🔵بعد ما رجعت من الشغل كده
قولت اما اتسلي شوية مع الذكاء الاصطناعي

ما في بشر كتير عندها قصور عقلي و قلة بديهة و جهل بتحتاج له

عاااادي
فقولت اما اسأله كده عن فوايد امتهان الدعارة

📌المفروض بقا انه يرد عليا ان الدعارة ملهاش فوايد
لااااا ده طلع لها فوايد ☝🏻☝🏻

📌 فقولت اسأله عن الست اللي اسمها چيلان قاسم دي
و النبي يا ولاد لقيته يعرفني اكتر من جوز اختي 😂😂😂

بس اللي لفت نظري ان چيلان قاسم الذكاء الرباني صححت للذكاء الاصطناعي معلومة 😎😎

بس طلع دمه شربات المضرووووب 😂😂

كم انتي راااائعة يا چاكوووو
حتي الذكاء الاصطناعي محتار قدامك

و ده لما احب اختصمه يوم القيامة
اخد من حسنات سوفت ويره 🤔
و لما ادعي عليه
اقوله روح الهي خوارزمياتك تتسلخ 🤔

اما تكبروا ابقوا تعالوا اقفوا قدام چيلان قاسم ... انما طول ما انتوا رقاصين
ف خدوا بفتوة الشيخ چيمناي و احترفوا الدعارة 😎😎😎

▪ و انت لما تحب تسكت واحدة ست منحازة للناس و بترزع للحكومة بسبب فسادها وفشلها ومش عارف تجيب انسان وااااحد يسكتها بالعلم .. تعمل اييييه 🤔
▪ ألم العيال المرتزقة اللي بأكلهم و اخليهم كلهم يهاجموها في وقت واحد و ينزلوا بوستات تشهير بيها في نفس التوقيت و نهش فيها عشان ابعد الناس عنها 👌🏻👌🏻
▪غشيييييييم ... ما كده الناس فهمت ان دي تعليمات و ان كلابك قبيضة يا جحش و انها هجمة مفتعلة
و الناس مبقتش اغبيا و هتتفهم بسرعة يا حمااااار 🤷🏻‍♀️🤷🏻‍♀️

🔵 انا مبقاش في حاجة بتفرحني الا الراجل ده و هاني سويلم و الاهلي برغم ضياع الدوري 🙄🙄

📌 عارف يعني ايه تفتح عينيك علي اعلان وزير البترول ان الوزارة صفرت مديونياتها
و دي اصلا اول مرة في تاريخها من يوم ما عملوها
هي اتعملت مديونة🙄

يعني نور ساطع في توقيت عتمة .. يعني في ناس بتنجح لأنها متخصصة و صاحبة علم و فاهمة مجالها .. يعني مش مستحيل نحافظ علي كرامتنا

كريم بدوي وزير يحقق النجاح من الانجازات .. اول واحد يعمل انجاز نجني ثماره .. زيه زي د.هاني و جني ثمار البحث العلمي في محصول القصب و القمح و البستانية👌🏻

🔸كريم بدوي قدر يحقق انجاز و يسدد مديونية و يرفع كفاءة العاملين في القطاع و كمان هيساعد في سداد عجز الموازنة و سداد الديون

ده النتيجة الحتمية للعالم المتخصص الوطني الشريف اللي عينيه مليانة و بوصلته بلده فقط

معنديش كلام غير اني ادعيلك من قلبي و الله
روح يا شيخ ربنا يحفظك و ينجيك و يعمي عيون العصابة عنك و يوفقك و يثبتك 🤲🏻🤲🏻

‏( عرفتوا مين اللي بيعرف يسدد ديون 👈🏻 المتخصص الفهمان .. مش شوية مرتزقة موعودين بمناصب برا 😒 ‏)

🔵 #متفرقات_اقتصادية:

🔷🔶 صفقة جبل الزيت :
ناخد بس شوية معلومات عن المحطة الاول :
▪مكان المحطة في البحر الاحمر " مش عند العاصمة الادراية خااااالص " هي عند راس غارب كمان و هو مجمع جبل الزيت 1 , 2 , 3
▪اعمال التخطيط و اقتراح اتفاقيات التمويل بدأت في سنة 7 مارس 2010 " ده اول تاريخ تم اقتراح فيه للمنطقة اصلا "
لكن مجرد تخطيط و فكرة و وقف عشان آليات التمويل
" لأن كان المقترح ان الحكومة المصرية تمولها مع بعض رجال الاعمال .. لكن المبلغ كان فوق طاقتهم و مقدروش 👌🏻"
▪في 2015 بدأت اعمال الانشاء و التركيب
▪تم الانتهاء منه و افتتاحه في 24 يوليو 2018
" يعني احنا بنستهلك منه بقالنا 8 سنين "
و تم تحديد عمر افتراضي للمحطة " توربينات و محولات و ما شابه "
من 20 ل 25 سنة
يعني ينتهي من 2038 ل 2043

لكن ده في حالة عدم الصيانة و الاحلال التكنولوجى و رفع الكفاءة الدوري

📌 نشوف تكلفة و تمويل المشروع :
🔹التضارب ما بين الرقمين 340 مليون دولار .. لا 575 مليون دولار المنتشر ده
هو لا هذا و لا ذاك
المشروع ده له جهات ممولة خارجية و داخلية
الجهات الخارجية :
عبارة عن قروض ميسرة و منح
" قرض ميسر يعني مدة سداده لا تقل عن 15 سنة من بعد بدء التشغيل "
اجمالي التمويل الخارجي ده 👈🏻 340 مليون يورو " يورو مش دولار " يعني بما يعادل وقتها 398 مليون دولار
توزيعتهم :
▪ في منحة غير مستردة من مفوضية الاتحاد الاوروبي ب 30 مليون يورو
▪بنك الاستثمار الاوروبي " EIB" مول ب 115 مليون يورو قرض ميسر
▪ بنك التنمية الالماني " KFW " "عشان في بنك المجموعة الالمانية للتنمية و ده حاجة تانية و ملناش معاه معاملات "
دفع شريحتين
شريحة في 2015 ب 72 مليون يورو
ثم شريحة تكميلية في نهاية 2017 ب 70 مليون يورو
▪الوكالة الفرنسية للتنمية 53 مليون يورو
كده اجمالي التمويل الخارجي 340 مليون يورو = 398 مليون دولار "

الجهات الداخلية :
تم تمويل بعض اعمال الانشاءات و ربط المحطات من مصر
الخزينة + صندوق تحيا مصر + البنوك المصرية
" معرفش ايه معلومة صندوق مصر السيادي دي .. الصندوق مكنش تم انشاءه اصلا وقت افتتاحها حتي 🤷🏻‍♀️🤷🏻‍♀️ "
كام التمويل ده 👈🏻 171 مليون دولار

يبقا اجمالي تمويل المحطة كاااام 👈🏻 569 مليون دولار
هناخد متوسط عمر افتراضي 22 سنة
يبقا تكلفة اهلاك السنة الواحدة👈🏻 تقريبا 26 مليون دولار
اضرب في 8 سنوات استهلاك مصري 👈🏻 207 مليون دولار تقريبا
اطرحهم من اجمالي التكلفة
هيطلعلك قيمة المحطة انهاردة
569 - 207 = 362 مليون دولار
ده حاجة اسمها القيمة الدفترية للمحطة

لكن انا لما ببيع .. بيتم البيع بالقيمة السوقية و ليست الدفترية
و ده اللي حددته الحكومة المصرية ب 420 مليون دولار

🔸 هل ده سعر عادل 🤔
لأ غير عادل بالمرة لو هتبيع
السعر السوقي للمحطة دي باعتبارها اكبر محطة طاقة كهربا بالرياح في شمال افريقيا و الشرق الاوسط كله
ما لا يقل عن 850 مليون دولار في ظل ازمات الطاقة المتكررة عالميا و قدرة المحطة علي التصدير

طب عشان نحل الاشكالية دي في فارق السعر 👈🏻 حق الادارة
يعني حق انتفاع
شركة ألكازار الاماراتية قالت 25 سنة ... الحكومة المصرية قالت من 20 ل 25 سنة
الورق نفسه مكتوب في ايه الله اعلم
بس ناخد انه 25 سنة
هو حق ادارة و تأجير و انتفاع شامل قيمته 420 مليون دولار 👌🏻👌🏻

