" فاكرين في شهر اكتوبر لما قولتلكم البرلمان القادم ده هيكون اسوأ من البرلمان اللي أضر بالرئيس السادات اللي كانوا بيساوموه .. و انه جي من اجل حاجة واحدة فقط و هي شرعنة اجرام الحكومة 🤷🏻‍♀️🤷🏻‍♀️
انا عمرررري ما قولت كلمة عشوائية و لا كلمة مطلعتش في محلها 👌🏻 "

✨ الجهاز المركزي للمحاسبات ده يبقا المحاسب اللي بينوب عن الشعب في فلوسه
يعني يشوف فلوس البلد جت منين و اتصرفت في ايه
و ده من اعلي الجهات السيادية في الدولة ... و مستقل تماما
" يعني مستحيل يكون بيحرض ضد الدولة و لا الرئيس و لا الحكومة ... ااااه فكر كأنك معرض للجناب 🙄 "

انا مش هحكيلك حيثيات الرفض للحساب الختامي و التقرير لانها مصطلحات مالية و اقتصادية بحتة لازم متخصص يفهمها
هقولك بعض النقاط اللي فسرها التقرير :

خد عندك يا سيدي :
📌 توصلنا لاهدار للمال العام في مجموعة مبالغ قيمتها ما يقترب من 31.9 مليار جنيه
و فندها
اهدار في هيئات حكومية .. مصروفات للنشاط الحكومي مكررة
رواتب لوظايف مش موجودة اصلاااا
و تعديلااااات مالية لارقام مصروفات بزيادة مستمرة
" جبنا طباشير ملون ب 10000 جنيه و طباشير اخضر ب 5000 جنيه
ما هو الاخضر ملون 🤔
لا ده لون مركز يا بني رككككز 🙄🙄 "

المبرر بتاع كوچك ايه بقا 👈🏻 فرق عملة
فرق عملة 19 مليار جنيه 🤔
انت بتشتري المهام الورقية من نيوزلندا 🤔

📌مخالفات مالية للهيئات الاقتصادية
حيث عدم قدرتها علي تحقيق اي مستهدفات استثمارية او بيعية
مع استمرارية الصرف في خارج نطاق الاعتمادات المالية المحددة و تضخم الخسائر الدفترية
🔹 ترجمي يا چيلان يا قاسم 🤔
حاضر يا باشا
يعني هيئة او مؤسسة اقتصادية المفروض انها بتدر ايرادات للدولة في حدود Z مليار جنيه
" ده اللي هو طاقتها في تحقيق الايراد "
و طبعا اي هيئة بيتخصص لها مبلغ مالي تصرف منه " بوكيت موني يعني "
عشان تأدي التارجت بتاعها و تحقق المستهدف Z ده
▪ ف اللي حاصل ان الهيئات دي بقا .. مبتبيعش و مش بتستثمر و مش بتحقق الايرادات
لكن خلصت المصروف بتاعها
و عملت مستندات تثبت انها بتصرف اكتر
و سحب ضعف المصروف المخصص لها
و بالتالي بما ان المصروف تضاعف و الايراد متحققش
يبقا النتيجة خساير دفترية ضخمة
" علي سبيل المثال: واحدة من الهيئات صارفين 67 مليون جنيه انتقالات وسفر لغرض العمل
لييييييييه يا عم .. ليييييييييه بتسافروا في صواريخ اورشنيك بتاعت بوتين 🙄 "

علي فكرة التقرير موجود علي موقع الجهاز المركزي للمحاسبات .. واي رقم حد يعطل فيه انا في الخدددددمة عينيا و الله 🙄

🔺 ف انت هنا لازم تسأل 👈🏻 يعني ايه يا بيه بتشتغلوا طول السنة و مجبتوش ايرادات
بتبوظوا الهيئة لصالح ميييين 🤔🤔 " الهيئة دي ممكن تكون شركة قابضة مثلا "
بتطلعوها محققة خساير 3 اضعاف الايراد اللي كان مستهدف لييييييه 🤷🏻‍♀️🤷🏻‍♀️

📌 المستشارين و المكافآت:
و الحقيقة حيثيات الاعتراض اللي كاتبه المركزي للمحاسبات
لو مرافعة وكيل نيابة في قضية
القاضي لازم يحكم بالاعدام 🤷🏻‍♀️🤷🏻‍♀️

قالك 👈🏻الحكومة تجاوزت الحد الاقصي للاجور و المرتبات ضعفين .. و صرف المكافآت وبدلات 4 اضعاف
لخبراء ومستشارين دون وجود عائد انتاجي ملموس يبرر حجم هذا الصرف
و مفندهم بقا

غالبا اي حد بيعدي علي مكتب الجانب بيقول للمساعدين " اعطيه .. و الله اعطيك اللاند كروز حجي حاتم الحاتم ابو حاتم صاحب توكيل الطيور المهاجرة 😏😏 "

طب انا بقا گ مواطنة متخصصة .. احب السادة الحكومة يقولولي ايه الاستشارة اللي اندفع قصادها 300 الف جنيه
و كانت في ايه
و العائد بتاعها ايييييه 🤷🏻‍♀️🤷🏻‍♀️

اصل استشارات الاقتصاد بتكون مدعومة بدراسات و ارقام و اسباب
مش عنده اسهال اديله انتينال 🤷🏻‍♀️🤷🏻‍♀️

ممكن تطرح علينا كده 10 استشارات مثلا للناس اللي اخدت مكافآت و بدلات دي 🤔🤔

📌 التقرير اتكلم عن نقطة مهمة جدا .. تدل علي عجز الحكومة 👈🏻 الاستثمارات الفاقدة
🔹 و دي يعني ايه :
مشروعات سواء قومية او حكومية
تم ضخ مبالغ مالية ضخمة لانشاءها .. دون تشغيلها

و دي مشروعات خلصت من 2020 و مشتغلتش
طب ليه مشتغلتش
طب ليه تم ضخ فلوس بالديون .. و مشتغلتش

الاجابة 👈🏻 اصل الظروف السياسية الراهنة لا تسمح

🔸ايه يا فندم علاقة حرب غزة مثلا بإني ابني مجمعات صناعية عملاقة و مشغلهاش 🤔
ده زي مثلا الجيران عندها ميت .. ف احنا مش بنشغل التلفزيونات مجاملة 🤔

ايوا ايه السبب ان مشروع اتعمل بالديووووون .. متعملوش خطة انتاجية و مجبش عائد و مطلعش سلعة تنزل السوق المحلي او تتوجه للتصدير

ايه الظروف السياسية الراهنة دي اللي منعتنا نشغل المشروعات طيب 🤷🏻‍♀️🤷🏻‍♀️

ف الجهاز المركزي اصدر في تقريره 👈🏻 تعمد الحكومة تفويت عوائد اقتصادية علي الدولة
مما ساعد في تفاقم رقم عجز الموازنة .... و تقلص الايرادات التي تحتاجها الدولة في الوفاء بالتزاماتها
الجهاز المركزي للمحاسبات اتهم الحكومة ب " تعمد " تفويت عوائد علي الدولة ‏( الاخت الرقاصة اللي هناااااك دي بتاعت انتقاد مدبولي هو انتقاد للرئيس لن نقبل به .. سمعاني يا اوووختشي 😒😒 ‏)

📌 الجهاز المركزي للمحاسبات توصل الي 930 مليون جنيه مصروفات
بدوووون مستندات
و لا بنود صرف

