساة المعاش المبكر :
و دي ارقام تقريبية
▪قطاع الغزل و النسيج : اتسرح 60 الف عامل
▪القطاع المصرفي : 5000 موظف
▪قطاع الشركات التجارية : 72 الف عامل
▪ قطاع البناء : 54 الف عامل

علي ورق الحكومة اتصرف لهم 6 مليار جنيه
لكن الفعلي اخدوا 2.8 مليار جنيه
" حاسبهم راتب شهرين .. اساسي المرتب علي كل سنة خدمة "

عامل دي 👈🏻 عمالة بلا مؤهلات دراسية
و دول القطاع الوحيد اللي يستوعبهم هو القطاع العام
اللي كان ساترهم و ساتر بيوتهم يا ظلممممة

📌تحول ما اسماه صندوق النقد " احتكار حكومي " الي احتكار قطاع خاص :
و ده مخلقش منافسة خفض اسعار
بالعكس الاسعار ارتفعت نظرا لخروج المنافس الخدمي " الحكومة "
ارتفاع الاسعار ولد التضخم اللي بطبيعة الحال في وجود بطالة و انتقال العمالة للقطاع الخاص بنصف الراتب ينتج عنه 👈🏻 انخفاض قوة شرائية يتم ترجمتها فعليا في ارتفاع معدلات الفقر اللي حصل .. و ظهور مصطلح حد الكفاف و الفقر المدقع او المطلق و هو 👈🏻 حالة حرمان شديدة من الحصول علي الاحتياجات الاساسية 👌🏻

📌 اهدار الاصول :
اهم جزء في قيمة الاصل هو الارض بتاعته
شركات كتير زي عمر افندي و فندق سان ستيفانو اتباعوا مباني و مهمات
متجاهل قيمة الارض و عامل تميز الموقع
سان ستيفانو مثلا قيمة الارض بس كانت مليار جنيه في حين انه اتباع ب 67 مليون جنيه 🤷🏻‍♀️🤷🏻‍♀️

📌 ازمة العملة الصعبة اللي دخلت فيها مصر :
شركات قطاع عام 👈🏻 اتباعت لمستثمرين اجانب 👈🏻 يحقق ارباح بالعملة المحلية " الجنيه " يوديها فيييين 👈🏻 يخرجها لبلده بالدولار

و ده يخلق طلب عالي علي الدولار .. ف يفضل سعر الدولار يرتفع
🔹ايام مبارك كان بيتم تغذية الدولار من ايرادات قناة السويس
" و ده لوحده اسم بند اهدار موارد 👌🏻"

قبل الخصخصة :
الدولار كان قيمته العادلة 11.60 ج / دولار
و كان بنكي ب 6.20 ج
يعني كنا بنخسر 5.40 ج قصاد كل دولار
بعد الخصخصة :
القيمة العادلة للدولار بقت 15.70 ج / دولار
و كان بنكي كاااام 👈🏻 5.80 ج
بقيت بتخسر كام ع الريق كل يوم الصبح 👈🏻 9.90 ج قصاد كل دولار 🤷🏻‍♀️🤷🏻‍♀️

لا عبقري يا جددددع ... اومااال 🙄🙄

📌 بعد الخصخصة وعلي مدار 6 اعوام من انجازات العبقري
تم اهمال الصناعات التحويلية " اللي كانت بتستوعب اكبر عدد من العمالة "
لكن كان الاهم 👈🏻 بتوفر منتج محلي
يخفف عنك عبء فاتورة الاستيراد .. فيقلل الضغط علي الدولار
و الفائض يتصدر .. ف يجيبلك دولار
طب لما مبقاش عندك صناعة 👈🏻 بقيت تستورد 👈🏻 ف زاد العجز في ميزان المدفوعات اكتر 👈🏻 ف زاد عجز الموازنة اكتر 👈🏻 ف لازم تقول لله يا محسنين 🤷🏻‍♀️🤷🏻‍♀️

🔳 ناهيك بقا عن العبث بالامن القومي :
ما هو الامن الغذائي + الامن الدوائي + حجم التجارة الداخلية + هيكل العمالة و الموظفين + استقرار العملة
ده بيشكل الامن القومي
بند امن الحدود و الاستقرار العسكري ده جزء من الامن القومي انما مش كله 🤷🏻‍♀️🤷🏻‍♀️

✨و المكافأة مكنتش صغيرة
ده منصب كبير بيندفع فيه راتب كبير اووووي بالاخضر 👌🏻👌🏻

لأ فعلا هينقذ الاقتصاد صحيح 🤔 .. و عامل رؤية 🙄

الرؤية هي بيع املاك و اصول اقتصاد الجيش
عشان الجيش ميلقاش يصرف علي التسليح و التطوير و اعادة الهيكلة و التدريب 🤷🏻‍♀️
اصل الموازنة بتاعتنا متتحملش نفقات الجيش طبعا 🤷🏻‍♀️

و بالتالي يضمنوا ان مفيش مناورات تتعمل تاني في سينا .. تقلق راحة ولاد الكلب و تخوفهم

او بمعني أدق 👈🏻 يتحول لجيش خردة .. عشان بردو ميضايقش ولاد الكلب " قصدي ولاد العم 🙄"

انا عارفة ان كلابهم هتهوهو عليا
و اتمني حد يرد عليا بارقام
غير امي اليهودية و جوز خالتي الفامبير و بوز اللحاف اللي باكله هو والمشابك بتاعت الغسيل
يعني يا ريت الرقاصات يجددوا .. عشان زهقت و محدش بقا يصدقكم 🤷🏻‍♀️🤷🏻‍♀️

لكن مهما اتعمل ومهما كان رد الفعل .. الاااااا الجيش و لو فيها موت

و انا مقولتش كل حاجة
يعني مقولتش الفلوس كان بتتحول علي فين .. و الصفقات بتتم فيييين ... و في وجود ميييين .. ومين كان بيهز يا وز 😎😎

و الله الموفق و المستعان
واحلي تحية للعباقرة كلهم 😎😎

🔵 مساء الخير :

واحدة واحدة كده نفك كام تشابك في الاحداث من اول امبارح

📌 الامارات خرجت من اوبك و اعلنت ان ادنوك عملاق النفط الاماراتي هي المسئولة عن نفط و غاز الامارات
و اطلقت اسم " خام مربان " علي النفط بتاعها زي خام برنت و خام تكساس
" حقها و لا مش حقها ... حقها يا ابو كمال 🤷🏻‍♀️ "
▪ تكتفي بالنقطة دي لأ 👈🏻 نزلته تداول في بورصة ابو ظبي انتركونتيننتال للعقود الاجلة

هنا مين هيحدد سعره 👈🏻 العرض و الطلب
مبقاش جدول التسعير الالزامي بتاع اوبك " يعني خام مربان بقا راسه براس خام تكساس الامريكي 👌🏻 "

📌 تقوم ايران تخترق الهدنة
و تهاجم احدي حاويات ادنوك المحملة نفط
مع ان ادنوك ملهاش علاقة ب القواعد الامريكية و المصالح الامريكية في المنطقة 🤔
و ترامب كان بيلوح لعقوبة للامارات علي خروجها من اوبك
و اللي اجبرت دول المنظمة علي زيادة الانتاج و خفض السعر
و اللي بدوره عرضها لخساير من هوامش الارباح

الله 🤔 .. خفضوا السعر ازاي 🤔
هو مش الحرب بردو اجبرتهم علي رفع السعر .. و لا هو بيزنس امريكي 🤔

♦يبقا هنا اول نتيجة توصلنا لها ان ايران نفذت رغبات مين 👈🏻 امريكا

📌 الرئيس السيسي هاتف محمد بن زايد اليوم ليعلن تضامن مصر معاهم في ظل الهجوم اللي بتتعرض له الامارات
و الميديا اعلنت ذلك
🔹 بعدها بساعة وزير الخارجية السوداني محي الدين سالم
يعلن ان الخرطوم امبارح باتت في ليلة سوداء بسبب الاعتداء الغاشم الخارج من اثيوبيا و الامارات

واحدة واحدة معايا :
▪ مين محي الدين سالم 👈🏻 كادر اخواني مهم جدا .. جاء وزير خارجية في عهد عمر البشير وكان مشارك في انقلاب الاخوان المسلمين المسلح علي السطلة و احد قادة حزب الميثاق الاخواني 👌🏻
▪ عملولك ايه اثيوبيا و الامارات 👈🏻 ضربونا بالمسيرات يا بيه .. ضربونا جااامد
و خرجت من اثيوبيا
▪ طب مخرجتش من قوات الدعم السريع ليييه .. هو انت مش كنت في اثيوبيا من شهرين 👈🏻 عشان دي مسيرات الامارات و حلفاؤها اللي بيدعموها
▪ مين حلفاؤها بقاااا 🤔
يلا ما علينا

المهم ان اثيوبيا التزمت الصمت .. في حين الامارات نفت اي علاقة لها بما حدث
و انها لسه مفككة تنظيم بياخد سلاح ايراني يوصله للسودان توصله للحوثي 👌🏻

🔘 طب ما يمكن الامارات بتكذب 🤔

▪ اريتريا في ابريل 2026 اعلنت تتبعها لمجموعة سودانية " حكومية " حولت السودان لمنصة توزيع السلاح الايراني لحلفاؤها
و ان في شحنة سلاح كان المفروض تروح للحوثي عن طريق سواحل اريتريا
و بالتعاون مع بحرية " خارجية 🙄 " تم توقيف الشحنة دي في 8 ابريل 2026

