🔵 #انتهاء_أجندة_لبنان:

صحينا الصبح علي اخبار توغل اسرائيلي غير عادي داخل الاراضي اللبنانية

هو غير عادي للجميع
لكن بالنسبة لي معروف من 3 سنين
و كنا اتكلمنا في موضوع طموح ليڤي اشكول رئيس وزراء اسرائيل في الستينات و رغبته في تغذية اسرائيل من نهر الليطاني

📌 انهاردة الجيش الاسرائيلي بيعدي نهر الليطاني و بيوصلوا للضفة الشمالية للنهر
يعني مش بيكتفوا بتهجير المدنيين .. لأ ده بيوصلوهم للشمال كمان 👌🏻👌🏻

🔹 جيش الاحتلال سيطر علي قلعة الشقيف
و ده اعمق توغل له من وقت الانسحاب سنة 2000
و رفع عليها العلم
▪ اهمية قلعة الشقيف 👈🏻 احد اهم التمركزات المزعومة لحزب الله .. اللي كان من خلالها بيواجه الجيش اللبناني و بيمنعه ينزل الجنوب
حاليا مرفوع عليها العلم الاسرائيلي
دووووون اي مجهود

اي مخلوق علي السوشيال يقولك و قد قاوم حزب الله او توغل وسط رشقات صاروخية
ده انسان كذاب
لأن التوغل تم بالمركبات الخفيفة و علي الاقدام ... و دخلوا مجموعة قوارب " زوديك " محمولة عشان يعدوا بيها الليطاني

ف الاريحية دي في السيطرة و العبور دي معناها ان الارض اتسابت لها 🤷🏻‍♀️🤷🏻‍♀️

من مكان تمركز جيش الاحتلال قبل العيد لوصولهم انهاردة شمال الليطاني .. في بلدات لبنانية تم تدميرها و ابادتها من علي الارض
و تهجير اهلها

✨كل ده يا عزيزي بيحصل
و نواف سلام رئيس وزراء لبنان قاعد في مكتب مكيف
بيعمل مكالمات مع وزراء خارجية مصر و السعودية و اسبانيا و فرنسا
يعيط لهم
طب ما تحرك الجيش 🤔
قالك لأ 👈🏻 انا افضل التفاوض الدبلوماسي مع اسرائيل

◾شوف يا عزيزي :
هو التصرف ده صح و غلط في نفس الوقت
صح 👈🏻 لأن قدراته العسكرية اقل من القدرات العسكرية للكيان بكتييييير
و هتبقا مجزرة لهم
غلط 👈🏻 لأن الاشتباك المسلح علي الارض يساعد علي كسب قوة وقت التفاوض

و اللي حصل معاه ايه في مكالماته
طبعا مصر شجبت و نددت و رفضت التوغل .. ماشي تمام
السعودية و فرنسا و اسبانيا مشغولين ب مضيق هرمز و ورقة التفاوض الغامض بين ايران و امريكا
و چان نويل وزير خارجية فرنسا بيحاول انه يحشد اوروبا ضد امريكا لأنه حاسس ان التفاوض السري ده ... يعقبه فرض رسوم عبور في المضيق 🤷🏻‍♀️🤷🏻‍♀️

يعني محدش فاضيله 🤷🏻‍♀️🤷🏻‍♀️
و ده نجاح العصفورة و الصفقة الاووووولي بتاعت 7 اكتوبر
▪ ايران تدخل تدعم حماس امام العالم و بعد شهرين تخلع تماما
و تسيب غزة يتم ابادتها
و لحد انهاردة
و لو حد قالك ان في وقف اطلاق نار يبقا كذاب 🤷🏻‍♀️🤷🏻‍♀️
اسرائيل يوميا بتقصف غزة
من ساعة بس قصفت مخيم البريج .. و الخط الاصفر بتاع اتفاقية شرم الشيخ بقا جزء من الماضي 👌🏻
▪ تورط جنوب لبنان عن طريق عملاءها حزب الله
و تختفي من المشهد
بحجة انها عندها حرب مش فاضية 🤷🏻‍♀️
و تتوغل اسرائيل
و تعدي النهر كمان

