🔵 #النوايا_الامريكية_الخبيثة:

لما بدأ مسلسل الحرب الايرانية دي
قولنا ان ترامب عايز يجرجر الخليج للنقطة الحرجة
انهم لما ايران تعتدي عليهم و تقصفهم .. يردوا

و يبقا في اختيارين :
▪ يا اما يرجع هو و اسرائيل خطوة للخلف و يسيب الخليج تنفذله رغبته بالقضاء علي النظام الايراني
و هنا هيكسب انه يكون وسط حلفاؤه و صبيانه انه مش بيبعهم .. ده الخليج اللي ضربكم مش احنا
▪ او ان دول الخليج تذهب للتحالف عسكريا مع اسرائيل اللي هي وكيل امريكا في المنطقة

طيب لم يحدث هذا و لا ذاااااك 👌🏻

و دول الخليج اما بدأت تاخد ردود افعال منفردة ... او تتجه نحو مصر
و ده بردو قولناه بالمناسبة
و قولنا الرئيس هيتحرك تجاه الخليج .. لأن تركهم معناه انهم يتسابوا يتجهوا لاسرائيل .. و ده اللي حصل 😎😎

ما هو امريكا و اسرائيل عارفين كويس ان القوة الرادعة الوحيدة لاسرائيل 👈🏻 هي مصر

🔹و كان اختيار توقيت المناورة بدر و مكانها في منتهي العبقرية
و اسرائيل لأول مرة تعبر عن استياء وغضب بدون الكبر و الاستعلاء المعتاد بتاعها
ف انت تحس بنبرة الغضب الممزوجة بخوف

▪ وتقديري الشخصي ان موضوع التشويش علي شبكاتهم العسكرية و شبكات الاتصالات و شبكة النظام الداخلية لدرجة تعطيلهم تماما
كان خير رد علي عنترية نتنياهو بإن عنده اسلحة خفية و متقدمة و كده 🙄
" و علي فكرة انا معتمدتش اللي تم نشره في الميديا المصري ... احنا تابعت ردود افعالهم من اعلامهم و من خلال تحليلات النخبة بتوعهم 👌🏻 "

🔸 زيارة الرئيس للامارات و سلطنة عمان في نفس اليوم
التصريحات الكويتية المشيدة بمصر
كلام ملك البحرين عن اهمية التواجد المصري
ردود فعل الدبلوماسيين السعوديين وعلي رأسهم وزير الخارجية عن مصر

كل ده يخلي ترامب يفتعل كمين للخليج

📌 الكمين ده عبارة عن ايه 👈🏻 حملة اعلامية
و بالفعل بدأت رويترز من امبارح تكتب تقارير عن :
▪ الامارات ضربت ايران في عملية خاطفة
▪ السعودية شنت غارات علي ايران اكتر من مرة ردا علي الاعتداء علي اراضيها

ف هل من المنطقي ان يكون في صواريخ او مسيرات او مقاتلات طلعت من الامارات او السعودية
و لم يتم رصدها في يومها 🤔

🔸طب هل الرادرات الايرانية مقدرتش ترصد
و لا اتلخبطتت بقا في الهوجة بتاعت اسرائيل و حسبت كله علي اسرائيل 🤷🏻‍♀️🤷🏻‍♀️

🔸و اسرائيل و امريكا اللي بيقولوا اقمارهم الصناعية راصدة القرد مخبي ابنه فين
سكتوا لييييه علي الغارات دي
هل ممكن حد يصدق ان اسرائيل تفوت فرصة زي دي
عشان متستغلهاش انها مش لوحدها اهووو اللي بيدافع عن نفسه ضد الاعتداء
و تدعم سرديتها المزيفة عن ابادة غزة و جنوب لبنان و احقيتها في الابادة دي و احتلال الارض
و الرؤوس تتساوي ... مستحيل يعني 🤷🏻‍♀️🤷🏻‍♀️

رويترز بقا " اللي هي ام التقارير الصحفية المزيفة اصلا 🤷🏻‍♀️ " بدأت الحملة
و هتلاقوا واشنطن بوست تاخد نقلا عن وكالة رويترز
بعدها اكسيوس
بعدها صحف عبرية ها آرتس ويديعوت احرونوت

و تناقل خبر عن خبر عن خبر
يحوله ترامب لحقيقة يبني سردية جديدة عليها تخدم أچندته 👌🏻👌🏻

✨ لا الامارات و لا السعودية نفوا و لا اكدوا و لااااا اهتموا خالص
و ده الصح
عشان يوفروا علي نفسهم حرب التصريحات اللي في النهاية بتكون استفزازية لغرض ما 👌🏻👌🏻

و اكيد انا بدعم الخليج ضد ايران
و بدعم موقفهم الثابت
لأن من الغباء اصلا تركهم يواجهوا الخبث ده كله لوحدهم
و من مصلحتي گ مصر ان الخليج لااااا يتورط في حروب .. لأنها ساعتها هتكون حرب شاملة في الشرق الاوسط يدمره تماما 👌🏻👌🏻

🔵 #رسالة_الي_الوالي:

من أعظم الجمل التمثيلية في كلاسيكيات السينما المصرية جملة يقولها حمدي غيث و هو يؤدي شخصية ريتشارد قلب الأسد
حين يتهاوي علي كرسي العرش المرصع بالجواهر الثمينة .. و قبل الجواهر كان يرصع بالنفاق و التملق و الرياء حتي من آرثر وزيره و اقرب المقربين له
يسقط مترنحا علي كرسيه ..ترتطم افكاره بالكرسي قبل جسده .. و تلوح في عينيه نظرة حسرة و هو يردد 👈🏻 كل حلفاءك خانوك يا ريتشارد .. و اليوم آرثر الأمين .. الكل باطل 👌🏻

ربما كان ترنح ريتشارد من صدمة خيانة هذا الارثر له .. ارثر باع ولاءه لانجلترا و لريتشارد في مقابل وعد أن يرث هو عرش اورشليم 👌🏻

تذكرت هذا المشهد الذي لا انساه ابدا لأظل متذكرة ان الكل باطل .. و أنا اطالع المجموعات المؤيدة للدولة علي الفيسبوك
أمسك بهاتف احد اصدقائي و اتصفح تلك المجموعات

اعلم جيدا أن الغالبية منها عبثي يقوم علي منشورات ساذجة تسعي لتسول الاعجابات
مثل تلك المنشورات التي تعتمد تجهيل المتابع " لقد تم ترشيحك من المخابرات العامة لتكتب تحيا مصر في 3 تعليقات " " وزير الدفاع يسألك ان كنت مازلت تحب الجيش المصري اكتب الجيش المصري رجال 5 تعليقات "

المتابع البسيط لا يعلم ان تلك المنشورات هي تسول لرفع اداء المجموعة ليس إلا ... و لكن الحب الجارف لدي المصريين تجاه هاتين المؤسستين يحركهم تلقائيا

نعم ضاقت بنا الارض بما رحبت و لم نجد في جعبتنا شئ ندخره للأيام سوي الجيش المصري .. ضقنا ذرعا كما ضاق لوط النبي من فجور قومه و لم نجد ركن شديد نأوي اليه سوي أن نمني انفسنا ان في جهاز المخابرات العامة من يشاركنا صراختنا
و قبل الجميع اصبحنا نتسابق في قول " لنا الله "

📌 و لكن ما لفت انتباهي خلال الايام الماضية هو منشورات و كأنها تحمل جس النبض او هناك من يملي تعليماته ليقيس احصاء ما

المنشورات تنحصر في 👈🏻 هل تؤيد ترشح الرئيس السيسي لولاية جديدة
و لأنني واحدة من دارسي علم الاجتماع السياسي .. ف أجد ان هذه المنشورات هي عملية استقصاء مبطنة
تواليها علي اكثر من مجموعة دون اعتراض من ادارة المجموعات علي تجاوز التعليقات التي تصل لحد السب احيانا يؤكد لي ذلك ... كذلك لا توجد انتخابات رئاسية قريبة .. مازال امامنا 4 سنوات كاملة سيموت فيها ربع الشعب المصري فقرا و كمدا و قهرا و لن تهتم البقية الباقية بشئ .. و ربما اكون مخطئة في تقديري وهي منشورات عبثية مثل باقي نوعية منشورات تلك المجموعات الفيسبوكية