و كوچك مش فاكر اتصرفوا في ايه
ما يقرب من مليار جنيه في دولة بتسأل الله حق النشوووووق اتصرفوا بلا مستندات .. و وزير المالية مش فاكر اتصرفوا في ايه 🙄🙄

تم اختلاسهم يا حبيبي
عشان انت حرامي يا حبيبي
و الاختلاس بيطلع نثري دايما في الدفاتر يا حبيبي 🤷🏻‍♀️🤷🏻‍♀️

📌 ارتفاع مبلغ عمولات الارتباط بالقروض الاجنبية :
🔹 ترجمي يا چيلان 🙄
حاااضر

المفروض اي قرض الحكومة بتقدم عليه .. بتقدم معاه فايل مسببات احتياجها للقرض
يعني مثلا هعمل مدارس
و بتاخد القرض علي شرايح او نقدي علي حسب الاتفاق
الجهة المانحة للقرض بتيجي بعد 3 ارباع مالية " 9 شهور " تشوف انت وصلت لايه
تلاقيك معملتش حاجة 👈🏻 تقوم فارضة عليك رسوم احتجاز اموال دون استخدامها
الرسوم دي اسمها اقتصاديا عمولات ارتباط قروض اجنبية

🔸 طب ايه اللي حصل 👈🏻 الحكومة بتقدم علي قروض بمشروعات وهمية
تاخد القروض تسدد بيها قروض قديمة
تيجي الجهات الممولة متلاقيش المشروعات
ف تقوم هابدة الدولة رسوم احتجاز

كااااام بقا جهاز المحاسبات لقاها 👈🏻 768.2 مليون جنيه 🙄
عن سنة واحدة فقط
و في عن سنين مضت و بنتحاسب عليها فايدة مركبة 🙄

الكلام و الالفاظ اللي جوايا لو قولتها .. هبقا محتاجة احرر رقاب عشان اكفر عنها 😒😒

📌 تعالي بقا للضربة القاضية حرفيا
اللي هو بيت ابوك خرب .. إلحق خودلك قالب
البند اللي يخلي اي انسان في قلبه شوية حب للبلد دي يعيط
✨ تحميل الباب الثامن بأعباء وهمية :
الباب التامن في الموازنة هو الباب الخاص باقساط و فوايد القروض و سدادها

رصد الجهاز المركزي للمحاسبات اختلافات كبيرة بين المبالغ المسددة گ قروض محلية و اجنبية
و بين الحركة الفعلية في مركز الدين العام

🔹 يعني مبالغ طلعت من بند المصروفات تحت بند سداد اقساط و فوايد قروض
لما راح عند القائمة المالية لمركز حركة الدين العام 👈🏻 ملقهااااااش

كام المبلغ ده يا مؤمن 👈🏻 2.4 مليار جنيه

قالك فرق عمممممملة
يا عم ينعل ابوك لابو العملة اللي سرقتنا بيها السرقة دي كلها 😡😡

هي دبيحة يا بني .. هو مال كفرة يا حبيبي بيتسرق عاااادي كده 🤷🏻‍♀️🤷🏻‍♀️

انا هتجنن .. اقسم بالله هتجنن

📌 رصد جهاز المحاسبات 284 الف وحدة سكنية و وحدات ادارية وصناعية
في مناطق متعددة
منها المدن الجديدة و مدن الجيل الرابع
و تتضمن 141 الف وحدة اسكان لمحدودي الدخل
تم بناءها و غير مباعة
" وصفها الجهاز انه تعمد تحويل هذه المدن الي مدن اشباح 😒 "

قيمتها كام 👈🏻 146 مليار جنيه بالقيمة السوقية للاصول .. اعتبرتها الحكومة اصول ميتة

يعني الشقق بتاعت الغلابة اللي مش عارفين يوفوا الشروط .. اصل مفيش محدود دخل .. دخله السنوي 125 الف جنيه يعني 🤷🏻‍♀️🤷🏻‍♀️

بدل ما تبيعوها بالتكلفة للناس .. اعتبرتوها اصول ميتة
اللي هو ده انا اقتلها و انت متخدهااااش 😏😏

لو نتنياهو هو رئيس الوزرا معتقدش انه ممكن يعمل اكتر من كده في المصريين 🤷🏻‍♀️🤷🏻‍♀️

سرقة في الموازنة واهدار مال عام و تدمير مقدرات تقترب من نص تريليون جنيه .. في حين ان عجز الموازنة 2025 ظهر بقيمة 1.26 تريليون جنيه
الشعب هو اللي اتحملهم
و عشان تسددوه بتبيعوا اراضينا و سواحلنا 🤷🏻‍♀️🤷🏻‍♀️🤷🏻‍♀️

🔘 الجهاز بقا وصل التقارير دي لعرضها علي مجلس الشعب
و ده المسار الدستوري
و بكده دوره الدستوري انتهي

المفروض ان مجلس الشعب وقتها يسحب الثقة فورا من الحكومة
لكن لأن لجنة الموازنة و الحسابات الختامية تحت ايد الجبهة اللامؤاخذة وطنية 👈🏻 تمت الموافقة علي الحساب الختامي بكل كوارثه و اختلاساته
و المرافعة 👈🏻 الظرووووف السياسية الراهنة تحتم علينا تقدير الحكومة و التحديات التي واجهتها

و احنا زمان كنا بنجد هدر مالي اكتر بكتير
زمان امتي يا ابو 35 سنة انت ... لما كان المعلللللم كمال الشاذلي مدورها كنت انت بالبامبرز لسه يابني و بتقول ع السكر اوكر 🙄🙄

اقسم بعزة جلال الله يمين و انا صايمة ... انا اكتشفت ان كمال الشاذلي كان راجل وطني و بيحب البلد
يعني كان يهون عليه الدبوسة .. الفخدة
انما الورك و الصدر كده لاااااااا .. انا مشوفتش و لا هشوف 😏😏

♦ طب و الحل يا چيلان :
مفيش حل
دول نواب الشعب و موافقتهم معناها انا و انت و الاستاذ اللي هناك و المدام اللي في البلكونة دي .. موااااافقوووون 🤷🏻‍♀️🤷🏻‍♀️

♦السؤال اللي بيتعب نفسيتي و معنديش اجابة عليه 👈🏻 و الريس فين 🤔
انا ماااااالي
بتسألني السؤال ده لييييه
انا بجازف و بنورلك 100 لمبة حمرا و بلطم أهوووو وبقولك يا مواطن بلدنا بتتسرق و احنا واقعين بين فك عصابة كبيرة مطرقتها رئيس الحكومة و مجموعته الاقتصادية و سندانها برلمان المجنسين

انا اعمل ايه تاااااني 🤷🏻‍♀️🤷🏻‍♀️

♦انا بقا من حقي اسأل 👈🏻 الناس اللي عايزني اغمض و اسكت عشان الظروف الراهنة " ااه الشماعة البلاستيك "
ازي الحال
ايه رأيكم في الجهاز المركزي للمحاسبات 🤔🤔
ايه رأيكم في موقف حسن عيسي 🤔🤔

هتسكتوهم ازاي
امهم يهودية بردو ورافضين يدعموا الدولة 🤔

هتفضلوا عايشين في النفاق لحد ما ايه يحصل .. و نوصل لفين يا متواطئين يا عديمي الشرف