♦هو احنا عندنا فائض كهربا طيب عشان نبيع محطة كهربا 🤔
لأ ما هو ده ضمنه الاتفاقية
ان المشتري لانتاج المحطة هو مصر
بقيمة 2.4 سنت لكل كيلو وات / ساعة
تكلفة انتاج الكيلو وات / ساعة كااااام 🤔
انا سألت 2 متخصصين الحقيقة لأن انا مفهمش في الموضوع ده .. وجايز احسب تكلفة تطلع غلط
ف الافضل ارجع للمختصين
و الاتنين اجمعوا ان تكلفة انتاج الكيلو وات / ساعة من محطات الرياح مش بيكون الا في تكلفة التشغيل و الصيانة لأن الوقود مجاني اللي هو الرياح
و التكلفة تتراوح بين 0.7 الي 0.8 سنت لكل كيلووات/ساعة 👌🏻

♦يعني هنا ألكازار هتاخد المحطة حق انتفاع بقيمة 420 مليون دولار
و تنتج الكهربا و مصر هي اللي تاخد الانتاج كله حاليا بقيمة 2.4 سنت كيلووات/ساعة

و سعر البيع للنوع ده من الكهربا بيتراوح دايما من 2.8 ل 3 سنت عالميا 👌🏻

♦طب احنا استفدنا ايه و الامارات استفادت ايه
ما كنا خليناها معانا ووفرنا فارق سعر التكلفة عن البيع :
🔹احنا استفادنا ايه :
▪حصلنا علي سيولة دولارية تتوجه لجبل الديون اللي علينا لان احنا معندناش سيولة تأمن احتياجاتنا الدولارية للديون خلال الربع الاول من الموازنة الجديدة
احنا عندنا يوم 6 او 8 يوليو القادم استحقاق جزء من سندات اليورو بوند بحوالي 1.45 مليار دولار

▪توفير تكلفة الصيانة
هي يعني تكلفة الصيانة ازمة اوي
بالنسبة لوضعنا ازمة
المحطة تكلفة صيانتها " حسب كلام المختص " 30 مليون دولار
و المفروض بتتعمل في السنة ال 7 و ال 14 و ال 21
ثم في ال 25 يتم رفع الكفاءة و الاحلال
احنا معملناش الصيانة بتاعت السنة السابعة دي لأن الصفقة كانت في طي التفاوض
دي حاجة اسمها الصيانة الشاملة .. غير الصيانة السنوية لمتابعة الكفاءة و الاداء 👌🏻
ف هو شايف انه وفر ال 30 مليون دولار بتوع الصيانة
و هيوفر علي نفسه الصيانة السنوية
و هيشتري طاقة نظيفة
" هل ده تفكير اقتصادي سليم 👈🏻 ااه لكن بشروط
- نقص العمالة اللي محتاجاها العين الاقتصادية
- رفاهية الدولة ماليا
لكن في حالتنا انت بتلجأ لكل الابواب الاقتصادية اللي تجيبلك دولار و بتحاول تصيغه و تكيفه علي قد ما تقدر وفقا لظروفك الاقتصادية "
▪و من مميزات التكيف ده ان الحكومة المصرية هتدفع تمن الكهربا بالدولار ااه لكن البنكنوت مصري
يعني دفع بالمصري ما يعادل الدولار
و ده هيوفر علينا توفير سيولة دولارية لأننا معندناش ازمة في السيولة النقدية للجنيه 👌🏻👌🏻

🔹الامارات استفادت ايه :
طبعا الترويج لأننا ضحكنا علي الامارات و الصندوق و البيضة و الحجر ده شغل هذيان
الحداية مبترميش كتاكيت زي ما بنقولوا

▪اولا : ألكازار اللي اشترت دي اشترت بالمقر بتاعها اللي في جزر ڤيرچن البريطانية
و اصلا هناك اكتر من شركة اماراتية وغير اماراتية لأن هناك مفيش ضرايب
يعني ألكازار مش هتدفع ضرايب علي نشاطها ده للحكومة الاماراتية
▪ثانيا :هتستفيد من عدم ازدواجية الضرايب بين مصر و الامارات وفقا للاتفاق التكميلي لبنود اتفاقية الضرائب بين مصر و الامارات اللي اتعمل في يناير 2024 " عشان صفقة رأس الحكمة "
يعني الامارات هتدفع لمصر ضريبة بسيطة اللي هي ضريبة الاستثمار عن صافي الارباح داخل مصر
لما تحول الارباح دي للشركة الام عشان ضريبة الدخل .. هتحولها ل جزر ڤيرجن اللي هي صفر ضرايب 🤷🏻‍♀️🤷🏻‍♀️
▪ثالثا : توسيع قاعدة مصادر الدخل بعيدا عن البترول و الغاز المستخرج من الدولة نفسها
" استثمارات متنوعة يعني "
▪رابعا : الكازار مش هتدفع المبلغ كله لوحدها
▪البنك الاوروبي لاعادة الاعمار و التنمية قام بتمويل الصفقة دي ب 140 مليون دولار
قرض طويل الاجل لدعم الاستحواذ و التطوير للشركة الحاصلة علي الصفقة

نركز في الكلام 👈🏻 140 مليون دولار لشركة ألكازار مش لمصر
علي 35 سنة 🙄

هو اصلا الحكومة الاماراتية بتملك 18% من اسهم البنك ده اساسا
يعني هيساووها مع بعضيهم 😒😒
▪شركة ألكازار دفعت ال 280 مليون دولار

📌معلش يا چيلان احنا ممكن نفهم ايه علاقة البنك الاوروبي لاعادة الاعمار ده بالموضوع 🤔

▪انت في مصر ملكش علاقة بيه .. يعني القرض ابو 140 مليون دولار ده بينه و بين ألكازار
▪طب دخل الموضوع ازاي 👈🏻 متنساش ان الصفقة دي ضمن برنامج الطروحات بتاع صندوق النقد
و صندوق النقد احيانا بيساعد الدول المديونة له انه يجيب لها مشترين لصفقات الطروحات
ف هنا ألكازار معندهاش الاستعداد انها تدفع المبلغ كله سيولة .. بيروح الصندوق يتوسطلها عند ممول اخر يساعد معاها
و هنا وقع الاختيار علي البنك الاوروبي لاعادة الاعمار انه يقرض ألكازار
في مقابل ان الصندوق بيخلص الصفقات دي بيحصل علي عمولات من جميع الاطراف
و ده عادي و متعارف عليه 🤷🏻‍♀️🤷🏻‍♀️
عشان كده بنقول ان الصندوق هو شريك في ادارة صفقات الطروحات ... محدش بيضحك عليه و لا زفت 😏😏

♦طب رأيك في الصفقة دي :
انا دافعت عن صفقتين .. و تجاهلت صفقتين
دافعت عن راس الحكمة الاماراتية و علم الروم القطرية " بالرغم من كراهيتي المعروفة لقطر .. لكن انا مش بشخصن الامور ابدااا و الا هيبقا جهل 🤷🏻‍♀️ "
لأن الاتنين حق انتفاع و الحكومة المصرية شريكة فيهم
و تجاهلت صفقتين رأس جميلة و رأس بيناس
لأني عمررررررري في حياتي ما هدافع عن بيع متر أرض
انا مش فلسطينية .. ومستحيل هدافع عن بيع ارض عشان اخفف عبء الموازنة
ما تولع الموازنة فوق دماغك
مشكلتك انك مش قادر تجيب ايرادات متحاسبش شعب عليها 🤷🏻‍♀️🤷🏻‍♀️

لذلك بما ان صفقة جبل الزيت انتفاع ف هي كويسة بالنسبة لظروفنا لكن بدون ظروف الديون و الاحتياج الدولاري
الاحتفاظ بيها كان افضل .. لكن انت لازم تعمل ده 👌🏻👌🏻