و لكن ما لفت نظري هو الانحسار التام لشعبية الرئيس .. " دعونا لا نلتفت الي كيد امرأة العزيز الذي يمارسه راقصي آرثر الخائن و مأجوريه و مراودتهم لمشاعر البسطاء عن نفسها "
و لكن لابد ان يكون هناك شخص وااااحد علي الاقل ان ينتبه لما نحن مقبلين عليه .. شخص واااحد فقط يكن لسيادة الرئيس الاخلاص الحقيقي

ما لاحظته من التعليقات التي تجاوزت الربعمائة تعليق علي منشور واحد فقط .. لم يؤيد فكرة الترشح سوي 7 تعليقات فقط

و من 49 تعليق رافض .. تعليق واحد يؤيد
و هكذا
حين قمت بعمل " رسم بياني احصائي " هالتني الصدمة و احزنتني ايضا

🔹و ما آلمني : هو ان الجميع لم يعلق بكلمة نعم ام لا
بل ... الجميع اصحاب خصومة

لقد اصبحنا فرق حرب .. كل فرقة تتبني جبهة ما لتحارب عليها
1/ فرقة ترفض معللة رفضها بتدني المعاشات و شعورهم بالمهانة و صدمتهم بأنهم تم تركهم فريسة للفقر و لعدم القدرة علي كفاية احتياجاتهم
يختصمونك يا سيدي لأنك تركتهم بين خيارين
الموت جوعا ... او الموت مرضا
يعبرون عن سخطهم بكلمات يغلفها أخلاق هذا الجيل الذي تربي علي القيم التي اندثرت حاليا
و ينهون تعليقهم اما بحسبنة او دعاء مخيف " ربنا يضيق قبر اللي ضيق علينا المعيشة "

بيت الانسان هو قبره و ليس منزله الدنيوي ... ف كيف لي تصور ان اقع فريسة لذلك الدعاء المخيف عافانا الله جميعا من ضيقة القبر

2/ جبهة تأن من اللاجئين .. بل هناك من يربط انتخابه لسيادتك بترحيل اخر لاجئ
و التعليقات في هذه الجبهة متباينة ما بين تطرف في الخصومة لدرجة اتهام سيادتكم بجعل مصر مكب نفايات العالم في مقابل بضعة يوروهات من الاتحاد الاوروبي .. الي اقصي التطرف و استخدام عبارات تكاد تصل للتخوين للجميع بلا استثناء
وما بين من يتهم الجميع بأن مصر قيادة و حكومة و مؤسسات تعمل في خدمة اللاجئين بينما تتفنن في تعذيب الشعب المسكين
بل زاد الامر عند البعض تطرفا ليضعوا سيادتك و الحكومة و اللاجئين في كفة .. و يضعون الشعب في الكفة الاخري و كأن الكفتين متناحرتين

يبدو ان النقطة اللينة من بالونة ضغط المصريين ستكون اللاجئين

3/ فرقة اخري تبكي علي الهوية المصرية و التاريخ و الحضارة بكاء ام فقدت وليدها
يتألمون و يتهمون الجميع بالتفريط في مصر للافروسنتريك

و الامر ليس مجرد تعليقات
بل رصد احداث موثقة بفيديوهات و منشورات و صور
و كأنهم يجمعون ملف قضية هامة .. قضية العمر لهم

4/ جبهة البؤساء التي انتمي اليها
جبهة المهندس صانع السفينة تايتانيك
ذلك الرجل لم تكن مآساته ان سفينة صنعها تغرق ... بل كل وجعه انه صنع حلم داخله .. تايتانيك كانت اسطورته التي صنعها من احلامه الوردية و ها هو يقف شاهد عليها و هي تغرق

جبهة الاقتصاد المتهاوي الذي تكبله الديون الخرافية .. و عملة انتهت و لم تعد تقوي علي الحبو ارضا .. و موازنة افلست و تم ترقيعها ورقيا ..و تضخم بلغ الحلقوم و بلغ الفقر التراقي و قال العوز من راق و تيقننا انه الفراق

لم يعد يريد اي منهم رؤية او سماع شئ عن انجازات
لأننا اصبحنا نعلم اننا نعمل جميعا بمشروعاتنا .. بأحلامنا .. بمخططاتنا المستقبلية لسداد مديونية الصهيونية العالمية و مؤسساتها المالية

5/ فرقة تعيش حالة الصدمة من الجرأة في التفريط في ارض مصر .. ومخطط بيع مصر
و تعديل كافة القوانين التي تضمن عدم تملك الاجانب ... لفتح الابواب علي مصراعيها للغرباء ان يستولوا علي وطني
يترحمون علي مبارك الذي لم يفرط في شبر من ارضها " متناسين تماما صحيفة خطاياه و جرائمه .. و كأن كل الذنوب مغفورة الااااا ذنب التفريط في الارض " ... و لم أكن اتخيل ان يحدث ذلك يوما ما

و اشاركهم الرأي
الجوع .. المرض .. الفقر .. الجهل
ذنوب يمكن مغفرتها لدي الشعوب الاصيلة الحرة
اما بيع الارض ف هو كفر بالوطن

لم افسر قرار ارثر بفتح تملك العقارات اللامتناهي للاجانب الا بطابوهات التحكير التي منحها محمد سراج الدين والي فلسطين عن الدولة العثمانية للمهاجرين الصهاينة من كل بقاع الارض
لم اري امامي الا ان مصر تعرض في المزاد الدولاري كما بيعت فلسطين في مزاد الذهب
و تساءلت
هل سيعود اليهود الي مصر في صورة اصحاب عقارات بكل المحافظات
هل سيرتدي حفيدي في رقبته سلسلة فيها مفتاح بيتي و ينادي بحق العودة
بادرت الي ذهني فكرة مريعة 👈🏻 هجرة الانجليز الي مصر التي حدثت بأعداد كبيرة في اخر عامين 2024 و 2025 ليست صدفة .. بل هي تمهيد لتملك الانجليز بلادي من جديد
تباع الاراضي و السواحل و الاصول تحت مسمي الاستثمار .. و تباع الجنسية تحت مسمي جلب الدولار .. ف تحت اي بند اذن تباع العقارات بلا حد اقصي

سيادة الرئيس : متي ستبيعونني .. متي ستبيعون المواطن
ف كل شئ يباع بلا قيود و لا مخاوف مستقبلية
ام انا الشئ الوحيد الذي لا قيمة له في دفتر حسابات الدولارات .. أليس كذلك
تبيعون ما املكه ... اما انا فلا قيمة لي
اما نحن فنبيع الدماء من اجل هذه الارض ... لم نقتصر علي تقديم الشهداء في حرب اكتوبر 73

و لكن قدمنا شهداء في 2013 و 2011 و الحرب الشاملة و شهداء الكلمة مثل النائب العام و شهداء البالطو الابيض في كورونا و شهداء لقمة العيش
المصريين اسهل ما يملكون هو بذل الدماء حماية للأرض

6/ و فريق البسطاء .. البسطاء للغاية
الذين يتذكرون قدرتهم علي شراء لحم عيد الاضحي .. و خوفهم الان من ان شراء ما يناسب العيد من لحم يعني لهم جوع لباقي الشهر
البسطاء الذين ترتبط حياتهم بسعر الطماطم و لتر الحليب و قطعة جبن تسد جوع اطفالهم

7/ فرقة تضع في رقبتك مسئولية طردهم في الشارع
لتضررهم من قانون الايجار القديم
و عدم قدرتهم المالية علي البديل

و يتسائلون من بدل الرئيس السيسي الذي انتشل البؤساء من العشوائيات و عشش الصفيح ليؤمن لهم مجتمعات سكنية گ الاسمرات و بشاير الخير
و اليوم لا يبالي بتشريد آلاف الارامل و كبار السن
يقفون في مفارقة عجيبة لا يفهمون كيف تضحي بهم بكل سهولة هكذا

و يبدو ان هذا الملف هو قضيتهم الحياتية و التي صنعت الحاجز بين سيادتكم و بينهم

8/ اما عن جبهة الحرب في ملف العدادات الكودية ف حدث ولاااا حرج
الامر اشبه صراخ غريق لا احد يلوح له بطوق نجاة مثلهم مثل كل ضحايا الظلم الحكومي

9/ فرقة المتضررين من التعليم و انهيار منظومته
لا احد من المصريين لديه رؤية واضحة عن حال تعليم اولاده
و هذا امر طبيعي لوزارة تعليم يقودها وزير لم يكمل تعليمه من الاساس .. نعيش حقبة الكوميديا السوداء في كل شئ