و الله ما هسكت
و انا و انت يا كچوك يا تربية ايد بطرس غالي الحرامي و الزمن طويل
و انا بقا عملك الاسود في كل ارقامك .. و رحمة ابويا ما هحلك 🤷🏻‍♀️🤷🏻‍♀️

---------------------------------------------------
🔷🔶 ندخل بقا علي شهادات رجال الحكومة و البرلمان علي الحكومة الحالية :
♦تصريحات الدكتور سمير رضوان وزير المالية السابق
الرجل اللي تولي المسئولية في الايام الحالكة في 2011
و استعان بيه المجلس العسكري للانقاذ
و فعلا هو ونائبه الدكتور هاني دميان
▪انقذوا افلاس الموازنة العامة
▪عملوا الحد الادني للاجور
▪رفضوا الصكوك السيادية علي اصول الدولة
و قدروا يوفروا موارد مالية لتوفير احتياطي سلعي استراتيجي

اعيب عليه حاجة واحدة 👈🏻 انه استدان قبل ما يلم المتأخرات المالية للحكومات السابقة

لو كان مش شريف كان زمانه متعين في صندوق النقد او البنك الدولي دلوقت 🤷🏻‍♀️🤷🏻‍♀️
" و ديت هاني دميان فين يا رئيس الوزرا 🤔 "

الراجل بمنتهي الشفافية :
▪ كل خفض العملة اللي حصل غلط
▪الديون تفاقمت و الحكومة مش عارفة تحلها
و الاستدانة لسداد ديون اخري امر كارثي
▪35% من الشعب وقع تحت خط الفقر
▪ مش كل ما تتنزنق تبيع حتة ارض 🤷🏻‍♀️🤷🏻‍♀️

هل دكتور سمير رضوان بيحرض ضد الريس و الدولة
الراجل اصلا ساب منصبه و قعد في بيتهم و لاااااا له دعوة بحد
مستقل بكتبه و محاضراته 👌🏻

♦السيد مدحت الشريف البرلماني السابق و رئيس لجنة الاقتصادية في البرلمان 3 دورات متتالية لحد 2018
و الانتخابات اللي فاتت رفض يدفع 70 مليون التيكيت بتاع البرلمان
ظابط مخابرات حربية لمدة 27 سنة
ماجستير اقتصاد سياسي و محاضر في اكتر من جامعة و متخصص في الشئون الاقتصادية الدولية
و عضو مجلس حلايب و شلاتين وكان المدير التنفيذي لمركز تحديث الصناعة في وزارة التجارة و الصناعة من سنة 2014 لحد 2017 تقريبا

📌 الراجل بيقول احنا وافقنا علي الاتفاق مع صندوق النقد علي قرض ب 3 مليار دولار سنة 2016 و ناخد شرائحه لحد سبتمبر 2018
و خطوات الاصلاح الاقتصادي كانت في حدود ما يتحمله الشعب
▪لكن التورط في الديون لحد الانوف ده ميعرفش ازاي حصل من الحكومة و ازاي يتسمح بيه
▪ الاقتصاد وصل لمرحلة انه عايز يدخل الانعاش
▪ الفقر توحش

و علي فكرة الراجل ده اللي كشف قضية القمح الفاسد فاكرينها
قضية القمح الفاسد الكبري اللي ظهرت في 2016 و الفلوس اللي اتنهبت و المستندات المزيفة

اهووو هو ده بقا اللي اظهر المستندات و اتصدي للمافيا و فضحها و استرد فلوس البلد و المافيا كلها اخدت احكام من 7 ل 15 سنة .. و كان فيها ناس تقيلة و تلقي تهديدات لحد احفاده

يعني انسان لا يدين بالولاء الا للبلد

ده كمان بيحرض ضد الدولة 🤔
عارفين ولاد الرقاصة هيقولوا ايه 👈🏻 اصله متضايق عشان مدخلش المجلس الموئر

لا هو مترشحش
لما طلبوا منه التيكيت .. رفض يوسخ تاريخه سواء العسكري او الوطني

روحوا علي يوتيوب اكتبوا كده بودكاست اللواء مدحت الشريف و دكتور سمير رضوان وزير المالية السابق

هتعرفوا تبرروا لرئيس الحكومة كل ده 🤔

حد هيعرف يجيب رقم مخالف لتقرير الجهاز المركزي للمحاسبات 🤔
حد هيعرف يقول ان د. حسن عيسي مكنش في وعيه و هو بيشرح الوضع علي الملأ 🤔
حد هيجرؤ يشكك في شخصيتين لا غبار عليهم زي د . رضوان و اللوا الشريف 🤔

هتقولوا لهم اسكتوا عشان الظروف الراهنة
البيت اللي مكسور فيه ماسورة صرف صحي عمالة بترمي مخلفاتها جواه
عربيتين تلاتة رملة اما يترموا علي الميه دي ... لا هيعرفوا يخبوها و لا هيغطوا علي ريحة القذارة اللي طالعة
و البيت الميه هتضرب فيه و تنشع في الحيطان لحد ما تخوخ و اعمدة البيت تريح

انا فخورة بنفسي اني واخدة صف جهاز محترم و عريق زي المركزي للمحاسبات
حتي لو كل التقارير اترمت في الزبالة .... لكن لن يصح الا الصحيح 👌🏻👌🏻

و بلاش و النبي حكاية جهات خارجية بتستهدف سمعة مدبولي دي
الصهيونية لو قعدت طول عمرها تخطط مكنتش تحلللللم ان يتعمل كم القوانين لبيع اراضي و جنسية و عقارات مصر في الزمن القياسي دي و بالسهولة دي 🤷🏻‍♀️🤷🏻‍♀️

ده هيتكتب اسمه بالدهب في دفاترهم 😏😏

🔵 #اثيوبيا_المعرقلة:

بتاريخ 21 مايو 2026 اثيوبيا بتتقدم بشكوي ضد مصر .. و بتتهمها بمنعها من الوصول الي البحر الاحمر
‏( اللي هقدمهولك تحليل لما تقوم له اثيوبيا من مناوشات تجاه مصر
بدون اي تدخل لا في شئون و تفاصيل عسكرية لأنها مش تخصصي ... و كذلك معلومات تخص الامن القومي لأنها مش عندي
انا بتكلم في اللي بفهم فيه بس 👌🏻‏)

🔸 هل دي اول مرة اثيوبيا تحط مصر في جملة فيها شكوي
لأ .. في يناير اللي فات بردو تقدموا بشكوي ضد مصر 👈🏻 انها بتمنع عمل سد النهضة
ايوا بمنعوه ازاي 🤔
هو الزرار عندينا و لا ايه 🤷🏻‍♀️🤷🏻‍♀️

لكن الحقيقة في الكلام ان السد مشتغلش .. ولا هيشتغل
🔹 طيب هما ليه قالوا كده 👈🏻 لأن كان المفروض ان موازنة السنة المالية المنصرمة في 2025 فيها سندات سيادية لدول اوروبية زي بريطانيا مستحقة السداد و بضمان الكهربا اللي هتطلع من السد ... و مكنش عنده سيولة يسدد
ف مضطر انه يوجد مبرر سياسي