ايه فايدة انها تعدي النهر و تتمركز شماله 👈🏻 ان في المفاوضات كل الاطراف تتحايل علي نتنياهو ياخد الجنوب بس و يسيب الشمال
و يجي ترامب بصفته رجل السلام يقوله خلاص بقا يا بي بي عشان خاطري يا اخي .. اكبرلي يا جدع و خد الجنوب بس

ف يتحول من محتل لواحد عامل مع لبنان واجب و كتر خيره 🤷🏻‍♀️🤷🏻‍♀️
▪ ايران استخدمت الحوثي يقرفنا في حركة الملاحة
و دلوقت اليمن بيحصد نتيجة افعال الحوثي من عداء دول البحر الاحمر له 👌🏻

و لسه في عالم وسخة بتطلع تقول للناس محور المقاومة و الجمهورية الاسلامية 🙄🙄

♦انهاردة الصبح قرار اسرائيل في 172 دونم من الضفة الغربية
يا تهجير اهلها في جيتو ناحية الجليل .. يا قبول المستوطنين وسطهم گ امر واقع
و الدونمات دي تدخل ضمن خريطة اسرائيل 🤷🏻‍♀️🤷🏻‍♀️

افضلوا بقا اهزوا علي الناس
بالداخل الاسرائيلي المقموص .. و بروستاتا نتنياهو اللي مسرطنة و قولونه الملتهب

علي فكرة ... تجهيلكم للناس " وانا بكلم اللي عاملين فيها محللين سياسيين و هما بقر و لا قادة رأي و لا يفهموا اصلا سياسة "
ده جزء من نجاح أچندة نتنياهو 👌🏻👌🏻

🔷🔶 تعالي بقا اقولك علي العلاقات الاسرائيلية الايرانية الوطيدة :

لو تفتكروا مفاعل تموز العراقي
▪ في 30 ديسمبر 1980 ايران نفذت العملية بابل و قصفت المفاعل
لكن كان متحصن كويس بالرادارات وقتها
▪ تقوم اسرائيل في 7 يونيو 1981 تنفذ العملية اوبرا و تقصف المفاعل و تجيبه علي الارض 👌🏻

في وقت قد ايه يا فندم 👈🏻 8 دقايق منهم دقيقتين كاملتين المقاتلات الاسرائيلية بتحلق فوق بغداد 👌🏻
و بيحصل تمويه بمقاتلات اخري علي الحدود العراقية الايرانية

🔹طب هل المقاتلات الاسرائيلية تاخد الوقت القليل ده من قاعدة رامون الي بغداد🤔
اكيد لأ
طب عشان تدخل العراق لازم تعدي في الاجواء السورية
هل رصدت سوريا اي مقاتلات
ابداااا 🤷🏻‍♀️🤷🏻‍♀️ ... لا ذهاب و لا عودة

▪ اومال خرجت منين المقاتلات اللي عليها علم اسرائيل 👈🏻 من قاعدة كرمنشاه الايرانية الجوية
و اللي متمركز فيها بالفعل قوة جوية اسرائيلية علي مقاتلات امريكية f16 وقتها 🤷🏻‍♀️🤷🏻‍♀️

و ده بقا يودينا للقاعدة الجوية الاسرائيلية اللي اكتشفها راعي الغنم من شهر في العراق
و اللي طلعوا قاعدتين مش قاعدة
واحدة في الانبار و التانية في كربلاء
و دول محافظات شيعية بامتياز تحت الحكم الايراني تقريبا
لأن بيحكمها ميليشيات انصار الله الايرانية

▪ اسرائيل بقا دخلت في السر و بنت قاعدتين و تمركزت فيها
و طيارات داخلة و طيارات خارجة من غير ما حد يحس بيهم 🤔🤔

طبعااااا تم تشييدها و بناءها بالاتفاق مع ايران ... لفرض السيادة الجوية الاسرائيلية علي العراق
وعلي المنطقة كلها 🤷🏻‍♀️🤷🏻‍♀️