10/ فريق ضحايا قوانين الاحوال الشخصية السابقة و اللاحقة
قانون الاحوال الشخصية الذي وضع ليزيد حجم التفكك الاسري و التشريد
لا افهم في قوانين الاحوال الشخصية ولا القوانين عموما عدا القانون الدولي .. و لا من اهل العلم الشرعي
و لكني اعترض علي نقاط كثيرة تقلل من ادميتي

ماذا لو لم تمنح المحكمة الطلاق للزوج في خلال ال3 سنين و وقع يمين الطلاق
ما هو وضع المرأة
امام الله هي طالق .. اما امام القانون زوجة
فماذا لو اتمت العدة و عاشرها الزوج تحت اي مسمي 👈🏻 يصبح هذا واقعة زنا بموافقة القانون

ماذا لو كان الامر رغما عنها 👈🏻 لا يحق لها ان تدعي ان ذلك كان اغتصابا .. لأن المحكمة تقر بأنها زوجته و نحن لا نعترف بالاغتصاب الزوجي
ماذا لو حملت بطفل 👈🏻 امام الله و وفقا للشريعة هو ولد زنا
الطلاق يا سيدي يقع بمجرد التلفظ به و هو من الثلاث الذي هزلهن جد كما شرع رسول الله صلي الله عليه و سلم
ما يناسب المجتمعات الاوروبية التي تعتمد الزنا اسلوب حياة و لا يعدونه سلوك خاطئ
لا يناسبنا لأننا نملك منع نهائي عنه من الله {وَلَا تَقْرَبُوا الزِّنَا ۖ إِنَّهُ كَانَ فَاحِشَةً وَسَاءَ سَبِيلًا}
ساء سبيلا : اي انه طريق يؤدي لسوء العواقب
لم يجعلها الله بين بين ... بل كانت قاطعة ب لا النهي ... بل زاد الامر لتحريم الاقتراب منه اي الوقوع في شرك التفكير فيه ثم الوقوع في الاثم

اصبحنا نقوم بترقيع القوانين التي تهدم ثوابت الدين
و گ أي انسان عاقل اكره الطلاق و وقوعه كما يكرهه الله عز و جل فقد احله و لكنه جعله اكثر الحلال المكروه لديه " أبغض الحلال " .. لكنه تم شرعه لحماية المجتمع من ارتكاب جرائم اكبر

كون ان نسبة الطلاق في مصر ارتفعت بشكل مبالغ فيه .. الدين ليس المذنب
المذنب هو سوء الاحوال الاقتصادية و الفقر و عدم قدرة الازواج علي توفير سبل الحياة لزوجته
أنتم سبب الطلاق و ليس الدين .. فلماذا تعاقبون الدين بقوانين دنيوية سنهلك بها جميعا كما هلكت اقوام كثيرة قبلنا

لإخفاء نسبة الطلاق المرتفعة بدلا من ان نتجه لدراسة اسبابه ومحاولة معالجته
نتجه لمنعه في تحدي سافر لنصوص القرآن
گ المرأة التي تجمع الاتربة تحت سجادة الغرفة حتي لا ينتقد الغرباء عدم نظافتها ... بل كان يمكنها ان تنظف الغرفة و تغلق النافذة التي تتسبب في دخول الاتربة

اغلقوا نوافذ الفقر و العوز .. تستقر الاسرة المصرية

لم يخبرك أحد ان هناك حالات عزوف عن الزواج اصلا الحكومة تدفع الشباب اليها
بعدم توفير مسكن مناسب لدخله .. و بعدم توفير راتب يعينه علي الحياة .. و بعدم تناسب غلاء المعيشة مع الرواتب الفردية فما بال شاب بمسئولية أسرة و زوجة و اطفال
و حتي الحفل الذي يشهر فيه الزفاف حكومة الجباية شرعت قانونا جديدا في 11 مايو الجاري يلزم الشباب بدفع رسوم لها لمجرد انه تجرأ علي الحلم ب " قاعة فرح "
نحن نعيش عصر السفالة الضريبية يا سيادة الرئيس

من يقف خلف مخطط العزوف عن الشباب و تفشي الطلاق الشفهي و الوقوع في الزنا
ألست سيادتك من طلبت انهاء وضع المطلقات شفهيا لأنه ضد انسانيتها و تدمير لحياتها
ها أنت اليوم تقف امام برلمان "ارثر" الذي يحاول تمرير قانون يخلق جيش من المطلقات شفهيا المعنفات المغتصبات الزانيات بحماية القانون 🤷🏻‍♀️🤷🏻‍♀️
أليست هذه مؤامرة ضد سيادتكم شخصيا قبل ان تكون مؤامرة ضد المجتمع المصري

تريد الحد من الطلاق 👈🏻 جد حلولا للمأساة الاقتصادية التي نعيش فيها .. و لكن لا تعبث بشرع الله
عبثنا به و استحللنا يسر الربا و بالغنا فيه ليصبح الربا اسلوب حياة و هو مصدر الرزق فتقاسمنا الاثم مع اليهود
نعم يا سيدي اننا نعيش علي ربا النسيئة و ليس ربا البيوع او الفضل الذي أحل لنا اللجوء اليه مضطرين و لا بديل الا الهلاك و اخترنا ربا النسيئة او ربا الديون .. ف أورثنا الله الفقر كما وعد في القرآن
ف هل نحن علي اعتاب مرحلة جديدة نستحل فيها الزنا تحت مظلة القانون 🤷🏻‍♀️🤷🏻‍♀️
لم اقرأ باقي القانون و لن اقرأه ف أول القصيدة كان كفرا
و لكن هذا الشعب " الطيب " لديه قرون استشعار عالية الحساسية تجاه الامور التي تسن في الظلام لتهدم الاسرة و تشرد الاطفال
و في تاريخه لم يعترض علي قانون يمس الاحوال الشخصية إلا وكان محقا 👌🏻👌🏻


لقد اصبحنا جزر معزولة في وطن واحد
جزر كل منها تواجه وحيدة امواج عاتية ... طوفان يفور تنوره
فمن يعصمهم من الماء و علي اي جبل تستوي سفننا
جزر كل منها تحمل جيش يحارب في اتجاه معين كل تلك الهجمات التي نتعرض لها جميعا في نفس الوقت
لا يوجد شعب علي الارض يتعرض لكل تلك الحروب في آن واحد
لا يوجد شعب يتعرض لكل تلك الهجمات المروعة في آن واحد بل و يقود الهجمات حكومته نفسها

حرب علي الهوية .. حرب لسرقة الحضارة .. حرب لسرقة الارض و الوطن .. حرب لقمة العيش و محاولة الحياة .. حرب استبدالنا بشعوب اخري .. حرب علي الاخلاق و القيم .. حرب طمعا في الحدود .. حرب تستهدف اقتصاد الجيش لنزع القدرة المالية منه ليفقد القدرة علي التسليح و الردع العسكري .. حرب في العقد الاجتماعي " التعليم و الصحة " .. حرب مفتعلة لاصطياد الجيش المصري خارج حدوده حتي يتسني لهم افتراسنا وحيدين

من الذي يستطيع تحمل كل ذلك .. لا يكلف الله نفسها إلا وسعها يا سيدي
أما ما تفعلونه بنا فوق طاقتنا

لم يكن هذا المتفق عليه بين سيادتكم و بين الشعب في 2014 ... ف إن كنت سيادتك قد غيرت بنود الاتفاق
كان يجب أن يؤخذ برأيننا

علي سبيل المثال يا سيدي :
في عام 2016 وعدتنا بتحقيق الاكتفاء الذاتي من العديد من المحاصيل .. و عاوناك و تحملنا ما تطلقون عليه اجراءات الاصلاح الاقتصادي و فقدان قيمة العملة
و بالفعل وصلنا لنقطة اكتفاء في محاصيل كثيرة في عام 2019 .. لنتفاجئ و سيادتك معنا تتفاجئ ايضا بتغيير اتجاه المنحني للاسفل

و اليوم تخبرنا ان لا يوجد شئ اسمه اكتفاء ذاتي ل 110 مليون مواطن
برغم ان تصحيح الجملة " اكتفاء ذاتي بنسبة 100% " ... هذا صحيح
و لكن اين الاكتفاء الذاتي في السلع التي قد حققته بالفعل