و الحاجة التانية 👈🏻 انه كان محتاج يرفع حصيلة الرسوم علي الخدمات الحكومية اللي كان لسه رافعها في اغسطس بالفعل .. ومحتاج مبرر يشغل بيه المواطن الاثيوبي 🤷🏻‍♀️🤷🏻‍♀️
ف كان لازم يوجد مبرر
ده يا عزيزي الانسان نهج كل الحكومات الفاشلة اللي محققتش ب 50 سنت رفاهية للمواطن " منيو المبررات في الدرج 🙄 "

و بريطانيا بقا اما الفلوس اتأخرت راحت لامريكا قالتله يعني لنا فلوس عند اثيوبيا .. و مصر دايسة علي طرف السلك بتاع السد
يعني عايزين حل يا عم ترامب

و قال انا سد النهضة من اولوياتي و حابب اتوسط " بس الريس تجاهل الفيلم الهندي ده كله من اوله لاخره 👌🏻 "

♦اثيوبيا بقا عايشة في ايه حاليا :
اقليمين بيهددوا الحكومة الفيدرالية في اديس ابابا
▪اقليم اوجادين من ناحية عايز وثيقة انفصال نهائي
و اعلان حكم ذاتي
و الاعتراف بيه دولة اوجادين
و بيهدد بالعودة للسلاح
▪اقليم تيجراي و ده النكد الاكبر
لانه يوم 26 ابريل 2026 اعلن انه هيستعيد الحكم من الحكومة الفيدرالية
حتي لو بالسلاح

📌 طيب هي الحكومة الفيدرالية كانت اخدت منه الحكم 🤔
اللي حصل انهم في بداية ابريل و حقنا للدماء و عشان اثيوبيا تعيد المياه الدافئة بينها و بين واشنطن .. راحوا للتيجراي للوصول حل
و الحل كان مجلس سلام 🙄 .. بقت مشبوهة الكلمة دي مش كده 🙄
و ده كان اقتراح مسعد بولس 🤷🏻‍♀️
و اتفقوا علي ان مجلس السلام هيضم هيئة الحزب السياسي لجبهة تحرير تيجراي و من اديس ابابا برلمانيين و دبلوماسيين

▪التيجراي فوجئوا ان ابي احمد باعتلهم البرلمانيين اللي كانوا ضد انفصال الاقليم و كانوا بيصوتوا في البرلمان مع استخدام الحلول العسكرية معاهم
راحوا رفضوهم
▪يقوم ابي احمد ساحب دول .. وباعت جنرالات من الجيش
ف التيجراي يغضبوا اكتر
لأن بينهم و بين الجيش دم كتير 🤷🏻‍♀️

و البرلمانيين يصمموا علي انهم موجودين في مجلس السلام و شكلوا الحكومة خلاص
بكده الاقليم اصبح فيه 3 حكومات:
▪ حكومة الجبهة الشعبية لتحرير التيجراي
▪حكومة مجلس السلام من البرلمانيين و الدبلوماسيين
▪ حكومة الجنرالات المدعومة من ابي احمد

و هنا التيجراي قرر انه لا يعترف بالعك ده و يرجع يحمل السلاح تاني .... و الحرب دي هترجع تدور في خلال ايام قليلة يعني

♦حاجة كمان حصلت :
يوم 6 مايو 2026 واشنطن اعلنت عن وثيقة بتتجهز لرفع العقوبات الامريكية المفروضة علي اريتريا
" العقوبات دي بسبب دعم اريتريا للتيجراي .. وبعدين اكتشفت انها بريئة و مش هي اللي بتدعمهم 🙄 "
مش كده و بس
▪ ده تم افتتاح السفارة الامريكية في اسمرة .. واحتفلوا بمرور 250 عام علي قيام امريكا

🔘 خد بالك ان التسلل الناعم ده مش صدفة
اسرائيل تعترف بصوماليلاند .. وانهاردة يقبلوا اوراق سفير لهم ويفتتحوا سفارة في القدس " دول جرابيع اصلا مش لاقيين ياكلوا .. ده السفير مسافر علي الدرجة الاقتصادية لطيران اوغندي القطر الروسي بتاعنا في مصر انضف من ال first class بتاعه "
جابوا فلوس المبني الفخم ده منيييين 🤔🤔

و امريكا تدخل بنعومة الافاعي كده ل اريتريا
لأ طبعا ده مش صدفة خالص

♦المهم من اسبوع كده و لا حاجة اتحرك وفد رفيع المستوي من اثيوبيا يضم وزير الخارجية و رئيس الاستخبارات " و ده اكتر منصب ضحكني 🙄 " و لفيييف من الشخصيات اللي ملهاش تلاتين قيمة في الحياة
و سافروا علي واشنطن
قابلوا مسعد بولس عراب المنطقة وماركو روبيرو وزير الخارجية

اول حاجة عملوها " اتفاقية تعاون دفاعي " دي الاتفاقية اللي بموجبها تقدر اثيوبيا تطلب تشتري سلاح من امريكا
و بعدين اتكلموا عن مستقبل سد النهضة و الاستثمارات الامريكية الوثيقة فيه
و استقرار البحر الاحمر

و عشان محدش من الجانب الاثيوبي يقوله كلام مقالوش
راح طالع للصحافة بنفسه و قايل تصريحيين :
▪ الاول : واشنطن لا تبدي اعترافا ابدا بأحقية اثيوبيا في امتلاك منفذ بحري في السواحل الاريترية
الحتة المقلقة هي اللي جاية 👈🏻 لكن واشنطن لديها رؤية اعم و اشمل لأمن البحر الاحمر و استقراره الاقليمي

و هنا بقا لازم نتحسس مسدسنا
هل العم ترامب عنده خريطة جديدة للبحر الاحمر .. زي غزة و جنوب سوريا و جنوب لبنان كده 🤔🤔

▪التصريح التاني 👈🏻 سعداء بعودة المياه الدافئة بين واشنطن و أديس ابابا ... و بين واشنطن و أسمرة
يمكننا العمل سويا

و ده بردو كلام يخليك تتحسس مسدسك 🤷🏻‍♀️🤷🏻‍♀️
سويا دي عايدة علي مييييين 🤔

✨الوفد الاثيوبي كان رايح عشان ياخد الاذن انه ينتزع منفذ بحري بقوة السلاح
لكن واشنطن تعلم ان طريق القوة مسدودووون مسدوووودون مسدود يا ولدي في اريتريا .. لأن موانئ اريتريا اصلا مش تحت السيادة الاريترية 🤷🏻‍♀️🤷🏻‍♀️

لذلك اتخذوا طريق الافاعي الناعم بقا 👈🏻 يمكننا ان نعمل سويا 🙄

الجانب الاثيوبي بيهلفط بقاله شهر علي مواطنيه انه هيصل بهم للبحر الاحمر يعني هيصل و لو بالقوة

طب عتريس مضطر يرجع في كلامه لأنه لااااا يملك ادوات التنفيذ يا سيدي الفاضل

يعمل ايه 👈🏻 مصر يا باشا موقفة كمين في 5 ظباط و 12 مخبر من قسم الهرم و مانعة وصولنا للبحر الاحمر 😞😞

♦طب ماذا بعد 🤔
المفروض نرد نقولوا ايييييه

و لا اي حاجة 🤷🏻‍♀️
زي ما الرئيس عامل كده بالظبط 👈🏻 طب معلش 🤷🏻‍♀️🤷🏻‍♀️

لأن اثيوبيا مش دولة هبلة
لأ 👈🏻 بتتلقي تعليمات سرية و بتطلع تنفذها
و هي بتحاول تشتت انتباهك اكتر لاستنزاف مجهودك " قال يعني احنا ناقصين 🙄 "