و اريتريا اتهمت اثيوبيا
بما انهم واقعين في بعض يعني
راح مركز " هورن ريفيو " مطلع 3 تقارير تفيد بتورط الاخوة السودانيين في ذلك
و بالاسماء
و علي إثر ذلك
قام عبد الفتاح البرهان بإقالة رئيس الاركان " الاخواني بالمناسبة " 🙄🙄

🔹 وقال انه ثبت تورطه في تسهيل توصيل الاسلحة البلغارية و الصينية لايران لمساعدتها للحرب
▪ مبدئيا 👈🏻 بلغاريا معندهاش سلاح
و كان البرلمان بيلطم في فبراير نظرا لنفاد السلاح من المخازن

وكان نواب حزب المعارضة بيسألوا الحكومة بتاعتهم 👈🏻 عطيتوا السلاح لاوكرانيا .. لو روسيا قررت تسترد اراضي السوفييت زي اوكرانيا هنعمل ايه ساعتها 🤔

▪ والصين يا فندم مش محتاجة مسار من داخل افريقيا لايران
لأن عندها باكستان عاااادي 🤷🏻‍♀️🤷🏻‍♀️
" بس البرهان حب ينغز العلاقات المصرية الصينية بطريق خبيث سيكا 😎 "

📌 لكن الخلاف علي ايه
و ليه تم الاطاحة ب 11 قائد من الجيش السوداني 🤔
الخلاف علي ترانزيت الدهب و اليورانيوم
اللي بيجي من الدول الافريقية
و يتجمع في السودان
و يخرج عن طريق بورتسودان لوجهات غير معلومة ... و بيسهل توزيعه الاسطول الايراني " اللي بيقولوا انه تحت العقوبات " مع انه بيصول و يجول في المحيط الهندي عااادي 🤷🏻‍♀️🤷🏻‍♀️
في مقابل السلاح اللي بيباع في السوق السودا في افريقيا " اللي هي اكبر سوق سودا للسلاح في العالم " يوصل لحلفاء ايران اللي منهم 👈🏻 الحوثي

اللي لم يضر باسرائيل نهائيا .. بينما اضر بقناة السويس و مضيق باب المندب 👌🏻👌🏻

✨ اثيوبيا طلعت تلطش في الصومال و اريتريا و جيبوتي
و قد اييييييه موانيهم مفتوحة وغير مراقبة امنيا و بيهددوا خطر علي الملاحة في البحر الاحمر

دول اللي هما حلفاء و شركاء عسكريين لمصر ... انما اثيوبيا حليف اسرائيل

و البرهان بيلقح علي الصين اللي هي عدوة امريكا وحليف مصر
ومتضامن مع ايران
و محي الدين سالم بيتهم الامارات و حلفاءها
و ايران بترد علي تفكيك خلية توزيع السلاح الايراني في الامارات بضرب ادنوك " علي حسب تصريحات عراقجي 🤷🏻‍♀️"
انما العقاب امريكي عشان خام مربان

و يجي يقولك اصل الربط بين الشيعة و اسرائيل و الاخوان المسلمين ربط ظالم

اومال كلهم مجتمعين في تنفيذ نفس الاجندة والاهداف كده صددددفة 🤔🤔

‏( الست اللي بتجيب لمامي السمك بتقولها معلش يا ست هانم السمك غالي عشان ايرام قفلت بحر ترمس بسبب الحرب .. و الصيادين مبقوش يسرحوا يا عيني
الست دي لو بتعرف تقرا و تكتب .. كانت عملت صفحة علي الفيسبوك تكتب فيها تحليل سياسي و تقول حيالله اسود الحرس .. و تشتم في الخليج و تدعم ايران

نفس الليڤل العقلي .. الفارق انها متعرفش كوكب الفيسبوك 😏😏 ‏)

🔵 #عن_مرار_ملف_اللاجئين:

وما يدبر لمصر في الخفاء من خلال هذا الملف

♦لاجئين دولة جنوب السودان :
السؤال المهم 👈🏻 هو احنا ليه عندنا لاجئين من دولة جنوب السودان لحد انهاردة
و قد انتفي عنهم صفة اللجوء لسببين :
▪لا تعاني دولتهم من حروب
▪لا تعاني دولتهم من مجاعة بل موارد جنوب السودان تكفي 11.8 مرة عدد سكانها 🤷🏻‍♀️🤷🏻‍♀️

و مدخلوش ايام مبارك لأ
لأن مبارك مشي و مفيش دولة اسمها جنوب السودان اصلاااا 👌🏻
و لا في توقيت الانفصال سنة 2011
و عدد مش قليل
♦دولة جنوب السودان ده بقا توجهت للامم المتحدة بشكوي ضد مصر
و علي لسان وزير خارجيتها و تفويضا من رئيسها .. اتهم مصر بإساءة معاملة لاجئين دولته
و طالب المفوضية بإعلان فرض حماية دولية علي اللاجئين في مصر
و اغلاق قنوات التفاوض الدبلوماسية و تحويلها الي عقوبات ان تطلب الامر
و طالب بالاتي :
▪استثناءات لمواطني جنوب السودان سواء مقيمين او لاجئين من مصروفات و رسوم الاقامة " يقعدوا في مصر ببلاش "
▪ تفعيل اتفاقية الحقوق الاربعة علي مواطني جنوب السودان
" باعتبارهم وقت الاتفاقية كانوا تابعين للسودان نفسها "
و توفير سكن مدعم لهم " البركة عايزين شقق مدعمة ياريس 😏"
▪الاحقية في مجانية التعليم و الخدمات الصحية
" ما ياخدوا مفتاح اوضتي في بيتنا احسن 😒"

و بما ان مصر اعلنت نفسها دولة مضيفة للاجئين ف عليها الامتثال لشروط المفوضية
وانه هيساعد مواطنيه في التسجيل في المفوضية
لييييييه 👈🏻 لأن لاجئين دولته محدش فيهم مسجل لانهم دخلوا مصر عشان ينفذوا هجرة غير شرعية لاوروبا و دول اخري منها اسرائيل
و بما ان مصر قامت بدور غطا البلاعة بتاعت افريقيا عشان سواد عيون الاتحاد الاوروبي .. فتم احتجازهم فيها
طب مرجعتهمش لييييييه 🤷🏻‍♀️🤷🏻‍♀️

🔸هل القيادة السياسية لا تعلم ولاء مواطني دولة جنوب السودان لاسرائيل 🤔
لا بجد .. يعني احداث الانفصال و دور اسرائيل وتعاون مواطني الجنوب مع الموساد و رعاية الموساد للحركة الانفصالية و الانفصال المسلح و التدريب في اوغندا ... كل ده ملوش اعتبار 🤔

♦اجتماع السيد وزير الخارجية مع وزراء الخارجية الافارقة يوم 2 مايو الجاري :
من ضمن البنود اللي اتكلم فيها سيادة الوزير
▪ تسهيل مسارات آمنة للهجرة داخل مصر " هجرة ايه 🤔 .. هي مصر بلد مهجر اصلاااا
بلاد المهجر لها صفات :
* نقص تعداد الشريحة العمرية للقادرين علي العمل و الشباب
* نقص خصوبة النساء
* توافر وظائف لا يرغب بها ابناء الدولة و تصنف وظائف درجة ثانية و لكنها هامة اجتماعيا
* احتياج الدولة للمهن و الحرف و عدم توافر مزاوليها
* خروج الدولة من حالة حرب تطلب اعادة الاعمار الانشائي و المجتمعي
دي مواصفات دول المهجر
لا تنطبق علي مصر .. حولتوا البلد امتي لدولة مهجر 🤷🏻‍♀️"
▪مطالبة المجتمع الدولي لا سيما الدول الغربية بتقديم الدعم المادي للدول المستضيفة للاجئين لمشاركتهم اعباءهم المالية و علي رأسها مصر
" يعني لما بيتقال علينا بنشحت علي حس اللاجئين .. يبقا مبيكدبوش مش كده 🤔 "

انتوا رخصتوا البلد كده امتي
و احنا كنا فييييين و انتوا بتمسحوا بمصر الارض كده .. احنا كنا فين 🤷🏻‍♀️

♦مفوضة الحكومة الالمانية لحقوق الانسان تشن هجوما حادا علي مصر في المحافل الدولية :

الست لويزا امستبرج مفوضة حقوق الانسان في الحكومة الالمانية اللي بتلم السوريين حاليا و ترميهم علي الحدود زي الكلاب الضالة .. يا اما بتلمهم في كرافانات و تقطع عنهم سبل الحياة لحد ما يوقعوا علي الموافقة للانتقال لدولة تالتة
بتهاجم السلطات المصرية و بتتهمنا بالهمجية و القمع للصحفيين السودانيين في مصر و ترهيبهم
و ان من حقهم ينشروا اي اخبار و صور و فيديوهات تدعم قضيتهم 👈🏻 اللي هي ملكيتهم للحضارة المصرية و لأرض مصر
و قالت في برلمان الاتحاد الاوروبي 👈🏻 ان مادام مصر قبلت وجود هؤلاء الصحفيين علي اراضيها .. ف عليها تقبل و تبني قضيتهم
يا نهار مش فايت 😳
اتقبل اني اسلمهم ارضي .. اتقبل الافروسنتريك 😳
و ان ما تعرضت له الصحفية بسمة مصطفي السودانية يعد قمع يستوجب العقاب
" الصحفية اللي نشرت فيديوهات مسيئة للشعب المصري و للقيادة المصرية بما فيها رأس الدولة نفسه 🤷🏻‍♀️ "
▪وشددت علي الزام مصر بقبول فتح مدارس لكل الجاليات الغير مصرية المقيمة علي ارض مصر سواء مقيمين نظاميين او لاجئين غير مسجلين لأن عددهم اصبح يشكل مجتمعات مستقلة
" لا و الله 🤔
ده سياسيا اسمه دعم تكوين جيتو Ghetto دويلات داخل دولة يعني 🤷🏻‍♀️ "
▪ و ان ال BMZ عبر وزارة الاقتصاد الالمانية بتقدم دعم مالي مستمر لمصر لضمان توفير حياة كريمة للاجئين
و الاااا اللاجئين دول هيهربوا من مصر في اتجاه الاتحاد الاوروبي .. و ده مش اتفاقنا مع الحكومة المصرية
" هي دي عسكريا تصنف ايييييه 🤔🤔 .. انتوا عملت البلد صفيحة زبالة في مقابل اليورو و الدولار 🤔"