اجيبك انا يا سيدي 👈🏻 نهشه ضيوف سيادتكم .. ضيوفك وحدك و ليسوا ضيوفنا
نحن لا نريدهم في بلادنا
و نرفض استضافتهم
الاكتفاء الذاتي خطة اعداده كانت ل 110 مليون .... غير متضمنين 20 مليون ضيف
لذلك عدنا لمرحلة العوز و الاستيراد بالعملة الصعبة و الاستدانة
اي ان سيادتكم تضعنا في مأزق الاستدانة من اجل اكرام ضيوف غير مرغوب فيهم
تريد تحقيق الاكتفاء و تقليل عبء العوز 👈🏻 قم بطرد الشعوب التي تحتل ارضنا تحت مسمي اللجوء ... الحل بسيط 🤷🏻‍♀️🤷🏻‍♀️

و لماذا نفتتح مشروع عملاق ثم نتركه للمستثمرين " مع شرط علي المستثمر ان يزرع محاصيل معينة "
لماذا من الاساس يذهب خيرنا للمستثمرين ... الذين سيأتون بمزراعين من جنسيات اخري .. عمالة رخيصة الاجر

و في الاصل نحن شعب " فلاحين " اعتدنا فلاحة الارض ... و ورثنا كوننا مزارعين من اسلافنا القدماء و قدسنا الخصوبة الزراعية و الثروة الحيوانية و دوننا جني المحاصيل و الفيضان و الجفاف علي معابدنا
جميع سكان مصر من المصريين مزارعين و اصولنا فلاحين

امنحها للشباب كي لا يدفعوا مبالغ طائلة للهجرة الغير شرعية
ألم يخبر سيادتكم اي شخص ممن حولك ان هناك 96 ام و اب وقفت علي الشاطئ لتلقي جثمان 96 شاب .. و ان البحر في مرسي مطروح لفظ اثني عشر جثمان متحلل .. رفض الاحتفاظ بها و لفظها ك بصقة في وجوهنا ليرينا سوءة أعمالنا التي يزينها لنا الشيطان و عبيده

▪حين سأل سيادتك احد طلاب الاكاديمية العسكرية في مناسبة ما عن وضع اللاجئين و غضب المصريين
أجبت سيادتك " يرضيك اسيبهم يغرقوا في البحر "
ليقتضب الطالب اجابته " لأ يا فندم " و هو يعلم انه لا يقول الحقيقة
ليتني انا التي كانت تقف امام سيادتكم
لاقول بأعلي صوت " نعم يرضيني " .... و يرضيني ايضا ان يذهبوا ليعيثوا فسادا في الاتحاد الاوروبي الذي سرقهم و سرق ثرواتهم و جعل منهم حيوانات بشرية لتجارب الفيروسات المميتة
ف لست انت و لا نحن من نهبنا ثروات هؤلاء السود الذين احرقتهم نيران الاحتلال كما احرقت الشمس طبقات بشرتهم
نعم يرضيني ان يذهبوا الي شواطئ الدول التي احتلتهم و ان غرقوا ف تلك اقدارهم
و لكن لا يرضيني ان يغرق وطني بهم .. و تغرق مقدراتي بهم .. و تغرق اجهزتي الامنية سعيا لمنعهم من ارتكاب كوارثهم .. و فوق كل ذلك ليذهب منهم 96 مليون الي الجحيم في مقابل ألا يغرق شااااب واحد مصري 🤷🏻‍♀️🤷🏻‍♀️

نعم يرضيني ان تتركهم يلاقوا مصيرهم و اتحمل عن سيادتكم الذنب امام الله " ان كان ذنبا من الاساس " ف درء الضرر مقدم علي جلب المنفعة شرعا و وجودهم اكبر الضرر ... لو كان هذا المانع في انقاذ بلدي منهم ف انا الذي اوعز إليك بتركهم و انا المسئولة امام الله ......... أهذا كافي ام مازلنا عالقين في اقاويل اخري
سيادة الرئيس /
عن ابن عباس .. قال رسول الله صلي الله عليه و سلم "خيركم .. خيركم لأهله .. و انا خيركم لأهلي "
و نحن أهلك
و سيادتك غير مسئول عن قارة كاملة ... نحن فقط اهلك 🤷🏻‍♀️🤷🏻‍♀️




✨ فخامة رئيس الجمهورية عبدالفتاح السيسي
احب ان اخبرك انك وضعت ثقتك في شخص " ارثر " الذي تفنن في خلق مختصمين لك من شعبك و ينتزع من سيادتك الرصيد الذي تملكه عند هذا الشعب بلا هوادة
و مازلت تعاند مع هذا الشعب و تصر علي بقاءه لينتهي من المخطط المكلف به لتدمير مصر

من حقي گ مواطنة مصرية أن احصل علي اجابة لسؤالي : أي ملف نجح في ادارته من تنصبه حكومة مصر
لقد اخفق في كل الملفات كااااافة
بل و قد اصبحت جلية گ شمس الظهيرة انه يتآمر ضدك و ضدنا و ضد هذا الوطن 🤷🏻‍♀️🤷🏻‍♀️

استطاعوا عزل سيادتك عن شعب‏(ك‏) ... نعم ضمير الملكية يعود لك
ف سيادتك لم تأتي بحزب و لا بتذكية اجنبية و لا حتي بانتخابات متعددة الاختيارات
لقد حملك هذا الشعب علي اعناقه
و وضعك علي كرسي الحكم
لأنه رأي فيك البطل الذي انتشل مصر‏(نا‏) من غيابات الجب
و نعم ضمير الملكية يعود علينا .. لأننا لن نتركها لأحد يفرط فيها ما حيينا
رأي فيك الفارس الذي يرمم جراح شعب لم يجد من يحنو عليه .. و انتظروا منك ان تحنو عليهم
ليتفاجئ الجميع انهم ينتقلون من اجراء صعب لآخر اصعب لما بعده أصعب و اصعب
و الجميع يحمل راية الامل
و نشد آذر بعضنا بعضا
و نشدو بالاناشيد الحماسية
و نبتسم و نحن ننتظر غد مشرق يذوق فيه هؤلاء الصابرين طعم الجبر بعد الصبر

و استيقظ الجميع علي وطن غارق في الديون و الفقر و التراجع و الغرباء و الطامعين و المحتلين
وطن يباع كالعبيد في سوق اثرياء من طبقة قرون اوروبا الوسطي
وطن يأن بالمرض و لا نملك حق دواءه

استيقظنا لنجد أن سيادتك ذهبت في واد .. و تركتنا في واد
شيدوا حولك ابراج و سياج .. مثلما شيدوها علي من سبقك

و عدنا ليتم نعتنا ب شعب نمرود .. سوداوي .. لا يشبع .. لا يملأ عينه الا التراب كما كان يسمينا السادة من آل مبارك

سيدي فخامة الرئيس
سيادتك تعيش في مصر لا نعرفها نحن .. و نحن نعيش في مصر لا تعرفها سيادتكم

سامحني و اغفر لي ذلة لساني ان قولت لك اني لك ناصح أمين : لا تستهين و تهين الظهير الشعبي .. فذلك الظهير هو من آتي بفخامتكم علي رأس حكم مصر
و هو الداعم الوحيد لاستمراريته

لا يوجد شئ في العالم يسمي ان الشعبية اخر همي
لأن فخامتك تحكم شعب .. اي ان قوام الحكم كله قائم علي شعبية هذا الشعب
التي تترجم لاصوات انتخابية و لمنشورات رضا و تأييد و دعم و لدعوات صادقة بالنصر و الثبات

علي مر تاريخ العالم شرقا و غربا
طبقة la créme de la créme لم تنصف حاكم
و لم تثبت حكمه
و لم تزهر تاريخه
بينما البوليتاريا " الحرافيش " هم الرهان الرابح
لأن قيمهم و صدقهم و انتماءهم لا يسمح لهم ابدا بالقفز من المركب .. بل خيارهم
اما نجونا بها او غرقنا معا