بتعدي منين بقا المقاتلات دي 👈🏻 من الاجواء السورية .. و بتاخد تموينات من القاعدة الامريكية في ريف دمشق اللي بقا تحت السيادة الاسرائيلية حاليا 👌🏻👌🏻

✨ هااااا لسه في حد معرفش اطراف المؤامرة
و معرفش بتتم ازااااي
لسه في حد هيهري و يقول ان في حرب بتحصل 🤷🏻‍♀️


نتنياهو مش اعلن احتلال قلعة الشقيف فقط .. لا ده اعلن احتلال سلسلة جبال الشقيف كلها
و ان الاراضي اللي اكتسبها بدماء جنوده " اللي هما 4 جنود و ظابط بالمناسبة 🙄 " لن يفرط فيها تكريما لهذه الدماء

✨ هل لسه حد منتظر حاجة من فيلم حرب ايران ده 🤔
هو كده اسرائيل تمام
معاها غزة و الضفة و جنوب سوريا و جنوب لبنان وصوماليلاند

اخبار مؤيدي 7 اكتوبر ايه
انشالله تكونوا لسه مبسوطين في الوهم اللي باعوه ليكم بياعين الوهم

اللئيم يفوز دوما حينما يمتطي ظهور حمير ساذجة 👌🏻👌🏻

🔘من اسوأ المصائب اللي ممكن تصيب دولة .. انها تكون في كارثة و شعبه بيواجه كارثة
و هو عايش في عالم موازي و انفصال تام عن الكارثة دي لحد ما بيدخل بيها في حيطة😒😒

♦انهي دولة اللي هتبنيها
مفيش دولة بتتبني بشعب مقهور مشتت نفسيا .. مفيش دولة بتتبني و الارض بتتهان و بيتفرط فيها بمنتهي الرخص ..مفيش دولة بتتبني و هي منهارة اقتصاديا و مثقلة بالديون و مضطرة تبيع الاصول عشان متتفضحش😞

♦و فين الشعب اصلا .. الشعب اللبناني اللي كفر ببلده و نصفه ادان بالولاء لميليشيا متمردة لمجرد انها كانت بتصرف لهم رواتب في حين الحكومة تآمرت ضدهم و جوعتهم و فقرتهم
الشعب اللي كفر بالوعود الكذابة عن الاصلاح و الرفاهية و سافر و سابها ..43% من اللبنانيين سابوا لبنان و هاجروا
و لما الشعب اتفقر و جاع و هاجر.. بقا سهل احتلال الارض🤷🏻‍♀️

يا تري مين المسئول عن ضياع لبنان
▪صندوق النقد اللي باع مصانع الجيش و بالتالي فككه
▪صندوق النقد اللي خصخص كل الشركات حتي المياه والكهربا
وبقا المواطن بيعطش ايام و في ضلمة ايام عشان معهوش تمن الكروت
▪الحكومة الخاينة اللي اثقلتهم بالضرايب و كل يوم تجلب قروض
وفشلت تسددها فهربت
▪الشعب اللي سمح باهانة جيشه
ام جميع ما سبق😏

🔘 تعالوا اما احكيلكم حدوتة قبل النوم
عن الكمين اللي اتنصب للجيش اللبناني

و ده يعني مش جيش ضخم و يعول عليه زي العراقي او السوري زمان مثلا
لا هو طول عمره كتكوت ضعيف الجناح و الدنيا لعبت بيه

بس كان علي قد الحياة في لبنان 🤷🏻‍♀️🤷🏻‍♀️

📌 لكككككككن 👈🏻 هو جيش لدولة تقع في مرمي اهداف اسرائيل
اخدلي بالك يا سعادة البيه 🤔

♦لما حصل اجتياح اسرائيل لجنوب لبنان سنة 1982 .. اللي اشتبك وقتها مكنش حزب الله
ده كانت وحدات من ظباط و جنود الجيش