♦كارثة الموازنة و الجنسية :
في موازنة 2026/2027 في بنود مستهدفات الايرادات
الحكومة تستهدف تحقيق ايراد 200 مليون دولار من جراء بيع الجنسية " سواء استثمار او تبرعات " تستخدم في خفض الدين

200 مليون دولار 🤔
ايه المبلغ ده .. ايه المبلغ العبييييييط ده 🤷🏻‍♀️
يعني 10 مليار جنيه و 400 مليون جنيه 🤔
البنك المركزي امبارح ساحب في معاملات الكوريدور سيولة زيااااادة في البنوك 41.6 مليار جنيه 🤷🏻‍♀️🤷🏻‍♀️

هو من امتي اصلا الجنسية مصدر ايرادات .. اييييه شغل النخااااسة ده 🤷🏻‍♀️
عمرها ما حصلت في تاريخ مصر

و تقديري ان ده عشان منح ناس بعينها الجنسية .. اسماء معينة من دول معينة هتيجي تشتري في مصر و تحط التبرع لوزارة المالية و تاخد الجنسية و تورث عيالها
" في واقعة في سوريا في ريف محافظة اليرموك
رجال اعمال يهود يحملوا جنسيات اجنبية استرالية و ألمانية و تركية و كندية اشتروا 200 ألف دونم في حوض محافظة اليرموك في الجنوب السوري بدعوي الاستثمار و التطوير العقاري
و يوم 27 ابريل 2026 تنازلوا عنها لدولة اسرائيل 🤷🏻‍♀️🤷🏻‍♀️ .. ويوم 29 ابريل اسرائيل ضمت حوض اليرموك لخريطتها و الامم المتحدة هتعدل الخريطة 👌🏻"

انتوا بقا مش بتبيعوا الارض بس .. انتوا بتبيعوا معاها الجنسية
ف بتبيعوا مصر علي بعضها .. لوكشة واحدة كده 🤔
" دي اسمها خيانة عظمي بيقوم بيها رئيس الوزرا و وزير المالية "

انا مااااالي گ مواطن بديونكم اللي عمالين تزودوها و تخربوا بيت ام الشعب بيها و الشعب اصلا عمال يتفقر اكتر و اكتر 🤷🏻‍♀️

المخابرات العامة المصرية لازم تتدخل في الكارثة دي
في محافظة كاملة اسرائيل اخدت تلات ارباعها بيع و شرا عن طريق الاستثمار و بيع الارض .. الحقووونا ارجوكم 🤷🏻‍♀️🤷🏻‍♀️

♦الجديد بقا :
منظمة غير حكومية في بريطانيا اسمها " مؤسسة World Care Foundation " .. يوم 3 مايو 2026
اطلقت مشروع اسمه " Gaza Widows & Orphans Housing Project "
تسكين ارامل و ايتام غزة
فيييين 👈🏻 في القاهرة
هيدفعوا للحكومة دولارات .. و هيشتروا شقق ووحدات سكنية في مدينة بدر و العبور
و طبعا رئيس الحكومة عبد الدولارات هيوافق
ايراد دولاري بدون مجهود
و العمارات موجودة بالفعل
مشروع سكن المطلقات و الارامل المصريات اللي ورا اسكان الشباب
المطلقة و الارملة المصرية معهااااش تدفع المقدمات و الاقساط المطلوبة و العمارات مقفولة .. متسلمتش
هتشتريها بقا المنظمة الانسانية دي 🤷🏻‍♀️🤷🏻‍♀️
▪لا ده من حنية بريطانيا و قلبها الطيب .. منظمة Charity UK Salam هتتولي دفع الايجارات للوحدات السكنية التي يقيم فيها الغزاوية في مصر بالعملة الصعبة

سيادة الرئيس / إلحق مدبولي هيقبل التهجير و التوطين و تصفية القضية الفلسطينية اللي سيادتك قولت لا للتهجير و التهجير خط احمر
إلحق مدبولي و عصابته هياخدوا عملة صعبة و يوطنوا الغزاوية في مصر 🤷🏻‍♀️🤷🏻‍♀️

يا مخابرات .. يا امن وطني .. يا مركز الدراسات النفسية و الاستراتيجية .. يااااا اي حد يلحقنا
يااااارب ياااااارب انجدنا

ايجارات ايه و تمليك ايه و عبور ايه و بدر اييييه ... يااااارب ملناش غيرك يارب .. ملهاش غيرك يارب
بريطانيا صاحبة وعد بلفور .. بتنفذ وعد جديد لاسرائيل و بتفرغ لهم غزة داخل مصر 🤷🏻‍♀️🤷🏻‍♀️

♦المعاناة من اثار الضيوف البركة :
شركة مياه الشرب في الجيزة طالبت المواطنين بتقليل وقت الاستحمام بحيث لا يتخطي ال 5 دقائق
ده مش ترشيد يافندم
مع ان انا شخص بيدعم سياسة الترشيد في كل شئ

لكن ده مش ترشيد
6 اكتوبر - فيصل - شارع العريش - شارع الهرم - الطالبية - المريوطية
هي واحدة من اماكن تمركز اللاجئين السوريين و السودانيين في محافظة الجيزة

و لأن البنية التحتية في المحافظة مجهزة لاستيعاب عدد سكان معين .. بينما حدث انفجار سكاني لاستيطان اللاجئين
و الوحدة السكنية اللي بتتحمل 4 او 5 افراد ... اصبحت تتحمل 30 فرد
ده عمل ضغط علي البنية التحتية
من الصرف الصحي و مياه الشرب ... و واضح انهم علي بوادر كارثة
لذلك ظهرت المناشدات دي
" لو هو سلوك ترشيدي للشركة القابضة للمياه كانوا عملوه اعلان لكل المحافظات .. انما دي استغاثة من محافظة الجيزة بتقول احنا عندنا بوادر كارثة يا جماعة 🤷🏻‍♀️🤷🏻‍♀️ "

♦طائر الشؤم ينعق منفردا :
صدق السيد الدكتور رئيس الوزراء مصطفي مدبولي و وافق علي منح الجنسية المصرية ل 48 اجنبي مقيم علي ارض مصر
و ذلك بعد الاطلاع علي :
القانون رقم 89 لسنة 1960 الخاص بدخول و خروج الاجانب في مصر
و القانون رقم 26 لسنة 1975 بشأن الجنسية المصرية
و قرار رئيس مجلس الوزراء الصادر عن قانون الاستثمار رقم 72 لسنة 2017
وقرار رئيس مجلس الوزراء رقم 3099 لسنة 2019
الخاص بتنظيم حالات منح الجنسية
و قرار رئيس مجلس الوزراء رقم 647 لسنة 2020
لتنظيم عمل وحدات الفحص لمنح الجنسية المصرية

انا بقا راجعت القوانين
▪القانون 89 لسنة 60 كان خاص بمواطني الجمهورية العربية المتحدة .. و تحديد سنوات اقامة للنازحين
و عبد الناصر كان هو رئيس الوزراء
احنا مكنش عندنا المنصب القذر ده الحقيقي اللي انا كرهته
مجاش فيه حد عدل
▪القانون 26 لسنة 75
عمله السادات الله يرحمه عشان تجنيس ابناء الاب المصري من ام غير مصرية .. وكذلك ابناء الام المصرية من اب بلا جنسية .. و منح اللقطاء هوية و شهادة ميلاد مصرية و تتكفل بهم الدولة

اما بقا قرارات منح الجنسية دي بتاعت 2017 و 2019 و 2020 .. كلها مقابل فلوس

📌 هو مين اللي قال و قرر ان قرارات منح الجنسية تكون بايد رئيس الوزرا
و مجلس الشعب طبعا " العشيقة السرية للحكومة " عداها طبعا 🤷🏻‍♀️🤷🏻‍♀️

لحد سنة 1996 مكنش غير رئيس الجمهورية هو اللي بيصدق
بعد مشاورة رئيس المخابرات العامة و وزير الداخلية
اتغيرت امتي و ازاي
و احنا كنا فين و ده كله بيتعمل 🤷🏻‍♀️🤷🏻‍♀️

و يقولك اصل چيلان قاسم بتحرض الجبهة الداخلية
لا يا باشا چيلان مش بتحرض .. چيلان بتقولها صريحة اهوووو و علي مسمع و مرأي من الجميع 👈🏻 في حاجة كبيييييرة بتتدبر لمصر من خلال الملف بتاع اللاجئين ده