✨ سيادة فخامة الرئيس /
عد إلينا ... إلي صفوف العامة
الي صفوف العجائز اللائي منحتك احداهن قرطها الذهبي و هو كل ما تملك ... اي انها لم تبخل عليك بكل ثروتها
الي صفوف الاطفال الذي ظهر منهم عبد الله ذو الخمس سنوات الذي حمل صورتك في الميدان و قال " دي صورة ابويا السيسي "
الي صفوف الشباب الذين ملأوا الميادين في 26 يوليو 2013 تلبية لنداءك
الي صفوف مؤيديك بعلم و الذين استماتوا في الدفاع عنك و عن حلم الجمهورية الجديدة و الوطن العظيم و اليوم نقف امام الجميع لا نملك ما نقوله و نعجز حتي عن اجابة سؤال " اين الرئيس "
الي صفوف جيل 67 و 73 الذي تستند عليهم دوما في اي استحقاق سياسي .. هؤلاء الذين علموا جيلي الصبر
الصبر علي حب الوطن .. الصبر علي الامل .. الصبر علي الفداء و التضحية و خير ما علمونا
الي صفوف الفقراء الذين لا يجيدون النفاق و لا يملكون الملايين و لكنهم منحوك دعوات من القلب هي التي تظلك بظلها اليوم
الي صفوف اطفال قادرون باختلاف و ذوي الهمم هؤلاء الملائكة الذين يفتقدون عطفك الابوي عليهم منذ 28 فبراير 2024 .. منذ عامين و يزيد
هؤلاء الملائكة الذين كانوا يكيلون لك البسمات و الضحكات و العناق و الايدي الحانية الخالية من كل نفاق العالم التي كانت تربت علي كتفيك التي تنوء بحملها
و حل محلهم طفلة غزة التي لا تشبهنا و لا ترتدي ملابسنا و لا تتحدث بلساننا
و تجيد النفاق الصهيوني في حين ان ملائكتنا لا يعلمون بأن الارض بها شئ اسمه نفاق من الاساس

اقدم لك النصح لأني احبك
ف لا احد ينصح احد لا يهمه امره 🤷🏻‍♀️🤷🏻‍♀️

✨ سيادة الرئيس الجميع من حولك باطل
الاعلام باطل .. التقارير الحكومية باطلة .. رياء رجال الاعمال باطل .. نفاق ذوي رأس المال باطل

اما نحن .. ف نحن الحقيقة الوحيدة في هذا الوطن
و تأكد ان نور الحقيقة قادر دوما علي اختراق ظلام الباطل

هل اجد بين اروقة الظلام الذي حولك من يذهب إليك لينير لك عتمة العزلة عن الشعب
هل اجد بين اصوات النفاق و الرياء و التمامات الوهمية و التقارير الكاذبة و الادعاءات الباطلة صوت صادق يذهب إليك ليتأبط ذراعك و يأتي بك بيننا
هل اجد من بين كل هؤلاء الذين يحجبون عنك شمسنا من يلقي علي عينيك بقميص يوسف ليرتد إليك بصرك بنا .. أم ستبيض أعيننا من الحزن علي ابتعادك عنا

أشفق عليك يا سيدي من كم النفاق و الكذب و التضليل المحيط بك ... فلا طاقة لانسان بكل هذا وحيدا

عدوك وعدونا في منتهي الخبث ياسيدي
أحكم حبائله بإتقان

و سيأتي يوما تكتشف فيه أن ارثر الامين هو أيضا باطل 🤷🏻‍♀️🤷🏻‍♀️
حينها ستجدنا علي الجانب الاخر من مصر ننتظر قدومك
ربما البعض سيعتريهم اليأس

و أما انا أنتظر الامل دوما
لن أمل الصراخ و لا النداء
و لن افقد عزيمتي
و سأصمد في معركتي حتي لا افقد وطني
لن ارتدي سلسلة بها مفتاح بيت سكنه غيري .. و لن احمل هوية نزوح .. و لن اعيش في وطن يملك ترابه غير بني جنسيتي و جنسي .. و لن أقبل باستبدالي في ارضي .. و لن اترك سلاحي قط حتي أذوق الموت

نحن نقف علي الجانب الاخر سيادة الرئيس .. الجانب الذي فيه الوطن و ليست شعارات الوطنية التي يرتديها الكثيرين گ ثوب شفاف يظهر سوآة عوراتهم
ننتظر ..... گ يعقوب عسي الله أن يأتينا بيوسف فصبرا جميلا و الله المستعان علي ما يصفون 🤲🏻🤲🏻

🔵 انا مش هبيع الصدق بالاكاذيب
و لا اقولش للحمل الوديع يا ديب
و لا اقولش للديب يا اعز حبيب

و الصدق مهما عز
في الازمة مش ههتز

و انا مهما اقع راح اقوم
و دي #مسألة_مبدأ

بجد بص اتأمل اما الكدب يتصدق
يا ليل تطول بكرة تلقي الفجر بيشقشق

و انا في انتظار الصباح
انا احتويت الجراح

و دي #مسألة_مبدأ 😎😎😎

Listen to مسألة مبدأ by Noour Ali on #SoundCloud
https://on.soundcloud.com/QqCNSZ3xfWfbU1HGCr

🔵 و عليكم السلام يا حج يا اللي بيقولوا عليك حزب الكنبة ... كنبة لما تقع عليهم تفطسهم 🤲🏻🤲🏻

انت فاهم صح و صح اوي و بفطرتك السوية السليمة كشفت الخيانة و تنفيذ اجندة بيع مصر

قووووول .. قووول وعلمهم يعني ايه وطن
قول للأنتان و الانجاس اللي بيترقصوا لمدبولي علي السوشيال و يقولوا لنا اصل انتقاده يبقا انتقاد للدولة

قووول يا حج
طب و ربنا عدلة مزاج احلي من 10 فناجين قهوة من ايد عدلات 🤷🏻‍♀️🤷🏻‍♀️

الراجل البسيط اللي حياته ومجتمعه جوا ارضه بهيئته البسيطة و لغته السهلة .. خايف من فكرة تكوين الكانتونات و الجيتوهات
و الرمم اللي علي الفيسبوك بيبرروا و يقولوا خطة جلب دولار
اهو الحج قالكم ينعل ابوكم لأبو الدولار

#الفلاح_المصري_العظييييييم ❤

⚫ مبروك للزملكاوية يا سيدي 😏⚫

السادة الادمنز : اخصمولي من كل عضو 200 يورو غرامة تحفيل 😏😏

🔵 #وشهد_شاهد_من_أهلها:

البوست ده مش للمصريين .. نووووو ده لرقاصين الحكومة ورئيسها " عواد " و شمشرجية مكتب جوازات الوطنية

يا تري هيردوا عليه ازاااااي 🤔🤔

🔘 ركز معايا كده في اللي جي عشان اللي تايه لسه .. يعرف بوصلته فيييين 👌🏻

🔷🔶 آرثر استحدث منصب و هو بيشكل الحكومة الجديدة اسمه 👈🏻 نائب رئيس الوزراء للشئون الاقتصادية
و عين فيه الدكتور حسن عيسي

♦الدكتور حسن عيسي بقا راح مطلع تصريحات
" اقسم بالله بحييه علي شجاعته "
قال :
◾الوضع العام للديون مأساوي

قولت ايه علي صوتك كده 🤔
قال لفظا 👈🏻 الوضع مأسااااااوي

و ده معناه ان الراجل شاف ما لاعين رأت و لا اذن سمعت و لا يخطر علي بال احد من غسالين سمعة آرثر " او عواد .. هو ألقابه كتير 🙄 "
📌 انا اقولكم بقا شاف ايه 👈🏻 ▪شاف ان الديون كلهاااا عطلانة .. و ان الدولارات اللي بيتم اقتراضها بفوايد .. بتروح عشان تسدد ديون تانية بفوايد تانية
ف الرقم عمال يتفاقم يتفاقم لحد ما خلاااااص هينفجر قريب جدا
▪شاف ان مارس الماضي فقط الحكومة اقترضت 198 مليون دولار
و ساااااحوا
فلوس تم اصدار بيها سندات و اتحصل فلوسها و دخلت في بنود وهمية
▪ شاف ان شريحة الصندوق الاخيرة
كانت 2.700 مليار دولار
تم خصم 400 مليون منهم عشان سعر الكهربا مزادش
" لكن الغلطة اتلحقت .. كلكم لو رحتوا تشحنوا الكروت هتلاقي عليكم حاجة اسمها مديونية قيمتها من 250 ل 400 جنيه .. و انتوا مش عارفين بتوع ايه ... صح 🤔
ده زيادة و فرق تسعير يا حبيبي باوامر الصندوق 🤷🏻‍♀️ "