🔸مكنش في حلول تانية للموازنة 🤔
في ظل الفكر الموجود لأ
ده اسهل حل عندهم
بيع .. أجر .. اعمل حق انتفاع
انما المفروض ان ال 420 مليون دولار دول ملاليم تقدر تجيبهم في سنة لو حققت مستهدفات الانتاج و البيع و التصدير لزوربيح المصانع اللي تم افتتاحها في خلال ال 6 سنين الماضية 🤷🏻‍♀️🤷🏻‍♀️

ده عرض لجبل الزيت بمنتهي الامانة و الحيادية
و اوعوا في يوم تفكروا اني ممكن اهاجم شئ او انتقده بدون مبرر علمي .. و لا ادافع عن شئ بدون مبرر علمي
انا الوحيدة علي السوشيال ميديا اللي بتحمل شهادات في ادارة اقتصاد الدول و الحكومات
و ده شئ يلزمني بالامانة مع اي مخلوق في اي طرح بعيدا عن شخصنة الامور لان اللي بيشخصن الامور ده جاهل مبيعرفش غير رص الكلام ... لا بيفهم معادلات و لا عنده معلومة ضريبية و لا يعرف ازاي بتتحسب القيم الدفترية و السوقية👌🏻👌🏻

بس ده سلو بلدكم
زي الجراح خريج الالسن .. و المحامية دكتورة التغذية
ف عادي اما البقالين ومدرسين الالعاب يشرحوا اقتصاد 😂😂
--------------------------------------------------------
🔷🔶 ايه حكاية منصة تصدير العقار اللي وزيرة الاسكان اعلنت عنها :
منصة زي موقع تسويق كده
هيتم تغذيته ببيانات كافة العقارات و الكومباوندات و التجمعات السكنية الموجودة في مصر
بالمواصفات و الاسعار و طرق السداد و الشركة المالكة لحق البيع و التسويق

▪بحيث ان المشتري اللي عايش برا مصر سواء اجنبي ... خليجي ... عربي ... مصري مغترب
بدل ما ينزل يدور و يشوف شركات و سماسرة
يبقا عنده منصة تسهل ده و يقدر يشتري و يحول من مكانه 🤷🏻‍♀️🤷🏻‍♀️

📌 ليه لجأنا لحاجة زي كده :
هو ده مش وحش
و في دول كتير عاملة ده
بس احنا في مصر بنعاني من سنتين من فقاعة عقارية
و التعويمات العشوائية للجنيه وصلت اسعار العقارات لاسعار مبالغ فيها ادت لركود حركة البيع و الشرا في السوق عموما 🤷🏻‍♀️🤷🏻‍♀️

"▪حد هيقولي لاااا ازاي .. ده طلعت مصطفي باع مش عارف بكام في اول يومين من الاعلان عن ذا سباين
حبيبي هشام طلعت مبيسوقش لشغله في مصر اولا .. ده بيكون مربط مع شركات تسويق برا مصر اصلاااا علي البيع بنظام المكافآت قبل ما بيعلن عن بدء البيع
ف بتكون في ناس دافعة زي عربون كده بحيث يعلن عن البيع العرابين دي تدخل حيز آلية الشراء 👌🏻👌🏻
و في مطورين عقاريين كتير كده "

▪انت كمان عمال تضخ استثمارات في الطوب و الاسمنت و نبني كومباوندات و عمارات
لكن حركة البيع و الشرا في مصر راكدة و التمويل العقاري مش قادر يواصل خلاص

طب هتعمل ايه بالعقارات دي كلها
خلاص المواطن جوا مفيش فيه امل .. بيشحت اصلا
مفيش قدامك غير انك تدور علي مشتري خارجي

زي بالظبط ايه 👈🏻 شقة في بيت عيلة و محدش من اخواتك قادر يشتريها معهوش .. خلاص هتضطر تعرضها علي حد غريب ما انت محتاج فلوس و هي مقفولة 🤷🏻‍♀️🤷🏻‍♀️

و ده اللي كنا بنقول عليه من 2024 👈🏻 نوقف بلوكات اسمنتية شوية لحد ما تخلص اللي عندك عشان السوق رايح في اتجاه الفقاعة العقارية
يا اخواننا الوحدات المقفولة دي كلها اعملوا لها طرح تأجير حكومي
اعمل لها قيمة ايجارية عادلة
وضيف عليها نسبة 25% من الايجار مثلا گ قيمة قسط
و تبقا استفادت انت اخدت التكلفة من قيمة الايجار
و اخدت الربح من قيمة القسط
و المواطن دفع ايجار في حاجة هيتملكها مش فلوس علي الارض 🤷🏻‍♀️🤷🏻‍♀️

و لا حياة لمن تنادي
و اهوووو بيدللوا عليها برا مصر بردووووو
مع ان الحل موجوووود
بس الازمة ان المصري مش هيدفع بالدولار .. و احنا اهم حاجة في حياتنا مستر دولار 😏

المنصة لسسسه لم تنشأ
ده مجرد اعلان عنها
منصة زي دي تحتاج مش اقل من 6 شهور لتجهيزها و تغذيتها بدقة و طرحها

مقالوش تفاصيل نهائي
لذلك معرفش هل هتكون بنظام العمولات و الوزارة هيكون لها نسبة رسمية او غير رسمية و لا لا
مفيش اي تفاصيل
بس هي متامشية بقا مع توجه يجوا الاجانب يشتروا عقار و اتنين و عشرة و عشرين .. احنا خلاص فتحناها علي البحري 🤷🏻‍♀️🤷🏻‍♀️

" علي فكرة العقار في مصر برغم ارتفاع سعره المبالغ فيه علي المصريين الا انه مازال من ارخص العقارات في العالم بردو بسبب فرق العملة
ف ممكن الموضوع يلاقي رواج "

و هيلاقي متقلقوش ألف مين مستني 🙄🙄
----------------------------------------------------
🔷🔶 ايه حكاية الفدادين بتاعت ساحل البحر الاحمر اللي هيتم اصدار صكوك سيادية بضمانها دي 🙄🙄

♦طب نفهم الموضوع من الاول عشان متبقاش القصة تخض :
📌 اصدار الصكوك السيادية للدول نوعين :
نوع بضمان ... نوع بدون ضمان

🔹ايه النوع اللي بدون ضمان ده :
لما بيكون التصنيف الائتماني للدول مرتفع AA+ او AAA
ساعتها بيحق لك عادي تصدر صكوك سيادية بدون ضمان لأن التصنيف ده معناه انك عندك ملاءة مالية .. و استقرار في اقتصادك
و غير متعثر
و ديونك تصنيفها آمنة
زي الصكوك السيادية الامريكية و السعودية و القطرية مثلا

🔹طب لابد من وجود ضمان :
▪ديونك غير آمنة " مش شرط خطرة علي فكرة
غير آمنة تصنيف و خطرة تصنيف تاني "
▪ تفتقد للملاءة المالية
اللي هي رصيد السيولة المرتفع
▪تصنيفك الائتماني ضعيف

و التلاتة منطبقين علينا
انا مبعتمدش التصنيف الائتماني ده لأنه مسيس دايما
يعني لو مش مسيس .. امريكا تصنيفها هيبقا CC -
لأن سقف الدين بتاعها مرتفع جداا
و كمان من اول مارس 2023 و هي تقريبا مسددتش 25% من صكوكها السيادية اساسا 🤷🏻‍♀️🤷🏻‍♀️
بريطانيا نفس تصنيف امريكا بعد موجة اغلاقات الشركات والمطاعم و تسريح العمالة
لكن بردو عاملين لها تصنيف ائتماني مرتفع

اصل الكلب مبيعضش ودن اخوه ابدا 🤷🏻‍♀️🤷🏻‍♀️

ف متشغلش بالك بموضوع التصنيف ده

لكن هنا انت من الدول الملزمة تقدم ضمانات لصكوكها السيادية .. عشان المشتري يكون عنده الثقة ان لو لا قدر الله البائع تعثر في السداد ف في حاجة ضامنة فلوسه

🔹الصكوك السيادية جزء من التمويل عن طريق الاموال الساخنة " اللي انا مبحبهاش خاااالص علي فكرة لأنها سهل تعمل ازمة مالية "

🔸يعني احنا اصلا دايما اما بنصدر صكوك سيادية بيكون في ضمان بنقدموه
الضمان اصل من الاصول .. ارباح شركة قابضة في فترة زمنية محددة .. اصول عند بنك حكومي