و كل التعديلات القانونية و تدرج القرارات و الاتفاقيات اللي اتسرسبت دي مش محض صدفة .. و ده مخطط تم الاعداد له بعناية
و مش بعيد يكون في ال MI 6 ذلك المبني الزجاجي فوكسهول كروس القابع علي نهر التايمز
المبني اللي قال عنه چون كيندي 👈🏻 هنا تنشأ دول و تمحي دول .. هنا تخلق شعوب و تندثر شعوب و تحل شعوب مكان شعوب اخري 👌🏻👌🏻

ديون الحكومة مسئولية الحكومة مش مسئولية الارض .. فشل الحكومة يعاقب عليه الحكومة و لا يعاقب عليه الشعب

اي حد يقبل المخطط ده تحت زعم الشعارات الوطنية الرنانة .. هيكون جزء منه
انا مش هسكت علي الملف ده و مش هقبل في يوم التفريط في الارض و لا توطين جنسيات نجسة في بلدي مهما كان التمن اللي هيندفع

واعتقد ان المحكمة الدستورية عندها حل .. لكن اييييه
معرفش 🤷🏻‍♀️🤷🏻‍♀️
كومنت : هي الاجهزة الامنية متعرفش .. هو مين فيييين
ميخصنيش يا عزيزي كل ده
و مليش فيه
انا بستغيث بطوب الارض
و مليش دعوة برد فعل
انا عايزة اشوف حلول علي الارض

ومعنديش اي مانع اعادي اي حد عشان بلدي .. مش المصريين اللي يقبلوا بعد 20 سنة برئيس مجنس
و لا قائد للجيش نازح من عند الصهاينة

احنا مش السلفادور و تشيلي
انتوا بس بتنسوا 😒😒

🔵 #الاستثمار_الخاسر_في_العاطفة:

قبل الانفصال السوداني عن مصر
مكنتش مصر بتاخد موارد السودان و لا حاجة
شعب السودان من ايام المصريين القدماء هو شعب عويل و تنبل .. النطاعة في چيناته
ليه معرفش 🤷🏻‍♀️🤷🏻‍♀️

🔹السودان الاولي عربيا و التالتة عالميا في احتياطي الدهب
تخيل ارض 46% من مساحتها فيه مناجم دهب
و مع ذلك مصر مفكرتش زمان انها تستفيد من الدهب ده
بالعكس الاستفادة الوحيدة هو طمي النيل و زراعة الاراضي .. و ده عشان نطفحوهم
ما هم كانوا محسوبين علينا 👌🏻
و لما الكوليرا دخلت مصر .. دخلتها عن طريق السودان و الهجانة السودانيين
و مع ذلك مصر تحملت تكلفة علاجهم .. في حين ان الاحتلال البريطاني اخد دهب خام من العبيدية عشان بسسسس يطعمهم
حمل دهب علي 16 سفينة 👌🏻👌🏻

♦يعني مصر لما كانت عايزة تحتفظ بحكم السودان .. مكنش طمع منها في مواردها
و مكنش اصلا ظهر النفط و اهميته
و مكنش بيجيلنا منها الا القرف و مازااااال
كل الحكاية ان مصر كانت عايزة تأمن حديقتها الخلفية ان الاحتلال ميدخلش تاني لها .. و في نفس الوقت السيطرة علي الحاكم الموجود اللي هو جعفر النميري لضمان احكام القبضة الامنية علي تنظيم الاخوان المسلمين

🔹اللي بسهولة قدر يسيطر علي الرئيس القومي اسماعيل الازهري نظرا لخلفيته الصوفية
و يوطتد علاقته بالاخوان المسلمين في مصر .. و يطلق عليهم شعب الاخوان المسلمين في مصر
و تخرج مظاهرات في السودان تطالب بسقوط عبد الناصر و تنظيم الضباط الاحرار
وتعيد للحكم محمد نجيب في شكل رئيس مدني منتخب و تنفيذ تجربة مدنية انسانية في مصر " بيفكرك بايه الكلام ده 🤔 "

🔹اسماعيل الازهري في بداياته كان زعيم تيار الوحدة مع مصر و ضد تيار المهديين المؤيد للانفصال
لكن بعد علاقته بالاخوان اللي اتوطدت .. و اتخاذه لسيد قطب قدوة
مشي قدما في تكفير جمال عبد الناصر و النظام الحاكم في مصر اجمعه .. بل وصل التكفير لشيخ الازهر نفسه
لذلك كان واجب الاطاحة بيه و ان يجي بعده حد ولاءه المطلق لمصر حتي لو في انفصال 🤷🏻‍♀️🤷🏻‍♀️

🔹ليه انا يا عزيزي بحكيلك الحدوتة دي
ليس بغرض التسلية
لا ابداااا
ده عشان ابرهنلك علي ان السودان من زماااان و هي مركوبة من الاخوان .. ومن زمان و الاستخبارات البريطانية بتستخدمها لتأجيج صراعات سياسية داخل مصر بسبب سيطرة الاخوان عليها .. اللي هما تنظيم ال MI 6 .. و من زمان و انت بيتحضرلك الخوازيق من هناك عااادي 👌🏻

♦طب لو متقدرش تظهر بمظهر المعتدي او المحتل العسكري عشان تنهب مقدرات دولة ما
خصوصا بعد ما الملكة نفسها فقدت شعبيتها و المقاطعات البريطانية زي ويلز و ايرلندا طالبت بالاستقلال بعد العدوان علي العراق " ما هو الدول الغربية حكامها مبيخفوش من قانون دولي و لا هري من الكلام ده .. لكن بيترعبوا من شعوبهم 👌🏻 .. ما هو ده بقا ثور الديموقراطية الابيض .. ان الشعب له احترام و صوت 👌🏻"

يبقا عندك plan B 👈🏻 تأجيج الحرب الاهلية و تنفيذ النزوح القسري و التفريغ 👌🏻
📌 لازم هنا تسأل نفسك سؤالين :
▪ الاول : ليه برغم كل الدهب اللي في السودان ده و استخراجه .. كانت السودان تعيش في فقر و مرض و تخلف في ظل حكم الاخوان و عمر البشير
و اقرب دولة له استثماريا كانت بريطانيا
▪ التاني : ليه تفتيت السودان لم يتم الا بعد الاطاحة بحكم الاخوان
و ليه الاخوان كان بيضطهدوا المسيحيين لحد دفعهم للتمرد و المطالبة بالاستقلال

انا عارفة الاجابة
لكن هسيبكم تفكروا فيها 🤷🏻‍♀️🤷🏻‍♀️

🔷🔶 تعالوا بقا نستعرض خريطة الدهب في السودان :
♦مناطق نفوذ الجيش " الشمال و الشرق " :
▪ ولاية شمال
▪ ولاية البحر الاحمر اللي فيها منجم ارباب " اللي هو انت ماشي بتدوس علي دهب فيه "
* في سنة 2024 الولايتين دول طلعوا 74 طن دهب
* في سنة 2025 انتجوا 70 طن دهب
✨ نشوف مين اللي طلعهم و راحوا فين :
▪شركة إليانس الروسية : و دي كيان اقتصادي بتملكه مجموعة فاجنر ... و واخد تصريح حكومي من سنة 2014 لمدة 30 سنة
▪ شركة كوش : و دي روسية بردو و متمركزة في ولاية البحر الاحمر شرقا
" و ده ممكن يفسرلنا اصرار روسيا علي انشاء قاعدة عسكرية بحرية في السودان 🤷🏻‍♀️ "
▪" الكوميديا بقا " مجموعة المصافي الامارات : مصفاة كالوتي .. مصفاة طيران الامارات .. مصفاة MTM جولد : و دي اللي بيديهم الدهب هو البنك المركزي السوداني بنفسه 🤷🏻‍♀️🤷🏻‍♀️

هو مش الامارات نوتي و اشرار و رايحين جايين نسبوا لهم 100 ملة 🤔
ازااااي 65% من دهب المركزي بتبعتوه هناك 🤔
يعني في 2024 باعوا للامارات 22 طن
في 2025 باعوا لهم 8 طن 🤷🏻‍♀️🤷🏻‍♀️
▪شركة اوركا جولد الكندية : دي اللي شغالة قرب الحدود المصرية .. و استحوذت عليها شركة استرالية عن طريق استحواذ بالاسهم
▪و دخلت شركة اون تشانج الصينية : لمعالجة مخلفات التنقيب " الكرتة "

يعني كل اللي بتشتم فيهم حكومة بورتسودان .. هما اللي انت شغال معاهم زي الفل في الدهب و علاقتكم في البيزنس منتهي العاطفية و الرومانسية 🤔🤔
روسيا - الامارات - الصين
غرييييبة دي 🤔

بالنسبة لي لا مش غريبة و لا حاجة
هو الخلاف و الشتايم بدأت بعد اصرار الشركات علي توريد عوائد الاستخراج و الشراء للبنك المركزي في جلسات علنية
بدل ما كان لحد نوفمبر 2024 بيروح للمجلس الانتقالي اللي مسيطر عليه الاخوان .. اللي مسيطرين علي البرهان نفسه و اللي بينتمي لهم فكريا و ذهنيا 🙄🙄
للهروب من الوقوع في فخ العقوبات الدولية .. و يبقا معاهم ما يثبت ان اموال الدهب بتروح للمواطنين 🤷🏻‍♀️🤷🏻‍♀️

♦منطقة نفوذ الدعم السريع " الغرب و الجنوب " :
▪جبل عامر في شمال دارفور : و اللي بيصنف بأكبر جبل دهب في افريقيا
▪منطقة الردوم و سينقو جنوب دارفور فيها دهب رسوبي بيطلع كده و يتسرسب خام من برا برا
▪مناجم غرب و شمال كردفان