و علي الرغم من انه وقتها كان منهك جداااا بسبب خروجه من الحرب الاهلية اللبنانية👈🏻 اللي اشعلتها منظمة التحرير الفلسطينية في لبنان
" ما هو يا عزيزي الفصايل الفلسطينية دي سوا فتح و لا حماس و لا سخام ازرق .. وظيفتها في المنطقة ان اسرائيل تقولها ادخل يااااااض اعملي فرشة في الحتة الفلانية عشان احتلها
فيقولها حاضر يا كبير و ينفذ 👌🏻 "

كان من باب اولي ان اشاوس فتح بدل ما يحاربوا الجيش اللبناني .. يحاربوا الجيش اللي محتل اراضيهم 🤷🏻‍♀️🤷🏻‍♀️

من سنة 1975 لسنة 1981 الجيش اللبناني بيتفرم في حرب اهلية
و لما حصل الاجتياح الاسرائيلي سنة 1982 بقا بيقاوم
مكنش وقتها اصلا اتعمل حزب الله
لكن كان في حركة امل و الجبهة اليسارية و شوية فصايل فلسطينية من مخيمات الجنوب واقفين جنبه

و وقف الاجتياح عند النبطية
و محصلش تقدم في قلعة الشقيف و لا سلسلة الجبال
و كان بيقاوم ببسالة

♦ايه الحجة بتاعت الاجتياح ده 👈🏻 اسرائيل بتلاحق منظمة التحرير دفاااااعا عن نفسها ضد الارهاب
يووووووه بردووو 🤔
▪ سنة 1983 نجح الجيش انه يفك الحصار عن بيروت و الضاحية " اللي هما متحاصرين انهاردة 🙄"
▪ سنة 1985 في 8 يناير قدر يجبر جيش الاحتلال للتراجع في عمق الجنوب عند ما يسمي الشريط العازل

هووووووب يا صديقي نشأ حزب الله في 16 فبراير 1985
و تلا السيد ابراهيم امين الامين العام الاول للحزب البيان التأسيسي بعنوان " رسالة الي المستضعفين في العالم .. نحن من سيقضي علي الصهاينة " تصفيق حاااد يا جماعة لو سمحتوا .. انتوا مش شايفين العنوان بتاع البيان .. و بتاع اللبان و اللي مبانش 🙄🙄

و قالوا للجيش اتفضل انت اطلع ارتاح في الشمال و احنا هنحرر الجنوب

يقعدوا قد ايه يا مؤمن بيئاوموا مئاومة شديدة 🙄
من سنة 1985 لسنة 1999
لا اسرائيل بتطلع من الجنوب .. و لا حزب الله بينتصر
بس هاريين الكوكب بيانات 🤷🏻‍♀️🤷🏻‍♀️
الجيش اللبناني قالك لأ .. مبدهاش بقاااا
بدأت شوية مواجهات عنيفة
لحد ما صدر قرار الكنيست بانسحاب اسرائيل من الاراضي اللبنانية

✨ سؤال ال home work :
اجب عن الاسئلة التالية :
▪ لماذا تم انشاء حزب الله
▪ من الذي اجبر اسرائيل علي الانسحاب
▪ ما هو دور منظمة لامؤاخذة التحرير غمرة عباسية في خراب لبنان 🙄

🔷🔶 هنا بقا اتفاجئت الصهيونية بقدرات الجيش اللبناني
ايه ده 🤔 انت لسه فيك حيل تقاوم 🤔
طييييب لك حل

📌 ايه بقا الحل :
تعالي اقولك الحدوتة

لبنان كانت خلاص اتدمرت ماليا
هتلجأ لميييين 👈🏻 صندوق النقد
و الكلام ده كان في 2002
▪ هنا صندوق النقد معندوش الا روشتة واحدة
ندمر العملة ... نبيع الاصول ... نرفع الدعم و نرفع الشعب بالمرة
الخلطة دي لا تنجب الا 👈🏻 الفقر و الجوع

و مش بتتم ابدا علي ايد حكومة وطنية ... صندوق النقد انطرد من الدول اللي حكوماتها وطنية و طلعوا زي الكلاب الحزينة
زي طردته من ماليزيا و البرازيل 🤷🏻‍♀️🤷🏻‍♀️