ف كل فترة بتعمل زي ال Fire gun كده ... في انتظار انك تعبرها 🤷🏻‍♀️🤷🏻‍♀️

كل بس العبث في الموضوع
هو اقتراب الصهيونية من البحر الاحمر
و هنا الامر يعتمد علي السيطرة علي اريتريا
اما صوماليلاند ... ف عادي اي دولة شقيقة و داعمة للصومال تساعدهم يدوهم علقة يتوبوهم و خلاص 🤷🏻‍♀️🤷🏻‍♀️

انت بس تضغط علي اريتريا و جيبوتي 👌🏻👌🏻
و يمكن ده يفسرلنا سبب زيارة وفد مصري رفيع المستوي مع وزير النقل في منتصف مايو ل اريتريا
و التنسيق مع اسياس افورقي لتعزيز امن البحر الاحمر و توسيع الامن اللوجيستي المصري في موانئهم 👌🏻👌🏻

ف ربنا معانا
عشان احنا حرفيا مش ناقصين
كل الجبهات في وقت واحد 🙄🙄
ف الله المستعان عليهم 🤲🏻

🔵 بحب الفاروق عمر بن الخطاب و بحب عقليته الاقتصادية المحترمة
و انا بقرأ في سيرته و حياته امبارح بعد الفجر .. لقيت انه اكثر الخلفاء جادلته النساء
و هو نفسه انتصر لهم في الجدال 👌🏻👌🏻

ف حبيت اشارككم بعض المواقف من حياته گ أمير للمؤمنين

♦ الموقف الاول : كان ماشي في السوق قبل صلاة الجمعة
قابله شاب
قاله : يا أمير المؤمنين لقد غلوا علينا المهور .. و شقوا علينا الزواج
ف اتضايق عمر و هز دماغه و مشي
بعد الصلاة ما انتهت و الناس موجودين
قال : يا أيها الناس اني شرعت فيكم ألا تزيد مهور بناتكم و نساءكم علي 400 دينار .. حتي و ان كانت ابنة من بنات ساداتكم
و إن اي زيادة فوق 400 دينار ستأخذ منكم الي بيت المال

▪ردت امرأة : كيف لك ان تقول ذلك يا امير المؤمنين ف والله اخطأت
طبعا الناس حواليها هيصة بقا و دي مجنونة و لا ايه
ف واحد قالها : ويحك امرأة اتزيدين علي امير المؤمنين .. اتخطئين امير المؤمنين
" انتي بتعلي علي الخليفة .. انتي بتغلطيه "
ردت : ويحكم انتم نعم اخطئه لأنجيه و تنافقونه لتهلكوه
و التفتت لعمر وقالتله : يا امير المؤمنين ما لك ان تفعل هذا يقول الله "و اذا أردتم استبدال زوج مكان زوج و أتيتم إحداهن قنطارا فلا تأخذوا منه شئ .. أتخذونه بهتانا و اثما مبينا "
ف كيف تأمر بما نهي عنه الله

شرد سيدنا عمر دقيقة و الناس طبعا زايطة علي الست .. ما هو نفاق الحاكم ممكن يخلي الناس تكفر بكتاب الله عااادي 🤷🏻‍♀️🤷🏻‍♀️

رد عمر بمنتهي البساطة : ايها الناس اصابت امرأة و أخطأ عمر
و اني تراجعت عما قولت
لكني اوصيكم بتقوي الله في تيسير سبل الزواج علي الشباب فجميعهم ابناءكم

عمر اللي هاجر في وضح النهار و وقف لقريش و قالهم : اني مهاجر الان فمن اراد ان تكون امرأته ارملة و امه ثكلي و يتم اولاده فليتبعني

و قعدوا زي الارانب محدش اتحرك
لما اخطأ و امرأة صححتله الغلط لأنها خايفة عليه .. ترااااجع عادي 🤷🏻‍♀️🤷🏻‍♀️

♦موقف تاني : مع زوجته
مكنش عايزها تروح المسجد
فقالتله : والله اني احب ان استمع الي امير المؤمنين
و استنير بنور مجالس العلم
قالها : اذن في النهار اما الفجر و العشاء فصليهن في بيتك
قالتله : يا امير المؤمنين ألا تحب ان تطع في رسول الله
فقد اوصي الرجال : لا تمنعوا اماء الله مساجد الله
فتبسم وقال : راعيت قول رسول الله اكثر من عمر
قالتله : و الان اسبقك الي المسجد ام تسبقني
قالها : اما سمعتي قول رسول الله يستحب للناس ان تسبق امامهم .. فاسبقيني

و لما عبدالله ابنه حكي الكلام ده في المجلس عشان الرجال محدش فيهم يمنع النساء من المسجد
عمر اكد الكلام
مستعلاش ان زوجته ذكرته بالسنة النبوية 🤷🏻‍♀️🤷🏻‍♀️

♦موقف تالت : كان ماشي مع غلامه " خادمه "
و عدي علي ست قاعدة بتقلب حاجة في قدر " حلة " علي النار و عيالها جنبها بيعيطوا بشدة
قالها : ما لهؤلاء الاطفال يبكون هكذا يا امرأة
قالت : يبكون من الجوع
قالها : و ما في القدر
قالت : ماء .. اني اخدعهم اني اطهو طعاما لعلهم يتعبون من البكاء فينامون ... ليس عندي طعام اعطيه لهم
الله بيني و بينك يا عمر
الله بيني و بينك يا عمر

اتخض من الكلمة وقالها : و ما ادري عمر بكم
قالتله : ألست ممن توليدأمرهم تولي أمرنا ف غفلنا و غفل عنا
ف الله بين اطفالي و بينك يا عمر

الغلام بيحكي ان سيدنا عمر سابها و جري ناحية بيته وطول الطريق بيبكي من خوفه من اختصام المرأة و اطفالها له يوم القيامة
و اخد شوال فيه طحين شعير
جه الغلام يقوله : احمله عنك يا امير المؤمنين
قاله : و من يحمل وزري امام الله
و انطلق ناحية الست
و قعد جنبها يساعدها في تسوية الطحين وقالها انا سأطهو و اذهبي لاطعام الاطفال
قالتله : جزاك الله عنا خيرا يا عبد الله ف والله انك افضل من عمر
قالها : غدا اذهبي الي الحسبة ستجدينني هناك لعلك تغفرين لعمر

♦الموقف الرابع : اخد اولاد صغيرين ايتام الام و رايح السوق يقضي لهم طلباتهم من مال الايتام المفروض في بيت المال
قابل الشفاء بن عبد الله
قالها : كيف حال السوق
قالتله : و هل يقدر احد علي الغش و الشفاء بنت عبد الله قاضية الحسبة و امير المؤمنين الفاروق عمر

ف اللي هو عمر اللي كانت بتترعب منه كتايب رجال .. عين قاضية الحسبة " مراقب الحسابات " واحدة ست
لانه لما جه يعين قضاة الحسبة .. لم يجد امهر منها في الحساب و لا اصدق منها في القول و لا اعدل منها في دفع الحقوق