و دول كتير بتعمل كده
يعني مثلا الكويت لما خفضوا تصنيفها الائتماني 👈🏻 اصدرت صكوك بضمان ارباح صندوق الاجيال من عام 2030 لعام 2033

📌 السوسة بقا اللي تدور عليها 👈🏻 هو ايه يخلي الحكومة تعلن المرة دي
انه قام السيد الرئيس بتوقيع وضع 26 الف فدان من ساحل البحر الاحمر تحت تصرف وزارة المالية و ذلك گ ضمانة لاصدار صكوك سيادية
او ايا كانت الصيغة 🤔🤔

من شفافية الحكومة اوووي .. ده انتوا قمة الفساد 😏
في طبعا سبب خفي في نفس السامري " مينفعش نقول يعقوب 🙄 " ايه هو الله اعلم

انما الاحتلال الانجليزي اما اصدر صكوك لتمويل الحرب العالمية التانية فاروق وقع علي ضمانة
عبد الناصر وقع ضمانة لصكوك تمويل المجهود الحربي
السادات وقع ضمانة لصكوك سداد جزء من تمن الاسلحة للاتحاد السوفيتي
مبارك كان بيوقع علي بياض اصلا بس كانوا بيعرفوا يديروها مع بعض
مرسي كان هيوقع علي قناة السويس گ ضمانة لصكوك هتشتريها قطر لولا اتلحق

◾ يعني ده رهن مثلا 🤔
اااه اصل مرهون عند وزارة المالية لو لم يتم سداد قيمة الصكوك بالفوايد لمستحقيهم .. تؤول لهم ملكية الاصل مباشرة
او تباع في المزاد لمصلحة المستحقين

ده قانون دولي مفيش فيه فصال بيمشي علي الكل 🤷🏻‍♀️🤷🏻‍♀️

و مفيش إلزام دستوري بنشر الكلام ده في الجريدة الرسمية اصلا

◾ايه اللي بيحدد الاصل المرهون 👈🏻 بيحدده حاجتين :
▪ المبلغ المستهدف جمعه من الصكوك
▪الفئة او الشريحة المخاطبة بالصكوك

يعني مثلا في سنة 1998 اصدرنا صكوك بضمانة ارباح شركة القابضة للمياه دي لتمويل الخزينة من سنة 2002 ل 2005
و طرحها في اسواق خارجية
طبعا ده صك جاذب للمشتري ... لأن الشركة دي هتفضل تدر ارباح دوما
اهو بردو الفدادين بتوع البحر الاحمر دول جاذبين للمستثمر في الاموال الساخنة .. ف يقدر يجمع المستهدف المالي بسرعة

و احنا متعثرناش قبل كده في سداد اي صكوك
حتي صكوك الاحتلال الانجليزي سددها عبد الناصر سنة 1958 بعد التأميم لأنها كانت بضمانة محاصيل زراعية لمدة 10 سنين

لكن الهدف من وراء الاعلان و النشر علي الملأ كده 🤔🤔
دايما اللي بيعرف مشتري الصكوك .. انما كوكب الارض كله دي غريبة 🤷🏻‍♀️🤷🏻‍♀️
-------------------------------------------------------
🔷🔶 في اخبار من بنك ستاندرد تشارتد بتقول ان مصر هتحتاج تدخل في برنامج اصلاح جديد مع صندوق النقد .. ايه الكلام ده🥹🥹

📌 الكلام ده نابع من تحليل واحد اسمه د. بدر الصواف بيشتغل محلل اقتصادي في بنك ستاندرد تشارتد
🔹ايه هو البنك ده 👈🏻 ده بنك بريطاني موجود في لندن
لكن عملياته المالية 90% منها بيتم خارج بريطانيا
و بتتركز في افريقيا و المنطقة العربية و شرق اسيا
و بيهتم بالاسواق الناشئة فقط

بيملك مؤسسة تحليل اقتصادي لمعرفة توجه و حال الاسواق

الدكتور بدر الصواف ده بعد ما درس وضع مصر الاقتصادي بعد تخفيض تصنيفه من اسواق ناشئة لاسواق مبتدأة 😏😏

قال 👈🏻 و الله مصر كده محتاجة برنامج تمويلي جديد من الصندوق لكن مش هيوصل ل 8 مليار دولار ممكن 5 مليار دولار

📌 هل الكلام ده ملزم لمصر 👈🏻 اطلاقا
ده مجرد رأي تحليلي
ممكن يجي غيره يقول لأ ده محتاجين 3 مليار فقط و ممكن يكونوا من اذون خزانة
يجي محلل تالت يقول لااااا ده محتاجين 10 مليار من تمويل متنوع

ف ده نصيحة منه وفقا لتحليله
انت بقا تاخد بيه او لا ده حاجة تانية

♦في حاجة بقا تغافلها د.بدر " مع كامل احترامي له و انا معرفوش نهائيا لكن بحب احترم الاراء "
▪احنا استنفذنا رصيد وحدات السحب النقدي بتاعتنا من صندوق النقد و كمان خلصنا الوحدات الاستثنائية بفايدة اعلي
و اخدنا البرنامجين المسموح بيهم في فترة 10 سنين
يعني اصلا الصندوق مش هينفع يدينا حاجة تاني حتي لو طلبنا 🤷🏻‍♀️🤷🏻‍♀️
" الا اذا الصندوق شايف ان في حاجة مخربهاش في مصر ف هيكمل عشان يخربها 🤷🏻‍♀️🤷🏻‍♀️"

▪الحاجة التانية : احنا قولنا ان الصندوق اخر مراجعة له هي مراجعة سبتمبر/ اكتوبر 2026
اللي المفروض قبلها يكون تم رفع الدعم بالكامل عن الكهربا و المحروقات و الزراعة .. و تممنا برنامج الطروحات و فضلنا محافظين علي الدولار من 52 ج ل 55 ج
و بالتالي ناخد الشريحة الاخيرة
و ينتهي البرنامج
و يفضل الصندوق معانا بصفة رقابية عشان يضمن فلوسه و فلوس الممولين اللي هو ضمنا عندهم

طب لو معملناش الحاجات اللي فوق دي 👈🏻 يبقا مفيش مراجعة و هو قاعد منورنا و مفيش شريحة لحد ما تنفذ

طب هيدينا قروض تانية 👈🏻 ما قولنا خلااااص احنا نفذ رصيدنا
لكن اللي ممكن يعمله : انه يتفاوض لنا مع ممول اخر يدخل يدينا القرض ده و الصندوق مجرد يكون المشرف علي آليات السداد و لو مدفعوش فلوسك عندي 🤷🏻‍♀️🤷🏻‍♀️

🔸 احنا مش هنقترض من الصندوق تاني
لكن هنقترض من جهات اخري
و ده بيحصل يوميااااا
لأن معندناش حل غير كده .. احنا بنسدد الديون بديون اخري
الاستثمار السلبي في الديون 🤷🏻‍♀️🤷🏻‍♀️
و ده الميكانيزم اللي حطه جهاد ازعور مندوب الصندوق عندنا .. لأن دي سياسته لما كان وزير المالية في عهد فؤاد السنيورة في لبنان ... فؤاد السنيورة اللي خربها حرفيا 😒😒
و طبعا احنا شايفين اراء جهاد باشا الاقتصادية العظيمة و اثارها الفظيعة علي لبنان 😏😏
" ده لما اترشح للرياسة في لبنان .. مش خسر و بس و فقد الاصوات لاااا ده اللبنانيين كانوا بيطاردوه في السرادقات الانتخابية عشان يحدفوه بالبندورة و دبس الفليفلة 😏 "

يلاااا ربنا المنجي

ده عرض لكل الاحداث الاقتصادية في اليومين تلاتة اللي فاتوا
شوفوا لو في حاجة ناقصة انا تحت امركم 🙏🏻🌺