🔳 و تعالي بقا نحط ايدينا في عش الدبابير :
مناطق نفوذ الدعم السريع بالاضافة للحدود التشادية السودانية
" و بالمناسبة تشاد هي منطقة الدعم اللوجيستي البريطاني لكل الموبقات اللي بترتكبها بريطانيا في قارة افريقيا كلها "
بيسيطر عليها حاجة اسمها 👈🏻 شركات الاستشارات الامنية الخاصة
و دي بيديرها ظباط من الاستخبارات البريطانية " سابقين : ومفيش حاجة اسمها ظابط مخابرات سابق .. هو بيعيش و يموت في الخدمة " .. او ظباط سابقين في سلاح البحرية الملكي 👌🏻👌🏻

و كل الشركات دي بيتم تسجيلها في ڤيرچن ايلاند " جزر العذراء البريطانية " التابعة للتاج البريطاني سياسيا و اداريا .. انما منفصلة قانونيا

لييييه فصلوها قانونيا " شوف الخبث بقا " 👈🏻 عشان اما تتقفش و يتوقع عليها عقوبات دولية .. العقوبات لا تطول القطاع الاقتصادي البريطاني .. لا يبقا علي قد ڤيرچن ايلاند فقط .. وبريطانيا تفضل الشريفة العفيفة و هما اللي ولاد كلب متربوش 👌🏻
و دي الموجودة في السودان
▪ مجموعة G4S : و دي اللي بتتولي خروج الدهب اللي بيستخرج من دارفور عبر الحدود التشادية
و بعدين تدخله في غسالات الدهب عن طريق المافيا ... سواء غسالات في دبي او هونج كونج او كازابلانكا
▪ شركة control risks : دي شركة امن مش بتشيل سلاح و لا قنابل تأمينية
لكن دي اللي معاها خريطة الممرات الامنة في قارة افريقيا كلها لمسارات التهريب .. بعيدا عن قوات ال UN و عن اي قوات حرس حدود و عن اي ابن جزمة ممكن يشم خبر
" و بالمناسبة دي اللي بتتعاون مع المجموعات اللي بتتولي تهريب السودانيين لمصر
الناس دي معاها خريطة معابر خفية هما بس اللي يعرفوها عشان هما اللي عملوها ايام الاحتلال البريطاني للقارة 👌🏻"
▪شركة olive group : الشركة الكيوووت اللي نزلت معسكرات اللجوء " ادريا - ابشبي " في تشاد عشان تأمن المساعدات الانسانية للنازحين من انها تتعرض لسطو
بتحمي عبور قوافل الدهب للدعم السريع في مقابل 30% من قيمتها رسوم عبور .. قد ايه انت حنين ووسخ يا حبيبي 🤷🏻‍♀️🤷🏻‍♀️
▪ شركة Garda world defince system : اللي بتدرب القوات المحلية علي مكافحة الارهاب
و اللي بيديرها اندرو باسيلي ظابط الاستخبارات البريطاني .. و اللي ظهر اسمه في وثايق ابستين و مدي علاقته بمافيا غسيل الدهب و نشاطه في دول افريقيا زي كينيا و غانا و كان النيجر كمان 🤷🏻‍♀️🤷🏻‍♀️

مافيا الدهب بتدار من كل العالم تقريبا و بتتخذ من العواصم المالية مقرات لها .. لأن الانظمة المصرفية فيها بتسهل عليها نقل الاموال لأنها انظمة مصرفية حديثة تكنولوجيا و كتير بتعتمد العملات الرقمية و العملات المشفرة 👌🏻👌🏻
زي 👈🏻 دبي .. زيورخ .. هونج كونج .. شنغهاي .. كيبك .. ستكهولم .. شتوتجارت

شبكة كبيرة بتصب في الاخر عن انبياء المال الصهاينة 👌🏻

🔘 يبقا بالمنطق كده :
اللي بيحصل في السودان ده من حرب اهلية تطورت من نزاع بين الجيش و قوات متمردة بقيادة حميدتي
الي نزاع قبلي حاليا
و ميليشيات الاخوان في الجيش بتضرب في ميليشيات القبايل المتتبعة الفكر الجهادي و اللي محدش عارف اتكونت وظهرت امتي
بس في شهر رمضان كده ظهرت و اعلنت الجهاد ضد الجيش بإخوانه و ضد الدعم السريع بحيواناته
و بتدين بالولاء للقاعدة
" هو تنظيم داعش حامل و لا ايه .. شيفاه مريح كده
و القاعدة نزل الملاعب تاني 🤔 "
بالاضافة للجيش اللي مش اخوان بقا بيضرب في الجيش الاخوان 🙄

و الموضوع هناك تحول لحرب عصابات و شوارع

📌 الوضع الحالي بيضع الجميع علي مأدبة قبول التقسيم گ أمر واقع
▪ مفيش نازح هيرجع في المدعكة دي
▪ العالم اصلا مش مهتم انه يقدم مساعدات مالية و عينية و غذائية لنازحي السودان
▪ مفيش دولة هتقبل بوجود قواتها العسكرية في الهرس ده " لأن التفريغ من الشعب علي مزاجهم .. بيسهل عليهم النهب و السرقة 🤷🏻‍♀️"
التجارب السابقة في افريقيا اثبتت ان النزاعات المسلحة لا تنتهي الدماء فيها الا بالعزل و التقسيم

يبقا الصح و الطبيعي و المنطقي
ان كل حي يدور علي مصلحته 🤷🏻‍♀️🤷🏻‍♀️
لا هي انتهازية و لا وصولية و لا مخالفة للشرف في الزمن اللي عز فيه الشرف و لاااااا كل الحاجات الحلوة دي
و لكنه محاولة للكف عن محاربة طواحين الهواء 👌🏻👌🏻

▪ مفيش ارض هتتحرر و تحافظ علي وحدتها و انت واخد نص شبابها عندك في حضنك و مديهم لامؤاخذة الدندو و بتغنيلهم اغنية كالينكا عشان يناموا بهدوء و مشارك في تفريغها تحت اي زعم بقا مش مهم .. حتي لو كان الرحمة و الانسانية
▪ مفيش جيش مسيطر عليه تنظيمات عميلة لاجهزة استخبارات اجنبية بيحرر ارض و بيحاول يحافظ علي وحدة اراضيها
▪ مفيش قوي مدنية بتاخد حصتها من تهريب موارد الدولة وثرواتها زي الدهب و النفط هتدعم جيش انه يحرر الدولة دي و تخسر مصالحها
▪ مفيش شعب هرب و جري علي مخيمات و معسكرات نزوح خوفا من الموت .. هيرجع يموت عشان ارضه و مقدراته
و هو قاعد في دولة تانية مرتاح و مأنتخ و بيهوي علي لامؤاخذته .. ومنتظر ساعة الصفر عشان ينزل يولع في الاخضر و اليابس فيها و يعتدي علي جيشها و مؤسساتها .. عشان تتحول لزريبة و خرابة تلم الكل و يبقا لا تعايرني و لا اعايرك .. جهنم ولعت في بلدي و بلدك .. و نتقبل بعض بقا و نتقاسم المذلة سوا 🤷🏻‍♀️🤷🏻‍♀️

مفيش .. مفيش .. مفيش عشروميت مفيش 🤷🏻‍♀️🤷🏻‍♀️

تنظيم الاخوان المسلمين تم صناعته في ال MI 6 من اجل اعتلاء حكم الدول اللي تم اجلاء الاحتلال البريطاني عنها
من اجل اعادة احكام السيطرة علي مواردها و تفريغها من كل المؤسسات الوطنية

الله .. هما مش كانوا واخدين قرار بتفكيك الجيش المصري عشان مكنش لهم خلايا نايمة جواه و لا احنا بننسي 🤔
انما في السودان .. عمر البشير نجح في خلق جيش من ميليشيات الفكر الاخواني .. اللي هو انهاردة بيفشلك كل خطواتك في انك تحافظله علي بلده 🤷🏻‍♀️🤷🏻‍♀️

✨ مواجهة الحقيقة شئ مؤلم جدااا ... لكن الاقتناع بيها و التعامل علي اساسها
بيضع الانسان علي الطريق الصحيح لاتخاذ قرارات سليمة و الحد من الطموح العاطفي الذي لا يسمن و لا يغني من جوع

هذا العالم سئ للغاية يا عزيزي اندوريا .. سئ الي حد الدرجة التي تجعلك تزدري فيها شعورك بالانسانية او العاطفة تجاه الاخرين 👌🏻👌🏻

🔵 شكلي و انا بتفرج علي المحللين السياسيين البطخجية اللي كانوا بيقنعوكم بمدي خطورة الامارات علي الامن القومي المصريين و متبنيين فكرة العبث الاماراتي بالامن المصري وربيبة اسرائيل و بتاع
و فجأة من امبارح بيطبلوا للامارات .. و بيشرحلكم عظمة المفرزة القتالية 😂
♦عارفين ليه انا مبسوطة
عشان اثبتوا انهم لا اصحاب مبادئ و لا فكر.. لأنهم جهلة سياسيا
لأن صاحب العلم السياسي مبيغيرش مبادءه و افكاره لأنها مبنية علي مبدأ القياس السياسي اللي ميعرفش عنه حاجة الحلمبوحة بتوع الفيسبوك😂
📌عارفين هما غير مبادءهم ليه 👈🏻عشان مكاتب جوازات الوطنية اللي بتختم للناس هوياتهم ده وطني و ده امه يهودية و هما اصلا انصاف متعلمين وعرر يهوهو عليهم
خايفين حد يخبطهم بوست تشهير من بتوع اووووه نووو انه يهاجم الريس يا سطلع بابا .. ياله من خاين يا سبونچ بوب🙄
خايفين يدافعوا عن افكارهم .. لانها خرافات نابعة من جهل بالعلم