لكن اللي تم اقراره وقتها اننا نصرف 2.3 مليار فقط
و بالفعل الحكومة وفقت
لكن انت بقا تستلم المبلغ في ايديك ... و دي تيجي بردوووو
حضرتك عليك 1.1 مليار دولار قسط للصندوق ف تم خصمه
يتبقا 1.2 مليار دولار
اتسدد بيهم سندات يورو متأخرة من استحقاقات سندات اليورو بتاعت ديسمبر 2025

ف تبقا مخدتش و لا دولار .. ولاااا دولار دخل البنك المركزي
و دي مصيبة
ف الراجل ضميره نكز لسانه و قاله متكذبش و متجملش .. قول الحقيقة
الوضع مأساوي 🤷🏻‍♀️🤷🏻‍♀️

◾قال كمان 👈🏻 85% من ايرادات الموازنة تأتي للاسف من الضرائب
اومال ايرادات المشروعات فييييين
وديت مشروعات الدولة فين يا حاااازم 😏😏

🔹هل احنا معملناش مشروعات تجيب ايرادات الدولة 👈🏻 لا عملنا و الله
مصانع كتير تم افتتاحها
و انا اللي كنت بنفسي برصد الافتتاحات دي و اسرد لكم المنفعة العامة لها ... و انتوا شهود عليا

فين بقا راحت المجمعات الصناعية دي
▪هل متوقفة عن العمل و الموضوع كان افتتاح تجريبي و لم تدخل خطة انتاج
▪ هل بيعتوها و احنا قاعدين طرابيش كده مش داريانين

يعني ليه ايرادات الدولة من غير الحصيلة الضريبية 15%
▪هل منطقي ان كل حجم الصادرات بتاعنا ارباحه كماااااان داخلة في ال 15% دول
▪صافي ارباح القابضة للكهربا و القابضة لمياه الشرب و غاز مصر فيييييين

◾ قال كمان 👈🏻 المناخ الاستثماري في مصر لا يتعدي 4 من 10
و ده لأن احنا معندناش استثمارات قومية

هل لما د. حسن عيسي يتسأل علي وضع الديون و يرد و يقول الوضع مأساوي
و هو احد رجال الحكومة
يبقا طالع يكدب علينا .. طب هل د. حسن عيسي اللي كان معروف انه رجل الموازنة في البرلمان و كان نائب معين و ماسك اللجنة الاقتصادية و حاليا احد رجال الحكومة 👈🏻 بيحرض ضد الدولة و لا بيعترف بوضع كارثي الدولة محطوطة فيه

بداية علاج المرض هو الاعتراف بيه اساسا
و هو ده اللي حصل 👈🏻 اعترف بالمرض 🤷🏻‍♀️🤷🏻‍♀️

✨ف لما يطلع كچوك انهاردة يقول اننا حققنا انخفاض في الدين اعلي من اي دولة في الاقتصادات الناشئة
انت هنا بتقارني بسيرلانكا اللي اعلنت افلاسها اصلاااا 🤷🏻‍♀️🤷🏻‍♀️
انت هنا بتضللني و بتضلل القيادة السياسية بجملة حقيقة باطنها باطل 🤷🏻‍♀️🤷🏻‍♀️
و كفاااااية تزوير تقارير لحد كده بقا
و وزارة المالية لا هي مكانك .. و لا انت تصلح تكون وزير مالية لأن الدين الخارجي في عهدك زاد 24 مليار دولار برغم كل السداد
و الدين الداخلي زاد 42 مليار دولار
ف انت خربتها يا احمد يا كچوك و فاضل بس تقعد علي تلها 😏😏

⚫ ندخل بقا علي خندق ماريانا اللي وقعنا فيه :
تقرير الجهاز المركزي للمحاسبات عن الحساب الختامي لسنة 2024/ 2025
" ما هو موازنة 2025/2026 لسه مخلصتش "

و انا الحقيقة قبل ابص علي التقرير ... اعجبت جدااا بالمرافعة و الخطبة العصماء اللي قام بيها البرلماني السيد احمد عبد الجواد و دفاعه عن الاختلاس و اهدار المال العام و المغالطات الكارثية اللي رصدها الجهاز المركزي للمحاسبات
و اللي علي اثرها حول ملفات معينة للنيابة
و برغم ذلك الجبهة الوطنية و اللي هي بتمثل الاغلبية من البرلمان " اغلبية ايه 🙄 .. بتمثل البرلمان كله 😏 " وافقت نياااااابة عن الشعب علي الحساب الختامي رغما عن الجهاز المركزي للمحاسبات
استنادا لأن الشعب مصدر السلطات .. و هما نواب الشعب

" فاكرين في شهر اكتوبر لما قولتلكم البرلمان القادم ده هيكون اسوأ من البرلمان اللي أضر بالرئيس السادات اللي كانوا بيساوموه .. و انه جي من اجل حاجة واحدة فقط و هي شرعنة اجرام الحكومة 🤷🏻‍♀️🤷🏻‍♀️
انا عمرررري ما قولت كلمة عشوائية و لا كلمة مطلعتش في محلها 👌🏻 "

✨ الجهاز المركزي للمحاسبات ده يبقا المحاسب اللي بينوب عن الشعب في فلوسه
يعني يشوف فلوس البلد جت منين و اتصرفت في ايه
و ده من اعلي الجهات السيادية في الدولة ... و مستقل تماما
" يعني مستحيل يكون بيحرض ضد الدولة و لا الرئيس و لا الحكومة ... ااااه فكر كأنك معرض للجناب 🙄 "

انا مش هحكيلك حيثيات الرفض للحساب الختامي و التقرير لانها مصطلحات مالية و اقتصادية بحتة لازم متخصص يفهمها
هقولك بعض النقاط اللي فسرها التقرير :

خد عندك يا سيدي :
📌 توصلنا لاهدار للمال العام في مجموعة مبالغ قيمتها ما يقترب من 31.9 مليار جنيه
و فندها
اهدار في هيئات حكومية .. مصروفات للنشاط الحكومي مكررة
رواتب لوظايف مش موجودة اصلاااا
و تعديلااااات مالية لارقام مصروفات بزيادة مستمرة
" جبنا طباشير ملون ب 10000 جنيه و طباشير اخضر ب 5000 جنيه
ما هو الاخضر ملون 🤔
لا ده لون مركز يا بني رككككز 🙄🙄 "

المبرر بتاع كوچك ايه بقا 👈🏻 فرق عملة
فرق عملة 19 مليار جنيه 🤔
انت بتشتري المهام الورقية من نيوزلندا 🤔

📌مخالفات مالية للهيئات الاقتصادية
حيث عدم قدرتها علي تحقيق اي مستهدفات استثمارية او بيعية
مع استمرارية الصرف في خارج نطاق الاعتمادات المالية المحددة و تضخم الخسائر الدفترية
🔹 ترجمي يا چيلان يا قاسم 🤔
حاضر يا باشا
يعني هيئة او مؤسسة اقتصادية المفروض انها بتدر ايرادات للدولة في حدود Z مليار جنيه
" ده اللي هو طاقتها في تحقيق الايراد "
و طبعا اي هيئة بيتخصص لها مبلغ مالي تصرف منه " بوكيت موني يعني "
عشان تأدي التارجت بتاعها و تحقق المستهدف Z ده
▪ ف اللي حاصل ان الهيئات دي بقا .. مبتبيعش و مش بتستثمر و مش بتحقق الايرادات
لكن خلصت المصروف بتاعها
و عملت مستندات تثبت انها بتصرف اكتر
و سحب ضعف المصروف المخصص لها
و بالتالي بما ان المصروف تضاعف و الايراد متحققش
يبقا النتيجة خساير دفترية ضخمة
" علي سبيل المثال: واحدة من الهيئات صارفين 67 مليون جنيه انتقالات وسفر لغرض العمل
لييييييييه يا عم .. ليييييييييه بتسافروا في صواريخ اورشنيك بتاعت بوتين 🙄 "

علي فكرة التقرير موجود علي موقع الجهاز المركزي للمحاسبات .. واي رقم حد يعطل فيه انا في الخدددددمة عينيا و الله 🙄