🔹الجيش اللبناني بيتصرف عليه من الموازنة و من مساعدات من فرنسا
و بيملك حاجة اسمها " المؤسسة الاقتصادية "
ايه المؤسسة الاقتصادية دي 👈🏻 مجموعة كيانات صغننة عبارة عن مصنعين ادوية .. مزارع .. منافذ تموينية .. منتجعين سياحيين
بيبيعوا منتجات و سلع مخفضة للجنود و المدنيين كمان ... و في نفس الوقت العوائد بتتحط علي موازنة تحسين الرواتب و الحوافز لافراد الجيش

🔸جه بقا يا سيدي صندوق النقد و إلاااااا نبيعوا شركات الجيش " قصدي المؤسسة الاقتصادية "
كونتا قاعد هنا .. و كنتي قاعد هنا
و الصندوق علي نغمة وااااحدة
نبيعوه يا بابا .. نبيعوه يا بابا .. نبيعوه يا بابا

علي يدناااااا كلنااااا 😎😎

اتباعت الفنادق و النوادي
يوووووه قصدي المنتجعات السياحية .. بتلخبط يا اخي 🙄
و بعدها باعوا المصنعين الغذائيين
و اللي بعدوووو و اللي بعدووووو

هوووووب صحي الجيش لقي نفسه ملط .. علي الحميد المجيد
قالوا مااااااشي الموازنة تعوضنا
رئيس الحكومة قالهم يعوض عليكم ربنا 🤷🏻‍♀️🤷🏻‍♀️ ... اجيبلكم منيييين
ده الليرة فضلنا نعوموها لحد ما فقدت 90% من قيمتها ... و لما تفقد 100% لازم هدولر " يعني ألغي الليرة و اثبت الدولار گ عملة "
و ده شئ هيرفع التضخم طبعاااا
بصوا احنا داخلين علي ايام مهببة

🔸رد الجيش 👈🏻 طب وسط الغلاء ده و التضخم ازااااي هنعيشوا بنصف راتب

الحكومة تلجأ لمين 👈🏻 للصندوق
و طبعا الحل عند الصندوق جاهز و منتظر اللحظة دي
الحل كان اييييه 👈🏻 سرحووووهم
وقف الترقي لحد رتبة عماد و محدش يبقا جنرال .. كله يتقاعد و التقاعد بتلت راتب
يبقا انت كده وفرت رواتب
و اللي عايز يشتغل شغلانة تانية بعد الضهر ادوله الصلاحية بكده

ظابط و شغلانة تانية دونت ميكس يا باشا 🤷🏻‍♀️🤷🏻‍♀️

كده عدد الجيش بدأ يتقلص
بس في عجز في الموازنة يا حكومة
طب نعملوا ايه يا صندوق 🤔
بيعوا التسليح الزيادة 🤷🏻‍♀️🤷🏻‍♀️
ده اصلا سلاح كتير علي العدد .. و بعدين انت خايف من ايه مش اسرائيل انسحبت و قرار مجلس الامن 1175 موجود

هتعمل ايه بالسلاح ده ... بيييييع بيييييع 🤷🏻‍♀️🤷🏻‍♀️

بيع السلاح عشان تسدد عجز الموازنة .. عشان بيع شركات الجيش مكفاااااش
و لو مبيعتش 👈🏻 يبقا برنامج الاصلاح بتاعي معاك منتهاااااش و مفيش شرايح و مش همشي في اكتوبر 2026
يووووووه اتلخبطت تاني 😎 قصدي يونيو 2006
هو انا مخي دفتر 🙄🙄

بيييييع .. بيييع عشان ننفذ الاجندة و نخلص منكم بقا 😒😒

🔹و لحد سنة 2006 كان الجيش اللبناني وصل للحال زي ما انت شايفه كده
لا منظومة صواريخ .. لا طيران .. لا ردارات
هما كام دبابة عتيقة و مركبات خفيفة و شوية بنادق
و حبة ظباط راسمين تاتو علي ضهرهم لامؤاخذة 🙄🙄
و طبعا كتيييير قدم تقاعد و سافر برا لبنان اصلا و اشتغلوا بادي جاردات في اوروبا🤷🏻‍♀️