✨ موضوع مستقبل مصر محتاجة اراجعه و ادقق فيه جداااا قبل ما اكتب اي كلمة عنه .. موضوع محطات بنزين شركة وطنية بتاعت الجيش ااه اتباعت بالكامل لشركة طاقة عربية
ده اعلان ارثر نفسه و لا حول و لا قوة الا بالله
و مفيش اي تفاصيل حقيقية لسه عن الصفقة .. وانا لو هجيب تفاصيل مش هتكون ابدااا من رياسة الوزرا في مصر
هتكون من المشتري نفسه لأنها هتكون الأدق

الكام شهر الجايين لحد سبتمبر
هتسمعوا عن بيع بيع بيع .. تأجير تأجير ... حق انتفاع حق انتفاع
لأن ده برنامج الطموحات اللي احنا ملتزمين بيه في برنامج الصندوق و غصب عن ابونا هيتنفذ 🤷🏻‍♀️🤷🏻‍♀️
ف اجمدوا كده 👌🏻👌🏻

🔵 #متلازمة_الفساد_والموساد:

و ده جزء من رحلتنا للتعرف علي كيف زرعت الصهيونية بذور الفساد حولها :

♦ هنحكي قصة انهاردة عن بطلة مصرية شهيدة حبها لمصر
الدكتورة سلوي حبيب
استاذ الدراسات و البحوث الافريقية

الدكتورة سلوي حبيب مواليد 29 نوفمبر 1928
التحقت بكلية الاداب قسم التاريخ جامعة القاهرة سنة 1946
و هي في الجامعة عاصرت النكبة سنة 1948
و شافت بعيونها ميلاد سرطان مجتمعي في المنطقة اسمه اسرائيل
كانت متفوقة
سافرت ضمن بعثات الماجستير و الدكتوراة بتاعت عبد الناصر ... اخدت ماجستير في تاريخ استعمار الدول الافريقية من جامعة باريس
و رجعت اخدت الدكتوراه من مصر

عرضوا عليها تروح تدرس في جامعة باريس ... كان العدوان الثلاثي حصل
قالت مش هروح ادرس لطلبة معرفوش يمنعوا اعتداء بلدهم علي بلدي 🤷🏻‍♀️🤷🏻‍♀️

🔹وقت عبد الناصر كان التوجه نحو الجنوب كبييير جدا
و دكتورة سلوي كانت من ضمن هؤلاء العلماء اللي شكلهم عبد الناصر عشان يكونوا جناحه العلمي 👌🏻👌🏻

📌 العداء الداخلي جوا د. سلوي للصهاينة خلاها تتبع خطواتهم
▪رصدت تحركاتهم جوا اوغندا و ازاي قدرت اسرائيل تعمل مكاتب موساد جوا المدن الاوغندية
و ازاي قدرت تشتري وزرا و اساتذة جامعة ... حتي رئيس الجهاز المالي في اوغندا هو كان يهودي الديانة لكن محدش كان يعرف ان زوجته اسرائيلية و ظابط في الموساد
▪فضحت تورط الموساد في الحرب الاهلية بين القبايل الكونغولية
و رصدت ان اللي بيقود الحرب دي بيوجه المتحاربين للنزوح من مناطق معينة
و بعد بحث و تدقيق منها اكتشفت انها مناطق فيها البلوتنيوم و اللي سرقه عناصر الموساد و سفره اسرائيل
▪مكنش لسه تم اكتشاف بترول انجولا .. بس لما لقت توافد وفود اسرائيلية دبلوماسية رفيعة المستوي
و زيارات
و انشاء شركة سياحة و جمعية خيرية اسرائيلية جوا انجولا عرفت ان في شئ بيتجهز
و اما بعد شهور نزلت شركات النفط الانجليزية
عرفت ان اسرائيل عايزة حتة من تورتة النفط الانجولي
▪كتبت في الجرايد عن توسع النشاط الاسرائيلي داخل دولة الكاميرون الفقيرة للغاية
▪و كانت اول واحدة في العالم اتكلمت عن طمع اسرائيل في مياه نهر النيل و توسعها في العلاقات مع اثيوبيا
و رصدت كل المكافآت المالية اللي حصل عليها القادة و الوزراء الاثيوبيين من اسرائيل
و قالت في لقاء لها سنة 1988 مع ديلي ميل 👈🏻 اعلم ان اسرائيل تخطط للاستحواذ علي جزء من مياه نهر النيل لفقرها المائي .. وان اثيوبيا ستساعدها في ذلك
و لدي معلومات تقول انهم بصدد التخطيط لاقامة شبكة سدود تجبر دول المصب علي التعاون فيما بعد 👌🏻👌🏻

سلوي حبيب كانت عفريت العلبة لاسرائيل في افريقيا
كل ما يروحوا دولة يلاقوها قدامهم 🤷🏻‍♀️🤷🏻‍♀️

🔹طلبة الجامعة الافارقة بيعشقوا سلوي حبيب ... علاقات ودية مع كل الباحثين
بتساعد الكل انه ياخد دراسات عليا من مصر
▪بتتفاوض نيابة عن دول افريقيا مع منظمة الصحة العالمية في احقية حصول هذه الشعوب علي الامصال و اللقاحات و انهم مش حيوانات تجارب
▪ بتقدم مستندات و وثايق تاريخية تدعم حق السنغال و ساحل العاج و النيجر في رفع قضايا علي فرنسا و طلب تعويضات بسبب سرقة عشرات الاطنان من الذهب بل مئات
▪سلوي حبيب بتساعد كليات الزراعة المصرية انهم يعملوا مشروعات زراعية في افريقيا و بتفتح لهم باب الدخول بسهولة

عبد الناصر كان بيحمي سلوي حبيب جداااا .. السادات كان حاسس انها عينه في افريقيا فكان بيوفر لها الحماية هي و افراد اسرتها
و اللوا عمر سليمان كمان كان شايفها كنز معلوماتي و مفتاح سحري لافريقيا 👌🏻👌🏻

♦ألفت سلوي حبيب علي مدار حياتها 18 كتاب
" مش هتلاقوا ولااااا كتاب منهم في اي حتة 🙄 "
و عملت 2000 ورقة بحثية 👌🏻
" بردو مش هتلاقوا قصقوصة منها 🙄 .. الورقة البحثية بلغة الباحثين يعني بحث متكامل العناصر 👌🏻"

الست ماشية زي الفل اهوووو و متوفر لها الحماية و محطوطة علي الراس كمان 🤷🏻‍♀️🤷🏻‍♀️

🔘 لحد ما بدأ الفصل التراجيدي من حياة سلوي حبيب بقا
و للاسف التراجيديا مكنتش مع اسرائيل ... كانت مع بلدها مصر 😒😒

📌 سنة 1992 تنامي لعلمها ان وزير الزراعة المصري يوسف والي " اللي معين من سنة 1982 " بيقوم لزيارات سرية ل تل ابيب
بينزل قبرص و من قبرص لليونان مطار اتينا .. لمطار بن جوريون

اللي جابلها المعلومة ظابط اوغندي
سنة كااااام 👈🏻 92 👌🏻
محدش عارف ايه التفاصيل اللي حصلت ... لكن تم استدعاء يوسف والي للمخابرات العامة
و قال انه مكلف بدراسة بعض البذور الزراعية الجيدة و اللي توصل لها العلماء في اسرائيل و نقلها لمصر
و ان الرئيس عارف 🤷🏻‍♀️🤷🏻‍♀️

و بالفعل مبارك قال انه عارف
" مش معناه ان مبارك متورط
لا لا خالص 👈🏻 متغفل 👌🏻 "

اتعرضت علي مبارك في شكل ملف دراسات علمية متطورة عن 6 انواع بذور زراعية تحسن محصول القمح و الفول و البرسيم
و ان احنا منقدرش نتعاون مع اسرائيل علنا لأنك يا ريس عااارف كويس مدي حساسية الشعب من مجرد ذكر اسمها 🤷🏻‍♀️🤷🏻‍♀️
و طبعا بتوع المخابرات بيشكوا في صوابع ايديهم ... ف الموضوع ده مني لك يا ريس
و هتششششوف بعد سنتين تلاتة هنبقا في حتة تانية 🙄🙄

هنطور زراعة القمح عشان نقلل استيراده و نوفر فاتورة الواردات و نعالج جزززززء من عجز ميزان المدفوعات
عشان المواطن المصري يحس بالراحة بقااااا
و الفول و البرسيم عشان الثروة الزراعية .... انا عندي مشروع طموح جداااا
لكن معتمد علي ولاد العم لو تم في السر بيني و بينك هتبقا الامور تمام