🔺 ف انت هنا لازم تسأل 👈🏻 يعني ايه يا بيه بتشتغلوا طول السنة و مجبتوش ايرادات
بتبوظوا الهيئة لصالح ميييين 🤔🤔 " الهيئة دي ممكن تكون شركة قابضة مثلا "
بتطلعوها محققة خساير 3 اضعاف الايراد اللي كان مستهدف لييييييه 🤷🏻‍♀️🤷🏻‍♀️

📌 المستشارين و المكافآت:
و الحقيقة حيثيات الاعتراض اللي كاتبه المركزي للمحاسبات
لو مرافعة وكيل نيابة في قضية
القاضي لازم يحكم بالاعدام 🤷🏻‍♀️🤷🏻‍♀️

قالك 👈🏻الحكومة تجاوزت الحد الاقصي للاجور و المرتبات ضعفين .. و صرف المكافآت وبدلات 4 اضعاف
لخبراء ومستشارين دون وجود عائد انتاجي ملموس يبرر حجم هذا الصرف
و مفندهم بقا

غالبا اي حد بيعدي علي مكتب الجانب بيقول للمساعدين " اعطيه .. و الله اعطيك اللاند كروز حجي حاتم الحاتم ابو حاتم صاحب توكيل الطيور المهاجرة 😏😏 "

طب انا بقا گ مواطنة متخصصة .. احب السادة الحكومة يقولولي ايه الاستشارة اللي اندفع قصادها 300 الف جنيه
و كانت في ايه
و العائد بتاعها ايييييه 🤷🏻‍♀️🤷🏻‍♀️

اصل استشارات الاقتصاد بتكون مدعومة بدراسات و ارقام و اسباب
مش عنده اسهال اديله انتينال 🤷🏻‍♀️🤷🏻‍♀️

ممكن تطرح علينا كده 10 استشارات مثلا للناس اللي اخدت مكافآت و بدلات دي 🤔🤔

📌 التقرير اتكلم عن نقطة مهمة جدا .. تدل علي عجز الحكومة 👈🏻 الاستثمارات الفاقدة
🔹 و دي يعني ايه :
مشروعات سواء قومية او حكومية
تم ضخ مبالغ مالية ضخمة لانشاءها .. دون تشغيلها

و دي مشروعات خلصت من 2020 و مشتغلتش
طب ليه مشتغلتش
طب ليه تم ضخ فلوس بالديون .. و مشتغلتش

الاجابة 👈🏻 اصل الظروف السياسية الراهنة لا تسمح

🔸ايه يا فندم علاقة حرب غزة مثلا بإني ابني مجمعات صناعية عملاقة و مشغلهاش 🤔
ده زي مثلا الجيران عندها ميت .. ف احنا مش بنشغل التلفزيونات مجاملة 🤔

ايوا ايه السبب ان مشروع اتعمل بالديووووون .. متعملوش خطة انتاجية و مجبش عائد و مطلعش سلعة تنزل السوق المحلي او تتوجه للتصدير

ايه الظروف السياسية الراهنة دي اللي منعتنا نشغل المشروعات طيب 🤷🏻‍♀️🤷🏻‍♀️

ف الجهاز المركزي اصدر في تقريره 👈🏻 تعمد الحكومة تفويت عوائد اقتصادية علي الدولة
مما ساعد في تفاقم رقم عجز الموازنة .... و تقلص الايرادات التي تحتاجها الدولة في الوفاء بالتزاماتها
الجهاز المركزي للمحاسبات اتهم الحكومة ب " تعمد " تفويت عوائد علي الدولة ‏( الاخت الرقاصة اللي هناااااك دي بتاعت انتقاد مدبولي هو انتقاد للرئيس لن نقبل به .. سمعاني يا اوووختشي 😒😒 ‏)

📌 الجهاز المركزي للمحاسبات توصل الي 930 مليون جنيه مصروفات
بدوووون مستندات
و لا بنود صرف

و كوچك مش فاكر اتصرفوا في ايه
ما يقرب من مليار جنيه في دولة بتسأل الله حق النشوووووق اتصرفوا بلا مستندات .. و وزير المالية مش فاكر اتصرفوا في ايه 🙄🙄

تم اختلاسهم يا حبيبي
عشان انت حرامي يا حبيبي
و الاختلاس بيطلع نثري دايما في الدفاتر يا حبيبي 🤷🏻‍♀️🤷🏻‍♀️

📌 ارتفاع مبلغ عمولات الارتباط بالقروض الاجنبية :
🔹 ترجمي يا چيلان 🙄
حاااضر

المفروض اي قرض الحكومة بتقدم عليه .. بتقدم معاه فايل مسببات احتياجها للقرض
يعني مثلا هعمل مدارس
و بتاخد القرض علي شرايح او نقدي علي حسب الاتفاق
الجهة المانحة للقرض بتيجي بعد 3 ارباع مالية " 9 شهور " تشوف انت وصلت لايه
تلاقيك معملتش حاجة 👈🏻 تقوم فارضة عليك رسوم احتجاز اموال دون استخدامها
الرسوم دي اسمها اقتصاديا عمولات ارتباط قروض اجنبية

🔸 طب ايه اللي حصل 👈🏻 الحكومة بتقدم علي قروض بمشروعات وهمية
تاخد القروض تسدد بيها قروض قديمة
تيجي الجهات الممولة متلاقيش المشروعات
ف تقوم هابدة الدولة رسوم احتجاز

كااااام بقا جهاز المحاسبات لقاها 👈🏻 768.2 مليون جنيه 🙄
عن سنة واحدة فقط
و في عن سنين مضت و بنتحاسب عليها فايدة مركبة 🙄

الكلام و الالفاظ اللي جوايا لو قولتها .. هبقا محتاجة احرر رقاب عشان اكفر عنها 😒😒

📌 تعالي بقا للضربة القاضية حرفيا
اللي هو بيت ابوك خرب .. إلحق خودلك قالب
البند اللي يخلي اي انسان في قلبه شوية حب للبلد دي يعيط
✨ تحميل الباب الثامن بأعباء وهمية :
الباب التامن في الموازنة هو الباب الخاص باقساط و فوايد القروض و سدادها

رصد الجهاز المركزي للمحاسبات اختلافات كبيرة بين المبالغ المسددة گ قروض محلية و اجنبية
و بين الحركة الفعلية في مركز الدين العام

🔹 يعني مبالغ طلعت من بند المصروفات تحت بند سداد اقساط و فوايد قروض
لما راح عند القائمة المالية لمركز حركة الدين العام 👈🏻 ملقهااااااش

كام المبلغ ده يا مؤمن 👈🏻 2.4 مليار جنيه

قالك فرق عمممممملة
يا عم ينعل ابوك لابو العملة اللي سرقتنا بيها السرقة دي كلها 😡😡

هي دبيحة يا بني .. هو مال كفرة يا حبيبي بيتسرق عاااادي كده 🤷🏻‍♀️🤷🏻‍♀️

انا هتجنن .. اقسم بالله هتجنن

📌 رصد جهاز المحاسبات 284 الف وحدة سكنية و وحدات ادارية وصناعية
في مناطق متعددة
منها المدن الجديدة و مدن الجيل الرابع
و تتضمن 141 الف وحدة اسكان لمحدودي الدخل
تم بناءها و غير مباعة
" وصفها الجهاز انه تعمد تحويل هذه المدن الي مدن اشباح 😒 "

قيمتها كام 👈🏻 146 مليار جنيه بالقيمة السوقية للاصول .. اعتبرتها الحكومة اصول ميتة

يعني الشقق بتاعت الغلابة اللي مش عارفين يوفوا الشروط .. اصل مفيش محدود دخل .. دخله السنوي 125 الف جنيه يعني 🤷🏻‍♀️🤷🏻‍♀️

بدل ما تبيعوها بالتكلفة للناس .. اعتبرتوها اصول ميتة
اللي هو ده انا اقتلها و انت متخدهااااش 😏😏

لو نتنياهو هو رئيس الوزرا معتقدش انه ممكن يعمل اكتر من كده في المصريين 🤷🏻‍♀️🤷🏻‍♀️

سرقة في الموازنة واهدار مال عام و تدمير مقدرات تقترب من نص تريليون جنيه .. في حين ان عجز الموازنة 2025 ظهر بقيمة 1.26 تريليون جنيه
الشعب هو اللي اتحملهم
و عشان تسددوه بتبيعوا اراضينا و سواحلنا 🤷🏻‍♀️🤷🏻‍♀️🤷🏻‍♀️