فتلاقي بقا يأثروا السلامة
و يمسكوا الطبلة و دووم تك امارات دووم تك اتفاقيات دووم تك حلفاء 😂

المجد للثابتين اللي مبيخفوش قلب الاسد👌🏻
بفكر اعمل نظام اسمه التعليم علي القفيات
و امنع فيه اللب الاسمر عشان بيتخن
و اسمح بالبوب كورن
عشان نتسلي😎

🔵 بنتدلع بقالنا اسبوع اهوووو .. وسيباكم
مش نكمل سلسلة #علي_من_نطلق_الرصاص بقا و لا اييييه 🙄🙄

📌 الحلقة دي اكاديمية جداااا .. كلها ارقام و معادلات و مصطلحات
تقدروا تحتفظوا بيها تقروها علي مهلكم
او تقسموها
او تذاكروها 😂

المهم اني هعمل لايف في خلال يومين عشان اجاوب علي اي استفسارات فيها .. اسئلة .. اشرح اجزاء مبهمة او صعبة
بنظام المحاضرة كده " و اللي هيغيب هيشيل المادة 🤨 "

لاني عارفة صعوبتها
هديكم وقتكم قبل اي تعليقات و علي اقل من مهلكم المهم عندي انكم تعرفوا الحقيقة 👌🏻👌🏻

هاااااا ☝🏻☝🏻

🔵 #مؤامرة_انفجار_التضخم:

♦انت گ مواطن بتسمع كل شهر تصريح حكومي ب إننا قدرنا نكبح التضخم و نخفضه
الكلام ده صدق و لا كذب 👈🏻 طبعا كذب قولا واحدا

▪هل انت گ مواطن بتنزل السوق بتلاقي الاسعار انخفضت 👈🏻 لا .. مبيحصلش

📌 طب هي الازمة فين
ليه التصريحات متضاربة مع الواقع .. و ليه اصلا الحكومة بتكذب .. و ليه اصلا مش قادرين نتحكموا في اسعار و لا تضخم

في المقال ده حضرتك هتفهم كل حاجة
لكن بعتذر .. في الحديث و الشرح عن التضخم لازم الكلام يكون اكاديمي .. مش سرد
لازم يكون اقتصادي بحت و بشكل دراسة علمية
و إلا يبقا بلاش منه 🤷🏻‍♀️🤷🏻‍♀️
---------------------------------------------------
🔘 الازمة عندك في مصر و اللي لا الحكومة دي و لا اي حد فيها ذهنه رايح لها او ممكن يفكر فيها او يوجد لها علاج
اننا مش بنعاني من تضخم لحظي .. او تضخم متغير
احنا في مصر عندنا حاجة اسمها التضخم التراكمي

📌 اللي هو ايه يافندم التضخم التراكمي 👈🏻 مجموع التضخمات اللحظية
يعني حصلت ازمة ما
ف الاسعار ارتفعت محدثة تضخم
ف يتم اهماله و اهمال سبل علاجه اعتمادا علي عنصر الوقت ان بانتهاء الازمة هيزول السبب ف يزول التضخم " ده علي فرضية ان الاهمال مش متعمد و مش خيانة داخلية 😎 "
ف قبل زوال الازمة تظهر ازمة تانية تأثيراتها اكبر
ف تتراكم علي اثار الازمة اللي قبلها .... و هكذا 👌🏻👌🏻

♦سنة الاساس اللي انا هشتغل عليها هي نهاية 2021 " اغلاق العام المالي 2021 عالميا "
ليه اختارته 👈🏻 لانه قبل حرب روسيا و اوكرانيا و التضخم العالمي
🔸التضخم المعلن في مصر وقتها حسب الحكومة 👈🏻 9.6%
🔸خط الفقر بالجنيه المصري وفقا لتقديرات الجهاز المركزي للتعبئة و الاحصاء 👈🏻 1400 جنيه مصري " و ده علي حسابات الدكتور كمال الجنزوري الله يرحمه و مجموعته الوطنية

كان في 2020 👈🏻 875 ج
و تم رفعه الي 1400 ج في 2021
ثم رفع الي رئيس مجلس الوزراء في 26 ديسمبر 2021 و رفض التوقيع عليه
و وصي بتثبيته عند 875 جنيه ورقيا
لكن جهاز التعبئة و الاحصاء ممشيش علي الرقم ده لأنه خيالي
انما رئيس مجلس الوزراء كان لازم يتمسك بيه عشان عنصر من عناصر الخديعة الكبري 👈🏻 احنا معندناش فقر مدقع .. دول اعداء النجاح اكيد 🙄🙄

🔷🔶 بنود الدراسة " الحيثيات " :
1/ اختيار عدد 6 اسواق شعبية تمثل الشريحة الاكثر انتشارا للمواطنين
" هل رقم 6 ده عشوائي 👈🏻 لا يا فندم .. ده شريحة تمثل نسبة محافظات 20% من اجمالي عدد المحافظات
يعني لو مصر 29 محافظة .. ف 6 اسواق دي تمثل 20% و ده متوسط العدد لاعداد الاستقصاء 👌🏻 "
2/ احتساب اسعار السلع وفقا لمعادلات المتوسط المرجح
3/ احتساب التضخم بناءا علي نسبة السلال من اجمالي سلة التضخم
و المقسمة الي :
سلة غذاء - سلة طاقة و خدمات _ سلة الانتقالات و المواصلات _ سلة السلع الخدمية گ التعليم و الصحة _ سلة السلع الغير دورية مثل الاجهزة المنزلية و المفروشات و ماشابه
و في الدراسة التالية تم التركيز علي سلة الغذاء - سلة الطاقة - سلة المواصلات
باعتبارها السلال المتحكمة في حياة المواطن المصري
▪و بناءا علي تقرير الجهاز المركزي للتعبئة و الاحصاء في 25 ديسمبر 2025
▪وتقرير البنك الدولي الصادر عن مصر في 31 يناير 2026 باعتباره احد الممولين للموازنة المصرية و احد الدائنين .. مما يخول له احقية تقييم الحياة الاقتصادية و الاجتماعية في مصر
▪و كذلك تقرير وزارة المالية المقدم في المراجعة المالية لصندوق النقد الدولي خلال شهر مارس 2026

ف إن :
سلة الغذاء تمثل 32.7% من سلة التضخم
سلة الطاقة تمثل 18.5% من سلة التضخم
سلة الانتقالات و المواصلات تمثل 6.5% من سلة التضخم

4/ المعادلات الحسابية المستخدمة في الدراسة :
هي معادلات كلاسيكية قد وضعها الاقتصاد الكلي .. وهي مستخدمة من كافة المؤسسات الدولية بما فيها وزارة المالية المصرية
P.O = {( N.P - O.P ) ÷ O.P } × 100

و ذلك لحساب نسبة التضخم

و كذلك معادلة حساب قيمة العملة وفقا لقوتها الشرائية
C.V = 1 ÷ ( 1+ I.R ) ~

5/ تتناول الدراسة شرح وضعية اقتصادية تسمي 👈🏻 ضريبة التضخم التراكمي المكتوم
و كيفية خلق الطبقة المنكشفة في ترتيب الهرم المالي للطبقات الاجتماعية
و تأثير ذلك علي معدلات الفقر

6/ عناصر الدراسة :
اجمالي 14 عنصر
8 عناصر من سلة الغذاء
4 عناصر من سلة الطاقة و الخدمات
1 عنصر مواصلات

⚫ الانتقال الي خطوات الدراسة :
♦1/ الاسواق التي تم اختيارها :
▪ محافظة القاهرة :
سوق الوايلية بمنطقة العباسية
سوق منطقة حلمية الزيتون
▪ محافظة الاسكندرية :
سوق باكوس الشعبي
▪ محافظة الغربية :
سوق ستوتة الشعبي بجوار المحكمة
▪ محافظة سوهاج :
السوق البراني ب طهطا
▪محافظة اسوان :
سوق السيل بجوار المعصرة

" ملاحظ : اني اخدت القاهرة و وجه بحري و الدلتا و الصعيد و جنوب مصر
ده اسمه عينة متسعة النطاق الجغرافي👌🏻 "

♦ 2/ جدول تحليل التضخم التراكمي بناءا علي ارتفاع الاسعار
" يلاحظ ان السعر القديم هو سعر السلعة في نهاية 2021 من واقع بيانات قياس التضخم الخاصة بالحكومة
و السعر الحالي هو سعر شهر ابريل 2024 "

" طبعا تليجرام مش بيدعم اكسل شيت .. ف هنسقها علي قد ما اقدر "

المرتبة : العنصر : س.قديم : س.حالي : نسبة الزيادة

1 : كنتالوب : 5 : 25 : 400%
2 : بطاطس : 5 : 20 : 300%
3 : اسطوانة غاز : 70 : 275 : 292.5%
4 : سكر حر : 7 : 27 : 285.7%
5 : برتقال شتوي : 7.5 : 25 : 233.5%
6 : دقيق حر : 7 : 20 : 185.7%
7 : دواجن حية : 34 : 95 : 179.4%
8 : بنزين 92 : 8.25 : 22.5 : 172.7%
9 : ارز حر : 12 : 32 : 166.5%
10 : سولار : 8.25 : 20.5 : 148.5%
11 : لحم احمر : 275 : 500 : 81.5%
12 : غاز منازل : 2.85 : 5 : 75.4%
13 : كهرباء : 1.06 : 1.55 : 46.5%
14 : مواصلات : : : 110%
اجمالي نسب التضخم : 2678.2%