✨ اسئلة ال home work :
▪ اذكر بالدلائل دور صندوق النقد الدولي في مساعدة اسرائيل علي احتلال الدول
▪ كيف ساهمت حكومة لبنان في تدمير جيشها

الكراسات تبقا متسطرة كويس
و استخدموا الجاف الازرق و الاسود
و اي شطب في كراسة الواجب هديكم صفررررر في اعمال السنة 😒😒

🔘 نص كوكب الارض بيجري ورايا و النص التاني بيحظرني 🙄

📌مقال تفاعلي في الاندبندنت عن الارجنتين .. ان الارجنتين أفلست و بتبيع اصولها و صندوق النقد اعد خطة لبيع المدن الاكثر مميزات
الصحفي بيعرض من وجهة نظر اقتصادية
تفاعلت مع المقال زي باقي المشتركين
قولتله :لأ ..الارجنتين لم تفشل اقتصاديا عشان الاقتصاد فقط.. صندوق النقد هو اللي افقرها
عشان يبيعوا المدن لمؤسسات الصهيونية العالمية المالية عشان يتنقل لها اهل سوريا و لبنان و قريبا الاردن من اجل اتاحة الفرصة لاسرائيل لتوسعة نفوذها علي الخليج و مصر و تكون جارة ملاصقة للجميع و العراق بردو هيتنقل اهله
و من اجل ذلك انشأ روتشيلد صندوق النقد من اجل خدمة الصهيونية للسيطرة علي الدول و شراءها بعد ما تتدمر اقتصاديا
و اتعملت في اليونان و قبرص و اشتروا مدن كاملة بعد ما صندوق النقد اجبرها تعلن افلاسها
معروف يا چاك ان صندوق النقد هو الذراع الاستعماري الاقتصادي للصهيونية
و عملها في بوليفيا وتشيلي و السلفادور واوروجواي
اتحظر ليه بقا
انا ليا عند روتشيلد 34 يورو باقي الاشتراكات والعرق المنوفي جوايا لن يقبل.. و مفيش منوفي يتقلب يابا انا كده تتسحب مني فيزا شبين الكوم
شعبي يقول عليا ايه🥹

🔵 #القطاع_المصرفي_المصري:

مبدئيا كده مصر بتملك قطاع مصرفي قوي جداااا
لا هو آيل للسقوط
و لا هو فيه ثغرات

📌 فلوسنا في البنوك هنعمل فيها ايه يا چيلان 🤔
هتسيبها يافندم في البنك زي ما هي
و اطمن فلوسك آمنة

📌 طب و اللي حصل في موضوع ال atm قبل العيد .. ده مش مؤشر خطر ان مفيش سيولة في البنوك 🤔

تعالي واحدة واحدة اطمنك
🔹اولا : احد مشكلات مصر في الالفينات اننا كان عندنا سيولة بزياااااادة اوي
ف كان عندنا تضخم خفي احنا مش حاسين بيه لأن الاسعار كانت معقولة و معظمنا قادر يعيش كويس
🔹و مكنش عندنا رقيب علي طبع البنكنوت
و اتجهنا لطباعة الفئات الكبيرة زي ال 50 و ال 100 "وقتها كانت كبيرة 😒 "
🔹السيولة دي موجودة في البنوك و حركة دوران الاموال اليومية في الاسواق
🔹البنكنوت ده بيتهالك
بتاخده البنوك ترجعه للمركزي تحت بند " هالك " و تستلم بنفس المقدار طباعة جديدة


✨ يبقا هنا انت حجم السيولة عندك آمن

🔹حجم الطلب علي البنكنوت بيزيد بزيادة التعداد السكاني
ف انت بعد ما بقيت تحت رقابة الصندوق .. مبقتش الطباعة عشوائية
انت لك 250 مليون جنيه من جميع الفئات سنويا لاستعواض الهالك و مواجهة النقص