🔘 الجهاز بقا وصل التقارير دي لعرضها علي مجلس الشعب
و ده المسار الدستوري
و بكده دوره الدستوري انتهي

المفروض ان مجلس الشعب وقتها يسحب الثقة فورا من الحكومة
لكن لأن لجنة الموازنة و الحسابات الختامية تحت ايد الجبهة اللامؤاخذة وطنية 👈🏻 تمت الموافقة علي الحساب الختامي بكل كوارثه و اختلاساته
و المرافعة 👈🏻 الظرووووف السياسية الراهنة تحتم علينا تقدير الحكومة و التحديات التي واجهتها

و احنا زمان كنا بنجد هدر مالي اكتر بكتير
زمان امتي يا ابو 35 سنة انت ... لما كان المعلللللم كمال الشاذلي مدورها كنت انت بالبامبرز لسه يابني و بتقول ع السكر اوكر 🙄🙄

اقسم بعزة جلال الله يمين و انا صايمة ... انا اكتشفت ان كمال الشاذلي كان راجل وطني و بيحب البلد
يعني كان يهون عليه الدبوسة .. الفخدة
انما الورك و الصدر كده لاااااااا .. انا مشوفتش و لا هشوف 😏😏

♦ طب و الحل يا چيلان :
مفيش حل
دول نواب الشعب و موافقتهم معناها انا و انت و الاستاذ اللي هناك و المدام اللي في البلكونة دي .. موااااافقوووون 🤷🏻‍♀️🤷🏻‍♀️

♦السؤال اللي بيتعب نفسيتي و معنديش اجابة عليه 👈🏻 و الريس فين 🤔
انا ماااااالي
بتسألني السؤال ده لييييه
انا بجازف و بنورلك 100 لمبة حمرا و بلطم أهوووو وبقولك يا مواطن بلدنا بتتسرق و احنا واقعين بين فك عصابة كبيرة مطرقتها رئيس الحكومة و مجموعته الاقتصادية و سندانها برلمان المجنسين

انا اعمل ايه تاااااني 🤷🏻‍♀️🤷🏻‍♀️

♦انا بقا من حقي اسأل 👈🏻 الناس اللي عايزني اغمض و اسكت عشان الظروف الراهنة " ااه الشماعة البلاستيك "
ازي الحال
ايه رأيكم في الجهاز المركزي للمحاسبات 🤔🤔
ايه رأيكم في موقف حسن عيسي 🤔🤔

هتسكتوهم ازاي
امهم يهودية بردو ورافضين يدعموا الدولة 🤔

هتفضلوا عايشين في النفاق لحد ما ايه يحصل .. و نوصل لفين يا متواطئين يا عديمي الشرف

و الله ما هسكت
و انا و انت يا كچوك يا تربية ايد بطرس غالي الحرامي و الزمن طويل
و انا بقا عملك الاسود في كل ارقامك .. و رحمة ابويا ما هحلك 🤷🏻‍♀️🤷🏻‍♀️

---------------------------------------------------
🔷🔶 ندخل بقا علي شهادات رجال الحكومة و البرلمان علي الحكومة الحالية :
♦تصريحات الدكتور سمير رضوان وزير المالية السابق
الرجل اللي تولي المسئولية في الايام الحالكة في 2011
و استعان بيه المجلس العسكري للانقاذ
و فعلا هو ونائبه الدكتور هاني دميان
▪انقذوا افلاس الموازنة العامة
▪عملوا الحد الادني للاجور
▪رفضوا الصكوك السيادية علي اصول الدولة
و قدروا يوفروا موارد مالية لتوفير احتياطي سلعي استراتيجي

اعيب عليه حاجة واحدة 👈🏻 انه استدان قبل ما يلم المتأخرات المالية للحكومات السابقة

لو كان مش شريف كان زمانه متعين في صندوق النقد او البنك الدولي دلوقت 🤷🏻‍♀️🤷🏻‍♀️
" و ديت هاني دميان فين يا رئيس الوزرا 🤔 "

الراجل بمنتهي الشفافية :
▪ كل خفض العملة اللي حصل غلط
▪الديون تفاقمت و الحكومة مش عارفة تحلها
و الاستدانة لسداد ديون اخري امر كارثي
▪35% من الشعب وقع تحت خط الفقر
▪ مش كل ما تتنزنق تبيع حتة ارض 🤷🏻‍♀️🤷🏻‍♀️

هل دكتور سمير رضوان بيحرض ضد الريس و الدولة
الراجل اصلا ساب منصبه و قعد في بيتهم و لاااااا له دعوة بحد
مستقل بكتبه و محاضراته 👌🏻

♦السيد مدحت الشريف البرلماني السابق و رئيس لجنة الاقتصادية في البرلمان 3 دورات متتالية لحد 2018
و الانتخابات اللي فاتت رفض يدفع 70 مليون التيكيت بتاع البرلمان
ظابط مخابرات حربية لمدة 27 سنة
ماجستير اقتصاد سياسي و محاضر في اكتر من جامعة و متخصص في الشئون الاقتصادية الدولية
و عضو مجلس حلايب و شلاتين وكان المدير التنفيذي لمركز تحديث الصناعة في وزارة التجارة و الصناعة من سنة 2014 لحد 2017 تقريبا

📌 الراجل بيقول احنا وافقنا علي الاتفاق مع صندوق النقد علي قرض ب 3 مليار دولار سنة 2016 و ناخد شرائحه لحد سبتمبر 2018
و خطوات الاصلاح الاقتصادي كانت في حدود ما يتحمله الشعب
▪لكن التورط في الديون لحد الانوف ده ميعرفش ازاي حصل من الحكومة و ازاي يتسمح بيه
▪ الاقتصاد وصل لمرحلة انه عايز يدخل الانعاش
▪ الفقر توحش

و علي فكرة الراجل ده اللي كشف قضية القمح الفاسد فاكرينها
قضية القمح الفاسد الكبري اللي ظهرت في 2016 و الفلوس اللي اتنهبت و المستندات المزيفة

اهووو هو ده بقا اللي اظهر المستندات و اتصدي للمافيا و فضحها و استرد فلوس البلد و المافيا كلها اخدت احكام من 7 ل 15 سنة .. و كان فيها ناس تقيلة و تلقي تهديدات لحد احفاده

يعني انسان لا يدين بالولاء الا للبلد

ده كمان بيحرض ضد الدولة 🤔
عارفين ولاد الرقاصة هيقولوا ايه 👈🏻 اصله متضايق عشان مدخلش المجلس الموئر

لا هو مترشحش
لما طلبوا منه التيكيت .. رفض يوسخ تاريخه سواء العسكري او الوطني

روحوا علي يوتيوب اكتبوا كده بودكاست اللواء مدحت الشريف و دكتور سمير رضوان وزير المالية السابق

هتعرفوا تبرروا لرئيس الحكومة كل ده 🤔

حد هيعرف يجيب رقم مخالف لتقرير الجهاز المركزي للمحاسبات 🤔
حد هيعرف يقول ان د. حسن عيسي مكنش في وعيه و هو بيشرح الوضع علي الملأ 🤔
حد هيجرؤ يشكك في شخصيتين لا غبار عليهم زي د . رضوان و اللوا الشريف 🤔

هتقولوا لهم اسكتوا عشان الظروف الراهنة
البيت اللي مكسور فيه ماسورة صرف صحي عمالة بترمي مخلفاتها جواه
عربيتين تلاتة رملة اما يترموا علي الميه دي ... لا هيعرفوا يخبوها و لا هيغطوا علي ريحة القذارة اللي طالعة
و البيت الميه هتضرب فيه و تنشع في الحيطان لحد ما تخوخ و اعمدة البيت تريح

انا فخورة بنفسي اني واخدة صف جهاز محترم و عريق زي المركزي للمحاسبات
حتي لو كل التقارير اترمت في الزبالة .... لكن لن يصح الا الصحيح 👌🏻👌🏻

و بلاش و النبي حكاية جهات خارجية بتستهدف سمعة مدبولي دي
الصهيونية لو قعدت طول عمرها تخطط مكنتش تحلللللم ان يتعمل كم القوانين لبيع اراضي و جنسية و عقارات مصر في الزمن القياسي دي و بالسهولة دي 🤷🏻‍♀️🤷🏻‍♀️

ده هيتكتب اسمه بالدهب في دفاترهم 😏😏