بالقسمة علي عدد 14 عنصر
يصبح نسبة التضخم التراكمي في مصر 👈🏻 191.3%

" عشان كده حضرتك مهما يطلعوا يقولوا التضخم انخفض هم كاذبين .. لأن التضخم مادام تجاوز 100% ف الحالة دي اسمها انفجار سعر ناتج عن تضخم تراكمي 🤷🏻‍♀️🤷🏻‍♀️ "

📌 ملاحظات توضيحية علي الجدول :
▪ تسعير الغاز المنزلي تم بناءا علي اختيار الشريحة الاكثر شيوعا مجتمعيا و هي الشريحة الثانية
▪ تسعير الكهرباء تم بناءا علي اختيار الشريحة الاكثر شيوعا و هي الشريحة الرابعة
▪ النقل و المواصلات :
تم تحليل ارتفاع اسعار تذكرة مترو الانفاق
و كذلك اتوبيسات شركة السوبر جيت باعتبارها قابضة حكومية
و كذلك تذاكر القطارات لسكك حديد مصر
بالاضافة لشركات التطبيق الذكي " ديدي .. اندريڤ "
و كذلك المواصلات الخاصة " الميكروباصات في المحافظات الستة 👌🏻
▪ كل عنصر تجاوزت نسبة الزيادة السعرية فيه 100% وفقا لمعادلات الاقتصاد الكلي يصنف عنصر منفجر سعريا " اي تجاوز حالة التضخم الاعتيادية "
▪ انتقاء السلع الغذائية و تنوعها تم وفقا لمعدل السعرات الحرارية التي يحتاجها الفرد وفقا لما قدره البنك الدولي و منظمة الصحة العالمية للاطفال و الاشخاص البالغين

" يلاحظ : تجاهل الالبان و الاجبان و الخبز و الدواء كما تتجاهلها الحكومة في حال اعداد معدلات التضخم 🙄 ... الحكومة بتعتبر اللبن رفاهيات ملهاش لازمة 🤷🏻‍♀️ "

‏( ملاحظة هامة جدا : غير مسموح تفريغ الدراسة من مضمونها بتعليقات تمثل فرديات زي فارق سعر اللحمة عندنا 525 مش 500
انا نبهت في البداية المعيار السعري ‏)

✨و بناءا علي ذلك فإن اجمالي ارتفاعات العناصر ال 14 الممثلة لسلتي الغذاء و الطاقة هو 2678.2%
يقسم علي عدد 14 عنصر
ليكون الناتج هو 191.3%
قيمة التضخم التراكمي لسلتي الغذاء و الطاقة 👌🏻👌🏻
----------------------------------------------------
ننتقل للجزئية التانية :
🔘 طيب ازاي بيتم اللعب في رقم التضخم و تزييفه بأرقام اقل بكتير :
📌 اولا : هتجاهل التضخم التراكمي تماما
و اركز علي التضخم الشهري
ف اقول مثلا :
مارس : الطماطم كانت 20 جنيه
ابريل : السعر اصبح 30 جنيه
يبقا هنا التضخم بتاعها كاااام 👈🏻 50%
مايو : السعر بقا 25 جنيه
يبقا التضخم انخفض ب كام 👈🏻 16.6%
يبقا اصبح كام 👈🏻 50% - 16.6% = 33.4%

يبقا ورقيا و رقميا التضخم بينخفض ... لكن آليات الحساب نفسها غلط لأن ال 20 جنيه الاساس مش هي السعر السوقي العادل للسلعة 🤷🏻‍♀️🤷🏻‍♀️
📌 ثانيا : و دي طريقة النصب و الاحتيال اللي بتعتمدها حكومتنا الرشيدة بتاعت بكار
و هي ايييه 👈🏻 يوسع قماشة العناصر اللي بيحدد عليها التضخم
و يعمل تباديل و توافيق
ازااااي 👈🏻 يشيل الالبان و الاجبان اللي بالفعل ارتفعت او ثابتة سعريا
و يحط سلعة زي الهاند بليندرز و محضرات الطعام
و هي فعلا رخصت " لانه بياخد عينة او اتنين من الماركات كلها "
يشيل الطماطم لأن كان فيها ازمة و هرية العروة و ما العروة
و يحط مكانها حافظات السجاد
" انا مش بضرب امثلة من عندي .. ده الجدول السلعي بتاع الحكومة فعلا 👌🏻 "

✨ يبقا هنا الملاحظة العلمية اييييه :
ربما يظهر رقم نسبة التضخم مثلا 70% .. في حين ان سلتي الغذاء و الطاقة فقط تجاوزت ال 191%
و ذلك لانه يتم سحب العناصر المؤثرة من السلال الاعتيادية .. واضافة عناصر اخري غير اعتيادية

ف كلما تم اضافة عناصر ذات زيادات منخفضة .. او انخفاضات الي جدول التحليل
يتم سحب نسبة التضخم للاسفل
و ايضا يضاف اسعار تذاكر المستشفيات الاميرية " الحكومية " و التي عادة تدون بالنسبة صفر%
و كذلك المصروفات الدراسية للمدارس الحكومية " و التي لا تمثل اطلاقا ارتفاع تكلفة التعليم

لذلك : تظهر بعض الحكومات التي اعتادت مبدأ النصب و الاحتيال في دفاترها ان نسبة معدل التضخم انخفض لديها الي 13% 😎
و ذلك بناءا علي انتقاء عناصر و تجاهل اخري التي تمثل سلتي الغذاء و الطاقة لحساب سلع مثل المشاية الكهربية و القلاية الهوائية 👌🏻

🔸وطبعا الحكومات دي بتطلع علي المواطن تقوله : احمد ربنا يا حيوان احنا نجحنا نخفض التضخم
و الغلبان المواطن هيتجنن ازااااي يا جدع ده انا مرتبي مش مكفي وجبة الغدا بس 🤔
و كمان بيرفعوا تقارير بالارقام اهي .. للقيادة السياسية بإن ارقامنا بتتحسن
و قدرنا نكبح التضخم سيادتك من 36% الي 13%
ف القيادة السياسية بتعبر عن ثناءها علي ذلك المجهود الخارق بتجديد الثقة ... و كله بالارقام اهوووو الناس دي شقيت و تعبت معانا انت اللي مواطن متمرد رافض تبني بلدك 🤷🏻‍♀️🤷🏻‍♀️

و شوف بقا الصياعة في العرض .. ان الجدول السلعي للتضخم يكون فيه مشايات رياضية و اجهزة صالات رياضية
- ليه 🤔
- اصل الطلب زاد عليها ف زودنا دخولها السوق
- الطلب زاد يعني الناس مقبلة عليها
- الاقبال علي الصالات الرياضية و شراء معدات الرياضة = رفاهية

يبقا مش ان الشعب اتفقر و طلعان عينه وحرفيا بيوفر وجباته الغذائية بالعافية و الدروس الخصوصية و الادوية مبتلعة كل موارده المالية ... لااااااااااء ده عايش بيبحث عن الرفاهية

و ده يعد ايييييه يا عزيزي 👈🏻 نجاح حكومي 🤷🏻‍♀️
" انا جبتلك عنصر واااحد بس من عناصر التضليل .. انما القايمة طويلة 😒 "

انا مجبتش سيرة انك مواطن تعيش حياة الفقراء بس بيدفع ضرايب گ الميسورين و يحاسب علي الانترنت گ الاثرياء و دي مبتحصلش في اي مكان في العالم 🤷🏻‍♀️🤷🏻‍♀️

عرفتوا الزتونة فيييين
و جاوبتكم علي سؤال ليه و ازاي 😎
---------------------------------------------------
ننتقل للجزئية التالتة :
🔘 تأثير التضخم التراكمي علي الجنيه " القوة الشرائية للعملة " :

ببساطة المعادلة موجودة 👇🏻👇🏻

C.V = 1 ÷ ( 1 + 191.3% ) ~ 0.34 pound

يعني قيمة الجنيه الواحد اصبحت تعادل 34 قرش بالظبط

ده اثره ايه :
▪ انخفاض القوة الشرائية للعملة بنسبة 66%
▪انخفاض قيمة المدخرات بنسبة 66%
▪ احتياج الفرد ل 3 اضعاف دخله للحفاظ علي مستواه المعيشي و ما عدا ذلك هو انزلاق تحت خط الفقر
▪ ارتفاع الدين العائلي بنسبة 66%
" ما هو حضرتك هتعوض الفرق من الاستدانة "

‏( ملحوظة : نسبة الديون العائلية للمواطنين هي واحدة من مؤشرات تحديد خط الفقر اقتصاديا ‏)

زوربيح معلومات اقتصادية مجانا اهوووو .. الكلام ده بفلوس
ده بيتاخد فيه كورسات بيندفع فيها دولارات 🤨🤨

♦ طب ما الدولة بتدي علاوة دورية و زيادات 🤔
حاااضر ... ننتقل للنقطة الهامة
📌 موقف العلاوة الدورية من انخفاض قيمة العملة :
▪الموازنة اقرت علاوة رواتب و اجور 👈🏻 زيادة بنسبة 21%
في حين ان التضخم التراكمي 191.3%
اي ان خسارة المواطن من راتبه وفقا للقوة الشرائية = 171.3%
▪ الموازنة اقرت للمعاشات " الفئة المكروهة دوما 😒 " 👈🏻 زيادة 15%
في ظل تضخم تراكمي 191.3%
اي ان صاحب المعاش فقد 176.3% من قوة معاشه الشرائية