قالها : فليعينني و ليعينك الله فحقوق العباد اما قصر في الجنة او سلاسل في السعير
قالتله : ماذا لو نقتسم الاطفال تذهب انت بجزء و انا بجزء فلا نشق عليك و نقضي لهم شراء حوائجهم
قال للاولاد : من يريد منكم ان يذهب مع الشفاء ومن يريد ان يتسوق معي
كل الاولاد اختاروا يفضلوا معاه
الشفاء قالت : ألا تريدون الذهاب مع قاضية الحسبة
جاوب واحد من الاطفال : ستشتري لنا بعقل قاضية الحسبة اما امير المؤمنين فسيدفع بقلب الاب عن رعيته

♦موقف خامس : ماشي بالليل في عادته التعسس
لقي ست قاعدة علي رجليها طفل رضيع عمااااال يعيط
قالها : بئس الام انتي .. اتتركينه يبكي هكذا
قالتله : اريد فطامه و هو لا يريد ان ينسي الرضاعة
قالها : كم عمره
قالتله : 6 اشهر
قالها : ألا تعلمي ان الله أمر ألا يفطم الا في عامين
قالتله : ألا تعلم ان عمر لا يفرض رزقا من بيت المال الا لكل فطيم .. و نحن فقراء
فلست انا من لم اطع الله في صغيري و لكنه عمر

تاني يوم في صلاة الضهر جمع الناس
و قال : ايها الناس كنت قد فرضت الرزق للفطيم و ليس للرضيع
و انا الان اتراجع
ف الرزق من بيت المال للرضيع من يوم ولادته
و اذا تم فطامه زدناه ليطعم جيدا .. وكلما اشتد عوده زدناه حتي يربي ابناءنا شبعي و ليسوا بجوعي .... ف ارضعوا صغاركن ايها النساء كما فرض الله

استكبر عمر .. ابدا
استعلي عمر ازااااي يرجع في قراره اللي طبعا كان موفر عليه نفقات كتير في بيت المال .. ابدااااا 🤷🏻‍♀️🤷🏻‍♀️

♦موقف سادس : قابل سيدة
وقفته وهي بتزعق فيه و بتعاتبه علي ضريبة عايز يفرضها و قالتله: يا عمر عهدتك و انت في السوق صغيرا تسمي عميرا
و عهدتك و انت تزعن الصبيان بعصاك و تسمي عمرا
و عهدتك الان و انت تسمي امير المؤمنين .. ف اتق الله في الرعية
" انا شوفتك وانت طفل صغير و شوفتك و انت صبي بيخاف اللي في سنه من ضربة عصاه
و دلوقت شوفتك و انت الخليفة
يعني انا اكبر منك و بنصحك "

طبعا الناس اللي حواليه زاطوا ... اييييييه اللي انتي بتقوليه ده
انتي ميييييين عشان تكلمي امير المؤمنين كده وتعاتبيه
ف اسكتهم عمر وقال لهم : هذه خولة بنت ثعلب التي سمع الله لها من فوق عرشه و نزل فيها " قد سمع الله قول التي تجادلك في زوجها " ... فإن كان الله قد سمع لها فهل يأبي عمر أن يسمع لها
و نظر لها : اكملي قولك ف عمر يسمع لك

مقالهمش خدوها بهدلوها .. دي مين دي اللي هتناقشني في ضريبة

علي الرررررغم ان الضريبة دي كانت لتمويل تجهيز الجيش .. لكن لما لقي الرعية مش هتقدر و هتأثر علي حياتهم
تراجع و فتح باب التبرع لتجهيز الجيش من الاثرياء فقط

ف نلاقي نفسنا كده حفظنا اقوال زي
فإن سألوك عن العدل .. قل مات عمر
مع ان اللي جاء بعده عثمان وعلي لكن الرعية في العدل كان امامها عمر

حكمت فعدلت فآمنت فنمت يا عمر 👌🏻👌🏻

🔵 مساء الخير عليكم ❤

بجهزلكم بوست تاريخ سياسي
انما متكلف و الله

عن تاريخ تحكم اليهود في المجتمعات
و القوانين اللي اتعملت علي ايد يهود

📌 و استراتيجية تجهيز العقول لاستقبال ما يصاغ
و ازاي الاستراتيجية دي اثرت في المجتمعات الاوروبية ... و خلتهم اجتمعوا لطرد اليهود من اوروبا و اضطهدوهم

هنفهم ازاي الفكر الديني اليهودي اصبح مجرد مجموعة مصطلحات بتخدم فكرة استعمارية وتوسعية

ملف دسم من بتوع البال الرايق بتاع زمان .. بس هياخد تدقيق معلومات اكتر من سرده عشان يبقا ولاااا غلطة 👌🏻👌🏻

🔵 #مقدمة_تشويقية_عن_ملف_اليهود 😎

اليهود اللي بيمثلوا الفكرة الصهيونية و مجنديهم من الصهيومسيحية و الصهيواسلاميين
لهم تكنيك عمل

📌 ما هو رأس الايديولوچية الصهيونية هو الاعتماد علي الديانة اليهودية و الافكار اللي دخلت عليهم نتيجة السبي البابلي
لكن مينفعش ديانة واحدة هي اللي تقود الايديولوجية المشوهة دي

ف لازم تجند ناس من ديانات اخري
و عشان تجندهم
لازم تزرع اصلا جواهم ناس يهود لكن يظهروا نفسهم بأنهم معتنقين ديانة اخري

▪ زي حسن البنا
هو اصلا يهودي مغربي و جه مصر في صورة لاجئ مسلم
و أسس واحدة من اقذر الجماعات في العالم
و اليهود بايديهم الطايلة
و توغلهم ...و ثرواتهم
قدروا يمحوا تاريخه تماما و يخلقوا له قصة انسانية مختلفة تماما 🤷🏻‍♀️🤷🏻‍♀️

▪ زي انطون ليڤي
المولود لعائلة يهودية
لكنه قدم نفسه للعالم في صورة الشخص المتمرد علي الدين
لدرجة انه أسس كنيسة و سماها كنيسة الشيطان في سان فرانسيسكو
و استقطب 80% من شباب العائلات المسيحية الثرية في اوروبا و امريكا 🤷🏻‍♀️

تيودور هرتزل نفسه مكنش متدين .. كان ملحد اساسا
جولدا مائير كانت لا ادرية " اجنوستيك "
ليڤي اشكول كمان كان ملحد

لكنهم ابناء الفكرة 👌🏻

التكنيك بقا اللي بيشتغل عليه الجماعة دول صعب جدااا لكنه ناجح جدا 👈🏻 الخطط طويلة الاجل
و انه يخلي اللي ينفذ الخطة دي هما ابناء المجتمع المستهدف نفسه

فكرة الصهيونية قايمة علي هدم الاوطان و تشكيلها وفقا لافكارهم
و استبدال الشعوب و تطويعها

🔹و في مقابل ده بيستخدموا كل الاذرع المتاحة و خصوصا اللي بتدخل البيوت بسهولة

اي حد بيحاول يفضح التكنيك ده و الخطط دي
بيتعرض لحملات تشويه ممنهجة و تشكيك فيه و تشهير بيه .... و بيروحوا يستخدموا ناس قدموا نفسهم للقطيع علي انهم شخصيات موثوق فيها