ال 250 مليون دول الحد الاقصي
يعني لو انا عندي هالك 100 مليون يبقا مش هطبع ال 150 مليون 🤷🏻‍♀️🤷🏻‍♀️

و بعد خطوة البوليمر للفئات الصغيرة
خفضنا تكلفة طباعة العملة و كمان الهدر 👌🏻👌🏻

♦ايه دليل ان انا معنديش ازمة سيولة في مصر و مش هواجه الازمة دي 🤔
حاجة اسمها الكوريدور

🔸ايه يا چيلان الكوريدور ده 👈🏻 ده يا سيدي اعتبره كده اجتماع جرد بيعمله البنك المركزي لكل البنوك اللي في مصر كل يوم ثلاثاء من كل اسبوع
بيسحب منهم السيولة الزايدة عندهم
ليييييه 👈🏻 عشان السيولة الزايدة بتقلل قوة العملة فبتؤدي لتضخم نقدي

بياخدها عنده في شكل ودايع لمدة اسبوع
يقدروا يسحبوا منها .. او يزودوا عليها علي مدار الاسبوع
و بياخدوا فايدة يومية

مفيش مرة اتعمل اجتماع الكوريدور ده و مكنش في سيولة زايدة
اقل مرة المركزي بيسحب فيها .. بيكون 400 مليار جنيه و كتير بنكسر التريليون جنيه

ده معناه ان مفيش ازمة سيولة مطلقا اهووو 🤷🏻‍♀️🤷🏻‍♀️

🔷🔶 طب ايه اللي حصل .. ده محمد الاتربي قال ان المصريين السبب و هما اللي اكلوا الجبنة
و سحبوا 9 مليار جنيه في يومين
و بعده عوالم السوشيال حسسونا اننا ضيعنا الدنيا 🤔🤔

🔸هو بس مبدئيا من يوم تعويم 6 مارس الاسود و محمد الاتربي امتهن مهنة تانية جنب الصيرفة " تعريييييي...ض الاداء المصرفي " اسس مدرسة جديدة ااه 🙄
عشمان يا عيني يمسك محافظ
و خايف يركبوا عز العرب " و هو اصلا عز العرب مش عايزها .. فبلاش التعريييي..ض علي الريق ده يا اتربي احسن يجيلك قرحة .. كل 7 تمرات قبله 🙄 "

لا الشعب غلطان و لا الشعب عمل حاجة اصلا 🤷🏻‍♀️🤷🏻‍♀️
لو 9 مليون مواطن من اصحاب المعاشات اللي هما 11 مليون و 800 الف
قرر ان كل واحد منهم يسحب 1000 جنيه
دول ال 9 مليار بتوع الاتربي

📌 اي ازمة بيتعملها حاجة اسمها 👈🏻 تقدير موقف
ده في اي دولة
دكانة المعلم مدبولي و شركاه مبتعملش كده اصلا

تقدير الموقف بقا بيقول ايه :
▪ اجمالي حجم المعاشات المنصرفة لاصحاب المعاشات 42 مليار شهريا
▪ تزامن صرفها مع صرف رواتب العاملين بالدولة يوم 25 من كل شهر
اللي حجمها 56.5 مليار جنيه
▪ تزامن صرفها مع حلول عيد الاضحي و هو موسم نقدي لسحب زيادات انفاقية و تحويلات من الخارج
قيمتها تقترب من 80 مليار جنيه " لو قارننا بظروف العام الماضي "

يبقا انت الماكينات بتاعتك المفروض كان يبقا فيها 42 + 56.6 80 مضروب في نصف القيمة .. الكل + اجمالي القيمة
هي دي معادلة تغذية الاحتياجات النقدية 🤷🏻‍♀️🤷🏻‍♀️

ده محصلش
ندور بقا محصلش ليييييه
مين اللي اعطي الامر ان ده ميحصلش 🤔🤔
و كان غرضه ايه 🤔