عشان كده بتسمع اصحاب المعاشات بتصرخ و تقول المعاش مش مكفي اسبوع من الشهر اكلزو شرب بس .. و المعاش كله مبقاش مكفي قيمة الادوية

لأن المواطن عايش في تضخم 191.3% ... وانت بتعوضه بنسب حقيرة و الله 😏😏
هيكل رواتب و معاشات ضد قواعد الرحمة و العدل الالهي .. ضد وجود سنة الله في الكون

و وفقا للارقام :
▪ راتب 10000 ج في سنة الاساس 2021
قوته الشرائية اليوم 👈🏻 3400 جنيه فقط
--------------------------------------------------------
و ده ينقلنا بالطبع للجزئية الرابعة :
🔘 انخفاض القوة الشرائية للعملة و تأثيرها في معامل خط الفقر :

📌 نتعرف علي ايه هو خط الفقر الاول طيب
خط الفقر اقتصاديا 👈🏻 تكلفة البقاء في الحياة

مش الجوع .. مش الجوع خاااالص
لييييه 👇🏻
لأن الجوع و عدم القدرة علي توفير وجبة واحدة يوميا يصنف فقر مدقع
بينما القدرة علي توفير وجبة واحدة علي الاقل يوميا يسمي حد الكفاف
و يشترط في ال3 مصطلحات قدرة الفرد علي تملك مسكن و تسديد فواتير الخدمات السكنية

دي ☝🏻☝🏻 مصطلحات و تعريفات اقتصادية مش سرد حكائي

نعتمد ال 1400 ج للفرد هو خط الفقر 👌🏻

و اذا افترضنا ان عدد افراد الاسرة 4 افراد " مسمي العدد المثالي للاسرة " زوج وزوجة و طفلين
▪ سنة 2021 👈🏻 1400 ج × 4 افراد = 5600 ج
ده الدخل للاسرة الفقيرة
▪ سنة 2026 👈🏻 1400 ج × 4 افراد × 3 اضعاف " القوة الشرائية " = 16800 ج
طب لو العيلة 5 افراد = 21000 ج

يعني وفقا للاسعار و التضخم و معدلات الفقر
العيلة الفقيرة في مصر التي يتراوح عددها من 4 ل 5 افراد .. لابد ان يتراوح دخلها من 16800 ج الي 21000 ج
عشان تعرف تعيش بشكل آدمي

✨ طب نشوف كده سبب تثبيت خط الفقر عن 875 ج " لحكمة في نفس يعقوب " :
▪ سنة 2026 👈🏻 875 ج × 4 افراد × 3 اضعاف = 10500 ج

بردو اعلي من الحد الادني للاجور اللي هو 8000 ج 😁

" بس بتتقدم ازااااي 👈🏻 الزوج و الزوجة بيشتغلوا .. ف لو علي الحد الادني يبقا دخل الاسرة 16000 جنيه
ازيد من احتياجاتهم ب 5500 جنيه .. و هو ده حماية الطبقات الاكثر فقرا .. وتحقيق الرفاهية لهم ب 5500 جنيه
و ده عظمة برنامج الاصلاح الاقتصادي اننا نقفز بالاسرة المصرية فوووق احتياجتها

و انا اقتنعت 🤔
خلوهم يكملوا مسيرة النجاح يا ولاد 🤷🏻‍♀️🤷🏻‍♀️

ارقام دي و لا مش ارقام يا ست چيلان يا قاسم 😡

cuuuuuut
هايل يا فنان
مش هنعيد و الشمس مش هتروح مني
لا فعلاااا مكافحين و ارقامنا بتتحسن .... مش نصابين خالص 😎😎 "

♦بس هو ممكن تيجي معايا مشوار لحد دفاتركم " اصل انتوا عندكم مشكلة 👈🏻 مبتعرفوش تقيفوا اصل الرقم فالناتج بيكون شبه عملية الترقيع في وجود حمل من حرام 🤷🏻‍♀️🤷🏻‍♀️ "

🔹من قلب دفاتر الحكومة اللي اعتمدها البنك الدولي
عن معدل الاجور في مصر لموازنة 2025 / 2026 :

▪القطاع العام و الاعمال :
* الذكور 14540 ج
* الاناث 15206 ج
ويشمل 4 مليون و 800 الف من اجمالي القوي العاملة اي انه يمثل 15% من المشتغلين
▪ القطاع الخاص :
* الذكور 5998 ج
* الاناث 4929 ج
▪ الانشطة الاعلي اجرا :
* الذكور : 19897 ج
* الاناث : 17725 ج
" و هذا القطاع يمثل 7% من القوة المشتغلة في مصر

و بذلك تصبح النسبة المعتمدة هي النسبة التي يمثلها موظفي و عاملي القطاع الخاص و هم نسبة 78%
و بناءا عليه راتب الزوج و الزوجة لا يصل لحد الفقر 16800 ج التقديري و يلامس حد الفقر الورقي 10500 ج

و دي اللي اسمها الطبقة المنكشفة 👈🏻 الفقراء الجدد = 78% 🤷🏻‍♀️🤷🏻‍♀️

♦نحسبوها بشكل تاني :
بناءا علي ارقام توزيعة الاجور
و اعتماد نسبة من 5% الي 6.5% تتركز في يدهم الثروة " ده اعتماد حكومي من التعبئة و الاحصاء "

ف إن الهرم الاجتماعي في مصر :
* من 5% : 6.5% اثرياء
* من 6% : 7.5% متوسطة " متشبثين "
* من 45% : 48% فقراء جدد
* من 35% : 38% فقراء
* من 9% : 10% فقر مدقع

الاجمالي من 100% ل 110%
ال 10% الاضافية ترحل للطبقة الاعلي تحت طبقة الاثرياء
لتصبح نسبة الفقر = ‏( 45 + 35 + 9 ‏) - 10 👈🏻 79%

◾ ملاحظة علمية : نسبة ال 10% .. نسبة التأرجح تظهر بقيمة سالبة دوما في جدول تحسن الاجور
لذلك يتم ترقيتها للطبقة الاجتماعية الاعلي و ليس الاقل باستثناء وجود طبقة حائزي الثروة
لأن النسب الاصدق دائما في جداول التحليل لمعدلات الفقر هي الادني بينما تصنف النسب الاعلي گ نسب احترازية 👌🏻👌🏻


🔷🔶 كده اتوضح الارقام الحقيقية في مصر اييييه
و التضخم ظروفه ايييه
و ليه انت مش قادر تعيش و بتصرخ و مش فاهم هو انت جاني و ظالم و مش طمران فيك و لا مجني عليك و عمال تنحدر و مش عارف ليه 🤷🏻‍♀️🤷🏻‍♀️

عرفنا ليه البنك الاهلي و مصر و التجاري رفعوا الفايدة في شهادات جديدة ل 17.5% .. مع ان ده اجراء منافي لتصريحات الحكومة ب إن التضخم بينخفض و بينزل جامد اهووو 🤷🏻‍♀️🤷🏻‍♀️
البنوك مش قادرة تجاري الكدبة .. والسيولة اللي بتنسحب من الكريدور انخفضت تماما 🤷🏻‍♀️🤷🏻‍♀️

🔹 بعددما دمرت انجازات كاملة و ضيعت كل ايرادات الدولة علي فشل ادارتك لديونك
و نفذت تعليمات صندوق النقد عشان تتكافئوا بمناصب برواتب مليونية في نيويورك
و افقرت 78% من الشعب
و لسسسسسه هتفقره لما ترميله 150 ج مقابل الدعم النقدي و الرغيف يوصل ل 6 جنيه
من حقي اعرف 👇🏻👇🏻
▪ هل ده تم عن جهل و غباء و قلة حيلة و لا عن عمد و ترتيب
هل مخطط اسقاط مصر عن طريق افقار شعبها و اثارة الغضب حصل كده بالصدفة .. و لا جدول زمني حطه الصندوق
هل تزييف الارقام نجاة من المواجهة و لا اجندة في حد بيديرها

لو دي أجندة و في مسئولين عن تنفيذها و في متعاونين معاهم
من حقي اعرف ليه وازاي اتعمل فينا كده ووصلنا لكده
عشان من حقي اعرف #علي_من_نطلق_الرصاص 👌🏻👌🏻

🔵 من حوالي 20 يوم ظهرت فيديوهات لاطفال من غزة معضوضين من فئران .. و الانروا قالت ان انتشاو القوارض بين الخيام و النازحين بقا كتير جدا " انا معرفش فيران ايه و جت منين اصلا في انهيارات المباني دي 🤔 "
📌 و بعدين سمعنا عن سفينة هونديوس الموبوءة ب فيروس هانتا اللي حامله كان بينضف بدروم بيته من الفئران 🤔
📌 بعدين اسرائيل اول امبارح اعلنت عن ظهور حالة تأكد اصابتها و الصدفة بقاااا انه مستوطن من غلاف غزة 🤔

يا تري ايه بيتجهز عشان ينجزوا بقااااا🤔

و علي رأي الست انغام الصدفة بتجمعنا .. ساعات بتجمعنا و ساعات بتفلسعنا 🤷🏻‍♀️🤷🏻‍♀️.. الست انغام دي غريبة جدااا 🤔🤔