‏( اااااه نسيت اقولكم ان يوسف والي اما اتعين في 1982 كان ترشيح جمال عبد العزيز 😎 .. مبارك اصلا مكنش يعرفه و لا حد في كوكب الارض كان يعرفه 😎 ‏)

تماااام ... الريس عارف
و نقفل الموضوع عشان ميحصلش شوشرة توصل للشعب
و هو اصلا تحت الاختبار 🤷🏻‍♀️🤷🏻‍♀️

📌 بس سلوي حبيب مقفلتش الموضوع في دماغها
الي جانب اعدادها كتابها الاخير بعنوان " تغلغل الصهيونية في الدول الافريقية "
فضلت حاطة يوسف والي في دماغها
لحد سنة 1994 لما بدأت المبيدات المسرطنة تدخل مصر
بشهادات مضروبة
كان بيعملها يوسف عبد الرحمن وكيل اول وزارة الزراعة و رئيس البنك الزراعي و راندا الشامي " راندا 🤔 " اللي كانت ملقبة بالمرأة الحديدية في وزارة الزراعة مستشار قطاع الهيئات بالوزارة
و اللي كانت مع يوسف والي بيتربحوا من شركة ديبونت المصرية بتاعت تسهيل عملية الاستيراد 👌🏻👌🏻

و في ديسمبر 1994 عرفت سلوي حبيب ان راندا الشامي سافرت اسرائيل
لكن خلاص بقا ما الريس عارف ان في ابحاث و دراسات 🤷🏻‍♀️🤷🏻‍♀️

لما دخل شحنات الترالان و الكابتان بشكل مكثف جداااا في مصر " و دي صناعة اسرائيلية خالصة .. مبيدات صنعت بغرض تسميم التربة و تدميرها "
و توالت الزيارات ل تل ابيب

و بدأ يظهر ان في مبيدات مسرطنة بتدخل مصر
بدأت سلوي حبيب تعمل قلق بقا و تكشف علاقة يوسف والي ب اسرائيل
و ان المبيدات دخل منها الكونغو و دمرت التربة فعلا في 6 مناطق تركها اهلها .. واستولت عليها شركات اسرائيلية للتنقيب

و ان المبيدات دي لا من امريكا اللاتينية و لا من اي دولة في اوروبا
و قعدت تجمع كل الوثايق اللي تثبت ان المبيدات دي دخلت الكونغو تحت براند اسرائيلي

عشان الناس تصحي في يوم حار من ايام شهر اغسطس سنة 1996 علي خبر العثور علي دكتورة سلوي حبيب مذبوحة في شقتها في الزمالك🤷🏻‍♀️🤷🏻‍♀️
و اختفاء كل الاوراق و المستندات و بروفة كتابها الاخير " توغل الصهيونية في افريقيا "

و طبعا بعد الشرطة ما قعدت تبحث وتبحث و تبحث عن القاتل ملقتوش
ف عشان نسكت الناس قالوا اغتالتها الموساد .. ما هي كانت عاملة وجع دماغ معاهم بقا 🤷🏻‍♀️🤷🏻‍♀️

لكن الجملة دي كانت عيب في حق المخابرات .. موساد ايه اللي هتدخل تغتال واحدة في شقتها بطريقة الذبح 🤔
لا معلش مش الموساد
و لم يتم رصد دخول اي عنصر غريب داخل البلد 🤔

ف اتقيدت ضد مجهول
لكن الشعب فيه ناس مسكتوش خصوصا بعد شكاوي بعض الفلاحين
ف بدأت حملة تشويه للدكتورة سلوي قادها القواد ذوي اطول قرنين في التاريخ صفوت الشريف .. يتسرب كام خبر كده للصحافة الصفرا بتاعت الفضايح

الجريمة مش بدافع السرقة ولا حاجة ... ده استغفر الله العظيم علاقة مشبوهة حبت تنهيها
ف الشعب الساذج ايه اكتر حاجة تشوه واحدة ست عنده 👈🏻 اتهام اخلاقي 🤷🏻‍♀️

دوامة كام شهر و اتنسي الموضوع
و محدش فكر ازاي ست في عمر ال 68 عام
ام لبنتين و جدة ل 5 احفاد و ارملة من 25 سنة يتصدق اصلا عليها حاجة زي كده 🤷🏻‍♀️🤷🏻‍♀️
لكن الفاسد مش فاسد لوحده .. و الخاين مش خاين لوحده
في شبكة كاملة بتسنده
و مخدماتية عليه يعووو زي الكلاب الضالة وقت ما يحب و يؤمر 🤷🏻‍♀️🤷🏻‍♀️

و راح دمها هدر
اتقتلت مرتين
مرة لما اندبحت و مرة لما اتشوهت
و اضطر هدي و مني بناتها يسيبوا مصر تماما و يهاجروا 🤷🏻‍♀️🤷🏻‍♀️

✨ لكن عند الله عز وجل الحقوق مبتروحش
الحسابات لها طريقة تانية خااااالص للتصفية

♦تنفجر القضية بتاعت المبيدات في اواخر التسعينات و اوائل الالفينات
و تظهر الفضايح بقا 🤷🏻‍♀️🤷🏻‍♀️

القضية دي كان فيها شركتين استيراد و الاتنين كانوا واخدين توكيل الشركة الامريكية و البريطانية
و اللي من 19 نوع مبيد اتسرب 6 انواع خطرة جدااااا و كانت الاكثر استخداما و نوعين بيسمموا التربة مباشرة
▪ الشركة الاولي اسمها N M Agro بتاعت رجل الاعمال هشام محمد نشأت
▪ الشركة التانية موريس آريس للاستيراد و ده اسم صاحبها

القضية دي اتفتحت و معرفوش يقفلوها ساعتها لأن عدد الاصابات بالسرطان وقتها كان تفاقم جداااا
و كان في صحفي مكنش راضي يسكت " الله يرحمه مات في حادثة ذات ظروف غامضة اسمها صفوت الشريف 😒😒 "
و لما مات الصحفي وكلاء النيابة تقريبا عاندوا بقا

و كان الاتهام مباشرة ل يوسف والي بشخصه و صفته
و هشام نشآت و موريس آريس بصفتهم اصحاب العقد اللي استمر 8 سنوات كاملة بيستوردوا المبيدات المسرطنة

▪المحكمة طلبت يوسف والي يروح
مجلس الشعب رفض يرفع عنه الحصانة
" ما هو الحكومة من الحزب الوطني اللي هو اغلبية البرلمان " .. فتحي بيه سرور بيحمي الرجالة 😒😒

لكن الموضوع مبيتلمش
الموضوع بيوسع
و كل ما المستشفيات المتهالكة متقدرش تستوعب المصابين .. و اصلا و لا كان في علاج و لا كيماوي و لا زفت و الناس بتموت
الصحفيين الشرفاء يتجننوا اكتر " ايام ما كان عندنا صحفيين بيهتموا بقضايا الرأي العام بقاااا 🙄 "

🔹 كان لازم يتعمل كبش فدا
و كل حاجة كانت بتنطبخ بمعرفة زكريا بيه عزمي امين الشئون المالية و السياسية وقتها في الحزب الوطني
و كان يوسف والي عضو في لجنة السياسات

ف كان لازم يظهر كبش فدا
و الحقيقة كانوا اتنين مش واحد

✨ اتطبخت ازاي بقااااا :
هشام نشأت و موريس آريس مكنش ينفع يتسجنوا
" عشان استراتيجية 👈🏻 انا لو وقعت مش هقع لوحدي 😎 "

ف الطبخة كانت ان ضميرهم يصحي و يروحوا يعترفوا علي يوسف عبد الرحمن اللي كان وكيل اول وزارة الزراعة و رئيس بنك الائتمان الزراعي و رئيس البورصة الزراعية
و راندا الشامي المستشارة الفنية للبورصة الزراعية و عضو اول للجنة الفحص للسلع الكيماوية و المبيدات "