♦علي سبيل المثال لا الحصر :
🔸 الفنان نور الشريف رحمه الله ظهر في التلفزيون سنة 2000 و اتكلم عن فلاديمير بوتين
و ابدي اعجابه بيه
و عرض جزء من افكار بوتين عن استعادة الاتحاد السوفيتي و قد ايه هيكون مؤرق للغرب
نور الشريف كان مثقف بزيادة علي فكرة
▪ و بعدها عمل مسلسل اسمه " متخفوش "
كان بيفضح فيه الماسونية و رجال الحكم بالسر و علاقة الموضوع بتواجد اسرائيل في المنطقة
و محاولتها الدؤوبة للتطبيع مع العرب

بعد البرنامج واحد من الصحفيين اتصل ب نور و قاله بلاش تتكلم عن بوتين تاني
نور قاله خلي نصيحتك لنفسك .. رد عليه و قاله دي مش نصيحة
انا كنت موجود في مناسبة كذا .. و كان هناك فلان باشا " من الرياسة " و قالي اقولك بلاش 👌🏻

لما اتعرض متخفوش في رمضان
اتوقف من نص حلقاته

و علي العيد الكبير بدأنا نسمعوا ان نور الشريف شاااذ 🤷🏻‍♀️🤷🏻‍♀️
و كان علي علاقة بفلان و فلان
" الشذوذ 👈🏻 من اكبر المكروهات في المجتمع المصري ... و بالتالي الفكرة نفسها هتشوه الشخص في عينيك لدرجة انك مش عايز تشوفه 👌🏻"

ما اكلتش مع الناس
راحوا زاقين عليه البنت الريكلام ساندي التونسية
و اتهدد بحياة بناته لدرجة ان الحل الوحيد بالنسبة له انه يطلق بوسي و يختفي من حياتهم 👌🏻

🔸محمد صبحي لما جه يعرض فارس بلا جواد .. اللي بتتكلم عن بروتوكولات صهيون
اتحرك ضده اعضاء في مجلس الشعب
و اتهموه بالاضرار بالامن القومي
و تشويه الرئيس السادات لأنه كده بيضايق اليهود و بينقض اتفاقية السلام
" كل التهم دي و المسلسل متعرضش .. ده كان يادووووب بيتصور 🤷🏻‍♀️ "

لكن محمد صبحي كان ذكي
استخدم للمسلسل دعايا من كل الصحف القومية في العالم العربي المعادية لاسرائيل
و خلق حالة من الزخم و الضغط الشعبي

و راح امن الدولة شخروميت مرة

لحد اما ممدوح الليثي وصل لحل وسط .. اننا نشوف المسلسل و نخضعه للرقابة و نحذف منه المشاهد اللي ممكن تزعل اسرائيل 👌🏻👌🏻

فكرك محمد صبحي سلم منهم ..ابدااا
ده بعد نجاح المسلسل بقا
بقوا يتعمدوا يعرضوا له الافلام التافهة .. و يجيبوا نقاد ب 3 جنيه وربع يهاجموه و يسفهوا منه و يشككوا في ولاءه لمبارك ... و انه من بعد عبد الناصر مش بيحب اي رئيس 🤷🏻‍♀️🤷🏻‍♀️

🔸مايكل چاكسون :
بغض النظر عن الامراض النفسية اللي كان عايشها مايكل چاكسون
الا انه كان ملك البوب بلا منازع

لكن فجأة بقا بيفكر في قضايا العالم
و كان معجب برئيس حزب العمال في البرازيل لولا دي سيلفا
و ازاي بيقاوم بيع البرازيل اللي كان بينفذه الرئيس النيو ليبرالي فرناندو هنريك كاردوسو

و المثير يا اصدقائي ان كاردوسو في شبابه كان قومي و اشتراكي
اول ما وصل للحكم اظهر ولاءه للغرب
صندوق النقد الدولي حرفيا استعبده
اتجه للخصخصة و باع كل شركات القطاع العام .... قلل التدخل الحكومي في الاقتصاد لحساب رجال الاعمال
" اللي فيما بعد لولا دي سيلفا طلع ملفاتهم و علاقاتهم برجال الاعمال اليهود و عائلة روكفيلر في امريكا

لكن حرب دي سيلفا ضد كاردوسو الاكبر
ظهرت بعد اتفاقية اوسلو سنة 93
و محاولة تهجير اهل الضفة و توطينهم في البرازيل
و كان كاردوسو موافق و بيجهز للخطوة دي بقوانين كتير

چاكسون قرر يساعد دي سيلفا
عمل اغنية they don't care about us سنة 95
كلماتها كان فيها عبارات اعتبروها معاداة للسامية
و اتهام لرجال مخفيين عن العالم بتدميره

وصورها في البرازيل
وتعمد يظهر قد اييييييه احياء البرازيل تحولت لاحياء فقيرة
و الحال تردي بالناس جدااا
و الفقر بينهشهم
وطلع في برنامج و قال 👈🏻 لم اجد في البرازيل سوي تدهور للمواطنين
و ان كل ما يشاع عن تحسن اقتصادهم وهم
لا افهم في الاقتصاد و لم اكمل تعليمي حتي .. لكن عيني تستطيع تمييز الفقر و الجوع

وهنا بقا دي سيلفا زعيم المعارضة و حزبه
قدروا يروجوا قضيتهم و دفاعهم عن وطنهم و شعبهم
لحد ما كسبوا الانتخابات في 2003
" علي فكرة كان في صحف برازيلية بتتهم لولا دي سيلفا بعدم الوطنية و الخيانة و العمالة لجهات خارجية و بيتشهر بيه تشهير يهد جبال و الله 😂😂
مع انه كان بيحارب الفقر و توطين الغرباء و نشر الجهل وتسرب الاطفال من التعليم و تفكك الاسرة و رفض العلاقات الجنسية خارج اطار الزواج و الشذوذ و تغيير الهوية الجندرية 😂😂 ... و اللي موافقين بقا علي التوطين و الفقر و الفشل الاقتصادي تحت مظلة الوطنية هما اللي شرفا 😂😂 عجايب يا زمن علي رأي الست هند رستم 🤷🏻‍♀️🤷🏻‍♀️"

▪ لكن بعد الاغنية و البرازيليين اللي بدأوا يسمعوا للمعارضة و يفهموا خطورة توطين شعب تاني في بلدهم
ما هو چاكسون كان اسطورة و بيتحكم في عقول ... سبحان الله علي القبول 🤷🏻‍♀️🤷🏻‍♀️

بدأت الفضايح تلاحق مايكل چاكسون
ده بيدوفيليك .. ده بيغتصب الاطفال .. ده شاذ
و بدأ يحاول يدافع عن نفسه
لكنه اصلا كان هش نفسيا

لحد ما طبيبه اغتاله 🤷🏻‍♀️
ما هو انك تبوظ مشروع توطين لليهود ده .. مش حاجة هتتساب عليها
ده انت هيطلع تلاتين اهلك لحد ما تتقتل 🤷🏻‍♀️🤷🏻‍♀️

🔸حتي الرئيس جمال عبد الناصر :
مفلتش من تشويههم
كل الافلام اللي اتعملت تشوه عبد الناصر و طموحاته
حصلت بعد ما هنري كيسنجر فضل رايح جي علينا وكأنها بلد امه 🤷🏻‍♀️🤷🏻‍♀️

هو ليه عبد الناصر اللي تم انتاج افلام تكره الناس فيه ... و ليه اتعمل عنه مسلسلين في اسرائيل تتهمه بالنازية
زي ما عملوا مسلسل اله الشر عن هتلر
و ده محصلش مع حد بعده 🤷🏻‍♀️🤷🏻‍♀️