♦ طب هو احنا نظام تغذية الماكينات عندنا اييييه 🤔
" عشان بردو الهبدة بتاعت نخنوخ و بخبوخ و فالكون و زفت 😒 "

طارق عامر الله يعمر بيته و يحفظه في اكتوبر 2020 .. اسس شركة ايجي كاش

شركة بيملكها البنك المركزي
مسئولة عن ماكينات الصرف الالي
الشركة دي بتاخد احتياجات الماكينات المالية من البنوك
و تتولي نقلها للماكينات
بيعاونها مجموعة شركات زي امانكو .. فالكون .. سوات .. تارجت
لكن هي الاساس

شغلها مش مقتصر علي تغذية الماكينات و نقل الفلوس بس
لاااا .. ده طارق عامر اسس حاجة اسمها مراكز الكاش
دي اماكن مشفرة
بتستلم الكاش و تراجعه
و فيها ناس بتعمل تأمين و حصر لاحتياجات الماكينات
و فيها سيستم تكنولوچي دقيق جدااا رابط كل ماكينات السحب ب مراكز الكاش
لو اي ماكينة في انحاء الجمهورية طاقتها انخفضت عن 15% .. بيظهر رسالة تحذيرية علي السيستم
ف بتتوجه عربة نقل نقود للماكينة و تقوم بتغذيتها 👌🏻👌🏻

لو اثناء النهار البنوك بتتولي التغذية لحين وصول الشركة " لو معاهم المفتاح التأميني للماكينة "
لو في الليل التحرك بياخد من 6 ل 8 ساعات عشان الاجراءات الامنية و الرقابية

ايچي كاش بيكون عندها احتياطي نقدي يكفي 72 ساعة متسلم لها من المركزي

ف هنا لا عندك ازمة سيولة في البنوك و لا عندك ازمة في شركة نقل الاموال

✨ سؤال ال home work :
▪ اذكر فين" السوسة" اللي نخورت و تسببت في الازمة السالف ذكرها 🙄

🔘 نيجي بقا للعبة الوسخة اللي بتتلعب :
هو انت مفكر يا عزيزي انك لما تنزل تسحب فلوسك من البنك دي شطارة

لا حبيبي
احنا كده بنعملوا مصيبة سودا في البلد
لييييييه :
▪ فلوسك اللي عند البنك مش محطوطة اكوام اكوااام في الفسحة
دي شغالة برا
في قروض تمويلية .. في مشروعات بيديرها البنوك .. في تمويلات عقارية
العوائد اللي بتيجي منها هي اللي بتغطي الفوايد اللي بتحصل عليها .. و السيولة النقدية المطلوبة للاسواق

▪ طب لو كلنااااا قررنا نسحب فلوسنا👈🏻 مفيش فلوس طبعا توفي الغرض
▪ يبقا هيحصل ايه 👈🏻 انهيار للقطاع المصرفي
▪ ده يخلق حالة عدم اليقين للمستثمر بتاع الاموال الساخنة 👈🏻 يجري يسحب هو كمان
▪ و ده يعمل سقوط مالي

و ده اللي بيسعي له ولاد المت..ضايقة 🤷🏻‍♀️🤷🏻‍♀️

هل ينفع احنا ننولهم ده بإيدينا

اربط تفاصيل الازمة دي بالتحريض علي سحب الاموال من البنوك .. هتفهم ان كل ده بفعل فاعل

ارجوكم حكموا عقلكم
القطاع المصرفي المصري آمن جدااا .. بلاش احنا اللي نديهم مبررهم لآذيتنا

انا متفهمة ان كل الجبهات بتتفتح علينا في توقيت واحد و " ريكاردو و ايزاك " شغالين بأقصي سرعة

لكن لما نلاقي جدار يريد أن ينقض .. لازم نعمل زي سيدنا الخضر عليه السلام و نجروا نقيمه .. عشان منخلوش الظلمة ينالوا غرضهم منه 👌🏻👌🏻

ربنا يكفي مصر شر خونة الداخل فيها و ينتقم لها منهم يارب 🤲🏻🤲🏻