و اترتبت ان يوسف والي يروح بالمستندات اللي تثبت ان المبيدات دي مسجلة في المجالس الامريكية و البريطانية
و ان القصة كلها انه عرف ان راندا الشامي و يوسف عبد الرحمن بيتقاضوا رشاوي لتسهيل استلام كميات اقل من المبرم بها العقود ... انما المبيدات زي الفل 🤷🏻‍♀️🤷🏻‍♀️
" مع في سنة 1991 الرقابة ابادارية ظبطت راندا الشامي في قضية عمولات ب مليون و 100 الف جنيه ... بس اطرمخت و يوسف والي قال راندا مجتهدة و شاطرة و دي غلطة يعني و محدش معصوم و هساويها 🤷🏻‍♀️🤷🏻‍♀️"
يعني شهد لها سنة 91 و شهد عليها سنة 2001 .. يا قلة الاصل يانا 🤔🤔

و راح هشام و موريس بلغوا عن راندا و يوسف
و بحكم القانون الراشي مش بيشيل احكام 🤷🏻‍♀️🤷🏻‍♀️

و انطبخت القضية من مبيدات مسرطنة اضرت بصحة المواطن و تربح وصل ل 123 مليون دولار
لاهدار مال عام بسسسس
و راندا اخدت 7 سنين و يوسف اخد 10 سنين .. اتخصم منهم مدد حبس احتياطي و فترة استئناف و طلعوا نص المدة

لكن المفاجأة بقا
ان يوسف والي و هشام نشآت و موريس آريس مكنوش اصدقاء كده و خلاص
لااااا سيادة الدكتور وزير الزراعة كان شريك في الشركتين
ام ان اجرو كانت حصته 22.5%
و موريس آريس كانت حصته 15%

طبعا هو لا دفع ابيض و لا اسود
دي مجرد حصص اتعملت عشان ياخد نسبة ارباح من بيزنس الشركتين اللي كان مستولي علي كل احتياجات وزارة الزراعة في مقابل تسهيل اعمالها و عقد الصفقات معاها نيابة عن الحكومة👌🏻👌🏻

🔺 الي جانب ان استهداف المواطن المصري بالسرطان كان أجندة و عرفنا ده بعد كده
إلا ان تنفيذها ميمنعش بردو ان يكون فيها لقمة عيش حلوة
و تسهيل دخول واردات بدولارات كتييييييير ... و اهو كله بيرزق يا بييييه 🤷🏻‍♀️🤷🏻‍♀️

ما هو كل أچندة هي حرب .. و كل حرب لها اغنياء الحرب
ف عادي ان يوسف والي يشارك صاحب البيزنس في الخفاء 👌🏻👌🏻

و يقعد شهور و سنين يدافع عن نشآت و موريس
و يأيدهم في وجهات نظرهم
و يشكر فيهم كمان انهم لولاهم علي الوزارة لكانت الاراضي بارت من قلة المبيدات 🤷🏻‍♀️🤷🏻‍♀️

و في اواخر 2003 تنفجر الفضايح ب 17 مرة زيارة لتل ابيب ليوسف باشا والي
و ان موريس و هشام نشآت هما البراڤان اللي المعامل الاسرائيلية بتدخل السم الهاري بتاعها لمصر عن طريقه

عشان مبارك يفوق متأخر اوووووووي انه اتغفل و ان عمر سليمان و سلوي حبيب عندهم حق
لكن بعد فوات الاوان 🤷🏻‍♀️🤷🏻‍♀️
و يمشي يوسف والي من الوزارة بعد 22 سنة كاملة
بيه و باشا و حصانة منعم مرفه معاه صحافة رخيصة و شبكة وسخة داخلية بتحميه و بتغطي فساده و خيانته

و الست اللي مخدتش جنيه من البلد ماتت مدبوحة و اتسابت لحد ما دمها اتصفي و طلع تحت عقب باب الشقة 🤷🏻‍♀️🤷🏻‍♀️

🔘 اجندة المبيدات كانت اجندة كبيرة
و الهدف منها كان تدمير التربة و حصد الموت الجماعي للمصريين
بس عمر الموساد ما كانت هتنجح فيها لولااااا وجود خونة الداخل و رجالتها في المناصب

لكن بردو مكنتش هتتلحق لو مكنش في سلوي حبيب اللي مهمهاش شئ الا وطنها حتي لو التمن حياتها 🤷🏻‍♀️🤷🏻‍♀️

رحم الله البطلة الشهيدة سلوي حبيب و شفعها فينا يوم القيامة

ياما في ضحايا كل ذنبهم هو محاربة الفساد
لكنهم أحياء عند ربهم يرزقون ... و دي المعضلة اللي عقل القاتل مش بيستوعبها 🤷🏻‍♀️🤷🏻‍♀️

ان الله حق 👌🏻👌🏻

🔵 ملامح الاتفاق بين ايران و امريكا :

معلش معللللللش تعالوا علي نفسكم و صدقوا و كده wink wink 😉😉

🔹وقف فوري للعمليات العسكرية من الجانبين
🔹 فتح مضيق هرمز امام جميع الملاحة
🔹تمديد الهدنة 60 يوم اخري
هدنة ايه ... مش اتفقتوا اهو علي وقف اطلاق النار
طب ما تعلنوا وقف الحرب 🤷🏻‍♀️🤷🏻‍♀️
🔹تسهيل وصول ايران لاصول مختارة من الاصول المجمدة
▪ حسب تسريبات روبيرو
12 مليار دولار بعد 30 يوم
ثم 12 مليار دولار اخري بعد 59 يوم
🔹تنفيذ اتفاق الانتهاء من المشروع النووي
▪ حسب كلام هيغست وزير الحرب 👈🏻 كيفية تدمير اليورانيوم الموجود لدي التدمير

📌 ترامب بيقول خلاص تم الاتفاق و هيتم التوقيع يوم الاحد
و هينوب عنه في التوقيع چي دي فانس نائبه
و بيشكر الوسيط القطري و الباكستاني

و بيعلن عن نواياه لانشاء صندوق لاعادة الاعمار .. لكن بشررررط 👈🏻 له مجلس امريكي يتابع و يراقب الفلوس دي هتتصرف ازاي
مجلس سلام جديد اهو 😂😂

📌عراقجي قال : التوقيع بات قريبا جدا و توافقنا علي البنود

♦يعني قادة الحرس الثوري اللي كانوا بيحموا المشروع النووي
قرروا الموافقة علي تذويب اليورانيوم المخصب بنسبة 60% تمهيدا لتدميره 🤔🤔

يا جددددع 🤔
هو خلاص اتزنقتوا ومش عارفين تثبتوا اسطورة القنبلة النووية فقررتوا تقتلوها 😂

طب و الشعب الايراني اللي اتحمل الفقر و الجفاف و الظروف السيئة و الفاشية الدينية في الحكم
من اجل الحلم بإننا بنسعي لامتلاك قنبلة نووية عشان نتحكم في العالم .. هتعملوا فيه ايييييه 🤔🤔
ده هيعلقوا علي المشانق 🤷🏻‍♀️🤷🏻‍♀️

و الخطبة بتاعت مجتبي خامئني 👈🏻 و لو مات كل ايران لن تموت القنبلة النووية 🤔🤔
سنجبر الامريكان علي قبول ان يحكم الشرق الاوسط من طهران 🤔

هو اقتراح التذويب ده ظهر امتي 🤔
لما بوتين عرض نقل اليورانيوم المخصب عنده و تفكيكه في حضور الامريكان
قالوا لأ .. بوتين نوووو
راح تشي بينج قال مفيش مشكلة هاتوه عندي و بدعو الرئيس ترامب لحضور التفكيك و الاحتفال بإنهاء واحدة مع اكبر مشكلات الشرق الاوسط

لا ملكوش دعوة مش هنلعبكم معانا 😎😎

✨ عموما چي دي فانس اتوجه لاوروبا دلوقت لتجهيز آليات التوقيع في چنيف
اللي هيكون يوم الاحد الساعة 11 بتوقيت سويسرا

من هنا بقا ليوم الاحد
نختبر رد فعل الشارع الايراني بعد استكمال تسريب البنود
و اعلان باقي تصريحات شهباز شريف رئيس وزراء باكستان عن الحلم النووي اللي تحول الي سراب 🙄🙄