في الملف ده بقا هنقوووول بيعملوا كده ازاي 😎😎
هيبجا واعر جوي يا بوووي
و دي بس حتة من علي طرف المعلقة 😉😉

اصل انا اما بينضغط عليا بتهت و بخاف و ركبي بتخبط ع الجيران 🙄
" و الله زماااان و بعودة .. ليلة ابوكم ليلة سودا 😉 "

🔘 جدير بالذكر ان لاجئين عرقية الاورومو " اللي منها ابي احمد " .. بيتوجهوا لمفوضية اللاجئين في القاهرة لطلب اوراق لجوء بالعافية
وبيهددوا انهم يحرقوا نفسهم تاني " كان في واحدة عمرها 26 سنة حرقت نفسها فعلا في 2019"
و عاملين عرايظ اضطهاد ان الداخلية بتتعدي عليهم انتقاما منهم عشان سد النهضة
و بيطالبوا بلجوء و رواتب و تحسين جودة معيشة
" طب مش لما نحسن جودة المعيشة للمصري الاول 😏"

يا كده يا الجميع سوف يعاقب

📌طبعا ده ملوش علاقة خاااالص بالمناوشات اللي بتفتعلها اثيوبيا لمصر .. و كمان صدفة ان عرقية الترزي هي اللي تبدأ النوش مع توجه وزارة الخارجية بشكاوي ضد مصر .. صدفة صددددفة 🤷🏻‍♀️🤷🏻‍♀️

و جدير بالذكر ان في 10000 طلب لجوء بس اتقدم في مارس و ابريل 2026 لهذه العرقية
" يعني في 10000 بني ادم عايش مخالف اهووووو 😎"

و تضامنا منااااا مع وزارة الخارجية الاثيوبية و خوفا منا علي مواطنيهم
يا ريت نلموهم و نروحوا نرميهم له في اول مقلب زبالة عليالحدود الاثيوبية
و الله الموفق و المستعااااان 👌🏻👌🏻

🔵 يوم التروية :
اللهم نسألك في يوم التروية ان تروي قلوبنا بدعوات شقت السماء إليك .. عساها كتبت مستجابة 🤲🏻🤲🏻

اللهم نسألك أن نجعل مصرنا رخاءا سخاءا
و من ارادها بسوء ف أرنا فيه يوم گ يوم عاد و ثمود
اللهم من تآمر علي مصر ف أرنا فيه عجائب آياتك و ألبسه رداء الخزي و العار
اللهم من اساء الي مصر و فرط في أرضها ف اجعله من ورثة الجحيم يا الله

و ارزقنا الصبر و الثبات و ألف بين قلوبنا و اجمع شتات أمرنا و اصلح ولاة أمورنا

يارب نسألك ب لا اله الا الله و هي تملأ الميزان أن تنصر رئيس مصر علي كل من يتآمر ضده و ضدنا يارب
و ارزقه البطانة الصالحة المخلصة
و الهمه نور البصيرة و الحكمة

🌺 في يوم التروية لا شئ يستحق الانشغال به سوي العبادة و الذكر
فانشغلوا بذكر الله 🙏🏻🙏🏻

و لا تنسوني من صالح دعاءكم ❤
رزقكم الله جميعا الرزق الهين اللين المبارك فيه .. و جبر الله خواطركم في ابناءكم و صحتكم و قواكم وغفر لنا و لكم ❤

🌺 لبيك اللهم لبيك
لبيك لا شريك لك لبيك

ان الحمد و النعمة لك و الملك لا شريك لك

الله أكبر الله أكبر الله أكبر
لا اله الا الله
الله أكبر الله أكبر و لله الحمد
اللهم صل علي سيدنا محمد
و علي اصحاب سيدنا محمد
و علي ازواج سيدنا محمد
و علي آل سيدنا محمد و سلم تسليما كثيرا

الله أكبر كبيرا
و الحمد لله كثيرا
و سبحان الله بكرة و أصيلا
لا اله إلا الله وحده
صدق وعده .. و نصر عبده .. و أعز جنده و هزم الأحزاب وحده
لا إله إلا الله
و لا نعبد إلا اياه
مخلصين له الدين و لو كره الكافرون

و عند الافطار دعوة للصائم لا ترد
ف ياااااارب لا ترد لي دعوتي

اللهم اجعل كل من أحبني و احببتهم فيك في لقاء عند حوض نبيك الكريم
و اجعلنا يارب ممن تظلهم في ظلك في يوم لا ظل إلا ظله فقد وعدت المتحابين فيك يا الله .... و انا أشهدك اني أحبهم جميعهم فيك يا الله
اللهم ارزق أحبتي الارزاق الهينة اللينة التي لا ضر فيها و لا شقاء
و ارزقهم راحة البال و جبر الخاطر

اللهم ان كان فينا شقيا ف تجاوز عنه و ابدل حاله
و ان كان فينا عصيا ف اغفر له و تب عليه
و ان كان فينا مريضا ف اكتب له الشفاء و أجره صبره
و رد غائبنا و ارفع درجاتنا و ارحم امواتنا و هون علينا فراقهم
يا ربي اسألك بأنك أنت الله و لا اله الا انت أن تعصم كل ابنائي و بناتي من فتنة الدنيا و تجعلهم ممن يخشونك حبا لا رهبا

اللهم اني أشهدك اني سامحت كل من اغتابني و سبني و قال في ما ليس في افتراءا و زورا و بهتانا .. اللهم اني اشهدك اني فككت رقابهم من خصومتي
ف كيف لي أن اطلب منك المغفرة و انا افتقد القوة لها
غفر الله لنا و لكم جميعا 🤲🏻🤲🏻

كل سنة و انتوا طيبين حبايبي
عيد سعيد عليكم و علي كل حبايبكم و اولادكم وبيوتكم ❤🌺

انهاردة يوم الهدية من الله
منحة المغفرة و التسامح و التجاوز اللي بنتذلل لله من اجل الحصول عليهم
و بنتوسل من الله المغفرة
ف ازاي نطلب منه انه يسامحنا و احنا مش قادرين نسامح غيرنا و نغفر لهم ذنب تقيل زي الغيبة و النميمة و قذف المحصنات الغافلات ..... الدنيا مش مستحقة 🤷🏻‍♀️🤷🏻‍♀️

اتبسطوا في العيد
بالقليل هنفرح و نعيد .. و بالبسيط هنعيد علي اهالينا و مش هننسي جيراننا و اخواتنا المحتاجين لنا
التجارة اللي مش بتبور و لا بتخسر 👌🏻👌🏻

حقيقي بتمني لكم كلكم عيد سعيد
بحبكم كلكم جدااااا
عيلتي اللي هنا ... و كل اللي بيحبوني اللي عرفت انهم بالمئات ❤ ... انا كمان بحبكم ❤

عيدكم سعيد و يارب كل عيد علي مصر و المصريين في كل مكان يكون أسعد الايام ❤💚🌺

🔵 حاااااضن حااااضن ... هي يعني السياسة هتطيييييين

نخنص صينية النوقاااق ده و حلتين المحشي و المومبان دا و حتتين اللحمة المحمنة دي
و بعدين نشوف السياسة و الحنوووب 🙄🙄
ده كوكب مبيهمدش 🤷🏻‍♀️🤷🏻‍♀️

مصر كلها علي نظام اللي يجي في سكتك شوطه .. نظام اعظم عظمات الاكلات 😋😋