و كمان رد فعل النتن ياهووو 🤷🏻‍♀️🤷🏻‍♀️
صاروخ كتااااا ... ولا مسيرة كتااااا

و جنوب لبنان خلاص تمام بقت في حوزة اسرائيل .. و اول امبارح دخلت الجرافات الاسرائيلية للاراضي اللي في حوض اليرموك في سوريا اللي اشتراها رجال الاعمال الاسرائيليين مزدوجي الجنسية بجنسيات اوروبية و تنازلوا عنها لدولتهم 😒😒
و تم ضمها
و رفعوا العلم الابيض في الازرق ده
ودخلت الخريطة خلاص

و كمان وسعوا هما الخط الاصفر في غزة لحد خان يونس

ف هي ماشية معاه تحت زي السكينة في الحلاوة 🙄🙄

ف خلاص بقا فاضلك ايه تاني 🤷🏻‍♀️🤷🏻‍♀️

معتقدش ان ال 24 مليار دولار هيكونوا حقنة مسكن طويلة الامد للشعب الايراني
هتبقا عاملة زي الفولتارين كده 4 ساعات و اقلب
جربوا معاها الديكساميثازون .. عظمة و الله 👌🏻👌🏻

🔵 #الاتفاق_الجملي 🙄🙄
و الجملي هو أملي 😂

اهو يا سيدي الاتفاق اتأجل من يوم الاحد الساعة 11 الظهيرة
ليوم الاتنين التاسعة صباحا

مااااااشي يا عم
مجتش من يوم .. ما احنا صابرين عليكم كتير 🤷🏻‍♀️🤷🏻‍♀️

لكن التفاصيل المهمة
مش النووي الاسطوري و الدولارات المجمدة
لا لا التفاصيل أهم :

♦ دلوقت انت يوم 7 اكتوبر 2023 اعلنت دعمك لطوفان الخراب علي فلسطين كلها " او الباقي منها "
و شوية تصريحات من فيلق القدس عن كامل تضحياتكم و فداءكم لتحرير الاقصي
" مع ان غزة بعييييدة عن الاقصي .. و المفروض تبقا العملية مقدسية 🤔
لكن معلش يمكن كنت مفكر نتنياهو هينزل علي ركبه و يقولك بخملاه بخملاه .. الرحمة يعني
و اتفضل مفتاح الاقصي اهو 🤷🏻‍♀️"

و استضافتوهم عندكم
و اسماعيل هنية سلمتوه عندكم

السؤال 👈🏻 فين غزة في مفاوضاتكم و اتفاقياتكم
▪ هل متعرفش ان القصف لا يتوقف ليلا او نهارا .. بحرا او جوا
▪ هل متعرفش ان 186 كم من مساحة القطاع خلاص انضم لأرض الصهاينة
و ان الباقي بقا فيه 5 قواعد عسكرية بيسموهم النقاط الآمنة
و ان المعابر مغلقة
و ان جدار غلاف غزة تم هدمه لتوسعة مساحة مستوطنات عسقلان و شيدروت و تحويلها لمدن صغيرة
و ان محور نتسريم بقا مع الصهاينة و بيتعمل فيه معبر لشمال غزة اللي تم احتلاله بالكامل
▪ طب متعرفش ان انجازات الطوفان في صحراء النقب هم انهم لموا البدو كلهم في قرية شمون بجوار بير سبع
و باقي النقب اتهدمت و بيتعمل فيها حاليا عمليات انشاء اسرائيلية لمجتمع جديد
حتي الحديقة التاريخية هناك اتهدت 🤷🏻‍♀️
▪ محدش بلغك ان اسرائيل استولت علي تلتين الضفة الغربية
تلت باحتلال تام و ضمها للاراضي
و تلت تم عسكرته و تحويله لمكان جحيم و سلموه للمستوطنين المتطرفين اللي حطوا ايديهم علي المزارع شمال الجليل
▪ طب تعرف ان يوم العيد الكبير الصبح اتحرك 700 مواطن من الضفة باتجاه الاردن في 73 سيارة عشان يحتفلوا بالعيد
و تركوا السيارات علي الحدود
ف راح جيش الاحتلال حارق السيارات كلها و عمل نقطة تمركز حدودي و منعهم من العودة للضفة 🤔

ايه بقا اللي قدمته لكل الخراب ده و انجازاتك يا قادة محور المماتعة .. يا اشاوس الحرس 🤷🏻‍♀️🤷🏻‍♀️
🔹مسمعناش بند بيقول معلش الحرب مش هتقف الا بإقامة دولة فلسطينية علي حدود 67 ... و لا حدود 2025 حتي
بس كنتوا فالحين توجهوا الاتهامات للدول المجاورة لهم 👈🏻 مصر يعني
اللي مااااافي محفل او مناسبة او مؤتمر الا و بتأكد علي عدم تنازلها عن الشرط ده

اااه هو شرط خيالي خلاص و معدش له وجود و معدش في حاجة اسمها دولة فلسطينية اساسا
بس اثبات للتاريخ
ان الفلسطينيين نفسهم تنازلوا عن الحق ده و نسيوه .. و مصر لم تنساه 👌🏻

مصر اللي في 28 سبتمبر 2023 جابت اعتراف من الامم المتحدة بوجود تاريخي لدولة فلسطين
و تفاوضت مع الدول كلها و جمعت اكبر تصويت بنعم في تاريخ الامم المتحدة ب 89% من الاصوات
و اقرت يومها الامم المتحدة بتبنيها حل الدولتين

حتي لو الامم المتحدة صهيونية .. و مش هتنفذ
بس انت كنت كسبت 89% من دول العالم
و ده في حد ذاته زخم سياسي
هتقدر من خلاله تطالب بحقوق الشعب ده .. بالمراوغات الدبلوماسية لأنك مستحيل عسكريا هتتفوق عليهم 🤷🏻‍♀️🤷🏻‍♀️
لكن كنت هتكسب اعلاااااان قيام دولة فلسطينية بالفعل

نفس اللي عمله عرفات مع السادات بالظبط 👌🏻👌🏻
نفس الخيانة و الخباثة و الخسة

قبل خيانتكم انتوا و ميليشيا حماس ب 8 ايام .. كانت مصر اعلنت اعتراف العالم بحق فلسطين التاريخي گ دولة و باقي الاجراءات بس

كنت اعلن دولتك و بعدها ناضل من خلال إطارها

و بعد خراب مالطا بقا
ماذا قدمت ايران 🤔
لااااا شئ 🤷🏻‍♀️🤷🏻‍♀️

📌 حتي ال 24 مليار دولار اللي هيفرجوا عنهم .. ده لوووووو افرجوا
مش هيتسلموا لهم فلوس في ايديهم يا مغفلين 😏😏
هيروحوا لمجلس السلام
اللي هيتولي يأكل و يشرب الشعب العبيط .. شعب الملطميات و شج الرؤوس
و اعادة الاعمار
هيدوهم مصروف يعني🤷🏻‍♀️🤷🏻‍♀️

🔹طب مسمعناش اننا عايزين 4 مليار دولار كمان من فلوسنا المجمدة عشان اعادة الاعمار في غزة
او بلاش اعادة اعمار
توفير مستشفيات ميدانية و خيم او كرافانات و محاربة الفيران اللي عمالة تاكل اصابع الاطفال و توفير مساعدات 🤔🤔

🔸مصر بقا اللي قرفتوها قافلين المعبر .. قافلين المعبر
يومياااااا بتدفع من اللحم الحي مساعدات و اكل و شرب و ادوية و خيم
ده غير الشباب اللي زي الفل اللي هناك من لجنة الاغاثة ... ابطال و الله
لمجرد انهم عايزين يثبتوا للعالم اجمع و للتاريخ ان مصر عمرها ما تخون و لا تبيع حق حد
و يا ريته بيطمر و لا هيطمر .. الا انه معروف في غير اهله 🤷🏻‍♀️🤷🏻‍♀️

♦بلاش يا عم غزة و فلسطين كلها
فلسطين دي اصلا سبوبة اي حد حتي الفلسطينيين نفسهم
طب اخبار جنوب لبنان اللي ضيعته ايييييه 🤔🤔